الف شكر اخونا نبيل وبتمنا ان نستفيد جميعا من هذه الملاحظات القيمه..
والمنتدى ما دام فيه ناس هميمين غيورين عليه حايكون ان شاء الله دوما في القمه..
وربنا يرزققك بي بت الحلال ...
وبالتوفيق ان شاء الله،،
الأخ نبيل
أرجو أن يبرد سؤالي هذا الكرسي الساخن
اذا كنت عضو في هذا المنتدى ولست كبير المشرفين ومتزوج ولك بنات يشاهدون معك هذا المنتدى الذى تفتخر به وفي يوم من الايام وجدت أحد الاعضاء كاتب موضوع ومرفق معه صورة مخلة بالآداااااااب وليس كما قلت صورة منافية للذوق العام للمعلومية ( سف التمباك في الأماكن العامة منافي للذوق العام )
ماذا تفعل ؟
هل تخاف على شعور هذا العضو حتى لا يشعر بالغربة ؟
وهل ردة اى فعل منك تعتبر من سلبيات المنتدى ؟
هل تعتقد ردة فعلك اذا كنت عازب سوف تختلف ؟
عزيزنا الباشمهندس نبيل،
شايفك مازالت رايق والجماعة ما هبشوك بأسئلتهم الصعبة.
سؤالين:
1) ما هي مواصفاتك التي ترغب أن تتحلى بها زوجة المستقبل في نظرك؟
2) لاحظت من خلال ردك على الاخت أميمة عشرية بأن الغربة ما واقعه ليك كلو كلو..
طيب.. لو فرضنا إنك أنهيت تعاقدك في أبوظبي وعدت الى السودان وتم تعيينك في وزارة الطاقة
كمسؤول كبير وتم اسناد مهمة الاشراف على عموم الكهرباء في البلاد تحت ادارتك..
ومن المعروف أن السودان يعاني كثيرا من مسألة انقطاع التيار الكهربائي باستمرار..
ما هي الحلول والخطط المناسبة التي ستضعها لتفادي عملية إنقاط التيار الكهربائي
ولو أعطيت مطلق الحرية في التصرف.. ما هي المشارع التي تريد أن تحققها بالنسبة لمستقبل
الكهرباء في السودان.
كبير المشرفين العزيز حمدتو
منوووووووووووووووووور والله الكرسي المش ساخن اوي لحد اسه لأنو لا جاك الشريف الهندي بامتحان الشهادة
بتاعو ولا هجم عليك سامبا عشان يرفع ليك ضغطك زي ما بيعمل الأيام ده معاي (( الحمد لله ))
عزيزي حمدتو اسئلة على الطاير كده
1) كم مرة اخدتى شاكوش على راسك :p ؟ بصراحة
2) كم مرة اتراجعتى انك تخطب وحدة :cool: ؟ بصراحة
3) عضو انت مخنوق منو بطريقة عجب :mad: ؟ ولماذا؟ بصراحة
4) عضو انت متلهف لأسئلتو :) ؟ بصراحة
5) رأيك شنو في البنت السودانية الأيام دول ;) ؟ بصراحة
6) عضو انت شايف انه يستحق يكون مشرف :rolleyes: ؟ بصراحة
7) بصراحة رأيك شنو في سامبا :eek: ؟ اتذكر بصرااااااااااحة
انشاء الله ما أكون طولتى عليك بالأسئلة الخفيفة ده
(( شايف يا سامبا والشريف ده الأسئلة البسيطة مش محاضرات :mad: ))
شنو ياحمدتو والزول بديتوها لينا بالفتات والأقاشي غايتو دي اسعارنا وسوار الياسمين مع ست الشاي سوار الياسمين وفوزية
اكان عجبتكم نحن جاهزين بدل تعبكم ده :D
النوع السعر
فتة الكوارع 6 آلاف جنيه سوداني
فتة بالتمر والسمن البلدي 6 ’’’’’’’’’’’’’’’
فتة بالتمر ساكت 6 ’’’’’’’’’’’’’’’’
فتة بالتمر والسمن 8 ’’’’’’’’’’’’’’’’’’
فتةبالتمر والعسل 8 ’’’’’’’’’’’’’’’’’’’’
فتةمشكل كوكتيل 10 ’’’’’’’’’’’’’’’’’’
فتة لحمة ضــاني 10 ’’’’’’’’’’’’’’’’’
سؤالي لسه جاي !!
الوجيه حمتو
تقول شنو لو زول أهداك عيــــــــوبك ؟!
كيف حتكون ردة فعلك؟
حتعتبرا هدية ؟؟؟؟!!!!!
ولا حتعتبرا إهانة وتدخل فيما لا يعنيه ووقاحة؟
تخيل لو إنت ما بتعرف عيوبك وما حصل في زول كلمك فيها بغض النظر عن طريقة الانتقاد أو الموقف ومدى شراسة العبارات المستخدمة
هل إنت بتعتقد نفسك بلا عيوب ؟
وهل بتشوف عيوبك بشكل واضح ؟
وأيهما أكثر وضوحا بالنسبة لك .. عيوبك أو صفاتك الحسنة؟
هل تتفق معاي في أنه لايوجد أحد خالٍ من العيوب ؟
من وجهة نظري الخاصة أن من يعرف عيوبه ويعترف بها أقوى ممن ينكرها ولا يسعى لمعرفتها
حبيبنا كبير المشرفين
أنا ليسه ما انتهيت وكل ما يحضرني سؤال حأسألك ليهو فما تتضايق عشان لمن تخلص نمشي نعضي الأقاشي
سؤالي هو :
متى ذرفت اغلى دمعه في حياتك( دمعت بحرقة )
ومن هو صاحب اغلى دمعه في حياااتك؟؟؟؟
- الهواية التي لايعرفها عنك الاخرين ؟
- صفة تحبها في نفسك , وصفة تكرها في نفسك ؟
- عطرك المفضل ؟
- لوخيرت لسفر اي وسيلة تختار (جو, بر ,بحر) ...... ؟
- عضو تفتقده في المنتدي ؟
- انطباعك عن بعض الأعضاء من خلال إلتقائك بهم شبة اليومي ماهو ؟
- عندما يوجه لك نقد وتجد أن من ينتقدك هو إنسان حاقد يريد إطفاء ضوئك بماذا سترد عليه ؟ (برضو جاوب)
- متى تقول لنفسك كفى ؟؟
- متى تحزن ؟؟؟؟
- كيف ترى :
الغروب..
الشروق..
البحر ..
- صف شعورك حينما تكون في أوج حنينك ؟؟؟
- أختر عدد من الاعضاء وماذا تقول عنهم أنت ؟
- أسوا خبر سمعته ؟
- كلمة شكر لمن تقولها ؟
ماشاء الله ... شنو يا شباب الاسئلة الكتيرة دي.. رغم اني جاي تعبان ومنتهي نهاية بطل ... قلت كان مارديت عليكم تاني الكرسي ده بولع نار... بس ارجوا منكم ان تعذروني في الاجابات لانني سأحاول اختصارها لابعد الحدود لاني بصراحه شديده ما حأقدر أرد بأجوبه طويله ...
أتفقنا ... لكم العتبى مقدماً ...
سامبا
تسلم يا غالي على التوضيح
مرحبا بالمفاجأة الجديده... وماعندك مشكلة
ولعها ....ولعها ....
شعللها ... شعللها ...
http://www.asmilies.com/smiliespic/FAWASEL/059.gif
وهيب
تشكر يا عزيزي ... لك مني كل الاماني الطيبة
http://www.asmilies.com/smiliespic/FAWASEL/059.gif
أبوشوارب
اهلا بعمنا العزيز أبو منار ... تسعدني كثيرا اسئلتك وفعلا بردت لي الكرسي الساخن ...
الصور المنافيه للذوق العام التي كنت أقصدها هي صور بعض الفنانين والفنانات وليست الصور المخلة بالآداب
أما إذا كنت عضو بالمنتدى وشاهدت صورة مخلة بالآداب سأفعل كما فعل أحد الأعضاء بالاتصال بالمشرفين المسئولين عن المنتدى الموجود به الموضوع والصوره أو بالمشرف العام لتنبيههم لأنهم أكيد ما شافوها ...لأنني واثق تماما بأن المنتدى الذي افتخر به لا يمكن ان يسمح بوجود هذه الصور ...
ردة الفعل والغيرة على المنتدى إيجابية مليون المية وليست من سلبيات المنتدى ...
الالتزام واحد بالنسبة للمتزوج أو العازب ...
عزيزنا
شنو السخانه الشديده دي ... ده بدل ما تبرد لي تسخنها زياده ...
ربنا يجعلنا من الظافرين بذات الدين ان شاء الله
لوحدث ذلك ولان الايد الواحده ما بتصفق ... سأدعوا كل مدراء الهيئات القومية للكهرباء في كل مدن السودان للاجتماع لوضع خطة للقضاء على اسباب انقطاع التيار الكهربائي -( رغم أن الاسباب بتكون معروفه )- وتذليل كل الصعاب في سبيل تحقيق ذلك ..
بشرط أن ترتبط هذه الخطة بتوقيت محدد ...
لانك زي ما عارف يا عزيز اهلنا ديل بالهم طويل وطوالي يقوم يقول ليك أنت مستعجل مالك ... لو ما انتهت الليلة بكرة ان شاء الله بتنتهي ...
http://www.asmilies.com/smiliespic/FAWASEL/060.gif
سوار الياسمين
تعرفي رغم اني ما كنت مقتنع باسم الكرسي الساخن وطالبت بتغيره ...
لكن بعد أسئلتك دي عرفته أن الكرسي الساخن أنسب اسم ومحله تمام ....
قلتي لي أمتحان الشريف الهندي ... طيب رأيك شنو لو تكون اجاباتي ب (لا) أو (نعم)
مثلا : هل حصل في مرة اخدت شاكوش على راسك ... (لا)
هل حصل اتراجعته عن خطبة واحده ... (لا)
هل هناك عضو مخنوق منه بالمنتدى (لو الاجابه بنعم فلماذا) ....(لا)
هل هناك عضو متلهف لأسئلتو (لو الاجابه بنعم فمن هو) ... (لا)
رأيك شنو في البنت السودانية الأيام دول ... زمن العولمة
هل هناك عضو انت شايف انه يستحق يكون مشرف (لو الاجابه بنعم فمن هو)... (نعم) ضياء الدين احمد
بصراحة رأيك شنو في سامبا .... الشكرو قدامو نبزو
http://www.asmilies.com/smiliespic/FAWASEL/060.gif
مهيرة
انا موافق على الاسعار بتاعتك ومن بكرة معاكم في الصالون
http://www.asmilies.com/smiliespic/FAWASEL/060.gif
الزول الفرده
وانا كمان من وجهة نظري الخاصة أن من يعرف عيوبه ويعترف بها أقوى ممن ينكرها ولا يسعى لمعرفتها
[[ الغالى نبيل حمدتو لك التحيه 000وان شاء الله نشوفك عريس 000ونافض الكيس
بس فى حاجة واحده محيرانى جد 00والله يا نبيل انا كنت باكل عند ابو ظريفه من زمن ابو العافيه بس ]((( الاقاشى )))ده ماعرفتو وعمرى ماشفتو00ارجو ان تشرح لى ماهو الاقاشى ؟؟؟؟؟؟ الله يسر عليك
الأخ العزيز / مهندس .. نبيل عصام الدين حمدتو
الوالد / عصام الدين عابدين حمدتو
http://hamad2family.jeeran.com/محمد.jpg
http://www.asmilies.com/smiliespic/FAWASEL/048.gif
http://hamad2family.jeeran.com/محمد.jpg
http://www.asmilies.com/smiliespic/FAWASEL/048.gif
http://hamad2family.jeeran.com/محمد.jpg
http://www.asmilies.com/smiliespic/FAWASEL/048.gif
محمد معتز عبد المنعم صديق حمدتو
الأخ العزيز / نبيل ....
تخيل معي انك مرشد سياحي لمدينتنا الجميلة ... كيف تكون جولتك وانت بصحبة زائرين أجانب لمدني ... ؟
اختار مدينة لقضاء شهر العسل ....
هل هناك فندق بالخاطر ؟ ....
لك الود وشكراً مسبقا للإجابة ...
مشاققة صغيرة كده :
أي قسم من اقسام المنتدى تفضل زيارته دوماً ؟
هل تستمع للموسيقى ؟ ولمن تعطي أذنك ؟
سأعود حتماً ..:)
مهيرة والله لاكن ما فكرة بالجد
وبعدين اكلنا احسن من اكل المحلات :p
ولكن الأسعار ده مش رخيصة حبة حقو نغليها عشان تغطي على المصاريف
وليك علي اعمل ليك تنكر بتاع قهوة وتنكر شاي
وده المينيو بتاعنا لليوم :)
الطبق الاول : مقبلات (( سلطة موليتا عجب ومعاها سلطة اسود بالزيتون ))
الطبق الثاني : كبدة ابل طاااااااااااااااازة
الطبق الثالث : ((الطبق الرئيسي)) فتة وحياتكم نص خروف عددييييييييل
بعد ده نخش على الحلو ;) (( ويا ساتر من الحلو ))
الحلو جزئين :eek:
1) أم علي ومكونة من (( فطير مشلتت وزبيب ومكسرات بأنواعها وقشة طبيعي وزبدة )) تودي ورا الشمس
2) حلوى براوني ومكونة من (( طبقتين من كيك الشوكلاتة الهشة مع كرتين من الآيسكريم فانيليا وشوكلاتة
مع صوص الشوكلاتة وصوص الكراميل ورشة من المكسرات وملعقة كريمة لزوم الزينة ))
وبالصحة والهنا على كل الي حيشرفونا النهرضة ( بالمصري) ;)
لكن يخوانا في استثناء يعني معليش لأخونا في الكرسي الساخن البشمهندس نبيل :D الحساب علينا
اما الباقي معليش بالفاتورة (( وما ادراك ما الفاتورة ))
ويخوانا البقوم منكم بعد الآكل ده يقابلني :confused:
حبيبنا وضيفنا العزيز
1* قبل اسمك ماذا تحب أن تكتب ؟
2* قطار حياتك الى اين يتجه ؟
3* ما جريمة الحضارة من وجهة نظرك ؟
4* حيوان تشعر انه مظلوم ؟
5* حقيبة اسرارك عند من تودعها؟
6* احد علماء النفس قال ذات مرة : أنه باستطاعة الانسان العيش من دون اصدقاء ..ماذا ترى أنت ؟
7* أين تأخذك ذروة الغضب؟
8* ما أجمل شيء في الاسلام ؟
9* لماذا لم تصبح مشهور؟
10* متى يعاندك النسيان ؟
11* متى يقسو قلبك؟
12*هل حدث أن انتصرت على نفسك يوما وأحصيت عيوبك ؟
13* ما هو انطباعك عن السياسه؟ ،،لمحبين السياسه**
14* متى تخجل من نفسك ؟
15*في زمن البحث عن المادة ،عن ماذا تبحث أنت؟
سلام حمدتــو
أولا : دايرين تصورك لود مدني عام 2050 م :D
ثانيا : شارع السوق سنكات جبرونا يمر بالأحياء وأنت ود المدنيين عايزين تنشيط ذاكرة ؟
ثالثا : ماهي علاقتك بأسرة أبو عيسي في المدنيين تشبهم كده :D
رابعا : سر العلاقة بينك والأخ ابوبكر Admin
خامسا : لو كنت رئيس حكومة الجزيرة ( شيء يؤرقك كثيرا تود القيام به أولا ) ؟
مع تحياتــــــــــــــــــــي
بقدر ما شدني منتدي ودمدني واصبحت لا افوت جلسه فيه حتي ولو مرور من دون مشاركة الا انه اليوم شدني اليه اكثر وما اظن انساه بالاطلاله البهيه لابني محمد رننا يحفظه وهو الابن البكر .
اشكرك اخي سامبا شكرا لا يوصف وتقديرا لا يحد لانُ في اللحظة دي ذي الرجعة لي روحي علما بان اسرتي مقيمه معي ومتنقله مابين السودان والامارات واسال الله ان يجمعني بهم في ساعة خيرة لانهم الان في السودان واسال الله العلي القدير ان يرزقك ياسامبا الرائع الزوجة الصالحة والذرية الصالحة لما تمدنا به دوما من تحف . وكذلك لتنوير العم العزيز ابو نبيل المنتدي .
وان شاء الله البوست تبعك الفيه امتداد اجيال ان صح التعبير ان يجعل ابن عمي العزيز بسرعة الزواج .
وانا ماعندي سؤال للكرسي الساخن سوي ان اقول لابن عمي العــــــــــــــــــــــــرس متـــــــــــــــــــــــي !!!!!!!!!!
بسم الله الرحمن الرحيم
الاخ نبيل حمدتو واحييك على ابداعك الرائع
انا كنت حابي اتعرف عليك بس الظروف ما خلتنا نتعرف عليك
بس الان ما فات شي انا راح اديك ايميلي عشان اتعرف عليك اكتر...
كبيرنا فى ساحة العشق حمدتو ..............
فى انتظار طلتك وأفواج المشاركين على هذا البوست هى خير استفتاء ودليل على المكانة التى تشغلها فى قلوب أعضاء المنتدى ، فلك العشق والمحبة ، ولمنتدانا الرفعة والسؤدد .
سؤالى عن السر فى تسمية جدكم الأكبر بحمدتو ، فماهو مصدر الإسم
بحكم سكنانك بالمدنيين ما رأيك فى مقولة " المدنيين عينهم حارة - أصالةً عن نفسى وأهلى وابن خالتى أمير عبد الباقى نديك الأمان وجاوب بى منتهى الصراحة ".
سامبا
لك مني كل الشكر والتقدير يا مبدع
والله مدني كلها جميله ورائعه وأي مكان يمرو بيهو ليهو نكهته الخاصة
مدينة يلوا التركية
قصر الامارات
منتدى ودمدنيات
في هذه الفترة استمع كثيرا لعصام محمد نور
http://www.asmilies.com/smiliespic/FAWASEL/053.gif
سوار الياسمين
شنو الاسعار دي مغلياها كده ... ما تطفشي الناس خليهم يا كلو
http://www.asmilies.com/smiliespic/FAWASEL/053.gif
الزول الفرده
شنو يا فرده الاسئلة الكتيره دي ... يعني انا اختار واحد من عشرة اسئلة والا شنو حكايتك .. طيب لما نتقابل بعدين في القهوة بجاوبك
http://www.asmilies.com/smiliespic/FAWASEL/053.gif
مهيرة
انت يا مهيرة ما سمعتي بالاقتراح الجديد بخصوص الكرسي الساخن؟
قالوا العضو البكون جالس على الكرسي الساخن يختار العضو البجي يجلس بعده .....
اها رأيك شنو اجاوب على اسئلتك والا نخليها مرة تانية ....
ابن عمي
والله انت وحمودي منورين المنتدى ...
العرس قرب يا ابن عمي انشاء الله بس زي ما انت عارف باقي التلج والعروسه
http://www.asmilies.com/smiliespic/FAWASEL/066.gif
زيكو منيب
وانا اتشرف كثيرا بمعرفتك ... لك مني كل الود والتقدير
http://www.asmilies.com/smiliespic/FAWASEL/066.gif
ودالماذون
تعودنا دوما على جمال حروفك ... لك مني كل الشكر وأتمنى ان نصل بالمنتدى إلى التطلعات المرجوه
حمدتو أصلها حمد وأضيفت التاء و الواو للتدليل والتحبب واهلنا الدناقلة بنطقوها همنتو
عشان الامان ده بسأل ليك عن هذه المقولة وأتيك بالخبر اليقين ... والله جد جد ماعارف اجابه للسؤال