مسلسل ناس نجيضون

اقتباس:

---

المشاركة الأصلية كتبت بواسطة مدنيّة

منتظرينك اخي بدرالدين لمواصلة الابداع

---

أكيد ان شاء الله يا مدنية . و للتذكير فقط الحلقات كل سبت و ثلاثاء . و أرجو ألا تملين الأنتظار .

ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .


الحلقة الثالثة

كديستكم و ثلاجتكم

قبل سنين خلت كان أحد الأخوان يعمل فى مطار الخرطوم وردية ليل . و فى ذات الليلة هبطت طائرة الخطوط البريطانية قادمة من كينيا للتزود بالوقود و بعض أعمال الصيانة العادية قبل الأقلاع الى وجهتها النهائية لندن .

و كان على متن الطائرة بعض الحيوانات الأليفة صاحبة الجواز و اللى أمها راضية عنها . ناس المصارين البيض. و كما هو الحال تم انزال جميع القفاص حفاظا على تلك الأروح من الأختناق . و من ضمن الحيوانات الأليفة كديسة مبغبغة ظريفه و لطيفة نزلوها بى قفص مميز و قفل مخصوص .

أخونا من لقافته شاف الكديسه مرخمة من اعياء السفر ربما . و افتكر الكديسة جيعانة جرى فتش لبن مالقاهو . اشترى ليه شاى بى لبن من الكفتريا بتاعة المطار و جابه للكديسة . أول مافتح البات الكديسة مرقت و كتلت ليك ساحة المطار.
صاحبنا جرى ليك ورا الكديسة من مدرج لى مدرج لحد السور . و من تحت السور لقت ليها فتحة و ما أكثر الفتحات بالسلك . ومن هناك برى عدل .

صاحبنا رجع و ماعارف يتصرف كيف . فى طريق العودة لقى ليك كديسة جربانة ضارباها السخانة و خايفة من أنور المطار . ما عاين فى اللون و لا الحجم . لفح ليك الكديسة و ياقفص جاك القدرك . قشط ليك الكديسة فى القفص و شرب ليك شاى الكديسة الهاربة و كمل ورديته . و أول ما انتهت أعمال الصيانة . المينافيست بى وين و ارفع . كديسة . كلب . عصفور كنارى . كل الحيوانات الأليفة رجعت مكانها و أقلعت الطائرة بأمان .
وصلت مطار لندن و كديستنا الجربانة ضربتها ليك الكندشة و أكل أولاد الذوات ما نفع معاها . نزلوا ليك الأقفاص و على الحجر الصحى لقو ليك عندها بهقة كبيره حول العين . و العظام مرضرضة و الضهر مظعوط و سمعها بقى ضعيف و العيون مابتفتح و الضنب قصر وحاجات أجارك الله يعنى حالتها حالة .

و فى المطار من الصباح التلكسات دورت بين الخرطوم و لندن . كديستكم ... ما كديستنا .. ياها كديستكم . ما يا ها كديستنا .. و أصحابنا بى جاى .. يا أخوننا تصدقوا النصارى و تكضبونا نحن . على الطلاق ياها كديستم . و مازال الخواجة منجض و كديسته منجضة و نجيضون فى شغله . و قيدت القضية ضد مجهول .

أهه أنا يوم بعد ما تميت البيت اشتريت لى ثلاجة كلفانيتور 24 قدم بيضاء زى اللبن بتاع الكديسة . و رحت شاحنها بالطيارة شد كرتونة و دفعت عليها الجمارك و نزلوها الجماعة جزاهم الله خير فى غرفة بالبيت الجديد . ما ثلاجة جديدة بى كرتونتها . لازم نحافظ عليها و كل ما أمشى اجازة لازم أتأكد من وجود الثلاجة و خصوصا الكرتونة ما يكون فى كمان زول شرطها تقوم الثلاجة تصدى .
بعد سنه و نص مشيت اجازة عشان أطلع الأجهزة الكهربائية و أكمل فرش البيت . أروح فاتح ليك كرتونة الثلاجة و ألقى ليك ثلاجة 10 قدم لونها أصفر باهت لا يسر الناظرين و فوق ده كله قديمة . جريت لى ناس الجمارك قلت ليهم ياجماعة الظاهر فى خطأ فى التسليم . الكرتونه ياها . و المقاس و البضاعة ثلاجة لكن مواصفاتها بتختلف .

و طبعا الباقى انتو عارفينة .. قالوا ليها يازول ياها كديستكم . قصدى ثلاجتكم .
و قيدت القضية ضد مجهول و أنا لحقت نجاض الخواجة .

و الى لقاءفى حلقة قادمة .

والله يا الحبيب أحلى مسلسل

تلقى هسى كديستنا فى لندن إتبنتها خواجيه عجوز وضاربه الهمبريب

وتلقى تلاجتك الهوامير يضربوا منها المحمر والمجمر

حضور ومتابعه لصيقه يا الحبيب كتر كتر

اقتباس:

---

المشاركة الأصلية كتبت بواسطة ود المطامير

والله يا الحبيب أحلى مسلسل

تلقى هسى كديستنا فى لندن إتبنتها خواجيه عجوز وضاربه الهمبريب

وتلقى تلاجتك الهوامير يضربوا منها المحمر والمجمر

حضور ومتابعه لصيقه يا الحبيب كتر كتر

---

قطع شك ثلاجتى فى مكان آخر غير بيتنا .!!
لكن تعرف ياود المطامير , لما كنت شغال فى مريديان الخرطوم واحد من الضيوف نسى ليه (كلبة صغيرة ) الله يعز القارئين . أخونا بتاع البار فاروق الطيب شالها معاه البيت حفاظا على الأرواح . سبعة يوم بيشيل ليها الأكل من الفندق . و كل يوم بيجيبها معاه .. طبعا ضربها ليك حرنا العجيب داك . فى اليوم الثامن جاء فاروق وحده . و نعينا تلك الكلبة المسكينة .
كديستنا فى لندن يكونوا حسنو بيها النسل !!!!!!!!!!!!

الحبيب بدر الدين
حضور ومتابعه باستمتاع
وفعلا ده المسلسل الوحيد المتابعو فى رمضان
تحياتى واحترامى

الحبيب والله امتاع
واصل بدون نجاطه
باقى نحن بى حرالبلددى
منجضين وشداد منجضنا
وضارباه جنس نجاضه خليها ساى

كان ضمو لي كديسة الخواجية على التلاجة البديل كان شوية كدا اتصلحت
الله غالب عادي الحاجات لما تجي طالعة من المطار شكلها ومقاسها بتغير
الجو ليهو اثر ياخ

اقتباس:

---

المشاركة الأصلية كتبت بواسطة بدرالدين أحمد موسى

[U]
بعد سنه و نص مشيت اجازة عشان أطلع الأجهزة الكهربائية و أكمل فرش البيت . أروح فاتح ليك كرتونة الثلاجة و ألقى ليك ثلاجة 10 قدم لونها أصفر باهت لا يسر الناظرين و فوق ده كله قديمة . جريت لى ناس الجمارك قلت ليهم ياجماعة الظاهر فى خطأ فى التسليم . الكرتونه ياها . و المقاس و البضاعة ثلاجة لكن مواصفاتها بتختلف .

و طبعا الباقى انتو عارفينة .. قالوا ليها يازول ياها كديستكم . قصدى ثلاجتكم .
و قيدت القضية ضد مجهول و أنا لحقت نجاض الخواجة .

و الى لقاءفى حلقة قادمة .

---

الجاتك في تلاجتك سامحتك ...



مسلسل راااائع ...


متابعين ..

اقتباس:

---

المشاركة الأصلية كتبت بواسطة محمد الجزولى

الحبيب بدر الدين
حضور ومتابعه باستمتاع
وفعلا ده المسلسل الوحيد المتابعو فى رمضان
تحياتى واحترامى

---

أتمنى لك متابعة طيبة و تصوم و تفطر على خير ياود الجزولى

اقتباس:

---

المشاركة الأصلية كتبت بواسطة المكاشفى

الحبيب والله امتاع
واصل بدون نجاطه
باقى نحن بى حرالبلددى
منجضين وشداد منجضنا
وضارباه جنس نجاضه خليها ساى

---

والله يا المكاشفى أخوى كمال كنكاش ده كمان نجاضه براهو ..و لا زال مستمرا .. تصوم و تفطر على خير

التلاجة حمي خفيفة يابدرالدين
البركة في البيت البنيته ههههههههههههههههه

اقتباس:

---

المشاركة الأصلية كتبت بواسطة esmat

كان ضمو لي كديسة الخواجية على التلاجة البديل كان شوية كدا اتصلحت
الله غالب عادي الحاجات لما تجي طالعة من المطار شكلها ومقاسها بتغير
الجو ليهو اثر ياخ

---

هى كان بقت على الجو بنقول ظروف مناخية . الكلام فى الظروف الثانية . و تصوم و تفطر على خير يا عصمت

يا الحبيب بدرو
إنت المسلسل ده فاكيه مجان ساااي ؟؟
خلينا نطقطق ليك الجماعة

لو نزلته على الشاشة حتمن بتخرت ناس قدور في رمضان ده
بس شوف ليك ضحكة زي حقته هههههههههااي

والله يانهرو مابتخلى السمسره كلو كلو
هاك دى حقى وحق الحريم الحايمات هنا
مدنيه ومرام ماتدفعن
ماتنجضنا يانهرو
يلا جيب باقى خمسين ج

اقتباس:

---

المشاركة الأصلية كتبت بواسطة مدناوية

الجاتك في تلاجتك سامحتك ...



مسلسل راااائع ...


متابعين ..

---

مش كدة يا مدناوية . تصومى و تفطرى على خير . و شكرا على المتابعة

اقتباس:

---

المشاركة الأصلية كتبت بواسطة مدنيّة

التلاجة حمي خفيفة يابدرالدين
البركة في البيت البنيته ههههههههههههههههه

---

و الله أنا خايف يوم ألقى بقى طابق واحد و يقولوا لى يا ها كديستكم

أهه أنا يوم بعد ما تميت البيت اشتريت لى ثلاجة كلفانيتور 24 قدم بيضاء زى اللبن بتاع الكديسة . و رحت شاحنها بالطيارة شد كرتونة و دفعت عليها الجمارك و نزلوها الجماعة جزاهم الله خير فى غرفة بالبيت الجديد . ما ثلاجة جديدة بى كرتونتها . لازم نحافظ عليها و كل ما أمشى اجازة لازم أتأكد من وجود الثلاجة و خصوصا الكرتونة ما يكون فى كمان زول شرطها تقوم الثلاجة تصدى .
بعد سنه و نص مشيت اجازة عشان أطلع الأجهزة الكهربائية و أكمل فرش البيت . أروح فاتح ليك كرتونة الثلاجة و ألقى ليك ثلاجة 10 قدم لونها أصفر باهت لا يسر الناظرين و فوق ده كله قديمة . جريت لى ناس الجمارك قلت ليهم ياجماعة الظاهر فى خطأ فى التسليم . الكرتونه ياها . و المقاس و البضاعة ثلاجة لكن مواصفاتها بتختلف .

و طبعا الباقى انتو عارفينة .. قالوا ليها يازول ياها كديستكم . قصدى ثلاجتكم .


البدر يا أخوى أنت زعلان على الكديسة الرطبت ولا الثلاجة الأنكمشت بفعل التخزين

الجاتك فى ثلاجتك سامحتك

أمكن يكون يكون أمتحان ربانى يا نجيضون فى النجاض المنجضو للجماعة ......................

عقبال أخونا نهرو ....................... الجماعة لسان حالهم يقول نجضوتنا يا ناس نجيضون

واصل يا حبيب فى مسلسلك الرائع لكن بقول ليك نجيضون ساكن معانا ونجضنا قبلك

الله يسامح ناس نجيضون و يهديهم .

بدر الدين احمد موسى...
من اى كوكب اتيتا لنا ايها المعطون بالابداع والادب الساخر
حقيقه انى فى غاية السعاده
لن اعلق كتير
لانى خطيت طوبتى هنا
وهدى صنقيره

اقتباس:

---

المشاركة الأصلية كتبت بواسطة nehroo

يا الحبيب بدرو
إنت المسلسل ده فاكيه مجان ساااي ؟؟
خلينا نطقطق ليك الجماعة

لو نزلته على الشاشة حتمن بتخرت ناس قدور في رمضان ده
بس شوف ليك ضحكة زي حقته هههههههههااي

---

quote=المكاشفى;521373]والله يانهرو مابتخلى السمسره كلو كلو
هاك دى حقى وحق الحريم الحايمات هنا
مدنيه ومرام ماتدفعن
ماتنجضنا يانهرو
يلا جيب باقى خمسين ج[/quote]

لا تعليق يا شيخ نهرو

اقتباس:

---

المشاركة الأصلية كتبت بواسطة عادل على

أهه أنا يوم بعد ما تميت البيت اشتريت لى ثلاجة كلفانيتور 24 قدم بيضاء زى اللبن بتاع الكديسة . و رحت شاحنها بالطيارة شد كرتونة و دفعت عليها الجمارك و نزلوها الجماعة جزاهم الله خير فى غرفة بالبيت الجديد . ما ثلاجة جديدة بى كرتونتها . لازم نحافظ عليها و كل ما أمشى اجازة لازم أتأكد من وجود الثلاجة و خصوصا الكرتونة ما يكون فى كمان زول شرطها تقوم الثلاجة تصدى .
بعد سنه و نص مشيت اجازة عشان أطلع الأجهزة الكهربائية و أكمل فرش البيت . أروح فاتح ليك كرتونة الثلاجة و ألقى ليك ثلاجة 10 قدم لونها أصفر باهت لا يسر الناظرين و فوق ده كله قديمة . جريت لى ناس الجمارك قلت ليهم ياجماعة الظاهر فى خطأ فى التسليم . الكرتونه ياها . و المقاس و البضاعة ثلاجة لكن مواصفاتها بتختلف .

و طبعا الباقى انتو عارفينة .. قالوا ليها يازول ياها كديستكم . قصدى ثلاجتكم .


البدر يا أخوى أنت زعلان على الكديسة الرطبت ولا الثلاجة الأنكمشت بفعل التخزين

الجاتك فى ثلاجتك سامحتك

أمكن يكون يكون أمتحان ربانى يا نجيضون فى النجاض المنجضو للجماعة ......................

عقبال أخونا نهرو .....................[COLOR="rgb(0, 100, 0)"].. الجماعة لسان حالهم يقول نجضوتنا يا ناس نجيضون

واصل يا حبيب فى مسلسلك الرائع لكن بقول ليك نجيضون ساكن معانا ونجضنا قبلك [/COLOR]

الله يسامح ناس نجيضون و يهديهم .

---

غايتو الألغاز اللى فاهمينها أنا و نهرو وبعض القراء دى خليها مستورة . و لسه ما شافوا حاجة

اقتباس:

---

المشاركة الأصلية كتبت بواسطة نزار حسن محمد

بدر الدين احمد موسى...
من اى كوكب اتيتا لنا ايها المعطون بالابداع والادب الساخر
حقيقه انى فى غاية السعاده
لن اعلق كتير
لانى خطيت طوبتى هنا
[COLOR="rgb(0, 100, 0)"]وهدى صنقيره[/COLOR]

---

حبابك ألف يا أبوحسن

اقتباس:

---

المشاركة الأصلية كتبت بواسطة بدرالدين أحمد موسى

ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .


الحلقة الثالثة

كديستكم و ثلاجتكم

قبل سنين خلت كان أحد الأخوان يعمل فى مطار الخرطوم وردية ليل . و فى ذات الليلة هبطت طائرة الخطوط البريطانية قادمة من كينيا للتزود بالوقود و بعض أعمال الصيانة العادية قبل الأقلاع الى وجهتها النهائية لندن .

و كان على متن الطائرة بعض الحيوانات الأليفة صاحبة الجواز و اللى أمها راضية عنها . ناس المصارين البيض. و كما هو الحال تم انزال جميع القفاص حفاظا على تلك الأروح من الأختناق . و من ضمن الحيوانات الأليفة كديسة مبغبغة ظريفه و لطيفة نزلوها بى قفص مميز و قفل مخصوص .

أخونا من لقافته شاف الكديسه مرخمة من اعياء السفر ربما . و افتكر الكديسة جيعانة جرى فتش لبن مالقاهو . اشترى ليه شاى بى لبن من الكفتريا بتاعة المطار و جابه للكديسة . أول مافتح البات الكديسة مرقت و كتلت ليك ساحة المطار.
صاحبنا جرى ليك ورا الكديسة من مدرج لى مدرج لحد السور . و من تحت السور لقت ليها فتحة و ما أكثر الفتحات بالسلك . ومن هناك برى عدل .

صاحبنا رجع و ماعارف يتصرف كيف . فى طريق العودة لقى ليك كديسة جربانة ضارباها السخانة و خايفة من أنور المطار . ما عاين فى اللون و لا الحجم . لفح ليك الكديسة و ياقفص جاك القدرك . قشط ليك الكديسة فى القفص و شرب ليك شاى الكديسة الهاربة و كمل ورديته . و أول ما انتهت أعمال الصيانة . المينافيست بى وين و ارفع . كديسة . كلب . عصفور كنارى . كل الحيوانات الأليفة رجعت مكانها و أقلعت الطائرة بأمان .
وصلت مطار لندن و كديستنا الجربانة ضربتها ليك الكندشة و أكل أولاد الذوات ما نفع معاها . نزلوا ليك الأقفاص و على الحجر الصحى لقو ليك عندها بهقة كبيره حول العين . و العظام مرضرضة و الضهر مظعوط و سمعها بقى ضعيف و العيون مابتفتح و الضنب قصر وحاجات أجارك الله يعنى حالتها حالة .

و فى المطار من الصباح التلكسات دورت بين الخرطوم و لندن . كديستكم ... ما كديستنا .. ياها كديستكم . ما يا ها كديستنا .. و أصحابنا بى جاى .. يا أخوننا تصدقوا النصارى و تكضبونا نحن . على الطلاق ياها كديستم . و مازال الخواجة منجض و كديسته منجضة و نجيضون فى شغله . و قيدت القضية ضد مجهول .

أهه أنا يوم بعد ما تميت البيت اشتريت لى ثلاجة كلفانيتور 24 قدم بيضاء زى اللبن بتاع الكديسة . و رحت شاحنها بالطيارة شد كرتونة و دفعت عليها الجمارك و نزلوها الجماعة جزاهم الله خير فى غرفة بالبيت الجديد . ما ثلاجة جديدة بى كرتونتها . لازم نحافظ عليها و كل ما أمشى اجازة لازم أتأكد من وجود الثلاجة و خصوصا الكرتونة ما يكون فى كمان زول شرطها تقوم الثلاجة تصدى .
بعد سنه و نص مشيت اجازة عشان أطلع الأجهزة الكهربائية و أكمل فرش البيت . أروح فاتح ليك كرتونة الثلاجة و ألقى ليك ثلاجة 10 قدم لونها أصفر باهت لا يسر الناظرين و فوق ده كله قديمة . جريت لى ناس الجمارك قلت ليهم ياجماعة الظاهر فى خطأ فى التسليم . الكرتونه ياها . و المقاس و البضاعة ثلاجة لكن مواصفاتها بتختلف .

و طبعا الباقى انتو عارفينة .. قالوا ليها يازول ياها كديستكم . قصدى ثلاجتكم .
و قيدت القضية ضد مجهول و أنا لحقت نجاض الخواجة .

و الى لقاءفى حلقة قادمة .

---

هي لكن يا بدر الدين

ناس الجمارك ديل يحاسبوك بعد سنة ونص على شنو ؟؟

الاخ/ بدر الدين احمد موسى
رمضان كريم
متابعين حكاوى الغربه والمنجضين ..وحقيقه .ياريت تتغير العادات ويرجع الحال لى زمن المحنه الطيبه والناس الامينه ..ممكن دا يحصل..


لنا قريبه زوجها فى الغربه امن ليهم بيت..بس عندو اخوانو فى العاصمة..واحد متزوج وآخر يدرس فى الجامعه..


والبيت كبير وفيه دكان كمان..المهم قسمو البيت واجروه..واجروالدكان..وللاسف اخوهم المقترب المسكين بره القسمه دى..لحدى ما الطالب اشتغل وكمان اتزوج..والمتزوج بنى بيت..يعنى بقوا افلح من المغترب ...وآخرته قاموا اجروا البيت كلو ..ولما المغترب حب يرجع اولادو للاستقرار مالقى بيتو واضطر يرجع بى عيالو من جديد للغربه..

اقتباس:

---

المشاركة الأصلية كتبت بواسطة سواااح

هي لكن يا بدر الدين

ناس الجمارك ديل يحاسبوك بعد سنة ونص على شنو ؟؟

---

كلام منطقى .. لكن ما عندهم الفهم ده . ديل حدهم كديسة الخواجة .تصوم و تفطر على خير !!!

اقتباس:

---

المشاركة الأصلية كتبت بواسطة الاميره

الاخ/ بدر الدين احمد موسى
رمضان كريم
متابعين حكاوى الغربه والمنجضين ..وحقيقه .ياريت تتغير العادات ويرجع الحال لى زمن المحنه الطيبه والناس الامينه ..ممكن دا يحصل..


لنا قريبه زوجها فى الغربه امن ليهم بيت..بس عندو اخوانو فى العاصمة..واحد متزوج وآخر يدرس فى الجامعه..


والبيت كبير وفيه دكان كمان..المهم قسمو البيت واجروه..واجروالدكان..وللاسف اخوهم المقترب المسكين بره القسمه دى..لحدى ما الطالب اشتغل وكمان اتزوج..والمتزوج بنى بيت..يعنى بقوا افلح من المغترب ...وآخرته قاموا اجروا البيت كلو ..ولما المغترب حب يرجع اولادو للاستقرار مالقى بيتو واضطر يرجع بى عيالو من جديد للغربه..

---

و طبعا حتى الأيجار ما بيدوهو ليه !!!