ابـتـسـمـ .. انـتـ .. فــي ودمـدني !!

الف حمد لله علي السلامة
ومبروك الزواح وانشاء الله بيت مال وعيال
قول امين:D

اليوم اشرقت الشمس كعادتها .. مثل كل يوم
اشرقت وهي تمنح دون انتظار مقابل
اشرقت وهي تشرق لتمنح الحياة للجميع
الحياة للجميع دون استثناء ..
طفت شوارع مدينتي ووجدتها
وجدتها كما هي كما تركتها
ما عدا شارع النيل .. اقاموا فيه حدا فاصلاٌ
حدا تلحظه بوضوع وانت في طريقك للسوق الشعبي
الناس ..
الشوارع ..
البيوت ..
وشئ من حزن دفين يسكن بالقلب .. بالعمق منه
افلتت مني اهـ الم .. في لحظة غفلة
مستشفيات وصروح شيدت وهي يكسوها الجمال
ولكن اسمها يتبعه " عسكرية "
وان خفي ذلك في اللوحة
فان العسكرية تكون ادارة خفية
ويبقي ان نتذكر جميعا ان نبتسم فاننا .. في .. ودمدني ...

يا ماشي لسنكات اغشي الشانزليزي وجيب لي معك باسطات والف مبروك ياحبيبنا جوالك خارج الخدمه

الحبيب سواح
مبرووووووك
ظاهر العسل في كتاباتك
متين لحقت تكمل العسل ** وتترسل تجيب البصل

اقتباس:

---

المشاركة الأصلية كتبت بواسطة Madanawi

حمدلله الف على السلامة .. وربنا يجعل ليك في كل خطوة سلامة .. وابقى زي ما وصيتك يا الحبيب ،، افتقدناك كثيرا .. ونسأل الله كثيرا أن يتمم مقاصدك بكل التوفيق فانت تستحق الدعوات الطيبات .. وتحياتي لك وعبرك لكل الاهل والاحبة وكل شبر من ارض المحنة .

اجازة سعيدة ، ودمت سواااح

---

صديقي . مدناوي ..

اليك تحياتي قدر ما تشتهي
الدعاء ان يجيب الله مقاصد الجميع
ولك دوما عاطر تحياتي
وجميل اشواقي

دمـــــــــــــــت ،،

المساء جميل بمدني
لكن ان كان الجوء صباحا حارا
فاحذر فانه مساءا اما حار
او المصيبة الكبري .. غبار لا تجد له نهاية
هدوء
سكون
امان
الفة
بساطة
روعة
ونسيم يعبي رئتيك هواءا عليلا
لكن احذر التسوق مساء
فان مدني .. تنام مبكرا !!!!
وابتسموا .. فانتم ..في .. ودمدني !!

حبيبنا سواح شنو يعني نحنا ما في مدني وقلنا اغشونا يعني شنو
ما شايفنك ولا انت مع الهدوء
سكون
امان
الفة
بساطة
روعة

اول من قابلت .. في مدني
كبك " محمد مصطفي "
ثم قابلت التيمان وما عايز اقول وين
عشان مافي داعي للفضائح ..

اتصال هاتفي من صول سودان
تشعر معه وبكل بساطة .. بالالفة
وكان بيننا الوعد باللقاء ..

اتصال اخر من رائع ..
يوسف السلامي
رجل ملؤه .. الفرح والدعابة ..
وايضا كان بيننا الوعد باللقاء ..

اتصال من جميل آخر
ابو النور " انور "
وان هناك اصار علي اللقاء
وكان ان تم اللقاء به في نفس اليوم
والبسال .. ما بتوه !!!

اقتباس:

---

المشاركة الأصلية كتبت بواسطة الشريف الهندي

الف حمدا لله على السلامه ياسواح ... واجازه جميله انشاء الله
والف مبروك مقدما الزواج وربنا يتم ليك على خير
اتذكرت واحد صاحبي يوم عيزومته قلت ليهو ربنا ينم على خير انشاء الله وزواجو كان تاني يوم طوالي ..... فرد وقال والله لو ما تم بعد ده تكون مشكله كبيييييييره هههههههه
كل سنه وانت طيب ياغالي وكل لحظه وانت في احسن حال وكل يوم وتشوف كل الاهل والاحباب
في شواق متزايد انشاء الله ..... ولشهرزاد الخير ألف أمنيه في ألف أمنية بزواج سعيد ولك ايضا ......... كن بخير صديقي ...

---

الشريف الهندي ..

اين انت يا صديقي ؟؟
والله يبارك فيك
وعقبال ما نبارك ليك انت كمان
وطبعا الايام دي المطر
ما يديك الدرب
بس ابقي طالع عشان تشوف بنفسك
وحاتك .. كا يوم مطرة

دمـــــــــــــــــــت ،،

اقتباس:

---

المشاركة الأصلية كتبت بواسطة ابوالنور

وانا اقول مدني منورة ليها كم يوم كده مالا اهو انت بداخلها

مرحب بيك والله اخونا سواح وربنا يتمم ليك بي العافيه والسلامه يا رب

---

ابو النور ..

مدني منورة باهلها
وعقبالك انت كمان
اكيد حنتلاقي كمان وكمان

دمـــــــــــــت ،،