للرجال ولكن لا يمنع دخول النسوان..

اقتباس:

---

المشاركة الأصلية كتبت بواسطة العاقب مصباح

اشرف السعيد معليش يا اخوى

استلمنا منك البوست وعملنا الحالة واحدة

اعفى لينا تب

---

هوووى يالعاقب اخوى انا فتحت البوست وبس..وهذا تفويض منى لشخصكم الكريم لتولى زمام الامور فيه كاملة..يااخوى انحنا عندنا عيال عايزين نربيهم..
هوووى يا ناس المنتديات عقبة هو المتحدث الرسمى بهذا البوست "اتفش يااخوى فى الكانو بينهرو فى الرجال لما كان بتاوقو"..
حقيقى البوست للجميع ولعلى اتلذذ بسجالك مع الاخوات "انا خواااف ما بقدر عليهن بالله ما تقصر وفت الفى نفسك"..ومؤكد كل النقاش سيؤدى الى مصلحة الاسرة..
لك كل التحايا واتجدع يا زول سااكت الله معاك..

اقتباس:

---

المشاركة الأصلية كتبت بواسطة أشرف صلاح السعيد

عقبة ومايسة بنتاوق ونشوف بتودونو لوين؟..

---

:o:o:o

العفو يا سيدي الكريم - بس العاقب دا بينظر سااااي

دا حالتو ما جرب - لو جرب يقول شنو ما بعرف ;)

اقتباس:

---

المشاركة الأصلية كتبت بواسطة أشرف صلاح السعيد

هوووى يالعاقب اخوى انا فتحت البوست وبس..وهذا تفويض منى لشخصكم الكريم لتولى زمام الامور فيه كاملة..يااخوى انحنا عندنا عيال عايزين نربيهم..
هوووى يا ناس المنتديات عقبة هو المتحدث الرسمى بهذا البوست "اتفش يااخوى فى الكانو بينهرو فى الرجال لما كان بتاوقو"..حقيقى البوست للجميع ولعلى اتلذذ بسجالك مع الاخوات "انا خواااف ما بقدر عليهن بالله ما تقصر وفت الفى نفسك"..ومؤكد كل النقاش سيؤدى الى مصلحة الاسرة..
لك كل التحايا واتجدع يا زول سااكت الله معاك..

---

كان كدي اترحم على بوستيك ساااااي
لانو العاقب دا عندو حساسية - راح يملاهو ليك كلو انتي بايوتيك وفنستيل :p;)

أها يا اخوي اشرف انا جاااادة دحين هسه
قالو في سبعة أخطاء بيقع فيها الازواج عادة من غير ما يشعرو - وهي البتأدي قالو لفتور العلاقة بيناتهم - والشعور بالضجر والملل من العلاقة - واولها قالو

اجبــــــــــــــــــــــــــــــــــــــار الود

- بمعني انو الواحد فيهم بغض النظر المرأة او الرجل - يلاحق الطرف التاني
ويطلب منه في كل لحظة وكل ساعة انو يحسسه بانو بيحبو قولا او فعلا -

- مثلا ان تطلب الزوجة في اليوم اكثر من مرة ان يقول ليها الزوج بانني احبك وتصر على هذا - والعكس -

- بمعني ان تتصل الزوجة على الزوج مليون مرة في اليوم وتقول له (يا حبيبي - يا روحي - وين انت - كيف عامل - اتغديت - اتعشيت - بتعمل شنو هسه) - في حين انو يكون في المكتب وشغال - ولا عندو اجتماع -

* هذا هو معني اجبار الود - ملاحقة اي الطرفين للاخر واجباره على قول او فعل - باختصار شديد (الخنقة والحصار) .

وكما هو معروف في لغتنا العامية - البتجري ورااهو بجري منك -

همسة : طبعا برضو بينطبق على العلاقات التي قبل الزواج ;)

- نصيحة لاي زوجين - اي واحد فيكم احسن يتعامل باريحية - ويدي التاني احاسيسه بجرعات متفاوته - مش بانبهال شديد فتجوط الحكاية - وتفقد معناها - وتبقي زي الحاجة الالزامية او الاجبار -

أشرف اخوي : ثقة مش كدا ;):cool::p

اقتباس:

---

المشاركة الأصلية كتبت بواسطة مايسة

:o:o:o

العفو يا سيدي الكريم - بس العاقب دا بينظر سااااي

دا حالتو ما جرب - لو جرب يقول شنو ما بعرف ;)



كان كدي اترحم على بوستيك ساااااي
لانو العاقب دا عندو حساسية - راح يملاهو ليك كلو انتي بايوتيك وفستلين :p;)

---

بوستى نهى مشكل الخوفا كنتا اترحم عليا انا..
والله الرأى والرأى الآخر بيفيدوا القضية اكتر من كلام الخوافين الزيى هههههه..

اشرف السعيد ماحتعرف مقدار فرحي وسعادتي بي هذا البوست
والله فرحانه شديد عارف ليه
عشان عندك ركشه وحتوديني وتجيبني بين البوستين;)
النسوان الدخلن البوست دا ماتنقطعن وماتكتروا الجيه
نمرة للنسوان في بوست الرجال
انتمي لانوثتك وافخري بانك امراءة في كل الاماكن
باقي النمرة دي بي هناك تعالوا لاحقنها

ماشاء الله
البوست ماشي بي سرعة الصاروخ
هييييي يالنسوان غيرن
ديل كبوا الجواهم كله
هو البوست دا جاء بتين
يعني علي قول اخونا الجنوبي
تاني مانوم:mad:

اخي اشرف مشاركة جاده
اسمح لي بدخول بوستيكم
واصتحب معي مفاتيح للاخوة مع شويه نمر
همسه نمركم ومفاتيحكم استلفها من ابو قبس واخواني الرجال:o

اقتباس:

---

المشاركة الأصلية كتبت بواسطة مايسة

أها يا اخوي اشرف انا جاااادة دحين هسه
قالو في سبعة أخطاء بيقع فيها الازواج عادة من غير ما يشعرو - وهي البتأدي قالو لفتور العلاقة بيناتهم - والشعور بالضجر والملل من العلاقة - واولها قالو

اجبــــــــــــــــــــــــــــــــــــــار الود

- بمعني انو الواحد فيهم بغض النظر المرأة او الرجل - يلاحق الطرف التاني
ويطلب منه في كل لحظة وكل ساعة انو يحسسه بانو بيحبو قولا او فعلا -

- مثلا ان تطلب الزوجة في اليوم اكثر من مرة ان يقول ليها الزوج بانني احبك وتصر على هذا - والعكس -

- بمعني ان تتصل الزوجة على الزوج مليون مرة في اليوم وتقول له (يا حبيبي - يا روحي - وين انت - كيف عامل - اتغديت - اتعشيت - بتعمل شنو هسه) - في حين انو يكون في المكتب وشغال - ولا عندو اجتماع -

* هذا هو معني اجبار الود - ملاحقة اي الطرفين للاخر واجباره على قول او فعل - باختصار شديد (الخنقة والحصار) .

وكما هو معروف في لغتنا العامية - البتجري ورااهو بجري منك -

همسة : طبعا برضو بينطبق على العلاقات التي قبل الزواج ;)

- نصيحة لاي زوجين - اي واحد فيكم احسن يتعامل باريحية - ويدي التاني احاسيسه بجرعات متفاوته - مش بانبهال شديد فتجوط الحكاية - وتفقد معناها - وتبقي زي الحاجة الالزامية او الاجبار -

أشرف اخوي : ثقة مش كدا ;):cool::p

---

والله يااختى مايسة ليك حق فى ثقتك بنفسك وانا زاتى بقيت واثق فيها..
"إجبار الود" او كما قيل من الحب ما قتل.. تلاقى الجوز اللوز فى البداية منغلقين على بعض ولكأن الحياة هما.. ثم يصل أحد الطرفين بأن تلك المرحلة ما هى الا مرحلة الإنشداه والتحت والسكر الأولى لجديد العلاقة فيمضى باحثا عن مساحاته مع الأنا ولو لبرهات قلائل.. ان كان التغير فى الاثنين يادار ما دخلك شر .. اما الكارثة وصول احد الزوجين لمرحلة البحث عن مساحات وازمنة مع الآخرين او مع نفسه دون شريكه ..وتبدأ مرحلة إجبار الود..بقيت ما بتحبنى زى اول..اصلو الناس زمان قالو ليا ما تسرقك السكينة وبكرة بيظهر / بتظهر على حقيته/اوافلام معادة رتيبة مملة والخنقة تبدأ..
للزوجة والزوج معرفة وجوب ترك مساحات وازمنة خاصة بهم يستطيعون خلالها دفع الشوق الى بعضهم وكثرة رتابة الايقاع الثنائى المستمر بهما فقط..
مستينين الستة الباقين يا استاذة..

اقتباس:

---

المشاركة الأصلية كتبت بواسطة ام قبس

اشرف السعيد ماحتعرف مقدار فرحي وسعادتي بي هذا البوست
والله فرحانه شديد عارف ليه
عشان عندك ركشه وحتوديني وتجيبني بين البوستين;)
النسوان الدخلن البوست دا ماتنقطعن وماتكتروا الجيه
نمرة للنسوان في بوست الرجال
انتمي لانوثتك وافخري بانك امراءة في كل الاماكن
باقي النمرة دي بي هناك تعالوا لاحقنها

---

أم قبس ما هذا البوست الا كوبى لبوستك القمة وبعد ما شففتنا اختنا أسماء..
والركشة وامين تحت امرك وحنغير المسار من اول الخط لاخر الخط بمسار جديد بين البوستين محطة حوا ومحطة آدم..بس ما تملحى الزول عليهو اقساط..ههههه
نمرة هنا ونمرة هناك ما قصرتى ..بس شوفتينا ديمكراتيين كيف وما بنهر العوين زى تنهركم للخناشير..

اقتباس:

---

المشاركة الأصلية كتبت بواسطة ام قبس

ماشاء الله
البوست ماشي بي سرعة الصاروخ
هييييي يالنسوان غيرن
ديل كبوا الجواهم كله
هو البوست دا جاء بتين
يعني علي قول اخونا الجنوبي
تاني مانوم:mad:

---

هو بقى فيها نوم؟؟ خايف اقول ليك خمسة وخميسة الهيلالاب يفهمونى خلط..

اقتباس:

---

المشاركة الأصلية كتبت بواسطة ام قبس

اخي اشرف مشاركة جاده
اسمح لي بدخول بوستيكم
واصتحب معي مفاتيح للاخوة مع شويه نمر
همسه نمركم ومفاتيحكم استلفها من ابو قبس واخواني الرجال:o

---

لا يسمح لسيد الديار بولوج الدار ..مرحب بيك وبنمرك وابو قبس وقبس كمان..
بدأتى الدعوة نحو أسرة سعيدة متيقنة وآمنة أنت فلك حق الفيتو بهذا البوست فهو إمتداد لذاك وكلنا فى الهم أسرة..

همسة: العاقب المتحدث الرسمى هنا..نظام المديدة حرقتنى..

[QUOTE=العاقب مصباح;418696][u]
[size=4][color=magenta]اها انا جاييك والله انظر ليك تنظير


العاقب صباحك بمبي
صدقني كلمه واحدة قلتها صاح ياها دي

العاقب اطلع من المقابر دي مايهجمك بعاتي:p

ياشرف بالغت شديد ماتخليني اقلب الحريم ديل عليك
دا استخفاف بينا لمان تمسك العذابه بوست عن الاسرة
ونحنا هناك لمان فتيناه كنا
مرقنا من الانا للانت
لكن جينا لقيناك فتحت بوست ضحك علي الدقون وتنظير
وروايات عبير
تمسك التجديف ولا اغرقك :eek:

احييك اولا اخ اشرف على شجاعتك
لفتح هذا البوست واشكر الاخت اسماء على الفكره
واود ان تفيدونا في موضوع مهم
جدا للزوجيين وخطيروهو

الشك
قدتخرج منك كلمة مجامله في حق ست بدون قصد
اذا الراجل دا عينو زايغه وعندو راي وانا نايمه على اضاني
حرب بلا هواده عليك وعلى المسكينه واذا حاولت ان تقنعها انك
لاتقصد شيء اتمسكت اكتر وزاد جنها وبداءت حياتها تتغير
تعاكسها تخرب اي شيء وتخليها هادي الحاله
اتمنى من الاخوات افادتنا في هذا الموضوع

اقتباس:

---

المشاركة الأصلية كتبت بواسطة العاقب مصباح

والله يا اشرف ناوى على البوست دا من امس

وبى نفس العنوان كمان

قلنا نكون احسن من ام قبس ونخليها تستفيد كمان
علي قول محمد النور هنا كترت المحلبيه

اها انا جاييك والله انظر ليك تنظير لمن الجنس الاخر يتكيف
تنظر ممكن يتكيف كان غيرك اشطر

مش قلت مسموح للعزابة وفق رؤية تؤطر جمالية المكان الذى يسع الجميع
دا تقولوا لمان تكون خاطب او مرنق لي واحدة عاوز تخطبها
في العرس دا شمار في مرقه

جااااااااااااااااااااااااايى

---

والله انت ومحمد نور شباكي كفايه عليكم

اقتباس:

---

المشاركة الأصلية كتبت بواسطة أشرف صلاح السعيد

زى ما بقولو "great minds think a like" شفتا شكارتا دلاكتا كيف؟..
والله استنيتك او محمد نور تعملو البوست وفى الاخر قلتا اشيل وش القباحة انا ههههههه..
المتزوجين ما خلاص البقت بقت وربنا يصلح الحال للحالم ما متصلح ولكن الكلام فى العزابة دايرنهم يخشوا كدا بخطط مغايرة لضبح الكديسة وشلتا لمن توصل يا شايلا الحارمة وشلتا لمن تصل وكدا..
حباب عقبة ومستنين فتك وما تعمل ليا ياالجنا فتنة مع أم قبس وتدردقنى ليها..

---

والله لو كانوا عملوا كان تبقي مصيبه
الا هم الاتنين حدهم نمرة واحد
مابقدر يغيروا لي نمرة اتنين
ونمرة خمسه دي بمشوا بيها الشفوت ذي ناس فراس

اقتباس:

---

المشاركة الأصلية كتبت بواسطة سماحة

يا أخوي أشرف ام قبس ما تقصد عدم دخولكم ( فالممنوع مرغوب ) ولما قالت كدة كان قاصدة دخولكم وعارفاكم( شمشارين) ووصلت المطلوب ولا انا غلطانة يا ام قبس

---

التأشيرة تبدو صحيحة
نعم تبدو صحيحة

اقتباس:

---

المشاركة الأصلية كتبت بواسطة مايسة

يسلم فمك يا اخوي

لقيتك منصف لكن

فقرتك الاخيرة دي - لاحظته ليها كتير في السودان - اكتر من الغربة

في السودان الراجل تلقاهو ماشي على المناسبة براهو - اولاد لحالهم وهو ماشي مع اخوانو ولا اصحابو

احنا صراحة بنفتقد الجزئية دي - فالمراة عامة بتعتز بزوجها وتتفاخر به اما م صويحباتها كثيرا - يعني راجلي جاب لي وعمل لي وسوا لي - ومشينا وجينا

- في الغربة الحاجة دي موجودة لانو غصبا عن الراجل لازم يطلع مع زوجته وما ممكن يخليها تمشي لحالها لمناسبة ولا حتي زيارة عائلية -

---

شوفى يا اختى مايسه
الحياه الزوجيه شراكه بين اثنين ... شركه زيها وزى اى شركه
راس مالها العشره الطيبه والموده والرحمه
وموظفنها الكلمه الحلوه والحب والود
وعمالها الاحترام المتبادل بين كل الاطراف ... للطرفين نفس الحقوق ونفس الواجبات ...
اما مديرها العام فهو الرجل وهذا ضرورى لضمان استقرار الاسره ...
يعنى الزوجه ما تجى تقول عاوزه تبقى المدير العام لانو ساعتها الكلام ح يكثر ويفقد الرجل الثقه فى نفسه ويقع المحظور
وشركه كهذه اكيد سيكون ارباحها اسره متناغمه متفاهمه
يسودها الحب والاحترام ..
ويجب على الطرفين الجلوس معا اخر كل سنه لجرد الحساب ...
وماهى الارباح التى حققوها فى السنه الفائته ...
فاذا كانت الشركه اخذت تحسم من راس مالها ( يعنى العشره الطيبه والموده والرحمه )
هنا يجب دق ناقوس الخطر .... فالشركه فى خطر محدق ويجب ان يراجعو انفسهم قبل وقوع الفاس فى الراس ...
اما ان كانت الارباح فى ازدياد فهذا يعنى ان النظام الاساسى للشركه قام على اسس قويه
وما كان اساسه قوى اكيد ان فروعه سوف تستوى وتعانق عنان السماء

اقتباس:

---

المشاركة الأصلية كتبت بواسطة العاقب مصباح

بسم الله الرحمن الرحيم

الاهداء الى هناية الغالية شديد
هسع الغاليه شديد
بعدين الكرهتنا البيت

نبدا فى الدروس الخصوصية للرجال

عزابة ايوا لكن عارفين ببواطن الامور ...بواطن الامور دى عجبتنى شديد طبعاً وبمسك فيها غصب

ما متنا لكن عارفين المقابر فيها شنو

الدرس الاول :- الصمت فى وجه الثرثرة :-

معلوم للكل انو النساء ثرثارات لدرجة مهولة جداً

واجمل رد فعل للثرثرة انك تكون صامت

[color=blue]تكون صامت مش بمعنى تكون بارد وتنشغل بى جريدة ولا بريموت التلفزيون ولا بى اى شئ تانى[/color]

لو كانت الزوجة عندها موضوع ولازم تحكيهو حتى لو كنت متابع ليك كورة مهمة جدا ولا ماشى لى صاحبك اجل كل شئ لحدى ما الزوجة تخلص ....

[color=blue]وتأكد تماما انو الزوجة لو كانت عندها مشكلة ومهما كان كبر حجمها فهى لا تحتاج منك لحل ... هى تريد ان تثرثر [/color]
وبس ....يعنى تطلع الجواها لو ما طلعته ما بترتاح ...انت اقعد وما خسران شئ ...وما بقول ليك اسمع الكلام
واديهو البحر .......... لا .....هى محتاجة منك لى مواساة .... واسيها لو عندها مشكلة .... وتأكد مهما كان حديثها
ومهما كانت مشكلتها ابتعد عن الحل تأكد تماما هى ما راغبة فى الحل ....
وتأكد كمان انو اى حل بيساعد فى زيادة المشكلة اللى هى فيها ...مهما كان الاستفزاز ابتعد وما تعمل فيها
ابو العريف ساى

ياخى اسكت احسن ليك وليها....

يُخيل لى ما صعب انك تستمع ليها صح ....

اها دى الحصة الاولى من حصص التعامل مع النساء ...

---

العاقب:mad:
اللونته ليك بالاحمر دا امشي راجعه
هديه مني ليك عشان هنايه تفضل معاك
والبي الازرق اكتب بيه كم صفحة في روايه عبير
والاخير دي يعني طريقك اخضر
اقعد ساكت مدام ود السعيد اداكم كراسي:D

اقتباس:

---

المشاركة الأصلية كتبت بواسطة مايسة

اجبــــــــــــــــــــــــــــــــــــــار الود

- بمعني ان تتصل الزوجة على الزوج مليون مرة في اليوم وتقول له (يا حبيبي - يا روحي - وين انت - كيف عامل - اتغديت - اتعشيت - بتعمل شنو هسه) - في حين انو يكون في المكتب وشغال - ولا عندو اجتماع -


همسة : طبعا برضو بينطبق على العلاقات التي قبل الزواج ;)

;):cool::p

---

الغريبة اني جاية مخصوص اعلق على ظاهرة خطيرة بتهدد امن البيوت عادة
وهي انتماء الرجل لامراتين
بمعنى تلاقيه متزوج وحدة وعن قناعة اختارها شريكة للحياة ولكن نلاقيه بحس بالانتماء اكتر لمراءة اخرى ( صديقة ) ونلاحظ انها صداقة عادية فعلا ومن خلالها تلاقي الزوج بلجاء لسرد همومه لهذه المراءة ..
وبصراحة هي ظاهرة بدت جلية جدا في جيل المتزوجين في الفترة القصيرة الماضية ..
مافاهمة هل السبب خوض الزوجة لمعركة العمل والانشغال عن المنزل وحاجات الزوج النفسية ام العيب في الرجال الفعلا بيتخذوا قرار الزواج وهم لسه بداخلهم ( مراهق ) يؤمن بالصداقات الوهمية ؟؟

همسة : طبعا يامايسة ربطي للحدث بكلامك لان ( شماعة ) الازواج في الظاهرة دي هي قلة اهتمام الزوجة وانشغالها باشياء اهم منه .. وتلاقي الواحد يقول ليك ( دي والله مامتذكر اخر مرة اتصلت قالت لي كلام حلو متين ؟؟)
يبقى لاكدا عاجب ولا كدا بعجب ان شاء الله

اقتباس:

---

المشاركة الأصلية كتبت بواسطة مايسة

بارك الله فيك اخ اشرف


ولفته منك - بس الا يدوكم (دفرة انتو) ;):p


اها البوست دا - بنخشو - بس عشان نصحح المعلومات والنصائح الراح تقولوها - مع انو احنا ناس خبره وكدا في المجال دا

ومعا نحو اسرة سعيدة وآمنه

---

ميسو خليتي النسوان براهم
ارجعي بعد انا امشي البيت تعالي واجبي

اقتباس:

---

المشاركة الأصلية كتبت بواسطة محمد الجزولى

تحياتى اخى اشرف
طبعا اكيد كنا بى نتاوق فى بوست الاخت ام قبس وكنه خايفين من الهرشه
وكويس فتحت لينه خيمه للرجال فقط
شوف يا اشرف يا اخوى
اول حاجه حسسها بى ادميتها .. وانها مخلوق واعى ويمكن ان يدير اسره بحالها ... ناقشها فى كل صغيره وكبيره شاركها يومك والمواقف الطريفه التى حدثت لك وانت بعيدا عنها ... افعل ذلك بالعمل اكثر منه بالكلام اجعلها تشعر بانك صديقها قبل ان تكون زوجا لها....

اهديها من وقت لاخر ولو هديه بسيطه لتشعر انك تهتم بها وتفكر فيها .. اذا ذهبتم الى السوق سويا اشترى لها هديه قبل ان تباشر اى مشتريات اخرى فالهديه تطيب النفوس وتديم الامتنان... ( ياخى بدل ما تشترى لى نفسك جلابيه ولا قميص اشترى ليها هى واجل نفسك شويه)

اشعرها بقيمة ما تفعل فى البيت من واجبات ....اذا كانت تشكى من مرض ما قل لها ان لا تتعب نفسها وان تستريح قليلا وتولى انت اكمال ما بدأته هى من عمل
اذا انجزت عمل ما فابدى اهتمامك بهذا العمل وقل لها كلمه حلوه ( مثل تعبتى اليوم ) او كلمة ربنا يقدرنا على جزاك

احذر من الاعتراض على طلباتها من اول وهله حتى ولو كان ليس بمقدروك تنفيذ هذه الطلبات ... ناقشها فى طلبها ومدى امكانية تلبيته من عدمه حتى يقتنع احد الاطراف حينئذ تكون هى راضيه وربما تنازلت عن طلبها او رضيت بالقليل منه على الاقل اما اذا رفضت من اول وهله حينها ستثور وربما اخذت الامر تحدى وامتناع من جانبك

احرص فى الخروج معها فى بعض المناسبات الاجتماعيه او زيارة الاهل فهذا يشعرها بالفخر والاعتزاز بزوجها ( فى بعض الرجال يترك زوجته تذهب مع النسوان وهو يذهب مع الرجال لنفس المناسبه ) المانع شنو لو مشو مع بعض ورجعو مع بعض مش بى تكون احلى

---

اشرف لو غلبك البوست عاوز زول يمسكو ليك اديه للزول دا
نصيحة اخويه
ختيه عقبه بيجيب اخرة بلحقه امات طه

اقتباس:

---

المشاركة الأصلية كتبت بواسطة أشرف صلاح السعيد

عقبة ومايسة بنتاوق ونشوف بتودونو لوين؟..

---

حيودوك التوج لي سببين
الاول عقبه خارج التشكيله
ثانيه مايسه دا ما اختساسه الا بدتفر فيكم للفت
وش جادي شديد
اشرف وجهه البوست وابداء بي نقد الذات ونمر للتصليح
ولا امشي علي ركشتك دي ساي

اقتباس:

---

المشاركة الأصلية كتبت بواسطة أشرف صلاح السعيد

هوووى يالعاقب اخوى انا فتحت البوست وبس..وهذا تفويض منى لشخصكم الكريم لتولى زمام الامور فيه كاملة..يااخوى انحنا عندنا عيال عايزين نربيهم..
هوووى يا ناس المنتديات عقبة هو المتحدث الرسمى بهذا البوست "اتفش يااخوى فى الكانو بينهرو فى الرجال لما كان بتاوقو"..
حقيقى البوست للجميع ولعلى اتلذذ بسجالك مع الاخوات "انا خواااف ما بقدر عليهن بالله ما تقصر وفت الفى نفسك"..ومؤكد كل النقاش سيؤدى الى مصلحة الاسرة..
لك كل التحايا واتجدع يا زول سااكت الله معاك..

---

تفويض:rolleyes:
كان ما جيت لقيته في النفاج جنب النيمة تضحك علي وتقول ام قبس قالت
ومؤكد سيؤدي الي ........................الاسرة
طيب ماتقول خايف من شنو
دي زاتها تبقي نمرة
قال ااتجدع قال
بلدا مافيها التمساح يتجدع فيها ................:p

اها يا جماعة خليتونى براى فى قعدة المشاط دى

زول ساى يركز معاى مافى

نواصل فى المسيرة رغم وجود ام قبس ومايسة