عرض للطباعة
اخونا العزيز جلالة
لقد تشرفت بالعمل لمدة سنة بمدينة الحوش وقد تجولت في جميع قرى المدينة وفي ام تريبات وجدت كل الطيبة والكرم والاصالة . واصدقك القول اخي جلالة بأن فترة العام التي قضيتها بالحوش كانت من اجمل فترات عملي . لك مني كل الود ولاهلي بام تريبات خالص التحايا .
مرحب .. بالعمده .. عمدتنا .. حبابك ألف .. تعال نديك .. مربوع في ام تريبات ... وحاجات تانيه .. بس ما تسمعنا وزارة الداخليه .. أعتبر .. ياعمده أم تريبات حلتكم التانيه .. بس انت تعال ... ما بنقصر معاك تب ...اقتباس:
المشاركة الأصلية كتبت بواسطة emad mohammed
الرائعون جميعاً
الرائع جلالة - ما تصدق - لكم مني كل الود
وطني لك اسفى دوماً اني آتيك متاخراً.... فلتمس لي العذر .
ام تريبات .. لن اوفيها ان كتبت من هنا حتى انتهت الحروف .. اقول باختصار انها كانت معملاً لصنع اجيال واعية في كل شيء كنت في السادسة من العمر حين شاهدت اول مسيرة تنديد بسياسات البنك الدول ... ولن يحكمنا البنك الدولي داون داون U.s.a ...... كان ذلك منذ زمن بعيد .. وكانت الاسابيع الثقافية التي يقصدها الناس من كل فج وصوب لحضور فعاليات الاسبوع الثقافي .. كنا نصحوا صباحاً على انغام ود الامين يشدوا من مكبرات الصوت من داخل المعارض بالمدرسة المتوسطة بالملحمة والثورة انطلقت شعارات ترددها القلوب .. والامسيات كما الاحلام الجميلة والندوات عن الاثار السلبية لختان الاناث والايدز .. والمسرح يزدان بالنصوص المسرحية والاسكتشات ومسرحياته لا زالت عالقة في الاذهان -مطر الليل - القوقعة الفارغة -وكورالات رابطة طلاب وخريجي الجامعات والمعاهد العليا تشدوا -اليوم نرفع راية استقلالنا - وآحلالي القبل شال شبال ... لمع برق المهيرة - وسميت المدن النايمة المدن التصحى في حين تتلقى خطى العمال اصوات الفلاحين -
والعصاري تشهد مباريات كرة القدم وكرنفالات الاطفال والتشجيع الجميل - الهدف الاول آت وانا كل ايمان .. من ضربة راس ات او ركلة رجل ات او باص بيني آت - وام تريبات ياربوع سودانا نحييك وانت كل آمالنا نحييك في القرى والبادية وفي كل الاراضي الهادية ... وفي الميدان زهورك نادية وتهواك النفوس ليك راضية -
هي الجميلة دوماً امي ام تريبات ولنا عودة
حبيب قلبى .. جلاله ..
عندما يتسرب إنسان إلى دواخلى بكل محبه
تجدنى أتساءل .. ياربى هو من وين فى السودان الحبيب ؟
واليوم لأول مره عرفت من أين أنت ؟
الله يحفظ لينا أم تريبات التى أنجبت جلاله وحبيبنا معز وباقى العقد الفريد .
امبارح احنا زاتنا دعينا عليكم هي اقصد دعينا ليكم :Dاقتباس:
المشاركة الأصلية كتبت بواسطة جلالة
مبارك علينا كلنا المربع الذهبي
مربوعك دايرنو تب بس الحاجات التانية خليها بيني وبينك بس (القطر فيهو مفتش)اقتباس:
المشاركة الأصلية كتبت بواسطة جلالة
بلدي أمان ، بلدي حنان وناسا حُناناها
يكفكفوا دمعة المفجوع
ويبدّوا الغير على زاتم
يقسموا اللقمة بيناتم
ويدّوا الزاد حتن كان مصيرم جوع
يحبّوا الجار
يموتوا عشان حقوق الجار
يضوقوا النار عشان فد دمعة
وكيف الحال لو شافوها سايلة دموع!
ديل أهلي .. واللــــــــــه ديل أهلي
البقيف في الدار في نص الدار
وأقول لي الدنيا. كل الدنيا ديل أهلي
عرب ممزوجة بي دم الزنوج الحارّة
ديل أهلي .. ديل قبيلتي لمّن أدور أفصل للبدور فصلي
ديل فصلي
أقول بعضي
ألاقيهم تسرّبوا في مسارب الروح
بقوا كولي
ألاقي قلبي والإحساس
وسافر في بحار شوقم زمــــان عقلي
أنا محل قبّلت ألقاهم معاي ، معاي زي ضليّ
أنا لو ما جيت من زي ديل كان وا أسافاي ، وا مأساتي وا زّلي
تصوّر كيف يكون الحال لو ما كنت كاهلي .........
عليكم الله ما تدخلو لينا حلتنا دي معاكم انشاءالله ناس عبدالله ود الهادي ولا حبوبتي بتفلفل
معز ... ود حلتنا .. لك الود وكل الموز .. بى سابيطو .. أهل مكة ادرى بشعابها:pاقتباس:
المشاركة الأصلية كتبت بواسطة ود ام تريبات
حبيبنا .. عمي ود المطامير ... يا رايق ... ويا سايق أرح ودينا للرايق ... لك انت وحدك ألقك الذي نستمد منه روح العطاء .. يا متسربا .. حتى الثمالة بالدواخلاقتباس:
المشاركة الأصلية كتبت بواسطة ود المطامير
انشاء الله عقبال الكاس ... لكن أنا سمعت تحت تحت قالوا ما عندكم مربع ذهبي .. دايرين الاول فقط .. راي فني:pاقتباس:
المشاركة الأصلية كتبت بواسطة مدنيّة
معزوجلالة
ياخى امتريباتدى بالغت
تجيب ناس تمام
قلبهم حار
وهم ناس حارة
يسدوها ويقدوها ويجيبو القطر فى مواعيدو
وكمان هلالاب
والله شغلكم نضيف
[COLOR="Sienna"]حبي عشقي أنتم ....أهلي وناسي وبيتي
ناس المنتدى أحييكم وأهلا بيكم في رحاب أم تريبات
أهلا بيكم أهل دار واسياد ديار كللللللللللكم وحتى دعوب كمان أهلا بيهو
يا ناس الحلامابي وود البشير وود المطامير اهلا بيكم وناس رضا وعبد المنعم وزعمينا محجوب ....أهلا بيكم .... وانتو يا الهناك والهنا أهلا بيكم
ويا جماعة بعد ما وصلتونا من مدني بالشارع الما طويل ديه برضو نكرمكم ونديكم شوية معلومات...وعثمان جلالة (جدالا) والزعيم المعز ما قصرو تب....لكن أضيف شوية كلمة ......
..........
أصل السكان "أبالة" يعني كانو من رعاة الابل.... ودائما الراعي يختار هذه المهنة لما فيها من الحرية وتفعيل الفكر والراي.....الرعاة دائما يتمنعون على القيود ....سواء كانت فعلية مجازية مكتوبة أو مقلوبة.....وعشان كدا أم تريبات مع كبر حجمها ومكانتها بين أخواتها في المنطقة لا تجد فيها نقطة شرطة منذ تاسيسها مع انها تستحق ذلك من حيث الحجم والعددية السكانية والتركيبة الاجتماعية ...وهم الان يشتغلون بالزراعة بحكم وجود القرية في قلب مشروع الجزيرة...ففي صدور شبابها تجد دائما الثورة على الروتين .... وأمتع اللحظات وأطيبها لنفوسنا لحظات الموسيقى العسكرية ... وأم تريبات من هذه المقدمة التي يستشف منها التكوين الرعوي المقترن بالجمال والجمال كان لا بد أن يكون اسمها مشتقا من الجمل فالبحث وجدنا أن الاسم فعلا مشتق من الجمل (البعير) و"التريبة" هي المنطقة المنخفضة فوق كتف البعير وتحت العنق مباشرة وهي تعني عكس ما يتبادر للذهن تعني المنطقة المنخفضة وجمعها "تُرَيْبـــات" .... فجاء الاسم أم تريبات مصطلحا لهذه القرية .... وهي للذين لم يروها تقع على بعد 24 كيلومترا جنوب مدني خلف القناة الريسية لمشروع الجزيرة في المنطقة الواقعة بين الحوش ومدينتنا العامرة باهلها ود مدني .... فالقادم من مدني الى الحوش عن طريق قنطرة الري بالكيلو 77 سيتفاجا بغابة بعد قنطرة 77 من اشجار السنط والهجليج وفجاة بعد مسيرة 2 كيلو فقط تقابلك أم تريبات .... للقادم للمرة الاولى لن يتوقع وجود قرية وسط هذا الزخم الهجليجي المدخَّن بالطلح مع خضرة تملا عليك امتدادات البصر فهي خضرة ليست معتادة كالتي تصيغها مزارع القطن وسيقان الذرة بل فوق ذلك تتسيدها خضرة تكونت من تيجان السنط وقامات الطلح تتزاحم.... تكاد تسد الرؤية من عينيك فلا ترى ساعتئذ غير اخضرار .... عروسة .... تتسمر عيناك مبحلقة في مفاصلها في سوقها في خلاخلها في سحرها الفتان...غير أنك لن تجد فيها القيود....حطمها بنوها تلك القيود... وتتبدى اليك عروسة نعنوشة رشيقة لكنها ما زالت بكرا ..... تتقبل كل جديد..... وعدد سكانها يتعدي الخمسة آلاف ..... وتمت تغذيتها بالكهرباء منذ عام 1969 فهي تتسمر منذ ذلك الحين بجانب التلفاز ترتشف جرعات الثقافة من كل الاصواب.... فتفاعل أهلها مع شباب كوريا وتفاعلوا مع الساندانيستان وجيفارا وعرفوا البيركامي وكرهوا كاليجولا واحبوا العقاد...... كانت رافدا أساسيا لمدرسة الحوش المتوسطة ومنها الى حنتوب وودمدني ثم الى الجامعة مشوار مشاه معظم بنيها.... فلا غرو أن رقص أبناؤها في أعراسهم رقصة كسلا والنقارة والحلفا....حيث نقلوا اليها تجارب وابداعات الشعوب..... وشيخها الحالي هو الشيخ محمد عبد الباسط ابن عبد الباسط الكبير ..... وبالقرية بالاضافة الى ما ذكره أخواني عثمان والمعز قلب كبير يسع اليكم جميعا ...أهلي عشقي حبي أنتم ومرحب بيكم بأم تريبات لتستمعتوا بمهارات بنيها وفنونهم في اختياراتهم لخرائط البناء وأهلا بكم في كل بيت لتتعرفوا على ابداعات بنت ام تريبات وفنونها وتشكيلها لبيتها من الداخل تحفة روعة ..... ولا أخفيكم سرا ان قلت لكم ان ام تريبات قد دخلها الهاتف منذ عام 1963 وقبله بسنوات ابتكرت ام تريبات (عربات النظامة لتطوف بالاحياء) وكنا نفتقد يدا حنونة تجود لنا بسيارة مطافي حيث اننا نتوسط الغابات .... ولكننا ابتكرنا ذلك وصنعناه بالامكانيات المحلية..... وحتما سنلتقي لتسليط الضوء على كثير من انجازات أهلكم بام تريبات ...... حتما أنتم لديكم ما يفوق ما ذكرناه في قراكم ولكني أذكر هذا الان لان السانحة جاتنا .... والى اللقاء في نبذة عن مناطقنا الحلوة جميعها عن قراكم عن أحيائكم قبل الممات...وأهلا بيكم
وللمزيد من المعلومات عن أم تريبات نرجو الذهاب الى موقع "ويكيمابيا" خريط العالم واكتب اسم ام تريبات لتتعرف عليها على الطبيعة ولتعرف نبذة اشمل باللغة الانجليزية.[/COLOR]
اقتباس:
المشاركة الأصلية كتبت بواسطة emad mohammed
عمده يا خوي .. المربوع براهو مافي ليهو طريقة .. والكلام البجيب المفتشين براهو ما في ليهو طريقه .... يعني (عاشقين ضماهم غرام ... اتنين دنياهم سلام) :D
أفو آآآآ ود عمي انت داير ليك اذن كمان .. نحن يا خوي أولاد حبوبات أدددديل كده .. أمشي بسرعه أتر أهلك في ام تريبات .. ومرحب بيكم بين اهلكم وناسكماقتباس:
المشاركة الأصلية كتبت بواسطة ابوالنور
مرحبا بك اخونا النور محمد يوسف انت تنضم الي تلك الكوكبه الرائعة من ابناء ام تريبات. وفعلا انت اضافة حقيقية لهذه الكوكبه الرائعة بروعت انسان الجزيرة.
فلكم مني كل تحية واحترام. ودمتم.
رائعنا النور محمد يوسف (أبو الدكتوره) .. كفيت ووفيت .. تب .. الله يديك العافيه
اقتباس:
المشاركة الأصلية كتبت بواسطة عمر البشير
ود البشير ... أول حاجه ... معز بهدي ليك موز أم تريبات كلو :p ... والتحية عبرك لك قرى ومدن الجزيرة الخضراء
ود البشير نوارة المنتدى ....لا حُرمنا قط من اطلالاتك ......ومرحب بيك هنا ومرحب بيك هناكاقتباس:
المشاركة الأصلية كتبت بواسطة عمر البشير
سيد بيت....وضهر قبيلة ...أهلا بيك
يا باهي الطلهاقتباس:
المشاركة الأصلية كتبت بواسطة جلالة
شوقتنا لرؤية ام تريبات وهذا النسيج المتناغم ..ويسلم شبابكم
معز انت وجلالة ....حابس حابس من عين العدواقتباس:
المشاركة الأصلية كتبت بواسطة ود ام تريبات
أوفيت والله ..... وبعدين عملتو لينا معارف حلوة بالمنتدى ... فعلا الطيب للطيب وعشان انتو ناس طيبين وناس المنتدى اصحابكم فناس المنتدى كلهم طيبين وكمان حتى دعوب الفارس الحبوب ......أنا أحب العسيلات وأهل العسيلات على الرغم من وجود دعوب منها و فيها
الحمد لله انه بطل افريقيا دوري ذهبياقتباس:
المشاركة الأصلية كتبت بواسطة عثمان جلالة
ولا كان زمانكم جيتوا وقعدتو في امد در:p
ربنا يديم عليكم الأمن والأمان والخير كله في أم تريبات يا جلالة
كما عودتنا دائما أنت سفير فوق العادة لموطنك الجميل
لا تحرمنا من ابداعاتك .. لك الود ،،
رضا الحبيب .. رضا اللبا .... تعرف اللبا حق الغنمايه الوالده ... حلو جدا .. بالسكر .. وين انت وآسف ما شفت اطلالتك البهية ... ودعووب كرامتك .. نحن ما جيران .. بركات وام تريبات فوله وانقسمت نصين .. وللمعلوميه انتو نسابتنا .. يعني بيناتنا نسب وكده:pاقتباس:
المشاركة الأصلية كتبت بواسطة رضا حسن محمد
الصباح الباهي لونك ... وضاحة يا فجر المشارق .. غابة الأبنوس عيونك .. يابنيه من خبز الفنادق .. انت البهاء والألق وياريت تزور ام تريبات وتشرفنا ... يا أيها الرجل الرمادي .. لون التوهج ... والتناغم:pاقتباس:
المشاركة الأصلية كتبت بواسطة GREY MAN
:mad: :mad: :mad: :mad: :mad: :mad:اقتباس:
المشاركة الأصلية كتبت بواسطة مدنيّة