حرااااااااااااااااااااااااااااااااااااااااام والله والناقص كتيرررررررررررررررررررررر
عرض للطباعة
حرااااااااااااااااااااااااااااااااااااااااام والله والناقص كتيرررررررررررررررررررررر
لازالت (الوطن) تواصل إهتمامها بالجانب الخدمي بمدينة ود مدني، وعكسها لمطالب وإحتياجات المواطنين، ومن داخل مستشفى ود مدني التعليمي، تلقت (الوطن) احتجاجات وشكاوى العاملين به، إلى جانب مطالبهم المشروعة والتي تفضح واقع المستشفى.
فغرفة الإنعاش بحوادث الجراحة لا تمتليء بالمرضى فحسب، بل ببقايا الأثاث المحطم، وبقع الدم التي عجز عمال النظافة عن إزالتها، شكلت على السيراميك الأبيض لوحة مأساوية، والأوساخ بالمستشفى التعليمي كانت هي العلامة الأبرز.
ومن ثمّ، مكاتب ضيقة، العنابر العامة بحاجة إلى التأهيل، أدوية في غاية الأهمية غير متوفرة بصيدليات المستشفى، ومرافقو المرضى في حالة بحث دائم عن الممرضين.
من صحيفة الوطن
السلام للجميع
بالمناسبه اسعار جهاز الصدمات القلبيه فى السعوديه تبتدى من خمسه وعشرون الف ريال الى خمسه واربعون الف ريال , يعنى جهاز مش غالى ومهم جدا , وفعال جدا ومهم وجوده بالطوارى والعمليات والعنايه .
ونتايجه عاليه جدا , فنرجو من حكومة الولايه الاهتمام بهذا الامر , وناس الجمعيات الخيريه كمان, والسلام
ستشفى مدنى
والله تفاجاة عندما عرفت ان مستشفى مدنى التعليمى بل كل مدنى لايوجد بها جهاز صدمات قلبيه وهو جهاز اسعافى مهم جدا فى حالات توقف القلب او الانعاش القلبى ومفروض يكون موجود بعدة اقسام منها الطوارى والعمليات والعنايه والولاده والجهاز ليس غالى ابدا ويا ما انقذنا ناس بيه وهم عايشين الى الان فكيف بجهاز مثل هذا غير متوفر وتصرف الاموال على اشياء غير مهمه نتمنى ان يهتم الوالى الجديد بهذا الامر
الان وبعد وفاة ايداهور الناس عرفوا اهمية الجهاز وعايزين يوفروه بالاستادات وينكم من زمان لكن كدى وفروه فى جميع المستشفيات اولا مستشفى مدنى فيها واحد ومقفول ده كلام لازم يتوفر فى اقسام الطوارى والاسعافات والعمليات ولازم التدريب على الانعاش القلبى لكل الممارسين الصحيين ويمنحوا شهاده بذلك ويجدد تدريبهم كل سنه لكن المسؤلين نفسهم مش عارفين الاشياء دى ربنا يكون فى عونا.
اقتباس:
المشاركة الأصلية كتبت بواسطة mutasim
الاستاذ معتصم
المهموم دوما بحال مدني وناس مدني
بالمناسبة جهاز الصدمات القلبية
متوفر في المستشفي
في قسم العناية المكثفة
وانا شقتوا بالصدفه في هذا القسم
اما عن توفرة في باقي الاقسام فالله اعلم
زمان قيل :
مستشفى مدنى كلو فنون لا علاج لا يحزنزن
العندو حمى ياخد سلفه
العندو قحه ياخد سلفه
الشق فى الحيطه او فى زجاج
يمثل خريطه لساحل العاج
الضفدع باليل عامل ازعاج
يقلد وردى وفاطنه الحاج
وقريبا قيل :
الداخل للمستشفى مفقود والخارج مولود !!!
ومن زماااااان الدخول للمستشفى بالقروش بتمشى القروش وين ؟ اسألو ناس الكروش!
يا ناس التعليم والصحه تعيشو انتو ورفع الفراش بعد الدفن مباشرة
على حسب علمي الرسوم المتحصلة في الباب يعني حق التذاكر بس غير حق البارد ياحاج وحق زيارة مدني وحق الحاجات التانية لايقل عن خمسة مليون يوميا وانا متاكدة من الكلام دا
ياربي متين مستشفى ودمدني تبقى مستشفى زي باقي المستشفيات ما عارفة
وحلات الوفيات الناتجة من الاهمال كتيرة شديد وكل حادث مؤلم اكتر من القبلو ولو عندي سلطة على المهماين ديل بس مطرق نيم وهاك ياقشط
يامعتصم يا اخوي انت في الجهاز دا ولا في الكدايس الحايمة جوة قسم العناية المكثفة ودي حاجة شفتها بي عيوني ما كلموني بيها
يا حليل زمن عوض القون (مدير مستشفى مدنى سابقا) ود. فراج (المدير الطبى) يا حليل مستشفى مدنى
عزيزنا احمد علقم تحياتى
صحيح يوجد جهاز واحد بالعنايه وانا شفته بعد كتابة البوست وهو الوحيد بالمستشفى وهو داخل القسم مش جاهز للعمل لازم يكون مفتوح وموصل بالكهرباء والبطاريات مشحونه وتكون حركته ساهله فى العنايه يخدم حوالى خمسه مرضى فقط ويجب استعماله فى اقل من 15 ثانيه من توقف القلب وليس بعد نصف ساعه الحكايه عايزه تدريب والاقسام المهمه الطوارى لان الحالات بتصل الطوارى اولا والعمليات , لكن هو مفروض يتوفر بكل الاقسام والجهاز مش غالى ابدا .
الاخ ود سمير تحياتى
مشكور على المشاركه الظريفه
الاخت بت ود ازرق تحياتى
وجود الكدايس والفيران والذباب والناموس بالمستشفى لانه مافى قسم لمكافحة العدوى ناس العدوى ديل ذى الشرطه من حقهم تفتيش اى قسم حتى الاطباء ومن حقهم ايقاف العمليات ودايما بتكون فى ممرضه هى المسؤله عن مكافخة العدوى بعد دراسه لكن فى بلدنا اى ادارة لطبيب حكايه ثابته , وصحة البيئة بالمستشفى مسؤل منها مراقب صحى يعمل بقسم مكافحة العدوى كل ده غير موجود فى مستشفى تعليمى بل كل المستشفيات.
الاخ ابو وضاح وينك ياخى تحياتى ليك وياحليل ايامنا
دكتور فراج ودكتور عوض القون رحمة الله عليهم عملوا للبلد وللمستشفى وكانو دايما ينادونى بكلمة ابنى زمن ............
حضرت الحلقة الفائتة من برنامج صحة عافية في قناة النيل الازرق إستضاف فيها د. عمر أخصائي طب الطواري في مستشفي بريطاني و أخصائية القلب بمركز القلب التابع للجيش و كان كل حديثهم منصب علي هذا الجهاز الحساس و طبعا د. عمر ما قصر حرف كل الحيث لصالح إيداهور ... المهم عرفنا منهم بالاحصائيات الدقيقة أن المريض لازم يتم إسعافة بهذا الجهاز في فترة لا تزيد عن ال 4 دقائق نصف و عرفنا أن كل دقيقة تأخير تعني هبوط نسبة الشفاء الي 20% و أخبرونا أن هذا الجهاز مصمم لغير الاطباء أو العاملين في الحقل الصحي و أستعماله بديهي و أكثر من سهل و حتي طريقة الاستعمال غير مكتوبة بلغة إنما هناك رسوم توضيحية فيه كما انه يعمل أتوماتيكيا بعد أستعماله مباشرة ... و أوضحوا أن هذا الجهاز في الخارج موضوع في أي مكان بجانب أنبوبة أطفاء الحرائق و قد تم أستعماله في أحدي المطارات في عام 8 مرات و قد اخبرونا أن 6 اشخاص ممن استعملوه ليست لهم أي علاقة بالطب و تم شفاء 7 حالات شفاءا تاما ... و الاغرب أن الدكتورة أوضحت أن هذا الجهاز رخيص جدا و لا يتعدي سعره ال 500 دولار ...
مشاققة: هو الاطباء مضربين ليهم أكثر من أسبوعين يعني حتي العلاج مافي تقوم نحلم كمان بي جهاز الصدمات
و بعدين مش طبيبات الامتياز الشافتهم عيني ديل و الله الواحد في حوادث الباطنية يتلوي من الالم في الكرسي قدامها و هي تتحدث في الجوال و تضحك بأعلي صوتها و المريض يا حليلو و أهلو يتصنطوا في الضحكها دة شنو و منو
العزيز ود الصول تحياتى
بخصوص الجهاز هما نوعين نوع بتاع المستشفيات ونوع اسمه aed هذا البكون موجود فى الاماكن العامه والاسعافات وبعمل اتوماتك ماعليك الاتوصل الوصلات واحده تحت الترقوه اليمين وواحده اسفل القفص الصدرى جهة الشمال وهو بعمل تقييم للحاله واذا احتاجت بقول ليك اضغط الزر وبتضغط الزر مع مراعاة ان لايكون احد ملتصق بالمريض والا تلقى ضربه كهربائيه ممكن توقف قلبه , اما حكاية الاربعه دقايق هى الفتره التى تموت فيها خلايه المخ اذا لم يحصل انعاش قلبى رئوى وليس استخدام الجهاز فقط , بالنسبه لاداهور تم نقله بعد اربعه دقايق ولم يتم انعاش ابدا وشغالين فى معلومه خطا بلع لسانه ومش قادرين نطلعه والله قمة التخلف وكل هذا يرجع لانه مافى تعليم طبى مستمر اتمنى ان نجد عدد من الاجهزه بمستشفى مدنى وقسم للتعليم الطبى المستمر
بالمناسبه انا بعمل فى قسم التعليم الطبى المستمر بل مشرف التدريب بمحافظه كامله وبدرس الانعاش القلبى لو فى بلدى مابجد فرصه ابدا لانها بلدى والعقد اللى فيها .
ارجو منك ان تهتم بهذا الموضوع بواسطة الجمعيه ذى ما اهتميت بملح الطعام
تحياتى
الاخ معتصم لك كل الود والتقدير
موضوعك بالجد حساس ويهم كل مواطن غيور على وطنو وخاصة اذا طلعت خارج السودان وشفت كيف ان الانسان مهم
أما من نلحية التقصير نجده في كل مكان في مدني
وتقبل مروري
السلام عليكم اشكركم اخوتي علي هذا العمل الرئع وهاكذا حال مدني واتمنيت ان كون معكم من زمان
اشكركم على الطرح الجيد...بس أنا عندي اضافة هل المستشفى صارت نظيفة ول زي زمان لها رائحة مميزة تلصق في الانف....
صراحة المستشفيات في السعودية بتعقد من النظافة....والله ما تحس انك في مستشفى . افتكر مسألة النظافة ماعايزة قروش كثيرة ولا تخصص بس عايزة فكر ووعي
مشكور أخي علي هذا الطرح الجميل . مستشفي ودمدني ليس كبقية مستشفيات العالم والناقص كثيررررر من جميع المعدات الطبيه + الاداره الطبيه
الاخوان الاعزاء
سامى
هيثم
ابوربا
الزبير
تحياتى لكم واسف فى التاخير على الرد عليكم لانى كنت مشغول شويه
مشكورين على المرور وعلى تعليقاتكم
احكى ليكم حكايه حصلت قبل سته اشهر تقريبا زرت قسم الحوادث جراحه وتناقشت مع طبيبتين وعدد من الممرضين عن الانعاش القلبى وجهاز الصدمات واهميته وللاسف وجدت احدى الطبيبات عندها راى ان الجهاز مش مهم فى قسم الجراحه مهم فى طوارى الباطنه , فسالتها هل بتحدث عندكم حالات وفيات قالت نعم طيب لما يكون شخص توقف قلبه سبب حادث لازم تعملى انعاش وتعالجى السبب وهذا الجهل بسبب عدم وجود قسم للتدريب المستمر بالمستشفى متابع وموفر نشرات وملصقات لكن ؟؟؟؟؟؟؟؟؟؟؟؟
هل تصدق أخي معتصم أن أحد الاخصائيين و هو أستاذ في كلية الطب توفرت له فرصة في السعودية للتدريب علي الطوارئي لمدة عامين في أكبر مستشفيات الرياض وحضرا فعلا إلا أنه قطع التدريب ... ففوت فرصة لمتدرب سوداني ... و ترك إنطباع سيئ في الرياض عن الطبيب السوداني
الاخ العزيز ودالصول تحياتى
الطبيب اللى قطع التدريب ورجع فوت فرصه لنفسه وللبلد لان الاختصاص غير متوفر عندنا لكنه ليس به ربح مادى يعنى اذا فتح عياده ماحايشتغل لكن علم الطوارى يضم كل التخصصات , والتدريب لازم يشمل التمريض لان تمريض الطوارى تخصص مهم من غيره , وزارة الصحه السودانيه ارسلت عدد من الاطباء للتدريب بالسعوديه الان بنتدرب فى السعوديه لاننا فقدنا المواكبه العلميه الكانت موجوده ربنا يسهل
الاخ معتصم
الاخ ودالصول
انا بدوري سابحث عن هذا الجهاز بتاع القلب في السعودية حتي لو مستعمل هنا في رجال الخير كثيرون . واطلب منكم بعد المعلومات هل ينفع مستعمل؟ هل لدية مواصفات معيتة ليعمل في السودان؟
افيدوني اخوتي
اقتباس:
المشاركة الأصلية كتبت بواسطة هيثم صديق
شكرا اخي هيثم صديق
علي هذا الشعور الطيب
ودا العشم فيكم
نتمني من الاستاذ خالد الصول
ان يمدكم بمايلزم من معلومات باذن الله