ابو علا كوفي شوب

اقتباس:

---

المشاركة الأصلية كتبت بواسطة hamad2

يا اخوانا ابو علا وين

---

حمدتو ... الراقي الجميل

تسأل عنك العافية

و نجيمات السماء البي ليل

و تسأل عنك الأفراح

يا الدخري العديل و أصيل

تسأل عنك الغيمات

رزاز مطراً نسيمو عليل

و نسأل نحن مشتاقين

لي زولاً حنين بالحيل

اقتباس:

---

المشاركة الأصلية كتبت بواسطة المميز

هههه:D ههههههههههه:D ههههههه
أنا عاوز مــلاح ورق:o

عشان صحي صحي مش حأقدر
أغمض عيني:p

*****************

---

اقتباس:

---

المشاركة الأصلية كتبت بواسطة المميز

قلنـــا نسلـّــم ونسجــّــل
حضـور


*****************

---

الغياب ماهو طبعك

يا المميز في الحضور

ليك حضور في قلوبنا دائم

بدري من قبل السحور

يوم تجينا تقول تسلم

و يوم كمان داير الفطور

( الورق ) ملاحو جاهز

إلا بس غدانا فول :p :p :p

عشان تجينا تاني بكرة

و يبقي سجلت الحضور

يا المميز في غيابك ... و في الحضور

لالالالالالالالالالالالالا

لاوالله يابوعــــلا

لالالالالالالالالالالالا

بالجد ماليك حق

لالالالالالالالالالالا

ماعهدناك كده

لالالالالالالالالالالا

ليه بس كده

لالالالالالالالالالا

ايه الحصل عليك

لالالالالالالالالا

http://up20.net/uploads/604c543f27.png

بقى ياراجل أخوك يكون معــلّــق في المنقد الساخن
ولاتجي تقيف معاهو
ولا تجي تشوف البقى عليهو شنو
ولاتجي تقول الزول ده زبوني في الكوفي
ولاتجي تقول ده زمان آزرني في اليوم الكنت
معلـلّـق فيهو في الكرسي الساخن,,

أفــا أفــا أفــا أفــا

****************

ازيكم ياناس الكوفي شوب
وتسلم ليينا يا ابوعلا
ونضمك درر

اهلا بي همس القصيد
وان شاء تلقينا اخوانك تب

اقتباس:

---

المشاركة الأصلية كتبت بواسطة همس القصيد

بسم الله الرحمن الرحيم

السلام عليكم ورحمة الله وبركاته

سلام يا اهلنا

الديمة خاته ملامكم

جاياكم جديده

عايزه اكون بيناتكم

من عصراً كبير

فى قلبى ديمة مكانكم

كايس الاخوة عديل

عاملونى زى اخواتكم

اولا الشكر ليك اخونا ابراهيم لفرد المساحة الرائعه دي , وتابعت
كل مشاركاتكم علي طول ال18 صفحة ماشاء الله عيني باردة عليكم
وفيها قالب تلج :o , ويا اخوي ود الماحي وابو علا ماقصرتوا والله
ربنا يديم عليكم الروح الحلوة ويهنيكم كمان وكمان اتحفتونا كتير
ورجعتونا لي لمة السودان وونستو الطيبة , وانتو كمان يا المميز
وسوار الياسمين وحسون ومدنية ماقصرتوا يديكم الف عافية ..
وياريت زي ماقلت تقبلوني فرد فعال معاكم في المجمع الطيب دا ..

فتكم عافية
أختكم

همس القصيد

---

مرحبتين حباب همس القصيد بيناتنا
نورتي الديار ضج الفرح في ذاتنــــا
زينتي المكان واتزينت قهواتنــــــــا
تميتي العـــدد وبقيتي من اخواتنـــا

يعني ما بتاع دوبيت والله لكن بسارق من ناس ابو علا وهم ذوى باع في شعر البادية
وابقى داخلة لا جوة

قال : أبو عُـلا

اقتباس:

---

الشايب العجوز العمرو فوق سبعينا
أصبح زي مراهق ما بلغ عشرينا
شكا البنطلون و عمل الكريم و الزينة
خلي أم العيال ليله و نهاره حزينة
ود خضر أخوي الحالة تب ما زينة
بس نعمل شنو ؟ كان جبنا بي أيدينا
سأليين الكريم بي رحمتو يغطينا
نرجع للطريق الـ ليه نحن بدينا

---

والله اتقطعت فيها عدييل يا ابو عُلا ، دا الشُغل .

نااااااااااااس الكوفي الحلوين
مشتااااااااااااااااااقين بالحيل
لالالالالالابتسألو عناااااااااااا
ولا جايبييييييييييين خبرنااااااا
ربكم مسااااااااااااامح وكريم
بس عشااااااااااااااااان خاطر
نااااااااااااس مدني السمحين

واختي همس القصيد منور الكوفي ومنورة المنتدى كلو
وايقي داخلة لي جوة البيت بيتك

ناس الكوفي سلام عليكم
وتحيه مخصوووووصه

لسيد الزوق
اخونا ابو عــــــــلا

جينا نصبح ونقول
ســــــــلام
للأخــوه الكرام

****************

الاخ ابوعلاء
كلامك بريح ويدخل الدماغ ومع كبايه شاي حسيت بنفسي قاعد في الخلا


ابوعلا كلامك موزون وجميل
يخلي الراس بدون تنباك يميل
كلامك كلام اهلنا بالحيل تقيل
موزون مابفهمو كـــــــــل زول
الاتربيه حبوبتو بالحـــــــــيل

تحية خاصة لابوعلا سيد الناس
واحلى تحية لاحلى كوفي واحلى ناس
والله معاكم احساس بالسعادة ومافي مكان لليأس

مساكم الله بالخييييييييييييير

يا أخوي الناس بقوا كتار وإنت ما فتحت لسة الكوفي شوب بتاعك دا عاوز تفتح متين ؟ ولا عاوزنا نمشي وتوزع المجاني ؟

اقتباس:

---

المشاركة الأصلية كتبت بواسطة كاتم الأحزان

تحية خاصة لابوعلا سيد الناس
واحلى تحية لاحلى كوفي واحلى ناس
والله معاكم احساس بالسعادة ومافي مكان لليأس

مساكم الله بالخييييييييييييير

---

مساء النور كاتم الأحزان

عساك مبسووووووووط

و ان شاء الله الحزنما يعرف ليك طريق

حبابك يا عشا البايتات

أبقــــــــــــى داخـــــــــــــل

اقتباس:

---

المشاركة الأصلية كتبت بواسطة الشبح

يا أخوي الناس بقوا كتار وإنت ما فتحت لسة الكوفي شوب بتاعك دا عاوز تفتح متين ؟ ولا عاوزنا نمشي وتوزع المجاني ؟

---

هلا بالشبح

بي زيارتك بيتنا نور

أبقي داخل و الكوفي فاتح بروح الطيبين

و ما بيناتنا حساب

ابقي شاركنا إبدعتك و فنونك

إذا كان الكل بقول صباح الخير
انا بقول انتو الخير لكل صباح
ياناس ياحلوين
ويا ابو علا صباحك فل وياسمين

اقتباس:

---

المشاركة الأصلية كتبت بواسطة كاتم الأحزان

إذا كان الكل بقول صباح الخير
انا بقول انتو الخير لكل صباح
ياناس ياحلوين
ويا ابو علا صباحك فل وياسمين

---

صباك ورد

يا كاتم الأحزان

و ناشر الفرحة

بالورد و الريحان

الهمس و اللحمة

رسمت في الوجدان

بسمة من لوحة

يا خلاصة الإنسان

في كل زمان و مكان

قلوبنا منشرحة

نرجاك في الأزمان

كان طيف و كان لمحة

جود لينا يا فنان

و بدد الأحزان

الفينا منطرحــــة

صباح النرجس

والياسمين

والفل

صباح

الرقة

والإحساس

من الحلوين

علينا يطل

يسعد صباحوا

يا ابو علا

ياسيد الكل

وهم العرسو ديل عمله شنوه .. يازول هوى انا معك تب من الليله...

ابو علا لو غلبك تفتح الكوفى شوب بتاعك ده ورينا نحنا بنفتحو ولازى ماقال الشبح لو خايف على الخسارة بتاعت توزيع المجانى نحنا بندفع ولوشيء رمزى .افتح

صباح الخير
عليكم

الظاهر ابو علا فتح كوفي في حته تانية

مدناوي

خطاب العبيد

كاتم الأحزان

كيفك يا روائع و الله مشتاقين

الكوفي فاتح يا حلوين بي وجودكم

و المشاركة معاكم بتكون احلي

يلا ادعمو الكوفي بإبداعاتكم

و صراحة اليومين دي نسبة لنهاية السنة المالية اخوك مشغوووووووووووول خالص

و ما لاقـــي فرصة أحك راسي

المواضيع كثيرة خالص

و الأفكار موجودة

بس المشكلة في الزمن

و أن شاء الله بكون الكوفي بنكهة جديدة خلال الفترة القادمة

لكم العتبي حتى ترضوا

و تقبلوا أرق تحياتي

اقتباس:

---

المشاركة الأصلية كتبت بواسطة abu_ola

يا همس القصيد روح الغنا الما ني
يا ست الحسان زينة بنات الحي
يا بت الرجال أهل الخلا و الصي
بيناتنا الوداد ينبض عريقاً حي


مصباح الظلام الليلة يوم طلتنا
عمانا الفرح و أتهجهت عدتنا
بق الكوفي شوب ما عرفنا وين جيهتنا
من ضوء بسمتك ولعت حارتنا

ياكي أختنا تب الخوة ما بناباها
أبواتنا القبيل ورونا ايه معناها
حاضنين الأمل و جيتك نرجاها
نار الفراق ات براك عارفاها



مرحبتين حبابك يا همس القصيد
أبقي داخلة ..... الكوفي وسيـــــع بلم الطيبين كلهم
نتمي أن تتحفيـــنا بالروائع

---

ترحيب حار بالحيل :D , سيدو مابفوت تاني منكم ان شاء الله:o :o
مشكور كتير ابو علا يارائع علي النمّه الحلوة دي ويديك الف عافية
وماعدمناك ياطيب ,,,

ودعتكم الله

اقتباس:

---

المشاركة الأصلية كتبت بواسطة ابراهيم

مرحبتين حباب همس القصيد بيناتنا
نورتي الديار ضج الفرح في ذاتنــــا
زينتي المكان واتزينت قهواتنــــــــا
تميتي العـــدد وبقيتي من اخواتنـــا

يعني ما بتاع دوبيت والله لكن بسارق من ناس ابو علا وهم ذوى باع في شعر البادية
وابقى داخلة لا جوة

---

مشكور كتير اخوي ابراهيم وتكفيني حفاوة الترحيب الصادقة :) :o
يديكم الف عافية ويديم عليكم المحبة والصلات الطيبة ..

فتكم عافية

اقتباس:

---

المشاركة الأصلية كتبت بواسطة سوار الياسمين

واختي همس القصيد منور الكوفي ومنورة المنتدى كلو
وايقي داخلة لي جوة البيت بيتك

---

مشكورة اخيتي علي الترحيب والكوفي والمنتدي منور بطلاتكم البهية وتواجدكم القوي ..
اسمي أيات الشكر والامتنان ليك ياغالية ..

في رعاية المولي

سلام يا اهل الكوفى شوب

بلقى لى عندكم بنبر فاضى ياربى ؟؟؟

نيابة عن ابو علا لوسمح لي
مرحب ياود حنتوب ومش بنبر بنابر
كلنا أخوان الكوفي حق الكل
وعلى حسابي أحلى كوباية شاي من الصباح

ولا ماكده ابو علا

اقتباس:

---

المشاركة الأصلية كتبت بواسطة ود حنتوب

سلام يا اهل الكوفى شوب

بلقى لى عندكم بنبر فاضى ياربى ؟؟؟

---

مرحبتين حبابك يا ود حنتوب

البيت بيتك

البنابر وهيـــــــــــــــــــطة

و الكوفي عامر بنفس الطيبين امثالك

و زي ما قال ليك اخوي كاتم الأحزان

مش بنبر واحد بناااااااااااااااابنر

عشان ترتاح و تشاركنا الإبتسامة

اقتباس:

---

المشاركة الأصلية كتبت بواسطة كاتم الأحزان

نيابة عن ابو علا لوسمح لي
مرحب ياود حنتوب ومش بنبر بنابر
كلنا أخوان الكوفي حق الكل
وعلى حسابي أحلى كوباية شاي من الصباح

ولا ماكده ابو علا

---

المسألة يا اخوي كاتم الأحزان

ما بتحتاج لإذن

انت صاحب بيت

و صاحب البيت ما بحتاج لى اذن من زول

و زي ما قالوا الضيف ساعة يجي زي الأســـد

ما بقابلوه إلا الرجـــــــــــــــال

و أت ياكا الراجل البتعزم على المافيشـــة

و تعشي ضيوف الهجـــعة

و ما بيناتن حساب يا الأخوي

و ود حنتــوب مننا و فينا

ماهـــو الغريب

وينكم يا ناس الكوفي

مافي زول مهببو لينا ؟؟

الأنيس سواااح

سلامات يا زول يا رئــع

سلامات عوافــي

يا خلاصة الخير الفي الناس

ترياق الزمـــن المتعافي



ليك وحشة و الله

وينك ما باين يا الغالي

زوار الكوفي الأعزاء

لكم مني أرق التحايا ؛؛؛؛

و جزيل الشكر و العرفان على دعمكم لمسيرة الكوفي شوب

أستميحكم عذراً لعدم تواجدي بصورة مكثفة خلال الأيام السابقة

و ذلك نسبة لظروف خاصة بالعمل ، ستزول قريباً بإذن الله

و حتماً سوف نرجع لبيتنا الوسيــــــــــــــــــــــــــــــع أكثر ألقاً و بهاء

مع أمنياتي لكم بالتوفيق و السداد

محـــبكم

Abu Ola

مساء الخير
وإذا فتحت الصباح
صباح الخير

ما بين الأخوان أعذار

ربنا يعينك ويسهل عليك إن شاء الله

ونحن قاعدين نسيب الكوفي ده نمشي وين

كاتم الأحزان

لك تحياتي و حبي

يا كا الراجل البتسد الفرقة

و يا ها المحرية فيك يا عشاي

الكوفي من غيركم ايه يكون !!!

*
*
*


تحياتي للروائع كلهم

و يا ود حسن و يا ود الماحي

قريب إن شاء الله بنفتح مدرسة محــو الحنكشة

*
*
*
*


سوار الياسمين ، المميز ، حسون ، مدنية ، نور العيون

أنا قيدت أساميكم في المدرسة

و لازم تجلسوا لإختبار تحديد المستوي قبل العيد

و أي واحد عندو الرغبة في الإلتحاق بالمدرسة عليه تسجيل بياناته

*
*
*
*
*


أخوانا المحاضرين و مساعدي التدريس و الدكاترة الزائرين

نرجو تسجيل بياناتكم في الكوفي

و إرفاق الشهادات العلمية

و الخبرات التدرسية

يا جماعة الكابتشينو ده لسه ما جا

رضينا نطلع فوق جيب الجبنة

القعدة معاكم سمحة وعشرة كتشينة والله سمحة

ابو علا نعل مافي عوجة
ايه الكوفي يسوي من دونك
بلاك ومن غيرك مسيخ
ونفرح نقول الليلة زورتنا
كل عام وانت بخير
احمدحمدتو

الاحباب الاعزاء ..
عمكم ابوعلاء .. كان فى ماموريه خاصه لتجديد الكوفى مع اطلالة العيد والعام الجديد .. وعنده عرض خاص بمناسبة عيد الاضحى وعيد الاستقلال وعيد راس السنه .. وانشاء الله ايامكم كلها اعياد ... مرحب .. مرحب .. والكوفى منور بناسه واهله .. يالا .. ابو علاء .. الناس راجياك ...

انحنا مستنين

ياخال


يلا

كلنا منتظرين الجديد

ابو علا
اولا الحمد لله على سلامتك
ويا ااااااااااامسخو المنتدى من دونك

وثانيا يا خوي في داعي لكشف الحال ده
مدرسة للحنكشة عدييييييييييل
كنت تخليها تحت تحت في الضرا

لاكن تصدق

حركة قوية منك انك تدخل مدنية :D معانا في المدرسة

ووووووووووب كان عرفت بي روحها انها معانا بي هنا

على الدنيا السلام

وتحياتي ليكم وكل سنة وانتو طيبين

الوجيه أبو علا
ندعم توجهاتكم لمحو الحنكشه وأقترح بالاضافه للمقرر النظري أن يكون هناك دروس عمليه (Lab Work) مثلاَ ..بل السعف والحنقوق لصناعة التباريق والسباتات والبروش...كيفيه صناعة الودك والحرفنه في استخراح الربيت...والبراعه في استخدام المخرز في كوفات الشعر والمشاط...وأناشد أن تكون المعامل مجهزه واستقطاب الخبرات من أهلنا أهل العوض وناس قريعتي راحت...

مشاققه...
نسبة لانو الحالات العندنا من الحناكيش والحنكوشات حالات متأخره وفي رواية أخري حالات مستعصيه فأناشد الجهات المختصه بعمل معسكر لمحو الحنكشه بدلاَ عن المدرسه وحظر الايسكريم والجاتوهات والهامبرقر والتركيز علي أم شعيفه والويكاب والنعيميه والكول والعصايد بأنواعها مع الاحتياط بأسعاف وغرفه للعنايه المركزه....والله يكضّب الشينه....

ود الماحي