أخيرا
ياريت نقدكم واستفساراتكم وتلميحاتكم وشكواكم
تسلك الطريق الصحيح لأصحابها فلكل عنوانه ولكل مكتبه
صفحات المنتدى لن تحل مشكلة ولن توصل خبرا
المعنيين ما بدخلوا المنتدى
عرض للطباعة
أخيرا
ياريت نقدكم واستفساراتكم وتلميحاتكم وشكواكم
تسلك الطريق الصحيح لأصحابها فلكل عنوانه ولكل مكتبه
صفحات المنتدى لن تحل مشكلة ولن توصل خبرا
المعنيين ما بدخلوا المنتدى
ام سماح لك العتبى حتى ترضي وإن كان قد نابك من كلامي شيء فأنا اسف جداًاقتباس:
المشاركة الأصلية كتبت بواسطة أم سماح
ماقصدته هنا في مداخلتي ليس له علاقة بالمهاترات ولا أقصد الشخص مثار النقاش ولا أعرفه ولم أراه في حياتي بل أنا وكل مغتربين ودمدني أستفدنا من هذا الجهاز في عملية الإجراءات للسفر وكنا في السابق نتكبد عناء السفر إلى الخرطوم والأن وأنا أسكن بالقرب من الجهاز صار بمقدوري إتمام إجراءاتي في ظرف لحظات وفي يسر وسهولة تامة وهذه خدمة عظيمة ولي صداقات داخل جهاز المغتربين بودمدني وزملاء دراسة أعتز بهم كثيراً ولكن بصفتي كمغترب أقول لك بأن كل يأتي من أعضاء أجهزة الدولة بمختلف تخصصاتها وعبر زياراتها المتكررة بل فكل من أتى لزيارة المملكة يقيمون له السرادق وفي نهاية القصة تطلع فشوش لذلك اصاب المغترب خيبة أمل كبيرة تجاه قضاياه حيث أنه من المفترض أن يتناول المسؤولون في قطاعات الدولة هذه القضايا التي خرج المواطن السوداني من أجلها وتلبية حاجاته.
لكن حلوة لو عرشو كده أو خلوهو كاشف دي
أخى صابرحسيناقتباس:
المشاركة الأصلية كتبت بواسطة صابرحسين
أنت الوحيد الذى أصبت .. هذا بالضبط ما قصدته وما أردته
وكل المشاركون أظنهم أدركو هذا ..
ولكن فيهم من طول من الصراعات ومن لم يكمل حديثا من قبل
وفيهم من شايل هبابته يهب فوق النيران عشان تلهلب
تحياتى وتقديرى
كرمت وسلمت ياصابر حسين
...........
يبقي الغرض من طرح الموضوع التطبيل
ولا مكان للمطبلاتية في هذا الصرح ..
اتمني ان تكون ام سماح استفادت من
بعض المداخلات حتي يتسني لها
الرد الموضوعي للاخوة الافاضل..
تخريمة: الصراعات هنا تعني الفكر يا ام سماح
وما اجمل الصراعات الفكرية لانها تضيف للقارئ
الكثير وهذا هو ديدن المنتديات يا عزيزتي الفاضله...
حسب ردودك دي مفترض البوست كلو كده يقوم يلف!!!
بالتوفيق للفنانه انصاف مدني...
[QUOTE=أم سماح;671854][I][FONT=Tahoma][SIZE=4][COLOR="#0000FF"]أخيرا
ياريت نقدكم واستفساراتكم وتلميحاتكم وشكواكم
تسلك الطريق الصحيح لأصحابها فلكل عنوانه ولكل مكتبه
قصدك المنتدي ده للونسة؟؟؟
الهدف الرئيسي من المنتديات
مناقشة القضايا والاسهام في
ايجاد حلول لها ...
وصناديق المقترحات بتاعة
ما يسمي بجاهز شئون العاملين
بالخارج ده بيمتلئ وبيمشي اقرب مذبلة!!!
طالما المعنيين ما بيتصفحوا المنتديات والصحف
يبقي علي الدنيا السلام يا ربي مشغولين بشنو؟؟؟؟
تخريمة : مافي تخريمة ذاتو..
تحياتي يا أم سماح،
لا أعتقد انو زيارة السيد مدير جهاز المغتربين للسعودية، تحمل أي بشرى للمغتربين هناك. لا أدري ما هي الفوائد التي يتحدث عنها عصام حسين وبدر الطائف؟! الجهاز عبارة عن مكتب لتجميع الأتاوات من المغتربين دون أي خدمات مقابل ذلك! الكارثة انو نحن بقينا نشوف كونو يشيلوا قروشك بشكل سريع وساهل، دي في حد ذاتها خدمة!
في زيارتي الاخيرة للجهاز بمدني، طلعت "لشيخ" أزهري أشكو ناس وزارة الداخلية لأنهم إتحصلوا مني مبلغ 22 ألف زيادة فوق مبلغ التأشيرة بدون أورنيك وزارة المالية (15)؟ قال لي السيد المدير: فعلا تحصيل المبلغ غير قانوني، لكن ما بقدر أعمل ليك حاجة!!
ام سماح سلام
بعد مراجعة المداخلات الاخيرة منك وجدت نفسي غلطان معاك بس في مسببات المسألة ليس بحساسية مع الهيئات والتنظيمات الحكومية او المعارضة القضية في استفزاز العنوان نظرنا ليهو بمنظار مدمني ومحترفي الاسافير اتضح حسن نيتك في العنوان والبوست كلو عبرتي عنو في ملخص قصير بدون تكرار والناس هنا ما عايزة صراعات ولا تصفية حسابات بس عندهم تجارب مع الهيئات الحكومية ومن ضمنها الجهاز وانتي زولة موظفة بحسن نية فتحتي البوست نتمني اكون الكلام وقع ليك
وبيني وبينك الصرعات الفكريه الحادة بنفتش ليها عشان ننعش رتابة الحياة من ناحية عامة والناحية الخاصة الناس عندها قضايا يعني ما بكتبو للتسلية او المجاملات وحسي انا لابت لي بابكر عباس بعد ما اخلص منو العقاد.
بابكر مرحب بيك في تسجيلك التاني عارفك ما بترد علي.
الأخت أم سماح...صراحة باين من ردك زعلتي...لازم توسعي صدرك شوية..انت تتعاملي مع سودان واسع متنوع ومختلف..أختلفنا معك في العنوان فقط وليس وصول الأخ الفاضل أزهري...فهو رجل محترم يستاهل كل احترام وتقدير...وصاحب اخلاق فاضله..نحترمه لشخصه وليس لوظيفته...وافيدك من الشعر والله أنا غير مستفيد من جهاز المغتربين مدني ويمكنني ان اكمل كل اجراءاتي بالخرطوم..لاني اسافر على الخطوط السعودية وهذه تفرض علي ذهابي للخرطوم لعمل الاوكي..أما بخصوص الأراضي الحمد لله قدرزقني الله ببيت من حرمالي والحمد لله...بل أكثر من مرة بيعت الأراضي بالقنصلية لم افكر حتى أن أحدث نفسي للذهاب لشراء قطعة أرض..وذلك لقناعات خاصة..الأخت أم سماح الذي يخرج للعمل العام لابد أن يستوعب جميع الناس...اما تمنين علينا بسألتنا لك..والله من باب التواصل مع أهل القرار..ليس إلا....واذا كان هذا تعاملك أفضل مراجعة نفسك...اما المهاترات السياسية والله هذا الذي ضيع السودان...الله المستعان...مع احترامي للجميع جهاز المغتربين جهاز خدمي..وليس سياسي...اتمنى ان نبتعد عن هذه الأمور والتي تؤدي للتفرقة بين أبناء الوطن الواحد...ام سماح نكرر ربما كانت نوايك سليمة ولكن في رأي أخطاتي في اختيار مانشست الموضوع..مما أدى لهذه الردود...مع تحياتي لك
وأكرر كلمة بشرى تستخدم للافادة....يا أم سماح....والمغتربين تعودوا على مثل هذه البشريات بأراضي أو تخفيض ضرائب...فهمتي لماذا انهالت عليك الكلمات زرافاتاً وواحدانا...شكلك جديدة في جهاز المغتربين...على العموم السموحة والمعذرة لشخصك الفاضل..فهدفنا الصياغة الصحيحة للعنوانين فقط
ومن الآن أنا سوف أزورك في مكتبك واعتذر لشخصك ...لأنك باين أنسانة تحبين الخير للجميع...الله يحفظك لعيالك يارب....ونسأل الله اجتماع كلمة اهل السودان لمصلحة السودان يارب...وأن يبعد عن وطننا كيد الأعداء المتربصين بسوداننا الحبيب...
معقولة بس! أنا ما أرد على "المناضل" إبن الأسرة "المناضلة"؟اقتباس:
المشاركة الأصلية كتبت بواسطة عباس الدسيس
عصمت* يجقلب والشكر لعباس
هامش:
لمن لا يعرفون:
* عصمت الدسيس سياسي مخضرم
حساسية شديدة!اقتباس:
المشاركة الأصلية كتبت بواسطة أبوربا
الإعتذار مقبول، ما في داعي للزيارة
نحن المنتديات دي، بنخاف منها عشان جنس التلصق دا!
تعرف يا دسيس بأني أتفق معك تماماً في كل كلمة قلتها .. وهذا ما أبحث عنه داخل عباس .. الموضوعية في فضح الأشياء ..اقتباس:
المشاركة الأصلية كتبت بواسطة عباس الدسيس
أنت تعرف بأن الأمر يتعلق بسلطة دولة وأننا إما أن ننقطع تماماً ونبحث عن جواز سفر دولة أخرى .. وإما أن ننضال لتحسين الظروف مع التعامل مع ما تفرضه السلطة خنوعاً وليس إقتناعاً .. الخروجية بالمقابل ومقابل كمان بدون إيصال حكومة لا يمكن قبولها .. إلا أن القبول بالدفع لا يعني قبول الفكرة ..
لدي تجربة شخصية مع رئيس جهاز المغتربين بالخرطوم عندما إختلفت مع أحد الموظفين وكان السبب بأن رئيس الجهاز ليس لديه سلطات لحسم الأمر وأن المرجعية هي رئاسة الجهة التي يتبعها الموظف .. وهذا يقود إلى أن لا ضرورة لرئيس جهاز وإنما الضرورة لمبنى يحتوي بداخله الجهات التي يحتاجها المغترب طالما توجد شروط وضوابط لخروج المواطن من السودان ..
بالتالي لا إختلاف في وجهات النظر ..
أم سماح .. إحترام وتقدير ..اقتباس:
المشاركة الأصلية كتبت بواسطة أم سماح
أنا أعلم مسبقاً ما دفعك لكتابة الموضوع وإطلعت أكثر من مرة على خدمات إستشارية تقديميها بالرجوع لأصحاب الشأن لديكم .. لكني إفترض الحد الأدنى وهو أن لك أشقاء هنا تتوسمي فيهم خيراً ..
وعذراً .. إن أصابك شئ من مداخلاتي ..
بابكر سلاماقتباس:
المشاركة الأصلية كتبت بواسطة بابكر عباس
عصمت طبعا زول عندو تارخو السياسي براهو
تاريخي انا أسأل منو صاحبك بتاع امريكا .... الموضوع ده نخلي نرجع لي جقلبتي
رغم عن مساختك وقطامتك منتديات مدني بتستفيد منك اتمني تقعد معاهم ما اكون الجابك ليهم زهجة من منابر المثقفاتية صحبانك راجعته بعض مداخلاتك التي تتحدث عن حزف المواضيع وكانت مداخله جميلة رغم عن انك ما نازل لي من حلقي,
وبالمناسبة دي يا بابكر نجعل البوست البسيط في معناه تجربة لمستوي الكتابات والحريات :
وصلتني رسالة رقيقه في مضمونها من المشرف تستأذن في حذف عبارة (( قومي لفي)) ولم ارد عليها لعدم التواجد بالنت اتبعتها رسالة اخري رقيقه ايضا توضح ان الاجراء قد تم والحادثه مماثلة لحادثتكم رؤيتي:
لا يضيرني ان تم حزف جميع الماداخلات وليس لي اعتراض بل اوضح الاتي:
الموضوع او المداخله في المنبر عند الضغط علي ((Enter )) تعتبر خرجت من ملكية صاحبها واي مداخلة او موضوع يجب الاستفادة منها وتكون مفيده لو العبارات شكلت محور نقاش نقدي عشان الناس تستفيد.
اي حزف لجملة او عبارة ربما تشوه البوست اذ ان العبارة يتبعها مداخلات الاعضاء حزفها الموضوع يكون للقاريء زي حكاية الاطرش والزفة ربما حزفها يخدم صاحب المداخلة احيانا هنالك تعبيرات ربما تكون في غير محلها هذا لا يعني ان يتم الحزف اللهم الي ان العبارة تكون تخدش الزوق العام والاداب وهذا في حد ذاته التعامل معه في التحديد صعب .... يجب ان تكون المداخله كما هي وليتحمل من ضغط علي الكي بورد نتائج انفعالاته واخطائه.
سؤال افتراضي ومهم لماذا المنتديات تصبح طارده:
من اهم الاسباب مقص الرقيب احيانا يكون هنالك خلاف حاد يؤدي لتفلتات وفي النهاية النقاشات الفكرية الناس بتصل لي نقطة نهاية والعراكات ربما تؤدي لصداقات تدخل الرقيب يفسد وتيرة النقاش يفسد صداقات الاعضاء المنابر الناجحه هامش الحريات بها اعلي.
انا متاكد بابكر عباس بعد فترة حا اطش من المنبر زي ما طشه زمان اتمني ان تواصل وبي مساختك وكلامك الشين الناس تتعلم منك ............... و ل رايك شنو يا عقاد
نحن طبعا يا عباس، ناس الإدارة ديل، ما دايرين نعترض عليهم،اقتباس:
المشاركة الأصلية كتبت بواسطة عباس الدسيس
ناس المنتدى يا عباس "مهمومين بالأهمية" زي ما قال بشرى الفاضل.
العبارة بتاعتك دي، أنا ما شايف فيها أي شئ! بالعكس فيها حميمية الإختلاف والدعابة والسخرية وديل ياهن البطردن الرتابة من المنتدى.
هاتفنى صباح اليوم الشيخ أزهرى معتذرا لى مما وصلنى من جراء البوست
وقال لكم إختلاف الرأى لا يفسد للود قضية وربنا يقدرنا لفعل الخير
ورغم أن الزيارة ليست زيارة عمل ولكن تم إستقباله بالمطار استقبالا رسميا
وتم عمل برنامج له وإلتقى بعدد كبير من أبناء مدنى المقيمين بمختلف مدن المملكة
وطلب منى رقم جوال أبو ربا ليفى بوعده له فى الحرص على لقائه .. وأرسلته له
واليوم سيتصل بأبوربا للتنسيق معه
اقتباس:
المشاركة الأصلية كتبت بواسطة بابكر عباس
يابابكر يا اخوى انا ماقلته فوائد قلت مستفيد جدا من وجود الجهاز فى ودمدنى برغم القروش الكتيره القاعده ادفعه يبقى متفين فى حته انه الجهاز اتعمل لجمع الاتاوات الانت بتقوله دى . مستفيد ليه لانه انا كنت بمشى الخرطوم بخسر كم يوم من اجازتى+مصاريف سفر رياح جاى +المرمطه والزحمه وشقل الواسطه بتاع ناس الخرطوم الانت بتعرفه .بعدين نحن علاقنا بالجهاز ده حدها الخروج بس .الباقى كله قاعدين نسوى فى السفاره ارحم لينا كتير.وقدر اخف من قدر.
العبارة بتاعتك دي، أنا ما شايف فيها أي شئ! بالعكس فيها حميمية الإختلاف والدعابة والسخرية وديل ياهن البطردن الرتابة من المنتدى:dاقتباس:
المشاركة الأصلية كتبت بواسطة عباس الدسيس
اقتباس:
المشاركة الأصلية كتبت بواسطة Isam Hussien H
حبيبنا عصام
هذا الجهاز لا حوجه له بصورته الحالية الدولة لا توفر له دعم لمنصرفاته ورواتبه , المغترب المسكين يتحمل منصرفات هذا الجهاز وزائد علي ذلك يتحمل منصرفات المؤتمرات والسمنارات والسفريات التي لا تعود عليه بالنفع أو المكسب ولا حتي تخدم الدولة وهي انصرافيه واهدار للمال كنا نعتقد عند تكوين هذا الجهاز سوف يكون لسان حال المغترب يدافع عن قضاياها ومكتسباته المشروعه ومساواته بالمواطن بالداخل في الحقوق لم يقدم شيء للمغترب ,هذا الجهاز ابسط شيء وبما ان المغترب مع الضائقة المعيشية والانهيار الاقتصادي اصبح يستثمر في ابنائه بالتعليم هذا الجهاز لم يتمكن من الحصول على موافقة الجهات المختصة من اجل مساواة أبناء المغتربين ومعادلتهم في المعاملة المادية مع رصفائهم بالجامعات .
اصبح هذا الجهاز غير امين يدعي الكذب في انه قام بتنزيل السن القانونية للتجنيد الاجباري علما بان شكاوي المغتربين وعدم موضوعية تجنيد انسان سنه القانونيه لا تسمح له بممارسة العمل العسكري وفي النهاية الحكومة خجلت من كثرة شكاوي المغتربين اصدرت القرار وتبنى هذا الانجاز كذبا الجهاز.
أخي الحبيب والله لاأدري...ماذا تقصد بجنس التلصق دا...الاخت أم سماح معرفتي بها ليس عن طريق المنتدى..يا أستاذ....وأن كان غير ذلك فهمني أيش تقصد...اقتباس:
المشاركة الأصلية كتبت بواسطة بابكر عباس
الحبيب أبو ربااقتباس:
المشاركة الأصلية كتبت بواسطة أبوربا
عليك الله تعفي لي؟ وحات سيدي الحسن، أنا لمان شوفت تعبير "باين عليك" في مداخلتك الفاتت، إفتكرت معرفتك بي أم سماح معرفة منتديات ساكت، لكن ما دام انتو معرفة قديمة، انا بعتذر ليك إعتذار كبير
أيش تقصد ..... حلوة منك يا ابوربااقتباس:
المشاركة الأصلية كتبت بواسطة بابكر عباس
بابكر الاعتذار فقط كفاية مكبرو مالك اصبر ما تقابض ساكت وتقعد لي افتكرتك وافترضك لون اساسي يمنح ازدواجية اللوحة انت حارقاك القروش الشالوها منك بدون ايصال لو ما كده شغلك انت ذاتو شغل تلصق مالك ومال الراجل نصبوك فكاك اللصقات بالمنبر ..... غايتو جنس تحشر عليك
اقتباس:
المشاركة الأصلية كتبت بواسطة عباس الدسيس
خليك محضر خير يا عبس ...! كما عهدناك في السابق
لو تعرف من هو أبوربا ... لما تهكمت عليه بحروفك هذه
فما تحته خط لا يشبه اسمك في شيء ولا يحق لك التعدي
نطمح ونطمع بمساحات أكبر من سعة الصدر تسع الاختلافات
وطالع ما خطه الجميل بابكر عباس من حروف نديه ...
أكيد تنبع من دواخل شفافه وإن كان الاختلاف بائن
منتديات ودمدني غير كل المنـتديات ولاحـظ ذلك
لدينا خطوط لا نتعداها وإن اختلفنا فكرياً ومذهبياً
سمة خلافنا دوماً تتوشع المحبة والألفة ...
ومرات تكون الشوكة بغرض التصحيح
ولكنها شوكة محفوفة بحرير المودة
لا أناصح هنا من هم أعلي مني
ولكني استوقف قطاركم هنا
ودوماً نلتقي لنرتقي ...
خالص المحبة مرفقه