# تغريد # في رحاب الكرسي الساخن

اقتباس:

---

المشاركة الأصلية كتبت بواسطة المكاشفى

الكرسى منور بطلتك يادكتوره

النور نورك يا المكاشفي والله يا هلا بيك
وجعله الله كرسى زى اللبخه فى شمبات
ولا زى شجر المين فى زراعه


هي هي :eek::eek::eek:


الاخ شمباتي ولا شنو :confused:

باين عليك مقدد شمبات دي شدييييييييييييد كدي وريني حكايتك مع شمبات شنو ;);)


البطاقه لبشخصيه بأسهاب الى جدك الرابع
والميلاد والنشئه
بعد التخرج ؟؟؟
ساكنه وين؟؟؟


دا كلو قلتوا فوق يا المكاشفي بس تاني بجيبوا ليك هنا
اها يا اخوانا السيرة الذاتية



تغريد الطاهر حسب الله علي دينار

28 سنة كبييييييييييييييرة أحمد الله - مضمنة الجمع والعطلات الرسمية وكدا -

ساكنة مدني حي دردق

خريجة جامعة الخرطوم

كلية الطب البيطري

اعمل بوظيفة مدير أدارة مكافحة الأوبئة بمستشفي بيطري محلية أم القري





وكان حيين بنتلاقى

---

مرحب كتيييييييييييير ومنتظرين العودة باذن الله تعالي

اقتباس:

---

المشاركة الأصلية كتبت بواسطة سيد البلد

غايتو ناس حاقده كيف ؟


مش كدا بالله يا سيدا :rolleyes:;);)
الأخت " تغريد " حبابك كتير والله في الشغل ده

مرحب بيك يا سيدا وعقبااااااااااااااااااالك يارب :p:p
كدي أول حاجه نشوف اللون الحاتكتبي بيهو وبعدين نحدد

هههههههههههههه

أها اللون دا كيف معاك :confused::confused:

حنقدر نجيك ولا نشوف لينا بوست تاي نقيل فيهو

---

تمشي وين ياخ تعالوا قيلوا معاي بي هنا قفلوا النيمة دي الايامات دي

اقتباس:

---

المشاركة الأصلية كتبت بواسطة هيثم ادروب

اختنا تغريد ..

او دكتورة تغريد كما لا يعرف البعض هنا ..

اتمني لك اقامة طيبة في الكرسي الساخن ..

وان تكوني كما تعودنا .. مرحة دائماً ..

نستمتع بجوانب حياتك الخاصة .. والعامة ..

نبحر في عالم انفلوزا الطيور .. وابو نيني .. :eek:

وقصة البقرة العجيبة ..

حبابك الف ..

وبلف وبجيك بي اسئلتي مرة واحدة عشان ماتزعلي ..

---

هههههههههههههههههههههههه


هيثومي يا منقة


والله ضحكتني جنس ضحك الله يسعد كل ايامك


وتعال بي كل اسئلتك ياخ مع انو انا متاكدة انت بالذات حافظني صم من عنقريب العاقب


الف مرحب يا هيثم ومنتظراك

تغريد
تحيات لك يا دكتر
جائت بنا الامنيات الطيبات
موفقة انشاء الله

اقتباس:

---

المشاركة الأصلية كتبت بواسطة agibmisbah

عليك الله يا سيد البلد الحاقد فينا منو

جايب ليك بوهيات وطالى بيها البوست

طششت بينا ياخ

ونرحب سوا بى تغريد

ونقول ليها

الالوان والابراج ... ربما تأخذنا فى عجلتها ... وتدور بنا فى فلكها ...

بعضنا يراها تمثل شيئا حقيقيا ...أى أن كل منها يعكس شخصية

الكتابة بلون هل تعكس شخصية أحدنا أم هى أضغاث تهيؤات

---

في رأيي ان الالوان تمثل انعاكسا لشخصية الفرد وحالته المزاجية

فأنا كثيرا ما انوي لبس لبسة بلون معين وحينما استيقظ اليوم التالي أجد ان لون اللبسة لا يتناسب وحالتي المزاجية فأضطر الي تغييرها مجبرة

حقيقة يا العاقب الالوان والانعاكسات النفسية مسألة شخصية بحتة تعتمد علي حالة

الفرد النفسية ومدي تقبله للون المعين ودي كانت مشكلتي مع الالوان في المنتدي


لاني فجأة كدا لقيت نفسي في اللون الليموني الفاتح ودا عمل لي ربكة

لانو بدت الرسايل تتطاقش علي


ما شايفين

عميتينا

ما قادرين نقرا خطك

اها انا نفسي شديييييييييييييد في الليموني بس ناس ود مدثر المتحيلين دي دايرين يضاروا بي كبرهم :p:p:p

قتشتا علي لون اكتب بيهو وجد كدا ما حسيت نفسي في اي لون

غايتو كانت ايام :rolleyes::rolleyes:

اقتباس:

---

المشاركة الأصلية كتبت بواسطة ابوالشباب شوشه

منوره الكرسى يادكتوره انشاء الله ربنا يسهل عليك اسألة عجيب وادروب

---

امييييييييييييين يا رب تسلم يا شوشة والكرسي منور بي وجودك




يلا جيب أسألتك مستنياك أنا ;););)

اقتباس:

---

المشاركة الأصلية كتبت بواسطة ابوالشباب شوشه

بسم الله نبدأ

سؤال خفيف وظريف :

نبذه تعريفيه سريع كده ؟

---

ياخ ما قلناها مرتين فوق يا شوشة ياخ :mad::mad::mad:



ممكن خيارات تانية :rolleyes::rolleyes::rolleyes:

اقتباس:

---

المشاركة الأصلية كتبت بواسطة moram

ياهلا بالعزيزة تغريد..


هلا هلا بي مرام العسل

وييييييينك ماظهرتي لحد الآن؟؟؟:confused:

أها يا بت امي انا جيت

ماتخافي الكرسي ما سخن لسة , لكن مستنيك;)

---

هههههههههههه


غايتو لحد هسة ما سخن ويا رب يكون باااااااااااااااااااااارد طوالي كدا


مرحب بيك يا مرام مشكورة

اقتباس:

---

المشاركة الأصلية كتبت بواسطة moram

الكرسي نور بيك.:)

---

منور بيك يا حبيبة :):):):)


تسلمي

الـسلام علـيـكـم ورحـمة الله وبـركاته
لو علمت الدار بمن زارها فرحت
واستبشرت ثم باست موضع القدمين
وأنشدت بلسان الحال قائلةً
اهلا وسهلاً بأهل الجود والكرم
أهـــــــــلا ً وسهــــــــلا
نورت والله....

مرحب بيك ياتغريد فى الكرسى

بس عايزين السماح من هسى:):):o:o

اقتباس:

---

المشاركة الأصلية كتبت بواسطة بت أم درمان

د / تغريد ... تاني صديقة مقربة لي بالمنتدى ... صدقي ... مبسوطة ليك شديد بالجلسة الروووعة دي ... ويااارب انتي كمان تنبسطي ...



هلا بي بت أمدر صديقني العزيزة وجد انا مبسوطة شديد بي طلتك دي

وانا مبسوطة بي وجودي معاكم وبيكم جلستنا تحلا

بجيك تاني بي كم سؤال من النوعيات البتختيها في العنقريب ديك ... على كم مجموعة ... عللي ... اختاري ... صح وخطأ ...


أي أي عاد الليلة لقيتي فيني فرصة

ياحليلك يا تغريد كنتي طيبة
غايتو من فرحتي ما عارفة اعمل ليك شنو

---

كل البتعمليهم تجيني بي كمية أسئلة وتجي تقيلي معاي بي جاي

اقتباس:

---

المشاركة الأصلية كتبت بواسطة بت مارنجان

:eek::eek::eek::eek::eek::eek::eek::eek::eek:

شنو ياود النور ,, انت شغال لي ناس العنقريب بالدور ولا شنو :rolleyes:
الله يستر ياربي الجاي منو :confused:



" غردة " زي مابحب اناديك ولكم بيك ومنورة الكرسي ,, ونحنا باذن الله حنعمل ليك
مصدات من اي هجمات عنيفة ,, انتي بس خليك ريلاكس ;)

---

بت ما رنجان الف مرحب وبيك المكان مزدان بشدة


وعارفاك ما بتقصري يا بتو والله وانا ريلاكس ونص وخمسة

والله منوره الكرسي الساخن يا تغريد

وشكرا على التعريف الشامل والكامل .. ونتمنى ليك التوفيق في الباقي البكمل السيره الذاتيه وكدا :p

طبيعة عملك كـ طبيبة بيطرية هل وجدت فيهو صعوبات ؟؟؟

كل الـ بعرفو من خريجي البيطرة أو الإنتاج الحيواني أو الزراعة والـ شالو قروش من البنوك عشان يستثمرو في المجال الزراعي والحيواني باءت مشاريعهم بالفشل .. تفتكري السبب شنو ؟؟

جاوبي على ديل و برجع ليك تاني :)

اقتباس:

---

المشاركة الأصلية كتبت بواسطة عبدالرحمن مدثر

وردتنا البنفسجية تغريد


ود مدثر الرجل الشفيف وضاح المحيا هلا بيك ومرحب
سعيد انا بوجودك بيننا

وسعيد اكثر بهذا البوح الجميل من (بدايته )


يسعد كل ايامك يا رائع بروعة القلب الكبير الشايل كل الناس ومدفق
حتى نتوقف مع تغريد فى كل محطاتها .. ونسعد بخيالها الخصيب

وروحها المرحة ..............


ربنا يسهل واكون عند حسن ظنكم
- جيتى للمنتدى كيف (وصف ممل عليك الله ):p




رحلتي للمنتدي كانت عبر بحثي لمنتدي يضم اهلي وعشيرتي بمدينة ودمدني

ةكان انا اتي لي العزيز قوقل بقائمة طويلة من المنتديات بدات الولوج الي اولها وكان

منتديات ودمدني

دخلت وغرقت

غرقت في بحر من الابداع لم يتحملها عقلي المتشوق الباحث عن نوع خاص من السحر

فخرجت يومها من المنتدي و قد وجدت ما كنت أبحث عنه ناويةالعودة لازرع نفسي بيت مسام أرضه الخصبة المترعة بالمحنة الجميلة والعقول الواعية والثقافة العالية والتي لا تخلو من صراحة صادمة مشرعة كالسيف شدما احببتها


وكان التسجيل

ثم الولوج الي ذا العالم الرائع يوما وراء يوم حتي هذ اللحظة والي ما لا نهاية باذن الله


- رحلة تغريد من الثقافى للنفاااج .. هل خصمت من تغريد احاسيسها البنفسجية



آآآآآآآآآآآآآآآآآآآآآآآآآآآه يا عبد الرحمن


بسؤالك هذا أثرت في شجنا اليما أخترق كل خلية في عقلي وقلبي

ووجداني واعادني الي تلك القارة المفقودة التي كنت نلجا الها منفثين عما يجول

بخواطرنا من الم او فرح ومستمتعين بكم من الابداع متجسد في اقلام طالما احببنا

روعتها وسقتنا شهدا بلل حلوقنا العطشي


الثقافي وما أدراك ما الثقافي

دوحة وارفة و جنة عامرة سكنت فيها وكانت بداية انطلاقتي بالمنتدي

وضعت فيه رحالي وأسرجت اليه خيول افكاري

ووجدت فيه أصدقاء كتبوا بأقلامهم ما كان ف صدري حبيس


ولكن ....

طارت العصافير وهجرت الاعشاش ورغم الشوق الذي جئنا به الا اننا فوجئنا بأشياء لم
تكن في حسباننا وسلبنا أصدقاء وجدنا انفسنا عبر اقلامهم وفقدنا حادي الركب وقائد المسيرة ذلك الرجل الشفيف والشاعر الانيق الذي بث فينا جزوة التشجيع وقام بأشياء من اجل الثقافي دفعتنا لنعطي ونعطي بقدر ما نستطيع وربما اكثر مما نستطيع

عدنا ووجدنا كل الاصدقاء قد هجروا الثقافي وتحولوا الي النفاج لست أدري ما السبب ولكن فوجئت بهجرة كل الاصحاب واصبح المكان خاويا منهم وفاقدا للطعم من غيرهم فرحلنا معهم ونحن سعيدين بصحبنهم

- بجيك تااانى

---

منتظراك يا صاحب

تغريد

واول يوم في الجامعة

ماذا تحب من الاكلات


ماذا تحب من المشروبات


فنانك المفضل وممثلك وممثلتك

اصغر اخوانك ولا اكبر

ساكنين وين

اول يوم ليك في الروضة بتذكريهو

اول حب طرق بابك

وبجيك راجعة تاااااااااااااااااااني

اقتباس:

---

المشاركة الأصلية كتبت بواسطة يسري الياس

تغريد
تحيات لك يا دكتر
جائت بنا الامنيات الطيبات
موفقة انشاء الله

---

يسري الرائع يامن عشقت قلمك كثييييرا وبشدة




شكرا لكل الامنيات الجميلة التي مددتني بها


دمت ودام قلمك الزهبي

اقتباس:

---

المشاركة الأصلية كتبت بواسطة amino

الـسلام علـيـكـم ورحـمة الله وبـركاته
لو علمت الدار بمن زارها فرحت
واستبشرت ثم باست موضع القدمين
وأنشدت بلسان الحال قائلةً
اهلا وسهلاً بأهل الجود والكرم
أهـــــــــلا ً وسهــــــــلا
نورت والله....

مرحب بيك ياتغريد فى الكرسى

بس عايزين السماح من هسى:):):o:o

---

وعليكم السلام ورحمة الله يا امينو


وشكرا كتيير علي الكلام الجميل دا




واصلوا ما بيناتنا مرحب بي كل أسئلتك وحأرد ليك عليها بي كل صدق وامانة وبكل طيب خاطر

اقتباس:

---

المشاركة الأصلية كتبت بواسطة عثمان جلالة

والله منوره الكرسي الساخن يا تغريد


النور نورك يا عثمان سعيدة بي تشريفك لي في الكرسي
وشكرا على التعريف الشامل والكامل .. ونتمنى ليك التوفيق في الباقي البكمل السيره الذاتيه وكدا :p

قصدك شنو :rolleyes::rolleyes:

طبيعة عملك كـ طبيبة بيطرية هل وجدت فيهو صعوبات ؟؟؟

طبعا اي عمل ميداني غالبا بيكون صعب شوية في البداية وغالبية شغل البطري وخصوصا قسم مكافحة الاوبئة محتاج لي كتيير من الصبر وقوة التحمل بس بي مرور الزمن بتون كل الصعاب والواحد بيتعود

كل الـ بعرفو من خريجي البيطرة أو الإنتاج الحيواني أو الزراعة والـ شالو قروش من البنوك عشان يستثمرو في المجال الزراعي والحيواني باءت مشاريعهم بالفشل .. تفتكري السبب شنو ؟؟

احتمل سوء تخطيط او عدم وضع دراسات جيدة مماشية لي الواقع في السوق وربما قلة التجربة و ربما اسباب اخري تعتمد علي ادارة المزرعة وغيرها من الاسباب المتعلقة بالمزرعة

ولكن يا عثمان معروف عن مشاريع الثروة الحيوانية انها مشاريع مضمونة الربح بس تطبق فيها الشروط اللازمة لاستمرارها خصوصا البعد عن الطمع اذي يرسم لك ان تجني اكبر ربح باقل خسارة وهنا يحدث ما لا يحمد عقباه


جاوبي على ديل و برجع ليك تاني :)

---

في الانتظار ومرحب بيك دوما

تغريد هجرة الثقافي ... ليه؟... دا سؤال على الماشي

اقتباس:

---

المشاركة الأصلية كتبت بواسطة مايسة

تغريد

واول يوم في الجامعة


دهشة شديدة و انبهار بي عالم جديد ملئ بالاسرار والطموحات ممزوج بي حسرة لعدم

تمكني من تحقيق حلمي بدخول كلية الطب

ماذا تحب من الاكلات

احب كل ما تجود به يدي امي الحبيبة

خصوصا النعيمية بالعصيدة

ماذا تحب من المشروبات

عصير البرتقال فنانك المفضل وممثلك وممثلتك


فناني المفضل استاذ كل الاجيال الفنان عثمان حسين ومن جيل الشباب محمود عبد العزيز واجد نفسي في كل كلمة جميلة تغني بصوت جميل

ممثل احب وبشدة الفنان الكوميدي أحمد حلمي
ممثلة فاتن حمامة وعبلة كامل وياسمين عبد العزيز

اصغر اخوانك ولا اكبر
نحن ثلاثة اخوات وانا اصغرهن

ساكنين وين

أقيم بمدينة مدني حي دردق
اول يوم ليك في الروضة بتذكريهو

بكاء شديد وخوف من فراق امي وزعل منها لانها اتت بي الي عالم لا اعرف فيه احد ولكن سرعان ما تبدد هذا الاحساس بعد يومين لاجدني استعجل امي في الذهاب الي الروضة اول حب طرق بابك


لم يطرق ذلك الحب بابي للاسف وكثيرا يا ميسو ما كتبت لذلك الغائب الحاضر في والذي لم يات بعد علي الوعد مني بان اعلن عن ذلك الحب حال وصوله


وبجيك راجعة تاااااااااااااااااااني

---

هلا بيك يا ميسو وراجيااااااااااااااااااااااااك

اقتباس:

---

المشاركة الأصلية كتبت بواسطة بت أم درمان

تغريد هجرة الثقافي ... ليه؟... دا سؤال على الماشي

---

ما لقيت التشجيع الكافي يا بت ام در و بشوف مواضيع اتكتبت غاية في الجمال بس

الردود عليها ضعيفة وما مشجعة دا بالضافة للكلام القلتوا في ردي علي عبد الرحمن

مدثر وهجرة معظم الاقلام مع انو في اقلام لسة مناضلة للبقاء يا بت امدر ياخي






سهم للاعلي ياخ :mad:

اقتباس:

---

المشاركة الأصلية كتبت بواسطة تغريد

ما لقيت التشجيع الكافي يا بت ام در و بشوف مواضيع اتكتبت غاية في الجمال بس

الردود عليها ضعيفة وما مشجعة دا بالضافة للكلام القلتوا في ردي علي عبد الرحمن

مدثر وهجرة معظم الاقلام مع انو في اقلام لسة مناضلة للبقاء يا بت امدر ياخي






سهم للاعلي ياخ :mad:

---

خلاص معليش ما تتنرفزي فينا كدا ... قايلة نفسي جبت لي سؤال قبل ما يسألوهو ليكي ... ما قايلة ابو مزن سبقني ... عموما كدا مشكورة على الرد ... وبمشي بشوف الرد الفوق ...

اقتباس:

---

المشاركة الأصلية كتبت بواسطة بت أم درمان

خلاص معليش ما تتنرفزي فينا كدا ... قايلة نفسي جبت لي سؤال قبل ما يسألوهو ليكي ... ما قايلة ابو مزن سبقني ... عموما كدا مشكورة على الرد ... وبمشي بشوف الرد الفوق ...

---

ههههههههههههههههههه


ياخ انا بقدر ازهج منك يا صاحبتي



والله بس حبيت اغير الجو دا شوية



يلا راجياك بالسؤال البعدو

تغريد

ان طبعا ماخدة راحتي على الاخر - بقول اسمك حااااااااااااااااااااااااااف :d:d

طالما انتن ثلاث بنات

احساسك وانتي فاقدة احساس الاخ - الولد

همسة : معليش استحملي ;)

اقتباس:

---

المشاركة الأصلية كتبت بواسطة تغريد

ياخ ما قلناها مرتين فوق يا شوشة ياخ :mad::mad::mad:



ممكن خيارات تانية :rolleyes::rolleyes::rolleyes:

---

من غير زعل ياخ السؤال ده كان قبل تقولى لينا ارجعى للبوست
حاولى تركبى الصفاف عشان تحصلى الاسأله اول بأول :d