دكان ود الصول

أخخخخخخخخ
أخخخخخخخخخخخخ
أخخخخخخخخخخخخخخخخخخخخ
أخخخخخخخخخخخخخخخخخخخخخخخخخخخ
أخخخخخخخخخخخخخخخخخخخخخخخخخخخخخخخخخخ
نوم العافيه

اها بسم الله جيناكم بعد غيبه طويله !! بس ماداير واحد يقول كنت وين ؟؟ العاوز يعرف انا كنت وين يسأل ((سواح ))
المهم والله مشتلقين وكمان لقينا ناس ظراف جديدين لهم التحيه
وها فتحنا الدكان والبضاعه جديده لنج وفيها كمان تمباك ود الماحى المظبط

اقتباس:

---

المشاركة الأصلية كتبت بواسطة بابكر

اها بسم الله جيناكم بعد غيبه طويله !! بس ماداير واحد يقول كنت وين ؟؟ العاوز يعرف انا كنت وين يسأل ((سواح ))
المهم والله مشتلقين وكمان لقينا ناس ظراف جديدين لهم التحيه
وها فتحنا الدكان والبضاعه جديده لنج وفيها كمان تمباك ود الماحى المظبط

---

تانى فتحتوه كنتين ما مشكله بس كتر الدوم والقنقليس

الحاضر احدث الغائب ...توجد استمارات محدوده للفروع الجديده لدكان ود الصول من لديه الرغبه عليه الاتصال بالاخوان ود الصول والسلامى

العود احمد ياأهل العوض
عايزين لينا عنقريب هبابي وجبنه ودردشه جميله معاك ياود الصول خاصة بعد الاجازه

ياخوانا كلفنا اخوانا القطر اطلع بالمايكرفون على جميع انحاء المدينه ليعمم الاعلان بتاع الفروع الجديده اسرعووو واسارعووو... وعوووووك يااهل العوض عندنا عناقريب موديل 2008

انت دحين العنقريب ده الوسرو منو يا نزار لانو انا شايف الوسار ده قبل كده

سلام جاكم آناس ، أها أمس إتصلتا على خالد هاشم وبيسلم عليكم كتير ، وياولاد الصول دكانكم ده أمانة فى ذمتكم ماتخلوا رفوفو فاضية ، وياخالد الصول لو ماداومت بحرش بت خالتى تبدل هديماتك بى كبابى وفناجين نرصها فى الرفوف البقت مافيها حتى " أم سيسى " ، الخوف إنط لى واحد إقول لى " خالتو ام سيسى دى مابعرفا ... ياى ".

سعيد جدا بمداخلتك أخي أبو بكر و أشم فيها رائحة الاستقرار و الذي أتمني أن تكون قد نلته ... و أن تلم أم العيال قدامك .... آآآآآمين
سبحان الله أسع بقت العدة ببدلوها بالهدوم ... عارف ليه و الله السودانيين ديل بالغو عديل ... و الله الملابس هنا بقت رخيصة رخصة مبالغة عديييييل القميص البقول انا أنا بي سته الف .. و التوب الكانو المغتربين بشحتفو بيهو روح البنات بقي بي 8 الف و الشبط الجزمة الشبشب بي 10 الف

ود الصول ..... انت قلت فى سوق الاخوان ولا أنا سمعت غلط

اقتباس:

---

المشاركة الأصلية كتبت بواسطة صول سودان

سعيد جدا بمداخلتك أخي أبو بكر و أشم فيها رائحة الاستقرار و الذي أتمني أن تكون قد نلته ... و أن تلم أم العيال قدامك .... آآآآآمين

---

والله ياخالد الخليج لالون له ولاطعم ولارائحة مثل الماء على أيامنا الدراسية " الغريب فى الأمر أننا إبان فترة الدراسة الجامعية بمصر كنا نسافر بالقطار لوادى حلفا ومن ثم نستغل الباخرة لميناء السد العالى ، وفى وادى حلفا إنهزمت مسلمة أن الماء لالون له ولاطعم ولارائحة ، فاللون اغبش والطعم يجعل اللسان يتكرمش ، أمَّا الرائحة فسأحدثك عنها بعد تناول وجبة الغداء وعودتى للدوام الثانى " الدوام لله " .

الزول الكلس السلامى .... رغم بعدى برسل سلامى وأشواقى لك ولكل الأهل بمدنى الحبيبة .

سلامي
إنت يا زول وين ... جوالك ده جيبو لينا في كاية الطب أمكن كلوتو بايظة و لا مصرانو الكبير معووج ... بعدين إتصل علي الثابت ... هو وينو رقم الثابت ... نبيل كان أمس مقيل معانا في المكتب و الحمد لله حل لي نهله موضوع المنتدي ..
أخي أبو بكر
والله دائما تهرب الكلمات مني مجرد أن تعرف أنني موجهها إليك ايها الغالي العزيز ... و نحمد الله علي رجعتك و التي أتقوي بها ... و البركة فيكم في د. كمال محمد أحمد الطيب و ربنا يسكنه فسيح جناته فقد كان نعم الاخ و الصديق

اقتباس:

---

المشاركة الأصلية كتبت بواسطة صول سودان

أخي أبو بكر
والله دائما تهرب الكلمات مني مجرد أن تعرف أنني موجهها إليك ايها الغالي العزيز ... و نحمد الله علي رجعتك و التي أتقوي بها ... و البركة فيكم في د. كمال محمد أحمد الطيب و ربنا يسكنه فسيح جناته فقد كان نعم الاخ و الصديق

---

رحم الله الدكتور كمال محمد أحمد الطيب ، وهكذا حال الرائعين تتخطفهم يد المنون ، ولايمكثوا طويلاً .
دمت أخى خالد أيها الرجل الراقى ، فياسعدانا بك نسيباً حسيباً وتحاياى بلا حدود لزملائك بالعمل .

اقتباس:

---

المشاركة الأصلية كتبت بواسطة أبوبكرحامد

الزول الكلس السلامى .... رغم بعدى برسل سلامى وأشواقى لك ولكل الأهل بمدنى الحبيبة .

---

سعيد برؤية كتاباتك يااخى والدكان من غيرك بقى ذى قدرة ناس كشك بعد الساعة اتناشر لاحس ولا خبر وكمان صاحبك نزار عمل ليه دكاكين اسكت ساى فى ناس عملت منها عربات .... اظهر عشان داير اقدم استغالتى منهم بس الدنيا بقت مصالح ساكت شوف لى انشاء الله عجله بقوم طوالى بزوق منهم

سلامي
إنت يا زول وين ... جوالك ده جيبو لينا في كاية الطب أمكن كلوتو بايظة و لا مصرانو الكبير معووج ... بعدين إتصل علي الثابت ... هو وينو رقم الثابت ... نبيل كان أمس مقيل معانا في المكتب و الحمد لله حل لي نهله موضوع المنتدي

موجود ياحنينين طيب ماتشوفو حكاية تلفونى ده

إنت عارف يا ابو بكر نزار فتح فرع جديد لي دكان و د الصول ومأجرو بالباطن و الايام دي تحت تحت سمعنا إنو قاعد يبني في المنيرة جنب ناس أبوهو و القطعة براها إشتراها بي 66 مليون و إنتهي من العواميد و شغالين ليهو في الطابق التاني و لمان السلامي كشف الحاجات دي قام إشتري ليهو عجلة دبل و من يومها السلامي ما إتأخر علي قدرة الفول بتاعة كشك لانو نزار فتح ليهو حياب فول و زيت و جبنة و عيش بلدي من الفرن ... عشان كدة عايزين لجنة تحقيق و لجنة تقصي الحقائق و لجنة جرد

اقتباس:

---

المشاركة الأصلية كتبت بواسطة صول سودان

إنت عارف يا ابو بكر نزار فتح فرع جديد لي دكان و د الصول ومأجرو بالباطن و الايام دي تحت تحت سمعنا إنو قاعد يبني في المنيرة جنب ناس أبوهو و القطعة براها إشتراها بي 66 مليون و إنتهي من العواميد و شغالين ليهو في الطابق التاني و لمان السلامي كشف الحاجات دي قام إشتري ليهو عجلة دبل و من يومها السلامي ما إتأخر علي قدرة الفول بتاعة كشك لانو نزار فتح ليهو حياب فول و زيت و جبنة و عيش بلدي من الفرن ... عشان كدة عايزين لجنة تحقيق و لجنة تقصي الحقائق و لجنة جرد

---

عووووووك هيا ناس هوووووى جيبوا الخرفان من الزريبه الليله ما يومم تب الحبيب ود الماذون جانى نحمدالله وياناس والله العين مابتعلا على الحاجب ...ياود الصول وين ناس الكيته ويالسلامى الفطور ملحوق تعال بسراع ..المولد ماخلاص بداء ... وشوف عينى ود الماحى واقف فوق المشرع بفتش ليه فى بوكسى عشان الحق المراره والذى منووووو
وانت ياود الصول خلى الفضائح كدى دس الاكسنت دى بى وراء ماتجيب لينا الكلام لاحول ولاقوة الا بالله ودالماذون ازيك يابووووى والله بلاك خربانه كدى فرش لينا البروش خلينا نسمع كلام الحبيب ... ود الصول كلامنا بعدين اصبر لى
ويالسلامى ماتخاف تعال طلع النصيحه هنا والعجله خالص ح نبدلها بى ركشه ومبايلك على نوكيا اخر موديل بس خليك معاى ..سمح يالحبيب .. هووووى يانسون زغروووده ود الماذون جاناااااا

ود حسن .. يا البيكا إزدهر الزمن ،
الشى ياخوى يوم اتلاقينا فى السودان قلتلى السجاير البينسون فى العربية ، أها ياخوى عربيتك دى شمبرا خفّا بقت تدخن سجاير وبينسون كمان - دقر ياعين ، تصدق انا لى شهر ونص بطلت التدخين وهاك ياصعوط ، شكلى إستحليت القصة لأنى يوم مشيت مع المرا السوق لشراء بعض الحاجيات ووقفتا ليك قدام عبد الحق ونهزتا لى ربع رطل اتقل من المخدة وقامت الولية تعاين لى بالرقراق ، أخوك قال إلطف الموقف مديت ليها كيس الخضار قلتا ليها أمسكى النصلح توبى ، وقبل ماتفوق من الدهشة مليت خشمى صعوط ، أها خليتا شالت كيس الخضار وانا شلتا كيس الصعوط " إقتسام السَلَطة - طماطم وجرجير- والثروة بى لغة نيفاشا".
بجيك صادى الكلام كتير وأنا مكنتى جاز وكت إفتح مابرخى بى هين - أقعدوا عافية.

اقتباس:

---

المشاركة الأصلية كتبت بواسطة أبوبكرحامد

ود حسن .. يا البيكا إزدهر الزمن ،
الشى ياخوى يوم اتلاقينا فى السودان قلتلى السجاير البينسون فى العربية ، أها ياخوى عربيتك دى شمبرا خفّا بقت تدخن سجاير وبينسون كمان - دقر ياعين ، تصدق انا لى شهر ونص بطلت التدخين وهاك ياصعوط ، شكلى إستحليت القصة لأنى يوم مشيت مع المرا السوق لشراء بعض الحاجيات ووقفتا ليك قدام عبد الحق ونهزتا لى ربع رطل اتقل من المخدة وقامت الولية تعاين لى بالرقراق ، أخوك قال إلطف الموقف مديت ليها كيس الخضار قلتا ليها أمسكى النصلح توبى ، وقبل ماتفوق من الدهشة مليت خشمى صعوط ، أها خليتا شالت كيس الخضار وانا شلتا كيس الصعوط " إقتسام السَلَطة - طماطم وجرجير- والثروة بى لغة نيفاشا".
بجيك صادى الكلام كتير وأنا مكنتى جاز وكت إفتح مابرخى بى هين - أقعدوا عافية.

---

ياخوانا كدى عليكم الله تعالووو.. بجاى وشوف الونسه دى حلوه كيف ..:D .ماسيدا جاء..اجازى محنك انت ياودالماذون:confused: قلت لى..اقتسام السلطه.. تعرف المره قاعده.. وراى وتشابى للبوست:eek: وقالت لى خالص ماجاء صاحبك انت تانى بتعين لينا ولا بتسمعنا...عليك الله ياوالماذون شوف النسوان ديل ...اتخيل اسع انا بى شنبى ده دايره ترسلنى اصلح ليها جك الخلاط وكان ماصلحته اشترى ليها جديد شوف الحكوم ده كفينه ..ما حكوم قرقوش..وده كلوااا من تحريش ..ودالماحى ..الراجل ده خلى اشترى لك الدهب ..الرجل ده خلى اشترى التياب الما خمج ..وهى تشيل وتحفظ ..وانا ماعارف ابكى ولا اقوم جارى .... قلت لى خليت السجائر ..والله دى بشارة خير وعقبال لى اخوك انا كل ماقول اخلى اذكر سجارة الفطور بتاعت رمضان..اقوم اولع سجارتين...
الحبيب ..والله الكلام مابخلص وعندى لك كترة شمار ..بس اصبرعلى بلف وبجيك ،،،
هووووى يابنت سخنووو الدلوكه النمشى نجيب سوط العنج انا شايف ود الماحى جاى من هناك.:p ..

اقتباس:

---

المشاركة الأصلية كتبت بواسطة نزار حسن محمد

تعرف المره قاعده.. وراى وتشابى للبوست:eek: وقالت لى خالص ماجاء صاحبك انت تانى بتعين لينا ولا بتسمعنا...عليك الله ياوالماذون شوف النسوان ديل ...اتخيل اسع انا بى شنبى ده دايره ترسلنى اصلح ليها جك الخلاط وكان ماصلحته اشترى ليها جديد شوف الحكوم ده كفينه ..ما حكوم قرقوش.:p ..

---

نزار ياخوى ماتحمد ربك برسلوك تصلح حاجة أو تجيب البديل ، المشكلة لو رسلوك لى حاجة لابتنصلح لاعندها بديل " ماداير تعليق تقوموا ترفدونا بعد العمر ده :) ".
أها يالدخرى ماتخم أم العيال وتعالوا البحرين ، منها ترفيه ومنها رشوة للمدام عشان ماتزرزرك تانى ، تعرف يانزار الفضل فى إقلاعى عن التدخين يرجع للباشمهندس الشيخ/ حسين عوض الله ، فقد اتى للبحرين لإجراء عملية قلب ، وكان يغضب حين يرانا ندخن لأن سبب مرضه يعود بالأساس للتدخين ، وقد نجحت العملية الجراحية وعاد للسودان سالماً معافى ، وقد تصادف تواجده بالمستشفى مع الزيارة الكريمة التى شرفنا بها جمال الماحى للبحرين ، وقد زاره بالمستشفى وقدم الكثير من النصح والتطمينات لأبناء عم حسين الذين رافقوه فى رحلة العلاج ، فبالله عليك يانزار أتمنى من كل قلبى أن تقلع عن التدخين فهو شر مستطير ولحن الختام:
نسف من بلدنا ... مامن بره البلد
عمارينا حلاتو فى الصيف والبرد

اقتباس:

---

المشاركة الأصلية كتبت بواسطة نزار حسن محمد

ياخوانا كدى عليكم الله تعالووو.. بجاى وشوف الونسه دى حلوه كيف ..:D .ماسيدا جاء..اجازى محنك انت ياودالماذون:confused: قلت لى..اقتسام السلطه.. تعرف المره قاعده.. وراى وتشابى للبوست:eek: وقالت لى خالص ماجاء صاحبك انت تانى بتعين لينا ولا بتسمعنا...عليك الله ياوالماذون شوف النسوان ديل ...اتخيل اسع انا بى شنبى ده دايره ترسلنى اصلح ليها جك الخلاط وكان ماصلحته اشترى ليها جديد شوف الحكوم ده كفينه ..ما حكوم قرقوش..وده كلوااا من تحريش ..ودالماحى ..الراجل ده خلى اشترى لك الدهب ..الرجل ده خلى اشترى التياب الما خمج ..وهى تشيل وتحفظ ..وانا ماعارف ابكى ولا اقوم جارى .... قلت لى خليت السجائر ..والله دى بشارة خير وعقبال لى اخوك انا كل ماقول اخلى اذكر سجارة الفطور بتاعت رمضان..اقوم اولع سجارتين...
الحبيب ..والله الكلام مابخلص وعندى لك كترة شمار ..بس اصبرعلى بلف وبجيك ،،،
هووووى يابنت سخنووو الدلوكه النمشى نجيب سوط العنج انا شايف ود الماحى جاى من هناك.:p ..

---

آناس السلام عليكم ورحمة الله اه كدي شوف الحصل ده

دحين الليلة دي سجن سجن غرامه غرامه اليوم صحيت من الصباح وقمت جاري جري للشماعة ولبست جلابتي جناح ام جكو ولبست سكيني في ضراعي الشمال والمره تعاين ساي عارف من البس جناح ام جكو في أمر كتور وبستغراب قالت لي مالك قلتليها اليوم انا ماش دكان ودالصول قالوا عندهم ضل بارد احب اتكي فيه قالت لي ده كلو عرفناه لزوم السكين في ضرعاك شنو قلتليها يمكن الق عندهم شيه اقطعها معاهم المهم ..............السكين دي خاتيها ليوم الاسود اه

اصبرو نسلم علي ودالماذون حمدلله علي السلامه ياخوي كدي تحت تحت نزو ده ماعندو جك خلاطه قديم اصلو خليه في سرك اه دي فتحت خشم سااااااااااااااااااااااااااااي والغريق قدام

السلام عليكم ورحمة الله

أحبائي ناس دكان ودالصول الشوق ليكم كميات والله الليله عتبة الدكان ده من الصباح برش فيها بالمويه بعد شويه بجو باقي الشباب نتكل ونتونس الأيام دي ودالصول هارب من شجره لشجره قال مابحب التلتله بتاعة بليل اه قنا نجيه بالنهار ومن الصباح مافي واحد في الدكان الجماعة

ديل وين

اقتباس:

---

المشاركة الأصلية كتبت بواسطة أبوبكرحامد

نزار ياخوى ماتحمد ربك برسلوك تصلح حاجة أو تجيب البديل ، المشكلة لو رسلوك لى حاجة لابتنصلح لاعندها بديل " ماداير تعليق تقوموا ترفدونا بعد العمر ده :) ".
أها يالدخرى ماتخم أم العيال وتعالوا البحرين ، منها ترفيه ومنها رشوة للمدام عشان ماتزرزرك تانى ، تعرف يانزار الفضل فى إقلاعى عن التدخين يرجع للباشمهندس الشيخ/ حسين عوض الله ، فقد اتى للبحرين لإجراء عملية قلب ، وكان يغضب حين يرانا ندخن لأن سبب مرضه يعود بالأساس للتدخين ، وقد نجحت العملية الجراحية وعاد للسودان سالماً معافى ، وقد تصادف تواجده بالمستشفى مع الزيارة الكريمة التى شرفنا بها جمال الماحى للبحرين ، وقد زاره بالمستشفى وقدم الكثير من النصح والتطمينات لأبناء عم حسين الذين رافقوه فى رحلة العلاج ، فبالله عليك يانزار أتمنى من كل قلبى أن تقلع عن التدخين فهو شر مستطير ولحن الختام:
نسف من بلدنا ... مامن بره البلد
عمارينا حلاتو فى الصيف والبرد

---

ودالماذون...اسمعنى النبشرك ..ام العيال قالت لى لو خليت السجاير ..قسما عظما.. تمطر لى الصعود ...الماخمج ..لكن بينى وبينك كلام النسوان دا مامضمون ..بس انت نوم لى بالخيره بعدين موت موت حى حى... كدى اسع مشغول بمشى وبجيك

اقتباس:

---

المشاركة الأصلية كتبت بواسطة صلاح ودالطاهر

آناس السلام عليكم ورحمة الله اه كدي شوف الحصل ده

دحين الليلة دي سجن سجن غرامه غرامه اليوم صحيت من الصباح وقمت جاري جري للشماعة ولبست جلابتي جناح ام جكو ولبست سكيني في ضراعي الشمال والمره تعاين ساي عارف من البس جناح ام جكو في أمر كتور وبستغراب قالت لي مالك قلتليها اليوم انا ماش دكان ودالصول قالوا عندهم ضل بارد احب اتكي فيه قالت لي ده كلو عرفناه لزوم السكين في ضرعاك شنو قلتليها يمكن الق عندهم شيه اقطعها معاهم المهم ..............السكين دي خاتيها ليوم الاسود اه
اصبرو نسلم علي ودالماذون حمدلله علي السلامه ياخوي كدي تحت تحت نزو ده ماعندو جك خلاطه قديم اصلو خليه في سرك اه دي فتحت خشم سااااااااااااااااااااااااااااي والغريق قدام

---

هلا والله ود الطاهر ..عندنا هوى ياجنا قوم بسراع افتح لك حاجه بارده لى ود الطاهر ..
الليله القش لك الدرب منوووو يابوى وكمان لبس ام جكو لالالا اكيد فى حاجه كبيره ونحن ماعارفين ..كدى تعال اقعد جنبى هنا ..يازول السكين فينا شنووووه ...انت ماقلت تانى مابتلبس السكين وخليت مكانم حجبات ... كدى عليك الله الحجبات عملت عشان شنوووا اصلوا اخوك ود الصول بسال اليومين ديل من ناس الحجبات ...حكومته عامل ليه تمرد مدعوم من مجلس الامن
النسيبه ... ودالماذون ماترد على ود الطاهر الجك طائر ..كدى خلى احكى لبنا سر الحجبات الموكان ديل ....

اقتباس:

---

المشاركة الأصلية كتبت بواسطة صلاح ودالطاهر

آناس السلام عليكم ورحمة الله اه كدي شوف الحصل ده

دحين الليلة دي سجن سجن غرامه غرامه اليوم صحيت من الصباح وقمت جاري جري للشماعة ولبست جلابتي جناح ام جكو ولبست سكيني في ضراعي الشمال والمره تعاين ساي عارف من البس جناح ام جكو في أمر كتور وبستغراب قالت لي مالك قلتليها اليوم انا ماش دكان ودالصول قالوا عندهم ضل بارد احب اتكي فيه قالت لي ده كلو عرفناه لزوم السكين في ضرعاك شنو قلتليها يمكن الق عندهم شيه اقطعها معاهم المهم ..............السكين دي خاتيها ليوم الاسود اه
اصبرو نسلم علي ودالماذون حمدلله علي السلامه ياخوي كدي تحت تحت نزو ده ماعندو جك خلاطه قديم اصلو خليه في سرك اه دي فتحت خشم سااااااااااااااااااااااااااااي والغريق قدام

---

حباب ود الطاهر ... الريدنا ليهو ظاهر
ياخوى السكين دى أكان لى الشية ، أرقد قفا شية الزمن ده بقت صغار الأتقول مقطعنها بى ضفَّارة :)
أها السكين دى إن بتدور نصيحتى أبعج بيها كرش الزول الخاتى صورتو ده ، بسم الله ماشاء الله لو بزق سفتو ماظنيتا تقطع الواطة ، ياخوى ده كان استحما بدورو " سبلوقة " لى تصريف الموية :)
بجيك صادى عندى نضم مع ود حسن شايفو بقا كلو يوم إفتح دكان ، وفى ناس ماقادرة تفتح فى الكنكان " حكمتو بالغة ":)

اقتباس:

---

المشاركة الأصلية كتبت بواسطة نزار حسن محمد

ودالماذون...اسمعنى النبشرك ..ام العيال قالت لى لو خليت السجاير ..قسما عظما.. تمطر لى الصعود ...الماخمج ..لكن بينى وبينك كلام النسوان دا مامضمون ..بس انت نوم لى بالخيره بعدين موت موت حى حى... كدى اسع مشغول بمشى وبجيك

---

أها كمان ياود حسن أخوى عشان أتم ليك الناقصة قول ليها تمطيرك خليهو ، أنا برسل ليك بى الدى اتش ال ربع رطل كلو يومين تلاتة ، ممطر وجاهز ، قوليها بس جهزى علبة فورموست فاضية وامليها تراب لزوم " التفاف " يا البيتك نضيف شفاف.

اقتباس:

---

المشاركة الأصلية كتبت بواسطة أبوبكرحامد

أها كمان ياود حسن أخوى عشان أتم ليك الناقصة قول ليها تمطيرك خليهو ، أنا برسل ليك بى الدى اتش ال ربع رطل كلو يومين تلاتة ، ممطر وجاهز ، قوليها بس جهزى علبة فورموست فاضية وامليها تراب لزوم " التفاف " يا البيتك نضيف شفاف.

---

حرام عفيت منك ..قلت لى كيف علبة فورموست للتراب ..يازول التراب كان قامت الكتاحه النسائيه علينا دحين مابجى فى عيونا ..ما اخير لينا سجايرنا ساكت داك هبوب بس ..وهبوبك يالله ...اتا تعال نسعلك ياود الماذون ..الزول ود الماحى ده خباره شنواا متكون وزارة الدخليه عملت ليه حبس انفرادى..يازول كدى نشوف زولنا ..الله اجيرنا من قوم تاتشر واخواتا،،،

ود الماحى بتكون عندو فروقات فى ساعات النوم أظنو لسة ماقلب الجزرة ، ياخى ود الماحى ده على اليمين سمح سماحةً تخلى الحرف متبلم ، أسعدنى بى زيارتو للبحرين وياريتو لو انمهل شوية ، وياريت لو اكررا ومعاهو سكر الجنيد وامها واخوانها وحبانا و ......
كان معانا الما منظور انسانا .......
باقى الغنية مامناسب لموضوعنا ، بس حبينا نربها .

اقتباس:

---

المشاركة الأصلية كتبت بواسطة أبوبكرحامد

ود الماحى بتكون عندو فروقات فى ساعات النوم أظنو لسة ماقلب الجزرة ، ياخى ود الماحى ده على اليمين سمح سماحةً تخلى الحرف متبلم ، أسعدنى بى زيارتو للبحرين وياريتو لو انمهل شوية ، وياريت لو اكررا ومعاهو سكر الجنيد وامها واخوانها وحبانا و ......
كان معانا الما منظور انسانا .......
باقى الغنية مامناسب لموضوعنا ، بس حبينا نربها .

---

ودالماذون حلوه ..ماقلب الجذره ..ليلم صباح وصباحم لليل...ذكرتنى اغنية شل شل كوب لى جالون قبل يومين كده الغالى ابوشوارب اتصل على وهو سائق الفارهه ويغنى باعلاء صوت شل شل كوب لى جالون اظنه كان لحق الطرمبه
تعرف ياودالماذون اكتر اتنين استمتعوا بود الماحى انا ونبيل حمدتو عندما ذهبنا عرس اخوه بكرى فى الجنيد واهل الجنيد ماشاءالله عليهم كلهم نسخه من ود الماحى اهل كرم وضيافه ونكته ..وكلهم كوم وخالته بتول براها كوم ذكرتنى بى بتول الغبشه من اليعقوباب والدة الشيخ هجو ابو البتول وقد كانت شهرتها النسخ لما تتميز به من فصاحه وكانت نخط المصاحف وتنشيد المدائح..وخالة ود الماحى لاتقل عن تلك البتول ..يازول اهل الجنيد ديل حلوين حلا لاتوصف والكلام كتير داير ليه عشرة وستى كاربه مع كباية شاى مدنكله ..بس الله اجيب لينا ابو الاميره والله اشتقنا لى ونسته ....
هووووى ابوى ابوقنايا ندهتك فى طولك وعرضك تبين لينا فى دكان ود الصول وتجيب لينا الحبيب ودالماحى بطوله ..

ود حسن أخوى ناس كونكان ستة خبارم مندسين لاحس لاخبر ، خلونا نتجادع انا وانتا فى الدكان زى مجادعة اولاد حاجى الماحى فى المديح ، ياناس والله متقريف لى لى حولية وذكر ، أكان طقشت أضانكم حولية انشاء الله فى الشارقة قولوا لى ، انشاء الله انشرق .

هووووى ابوى ابوقنايا ندهتك فى طولك وعرضك تبين لينا فى دكان ود الصول وتجيب لينا الحبيب ودالماحى بطوله ..

والحوليه ...بكوارع وام فتفت ..فى الشارقه

اقتباس:

---

المشاركة الأصلية كتبت بواسطة أبوبكرحامد

ود حسن أخوى ناس كونكان ستة خبارم مندسين لاحس لاخبر ، خلونا نتجادع انا وانتا فى الدكان زى مجادعة اولاد حاجى الماحى فى المديح ، ياناس والله متقريف لى لى حولية وذكر ، أكان طقشت أضانكم حولية انشاء الله فى الشارقة قولوا لى ، انشاء الله انشرق .

---

الايام دى ناس كنكان سته قالو يخلوا الكبار يفتوا فى الشمارات ساكت يمكن نطلع لينا بشمار حصري .. واقيفوا النسالكم انتو ودهاشم دى اديتو الاذن بصرف مرتباتنا ولا جانا ساكت

اقتباس:

---

المشاركة الأصلية كتبت بواسطة نزار حسن محمد

هووووى ابوى ابوقنايا ندهتك فى طولك وعرضك تبين لينا فى دكان ود الصول وتجيب لينا الحبيب ودالماحى بطوله ..

والحوليه ...بكوارع وام فتفت ..فى الشارقه

---

هووووي أأأبو قنايه دافرني موديني وين !!!؟ ياربي أنا شايلني حمار النوم ولاّ أبو قنايه ولاّ ياربي دا البراق...حكمتو بالغه ياجماعة الخير ...إمبارح يجيني أبوقنايه في النوم يقول لي هوووي أأأود الماحي دكان ود الصول دا عيبو لي !!! قلته ليهو حاشاهو العيب ..قال خبارك قاطع منو مويه ونور ...قلته ليهو أنا من فاتو ود المأذون عودي فيهو بقي عود مرا ...قال لي أها ود المأذون رجع ومعاهو ود حسن وود الطاهر سكينو في ضراعو والصعوت نديان زي البركاوي والكمبو فركة كعب ...بالله صحيت مخلوع درعته عراقي وجيتكم حفيان قلته النحدد كلام أبقنايه دي ....
مشاققه...
ود المأذون ..ودحسن ..ود الطاهر ..السلامي ...والغائبين الحاضرين ...أبو الله جابو ...الخواجه ..ود الصادق...ودهاشم ..أمير الامراء..ود المبارك وباقي عقد اللولي ليكم وحشه ودايماَ في البال ...ليكم كل حبي

ود الماحي

مرحبا بالنضارة تهل علي الدكان و مرحب بالغائبين و الذين آمنوا .. دائما أكون صامتا خلف باب الدكان جاهزا للمراسيل و إحضار الاباريق و العشاء ... لا نأكل حتي يشبع الضيوف و لا نبرح مكاننا حتي يغسل أخر وآحد ... نصبر لسؤاله دائما .. إنت ود منوا ... بتقرا في سنه كم ... و دائما كنت أقول لهم جيت الاول ... وكنت أقصد الاول بالقلبه ....
أسمع كلامهم و أتكيف ... أحفظ مفرداتهم و أجربها في أصحابي ... فتلفق حينا ... و نعجز أخري ...
و منها كلمة ... مشاققة ..
فقد زرنا أنا و أسرتي و كديستي العزيز خالد هاشم ... إلا أن الكهرباء حرمتني من التدقيق في ملامحه ... فرجعت بنصف فرحة .... و زرته أول أمس مع أخي السلامي فوجده في الخرطوم فحرمت مرة اخري ...
شوقي لنزار و أبوبكر و ود الطاهر و جمال الماحي لا تحده حدود

اقتباس:

---

المشاركة الأصلية كتبت بواسطة Jamal Elmahi

هووووي أأأبو قنايه دافرني موديني وين !!!؟ ياربي أنا شايلني حمار النوم ولاّ أبو قنايه ولاّ ياربي دا البراق...حكمتو بالغه ياجماعة الخير ...إمبارح يجيني أبوقنايه في النوم يقول لي هوووي أأأود الماحي دكان ود الصول دا عيبو لي !!! قلته ليهو حاشاهو العيب ..قال خبارك قاطع منو مويه ونور ...قلته ليهو أنا من فاتو ود المأذون عودي فيهو بقي عود مرا ...قال لي أها ود المأذون رجع ومعاهو ود حسن وود الطاهر سكينو في ضراعو والصعوت نديان زي البركاوي والكمبو فركة كعب ...بالله صحيت مخلوع درعته عراقي وجيتكم حفيان قلته النحدد كلام أبقنايه دي ....
مشاققه...
ود المأذون ..ودحسن ..ود الطاهر ..السلامي ...والغائبين الحاضرين ...أبو الله جابو ...الخواجه ..ود الصادق...ودهاشم ..أمير الامراء..ود المبارك وباقي عقد اللولي ليكم وحشه ودايماَ في البال ...ليكم كل حبي

ود الماحي

---

ود الماحى .... حرَّم بلاك خربانة
ما انتوا ياناس تكساس أسياد السينما وياكم لاعبين دور البطل والخيانة ، استيفن سيغال ينتج الفيلم وهو البطل واقع لبيع فى الخلق لمن تخاف على رقبتك ما إجيك مارق بره والبعك ، بجيك صادى ياجيمى ، ونرجوك عدم الإنقطاع.

اقتباس:

---

المشاركة الأصلية كتبت بواسطة صول سودان

مرحبا بالنضارة تهل علي الدكان و مرحب بالغائبين و الذين آمنوا .. دائما أكون صامتا خلف باب الدكان جاهزا للمراسيل و إحضار الاباريق و العشاء ... لا نأكل حتي يشبع الضيوف و لا نبرح مكاننا حتي يغسل أخر وآحد ... نصبر لسؤاله دائما .. إنت ود منوا ... بتقرا في سنه كم ... و دائما كنت أقول لهم جيت الاول ... وكنت أقصد الاول بالقلبه ....
أسمع كلامهم و أتكيف ... أحفظ مفرداتهم و أجربها في أصحابي ... فتلفق حينا ... و نعجز أخري ...
و منها كلمة ... مشاققة ..
فقد زرنا أنا و أسرتي و كديستي العزيز خالد هاشم ... إلا أن الكهرباء حرمتني من التدقيق في ملامحه ... فرجعت بنصف فرحة .... و زرته أول أمس مع أخي السلامي فوجده في الخرطوم فحرمت مرة اخري ...
شوقي لنزار و أبوبكر و ود الطاهر و جمال الماحي لا تحده حدود

---

أعجبتنى عبارة " نصف فرحة " ، وحزنت لحالى لأننى لم ألتقى الرائع خالد هاشم ، يعنى ياود الصول ماتقسم لينا من نصك ده ، ولا ح تبقى زى الكوكب البيملح على الجماعة فى العرقى ، يوم واحد زهج منو ورفض إديهو كاس ، لأنو القزازة شراكة بينه وبين آخر ، الكوكب لايوق قال ليهو ياخى مافى مشكلة أدينى من نصك ، الراجل اتثاقل عليهو وقال ليهو ، سورى ياخى مابقدر أديك لأنو نصى التحت :) :) :)

اقتباس:

---

المشاركة الأصلية كتبت بواسطة أبوبكرحامد

أعجبتنى عبارة " نصف فرحة " ، وحزنت لحالى لأننى لم ألتقى الرائع خالد هاشم ، يعنى ياود الصول ماتقسم لينا من نصك ده ، ولا ح تبقى زى الكوكب البيملح على الجماعة فى العرقى ، يوم واحد زهج منو ورفض إديهو كاس ، لأنو القزازة شراكة بينه وبين آخر ، الكوكب لايوق قال ليهو ياخى مافى مشكلة أدينى من نصك ، الراجل اتثاقل عليهو وقال ليهو ، سورى ياخى مابقدر أديك لأنو نصى التحت :) :) :)

---

أنا زاتي عجبتني حتة نص فرحه ..علاّ أنا بشيل من نص الفرحه حقت قطعت الكهرباء..شفته الحرفنه دي ...يعني الوجيه صول سودان ممكن يتغاتت عليك علاّ كهربة الحيكومه حنينه وخجوله لامن دايماَ قاطعه ...هاك الحرّايه دي...

مشاققه ...
أها أأأبوي مسعول من الخير كيف أخبار عمنا الكان عيّان أبو بكري وسهير ست الملوخيّه ..طمني عليهو بالله وتحياتي ليهم لو لسه معاكم وتحيات خاصه لشلة الويست والقانون...

اقتباس:

---

المشاركة الأصلية كتبت بواسطة Jamal Elmahi

مشاققه ...
أها أأأبوي مسعول من الخير كيف أخبار عمنا الكان عيّان أبو بكري وسهير ست الملوخيّه ..طمني عليهو بالله وتحياتي ليهم لو لسه معاكم وتحيات خاصه لشلة الويست والقانون...

---

العم حسين عوض الله عاد للسودان بعد أن منَّ عليه المولى عز وجل بالصحة والعافية وسأرسل لك رقم هاتفه بالسودان ، بكرى وسهير مندهشين للعلاقة التى ربطتنا عبر المنتدى والتى توجتها بطلتك البهية وزيارتك للبحرين ، غايتو ياجيمى طالبنكم زيارة بى مهلة ومعاك العيال وامهم و .... بيتنا نوَّر وكلو زينة

اقتباس:

---

المشاركة الأصلية كتبت بواسطة أبوبكرحامد

العم حسين عوض الله عاد للسودان بعد أن منَّ عليه المولى عز وجل بالصحة والعافية وسأرسل لك رقم هاتفه بالسودان ، بكرى وسهير مندهشين للعلاقة التى ربطتنا عبر المنتدى والتى توجتها بطلتك البهية وزيارتك للبحرين ، غايتو ياجيمى طالبنكم زيارة بى مهلة ومعاك العيال وامهم و .... بيتنا نوَّر وكلو زينة

---

الوجيه عريس الموسم لغاية 2010
المنتدي وأصحاب المنتدي يوم شكرهم إن شاء الله ما يجي...المنتدي أضاف لي إخوه قلّ أن يوجد أمثالهم ومعرفة الرجال كنز أأأبوي ...رجال يسدوها ويقدوها ..وبرضو أخوات أفخر بمعرفتهن وربنا يدوّم الود والاخاء...

مشاققه...
الصيف الجاي كان الله هوّن أنا وجماعتي عمره وجوله في السعوديه ثم السودان وإحتمال الهبره للبحرين وارد ..وربنا يجمعك مع المدام ووليداتك قول آآآآآآمين...