الله يبشرك بالخير يا أبوهااااااااااا .. ما دام إنت قلت كدي معناها في أمل وفي عمل
عرض للطباعة
الله يبشرك بالخير يا أبوهااااااااااا .. ما دام إنت قلت كدي معناها في أمل وفي عمل
أستاذ ود الصول لك التحيه علي هذا النقل الحي عبر أثيرررر النت
اخى العزيز ود الصول تحياتى وسلامى لك من على البعد ... اهنئك بالعيد السعيد وكل عام وانت
بالف خير ... تجاهد من اجل ان توصل ولو معلومه صغيره الى الطيور المهاجره ... وكم
نتمنى ان يتحسن الوضع فى بلدنا الحبيب ... وطبعا سوف يتحسن اكثر واكثر برجوع الطيور
الى عشها .... نتمنى ذلك قريبا ... وكم انا اسف اخى ود الصول لعدم مقابلتى اليك فى زيارتى
الاخيره بالرغم من الاتصال ووعدى بالحضور لكن ربنا اراد... ونلتقى فى فرص قادمات
لك كل الود وتحياتنا للاهل . ودمت فى خدمه مدنى الحبيبه .
مشكووور يا ود الصول وكل سنة وانت طيب
ونتمنى من الله ان يكون القادم احسن ..
يبدو أن هناك بُشريات في صباح ود مدني
نتمنى أن نسمع الجعجعة و نرى الطحين
وكما يقولون فأول الغيث قطرة
29/9/2009
مطرة خفيفة داعبت النائمين خارج الغرف فجرا ... لغط كثير في أجهزة الاعلام عن تعميير مشروع الجزيرة و إنقاذ الموسم الزراعي الحالي ... و لسان حال رئيس إتحاد المزارعين يدعو كل من عنده كراكة لحفر و توسيع الترع الاسراع باحضارها و سوف يمنح أجرا مجزيا ... طيب لماذا تم بيع الهندسة الزراعية و تسريح مهندسيها و عمالها المهرة ... عادت أرتال الاوساخ علي جنبات الشوارع ... و الحمار شكروهو رقد ... برغم نهايات الخريف وهي مواسم الحصاد إلا أن أسعار الخضروات مرتفعة للغاية ... و السبب التخبط في إدارة مشروع الجزيرة و جفاف الترع و ضياع موسم للمزارعين و جعل المشروع عبارة عن بلدات ... هل يتبني الوالي الشجاع مشروع إعادة تأهيل غابة أم بارونا لتصبح رئه و متنفس لكل أهل الولاية ... شاهدت الاليات تقوم بفتح مزلقان السكة حديد ليصل شارع المنيرة الاعدادية بشارع بركات ... هل كان نتيجة مناشدتنا لهم ... أستهلكت سيارات الخدمة أمجاد صارت قبيحة غير مناسبة لركوب الانسان تنشر التلوث و الدخان ... لماذا تكون الحفر العميقة المتخلفة من إنكسار مواسير الهيئة دائما في منتصف الأسفلت أو في منتصف الرصيف ... محطة الخدمات البترولية النيل قامت بسفلتت أرضيتها و الطريق المؤدي لها ... خصخصه ... جهد مقدر و كبير يقوم به أساتذة مدارس الاساس بالمدينة و الولاية للإرتقاء بمستوي التلميذ ... مازال شارع النيل الشهير يرفل في ظلام دامس خصوصا في منطقة الحي السوداني ... تذكرة منتزه الكاسح السياحي إرتفعت الي 5 جنيهات للفرد الواحد و قاموا بمنع دخول المأكولات و المشروبات في عملية قصد منها تطفيش عباد الله الفقراء من المنتزه ...
ربما لا تصدق أن هذا الكوم الكبير من الطماطم يباع ب 12 جنيه و الصغير ب 6 جنيهات
http://up4.m5zn.com/9bjndthcm6y53q1w.../r3b3shy9p.jpg
30/9/2009
وأيضا أفجر اليوم مطرة خفيفة داعبت النائمين خارج الغرف فجرا ... زحمة الشوارع الرئيسية تحرق الاعصاب و الوقود ... حالات غرق في نيل مدني أيام عطلة عيد الفطر المبارك تدل علي عدم تنسيق أماكن الترفيه في المدينة غياب شرطة الدفاع المدني و الكشافة البحرية التي أفردت لها مساحة كبيرة علي شاطئ النيل أحالتها الي كافتريا تدر دخلا كبير و جعلت كل همها جباية الفلوس في تعديه الناس للبر الشرقي ... هل صار مشروع الجزيرة العملاق مجرد زكريات تذاع في برنامج إذاعي ... موسم تغيير نقابة المعلمين بعد أن جثمت 5 سنوات هل يكون التغيير الي الاحسن ... متي تنتبه إدارة البلدية للاوساخ المتراكمة و الصحون الصدئه و الترابيز المتهالكة في بوفيهات و مطاعم المدينة ... إمتداد شارع النيل مدخل حي الواحة جعل حركة التسويق و الكواقير و الكافتريات تتجه شرقا ... هل نحلم بأن تدب الحركة ثانيا في مصانع النسيج العملاقة بمارنجان .... فقد تم صرف إستحقاق العاملين فيها ... الكلية التقنية مكان التدريب المهني سابقا صحيح أن موقعها في أقصي أركان المدينة و لكن هل يطالها النسيان و تنسي الحكومة أن تحسم أمرها ... في اللحظات التي يتم فيها بيع المنازل الحكومية جميعها و يتم تشريد ساكنيها حتي أضعف عمال 114 يتم بناء فلل فارهه للقضاء في طريق سنار مدني و أخري بالقرب من جامعة القرآن الكريم (كلية المعلمات سابقا) ... إتجهت معظم محلات الاثاثات الي الاثاث المستورد من ماليزيا و الصين ... جميل ... هش لا يحتمل جو السودان و لا يمكن صيانتة أبدا
هل ستتحول هذه الصورة الي الارشيف
http://up4.m5zn.com/9bjndthcm6y53q1w.../l9jo9ly62.jpg
/
الحبيب ود الصول متعك الله بالصحة والعافية
إن شاء الله العمود الفي الصورة
لمبته تكون شغااالة ..
اقتباس:
المشاركة الأصلية كتبت بواسطة nehroo
مش بقولوا اخوى محمد الليل ستار عشان كده لازم تكون مش شغالة حليل لمن كانت شغالة ونكسرها عشان نلعب شليل( شقاوة )
اقتباس:
المشاركة الأصلية كتبت بواسطة خالد أحمد الصول
اخى ود الصول الشكر لك وانت تنقلنا عبر تفاصيل رائعة لاخبار يصعب الوصول اليها الى من خلال سردك الجميل
أخوي خالد ود الصول.. الله يمتعك بالصحة والعافية
ويبارك ليك في عيالك..
من خلال متابعتنا لأخبارك وسردك الجميل
عن الحبيبة مدني جعلتنا نشعر بأننا في داخلها
وقريبين ولدينا إلمام بكل ما يحدث في المدينة
من مستجدات.
واصل في مدنا بالمعلومات عن كل ما هو جديد.
وربنا يخدر ضراعك يا راجل يا جميل.
مشكور يا ود الصول
ماشاء الله تبارك الله الطماطم عندنا بقت زي التفاح
http://up4.m5zn.com/9bjndthcm6y53q1w.../r3b3shy9p.jpg
لك التحيه ياود الصول علي هذا النقل وتزويدنا باخبار أم المدني ودمدني الجميله
ودالصول متعك الله بالصحه والعافية
بالله دى طماطم دى
طيب خلاص يستوردوها يكون احسن.
لانه بالسعر ده ممكن نجيب اجمل وانضف واحلى طماطم فى الدنيا
واراضى مشروع الجزيرة ممكن نخليها بور كده لغاية ما ربنا يجيب لينا مشترى ودحلال كدة ويريحنا منها ولا شنو.
في اخبار الصحف أمس أن بعض التجار في الخرطوم قاموا باستيراد أكثر من 300 كرتونة طماطم من يوغندا لمقابلة النقص الواضح في كميتها هذا الموسم ..
سد العجز في الانتاج المحلي
استيراد (310) كرتونة من الطماطم اليوغندية
الخرطوم: عمار آدم
دخلت أسواق ولاية الخرطوم خلال الايام القليلة الماضية كميات كبيرة من الطماطم اليوغندية قدرت بمئات (الكرتونات) استوردها عدد من التجار لسد العجز في منتج الطماطم بأسواق الولاية.
وأبلغ تجار بسوق الخضروات بالشعبي أم درمان (الرأي العام) امس الأول انهم قاموا باستيراد حوالي (200) كرتونة طماطم يوغندية، وعزا التجار خطوة اقدامهم على الاستيراد لجهة سد الفجوة الموجودة حالياً في الطماطم المحلية باسواق الولاية المختلفة، بجانب ارتفاع اسعار الطماطم المحلية بمناطق الانتاج بحسب حديثهم.. من جانبهم أكد خمسة من تجار الخضروات بسوق أم درمان استيرادهم عدد (110) كرتونات طماطم يوغندية لتبلغ جملة الكميات المستوردة (38) كرتونة طماطم من يوغندا، واشاروا في حديثهم لـ (الرأي العام) الى ان اسباب الاستيراد تعود الى حدوث فجوة في الطماطم المحلية بالسوق مستمرة لنحو ثلاثة اشهر، بجانب احجام المنتجين عن ضخ كميات جديدة منها الى السوق فضلاً عن تواصل ارتفاع اسعار الطماطم المحلية ببلوغ سعر الكيلو الواحد نحو (15) جنيهاً مقارنة بسعر كيلو الطماطم اليوغندية الذي يباع للمستهلك بحوالي (10) جنيهات، فيما تباع الكرتونة بـ (95) جنيهاً اضافة الى جودة اليوغندية مقارنة بالمحلية التي وصفوها بالمتعددة الامراض.
في غضون ذلك واصلت اسعار الطماطم المحلية في ارتفاع الاسعار، حيث لايزال سعر الكيلو يباع للمستهلك عقب عيد الفطر المبارك بحوالي (15) جنيهاً والكرتونة عبوة (20) كيلو بـ (150) جنيهاً.
الخبر نقلاً عن صحيفة الراي العام
يا حليل لمن كنا بنشتريها بالصفيحة .. اسع بقت بالكيلو
علي بالطلاق زمان الصحيفة كلها كانت بأقل من سعر الكيلو الحالي
الشكر لك اخي ودالصول على هذا السرد الذي بنقلنا الى الواقع اليومي والذي يزداد سوء في ودمدني وولاية الجزيرة عموما وياريت تعرج لينا شوية كمان على ادارة مشروع الجزيرة في بركات وتنقل لنا ماال اليه الحال بعد بيع كل شي 0
ود الصول سلامات
افتقدنا يومياتك وصباحاتك عن ام المدائن
الكهرباء قاطعه برضو
صدقت اخي......اقتباس:
المشاركة الأصلية كتبت بواسطة محمد عبد الله عبدالقادر
1/10/2009
ليالي رائعة و جو جميل قليل جدا من الباعوض مما جعل الناس تنام خارج الغرف ... سمعته اليوم يتحدث يوصف نوع السفلته في شوارع المدينة فتحدث عن الرصيف و الجزيرة التي تنصف الشوارع و تحدث عن أماكن تصريف المياه و خطوط المياه التلفونات و لم يترك شيئا ... هو مدير إدارة التخطيطط المسؤل عن الطرق ...فالمدينة موعوده بنهضة حضارية علمية و مدروسة ... بدأ العد التنتزلي للاحتفال بالعيد السادس و إيقاد الشمعة السابعة للمنتدي و معه بدأت الاجتماعات اللقاءات ... الحفلات و ضجيج المايكرفونات يصم الاذان من العصر و أصوات المتفننات النشاذ يدمر الزوق و يخدش الحياء و هن يزجن بأسماء أهل العريس القادرين علي دفع النقفطة و أغنيات تستحي من سماعها الاذن و مكررة ... ذادت سيارة النجدة 999 و إنتشرت في مراكز كثيرة في المدينة و كانو وين أيام عصابات مراقهي جنوب السودان .... كشة الترخيص يومية و في مواقع متعددة و غراماتها جاهزة ... فأنهم يشيدون الجزء الثاني من مبني شرطة المرور ... موسم الهجرة الي الخرطوم و تزاحم شديد جدا علي تذاكر السفر للعودة ... شحاذون جدد أنيقي الملبس و يتمتعون بلباغة و عذب الحديث ... لماذا دائما أتذكر ذلك الشخص الذي يحمل رسالة بخط مبتدي و لغة بسيطة جدا يطلب فيها من مدير ديوان الزكاة معاونته في زواجه ... و عيادات الاطباء الخاصة في شارع الدكاترة تسهم في جلب القبح و المرض ... الموقف غير الرسمي للشاحنات الكبيرة بالقرب من صينية المنطقة جعل مدخل المدينة قبيحا جدا ...
أخي خالد الصول
صباح الخير يا رائع
زمان قبلي العولمة وقبل ما يجي التلفزيون وكدا كن الناس بتفتح الاذاعة من الصباح تلقاها
خاااااااااااااته اضانة جنب الراديو
اسي نحنا الواحد بقي خاتي اضانو جنب باب بيتك وفي بيتك
وحاااااااارسك وراجيك لهذه الاطلالة الرائعة التي تجعل الانسان وهوجالس في مكانه ان يجول مع
تلكم الخواطر والاحداث التي تجعله علي دراية وعلم بمدينته وما بها الان وبالامس
متعك الله اخي بالصحة والعافية
كل الشكر ود الصول وحقيقى بقينا نفتح البوست بتاعك قبل اى حاجة تانية حتى الشغل بعد نشوف اخبار حبيبتنا مدنى .
جزاك الله كل الخير وربنا يجعلو فى ميزان حسناتك
شكراً ود الصول على هذه اليوميات الجميلة لمدينتنا .. التي تغتسل صباحاً في النهر .. وتحفها دعوات الصالحين ليلاً
تفاصيل رائعة
لك الشكر أخى الرائع خالد
http://www.atyab.com/uploadscenter/u...b2979a051d.gif
حمدا ً لله على سلامة الطلة يا ود الصول
حمدا ً لله على أختفاء الباعوض و النوم خارج الغُرف
تسلم يا حبيب
من 1/10/2009 الي 17/10/2009 وين حبيبنا المامنظور ينسانا
السلام عليكم ورحمة الله تعالي وبركاته
اخينا ود الصول لك التحية
طولت الغيبة عساك بخير والمامنع لف خير
طالت الغيبة حبيبنا ود الصول ،، كلو هين بس انشاء الله تكون بخير وعافية
فى اتصال هاتفى قبل قليل بالغالى خالد أحمد الصول
للاطمئنان عليه هو بخير بعد أن توعك قليلاً فلندعو له بالشفاء
ويعتذر بسبب توقف النت فى الجامعة وسيعود قريباً ان شاء الله
محاولة لكتابة اليوميات من بعد ...
هل انا احلم .. خرجت من المنزل في حي دردق وركبت المواصلات .. في الحافلة في السنين الأخيرة عادة ما بشيل هم اشيل قروش تكفي حق الحافلة كله لانو البلد حصلت فيها متغيرات كتيرة .. لكن ركبت الحافلة لقيت ليك الناس كلها تتكلم .. قبلت علي يميني لقيت بعرف القاعد قدامي لقيت بعرف وراي لقيت بعرف .. الكمساري جاء يطقطق .. الحافلة كلها قامت دايرة تدفع .. المهم في النهاية واحد بس الدفع ..
يآآآه .. بالله شوف الكلام دا لي منو عشرين سنة امكن ..
في الايام الفاتت دي كل ما اركب الحافلة بالكتير بلقى واحد بدفع ليه أو يدفع لي.. زمان كنا بنتحالف منو البدفع .. الكمساري كان بكون مرتاح لانو متأكد كل الحافلة بدفعوا ليها نفر أو نفرين لانو الناس كلها بتتعارف .. اسع الفهم دا بقى مافي عشان كده استغربت.
انا طالع من البيت كالعادة الحاجة ما بتوصيني كتير بتقول لي عايزين خضار .. دخلت الملجة شفتها ليك نضيفة نضافة لمن غلط .. حتى البقر بتاع الحي السوداني الزمان كان مزاحمنا في البطيخ ما لقيته .. يا ربي النضافة دي جات من وين.. الحاصل شنو من الصباح الأمور كلها ماشة كويس.
مشيت اشرب القهوة عند محاسن .. لقيتها ما فارشة في الواطة زي زمان .. يا جماعة محاسن وين .. قالوا لي ادوها الدكان داك .. مشيت لقيت ناسي كلهم زبائنها .. ولقيتها ليك قاعدة في دكان التقول قهوة في عابدين في مصر .. المهم الامور بقت كويسة وستات الشاي اخيراً الحكومة احترمتهم وادتهم دكاكين..
يا جماعة انحن في الخريف ما تنسوا .. ماشي رغم انو المطرة صبت أمس بالليل لقيت ليك السوق ناشف .. لانو الصرف الصحي اشتغل .. وعم كل المدينة .. عشان كده ما شفت اي واحد مكفكف بنطلونه ..
_________
دا فهمي انا ودا الشايفه انا .. حلم .. علم ..
بكرة يجي ود الصول يطلع روحنا ويحبطنا بحكاياته عن مدينتنا التي كما قال الشاعر محمد محي الدين .. تغتسل في النهر.
__________
خارج النص:...
أحبك حباً كبيراً..
مدينتي .. انتي الأجمل رغم كل شئ.
الشاعر دائماً ما يرى الجمال حتى في القبح ... والقرد في عين امه غزال .. لدينا نحن العكس .. امنا انتي جميلة بكل ما فيك ..
نهواك في كل الظروف .. نحبك نظيفة .. وسخانة .. قبيحة .. جميلة وفي كل الأحوال..
--------------------------
مشتهي باسطة من الشانزليزيه
باسطة سلا دي خليناها زمانننن
ألف سلامة يا ود الصول و إن شاء الله أجر و عافية
مع أمنياتنا القلبية بأن يمن الله عليك بنعمة الشفاء و العافية
كما نتمنى أن يعود لبوست ود مدني حيويته بعودة ود الصول و أن تعود لود مدني عافيتها
لتكون كما نود و أكثر عروسة و سيدة للمدائن
أحبك حباً كبيراً..
مدينتي .. انتي الأجمل رغم كل شئ.
الشاعر دائماً ما يرى الجمال حتى في القبح ... والقرد في عين امه غزال .. لدينا نحن العكس .. امنا انتي جميلة بكل ما فيك ..
نهواك في كل الظروف .. نحبك نظيفة .. وسخانة .. قبيحة .. جميلة وفي كل الأحوال..
--------------------------
مشتهي باسطة من الشانزليزيه
باسطة سلا دي خليناها زمانننن
__________________
مدني وبس
عجيب يا عيدروس بس ما ذكرته الاقاشى
بس توقيعك جميل ولكن ازيد واسمح لى وان اقول جزيره مدنى الولايه الوسطى وبس
محمد نور طبعا الجزيره الأصالة و العراقة والحاكم معانا من قدك يا عم
وينك يا خالد يا صول اظهر وبان عليك الامان
ألف سلامة يا ود الصول و إن شاء الله أجر و عافية
إفتقدناك كثيراً حبيبنا خالد الصول
ونحمد الله على سلامتك
ونتمنى أنت تكون والأسرة بخير ..
يا حبيبنا ود الكوتش .. سلام ..اقتباس:
المشاركة الأصلية كتبت بواسطة مرتضى ساتى
الاقاشي دا داير حلقة براه ..
بس حقيقة لا اذكر انني ذهبت الى مدني ولم افطر فول من كشك ..
بالنسبة للتوقيع فنحن ننتظر اليوم الذي يتم تغييره بوضع لافتة : ابتسم أنت في مدني عاصمة الثقافة والجمال .. ونضيف اليها الرياضة
وطبعاً التغيير في التوقيع سيكون في الصورة فقط وليس في الكلام اسفلها .. فانا عنصري لهذه المدينة التي احبها بطريقتي الخاصة ..
وكما قال الشاعر الكتيابي:
أرقع جبتي أولا أرقعها..
أطرزها من الالوب .. ألبسها على المقلوب.
أخلعها .. على كـيفي .