الحمد لله ما براياقتباس:
المشاركة الأصلية كتبت بواسطة moh_alnour
وشهد مغترب معاي
والله البوست دا ظريف يا التيمان "الجديدين ، عشان الاختساس وكدا"
برجع ليكم باذن الله
همسة : شايفة لي × همر حائمة × البوست دا :eek:
عرض للطباعة
الحمد لله ما براياقتباس:
المشاركة الأصلية كتبت بواسطة moh_alnour
وشهد مغترب معاي
والله البوست دا ظريف يا التيمان "الجديدين ، عشان الاختساس وكدا"
برجع ليكم باذن الله
همسة : شايفة لي × همر حائمة × البوست دا :eek:
تعرفي اسمي الاتلحتوه د انت ومحمد نووووووور ( سؤال ليه معظم اولاد مدني اسمهم فيه نور بشكل ما عاملين زي العجلات كدا )ا انا عامل لي عقدة من ايام الدراسة اول ايم الجامعة كنت انا الشخص الوحيد في جامعة الجزيرة الاسمه درديري الا ان الحق شخص جديد وللاسف ماكان طالب كان جرسون .. يعني شخص يتم نداؤه في رارس كل خمسة دقائق زي دعاية خديجة في قناة النيل الازرق .. وانا اتفلت نعم .. اسفين يادردري نحن قاصدين الجرسون .. لامن بقيت دغيل وغتيت الجماعة ينادوني في الداخلية واعمل ما سامع واطنش .. شنو يا ابو الدر ما قعد نكورك ليك من قبيل .. انا قايلكم بتنادوا الجرسون .. والجرسون البيجيبو الداخلية شنو كمان ... عليك جنس حركات ....اقتباس:
المشاركة الأصلية كتبت بواسطة مدنيّة
والهمر اشرف بقى على راي الكتيابي ..
لمحتك وقلت بر آمن و بديت احلم ..
مع انه ما عارف لمحها وين ؟؟
[size="5"]اقتباس:
المشاركة الأصلية كتبت بواسطة درديري كباشي
سلام أبو الدر ..[/size
يااخى ما بالغتا وخليت ولدى عبد الرحمن يفتكر ابوهو جنا..جا لقانى بضحك زى المجنون وقال ليى : بابا مالك بتضحك كدا؟ ولاحظ ما مالك بتضحك..بتضحك كدا..يعنى عليو العوض ومنو العوض تانى احترامو ليا اشمو قدحة هو عيال الزمن دا الابوات العاقلين بتلتلا بيحترموهم فما بالك لأبو جنا؟..يعنى طيرت منى الشاى واحترام..هسى اعمل ليك شنو ؟ شربات ليمون؟؟
والله يادرديرى وأشرف دويتو خطير (عاجبانى كلمة دويتو دى عجب ، ماعارف هى كلمة جديدة ولاّ جديد أنا - على وزن هانت الأيام عليك ولاهنتَ عليك أنا ...... وين حنانك ياحنيِّن وين عيونّا من الهنا .... عدّت وراحت كم سنة - عليكم الله رايكم شنو فى التشديد البى الردوم ده أكونش بقيت كمال شدّاد وانا ماعارف )
اكان على كمال شداد الراجل بتاع كورة وراسو مليان الخوف تبقى بتاع سراير بخبرتك الشديدية شديد دى..اقتباس:
المشاركة الأصلية كتبت بواسطة أبوبكرحامد
ابن العمة والعم دو وفهمتو ..ما ياهو الاتنين ؟ بس يتو دى قاصد بيها يدو؟ والله انتو المحامين ديل الواحد يتابعكم سااى ويتعلم منكم..
مرورك مالذيذ يااخ..بس وينا تلاوينك الحلاوة مولد ديك العاديتنى بيها؟؟
اقتباس:
المشاركة الأصلية كتبت بواسطة أبوبكرحامد
سلام يا بوكو
تعرف اشرف دا وانا بقينا زي ابطال الفلم الهندي اخوان صغار يدخل الخاين يكتل ناس البيت كلهم ويخطف واحد تاني ما يتلاقوا الا بعد تلاتين سنة ... اول نتشاكل وندور دكشمان في بعض والدم حدو النخره فجاه انا اعاين في كتف اشرف بعد ما قميصو يتقطع ( من دقي طبعا) اشوف علامة قديمة واتذكره ليك ( اخويااااااااااااااااا) ونقع ليك سلام بالحضن في بعض ونقوم نغني ليك ونتعاور ونطلع في الشجر ونبوس البقر والحمير ويظهروا لينا حبيبات سمحات يغنن معانا ( هن جماعتنا ذاتن عشان ما يزعلوا ويجينا هوا كمان ) المهم هاك ياغنى ورقيص لغاية ما الانوار تولع ونمشي في الشارع نلاقي كل الناس تردد في غنانا ..
اذكر يا بكري في كسلا كانت السينما الشرقية جمب حي الهنود .. وانا معاي ود اختي صغير جو اجازة من الخرطوم اخذته معاي السينما وعبرت حي الهنود ... وكان الهنود مرصرين قدام بيوتهم بنفس اشكال ناس الافلام ونفس الزي طبعا ... هو سالني يا خالو هم ديل نفس الهنود الفي السينما .,. انا قلت ليه نعم .. انا فهمت سؤاله انه هم نفس الجنس يعني ... هو اتاري فهم انه هم بعد ما السينما تتملي يروحو يخشوا من ورا ويظهروا لينا في الفلم لانه بعداك شبكني ليك للهنود في الشارع ... دا واحد ياخال مره جانا في فلم في الخرطوم وداك ذاته دخلت ليه في فلم قبل كدا .. بعداك انا انفجرت بالضحك وما عرفت اعالج فهمه خليته عايش على كدا ..
تعرف يا أبو الدر ذكرتنى صديقى وزميلى أحمد عبدالرحمن الكرّابى ، زول ونّاس وكت إحكى ليك تحس أشخاص الحكوة مارقين مع أنفاسو وفواصلو ، وهو من شمال السودان من منطقة (الكّرَبة) ، حكى لى أنه حين قدومه الخرطوم للمرة الأولى مقبولاً بكلية القانون جامعة الخرطوم ، رافق بعض الزملاء لسينما النيل الأزرق وكان الفيلم كاوبوى ، تصور إنو لما الحصين تكون مقابلة المشاهدين كان بياخد ساتر ظناً منه أنهم سيخرجوا من الشاشة .اقتباس:
المشاركة الأصلية كتبت بواسطة درديري كباشي
ياخى كسلا هنودا حلوين زى ناسا ، والمواتر الفيسبا قدام ناديهم ماتديك الدرب ، وياسلام على السواقى وأصدقائى إبراهيم سليمان بالختمية ومصطفى محمد الحسن بالسوريبة وعبدالرحمن شاويش وأمير وقرشى بالسوق ، بجيك راجع بى حكاوى كسلا بى رواقة.
اقتباس:
المشاركة الأصلية كتبت بواسطة أبوبكرحامد
سلام يا ابوبكر
وحكا لينا واحد من قرية مناقزاه بالجزيرة .. وقال عندهم بص واحد للسينما بيجي كل خميس الحصاحيصا مخصوص للسينما ويرجع بعد نهاية الفلم .. وقال مرة واحد من الناس الشفوت بعد ما دخل السينما اكتشف انه الفلم مكرر بالنسبة له ولكي يحضر كامل الفلم مسالة مملة .. وقال وقف في ربع الفلم وباعلى صوت صرخ قائلا :(يا ناس مناقزاه البص اتحررررررررررررررك) وجرى .. وقال فى الاول كل ناس مناقزاه جرو خارجين وبعد شوية باقي السينما كلهم جروا وكابسوا الابواب لانهم ما فهموا النداء وخايفين يكون خطر محدق .
اشرف اسمع دي
امس بالظهر مع زميل عمل وقت الغداء اقترح انه نروح مجمع اسواق صحاري الفخم في طريق الملك عبدالله وهناك فعلا يوجد فرع لكل المطاعم العالمية ومختلف الجنسيات والدول المهم بعد الغداء.. قررنا نتجول في السوق ... كل الاسواق ماركات عالمية للملابس الغالية بالطبع .. لكن ما لفت نظري مكان يبيع مفارش النوم فقط وكل متعلقات النوم .. قلت لصحابي ندخل هذ1 المحل .. والشئ المزهل توجد مفارش سرير صحيح شكلها جميل وفخم لكن غالية بصورة مبالغة يعني واحد ممكن يشتري لحاف اي بطانية بلغتنتا بسعر ( ركشة يا ابو الشوش؟) الذ حاجة اول ما دخلنا يوجد بائع لبناني اصبح متابعنا انا وزميلي ( قايل القبة تحتها فكي ) وانا قلت جملة واحدة طفشته خلتنا نتفرج مدام مافي طريقة ننوم فيه ولو في الاحلام نتفرج يمكن نحلم بالنوم فيه يوما ما ..
قلت له ( حتى النوم بقى خشم بيوت كمان؟؟) قالي ( شووو الت ما عم بفهم علييك ) قلت له ( حتى النوم اصبح مقامات ؟؟) فهم واخيرا انسحب وتركنا نستمع بالفرجة على مفارش النوم الاستايل ومرتبة بثمن شيلة عريس يمكن مع الذهب ..
تذكرت سيدنا عمر ابن الخطاب وهو يحكم نصف الكرة الارضية وينام في الارض تحت شجرة في العراء ..فيمر به رسول ياتي من احد الحكام فيق متاملا فيه ويقول العبارة الشهيرة ..
حكمت وعدلت فامنت ونمت ..
اتحدى اي حاكم في زمنا هذا ان ينام في بيت من غير حراسة دعك من تحت شجرة في العراء .