أما سرعة البديهة والشجاعة تتمثل في ..
1. كيف تبعد المراقب عن طريقك ..
2. تتصرف كيف عندما يشك فيك المراقب ..
3. تعرف كيف انو المراقب اللابس نظارة سوداء بعاين ليك ولا نايم ..
4. التصرف لمان يقبضوك بالثابته ..
عرض للطباعة
أما سرعة البديهة والشجاعة تتمثل في ..
1. كيف تبعد المراقب عن طريقك ..
2. تتصرف كيف عندما يشك فيك المراقب ..
3. تعرف كيف انو المراقب اللابس نظارة سوداء بعاين ليك ولا نايم ..
4. التصرف لمان يقبضوك بالثابته ..
والله العظيم التطور في البخرات بقى اكبر من انها تكون على الورق
ممكن تكتب على هدوم الطالب
او طرف الطرحة وغيرها
لكن الاهم انو بقى في حاجة غير البخرات وهي تبديل الاوراق
كل اتنين يدبلوا الاوراق في لحظة غفلة من المراقب
ويحلو لبعض عادي
اما الحاجة التانية فهي انهم يدخلوا معاهم المذكرة
اما بالنسبة لتطور الفن فهو كالاتي:
كتابة البخرة لاترى الا لكاتبها
توضع البخرة في ادق الاماكن التي لا يشك فيها المراقب
مثل تحت الساعة
مدبسة في طرف الكم بطريقة ذكية
الخ... الخ....
تسلم يا معتز على الموضوع
ودمتم في امان الله ،،،
اقتباس:
المشاركة الأصلية كتبت بواسطة شمس الامل
أختنا الكريمة ..
أنت الظاهر دفعة ..
دي الأساليب الكانت في عهدنا ..
وما تخافي .. نحنا ما قدام شديد ..
الأخ معتز الريح تحية طيبة
في الحقيقة الموضوع جميل وفكاهي
ذكرتني أيام الثانوي والنوريكم الخطة المحكمة التي كانت من إعدادي وتقديمي أيام إمتحانات الشهادة السودانية وبالذات إمتحان اللغة الإنجليزية كان الهاجس الأكبر في وقتها بين الطلاب السؤال الأخير بتاع التعبير الهاجس كان في شنو!! إنو يقولوا ليك أكتب عن الموضوع الفلاني اهااا كان إنته ماعرفته معنى الموضوع المطلوب الكتابة عنوا أكيد ماحتكتب شئ وبكده تكون نص درجتك في الإمتحان طارت اهااا إتلموا الشباب يوم وقفة الإمتحان عندي في البيت في شكل مذاكرة جماعية مع عشرة كشتينة عند الزهج ( ما إمتحان E ) المهم اهااا الشباب قالوا لي الحل شنو يامحمد قلته ليهم عندي ليكم فكرة نحنه حوالي سبعة أو أكتر كنا بنمتحن في مكان واحد قلته ليهم البعرف معنى الموضوع يقول معناهوابصوت مسموع على الأقل للجنبك في شكل همسه كده والبعدك يعمل نفس الشئ عشان المراقب راسوا يجوط ومايعرف الإتكلم منو وفي نفس الوقت نحنه نكون عرفنا معنى الموضوع ههههههههههه
اهااا فعلا جاء وقت الإمتحان وكان الموضوع أكتب عن ( حرامي جاكم في البيت وإنته كنته نايم وصحيت بيهوا حتتصرف كيف! )
وبدينا في تطبيق الخطه واول زول عرف اسم الموضوع قال : الحرامي والبعدو قال الحرامي اهااا القاعة كلها بقت تقول بصوت همسه حرامي .. حرامي .. حرامي بعد شوية لقينا القاعة كلها بتقول ورانا وبكده عرفنا المعنى والمشرف شبكنا ليك أسكت ياولد أسكت ياولد وطبعا ماحيعرف مصدر الصوت لأنو كل شوية بطلع من جهة بتتالي وسرعة
:D:D:D:D
وأخوك جاب أعلى درجة في إمتحان الإنجليزي مقارنة بكل المراحل السابقة ههههههههههه
رايك شنو في البخرة الهوائية دي هههههههههههههههه
بعد مادخلنا الجامعة طبعاً موضوع البخرة ده مع لوائح الجامعة بودرك طوالي فيها فصل مؤقت لمدة سنتين يعني أربع سمسترات تقعد في البيت طواااالي قلته هوووي يا محمد بخراتك بتاعت الثانوي ديك بتوديك في داهية وبعدها إكتشفته إنو نظام جامعة الجزيرة زاااتو هو بمثابة بخرة ( نظام الكيرف ) ( نظام كبير يآكل ) اهاااا كان الحل شنو إنك تمسك بروفاااات الدفعة أيام الإمتحانات وتلم فيهم همله يوم تعزمهم دور كشتينة ويوم تعزمهم خلطة في كافتيريا الرازي ( مابروفات غير القراية مابعرفوا شئ ) لمن تشتغل معاهم شغل زي ده بنقهموا اهااا ويوم أعزمهم ليك الدور التاني سينما الزمالك :D:D:D
وكمان أخوك كان ماسك المكتب الرياضي في رابطة طلاب الكلية مما تقرب الإمتحانات أعمل ليهم دوري كرة قدم كااارب على مستوى الإعدادية وشئ دوري تنس وشئ شطرنج الناس بتقوم تتلخم بالمهرجانات دي وتشجيع وحفل إفتتاح وحفل ختام وفنانين اهااا بسوط ليك الإعدادية دي فوق وتحت هههههههههههههه طبعا بعد شوية الدفعة مابحسوا إلا والإمتحانات باقي عليها أسبوع علبال ما الناس تصور الشيتات وتلحق محاضرات الدكوك يكون الإمتحانات كبست والدفعة أكتر من نصها مسطحين وبكده الكيرف يكون وااااطي والتكالات الزينا ديل يباصوا:D:D:D
الغريبة بعد الفشل ده كلوا الحمد لله أخوكم إتخرج بمرتبة الشرف الدرجة التانية المرتبة الأولى ههههههههههههههههههههههههههه
أمن إستلمنا الشهادات الناس دي لموا ليك فيني لبع قالوا لي ده كلوا منك إنته تلخمنا وتقرى بورانا
شفتوا أخوكم كان محتال كيف
عليك الله دي ما أحسن من البخرات
ده كلواااا كووووم اهاااا هسي الشغل ده الغلبني ماعندك لينا بخرات ليهوا!!!!!!!!!!
قدر ما أجيب لي طرق إحتيال يقبضوني ويلموا ليك فيني خصم :mad::mad::mad:
اقتباس:
المشاركة الأصلية كتبت بواسطة باسطه
ده تحت بند الأساليب الأخرى ..
ودي الحاجات البتحير المراقب ..
يعني ما بقدر يدبس ليك خشمك مع الورقة ..
وكنتوا حتيجبوا الهواء للمراقب ..
اقتباس:
المشاركة الأصلية كتبت بواسطة باسطه
كلامك الفوق ده يا إما ناقص ..
يا إما دفعتكم عذابة وكلكم أولاد ..
ما تخجل .. قول البنات كنا بنشغلهم بالخلط ..
شكلك ختري ..
اقتباس:
المشاركة الأصلية كتبت بواسطة باسطه
الخصم هين ..
كعب الفصل ..
اقتباس:
المشاركة الأصلية كتبت بواسطة معتز الريح
هههههههههههههههههههههه
دي خليها مستورة لكن البنات زااااتم بجن بالحلل والكمش من الداخلية يشجعن
hay you كان ده فريقكم غيروا
( الباقي الشرح يفسده )
هههههههههههههه
أشجع منها بدرجة ؟؟؟!!! دي كيف دي؟؟!اقتباس:
المشاركة الأصلية كتبت بواسطة معتز الريح
اقتباس:
المشاركة الأصلية كتبت بواسطة باسطه
عرفتك يا شفت ..
اقتباس:
المشاركة الأصلية كتبت بواسطة moram
بتاعتنا بتستأذن من المراقب
حتى تطلع البخرة..
يا ود الريح اجمل بخره بخرة التيمان البخشو الامتحان لي بعض.
يعني يا ود الريح لو كان عندي توم كان قريت فلك.
والله يا جيري مان
دي حصلت جد جد في كلية الأقتصاد بجامعة الجزيرة كان في توم أمتحن لأخوه التؤم
والأغرب من دي إنو واحد فيهم كان بتصور اربعة صور فوتوغرافية وبجو يسجلو بيها للسمستر .
ولما المسجل يغلب معاهم حيلة بقول لواحد فيهم إلا تجيب لي معاك أخوك التوم التاني حتي أمشي ليك التسجيل .
اقتباس:
المشاركة الأصلية كتبت بواسطة grey Man
أها حكاية التيمان دي ألذ حكاية ..
بتذكرني بمقولة (الضربة القاضية الفنية) .. وتحديداً الفنية..
المهم التيمان الببدلوا بعض يكونوا شطار ..
تخريمة :
وانت يا حبيب الفلك عايز تعمل بيهو شنو..
ما كفاية عليك طيران الشغل الشغال فيهو ده ..
اقتباس:
المشاركة الأصلية كتبت بواسطة mohalnour
يادوب عرفت قصة فيلم "كده رضا" مقتبسة من وين ..
كان بقت على الامتحانات هينة ..
الكلام الاتنين يحبوا ليهم واحده بس ..
يا ود الريح خلاص ركينا ...والطياره لو نزلوها في ميدان بانت ما نركبه.
يا محمد نور نورنا زياده..
اقتباس:
المشاركة الأصلية كتبت بواسطة grey Man
كان ركيت برفدوك ..
لشرح باقي العنوان .. "حركات طلبة"
يندرج تحتها
1. امتحان التيمان لبعض ..
2. امتحان زول لي زول ..
3. أكل شطه مع طحنية لرفع درجة الحرارة وأخذ أورنيك طبي ..
4. بلع سفة لل ...... وأخذ أورنيك مرضي ..
5. الشف بأنواعه ..
6. كل ما يندرج تحت هذه البنود ..
ود الريح يا مفتري
الأساليب دي كلها جربتها
اقتباس:
المشاركة الأصلية كتبت بواسطة mohalnour
بصراحة .. أنا كانوا بحكوا لي ..
جيتونا في حتتنا ....البخرات دي ماحقتنا ونحنا اهلا
وطبعاً البخره من حيث الوجوب فهي واجبه علي كل ممتحن بالغ عاقل غير مستطيع اكاديمياً وله سوابق .
شروط البخره :-
1- ان يكون هنالك إمتحان -وإذا كان الإمتحان صعب فهي مستحبه
2-ان تكتب قبل الإمتحان بيومين على الأكثر
3-ان تكتب على ورقه صغيره قابله للطبيق
4-ان يكون المبخر على دراية تامة بما يفعله وانه في مصلحة كل افراد الفصل ويجب عليه ان يتفانى في صنعها
5- إذا ضربت البخره وجب عليه نشرها لجميع المحتاجين سواء جواً عن طريق الجدع او ارضاً
6- إذا قبض عليك متلبساً سواء بتهمة الحيازه او الترويج فعليك ان تاكل نارك وتشيل الليله سواء كانت البخره لك او جاتك من ورا "منبع البخرات الموثوقه" وسواء استفدت منها او لا ولاتشي بأصحابك مهما حصل
7-اذا جاءتك بخره طايره او ضلت طريقها فوجب عليك فتحها ومعرفة محتواها ثم مساعدتها في اكمال طريقها وتبليغ رسالتها.
في اثناء الإمتحان تسمع بعض الحيل القديمه مثل ماشي الحمام وبالرغم من قدمها وانها مكشوفه إلا انها ماتزال مجديه .
البخره الناجحه:-
1- ان يكون المبخر مفتحاً حصيفاً على دراية جيدة بالإملاء
2-ان تشمل اجزاء متفرقه من المقرر
3-دس البخره في اماكن عويصه تصعب رؤيتها
4- اقتناص الفرص وغفلات المراقب لإخراجها
5- ان تكون قابله للبلع في حالة تعرضك لهجوم مباغت من المراقب لإخفاء دليل الإدانه .
والحديث عن البخرات يطول ولكن المجال لايسعنا لذكر كل ماهو متعلق بها .
المرجع : كتاب" دواء الحيرانين في علم التبخير"
المؤلف :ود الجزيره-كلية الطب جامعة امدرمان الإسلاميه المستوى الثاني.
لكن يا ود الجزيرة لقيتك ختري
وصحي جيتك في حتتك ..
بجيك برواقة ..
مادي حركات طلبه كانت ومازالت يتوارثها الاجيال عبر الزمن -لا بتنتهي ولابتمحي-ومهما حاولنا تغيير الماضي فلن نستطيع إلا بتغيير المستقبل