عرض للطباعة
اقتباس:
المشاركة الأصلية كتبت بواسطة محمد المأمون
الاخ الكريم محمد المامون
كل سنة انت والاسرة الكريمة بالف خير
واتشرفت جدا بزيارتك لبوست الجمال
-------
لو تكرمت لنكات قصور ال البشير التي وضعتها في البوست
لا اعتقد انها تتماشي مع هذا البوست
ممكن تفتح بيها بوست خاص في اي من مساحات المنتدي الاخري
------
لك شكري واحترامي
صباح الجمال
خمسة سنين معاك يا زينة الأيام
يا نوّارة الحلوين مرّت حِلوة زي أنسام
وزي أحلام صبيّة نديّة، زي ياسمين
وزي لهفة بعيد مشتاق
يلاقي أحبّته الغايبن
خمسة سنين
ودرب الريد معاك أخضر
خمسة سنين، بريدك كل يوم أكتر
أحاول مرّة بس أنساك
عشان يا غالية أتذّكر
أجي وألقاك، ديمة معاي
وألقى هواك ملك دنياي
وفي أعماقي إتحكّّر
http://www.youtube.com/watch?v=vitmXYsU70s
الأخت الأعز مدنية وانت واسرتك كما تودون و حقيقة ادخلت الرابط على انه نص عقد الجلاد الغنائى وهاهو هنا
http://www.youtube.com/watch?v=vMgzpmzN_Zo
الحبيب محمد المأمون تحياتنا واشواقنا ....اقتباس:
المشاركة الأصلية كتبت بواسطة محمد المأمون
طلتك جميلة واختياراتك اجمل (واصل من غير فواصل)
تخريمة : بالنسبة للرابط (الخطأ) ضحكني عديل كدا ورب صدفة خير من الف ميعاد ...
وكتر لينا من ابو عركي دا ياخ
وتسلم ،،،،، وانتظر من اتصال بي (رواقة )
باللفة : انا هسع خاشي (ٍسرقة) عديل كدا !!!!!
صباح الجمال
مرحبتين اخونا الكريم محمد الماموناقتباس:
المشاركة الأصلية كتبت بواسطة محمد المأمون
ومرحب بعقد الجلاد
ولو سمحت لي ممكن انزل الرابط مباشرة
--------
شكرا كتير محمد
رائعة محمد الامين
الجريدة
----------
سارحة مالِك يا حبيبة
ساهيه وأفكارك بعيدة
بقرأ في عيونك حياتي
وعامله مشغولة بجريدة
بتقري في إيه كلّميني
ياسلام .. مهتمه عامله
يعنى لازم تقرى هسا مقال
بحالو.. وقصّه كاملةْ
كم شهور مرّت علينا
وبينا بُعد .. وفرقه شامله
العيون رويانه تبكي
والقلوب مشتاقة آمله
أي حاجة تمر بخاطرك
قصة أو أخبار جديده
عندي ليك خبر أهم
جايبو بي أشواق شديده
أسمعي وطاوعيني مرّه
أيوة، ما تخليك عنيدهْ
عايز أقولك ..
ولا سيبك اقري
احسن في الجريده
عايز أقولك .. ليه أقولك
ما بقولكْ .. مش مخير
ساعة مرت .. ساعة واكتر
والوقت روّح تأخر
زى عنادك عايز اعاند
لكن يظهر ما ح اقدر
عايز اقولك .. بحبك يا وحيدة
بقرى في عيونك حياتي
وعاملة مشغولة بجريدة
اتفضل يا الجندي
-------
بخاف...أنا بخاف...
أسأل عليك الناس وسر الريدة بينا يزيع...
وأخاف أكتر كمان ياغالي من ايدي انت
تضيع وأعيش بعدك أه حياتي جفاف
مواسم ريده مافي ربيع....
بخاف يا انت لو جيتك الملم في
خطاوي الشوق وازور بيتك....
يقولو علي حبيتك....بخاف لو
برضي انت علي تقول ناسيك وجافيتك
بهم لو صدفة لاقيتك....
أهم لو صدفة لاقيتك ...
درب حلتنا جابك يوم...
تشيل ياروحي ترمي اللوم علي وتزيد
همومي
تقول جافيك وانا نسيتك
*******
أريت تعرف حنيني اليك وياريتك كمان أه
تعرف لحدت وييييين بعزك وفي أعماقي
حسيتك أه أه أه أه وبس خايف اذا جيتك
حكاية الريدة تمشى تزيع ومن ايدي انت
تضيع واعيش بعدك
أه حياتي جفاف مواسم ريدة مافي ربيع
تسلمي يا (العمة) وصباحك خير
اغنية بخاف دي جميلة جداً
واقول ليك سر
هذه الأغنية مفصلة تماماً على مقاس (الشعب السوداني الجميل)
مفصلة حتة حتة وكلمة كلمة .....
اسال الله لك الصحة والعافية (الفنان المرهف ابو عركي البخيت)
تخريمة : الخواف ربا عيالوا
باللفة : الاغنية بهديها لناس (السنغال)
اقتباس:
المشاركة الأصلية كتبت بواسطة مدنيّة
بهدى الغنية دى لزول عزيز جداً وبقول ليهو كل سنة وانت طيب ...
همسه ..... نزل القزاز شويه خلينا نشوفك
اقتباس:
المشاركة الأصلية كتبت بواسطة الجندي المجهول
اهلييييين الجندي
وكل سنة انت وحمزة وامه وكل الاسرة بالف خير يارب
ووينك مطول الغيبة!
---------
تفصيل اغنية بخاف علي السوداني مابعرفها
لكن البعرفه
اني بحبها جدددددا الاغنية دي
وصوت ابوعركي ومتقطع فيها والموسيقي حاجة رووووعة
------
رد اللفة : اشمعن يعني ناس السنغال!! (معليش لكن الفهم تقيل شوية الايام دي)
اقتباس:
المشاركة الأصلية كتبت بواسطة ساريه
مبسوطة جدا انا ياسارية
عشان الاغنية عجبتك
وبقوليك انتي والزول العزيز
كل سنة وانتو بالف خير يارب
-------
همسة القزاز دي تبعنا ولا تبع الزول العزيز! عشان الاختساس وكدا ):
صباح الجمال ،،،،اقتباس:
المشاركة الأصلية كتبت بواسطة مدنيّة
وانت بالف خير يا عتمنا واشكر لك جميل شعورك ،،،وانت كذلك والاسرة الكريمة بالف خير وصحة والسنة الجاية معانا في الحج باذن الله
رد رد اللفة : السنغال ..... دا كلامو برا
تخريمة : تعالي الرياضي (في بوست ايقاف البرير) وارجعي لينا تاني بي هنا ....
اقتباس:
المشاركة الأصلية كتبت بواسطة مدنيّة
:):):):):):):):)
صباح الجمال :)
مطلوب على السريع والان وفوراً اغنية
قايله بلقى ولي غيرك انت ببقى
انت افراحي البعيشا
وتحياتي لكل الجالية السودانية بالسنغال
واتمنى ان يعجبكم الإهــــداء
تخريمة : غايتو عن نفسي (كاس امم افريقيا القادم) انا من هسع بشجع السنغال
واعرشوا على كدا
باللفة : مدنية ما معانا اي نوع من انواع (الاختساس)
أخونك ..
هل تصدق أخونك
ما أظن تصدق أخونك
لو شافت عيونك
إيه حاصل بدونك
دي الدنيا بقت عدم
والفرح من غير نغم
والسعادة بقت وهم
والحلوة من غير طعم
و برضو تصدق أخونك
يا سلام على ريدي
خلاك بقيت سيدي
لو الأماني بإيدي
كنت أهديك عيوني
وأسقيك من وريدي
يا هنايا وجديدي
يوم أشوفك يبقى عيدي
وبرضو تصدق أخونك
ذكرياتك دايماً أمامي
صورة حية لي غرامي
عشتها بروحي وكياني
يا سروري وابتسامي
مهما قلبك جار سباني
انت برضو مثار اهتمامي
وبرضو تصدق أخونك
والله في غنية كدا
بس ما متزكرة كلماتها
ممكن تجيبوها لي يعني
ضروري شديد شديد
ولا امكن بقول فيها
اكون فرحان يوم تكون جمبي
زيدان ابراهيم طبعا
اقتباس:
المشاركة الأصلية كتبت بواسطة بت أم درمان
بتنا - فتشته ليك الكلمات ما لقيته كاملة -
اسمعيها ولو قدرتي تكتبيها اكتبيها
http://www.sudaniana.com/music/song_listen_2312_1
( أغنية عمر )
بشراك بالخير ياعمر
وباذن ربنا منتصر
مهدت في الطرق الكباري
طريقنا كان قبلك وعر
ثورة الانقاذ حبابا
محت من التاريخ فقر
مافينا عدمان اللبس
ولا الجعان المنتظر
حققت في بلادنا السلام
أمنت روحنا من السهر
انت يا اب رايا سديد
دربك عديل مافيه شر
اوكامبو يا خنزير جبان
مابتلقي في السودان شبر
انت والخاينين معاك
حتكونوا في السودان صور
مابنسلمك البشير
وما بتلمس فيو ضفر
تلقانا في صفو بنموت
حماية وفداء لعمر
والبقرب مننا
نحفرلو بالايد القبر
سيد الاسم
معناه في التعمير ظهر
شعبنا بالتعليم ظفر
وفر الفواكه والخضر
ألا نشكر أو نقدر
نبقي جاحدين أو نكر
خافوا الكريم يوم الحشر
لأن الجحود وعدم الحمد
يورث العمى والفقر
( أحيء أنا لمان قلبي وجعني حالتني نسختها بس )