هازول دخل الكبرى دا حق حلة الملاح بساقتباس:
المشاركة الأصلية كتبت بواسطة سواااح
لسة ما وصلنا البنوك وسوق الدهب ولأ
يعنى نكون مطمورين طول العمر وعمى نزار
وعمى عزيز عيسى يجغموا فى الببسى
ويكوضموا فى الباسطة والعسكريم ؟
عرض للطباعة
هازول دخل الكبرى دا حق حلة الملاح بساقتباس:
المشاركة الأصلية كتبت بواسطة سواااح
لسة ما وصلنا البنوك وسوق الدهب ولأ
يعنى نكون مطمورين طول العمر وعمى نزار
وعمى عزيز عيسى يجغموا فى الببسى
ويكوضموا فى الباسطة والعسكريم ؟
يا شبارقة
ما شفت لى الجنا مدناوى ؟
لو ظهر بجهجهنا
هنا اذاعه منتدي ودمدني
لقد شوهد المدعو شبارقه يتحاوم بين منتديات المنتدي لزعزعه النظام وجلب مريدين له ودعم من قبل من الاعضاء حتي يدعموه للحصول علي كرسي في تشكيل الوزاري الجديد وتفيد مصادرنا بان اسم المدعو رشح لكرسي وزاري قبل ان يقوم بهذا العمل التهوري من شغب وتحريض الاعضاء علي القياده
فهل ياتري نراه في التشكيل الوزاري الجديد بعد فعلته هذه؟
ويفيدنا مراسلنا من موقع الحدث بان المتمردين هدرو دم المسافر لوشايته وتبليغ الشرطه باسامي المتمردين ولكن تفيد المعلومات بان الشرطه قد تكذب هذه المعلومات لان بها قيادات من قياده المنتدي المتحدث الرسمي وقائد الجيش مما ادي الي بعض التوتر بين الجيش والشرطه وسوف نحيطكم بالمعلوات فور ورودها..........
وتفيد المعلومات بوجود خلاف كبير بين قيادات التمرد (المسافر ودالمطامير) واحتمال حدوث تمردمن قبل ودالمطامير وعمل فيلق له خاص لانه يري احقيته في قياده التمرد لانه ابن الشرق البارد وان المسافر دخيل عليهم
سوف نوافيكم بمعلومات وافره في الاخبار القادمه
هوي يا ابو دجانة اسمع كلامي وما تباري الجماعة ديل .... وبضيعوك وخليك مع الحكومة احسن ليك ... ممكن بعدين تكون فيها دبابير زيادة ... وممكن يوزعو لينا اراضي في مدني .... اعمل حسابك وما تباري المطاليق ديل .... اهاه انا وصيتك وانتا والفي ضميرك ..... بعدين اوعك تقول ليهم (بورتبيل) متزوجة من عووضة بكتلك كا حدستهم
... كان نفسي انضم لجبهتكم بس اسوي شنو .... انا مرتي من عووضة
أخوي بورتبيل كلام صحي علا لساني دا أقطعو ولا اسويلو شنو
وعاد اهلنا قالو الجني بيمسكو من الخرابة دا جهجهنا الله بالخرابه التسويلو شنو اقول ليك
وانت يا ود المطامير براي مسخن اي شنكبه عنكبه بقوم البع علي عماها وجربني
مش الكبري حرم و...............احم احم الجنب الكبري (دي بقت سياسه جد جد).
بيان رقم 1009
أعلن الانضام الى جبة التمرد بقيادة ( شبارقه وود المطامير )
واعلن التوجه لامداد الجبهة بالسلاح والذخيرة والامدادات المالية والعسكرية
ومازل العمل جاري للتجنيد مستمر ...
والله اكبر الله اكبر
ابو دجانة انت قلت احسن كدا لكن اعمل حسابك ديل اصلهم الشرق لكن انت تاني بتدخل حي التلفريون كيف الا بالجو يعني عرب شرق وانا حزتك منهم لكن انت ما داير تسمع الكلام.
الشريف الهندي يا اخوي مالك مشكلتك شنو انت انتو ما ناس مشاكل الناقصك شنو
برقية عاجلة للقائد الميداني ودالمطامير
عاجل ـ سري
سعادة القائد الميداني ودالمطامير .. السلام عليكم ورحمة الله ..
أولاً نحيي بسالتكم واستماتتكم في وش الحيكومة .. وقد وردتنا الشمارات التالية:
1ـ قالو لمن طيارات ناس الحيكومة رشوكم بالموية وقعتو الترع يا الفالحين، والكلام دا سبب التهاب للجيش ونزلات، والتصرف دا غلط ومرفوض.
2ـ جاءنا أن الغناي حميدان ما فاضي من لعب السيجة ، عليه سوف نقوم بسحبه من الميدان خصوصاً أن أغانيه الحماسية لا تثير سوى الغبار ، والناس خلو (الأسد النتر ) و( عاشميق حبل الوجج) (وحقي المشنقة والمدفع أبسكلي)، عليه فقد تقرر الآتي:
1ـ يسحب الغناي حميدان فوراً ويستبدل بالعضوه مدنية، لأن أغانيها حديثه وتلهب الحماس في الجيش واليكم بعض المقاطع من أغانيها (سنتر الخرتوم الفحم بالكوم والوسخ مردوم) و (حبيبي تعال تعال نتلم، خصوصاً في ظل الحوجة الى العنصر النسائي.
2ـ سوف يصلكم في أقرب فرصة جردل قرض وصفيحة زيت سمسم وملح، لمكافحة النزلة.
3ـ كل الحمير التي أصيبت في المعركة ومن ضمنها حمار حميدان ترجع الحلة فوراً ، (حميدان حمارتو مكادية وهو زاتو مكادي).
عليه نرجو تنفيذ التعليمات وموافاتنا بتقرير سريع
هنا إزاعة جبهة التمرد
إليكم البيان الجايى دا
أيها الأبطال الشجعان , إن القايد البياكل النار ( شبارقة ) محكّر هناك قدام فى الصفوف القدامية وعكازو مليان دم , وإزاعة العدو دى دايرة الخراب ليكم سدوا
منها إضنيكم بالعجين , قايدكم شبارقة هسى بجيكم ذى العصار .
وأى نضمى ما تسمعوهو من خشمو ماتشتغلوا بيهوا
ونعلمكم أن القيادة صامدة ومتحدة قولوا معاى
يحيى شبارقة .. يحيى ود المطامير
القايد الميدانى ود المطامير
والسلام .
تقول شنو ياودالمطامير الشراكة دي دايرة تودينا في دواهي ماليها حد..لكن مامشكلة وريني عيوب الحكومة ولوطلعت عيوبه أكبر من فوائده حأقود ليك أكبر فرع تمرد في العالم.
وبشوف أبورجاء والمسافر ومدناوي وأحنكم جنس حنك لأنهم بيكونوا أكبر مساعدين عندنا وبالذات لو دخلوا معانا الناس حتمشي معاهم والحكومة حتتقلب مباشرة.
هوي يا مرام يا بت احسن ليك ما تباري الناس الكضابة دي ... ولله دير ناس شرق ساكت ... ولو حصل دواس بجرو على الشرق الفاضي دا يعني من القرية 40 وانتي طالعا لفوق ... وجراين جري شبارقة وود الشرفة دا .... اعملي حسابك ولله .... وما تباريهم ... وقت الزنقة بجرو وبخلوك ..... انا غايتو لابت ساكت لا معا ديل ولا ديل .... صمي خشمك واسكتي لمن نشوف الحكاية شنو ....
الامضاء : واحد من غرب مدني .... يعني ما بتلما معاكم
والله يا بورتبيل تقول شنو دي شراكة قديمة مع ودالمطامير واتفاقيات وأنا مابقدر أكون خاينة للاتفاقيات القديمة لكن أنا برضو لسة مابقيت معاهم الا يطلعوا لي العيوب والأسباب الخلتهم يعملوا تمرد يمكن يكون عندهم حق ونساعدهم..وانت ذااااتك نجرك معانا اذا كلامهم صح!.
يا قناص الشرق نيش ود عمى دا , شغال يفرتقاقتباس:
المشاركة الأصلية كتبت بواسطة بورتبيل
فى الصفوف أها أغمض عينك كويس وأوع يجلّى
منك , أكان جلّ برميك من فوق الشدرة فاهم ؟
ها زول خلى النضمى الكتير وأمش ضايراقتباس:
المشاركة الأصلية كتبت بواسطة ابودجانه العباس
الصف داك إنهتر التقول على , هازول
السياسة ناسها عندنا ما تخاف , وماتسمع
كلام ود عمى , حرّم من هسى سينما الوطنية
حقتك .. شنكبة عنكبة .. دى كلمة السر ؟
اللّة أكبر اللّة أكبراقتباس:
المشاركة الأصلية كتبت بواسطة الشريف الهندي
أمانة ما إنت براك جيش , أمانة آشرق اللّة البارد
الليلة ما عيدك, جاتنا البركة .. جانا الخير كلو
جيب الخروف آجنا , أبقى قريب الشريف
إنت مكانك فوق راسنا ومن هسى إنت القايد
التالت . أضبح الخروف آجنا .. اللّة أكبر .
يا قناص الشرق نيش هِنى , وأديهواقتباس:
المشاركة الأصلية كتبت بواسطة محمد السر احمد
واحد صاروخ مصلّح .
عاوزة العيوب ؟ عندك شوالات ؟ أها هاك أمسكىاقتباس:
المشاركة الأصلية كتبت بواسطة moram
1.. الببسى شفتيهو وين غير فى يديهم ؟
2.. العسكريم فى زمتك أكلتيهو ؟ وهم يكوضموا فيهو
اللّة يعلم الخشيم أها جبك جبك .
3 عندنا سينما ؟
4 .. عندنا ظلط ؟
5.. البنك الوحيد اللى عندنا هو البعشوم نمسكوا القروش
يطفش نيالا لو ما كملهم ما برجع
6.. عندنا كبرى ؟
أزيدك يا شريك ولأ شنو رايك ؟؟؟؟؟؟؟؟
دا جلّ منك كيف يا قناص الشرق ؟اقتباس:
المشاركة الأصلية كتبت بواسطة بورتبيل
عِلا آود عمى ماك حريف تب
ماتجى نديك منصب ومعاهو سوق الدهب .
أيها القايد البطل رفيق السلاح .. شبارقة ..
ود التاية وصّل برقيتك العاجلة وقمت بتنفيز
أوامرك والقرض عالج الحمة بس عمل ليهم
حكحكة , وحميدان قال حرّم مكانو مايديهو ل حرمة
أكان شنو داك , يعنى عصى اللوامر , , أشنقو يا جنابك ؟
والحمير المصابة رجعتها عِلا ياكن حمارى من الصباح
حارن شان الشليقانة مصابة ورجعت ,, أشنقو يا جنابك ؟
رفيق السلاح ود المطامير
الجبهة. الكبرى .
نعارض ؛؛ ونشجب ؛؛ ونستنكر بشدة
هذا الحزب الصغير ؛ وعرس ما في ودبل مافي وكباري مافي وحرم وعلي الحرام الارفع راسوا نرشوا
نحن في راكوبة ؛؛ في قطية ؛؛ في جالوص موافقين وعرس ما دايرين
اذاعه منتديات ودمدني
السلام عليكم ورحمه الله وبركاته
من اذاعه منتديات ودمدني اليكم النشره الثانيه
اعلن الناطق الرسمي بان الهجمات التي شنها طيران المنتدي علي المتمردين اطلقت قاذفات الماء ممااصابهم بالانفلونزا والقحه والزكام مماادي الي تراجع المتمردين الي سكناتهم مع حميرهم مما ادي الي خلاف بين القائد الاول شبارقه والقائد الثاني ودالمطامير ولقد ارسل القائد الاول الي القائد الثاني خطاب زجر شديد
وتفيد المعلومات بان هنالك تفاوض بين حكومه المنتدي والقائد الاول بعيدا عن المتمردين وسحبه من المعارضه واسكاته بمنصب نائب رئس حكومه المنتدي (رشوه يعني) ( يعني اقطع راس وخلي الضنب)
واذا تحققت هذه المفاوضات يكون المتمردون اخذو خازوق كبير في قائدهم الذي يسعي الي منصب تشريفي ووشويه قروش وسياره وبيت اجار
والي الملتقي في نشره اخباريه اخري
_ ألو .. سيدى رفيق السلاح شبارقة
_ أيوة يا رفيق السلاح ود المطامير
_ سمعت رادى المعارضة قبل شوية ؟
_ لا معاى خبراء روس .
_ العدو كشف سر البرقية المرسلة منك لى
_ خلاص نفز الخطة ( ب )
_ بس أنا الفار بقى يلعب فى عبى .
_ وخلى جحرو مالو ؟
_ يا سياتك .
_ نعم .
_ عليك اللّة مشى الخواجات ديل وخلينا نتفاهم .
_ أها مشو , فى شنو ؟
_ رادى العدو قال عاوز تبيعنا وتعملها فينا .
_ أنا ؟ أفو يا رفيق السلاح .
_ يا زول إنت من دخلت الجكس فى الجيش وأنا ال... ألو ألو ألو
إنتو لسع حائمين وما قبضوكم . . .
تتفرتكوا ولا أتصل بالمخابرات ؟
بيان رقم .. 3 ..
الناطق الرسمي باسم حكومت منتديات ودمدني
الي الان لم تسفر المفاوضات السرية
بين مستشار الرئيس ووفد المعارضة
عن الوصول الي اي نتائج مبشرة
لان طلباتهم غير مسؤلة ولا يمكن تنفيذها
كل واحد من الواحد يسعي لكسب مصالح خاصة به
دون مراعاة للباقين وهذا يدل علي انشقاق في صف حركة التمرد
عليه وتعبيرا عن حسن النية قررت رئاسة المنتدي
مواصلة المفاوضات والتفاوض الي حين التوصل الي تسوية
ومراعاة للحالة الصحية المتدهورة للمتمردين
ومعداتهم العسكرية " حمير " واشياء اخري
تقرر ارسال طاقم طبي لانقاذ حياة المصابين
واطباء بيطريين لمداوة الحيوانات المريضة :mad:
انتو عايزين حرب وانتو ما قدرها ليه ؟؟
الله يطولك يا روح :D
الله اكبر .. الله اكبر .. والنصر لنا
قال عايز كبري قال .. يبقي قابلني :D
لو يدك تمسك السور بتاعو
والتاني عايزين يدوهو سوق الدهب
انتو قايلننا قاعدين اكياس جوافة !!
أتصل وبرد عليك ود السقاى وقول ليهو أبقىاقتباس:
المشاركة الأصلية كتبت بواسطة المسافر
عشرة على المخابرات ,, آلمسافر ,, عِلا ما
عندك خبر ؟ المخابرات زمان كاوشناها .