حسن والطير

اقتباس:

---

المشاركة الأصلية كتبت بواسطة عزيز عيسى

يا إبراهيم ما بتذكر واحدة لكن بحكي ليك القصة دي..

كان يا ما كان.. كان في نمر ماشي في الغابة
وجاتو ليك جوعة شديدة خلاص..
وفجأة شاف ليهو ثعلب ماشي في الطريق مدقس
بس راح شرك ليهو وطب قبضو ليك
قال ليهو شوف يا إبن الذين أنا اليوم جعان
وما لقيت لي عضة
وأهو الحمد لله لقيتك وعايز أكلك..
الثعلب لما سمع كلام العضة خاف من النمر
وبسرعة فكر في طريقة يتحايل بيها وتخارجو من النمر..
الثعلب قال للنمر.. إنت يا زول ما عندك خبر؟
النمر قال للثعلب خبر شنو؟..
الثعلب قال للنمر يا خي أنا الرسول الخاص بتاع الأسد
والأسد دا كلفني إني أقوم بحراسة الحيوانات في الغابة..
النمر قال للثعلب: طيب أنا أصدقك كيف؟
إنت عايز تستكرتني ولا شنو؟
الثعلب قال للنمر لو ما مصدقني تعال أنا بمشي قدامك وإنت أتبعني
وبعدين شوف الحيوانات بتخاف مني كيف وتقوم جارية..
النمر بدأ يحك في راسه ويفكر ولأنه جعان قال للثعلب
أنا موافق أرح أمشي قدامي علشان أتأكد من كلامك..
لكن الحيوانات دي لو ما جرت حأقوم أكلك طوالي
وصوفة واحدة ما يلقوها من جلدك.
قام الثعلب مشى قدام النمر
وشاف الحيوانات تجري وتختبيء..
وطبعا إفتكرها خايفة من الثعلب.
الثعلب قال للنمر: أها ما قلت ليك الحيوانات
ديل عارفني شخصية مهمة
وعشان كدا بخافوا ويجروا مني.
النمر قال للثعلب: يازول هوي أمشي أختاني جاي جاي
والأسد دا ما عايز معاهو مشاكل.. الله بيني وبينه.

---

ثعلب مفتح دة يكون الثعلب السرق البتيخة وربطها في ضنبو قبل ما يرطب:D:D
اها يا عزيز دي من ياتو كتاب وسنة كم:D؟

ابراهيم يا ليت ما ذهب يعود ( الذي كان ذهب)

حكاية كتب المطالعة الجيت راجع بيها دي شنو
http://file5.9q9q.net/img/45171891/------.jpg

ابراهيم والنملة الشفوقة D:D:

اقتباس:

---

المشاركة الأصلية كتبت بواسطة بورتبيل

ابراهيم يا ليت ما ذهب يعود ( الذي كان ذهب)

حكاية كتب المطالعة الجيت راجع بيها دي شنو
http://file5.9q9q.net/img/45171891/------.jpg

ابراهيم والنملة الشفوقة D:D:

---

دة الحنين عاودني تاني يا بورتو
علا انت ما عجبتك إلا بتاعة الشفوقة دي:D

القمريه لو بقت قدردا انان البلوم يكون حجمو كيف

الله يا جار
ذكرتنا بالزمن الجميل
والله يا إبراهيم أنا دائماً بتمنى ألقى كتب المقررات القديمة ديك عشان أحتفظ بيها
لكن صدقني والله الكتب دي ما في منها نسخ الأن إلا في أرشيف
إدارة المناهج والبحوث ببخت الرضا
والله بالجد يا إبراهيم عدت بينا لذكريات جميلة وخالدة عن أجمل مرحلتين دراسيات وهي الأبتدائي والمتوسط
تخريمة : أول ما قريت البوست قلت والله بوست إبراهيم دا بتفرتق بي نبلة

اقتباس:

---

المشاركة الأصلية كتبت بواسطة سمسم

القمريه لو بقت قدردا انان البلوم يكون حجمو كيف

---

البلوم في فرعه غنَى !؟
يا سامي انت ما مشيت جناين ابو عجاجة ولا شنو؟
ياخ هناك القمرية قدر صقر الجديان الفي ام بارونة

اقتباس:

---

المشاركة الأصلية كتبت بواسطة mohalnour

الله يا جار

ذكرتنا بالزمن الجميل

والله يا إبراهيم أنا دائماً بتمنى ألقى كتب المقررات القديمة ديك عشان أحتفظ بيها

لكن صدقني والله الكتب دي ما في منها نسخ الأن إلا في أرشيف

إدارة المناهج والبحوث ببخت الرضا

والله بالجد يا إبراهيم عدت بينا لذكريات جميلة وخالدة عن أجمل مرحلتين دراسيات وهي الأبتدائي والمتوسط

تخريمة : أول ما قريت البوست قلت والله بوست إبراهيم دا بتفرتق بي نبلة

---

الكتب يا ود الجاك لحقت امات طه

ويا بخت العندو كتاب ناس مريم الشجع وبدر وأمل

ما فضل إلا رقراق ذكريات متمثل في بعض الصور

صورة مريم الشجاعة والسكة حديد والحريقة ومال إلي ذلك من دعاش

وانا متأكد لو كل واحد فينا اتذكر ليه قصة ، قطعة او قصيدة من الزمن الجميل حنقدر نأسس لينا قبس من نور ونعيش الشجن الجميل ..

رد التخريمة: ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ

انت شفت ود ابرق راكي في فروع البوست ولا شنو

تعرف نادر جداً تلقى زول من جزيرة الفيل ما حريف في النبلة وصيد الطيور

والما بعرف فيهم بستخدم الطش بالملاية

عشان كدة انلوينزا الطوير ما قاعد تعتب بهناك

اقتباس:

---

المشاركة الأصلية كتبت بواسطة ابراهيم

فطور وجيب معاك قرمة عليكم الله في زول بتذكر السفوفة بتاعة القنقليز؟

---

هسع ياتليش عاد ده كلام تنساني وانت كنت الالفه بتاع الفصل بتاعنا هسع جيت تفتش الماضي......... وحاتك يا تليش بس تبكي بس عين قطره وعين مس

اقتباس:

---

المشاركة الأصلية كتبت بواسطة عزيز عيسى

يا إبراهيم ما بتذكر واحدة لكن بحكي ليك القصة دي..

كان يا ما كان.. كان في نمر ماشي في الغابة
وجاتو ليك جوعة شديدة خلاص..
وفجأة شاف ليهو ثعلب ماشي في الطريق مدقس
بس راح شرك ليهو وطب قبضو ليك
قال ليهو شوف يا إبن الذين أنا اليوم جعان
وما لقيت لي عضة
وأهو الحمد لله لقيتك وعايز أكلك..
الثعلب لما سمع كلام العضة خاف من النمر
وبسرعة فكر في طريقة يتحايل بيها وتخارجو من النمر..
الثعلب قال للنمر.. إنت يا زول ما عندك خبر؟
النمر قال للثعلب خبر شنو؟..
الثعلب قال للنمر يا خي أنا الرسول الخاص بتاع الأسد
والأسد دا كلفني إني أقوم بحراسة الحيوانات في الغابة..
النمر قال للثعلب: طيب أنا أصدقك كيف؟
إنت عايز تستكرتني ولا شنو؟
الثعلب قال للنمر لو ما مصدقني تعال أنا بمشي قدامك وإنت أتبعني
وبعدين شوف الحيوانات بتخاف مني كيف وتقوم جارية..
النمر بدأ يحك في راسه ويفكر ولأنه جعان قال للثعلب
أنا موافق أرح أمشي قدامي علشان أتأكد من كلامك..
لكن الحيوانات دي لو ما جرت حأقوم أكلك طوالي
وصوفة واحدة ما يلقوها من جلدك.
قام الثعلب مشى قدام النمر
وشاف الحيوانات تجري وتختبيء..
وطبعا إفتكرها خايفة من الثعلب.
الثعلب قال للنمر: أها ما قلت ليك الحيوانات
ديل عارفني شخصية مهمة
وعشان كدا بخافوا ويجروا مني.
النمر قال للثعلب: يازول هوي أمشي أختاني جاي جاي
والأسد دا ما عايز معاهو مشاكل.. الله بيني وبينه.

---

غايتو ياخواجه شكيت محنك ما قطعت مصاريني من الضحك الجماعه في المكتب قالوا الزول جنه وفقد المحنه

مشاققه
اها شفنا زولة داك انشاء الله نشوف زولتك واقفه ذي الاتصالات

اقتباس:

---

المشاركة الأصلية كتبت بواسطة ابراهيم

اول تبادي انا لا دفعة ود الطاهر ولا دفعتك
حضانة وروضة وتمهيدى واساس وفوووو الرباط والله لكن جنس عولمة
انتو ناس يااي وهاي وكلزوني وهلم جر

طبعاً عمك ود الطاهر عامل فيها حريف وجا داخل من باب قريب
قال لي قطة صغيرة قال


انا كان ما خايف الكضب يا ابو علا انت تكون من زمن بفتشو القمل في الطابور يوم السبت
لأنو حليب ريرة وريري والحاجات دي كانت زماااان وانا سمعتها عند حبوبة










حاشية: ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
ابو علا ليك وحشة ياخ
كيف ذاك الكوفي شوب امسى خبراً *** وحديثاً من احاديث الهوي

---

الحبيب برهوته عمك ود الطاهر دا ما استاذ ما تقدر تمسك عليهو حاجة بالثابتة هسي يجيك يقول ليك انا خريج مرحلة الأساس و تاني دفعة في تامنة لكين من باب الإطلاع على مقررات وزارة التربية اطلعت على قصيدة لي قطة صغيرة .. قال سماها منو ؟؟

تاني شيء السبت زاتو عملوه اجاااااااااازة عشان القمل يرتاح من الكشات دي بس الغريبة عملك ود الطاهر و (ود المطامير سابقاً ) و اخونا عمر البشير لي يوم الليلة بفتشو في القمل في راس الشفع و كان مضبني امشي قسم الألعاب و بتشوف بي عينك عشان ما تقول أبو عُلا قال


تالت شي يا برهوتة انا ما كنت عيان و لا حاجة بس ولدوني في المستشفي و عندي شهادة ميلاد بس النصيحة لي الله أول قصيدة درسونا ليها في المدسة ياها التحت دي ما عارف مدة صلاحيتها انتهت و لا لسه جاري المفعول

دجاجي يلقط الحب و يجري و هو فرحانا
كأن عيونه خرز له في الشمس ألوانا
و لي ديك له صوت جميل اللحن رنانا
وعند الفجر يوقظنا و طول اليوم شيطانا


يقول الشاعر

عندي دجاج بلدي مأصل و مفصل عندما اقوم الصباح افتح القفص و أشتت ليهو العيش و لا الدخن و اكان فول يلتقط الحبوب بنشوة و ياكلها ثم يجري مبتعداً خوفا ان تكون تكل الحبوب هي آخر زاده و هو دجاج مبتسم ودود دائم الشكر و الحمد ليس مثل دجاج الفقاسات المامعروف ليهو أب من أم ثم يدلف الشاعر الى باب الغزل و يتغزل في عيون الدجاج التي تشبه خرز سبحة حبوبة مبلوبة ببقايا موية الوضوء عندما تتساقط فتعكس اشعة شمس الضهر أو كانها حبات خرز منضومة في شعر بنية ممشطة السودان قفل و على الضفائر شي من بقايا الودك و لتأكيد أصل و فصل هذا الدجاج لابد من ذكر الديك في القصيدة لذا نجد الشاعر قد افرد نصف القصيدة لهذا الديك الكريم فله صوت جهوري رنان كصوت المؤذن و هو ديك متدين يوقظنا لصلاة الصبح ثم تجده نشيطا طول اليوم يقفز هنا و هناك و ليس كلمة شيطان الواردة في عجز البيت دليل تناقض او شيطان بالمعني القريب الذي يتبادر إلى الاذهان بل هو دلالة على عبقرية الديك و إتيانه بكل ما هو فريد و غير متوقع و الشاهد هنا قول حبوبة يا سعاد بتي وحاة الله ولدك دا شيطان خلاص .

قوم يا شاطر أمح السبورة

اقتباس:

---

المشاركة الأصلية كتبت بواسطة abu_ola

الحبيب برهوته عمك ود الطاهر دا ما استاذ ما تقدر تمسك عليهو حاجة بالثابتة هسي يجيك يقول ليك انا خريج مرحلة الأساس و تاني دفعة في تامنة لكين من باب الإطلاع على مقررات وزارة التربية اطلعت على قصيدة لي قطة صغيرة .. قال سماها منو ؟؟

تاني شيء السبت زاتو عملوه اجاااااااااازة عشان القمل يرتاح من الكشات دي بس الغريبة عملك ود الطاهر و (ود المطامير سابقاً ) و اخونا عمر البشير لي يوم الليلة بفتشو في القمل في راس الشفع و كان مضبني امشي قسم الألعاب و بتشوف بي عينك عشان ما تقول أبو عُلا قال


تالت شي يا برهوتة انا ما كنت عيان و لا حاجة بس ولدوني في المستشفي و عندي شهادة ميلاد بس النصيحة لي الله أول قصيدة درسونا ليها في المدسة ياها التحت دي ما عارف مدة صلاحيتها انتهت و لا لسه جاري المفعول

دجاجي يلقط الحب و يجري و هو فرحانا
كأن عيونه خرز له في الشمس ألوانا
و لي ديك له صوت جميل اللحن رنانا
وعند الفجر يوقظنا و طول اليوم شيطانا


يقول الشاعر

عندي دجاج بلدي مأصل و مفصل عندما اقوم الصباح افتح القفص و أشتت ليهو العيش و لا الدخن و اكان فول يلتقط الحبوب بنشوة و ياكلها ثم يجري مبتعداً خوفا ان تكون تكل الحبوب هي آخر زاده و هو دجاج مبتسم ودود دائم الشكر و الحمد ليس مثل دجاج الفقاسات المامعروف ليهو أب من أم ثم يدلف الشاعر الى باب الغزل و يتغزل في عيون الدجاج التي تشبه خرز سبحة حبوبة مبلوبة ببقايا موية الوضوء عندما تتساقط فتعكس اشعة شمس الضهر أو كانها حبات خرز منضومة في شعر بنية ممشطة السودان قفل و على الضفائر شي من بقايا الودك و لتأكيد أصل و فصل هذا الدجاج لابد من ذكر الديك في القصيدة لذا نجد الشاعر قد افرد نصف القصيدة لهذا الديك الكريم فله صوت جهوري رنان كصوت المؤذن و هو ديك متدين يوقظنا لصلاة الصبح ثم تجده نشيطا طول اليوم يقفز هنا و هناك و ليس كلمة شيطان الواردة في عجز البيت دليل تناقض او شيطان بالمعني القريب الذي يتبادر إلى الاذهان بل هو دلالة على عبقرية الديك و إتيانه بكل ما هو فريد و غير متوقع و الشاهد هنا قول حبوبة يا سعاد بتي وحاة الله ولدك دا شيطان خلاص .

قوم يا شاطر أمح السبورة

---

ابوها الزول السمح سماحة خور طقت وحنتوب زمان ياخي وين يادفعه شنو لسع مع المسجل التدريس بقاء لاسلكي عاد تقول شنو ما التكنلوجيا وكده

اقتباس:

---

المشاركة الأصلية كتبت بواسطة صلاح ودالطاهر

ابوها الزول السمح سماحة خور طقت وحنتوب زمان ياخي وين يادفعه شنو لسع مع المسجل التدريس بقاء لاسلكي عاد تقول شنو ما التكنلوجيا وكده

---

الحبيب ود الطاهر المسجل خليناه لي اخونا أبو رجاء هسي يا ربي يكون جاب معاه كم شريط :eek::eek:،، نحمد الله الما سر زول التدريس اليومين دي عندنا على الهواء مباشرةً و على مستمعينا في الاقاليم مراعاة فروق الوقت :confused: بي مناسبة مدرسة اخونا برهوتة دي في ناس هنا معانا دايرين فصول محو أمية عدييييل غايتو الله يعينك على طابور الصباح و حمام الصباح و نسمات الصباح

لكن يا ابراهومة ... حسن ده كان مجهجهنا شديد بلعب كم دور ... حسن والطير ... الشاطر حسن ... حسن والصفاره ...

رايكم شنو في ... هاشم في العيد ... وجزاء سمنار ... حكم والله حكم ... والقرد الأعمش والنظارة:p لكن أكتر حاجه عجبتني ... النمله الشفوقه ... عندي صاحبي .. كل ما أشوفه أقول ليهو ... مالك عامل كده زي النمله الشفوقه:D:D

هووووى ياعجائز ..ده كلام شنوا ..حليلناه نحن وحليل زمن مدرستنا ..بالله من الصباح ماما تعمل لى سنتدوتش الهمبرغر..ومعه كم حته كدى بتاعت
بيتز هت ...
لكن اشهد الله ان كنت بمشى لى ساره بت الفلاته عندها جنس طعميه وتبش بالشطه خليها ساكت
والحصه التالته لمن اصح من الغفوه بكون الاستاذ خلاص درس طه القرشى مريض بالاسهال
ولا الدرس التانى بتاع زوجة عبدالكريم ..حليل زمنا زمن الحنكشه بركه الماحضرنا عهد ناس استاذ صلاح ودالطاهر ...

اقتباس:

---

المشاركة الأصلية كتبت بواسطة abu_ola

الحبيب برهوته عمك ود الطاهر دا ما استاذ ما تقدر تمسك عليهو حاجة بالثابتة هسي يجيك يقول ليك انا خريج مرحلة الأساس و تاني دفعة في تامنة لكين من باب الإطلاع على مقررات وزارة التربية اطلعت على قصيدة لي قطة صغيرة .. قال سماها منو ؟؟

---

حبيبنا ابو علا ياخ عمك دة بالميت كدة بكون من الناس المخضرمين الزمان زمن كتاب مفتاح المعرفة آآي نعم نحن صغار لكن شفنا كتب الناس المخضرمين ومافي ليه طريقة يزوغ.

اقتباس:

---

تاني شيء السبت زاتو عملوه اجاااااااااازة عشان القمل يرتاح من الكشات دي بس الغريبة عملك ود الطاهر و (ود المطامير سابقاً ) و اخونا عمر البشير لي يوم الليلة بفتشو في القمل في راس الشفع و كان مضبني امشي قسم الألعاب و بتشوف بي عينك عشان ما تقول أبو عُلا قال

---

ياخ يوم السبت كان طويل وكلو تفتيش قمل واظافرين وملابس وتمارين رياضيات وجرس الفطور يوم السبت بعلق عديييييل بالله يوم يقولو ليك امش دق الجرس تفرح لمن تضحك براك ...
يا اخوي قسم الالعاب دة انا (بلاوز واسكيرد) منو عديييل:D

اقتباس:

---

تالت شي يا برهوتة انا ما كنت عيان و لا حاجة بس ولدوني في المستشفي و عندي شهادة ميلاد بس النصيحة لي الله أول قصيدة درسونا ليها في المدسة ياها التحت دي ما عارف مدة صلاحيتها انتهت و لا لسه جاري المفعول

دجاجي يلقط الحب و يجري و هو فرحانا
كأن عيونه خرز له في الشمس ألوانا
و لي ديك له صوت جميل اللحن رنانا
وعند الفجر يوقظنا و طول اليوم شيطانا

---

انا غايتو بحاول اصدقك مع انو يمكن تكون زوغة زي قصة الكديسة بتاعة ود الطاهر

اقتباس:

---

يقول الشاعر
عندي دجاج بلدي مأصل و مفصل عندما اقوم الصباح افتح القفص و أشتت ليهو العيش و لا الدخن و اكان فول يلتقط الحبوب بنشوة و ياكلها ثم يجري مبتعداً خوفا ان تكون تكل الحبوب هي آخر زاده و هو دجاج مبتسم ودود دائم الشكر و الحمد ليس مثل دجاج الفقاسات المامعروف ليهو أب من أم ثم يدلف الشاعر الى باب الغزل و يتغزل في عيون الدجاج التي تشبه خرز سبحة حبوبة مبلوبة ببقايا موية الوضوء عندما تتساقط فتعكس اشعة شمس الضهر أو كانها حبات خرز منضومة في شعر بنية ممشطة السودان قفل و على الضفائر شي من بقايا الودك و لتأكيد أصل و فصل هذا الدجاج لابد من ذكر الديك في القصيدة لذا نجد الشاعر قد افرد نصف القصيدة لهذا الديك الكريم فله صوت جهوري رنان كصوت المؤذن و هو ديك متدين يوقظنا لصلاة الصبح ثم تجده نشيطا طول اليوم يقفز هنا و هناك و ليس كلمة شيطان الواردة في عجز البيت دليل تناقض او شيطان بالمعني القريب الذي يتبادر إلى الاذهان بل هو دلالة على عبقرية الديك و إتيانه بكل ما هو فريد و غير متوقع و الشاهد هنا قول حبوبة يا سعاد بتي وحاة الله ولدك دا شيطان خلاص .

قوم يا شاطر أمح السبورة

---

والله لكن لقيتك متوهط في الارشيف وتستاهل نمسح ليك السبورة
يا ابو علا يمين لو بقيت استاذ مطالعة انا برجع الابتدائي تاني وابقى الالفة كمان وخربانة ام بنياناً قش.

اقتباس:

---

المشاركة الأصلية كتبت بواسطة صلاح ودالطاهر

ابوها الزول السمح سماحة خور طقت وحنتوب زمان ياخي وين يادفعه شنو لسع مع المسجل التدريس بقاء لاسلكي عاد تقول شنو ما التكنلوجيا وكده

---

اها شفت اصلو الحقيقة بتظهر في مكانات زي دي
خور طقت وحنتوب زمان واللاسلكي
ود الطاهر انتو دفعة نميري والترابي وهلم جر
معتقين:D

اقتباس:

---

المشاركة الأصلية كتبت بواسطة abu_ola

الحبيب ود الطاهر المسجل خليناه لي اخونا أبو رجاء هسي يا ربي يكون جاب معاه كم شريط :eek::eek:،، نحمد الله الما سر زول التدريس اليومين دي عندنا على الهواء مباشرةً و على مستمعينا في الاقاليم مراعاة فروق الوقت :confused: بي مناسبة مدرسة اخونا برهوتة دي في ناس هنا معانا دايرين فصول محو أمية عدييييل غايتو الله يعينك على طابور الصباح و حمام الصباح و نسمات الصباح

---

نحن إن اشرق صبح
نترك النوم ونصحو
ثم نمضي فنصلي
إن تقوى الله ربح
ونحيي والدينا
فرضى الآباء فتح
ولدار العلم نسعي
وإلي العلياء ننحو

اديهم القصيدة دي يا ابو علا وشوف تاني كان يكون في أمية

اقتباس:

---

المشاركة الأصلية كتبت بواسطة عثمان جلالة

لكن يا ابراهومة ... حسن ده كان مجهجهنا شديد بلعب كم دور ... حسن والطير ... الشاطر حسن ... حسن والصفاره ...

رايكم شنو في ... هاشم في العيد ... وجزاء سمنار ... حكم والله حكم ... والقرد الأعمش والنظارة:p لكن أكتر حاجه عجبتني ... النمله الشفوقه ... عندي صاحبي .. كل ما أشوفه أقول ليهو ... مالك عامل كده زي النمله الشفوقه:D:D

---

حسن دة يكون هندي يا جلالة وممثل ليه كم شخصية
ذكرتني في فصلنا في سنة سادسة "ب" كان عندنا كمية من "الحسنات" حسن عبد الماجد، وحسن عبد الله ، وحسن علي وحسن ابكرنكي:D

انا قصة النملة الشفوقة دي راحت مني وما قادر اتذكرها النبي فيكم يا جلالة ويا بورتبيل جيبو المقدمة بس وخلي لي باقي الكلام ..
انا اكتر قصة عاجباني بتاعة الثعلب المشى جازف البتيخ وربط بتيخة في ضنو وضنبو اتقطع شكلو في الكتاب كان مثير للشفقة والثعالب من حول بضحكو فيو لغاية ما طبق فيهم النظرية وخلي ليك ثعالب الغابة كلها خالية من الضنبات:D

اقتباس:

---

المشاركة الأصلية كتبت بواسطة نزار حسن محمد

هووووى ياعجائز ..ده كلام شنوا ..حليلناه نحن وحليل زمن مدرستنا ..بالله من الصباح ماما تعمل لى سنتدوتش الهمبرغر..ومعه كم حته كدى بتاعت
بيتز هت ...
لكن اشهد الله ان كنت بمشى لى ساره بت الفلاته عندها جنس طعميه وتبش بالشطه خليها ساكت
والحصه التالته لمن اصح من الغفوه بكون الاستاذ خلاص درس طه القرشى مريض بالاسهال
ولا الدرس التانى بتاع زوجة عبدالكريم ..حليل زمنا زمن الحنكشه بركه الماحضرنا عهد ناس استاذ صلاح ودالطاهر ...

---

يا ابو النيز النصيحة لي الله الدرس بتاع زوجة عبد الكريم دة انا ما حضرتو دة شكلو كدة زمن الأولية واللبس كان دمورية والسربادوب ليهو ضل ...

قال همبيرغر قال

ابراهيم يا الحبيب .. ولله رجعتانا لزمن بعيد بالحيل
قصة ابراهيم والنملة الشفوقة انا ما متذكرها الا بتذكر منها انو ابراهيم دا كسر كراعو وبقى ما قادر مشي بعدين جات نملة وحنت في حالو ... وبطريقة ما متذكرها وصلت الخبر لاهلوا وجو شالو المستشفى.

العارف يتمها .... الا انتا بتذكر ( السمّاك والجرة)

اقتباس:

---

المشاركة الأصلية كتبت بواسطة بورتبيل

ابراهيم يا ليت ما ذهب يعود ( الذي كان ذهب)

حكاية كتب المطالعة الجيت راجع بيها دي شنو
http://file5.9q9q.net/img/45171891/------.jpg

ابراهيم والنملة الشفوقة D:D:

---

يا سلام عليك يا بورتبيل
معهد بخت الرضا .. العلم والنور

اقتباس:

---

المشاركة الأصلية كتبت بواسطة نزار حسن محمد

هووووى ياعجائز ..ده كلام شنوا ..حليلناه نحن وحليل زمن مدرستنا ..بالله من الصباح ماما تعمل لى سنتدوتش الهمبرغر..ومعه كم حته كدى بتاعت
بيتز هت ...
لكن اشهد الله ان كنت بمشى لى ساره بت الفلاته عندها جنس طعميه وتبش بالشطه خليها ساكت
والحصه التالته لمن اصح من الغفوه بكون الاستاذ خلاص درس طه القرشى مريض بالاسهال
ولا الدرس التانى بتاع زوجة عبدالكريم ..حليل زمنا زمن الحنكشه بركه الماحضرنا عهد ناس استاذ صلاح ودالطاهر ...

---

سنة يا الهامبرغر !!!!
ما تكون مضيع
بينو وبين البيرغر

اقتباس:

---

المشاركة الأصلية كتبت بواسطة ابراهيم

نحن إن اشرق صبح
نترك النوم ونصحو
ثم نمضي فنصلي
إن تقوى الله ربح
ونحيي والدينا
فرضى الآباء فتح
ولدار العلم نسعي
وإلي العلياء ننحو

اديهم القصيدة دي يا ابو علا وشوف تاني كان يكون في أمية

---

يقول الشاعر نحن و المقصود أهل العوض بنكون نايمين قدام الراكوبة و عشان ما عندنا حوش بنقوم من النوم الدُغش بدري قبل الحمار ما يُشق عشان الناس البتكون ماشة السوق بدري ما يشوفنا و نحن نايمين و أول ما تقش عينك من النوم تقوم على الابريق تتوضأ و المصلاية جاك زول لاننا عارفين الزول البصلي و يتقي الله ربنا بفتح عليهو و كمان عارفين انو الرزق بوزعوه الصباح بدري أول ما تكمل الصلاة تمشي على أمك و أبوك تشوفهم اصبحو كيف و تطلب منهم قروش الفطور و بعد داك تتشطف و تتمسح و تشيل شنطتك و تمشي المدرسة دربك عديل و تفتح عينك قدر الريال أبو عشرة كان تفهم حاجة من شرح الاستاذ و دا كلو عشان تحقق أمنية امك وقت كنت صغير كانت بتلوليك و تقول اللول لول يبقي لي دكتور

الغريبة يا إبراهيم كلنا كان امنيتنا نبقي دكاترة بس الله غالب و السودان مقالب

شفت يا إبراهيم
ناس الأولية ظهروا
وناس الأبتدائي ظهروا
وناس الأساس ظهروا

اقتباس:

---

المشاركة الأصلية كتبت بواسطة بورتبيل

ابراهيم يا الحبيب .. ولله رجعتانا لزمن بعيد بالحيل
قصة ابراهيم والنملة الشفوقة انا ما متذكرها الا بتذكر منها انو ابراهيم دا كسر كراعو وبقى ما قادر مشي بعدين جات نملة وحنت في حالو ... وبطريقة ما متذكرها وصلت الخبر لاهلوا وجو شالو المستشفى.

العارف يتمها .... الا انتا بتذكر ( السمّاك والجرة)

---

ابراهيم دة يخيل لي كان راعي ورجله اتكسرت في الجبل والنملة وصلت الخبر للجماعة لكن وصلتو كيف انا ما عارف .. ومافي زول داير يلحقنا بالقصة ويا بورتبيل خلاص تعال احكي لينا قصة السماك والجرة .. برضو زي معتز جيت ختيت العنوان ومشيت:D