لحــــــــــن الـــــــــوفـــــــــــــــــــــاء

اقتباس:

---

المشاركة الأصلية كتبت بواسطة نفحات الصباح

يامدنيه ياستهن كلهن..
زي مابقولوا حبوباتنا..
البفوت مابجي زيو تاني...
((لكن دي ماقاعدة ثابته))
أنا عن نفسي ماممكن أتخيل مجرد خيال زول في مكانو...


وربنا يديم المعروف

---

نفحات ياغالية ما بتتخيلي دا بس عشان الوفاء طبع فيك
تسلمي علي المشاركة

اقتباس:

---

المشاركة الأصلية كتبت بواسطة salwa

مدوووووووووووووووون

موضوع رائع

ووالله يا مدون الحبيب او شريك الحياة ده لو حصل ليه زي ما قلتي

ما الترابه في خشمنا....ووووووووووووب زي ما قالت بنت النيل

والله مدون شيء حار شديد والله لا يجيب اليوم ده

وتعرفي والله جد انا بدعي بقول ربنا يجعل يومي قبل يومه لانه ما بتخيل اني بصبر على شيء زي ده

وشريك الحياة دي كلمة ليها معنى كبير شديد وما بيحسها الا من عاشها بكل المعنى وصادق ومن القلب

عموما لا يمكن ان ننسى فراقه او نتحمله

وبعيد عننا ياختي مالك علينا

الله يطول في عمرهم يارب ويخليهم لينا

وتسلمي

موضوع جميل ومن واقع الحياة

---

اسمع كلامكم اصدقكم اشوف عمايلكم استغرب

الحياة لا تنتهي بموت أحد ولكن تصحبنا الذكريات و الجميل منها فقط ....
لك التحية

اقتباس:

---

المشاركة الأصلية كتبت بواسطة ابورجاء

الغالية عمتي مدنية الطيبة الحنونة
والله يا عمتي هي لو ماتت انا العايش ليها شنو
وراها طوالي طبعا ده كلام الافلام ...
لكن لو جينا للجد الحي ابقى من الميت والذكرى
باقية الا الله عرفوهوا بالعقل يعني انا لو صغبروتي
ولسه ما شفته شئ في الحياة وهي الله يطول في عمرها
اتلحست بشوف مستقبلي وهي ربنا يرحمها ويغفر ليها ...
معليش يا اخواتنا الزمن ده زمن عقل عواطف نهي زندقي...

ودوما في رعاية الله وحفظه...
مع كل الود باقة ورد....

---

في النهاية الموت علينا حق يا ابورجاء وح يحصل ح يحصل مهما امتد العمر بينا

يعني هسي بعد كلامك الجميل دا ياابورجاء تقول معليش

بس اصلا عدم الوفاء طبع في الرجال

مشكور علي المشاركة

اقتباس:

---

المشاركة الأصلية كتبت بواسطة emad mohammed

الاخت الكريمة مدنية هذه سنة الحياة تفرق لتجمع وتجمع لتفرق ولازم الحياة تستمر بالرغم من الحزن والالم وخليك فاكرة انو ربنا سبحانه وتعالى اكرمنا بصفة النسيان . وربنا ما يحرمنا جميعا من احبائنا
ولك الف تحية جمهورية

---

اكيد سنة الحياة

وانت من خلال كلامك انك ح تنسي وتعيش حياتك مع وليف اخر :(

مشكور علي المشاركة

اقتباس:

---

المشاركة الأصلية كتبت بواسطة سوار الياسمين

لاكن لقيتكم بياااااااااااااااااااااااااااااعييييييييييييين يا ابو رجاء وعماد
تهون عليكم بعد الزمن ده كلو
لالالالالالالالالا اتوقعتها من اي زول الا منك يا ابورجا

واسه كان اتعكست الآية وبقيتو انتو الفانيين
حيكون رايكم في مكانو برضو

صحي ماليكم امان

---

وشنو ياسوار ماسمعنا رايك انتي :confused:

تشكري علي المرور

اقتباس:

---

المشاركة الأصلية كتبت بواسطة الفارس البنفسجي

النسوان حسب ظروفهم بكون الوفاء وفي نسوان كتار كان وفاءهم عالي جداً
من تجارب معاشة ، غير كدا نسبة الوفاء عند النساء اكثر من الرجال
لو ما عشانو هو بكون عشان الأولاد
لكن الرجال أكيد نسبة الوفاء موجودة لكن برضو لازم يعرسو

ودي سنة الحياة

---

احيك ياود جيرانا علي اعترفك بوجود الوفاء بنسبة اكبر عند النساء وطبعا لانك ح تكون متحيز لجنس الرجال بررت انه سنة الحياة انه الرجل يتزوج مرة اخري

تشكر علي المشاركة

اقتباس:

---

المشاركة الأصلية كتبت بواسطة تسنيم خالد

مدندن
والله مبالغة الفكرة دي جاتك من وين ودي تحطم الانسان كلو كلو وما تخلي ليهو فرقة
انا عن نفسي ولا بقدر اتخيل دة مع انو علينا حق بس بقول ربنا يجعل يومي قبل يوم
الناس البحبهم..ويحفظهم لي من كل شر..وصراحة مااعرف حاعيش باقي حياتي كيف
قد اتزوج عشان الحياة تستمر بس يبقي مافي القلب في القلب وقد اتزوج دي ختي تحتها
الف خط احمر..لكن انسي لاااا دة المستحيل بعينو



دمتي

---

الموت هو الحقيقة الوحيدة الثابتة في الدنيا يا يام باسل وهو حق علينا طال عمرنا او قصر

احيك والله علي وفاءك دا بس ياربي لو الصورة اتقلبت زي ماقالت سوار لابورجاء وعماد ياربي ح يكون رده نفس ردك دا ؟؟؟ :confused:

تشكري علي المشاركة

مدون
من غير تعليق

اقتباس:

---

المشاركة الأصلية كتبت بواسطة salwa

مدوووووووووووووووون

موضوع رائع

ووالله يا مدون الحبيب او شريك الحياة ده لو حصل ليه زي ما قلتي

ما الترابه في خشمنا....ووووووووووووب زي ما قالت بنت النيل

والله مدون شيء حار شديد والله لا يجيب اليوم ده

وتعرفي والله جد انا بدعي بقول ربنا يجعل يومي قبل يومه لانه ما بتخيل اني بصبر على شيء زي ده

وشريك الحياة دي كلمة ليها معنى كبير شديد وما بيحسها الا من عاشها بكل المعنى وصادق ومن القلب

عموما لا يمكن ان ننسى فراقه او نتحمله

وبعيد عننا ياختي مالك علينا

الله يطول في عمرهم يارب ويخليهم لينا

وتسلمي

موضوع جميل ومن واقع الحياة

---

سلوي ياغالية بعد الشر عليكم وانشاء الله بعد خرف زي مابيقولوا

لكن الموت دا علينا حق لو طال العمر او قصر

وبحي فيك الوفاء ياسلوي واصلو النساء طبعهن الوفاء

تشكري علي المشاركة

اقتباس:

---

المشاركة الأصلية كتبت بواسطة مدنيّة

اكيد سنة الحياة

وانت من خلال كلامك انك ح تنسي وتعيش حياتك مع وليف اخر :(

مشكور علي المشاركة

---

استمرار الحياة لا يعني النسيان الكامل حا تفضل الزكرى الجميلة موجودة مع استمرار الحياة وما ممكن الحياة تقيف ونفضل عايشين على الزكرى

اقتباس:

---

المشاركة الأصلية كتبت بواسطة سوار الياسمين

والرجال ما يعدي كم شهر الا في وحدة في بيتو

---

يابت دا انتظر كم شهر زاتووووووو
والله في نوعية بعد (15) يوم تلقيها تفكر في البدائل

اقتباس:

---

المشاركة الأصلية كتبت بواسطة شبارقة

الحياة لا تنتهي بموت أحد ،،،،،،

والا لكانت انتهت بموت أفضل خلق الله صلى الله عليه وسلم ،،،

لا نستسلم لليأس ،، بل نفتح شرفة من شرفات الأمل ونواصل الرسالة ...
***
لك كل الود

---

اكيد الحياة لا تتوقف بموت احد
بس لية ياشبارقة انتو بتواصلوا الرسالة واحنا نتوقف علي ذكرياتنا معاكم !!! :confused:

مشكور علي المشاركة

اقتباس:

---

المشاركة الأصلية كتبت بواسطة moram

طبعا ده هو الحاصل انو أغلب النسوان عندهم الوفاء أكتر من الرجال لكن الحياة برضو ماشة.
يامدنية أختي ماقلتي لينا عنك انتي؟!

---

وبرضو يامرومة يجوا يقولوا اننا ما عندنا وفاء :(

بعزف لحن الوفاء عائشة علي ذكرياتي معه وبجد كلامي دا ماشعار ساي يامرومة

تشكري علي المشاركة

اقتباس:

---

المشاركة الأصلية كتبت بواسطة moram

انت يا أبو رجاء يعني مامكسر فيها؟؟؟!:eek:
وبعدين شنو الأنانية دي هي توفي ليك وانت ولا يهمك؟!:confused:

---

يامرومة ماتزعلي اصله ياهو دا حالهم

اقتباس:

---

المشاركة الأصلية كتبت بواسطة ابودجانه العباس

مدنية الغالية..(والله ما قصدي احول الموضوع لهزل)

بس أقري النكته دي عشان بتعكس لسان حال كتير من الناس:

ولد ساق أمه الحج وفي الطواف عشان هي كبيره شاله

في كتفو قام واحد من الجماعه الجنبو قال ليه:

ياخ امك دي شايله ليه دي لسه سغيره عرسوا ليها

هسع ترجع شباب تاني..

الولد قال ليه عرس شنو يا حاج؟؟الحاجه دي كبرت خلاص

امو من فوق طوالي ضربتو في راسو..وقالت ليه:

أجي ياااا ولدي ..بتعرف أكتر من ناس مكه...




(انشاءالله تكون وصلت)...ودمت

---

دي النكتة ياابودجانة لكن الواقع شنووووووو ؟؟ :confused: اظنك عارف كويس انه الواقع نقيض النكتة دي

تشكر علي المشاركة

اقتباس:

---

المشاركة الأصلية كتبت بواسطة امل حياتى

ربنا يطول فى اعمار الجميع مدنية انت مالك بتاعت كوارث كده

---

الموت علينا حق ياامل حياتي ان شئنا ام ابينا

لكن ما وريتنا ح تعمل شنووووووو

تشكر علي المشاركة

اقتباس:

---

المشاركة الأصلية كتبت بواسطة المسافر

طبعاً أنا حأبدأ ليك القصة بالمقلوب
أنا مثلاً لو كنت على فراش الموت
أول طلب ممكن أطلبو من زوجتي
إن كانت لسع فيها رقشة هي أن
تتزوج . . .
لكي تستمر الحياة فلاتفقدني
وتفقد متعبة الحياة التي قدرها
الخالق . . . واليبقى الوفاء
في الخاطر . . .
فلن أستفيد بوفائها شيئاً
ولن تستفيد .
فما تسمعي كلام الجكس
ده نفحات وسوار وتسنيم وسلوى ومرام
دي إشاعات ساي وبعدين في الأربعين
تكون مجكسة غيرو .

ودمتي

---

والله يالمسافر ياخوي اللي قلت انك بتعمله دا ماقاعدين يعملوه اخوانك
لكن كلام الجكس اللي قلته دا هو اللي حاصل
تشكر علي المشاركة

اقتباس:

---

المشاركة الأصلية كتبت بواسطة ابودجانه العباس

واحد من أخوانا ال(..........)علي فراش الموت
فطلب من أولادوا إنو لو مات يعرسوا أمهم لي فلان من الناس
فسألوة ليه إخترت فلان دا بالذات.
فقال ليهم :قبل كدة عامل فيني مقلب وداير إسدا فوقو..
(شفتوا الوفاء كيف)هااااهاااااااااهااااااا قال وفاء قال..

(تسنيم,سوار,أم أحمد,نفحات,مرام) أبقن عشرة علي رويحاتكن يا بنات أمي..
ودمتم..

---

يكون المسافر لما قال بوصي زوجته وهو علي فراش الموات انها تتزوج غيره يكون عايز يتسدا المقلب

ودا اعترف صريح منك ياابودجانة بعدم وجود الوفاء عند الرجال

اقتباس:

---

المشاركة الأصلية كتبت بواسطة امير عبدالباقي

الاخت مدنيه
والله موضوعك جميل وحساس جدا ؛ لو نظرنا للواقع نجد النساء وخاصه السودانيه مابتتزوجو لما زوجها يموت وتقعد باقي عمرها تربي الاولاد والقصه ماقصه وفاء لكن خوفها علي اولادها هو السبب
اما الرجال ليهم حق هو بكون مشغول مع مصارعه الحياه اليوميه يعني مابكون فاضي ويخلي بالو من اطفاله عشان كده بنجد كثير من الاسر يقومو بعمليه ( التعويض ) اي بعوضوهو باختها عشان بتكون حنينه علي اطفال اختها
ولاكلامي غلط

---

طب ياامير هي زااااتها مابتصارع في الحياة لانها بتربي ليها في يتامي

وهي لما تمسك اولادها عليها وتصارع الحياة تبقي القصة ما قصة وفاء لكن هو لما يتزوج بالتعويض او غيره بكون عشان هو مافاضي !!! :(

تشكر علي المشاركة

اقتباس:

---

المشاركة الأصلية كتبت بواسطة سواااح

لا تغرق مع المركب

طالما هناك امكانية للنجاة !!

---

سواح احيك علي الصراحة جبتها علي بلاطة زي مابيقولوا

تشكر علي المشاركة

اقتباس:

---

المشاركة الأصلية كتبت بواسطة سواااح

سلوي ..

ها انت تعزفين لحن الوفاء الابدي

ولكن هل في لغة العشق شئ اسمه الابد !!

---

شوف بالله ياسواح هي تعزف لحن الوفاء الابدي وشوف ردود الرجال


يوجد في لغة العشق شئ اسمه الابد ولكن عند النساء فقط

اقتباس:

---

المشاركة الأصلية كتبت بواسطة خطاب العبيد

والله يامدنية الموضوع جميل فى حدذاتو بس دى مابتتحدد الاعن طريق الشخص الهواعايش الموقف ده ومدى نسبةالوفا فيه والحالة الشخصية له عشان كده من المفروض انو لورحل احدالطرفين ماتتوقف الحياة عندالطرف التانى والعكس .
مافى رجال بتزوجو بنات صغارفى السن والفارق اقل شيء بكون 20-25-طيب فى حالة زى دى البنت دى حتعمل شنو هل حتعيش بالوافاء لزوجهاالميت وتتوقف الحياة عندالنقطة دى وتحرم نفسها من زينة الحياة الدنيا .



فى حل تانى نرجع لزمن الفراعنة وندفن المرة مع راجلها الميت رايكم شنو عشان يفض الوفاء الى الابد خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخ

---

تتخيل ياخطاب المراة ممكن ترجع لزمن الفراعنة وتدفن مع زوجها

مشكووووووووووور علي المشاركة

اقتباس:

---

المشاركة الأصلية كتبت بواسطة محمد السر احمد

الاخت مدنية الله ما جاب اليوم دا لكن لا مفر منو و الموت حق علينا كلنا لكن علي حسب الموقف البكون فيهو الزول او الزولة
وتسلمي كتير علي الموضوع البوجع القلب دا

---

زي ماقلت ياود السر الموت علينا حق

وشايفاك يعني خليتها للظروف ماعملت زي باقي اخوانك وصرحت :confused:

تشكر علي المشاركة

اقتباس:

---

المشاركة الأصلية كتبت بواسطة emad mohammed

اسمع كلامكم اصدقكم اشوف عمايلكم استغرب

---

والله كلامنا وعمايلنا زي العجب ياعماد ياخوي