ودمدني هذا الصباح

اقتباس:

---

المشاركة الأصلية كتبت بواسطة abomazeen

يعني يا نزار يا أخوي :cool:

العيد حيكون عيد سمك سااااااااااااااي :p :p ... ولحدي هنا مافي مشكلة ;) ;)



همسة خاصة لك فقط :
عندك فكرة السمك ده ممكن ناكل ( مرارتو ) :D :D :D ولا كيف ؟؟؟ :

---

أبومازن .... سمعنا الهمسة ....... وبنقول ليك .... نحن السنة دى مع أخطبوط أنيس التوم يعنى معيدين بالكورى !!

اقتباس:

---

المشاركة الأصلية كتبت بواسطة روبش

ود الوصل ..
قالوا الخروف ب10 جنيه والضباح ب200 جنيه ..

---

هاهاهاهاهاهاهاهاها
والله يا ربوش كلامك دا ذكرني أيام ظهور الدش وألتقاط البث المجاني
الوكت داك غطا الحلة بقى أغلى من الحلة

يا شباب أترو لينا خالد ود الصول ما تكون كتاباته ودتو حته ما ياها ..
مع تقديري لخالد وما يقدمه من جهد ..

12/12/2007
عطل فني
13/12/2007
شهر أتناشر دة ما شهر تقفيل الميزانية ... كل الناس بتكون مشغولة شديد ... و كمان المرتبات بصرفوها بدري و الدور دا شهر اتناشر واقع مع العيد يعني من السبت الاحد الناس بتصرف المرتبات و بعدين الضحية طناش ... بس شهر واحد ما أربعين يوم و ناس الدين مشكلتهم مشكله ... يعني مافي اي طريقة و يفتح الله ... تسير الارهاصات قبل العيد بوتيره بطيئة ... و الكل لقي حكاية عدم الضحية حجة ... و الناس متوقعة زيادة سعر السمك و الجداد الي أقصي إرتفاع ... و سمعنا تحت تحت إنو في الخرطوم إستوردو خراف من أستراليا ... لكن العارفها انو في شركات في الخرطوم أعلنت أنها سوف تقوم ببيع خراف مضمونه مزبوحة معبأه جاهزة بس تقول بسم الله و تاكل ... و مصائب قوم عند قوم أغنياء الحرب ... الفول الدائم ... هو فطور صلاح الطاهر و صحبة ... وصلت حالات جديدة للحمي النزفية لمستشفي ودمدني ... استعانت قوات الاحتياطي المركزي بمدربين أتراك لتدريب جنود الوحدة علي مكافحة الشغب و ضبط هيبة الشارع ... كورة هلال مريخ أجلوها ... يومان عصيبان قضاهم طفل الاستاذ صلاح الطاهر في مستشفي الاطفال و الحمد لله علي التعافي و العافية ... ما زال ماجستير ا لاخ ابو بكر في مرحلة المخاض الاخيرة ... متعهدي الطيور المهاجرة في تجهير كبير هذه الايام لمقابلت الاخوه القادمين من دول المهجر ... تحيي صفحة ودمدني هذا الصباح الابنه فدوه الحسن بمناسبة وصولها أم المدائن و تتمني لها إجازة ممتعة و تذكرها بضرورة زيارة الشله ... الاحد 16/12/2007 سيتم الاحتفال في مدرسة الصم بالمدينة بتخريج دفعة جديدة من الدارسين موقع المدرسة في بداية البحوث الزراعية قبالة مركز النيل الازرق الصحي ... و مازالت مدرسة الجزيرة لذوي الاحتياجات الخاصة تحتاج لدعمكم المادي و المعنوي .. و مازالت الكاميرا تنتظر أخوان نسيبة ...

الغالي ود الصول ...

الله يديك 1000 عافيــة يا حبيبنا ...

والله كنّا ننتظر قلمك بشوق ولهفـة غريـبتـيـن!!

والله ياود الصول السنة دي يعني العيد في جهجها شديدة الله يستر ويمر علي خير وكل عام وانتم بخير

14/12/2007
الجمعة
15/12/2007
أحتجبت الصفحة لظرف قاهر
16/12/2007
صباح شتوي جميل ... لم تتغطي المدينة بالبطاطين بعد ... يدور لغط كثر في الشارع و إجهزة الاعلام ... عن الاضحية هذا العام ... و من رجال الدين من يقول لا يمكن تعطيل سنه من سنن الرسول الكريم و لو إضطررت الي زبحها و حرقها ... و يقول أن من شروط الاضحية أن تكون سليمة معافا فلو إنتقي المسلم السليمة لا يكون فيها داء و يضحي بها ... اما الجانب الاخر فيقول طالما أن البلد فيها مرض عضال و ينتقل هذا المرض عن طريق البهائم سواء أكلا للحومها أو التعامل معها أو دمها أو ريقها أو مخاطها فإنه لا ضرر و لا ضرار و تسقط الاضحية هذا العام ... إلا أن أعلنت الدولة قولا واضحا جليا بخلوا المنطقة من هذا المرض و أنه لا مشكلة من الزبح و أكل اللحوم ..ز حينها تكون الضحية وآجبة ... أما المختصيين فإنقسموا علي أنفسهم .. فالطبيبة البيطرية المسؤلة عن هذا الملف أعلنت في المزياع أنه يجب الاتي: أن يقوم المواطن بشراء الخراف التي تم حجرها لمدة 6 ايام - ان يشتري الخراف التي استخرجت لها شهادات صحية - ان يتم زبحها في المسلخ الرئيسي - وفي حالة زبحها في المنازل ان يكون الزبح تحت غشراف طبيب بيطري - استعمال القفازات و الكمامات اثناء الزبح و السلخ و التقطيع ... أما المسؤل الرفيع المستوي و الذي خاطب العالم في مؤتمر صحفي منقول علي الفضائية السودانية ... اكد كذب المواطنين و العالم بأسرة و تحدي اي واحد في العالم ان يثبت أن السودان به حمي نزفية ... و قال أن البلد خالية تماما من النزفية لذا فإن الكل يضحي عاااادي و ما في نزفية .... لا في ولاية النيل الابيض ولا في ولاية الجزيرة ... و بعد كل هذا التناقض هل أنتم من المضحيين ؟ أنا لست من المضحيين!!!! كفي الله المؤمنين شر القتال .....

حبيبنا اسعد الله صباح

وكما قال النبى الكريم
((مداركة المؤمن على نفسه حسنة))

أنا لست من المضحيين!!!! كفي الله المؤمنين شر القتال .....

مصائب قوم عند قوم فوائد .. لقيتوها باردة ونمتو بقروش الضحية .. ونحنا ضحيتنا هنا وصلت 1200ريال .. حسه نحنا الفتوة دي ما بتشملنا باعتبار انو الخرفان هنا قد تكون مصابة .. هم اي نعم وقفو استيراد المواشي من السودان .. لكن الباعوض قاعد يدخل عادي

العزيز أدمن ،،

كل عام وأنت بخير ،

ياخي مالك كابي الجرسة ،، شوف أرخص بلد ورسل القيمة تكون وفيت وكفيت ..

مع خالص تقديري لكم ..

تجار الصومال


والاشاعات !!!!!!

وكما قال النبى الكريم
((مداركة المؤمن على نفسه حسنة))

نحنا لسنا من المضحيين!!!! كفي الله المؤمنين شر القتال .....

والله ياود الصول دي كلام غريب انا محتار في الضحية الاهل في السودان السنة دي سنة عجيبة

16/12/2007
أنتهي الزمن ... ضع القلم ... لم نستلم غير الرواتب المبربحة و المثقلة بالديون ... و الصندوق و قسط المدرسة و فاتورة الكهرباء و الموية ... ليست لها أي مكان للخروف ... و حليل الحوافز و البدلات و حتي النقابات أحجمت عن أستجلاب الخراف بالجرورة و قلنا خلاص نسوق العيال و أم العيال و نعيد مع ابوزيد أصلوا ناس الشركات ديل شيكاتهم حاضرة .. كان ألقي ليك ابوزيد داقي إعلانو في باب بيتي ... قال شنو الرسول قال مضارفة المؤمن علي نفسو حسنه ... أول مرة أعرف انو الكلام دة قالوا الرسول (ص) و كنت قايل دي الوالدة الله يرحمها نجرت ليها كلام من راسها ... أها ابوزيد بي كلاموا دة ذي القال لي إفتح الله ... أها قلت صلاح الطاهر دة ما جاي من السعودية و القروش رزم رزم ... لقيتو ليك أمبارح باع ساعتو لي أستاذ بدر الدين في بيت ناس حيدر الرفاعي اصلوا مشينا نشيل ليهم الفاتحة و هو قال أداها ليهو ساااي لكن تحت تحت عرفت أنو باعها ليهو و قال ليهو أعصر لي القروش براحة خالد الصول ما يشوفهن ... و قلنا ربح البيع ربح البيع ... خلاص عينا وقعت في ابوبكر قلنا الزول كبيرنا و ساي اليطلع كرامة الماجستير الماعاوز يتحرك دة ... لقيتو برضوا يبكي قدام باب البيت مالك قال الخرفان في جدة زي النار و هو عاوز ليهو شوية نزفيه عشان تعفيهو من الضحية ... قلت ليهو يا زول أرجل و أكرب بطنك ساي ... أها قلنا ابونا ابو شوارب يعمل ليهو حركة في شكل وهمه و يرسل لينا حق الخروف حديدة ... بس لقيت ليك الكديسة لسع ما إتدلت من ضهرو و مسافة ما يقوم و يتنفض و يدخل الحمام و يكوس نضارتو تكون الضحية إنتهت و كمان كان منزل لينا صورتو بتاعت العضلات تبش ... نزلها و رفع بدل منها بتاعت اليد السفلي أخير منها اليد العليا ... قلنا ليهو الفيك إتعرفت ... بقينا قافلين ليك علي عوض صقير قلنا قبال الشفوت يلحسو يلحقوهو ود الطاهر النتلافاهو ... لكن وين الجماعة عاملين ليهو تعتيم إعلامي خطير و ما بنشوفوا إلا في سلم الطيارة و يودعنا و هو بقول مع السلام لاني راجع نهائئئئئئ ... يازول أصلو مافي مشكلة العتان (جمع عتود) دي اصلو ما مذكورة في الحمة النزفية و أنا بسمكر ليكم فتوي تجيز ضبح العتود و سف الصعوت و شراب الشربوت و نط البيوت و دس النكتوت و البحث عن الموت ...

اقتباس:

---

المشاركة الأصلية كتبت بواسطة خالد أحمد الصول

16/12/2007
يازول أصلو مافي مشكلة العتان (جمع عتود) دي اصلو ما مذكورة في الحمة النزفية ...

---

هههههههههههههههههه
عتود شنو الداير تضحي بيهو دا ياودالصول .. العتود دا الا تشرب بيهو شاي الصباح .. والله لكن جرستك عينة من رمضان تقول انا ما بضحي وانا ما مضحي وعملتها في النزفية مانفع وعملتها في عدم صرف المرتبات ما ظبطت .. قلتا ناس النقابة ما جابو ليكم الخرفان بالقسط .. اها الليله داير تقول ساعة ودالطاهر منعتك الضحية دي غايتو بالغتا فيها..
انتا كلام استاذ عصام حسين الفوق دا ما قريتو اديهو قروش العتود وخلي يرسل ليك القروش دي افغنستان ولا الصومال يضحوا ليك انت موش اصلو داير اجرها .. اوع تكون ساكي لحمها

كان بالامس لقانا عابرا
كان وهما .. كان حلما عبقريا
كان لولا انني ابصرته وتبينت ارتعاشا في يدي
بعض احلامي التي انسجها في خيالي واناجيها مليا

وانا في مشتل قنب في الحصاحيصا في منزل اختي الذي مررت به وانا في الطريق الى الجزيرة ثم الى مدني جاءني هاتف :
- آلو السلام عليكم-
- وعليكم السلام منو؟؟
- عبد العزيز ماعرفتني
- لا والله
- معاك عزيز عيسى
- آهلاااااااا عزيزانا والله سجلت ارقامك ومنتظر وصولك الليلة يوم سبعتاشر!!!
- انت وين يا بدر الدين
- انا في الطريق لمدني

دخلت حرم المدينة الجميلة قادما من قرية الطليح الخوالدة مررت بالكريبة وتعج قبالتها بالكباش وهي موضوع حديث المدينة حططت رحالى في منزل اخوتي حيدر الرفاعي وازهري الرفاعي وفتحي تاج الدين لتقديم واجب العزاء في الاخ الراحل صلاح عبد الله الرفاعي وبعد صلاة المغرب جاءني معزيا العمدة خالد الصول ومعه المفاجأة (ود الطاهر) افتقدت الشاب الوجيه القريب النسيب ابوزيد محمد نور اذ علمت ان الوقت تأخر على تسجيل زيارة له تلك الليلة ..
وتحدثنا بالهاتف مع الاخ الكريم مرتضي العركي شيلناه هموم عيالنا في الرياض ولكن سعادتي بالحديث معه كانت اكبر من كل الهموم
هاهي اللحظات تعبر
وفي مدخل الجريف بعد ان طويت خلفي طريق مدني الخرطوم تحدثني ام جمال فاحكي لها باقتضاب كنت في مدني وكنا

اتذكر خالي محجوب عوض الذي هاجر الى مصر كلما أسأل عن الاضاحي كانوا في مصر والتي يعز فيها اللحم عند شروق نهار عيد الاضحية يكتفون فقط بالتوسعة على الابناء بالدجاج والسمك .. وقد يكون الحال كذلك في مدني هذا العام اذ ان الجميع لا زالوا يتوجسون خيفة من هذا المرض اللعين بالرغم من ان الخراف تملأ الطريق بين مدني والخرطوم وتتركز بشكل ملفت في المسيد والكاملين والكريبة

ود الصول بالامس اعتذر لتلبية دعوة كريماته بالاحتفال الذي حوى ما لز وطاب وعند اتصالي به صباح اليوم وجدته في الكلينيك
ارجو ان نطمئن على صحته علما بأنه لم يأكل (اللحم)

دي الحالة ما اكل لحم يا استاذالله يستر :(

انا سمعت انه مافي بيت مضحي السنة دي في مدني

كلو بسم الله الذى
لايضر مع اسمه شئ
كل سنه والناس طيبين ومعافئيين

ياود الصول مستنين اخبار العيد في ام المدن

ود الصول

صباح الخير , أها دى حالة دى أنا الآن فى مطار الخرطوم والساعة حوالى الخامسة صباحاً وصلت بالطائرة السعودية الساعة الثانية صباحاً والآن نحن فى أنتظار العفش وعرفنا من موظف الخطوط السعودية بأن هناك عفش متخلف وسوف يصل غداً يعنى اليوم الساعة الواحدة والنصف , وأنا حيران ورأسى ضارب وجدت ناس سودانى عاملين عرض مجانى للأنترنت وقلت فرصة مابطالة نعيد بالأنترنت ما دام لحمة مافى , وكل عام وأنتم بخير

ياود الصول اها الخروف كيف

كثير من الأسر بسيدة المدائن
ضحو ضحاياهم
ونحن بالغربة نحرنا فؤادنا
الله يسلم الجميع

اللهم امين يارب العالمين

ود الصول كل سنة وانت طيب

ود الصول كل عام وانت بخير وربنا يحقق الاماني

22/12/2007
عيد بأي حال عدت يا عيد **** بما مضي أم بشيئ فيه تجديد
بشيئ فية تجديد !!!!
إرهاصات كثيرة قبل العيد و توجس و خيفة ... كل شخص يشاور زميله ويتحسس جيبة ... إشاعات كثيرة سرت في طرقات المدينة لها أرجل و أيادي و لم تكتم أنفاسها إجهزة الاعلام لشيئ في نفس يعقوب ... صارت الاجتهادات كالتقليعة و الموضة ... الدجاج بديلا للحم الضان و السمك بديلا لهم ... أو البديل هو خروف مربي في مزرعة معزولة عن الخراف ... و الكاتل الله و الحاي الله ... د. حسن الجراح المشهور خروفه مزبوح أمام المنزل و د. حيدر كذلك خروفة من الوزن التقيل حتي البروف أحمد عميد كلية المختبرات الطبية ضابح ... هذه مؤامرة علينا نحن الشعب الذي لا يزوق طعم لحم الضأن إلا في الاضحية ... أصحاب الخراف عرفوا اللعبة و رفعوا أسعار الخراف بعد أن كانت بي تراب القروش ... حتي أحجم الناس ثانيا من الاقبال عليها وهي الان بايرة بورة السواد ذي بنات الجامعة ... وكل من لم يضحي شعر بأنه إتمقلب و لا بد من عرض آخر ... و من كبار الممقلبين أخونا أبو زيد ... عدي يوم العيد ببهجته و ظهرت في تجمعات الصلاة تشكيلة جديدة من الجلاليب ذات الاطر و الخطوط تتبعها الشالات من نفس الشاكلة و الطاقية ... حركة شبابية لتطوير الجلابية و إبعادها عن الرتابة ... و متابعة الموضهو إختفت العمة لتورثها الطاقية ذات الالوان المبهرجة المتعددة والتي تظهر خلفها تلك الحلاقة العجيبة بت أعم الصلعة ... أما المركوب فقد تم إحالته للمعاش الاجباري وحلت محله تلك الشباشب الملولوه و ذات المقدمة المتقدمة التي تشبه ما يرتدية ابن بطوطة و علاء الدين في القصص الخيالية ... و من الاشياء الغريبة أنحسار نسبة كبار السن وزيادة عدد الشباب مما يعني أن البلد تمر بمرحلة الفتوة و الحمد لله ... الضباح رفض أن يشيل الجلد و قال الجماعة ديل لو لقوا عندنا جلود بجلدونا ... و ممنوع ... حليل المرارة و هي الاكلة الوحيدة التي لاتوجد إلا في بلدي نعاين ليها بي قعر عينا مغتاظين ... و الشية فقدت بهجتها بالنضوج الشديد ... و رحلة البحث عن الشربوت إستمرت ساعات و لم يتوفق أخونا أبو زيد في تزوقة ... و العاقبلة عندكم في المسرات ... ثاني أيام العيد و ما أدراك ما ثاني يوم ... هو المتعة بعينها و السحر ... أحكيها ليك بعد شوية

اى عليك الله ياخالد احكى ثانى ايام العيد وثالث ايام العيد ..نحن قاعدين هنا ..منتظرين الشمارات ..

بالمناسبه الان الان كنت مع الاخ عمر غلام الله وطبعا هو فى اجازه مع اسرته بالامارات
بسلم عليكم كتير السلام ...

قادتني الاكسنت الي منزل الاخ العزيز الاستاذ صلاح الطاهر مباركا العيد السعيد و بعد تحية أسرته الكريمة و تقديم و آجب الضيافة إنتقلنا الي منزل أخي العزيز ابوزيد محمد نور تسامرنا و إتصلنا بالاخ عماد أبو رجاء و الذي أوضح لنا أنه الان في منزل أخونا الخواجة عزيز عيسي بمارنجان فإنتقل الركب برضاء الوالدين الي مارنجان حيث قابلنا الاخ عماد ابو رجاء و اخي عزيز عيسي في حميمية رائعة جلسنا نتسامر ولا أروع ... نجتر الزكريات و تعلو الضحكات و خصوصا بعد متابعة كديسة الاخ عزيز عيسي له بالاقمار الصناعية من أمريكا ... فسمعنا صوتها و حمدنا الله أن كدايسنا لا تملك التكنولوجيا المتقدمة كالكدايس الامريكية ... وفي بحثنا المضني عن الشربوت قادتنا الخطي لمنزل الاخ عماد ابو رجاء فقابلنا رجاء الامورة الحلوة و إحتسينا القهوة اللذيذة و إحتسي اخي ابو زيد الحسرات علي الشربوت الضائع ... و من هناك توجه الركب بعد أن صرنا 5 الي منزل الاستاذ المستشار عوض صقير و الذي قابلنا بحفاوة كبيرة و كرم حاتمي فإزدانت الجلسة بحضور الاخ أنيس التوم و كبرت الشلة و علا صوت الضحكة و تسامرنا و تنادمنا و منها توجهنا الي الاخ خالد هاشم فطكان يوما جميلا جدا قضينا فيه أكثر من تسع ساعات نتسامر سمعنا فيها صوت أخونا و حبيبنا صالح أبو شوارب و اخونا العزيز نزار حسن .... الم اقل لكم أن هذا العيد أتي بشيئ فيه تجديد ...

ياخالد البوست دا كان فى قسم المشرفين جبته بى هنا لكل الاحباب

ياخوانا كل سنه وانته طيبين

قبل قليل كنت اتحدث مع احلى ناس بس اتخيلوا معاى المه الحلوه دى [*]صلاح الطاهر [*]عزيز عيسى[*]خالد الصول [*]خالد هاشم [*]عوض صقير[*]ابوزيد محمد[*]عماد ابورجاء[*]انيس التوم[*]محمد السر
ديل كلهم مجمعين فى ودمدنى اتونست معاهم وانا سائق العربيه متوجه الى دبى
نحن فى الانتظار عشان نعرف الاخبار واكثر ما اسعدنى عودة اخى خالد هاشم والذى وعدنى بانه سيكون متواجد باستمرار بعد اجازة العيد
كل عام وانتم فى اتم صحه وعافيه بالمناسبه عمر غلام الله معانا اليومين ديل وسنكون فى
انتظار عودة عزيز عيسى بمطار دبى زول فرده ود المطامير نزار حسن محمد باسطه ...

اسفي أن سقط أسم حبيبنا محمد السر سهوا فله العتبي حني يرضي و أسفي علي النسيان و البركة في ابو سفروق

شنو ياشباب كابين الجرسه والله اكلنا اللحمه وفى ناس اكلوا الكمونيه والمراره وام فتفت اها شن الراى بعد دا

كل سنة وأنتو طيبين
وربنا يحقق أماني الجميع
وإنشاء الله دائماً تامين ولا مين في رحاب سيدة المدائن
العيد عندكم والله

كل سنة وأنتو طيبين
وربنا يحقق أماني الجميع

23/12/2007
الجو الشتوي اللذيذ يدغدغ الروح ... و الهدوء التام يسيطر علي المدينة ... حركة السير منسابة بسهولة و يسر ... و الشوارع متوازنة ... و مازالت إقاليم في إجازة العيد ... عدد كبير من المواطنين لم يضحي هذا العام ... و البلد في إنتظار و ترقب ووجل من إنتشار المرض بعد الضحية ... و بعضهم في إنتظار النتيجة للرجوع للحوم و الألبان ... غالية الاضاحي هذا العام بعكس تخيل الجميع ... و في غمرة الجدال حول الضحية أو الخوف من النزفية نسي معظم الناس المشروب الاساسي في هذا العيد و هو الشربوت فصار نادر و شحيح ... لم تكتمل البهجة في خروف الضحية حيث تم حذف أهم بندين منه وهم المرارة و الكمونية ... شاهدت عربة النفايات يوم العيد و العمال يقومون بتنظيف جنبات الشارع من كازبلانكا الي محطة خالدة ... ولم تكن هناك حفلات علي مسرح الجزيرة أو الحدائق العامة و مازالت أم بارونا معطلة حتي إشعار آخر ... برامج العيد في تلفزيون و راديو الجزيرة لم تحظي بتجديد و تشويق و إثارة ... ظهرت موضة جديدة في الفضائيات السودانية و هي الفنانين صغار السن كحيانين و يرتدون أزياء غريبة ما أنزل الله بها من سلطان و اصواتهم مشاترة و يغنون بأغاني ما أنزل الله بها من سلطان لا تطرب و لا تغني من جوع ... حكومة الاقليم ممثلة غياب رهيب حتي في أجهزة الاعلام ...

ابوالدكتوره ..
البركه فى لمتكم الحلوه ..دى بالف عيد وعيد..
وفول كشك ..ولا كمونية النزيفيه..

الموضه ياود الصول صباحك سكر وكل المدناويه بخير

وانت بخير ياابوزيد

وينك يا ود الصول
ما وريتنا أخبار القعدة في شارع النيل
طبعاً أنا مشترك في جوال المنتدى على وزن ( جوال العربية )
سمعت الموجز بس عايز التفاصيل

الحضور
خالد ود الصول
انيس التوم
عماد أبو رجاء
ابو زيد محمد
فدوى بت الحسن وأخوها خالد
خالد أبو هاشم
عوض صقير
أسماء محمد الشريف

يا جماعة ..

ود الصوووووول وين ؟؟؟

صباحك فل ياود الصول
يومك جميل يارب
ابوجود