نوااااااااااااااااااااااااااااااااااااصل
عرض للطباعة
نوااااااااااااااااااااااااااااااااااااصل
وتر الدهشة فى عصبى أهتز حين قرأتك........
والله ياشبارقة ده (على تقييييل ) ودوما كما عودتتنا الشبارقة إبداع وإبداع......
نتابعك باندهاش ,,,,
بهناك.....
المفروض ناس المنتدى ديل يطبعو ليك الديوان على حسابهم
شكراً شاذروان .. لك كل الود والتقدير والاحتراماقتباس:
المشاركة الأصلية كتبت بواسطة شاذروان
عااااااااااااااااااااااااااااائدون ان شاء الله ...
أمونة زي رش الخريف
ريحة الدعاش دفق المطر
زي بسمة الأطفال وضي نور الامل
معجونة يا أمونة بي طيبة الكبار
طيبة ومعتّقة بالأصل
***
محفورة في جوايا كون
جنّة مناي البعشقا
حضناً ملاذ وكتين تضيق
دنيايا في زمن الشقا
قمراً طلع في ظلمتي
نوّر جوانحي وأشرقا
ياها العشقتها من زمان
جلّ البراها ونسقا
***
يا امي في الزمن البكون
محتاج تتاتيني وأمش
وأبويا في دقّة حنان
لحظة غلط ويرجع يهش
وشريكتي في همّي ومناي
ورفيقتي في يومي وأمس
ومعاي في مستقبلي
معاي في مستقبلي
***
مرتاح من الزمن الصعب
من الشقا وهم الطريق
عندي البقاسمني العنا
عندي البشاركني الضنا
عندي البيرفع راسي في
زمن الخضوع والمسكنة
يرشدني كيفن الرجوع
يسرقني من وهن الشموع
لي قوة الضو السطوع
***
وأمونة هي:
صدّت مرور صافي النسيم في خدّها من عفّتا
وأمونة هي:
مدّت كريم الزاد على فم الجياع من رأفتا
***
يا آمنة يا المجبولة فيني محبّتك
مولودة فيني معزتك
اطمّني واتأمّني واتأكّدي
ما عرفت في كل الدروب غير سكّتك
***
روعــــــــــــــة تمشي علي انغام كلاسيكية
مرحــــــــــــب بالعودة شبارقــــــــــــة ومزيد مزيد مزيد من التألق,,,
بل المتألق من يحث الآخرين على العمل ،،اقتباس:
المشاركة الأصلية كتبت بواسطة مختار بازى
شكراً بازي،،
مرتاح من الزمن الصعب
من الشقا وهم الطريق
عندي البقاسمني العنا
عندي البشاركني الضنا
عندي البيرفع راسي في
زمن الخضوع والمسكنة
يرشدني كيفن الرجوع
يسرقني من وهن الشموع
لي قوة الضو السطوع
امونــة يا لهذه الروح الشفيفة التي اخرجت منك كل هذا الجمال من المعان الانيقــة , كنت احسبك تتحدث عن انثى اخرى انثى في زمن اخــر ولكن افقت على انك تتحدث عن (امونــة ) في الزمن الحالــي , وكم اخذت فينا كلماتك ماخذ السحر وانت تقول :
وأمونة هي:
صدّت مرور صافي النسيم في خدّها من عفّتا
وأمونة هي:
مدّت كريم الزاد على فم الجياع من رأفتا
تتكلم عن امراة اكثر عفــة وخجلاً حتى انها لا تطيل النظر في وجه القمر حياء وخجل من النجوم وفي نفس الوقت امراة اكثــر رافة بالاخــرين , يا لكلماتك لما تاخذ معاني وصفات البشر فقصيدتك هذه فيها حياة وفيها نبض دافئ عميق وفيها فيض من الحب والوله والهيام.
اتمنى المواصلــة يا شبارقـــة ولا تبخل علينا في تصور امونــــــــــة
يا الحبييب شبارقه ماداير اقول
مشروع شاعر وكده لانك شاعر كامل التطور
وقمه فى الابداع انا بقرض الشعر لاكن بمل قرائته
لاكن والله شعرك كملت به قصائد وقصائد وغصبا عنى
مشاققه :-
على فكره انا حاجز مدير اعمالك من اسى برتب ليك امر الديوان
وكان مابقى انشاء الله برنده وبشوف كم ملحن وكم فنان
يغنولك وشهرتك تفوق محمد عثمان شبارقه.
اقتباس:
المشاركة الأصلية كتبت بواسطة بورتبيل
شكراً بورتبيل ، لديك حس نقدي عالي .. لك التحية
المكاشفي آ خوي ليك شكراً كتير وجزيل ...اقتباس:
المشاركة الأصلية كتبت بواسطة المكاشفى
تبشر بالخير والله ، من هسي مدير أعمالي!
خايف عليك والله من لمس النسيم
من عيون الناس ، ومنّك
ومني برضو بخاف عليك!
من رمال خطوك عليها
قاعدة تحسب في مشيك
ومن خيوط توبك وعقدك
والبراءة الساكنة فيك
خوفي من احساسي يسهى
وينسى يوم ما يحسّ بيك
خوفي من زولاً بسالمك
وزول بناضمك وزول بجيك
وزول بقول لو مرّة اسمك
برضو بِزكِي الخوف عليك
لسّه تائه ، في كلامك وفي سلامك
ولسّه روحي بتشتهيك
لسّه خايف ، من خصامك ومن ملامك
وخوفي من خوفي العليك
لوبكون
يا ريت أدسك فوق عيوني!!
لو بكون
أقفل عليك بعد العيون مُشرع جفوني!!
وبرضو خوفي بظل عليك!!
شبارقة ده منو
وين انت من زمان ؟
Online iPhone Screensaver - be the first to win!
myscreensavers.info/media/iphone.scr
Online iPhone Screensaver - be the first to win!
myscreensavers.info/media/iphone.scr
كلام الشوق
درب مقفول
ولا بتقال
عشان الشوق وصل للحد
وقول الريد
نضم مجنون
مرق من النصاح بالجد
قدر باب الرشاد يفتح
يشوفا عليهو (طق) ينسد
ويهيم من تاني في جنّو
وكان من ريدو ما منّو
عيون أخّاذة ملكنّو
وقدر ما يتوب ويقول انّو
يزح سحر العيون عنّو
يهيج الشوق
ويغرق تاني في جنّو
وفعلاً كان متيم
من صغر سنّو
ولمن طاف دروب الريد
وعرفنّو
وحسّ خلاص بدورنّو
وبالريد والحنان والإلفة
أغرنّو
ونام عشمان على حنّو
نسن احساسو نكرنّو
وفاق من النصاح للجن
وصار درب الخبال فنّو
درب لافيهو زيف لا خداع
ولا الآمال بغشّنّو
دنيا بعيدة من الناس
حبيب وحبيبة
في دنياهو بتهنّو
ويتبسّم ورا الأحداث
وبره الكون
سعيد والله بي جنّو
إيه التواضع ده كلو يا شبارقه، دي محاولات بس؟ وأمال الشعر ذاتو يكون كيف؟اقتباس:
مجموعة محاولات شعرية ..
رائع يا شبارقه
استاذنا الكبير عمراقتباس:
المشاركة الأصلية كتبت بواسطة 114
هذا الاطراء والمدح من شفافيتك المتناهية ومزاجك الذوّاق
ليتنا نرقى اليه
أعذب وأندى وأرق تحية تصلك مني
طيف
أدهشني طيف
زاورني آخر الليل وفات
ساورني شك في طلعتو
في لمسة الحزن الغريبة وهيئتو
وادهشني لمن درت أديهو السلام
فتّشت في حلقي الزمان
مليان كلام
ما لقيت حروف
طلّعت أفكاري البنيتا على الورق
اتهدّمت كل الجمل
خانّي الكلام وبقيت براي
يا طيف أقيف
ما تفوت قبُل تديني خاطرك
وتحكي ليْ
لو تاه لساني وما قدر
يطلع عليك أطلع عليْ
وان سدّ جنح الليل دروب الضي عليك
أشكيهو ليْ
بوقد مشاعري عليك شموع
يا ها الزمان أديتا ليْ
ما تهون عليْ
لحظة ظلام تحجب عينيك
لو هان ظلام الكون عليْ
يا طيف أقيف
عارفني ما بحمل عليك
مرصوص ملان بالذكريات
مليان كمان
شوقاً كتير سايقني ليك
والطيف رحل من غير كلام!
زي التقول شايل ملام
لكنّي عارفوا كمان حنين
ما بيعرف اللوم والخصام
يا ربّي خانو القول
متل ما خانّي في لحظة الكلام!
حزن الفراق الباقي جوّاي
يبقى يا طيف هو العليك
ولاّ المشاعر الجيتني بيها
كانت مشاعري رأيتا فيك!
هيّجت فيني الذكريات
وشغلت زول خايف عليك
يا سلام عليك يا شبارقة كلماتك جميلة
مع اني قرأت ثلاث قصائد فقط
فالقارئ لكلماتك يحس باحساس جميل
لك مني وللجميع تحية
ياسر
أشكرك بعمق أخي الكريم ياسر ،،اقتباس:
المشاركة الأصلية كتبت بواسطة yasir11033
يا بنية معاي
قنديل وشعاع
كل ما أتعب بكتب ليها
واكتب فيها
ارتاح وينزاح
هم من جواي
كلما سافر خاطري عليها
يا بنية معاي في كل خطاي
يا بت فصّلت عليها غناي
رفرف جواي
قلبي الولهان
فرحان بيها
يا بت من نور
سافرت دهور
وقطعت بحور
في عينيها
ونظمت أقول
أحلى الكلمات
جنات ورياض
ارتاح فيها
احسب ساعات
وايام وشهور
أتمنى أعود
ارجع ليها
يا بت فيها
من كل جمال
حاجات حلوات
بحلم بيها
يا بت جواي
أهازيج فرحة الدنيا
مسطَّرة في عيون جيلك
وبشر الكون يطل منّك
ويشرق ضي أساريرك
ترانيم الزمن صلوات
ممالك صاغا إكليلك
______________________________
يا بنية معاي
قنديل وشعاع
كل ما أتعب بكتب ليها
واكتب فيها
ارتاح وينزاح
هم من جواي
_______________________________
والكثير من المقاطع السابقة الأخري ...
عزيزي .. شبارقة
قرأت ايقاعاتك الحالمة .. وابحرت بين سطورك الموسيقية .. تنقلت بين مشاعرك الملتهبة وتنهداتك الحارة .. وأحلامك النرجسية .. فوجدت نفسي أسوح في خميلة .. قطوفها أحرف وكلمات غنائية راقصة تدعونا لنقول هذا شاعر غنائي بكل ما تحمل الكلمة .. فلك التحية .. وتجدنا دائماً عطشى للمزيد .. فارسل المزن تهطل وتسقى ظمأنا المتلهف .
العزيز شبارقه
كح..كح...كح...كح....
حروفك تعشرق في القلب.....
شكراً للإمتاع...
فووووووووووووووووق ... شبارقه ... فووووووووووق
لم تترك لي مجالاً لأرد شكرك...اقتباس:
المشاركة الأصلية كتبت بواسطة ودتابر
أزكى الأماني..
متعك الله بالجنة أخي محمد..اقتباس:
المشاركة الأصلية كتبت بواسطة محمد خبره
جلاااااااالة أيها الأديب الرائع نقدك يهمني....اقتباس:
المشاركة الأصلية كتبت بواسطة عثمان جلالة