ابو النور تحايا عطرة وخاصة لهؤلاء الشباب وبلغهم شوقنا وتبريكاتنا للعريس محمد عبادياقتباس:
المشاركة الأصلية كتبت بواسطة ابوالنور
عرض للطباعة
ابو النور تحايا عطرة وخاصة لهؤلاء الشباب وبلغهم شوقنا وتبريكاتنا للعريس محمد عبادياقتباس:
المشاركة الأصلية كتبت بواسطة ابوالنور
ماشي يا تنين .. بس اوعى تطلع نار من خشمك ..اقتباس:
المشاركة الأصلية كتبت بواسطة tininana
حانكمل .. في الحقيقة جايي في الطريق من الشغل والقصة شغالة في راسي وضايق اصل البيت
استمتع بكتاباتك جدا اخ درديري - متعك الله بالصحة والعافية:)
خلي الجماعة يعرسو - ويزفوهم ناس السوق بعربية طماطم ولا بطيخ - بس ما تقول انو دخل طرف تالت وخرب القصة . .
كما ذكرن فاجا عوض داقس علوية العوراء بطلب الزواج منها .. وهي حبست الكلمات في حلقها ولم تجد ردا سوى التبسم وكان اكثر تعبيرا من الكلام .. ولكن من كان اكثر دهشة هو الظابط ... اول مرة يشاهد اناس يوقعون على تعهد دون حتى ما يقراوه وكذلك حيرته تلك البسمات المتبادلة ..
وخرج خلفهم وهو واقف في باب المركز شاهد عوض داقس يوقف تاكسي ويركب الاثنان لا يدري الى اين يتجهان لكن تحس انهما يحفهما الرضا والفرح .. ودخل الظابط عائدا الى مكتبه يصفق يديه في تعجب .
نعود الى العشقين اللدودين ..
طلب داقس من سائق التاكسي ان ياخذهما الى مطعم في شارع النيل بعد ان دعى علوية ووافقت وهي في قمة السعادة ..
جلس الاثنان في المطعم وكل منهما يكاد يلتهم الاخر بنظراته ..دون كلام ..
قال عوض حتى يفتتح الحوار من جديد .. : ما سمعت رايك في الزواج .
علوية تفتكر بعد دا كله تحتاج لرد ..
عوض : انا عاوز اسمعها منك بالكلام ..
علوية : الظاهر عليك انت ما بتفهم الا بحديدة الفندك ..
ضحك عوض باعلى صوته : مكملا بالله في واحدة تحب واحد ترميه بحديدة فندك .. انا كان ممكن اروح فيها اليوم ..
علوية : وانا لو كنت عاوزة اضربك ما كان صرخت فيك كان رميتها وانت ملتفت ..
قطع الحوار الجرسون وهو يحضر لهما وجبة الغداء
بهبك يا الوية.
موت فيك يا اود.
كدي يا درديري عاوز تعرس لي فردنا سكوتي.
علي الصيوان كامل.
علي الكفاية.
علي الشيلة.
علي الفنانين.
الركشات والساوند من ود السعيد.
مطعم بت ام درفااااااااااااااااااتح والشيف تغريد جاهزة.
وبنات السيرة والدلوكة.
مارنجو
مايسة
زنزون
وناس كدي.
الماذون ابوبكر حامد( ما ود ماذون)
وكيل العريس الخرباش .
وكيل العروس!!!!!!!!!!!!!!!!!!!!!
ناس البهجة والربة
التيمان
تنتون.
يلا عرس ليهم قصرت معاك
الله يهني سعيد بي سعيدة
و على وزن زيتنا في دقيقنا نقول خضارنا في دكوتنا :eek:
ما محبة إلا بعد عداوة
واصل يا أبو الدُر
مشكورة جدا يا مايسة يا رقيقة وراقيةاقتباس:
المشاركة الأصلية كتبت بواسطة مايسة
ما تنسوا تجوا العرس في الملجة
عاطف بس تعرف تقول علي وعلي ونمشي هناك ما نلقى حاجة...................اقتباس:
المشاركة الأصلية كتبت بواسطة عاطف عولي
عليك نوووووووووووور يا ود النووووووووووووووراقتباس:
المشاركة الأصلية كتبت بواسطة moh_alnour
ما محبة الا بعد عداوة .. رغما عن انه اسرائيل معادية العرب منذ الازل بس ما عايزة المحبة دي ابدا
عدنا لمواصلة حوار داقس والعوراء
وضع لهما الجرسون الغداء الدسم يليق بمشروع عرسان جدد ..
وواصل عوض الداقس مستانفا الحوار : تفتكري يا علوية انه عنفك معي ومعاداتك الزائدة لي من دون ناس سوق الخضار الباقين هي كانت حب .... انا عمري ما خفت من رجل ولا حتى اسد لكن كنت بخافك وبتحاشى حتى النظر اليك .. انا اليوم فقط اكتشفت انك انسانة جميلة ..
العوراء : الخوف نفسه هو صورة من تعبيرات الحب .. انت ماكنت تخافني لكن كنت تخاف تفضح نفسك بحبك لي ..
عوض : الحب عمره ما كان خوف فهو مرتبط بالشجاعة منذ ايام عنترة بن شداد بل الحب هو امان واحد من الاشياء التي تجدها فيمن تحب هي الامن والامان ..
علوية : لكن الرجال يحبون الحب المرتبط بالخوف ولا يحبون الحب الذي يوفر الامان بدليل انه المتزوجون يتركون زوجاتهم الآمنات في البيوت ويجرون بحثا عن حب المغمرات في الشوارع وفي الطرق الملتوية معرضين انفسهم وسمعتهم للخطر لانهم سئموا الامان ..
عوض : حب المغامرات ليس له علاقة بالعاطفة هذا ادمان مرضي قائم لوحده . وهو لا يختلف كثيرا عن حب الملياردير للعب القمار والميسر .. هو ليس عشمان في ان يكسب من القمار لانه عنده مصانع ومؤسسات تضخ له ملايين ولكنه ادمن التوتر وتعريض نفسه لخطر الافلاس لذلك هو يحب القمار والميسر . والشخص الذي يبحث عن الحب في الطرق الملتوية هو كذلك يبحث عن نفس الشئ .
علوية : تقصد يا عوض انه انا عندما رميتك بحديدة الفندك كنت انوي اقتلك او آذاك وكنت بكرهك في تلك اللحظة ؟؟
عوض : لا انت رميتيني بالحديدة وانت كنت تحبيني فعلا .. لكن رميك لي بالحديدة ما كان تعبيرا عن هذا الحب انما كنت انت تحاولي ان تطردي احساس حبك لي من نفسك .. لاني كنت الرجل الوحيد الذي يشعرك بانوثتك .. وهذا هو الشئ الذي تحاولي انت ان تتنكري له وهو سبب معاركك الضارية مع الرجال .. فانت كنتي تقاومي وترفضي فكرة انك امراه ضعيفة .. واكيد يوجد اسباب لهذا الاحساس وانا ما ناوي اعرفه الان ..
هنا تفاجا عوض بان علوية العوراء وضعت يديها في وجهها ودخلت في نوبة بكاء شديدة تؤكد بان عوض قد نكأ الجرح فعلا ..
حتى نعود ...
أبو الدر
يا فرح الأماسى ,,,
كُب الربة ,, خلى الفرح يملأ الملجة ,,
والفريق الجنب الملجة ,,,
لكن تعرف ديل دخلتهم إلا بشرطة أمن المجتمع ,,,
الله لا حضرنا ليها ,,,
لكن يد الفندك خليناها خشب زمنا دااااااااك
بقت حديد 6 لينيا ,,, الظاهر علينا طولنا من البلد ,,,
لكن برضو بنقول القصة سياسية
وداقس ده التجمع الحالى
والعوراء دى حكومتنا ,,,, والا ما كدى ,,,
واصل ونحنا متابعين ,,,,
كيف يا ابو خالد زمن .. ومشتاقين ..اقتباس:
المشاركة الأصلية كتبت بواسطة ابوخالد
النظرة السياسية والرياضية والفنية والادبية والتجارية والاقتصادية والهندسية .. كله موجود لكن كل واحد يشاهد اللوحة من مكان وقوفه وبمزاجه ..... انا غايتو برسم ... لا جبت سيرة حكومة فتوة ولا معارضة عوراء عايزة العرس ..
عدنا
ذكرنا انه عوض الداقس لمس الوتر الحساس في علوية العوراء عندما نبهها الى عقدتها من الرجال بالصورة التي فاجاتها وجعلتها تدخل في نوبة بكاء شديد لاول مرة وامام رجل .. واي رجل الرجل الذي ظلت طيلة معرفتها به الا تلين امامه ولا تضعف هاهي الان تبكي من كلماته وتهد كل صلابة زائفة ادخلتها في شخصيتها .. لتكشف بانها انثى ورقيقة جدا مثل باقي النساء يمكن ان تبكيها كلمة وتدميها ورقة ..
رفعت راسها وفاجات عوض بسؤال لم يكن يتوقعه وقالت له : أنت مين ؟؟؟؟؟
عوض باستغراب : انا عوض الداقس ..
قالت : له انت آخر رجل يمكن ان يكون داقس في الدنيا دي ..(داقس مصطلح سوداني بحت يعني الشخص سازج مع قليل من البله .. ولكن ليس لدرجة التخلف .. بمعنى آخر يسهل ترضيته واقناعه كما يسهل اغضابه وتضليله) ولكن استحلفك بالله قل لي من انت ؟؟.. والكلام القلته من شوية لايطلع من شخص داقس او حتى شخص عادي ..انت انسان متعلم مثقف من وين جبت الكلام دا . وانا لمن وافقت على الزواج منك كنت مقتنعة بك كعوض الداقس لكن انت الان شخص مختلف قدامي ..الان لازم اعرف انت مين والا انسى فكرة الزواج ...
عوض بعد ان سكت فترة قصيرة وهذ راسه من اعلى لاسفل كانه يريد يسرد حكاية طويلة ..وبدا يتحدث فعلا .
قائلا : انا عوض ولد عثمان صالح شيخ الملجة وسوق الخضار .. اصر على والدي في ترك المدرسة مبكرا والالتحاق معه بسوق الخضار حتى اورث منه مشيخة السوق .. وانا كنت تلميذ شاطر ومتفوق .. ولكن كل هذا لم يشفع لي مع رغبة ابي واصراره وخاصة لاني ابنه الوحيد والباقين بنات .. وانا اخيرا من اولى ثانوي طعت ابي وتركت المدرسة النظامية .. ولكن بمساعدة استاذ صلاح ومدير المدرسة كنت احضر الدروس في المساء واذاكر بعد ما اروح من سوق الخضار .. زي ما تعرفي انه سوق الخضار يقفل من المغرب .. وواصلت بهذه الطريقة الى امتحنت الشهادة ونجحت ودخلت ايضا الجامعة بالانتساب ودرست علم نفس .. وكنت راغب شديد ومولع بعلم النفس .. قبل ما اتخرج توفى الوالد .. واصبح ليس امامي غير انه اتفرغ للعمل حتى اعول باقي الاسرة .. ولكن ما وقفت من الاطلاع .. ولكن نفس رايك هانا احول ليك السؤال من تكوني انت لانه فهمك لتحليلي يدل على انه داخلك فتاة متعلمة وخاصة بعد بكاك انا كمان عاوز اقرا كتابك ..
علوية : انا خليني الان واكيد ما راح اخبي منك شئ لكن عندي اسئلة مازلت عالقة .. اولها كيف انت قدرت تخفي شخصيتك المتعلمة المثقفة في شخصية عوض الداقس الاهبل القوي العنيف ..
عوض : مثل ما ذكرت لك انه انا تخصصي علم نفس وانا دارس شخصية عوض الداقس تماما لذلك استطعت ان اسيطر عليها دون ان تفلت مني معلومة تدل على علمي سوى حديثي معك اليوم ..
علوية : صدقني انت فعلا شخص ما عادي ورغما عن انه لازال داخلي اسئلة كثيرة لكن احسن نمشي لانه الليل اقترب ..
عوض : قبل ما نتحرك نحن ما حددنا برنامج العرس .
عوضية العوراء : برنامج العرس كان لمن كنت انا العوراء وانت الداقس .. لكن الامر اختلف الان .. انت ما عاوز تعرف انا مين ؟؟؟
عوض : معك حق ................. انت مين ؟؟؟؟؟؟؟؟؟؟؟؟؟؟؟؟؟؟؟؟؟
والله من كلامهم الاول حسيت بانو الاتنين ديل ما ناس سوق دا ما كلامهم
كم انت رائع الاخ درديرى تسجيل حضور ومتابع ......... ما تطول الغيبة
والله بالجد سرد عجيب وقمة فى الامتاع
وقريب من الفلم الهندى
لكن ما عارف مودينا لوين بمركبك دى يا استاذ
تسوقنا جاى وجاى
اقتباس:
المشاركة الأصلية كتبت بواسطة درديري كباشي
مييييييييييييين يادرديري
والله بالغت معانا عدييييل
واصل يارائع
اقتباس:
المشاركة الأصلية كتبت بواسطة درديري كباشي
ابو الدر يا مبدع
اللي بحب ليه واحد ما بيعوقوا
هل دي رسالة ام رؤية خاصة للعشق
اقتباس:
المشاركة الأصلية كتبت بواسطة telecom
سلام يا تلكم نشكر حضورك الراقي وخليك قريب
قلت لي هندي ولا ناكل باسطة يا عكاشةاقتباس:
المشاركة الأصلية كتبت بواسطة okasha
نشكرك يا راجل .. اكل باسطة احسن
وينك يا فراس زمن ما شفناكاقتباس:
المشاركة الأصلية كتبت بواسطة فراس
انت اروع وخليك قريب
سلام يا عقاد يا قارئ الشفرات والمتبحر بين السطوراقتباس:
المشاركة الأصلية كتبت بواسطة عبدالله محمد العقاد
صدقني مرات اخاف قراءتك
:confused::confused::confused:
:eek::eek::eek:
الجماعة طلعوا مثقفين وكدة !!!!
:p:)
أخيرا بدأت ملامح ما في رأسك من كلام وإتجاهات هذا البوست تظهر أخي درديري :rolleyes:
إسرائيل دي عايزا ليها عِرق محبة :eek:اقتباس:
المشاركة الأصلية كتبت بواسطة درديري كباشي
قالوا - الله يكفينا شر القوالة - الما بمشي معاك أمشي معاهو :cool:
تفحيطة : أنا خايف علوية دي تكون عضو معانا في المنتدى دا :p غايتو يا أبو الدُر تجيب لينا في المحن :eek:
اقتباس:
المشاركة الأصلية كتبت بواسطة moh_alnour
بمناسبة عرق المحبة تعرف انه اليهود هم ملوك السحر .. وهم اصحاب المؤلفات الكثيرة في تحضير الجان والارواح والسحر ... عشان كدا ناس المريخ لامن اخدوا السبعة من الوحدات قالوا الجماعة كتبوهم عند جيرانهم ..
حكاية علوية من المنتدى انا ذاتي خوفتني ..
سلام يامرام .... والكلام فيه كلاماقتباس:
المشاركة الأصلية كتبت بواسطة moram
اظهر وبان وعليك الامان