# خالد أبقرجة # ضيف الكُرسي الساخن

اقتباس:

---

المشاركة الأصلية كتبت بواسطة faqatar007

أخي الحبيب في الله / خالد 000 ابقرجة

صديقي طريقك أخضر

والآن أعمق وحرفك أصبح منقوشاً

ومرسوماً لنا وبه تعلوا وتضئ ســـت المدائن

دمـــت لنا زخراً وموفق بإذن الله

فيا صديقي بنقشك وحروفك نكمل رحلتنا



وفيها نحب

نمو ت .. ونحيا

أتيت أحمل معي

رسمي وحرفي

لننسج أحلامنا

زماني سيأتي

زمان سيفوت

ونحن رفيقان

ياصديقي حتى نموت

فيا أيها الصديق نكمل رحلتنا



إلى أين تمضي كلمات الحب .. بعد أن نقولها؟

نحن لا نعيش حياتنا بل نتعلم فيها كيف نعيش ما تعليقك؟


مع خالـــص مودتي

---

صديقي الفنان (العميل 007) 000
الذي يستخدم في لوحاته 000
الفرشاة للورود 000 والقلم للحرف المنمق 000

كلمات الحب يا صديقي 000 تذهب الي القبر 000




نعم 000 فلا نصطحب الي هناك الا العمل الصالح 000
فكلمة حب للخالق 000 (تسبيحاً ) 000 تفتح أبواب السماء 000
وكلمة حب لحبيبه المصطفي صلي الله عليه وسلم 000 (صلاة) 000 تمنحنا رضا رب السماء 000
وكلمة حب للوالدين 000 عند رضاهما الجنة 000
وكلمة حب لزوجة 000 ترضي عنا المصطفي صلي الله عليه وسلم 000
وكلمة حب لصديق 000 تظلنا بظل الرحمن يوم لا ظل الا ظله 000
وكلمة حب 000 لكم جميعا 000 من قلب أحبكم في الله 000 تديم المعروف بيننا 000

وكل كلمات الحب التي ذكرتها والتي لم تخطر ببالي الآن 000 تكون مدخلاً لي 000
للتأكيد علي قولك بأننا لا نعيش حياتنا بل نتعلم فيها كيف نعيش 000

لذلك 000 دوما أكرر قولي بأن مخزون الذاكرة بالنسبة لي مساحات إضافية للحياة 000
التجربة فيها زادا للنجاح 000
والحنين وقودا عبقريا للمضي قدماً دون تأخير 000

اقتباس:

---

المشاركة الأصلية كتبت بواسطة محمد الجزولى

اخى خالد ابقرجه
صاحب القلم الشفيف و الكتابات التى تدخل ( توووش) وتزرع فيك الامل والتفاؤل .
فرحت جدا لوجودك هنا ... فقلمك يعجبنى جدا ... وهذه فرصه للتعلم والاستفاده من مخزونكم الثر
هذه مساحه للترحيب فقط وراجعين ليك لسبر اغوارك يا صديق المطر...

---

ود الجزولي 000

لا أحتمل هذا القدر من التلطف 000
ولا أستطيع الرد علي هذا التواضع الجم الا بالإنحناء أمامه 000
تقديراً 000 وحياءً 000

فمخزوني باذن الله ثر 000
طالما أن لدي معينا من ( الهضربة ) 000
الجأ اليها معك في الثقافي 000 كلما جف مدادي 000

ود الجزولي 000
أنتظرك 000 بأمطار غزيرة 000
تمنح الأرض خضرة وبهاءً 000
تليق بعودتك التي ستسعدني 000
ومحبتي لك 000

اقتباس:

---

المشاركة الأصلية كتبت بواسطة كندشة

الراقي الانيق

خالد ابقرجة

عذراً اذا تأخر قطاري في الوصول

لست أدري كيف أستغل هذه الفرصة لأسألك سؤالا ساخن يرقى لسخونة هذا الكرسي

خليني أمشي الفرن وأجي راجع

---

والله يا كندشة بالغتا عدييييل كدة 000
مستنيك من بدري وقلتا حلي الوحيد في سخانة الجو وسخانة الكرسي زي ماقال ود العمدة 000
حلي الوحيد كان جيتك دي 000

ما تطول 000
وخليني زي ما بقولو المصريين اتغدا بيك قبل ما ترجع تتعشي بي 000

تلاتة أسئلة 000
1- عملتا شنو في النتيجة الكنتا عاوز تختها لينا في رقبتنا 000
2- حندكتنا بي صور بتاعة جزيرة حلوة وما شفناها 000
3- في خربشة للحبيب أبو مزن 000 قال لي عبارة حلوة كدة كان فيها كلمة ( الوجدان ) 000
وانا من عندي قلتا ليهو الكلمة دي أنا شاكي في أنو ليها علاقة بالـ (دبليو ) الفي اسمك القديم 000 رايك شنو في القطيعة دي 000


وطبعا ما تتخيل اني خالفتا لوائح الكرسي الساخن 000
لكن ما تفتكرنا داقسين 000 الكرسي بتاعك شالو السيل 000
وطالبنك فيهو اسبوعين 000 لازم ود النور يعوضم لينا ويجبر بيهم الشهر 000
اعتبر دي أسئلة تعويضية بالنسبة لي 000
مستني اجاباتك قبل أي سؤال 000

اقتباس:

---

المشاركة الأصلية كتبت بواسطة وداد محمد

الاستاذ خالد
فرحنا بك وانت في الكرسي لنتعرف عليك اكثر
خالد من الاخوه المتحمسين لفعل الخير في ذلك الزمن الصعب
حاول يساعد منظمه شموس بكل مايملك من قوه
فهو انسان بمعني الكلمه وهو يمتلك احساس مرهف
التحيه له وهو يتحكر في ذلك الكرسي ويتحفنا بابدعاته
والتحيه لمحمد نور الذي يظلنا بتلك الدرر لنتعرف عليهم من قرب
كان في العمر بقيه بجيك تاني

---

شمس الشموس 000
وداد 000
التي اقتطعت من عمرها دهرا للخير 000
تحلم بزمن الكل فيه أيد ممدودة 000
تقتحب دروبا صعبة المسير 000
لتكون دواليبا تحمل من أعجزهم السير 000
كنت حقيقة أحتاج منك بلسما 000
يداوي ضعفنا الذي دارانا خجلاً 000
وحلاوة روح تشبهك 000 تزيل مرارة بالحلق 000

وداد 000 كل أملي أن لا نكون وعودا جوفاء 000
لكن المشي 000 لا تعدله الا العثرات 000

سعدت كثيرا 000 بهذا المرور النبيل 000

اقتباس:

---

المشاركة الأصلية كتبت بواسطة mohalnour

يا جماعة أي واحد نختو في الكرسي دا يشرد
يا خالد أبقرجة و ينك عسى المانع ؟

---

ود النور 000 ببراءة كدة وينك كأنك ما عملتا فيني حاجة 000
صحي زي ما بقول المثل 000
يكتل الكتيل 000 واللواري بتقيف ;)

كدي قبل ما أرد عليك شوف الكلام ده لحدي ما أفتش جيبي الخلفي

اقتباس:

---

المشاركة الأصلية كتبت بواسطة خالد 000 ابقرجة

الإبنة 000 الأخت الصغري ( ميدو ) كما يحلو للجميع مناداتك 000

أما التخريمة بتاعتك 000 حا اعتبرا زي توصية اصحاب النفوذ مذكرة دائمة في الجيب الخلفي 000 وطالما أنك لك نفوذ من المحبة علي الكل 000 عشان كدة أي واحد يزنقني 000 حا الزق الإقتباس ده طوالي كمذكرة لفك الحصار قبل الرد 000
شكرا ميدو علي التوصية

---

جايب معاي توصية من مسئول كبيييييير لأنو شايف الحكاية سخنت شديد 000

اقتباس:

---

المشاركة الأصلية كتبت بواسطة ميادة

تخريمة : يا جماعة براحة براحة عليهو

---

عليك الله لمن تقراها كلم لي الناس ديل 000
وشيل ليك حطبة حطبتين من تحت الكرسي بتاعك ده 000
ولا العاقب ما وراك نص اتفاقية كيوتو لمن الحكاية تسخن بوصي بي شنو ;)

اقتباس:

---

المشاركة الأصلية كتبت بواسطة mohalnour

يا جماعة أي واحد نختو في الكرسي دا يشرد
يا خالد أبقرجة و ينك عسى المانع ؟

---

والله ما شردتا بس مأمورية عمل 000
هلا هلا 000 أنا أبوك يا آية 000 أشرد لي من سخانة ؟؟؟
آآآآي 000 تشة حارة خلاس 000

اقتباس:

---

المشاركة الأصلية كتبت بواسطة mohalnour

سؤال برا المقرر و إختياري كمان ( يعني لو ما عايز تجاوب ما تجاوب )
مع أنو ما عندنا في الكرسي دا سؤال أختياري
حكاية الأصفار التلاتة دي شنو و التي نجدها دوما ً تتخلل كلماتك ؟ بتذكرني مجلة ( زيرو ون )

---

التوصية نجحت 000 خليتو اختياري 000 لكن بت مارنجان صعبت الموضوع وقالت اجباري 000 والخرباش زاريني في السؤال ده زاتو وأمري لله 000

قصة من المدينة عرب المتوسطة 000 واستاذي الفاضل (أحمد وداعة الله ) 000 من بورتبيل 000 معلم من الزمن الجميل 000 كان دائماً له تعليق علي استخدامي للشولة وعلامات الترقيم في مواضيع الإنشاء 000 ولا يقبل تعليلي علي أنني أضعها حيث أحس أنني محتاج لي نفس 000 وكان يصر بأن الشولة لها قواعد 000 ولو عاوز نفس شوف حاجة تانية 000 في أحد المواضيع جاتني فكرة الأصفار دي 000 فعلق عليها ضاحكا 000 أصفارك دي أخذ بيها نفس زي ما عاوز 000 لكن شولتنا دي 000 ما تجدعا في أي مكان 000
ومنذ ذلك اليوم 000 وأنا أكره الشولة 000 وأحب هذه الأصفار التي تجعلني أقف بمن يقرؤني 000 حيث أحب أن يلتقط أنفاسه 000 وأترك له مساحة ليضع فيها من خياله ما يشاء بين كلماتي 000 وبذلك يضيف اليها بهاءً تفتقده 000

اقتباس:

---

المشاركة الأصلية كتبت بواسطة mohalnour

همسة : لك تحية أحترام و تقدير على هذه السيرة المفصلة و التي للحق و الأمانة
لم نجدها في أي كرسي من قبل

---

همستك أعتبرها شهادة من صاحب الكرسي أعتز بها 000
ولكنني آثرت أن انتهز هذه الفرصة 000 للإقتراب كما يجب من أحبة أكن لهم الكثير 000
وأظن أقصر الطرق الي ذلك 000 أن أكون كتابا مفتوحا 000 شرف أن يقرؤه أمثالهم 000

وفرصة ( للإندياح ) زي ما قال أبو النور في النفاج 000
عاين يا ود النور 000 و يا أبو النور 000
يا ربي أنا وين 000

اقتباس:

---

المشاركة الأصلية كتبت بواسطة مدنيّة

ياود الجاك
الكرسي دا خاتي فيه شنووووو :cool:

---

عارفة يا أم جمال 000
لو كان ختا لي نجمتو الحلوة البتلف ديكا 000

كنتا اخدت اجازتي السنوية وقضيتا في الكرسي ده 000:d:d:d

عليك الله زي ما قال عصمت مش اتحيرنا في الوشوش ؟؟؟؟

اقتباس:

---

المشاركة الأصلية كتبت بواسطة بت مارنجان

تسألوني الحلم أفلس بائع الأحلام
ماذا أبيع لكم !
وصوتي ضاع وأختنق الكلام
ما زلت أصرخ في الشوارع
أوهم الأموات أني لم أمت كالناس ..
لم أصبح وراء الصمت شيئاً من حطام
مازلت كالمجنون
أحمل بعض أحلامي وأمضي في الزحام
***
لا تسألوني الحُلم
أفلس بائع الأحلام ..
فالأرض خاوية ..
وكل حدائق الأحلام يأكلها البَوَار
ماذا أبيع لكم .. ؟
وكل سنابل الأحلام في عيني دمار
ماذا أبيع لكم ؟
وأيامي انتظار ........ في انتظار
...........

: ....


;)

---

من الذي قال أن بائع الأحلام قد أفلس 000
بالتأكيد ليس لديك ما تبعينا 000
لأن المرهفون يفضلون الهبات ويمقتون البيع 000
وأنت التي أهدتنا 000

أوضتين خلف خلاف 000
وحوش مرشوش 000
مفتوح للكل 000
بدون أذونات 000
بندخل تووش 000
وبدل خرسانة 000
جريد وسعف 000
وحب معروش 000
عشان النسمة ما ترجع 000
وعشان اللمة تستمتع 000
وعشان نتوضأ بي الإبريق 000
ونصلي 000 نحصن الشفع 000


بت مارنجان 000 الصالون في المستقبل ان شاء الله علينا تب

اقتباس:

---

المشاركة الأصلية كتبت بواسطة بت مارنجان

تسألوني الحلم أفلس بائع الأحلام

...........

اخي خالد ...

"في حضرة جلالالك يطيب الجلوس "
ماشاء الله تبارك الله عيني عليك باردة وسيرة شرف لينا قبل ماتكون شرف ليك ...

أحلام خالد لأبنائه وللعروسة الصغيرونة " آية " ( ابعدها من الود عقبة :p ) ....

;)

---

عارفة يا بنية من خبز الفنادك 000
أسوأ ما في أحلامنا 000
أنها أصبحت واقعية 000
ولكنني أدعو لها دوما بأن تكون من الصالحات 000
و أن يزيدها بسطة في العلم 000 والرزق 000
ويرزقها زوجا فتح الله عليه ببصيرة 000 يري من خلالها نعمة الزوجة الصالحة 000

اقتباس:

---

المشاركة الأصلية كتبت بواسطة بت مارنجان

الصغيرونة " آية " ( ابعدها من الود عقبة :p ) ....

معاي علي الخط دايمآ ياود النور بس السؤال اجباري وجووة المقرر ;)

---

كدي قبال عقبة 000 خلي شغل المديدة حرقتني ده 000 وما تحرشي علي ود النور 00

أما عقبة 000
فيا ستي متكلم في 000

آية 000 و أسيل 000 وجودي 000 وروان 000 ومزن 000 ومنة ( الترتيب أبجدي بدون مآرب ) 000

وبعد ده كلو شابكنا بي هناك 000 قال شنو 000 قال أزمة نسوان 000
ياخي بس عندو أزمة شينات (شيلة 000 شنطة 000 شبكة 000 ) زي ما قال 000
ودعواتي ربنا ابدلهم ليه عينات ( عقد 000 عرس 000 عربية 000 عمارة 000000000 وعلقة حاااااااااااااااااااااااااااااااااااااااارة 0000 بالكعبالعالي )

اقتباس:

---

المشاركة الأصلية كتبت بواسطة عاطف عولي

يعني يا ود أبوقرجة أنت نسيبنا ماخد جزيرية اربع تاشرية والنسب قزاز والنسيب عين شمس .

مشاققة: وأنا أقول الأبداع دا من وين؟

---

القهوجي الحريف 000

طالما أنك جبت سيرة ( الشمس ) 000
معناهو ( اربع تاشيرية ) ما قاصد بيها الدفعة 000
وأكيد ليها علاقة ( بالقمر ) 000

لكن بيني وبينك كدة 000 كلام بدون ما تنشروا ( شمار في القهوة) 000
كان في ابداع فعلا زي ما بتقول 000

أكيد سببو ما حا يمرق من نسبكم يا ناس فورتين 000 (دي بي الإنجليزي 000 ما تفتكرا مثني )

لكن تعال يا اللخو 000
انتا من الدفعة القلبت علينا مدني فوق تحت دييييييك ولخبتت الجامعة 0000 ؟؟؟؟
وأنا أقووول شمار قهوتك ده جاي من وين

واحدة بواحدة 000
والجعلي ماااا بخلي تارو

:p

اقتباس:

---

المشاركة الأصلية كتبت بواسطة بت مارنجان

أحلام خالد لأبنائه وللعروسة الصغيرونة " آية " ( ابعدها من الود عقبة :p ) ....


;)

---

هاهاهاهاهاهاهاااااااااااااااااااااااااي بت مارنجان
(براحة ) على الشاب عقبة ... :p:D

أها بالمناسبة دي يا خالد ... أبقرجة .
وجامعة الجزيرة
...( وكلية الزراعة ) ...يبدو أن هنالك تشابه فى الذوق التخصصى ... ;);)

متابعين معاك ...
وأي ( أنكبة ) عليك الأتصال بصديق .:D:D

بمشى وأجيك .

اقتباس:

---

المشاركة الأصلية كتبت بواسطة خالد 000 ابقرجة

القهوجي الحريف 000


واتفضل معزوم بارد ونسكافي بالحليب او كبتشينو

طالما أنك جبت سيرة ( الشمس ) 000
معناهو ( اربع تاشيرية ) ما قاصد بيها الدفعة 000
وأكيد ليها علاقة ( بالقمر ) 000

لو قلنا القمر نكون ظلمنا الأربع تاشري.

والدفعة تنسب الي ما قصدته بالحديث يا حريف يا زواغ والمعني واضح

لكن بيني وبينك كدة 000 كلام بدون ما تنشروا ( شمار في القهوة) 000
كان في ابداع فعلا زي ما بتقول 000

ما أنا متاكد لمن قلت بس الحمدلله الأتاكدت أنت

أكيد سببو ما حا يمرق من نسبكم يا ناس فورتين 000 (دي بي الإنجليزي 000 ما تفتكرا مثني )

وراء كل عظيم فورتينية كاملة الدسم ولو مغالت شوف نفسك في المراية .

لكن تعال يا اللخو 000
انتا من الدفعة القلبت علينا مدني فوق تحت دييييييك ولخبتت الجامعة 0000 ؟؟؟؟
وأنا أقووول شمار قهوتك ده جاي من وين

مرات اخوك بطلع برة الشبكة أفصح أبن

واحدة بواحدة 000
والجعلي ماااا بخلي تارو

:p

---

هو نحن عندنا معاك تار يا أبو النسب بس رجعنا الحقوق لااصحابا ولا نقوم نكلم ليك الحكومة

اخونا خالـــد

معليش إتأخرنا عليك في الرجعه
الطريق كان زحمه :p

اقتباس:

---

المشاركة الأصلية كتبت بواسطة خالد 000 ابقرجة

بطاقة أسرية 000
)

[/color]

---

باين أنه أم آيـه لعبت دور كبيـر في تغييــر حياة

خــالد الشــاب قبل الزواج ;) الى شخصية

أخرى بعد الزواج

اقتباس:

---

المشاركة الأصلية كتبت بواسطة خالد 000 ابقرجة

فكان لا بد لي أن تكون أم آية 000 جزء أساسيا من بطاقتي الشخصية 000

الإسم نعمات محمد الحسن بدري 000
السكن بحري 000 الشعبية 000

كلية الزراعة 000 جامعة الجزيرة 000 ( دفعة 14 ) 000
)

[/color]

---

عاوزين نعرف كيف كان التقـاء خالد بأم آيـه أول مره

وكيف دق قلبك تجاههـا ;)

ومتى وكيف كان إتخـاذ قرار الزواج

اقتباس:

---

المشاركة الأصلية كتبت بواسطة خالد 000 ابقرجة

أما وحيدتي 000 آية خالد الطيب 000
فتنتظر الرابع والعشرين من أغسطس القادم 000
للإحتفال بعيدها الثاني

[/color]

---

ماشاءالله ربنـا يحفظها

بس أعمل حسابك البنات بيخلوك حبـوبه بدري بدري :p


شعورك شنـو في أول يوم سمعت كلمة بابا من آيـه

اقتباس:

---

المشاركة الأصلية كتبت بواسطة خالد 000 ابقرجة

( ولازم الإخوة في الإدارة يعملو حساب التاريخ ده في الإعلان عن المواليد عضو بالإنتساب وكدة )

---

ولايهمـــك أم جمــال ما بتقصــر ;)

اقتباس:

---

المشاركة الأصلية كتبت بواسطة خالد 000 ابقرجة

صديقي الفنان (العميل 007) 000
الذي يستخدم في لوحاته 000
الفرشاة للورود 000 والقلم للحرف المنمق 000

كلمات الحب يا صديقي 000 تذهب الي القبر 000

لذلك 000 دوما أكرر قولي بأن مخزون الذاكرة بالنسبة لي مساحات إضافية للحياة 000
التجربة فيها زادا للنجاح 000
والحنين وقودا عبقريا للمضي قدماً دون تأخير 000

---

بسم الله والصلاة والسلام علي رسول الله
---
لا اله الا الله منهج وعقيدة ورسالة
لا اله إلا الله من اجلها قامت السماوات والأرض
لا اله إلا الله من اجلها خلق الله الخلق
لا اله إلا الله الصراع الأبدي بين الحق والباطل بين الخير والشر
لا اله إلا الله من اجلها خلقنا ومن اجلها نحيا وفي سبيلها نموت
لا اله إلا الله وحده لأشريك له ولا معبود بحق إلا هو

اسأل الله أن نحيا عليها ونموت عليها ونحشر مع كل من يقول لا اله إلا الله
وأشهد أن محمد رسول الله صلي الله عليه وسلم ..

http://up.dwltna.com/images/s0ttdkaf3sroj6hf1uck.gif

أخي الحبيب في الله / خالد 000 ابقرجة

تبدع كلما لامس القلم اوراقك .. فلا تبعديه عنها حتى لا يمل الانتظار

فالقلم يشتاق للاوراق ..

و عيني دوما مشتاقة للقراءة....

اذا سكن البحر

وهدات الرياح

وانطفأت النجوم.

دام الحب وكلماته تسكن في أروحنـــا

نحن نعيش حياتنا ونحن فيها نتعلم أمور كثيرة
فيما يسمي بمدرسة الحياة والحياة مدرســة
يكفي أن يكون لك أخوة يحبوك في الله ليــس
لشئ ولكن رغبــــة في أن نصـــل سـويا إلي
رضا الله في النهاية وغداً يفرح الأخوة المؤمنون بنصر الله...

يقف المُبدع إزاء فكرة كلمات الحب و الحياة والعيش واقفال
رحلة العمر بالموت، والذهاب إلى القبر بنوع من النديّة التي
تختلف في حيثيات تخيلقاتها، عن وقفة الإنسان العادي إزاء
فكرة الموت تحيدا. ذلك ان المُبدع الذي يُنتج الحياة المُتخيلة
في الكتابة والحبــر.

http://up.dwltna.com/images/agkb4zv8wgykx0b234e.gif

تقديري على مارسمته اناملك

وتحياتي لحرفك الشفاف اخي الحبيب في الله ...

دمت بود,,,


.

اقتباس:

---

المشاركة الأصلية كتبت بواسطة خالد 000 ابقرجة

من الذي قال أن بائع الأحلام قد أفلس 000
بالتأكيد ليس لديك ما تبعينا 000
لأن المرهفون يفضلون الهبات ويمقتون البيع 000
وأنت التي أهدتنا 000

أوضتين خلف خلاف 000
وحوش مرشوش 000
مفتوح للكل 000
بدون أذونات 000
بندخل تووش 000
وبدل خرسانة 000
جريد وسعف 000
وحب معروش 000
عشان النسمة ما ترجع 000
وعشان اللمة تستمتع 000
وعشان نتوضأ بي الإبريق 000
ونصلي 000 نحصن الشفع 000


ربنا يديك الصحة والعافية وانت ممن يقولو عليهم :
عن ابي هريرة-رضي الله عنه-عن النبي-صلى الله عليه وسلم-:"أن رجلا زار أخا له في قرية أخرى فأرصد لله تعالى على مدرجته*ملكا فلما أتى عليه قال:أين تريد؟قال:أريد أخا في هذه القريه .قال:هل لك من نعمة تربها عليه؟ قال:لا غير اني احببته في الله تعالى.قال:فاني رسول الله اليك بأن الله قد أحبك كما أحببته فيه"
(رواه مسلم)

قيل:خير الاخوان من أقبل عليك اذا ادبر الزمان عنك.

يديك الصحة والعافية ياود ابقرجة ...



بت مارنجان 000 الصالون في المستقبل ان شاء الله علينا تب

يعني اقول لي " ابو الشباب " اتقدم والصالون علي ود اب قرجة :d
تسلم كتير ياخالد والف صلاة وسلام علي الحبيب ومن يسكن جواره صلي الله عليه
وسلم .. وبصراحة عديل حاسداك علي المجاورة :o

عارفة يا بنية من خبز الفنادك 000
أسوأ ما في أحلامنا 000
أنها أصبحت واقعية 000
ولكنني أدعو لها دوما بأن تكون من الصالحات 000
و أن يزيدها بسطة في العلم 000 والرزق 000
ويرزقها زوجا فتح الله عليه ببصيرة 000 يري من خلالها نعمة الزوجة الصالحة 000

اللهم آمين وترفع راسك بيها وتفخر بيك زي مانحنا فخورين بمعرفتك ...

كدي قبال عقبة 000 خلي شغل المديدة حرقتني ده 000 وما تحرشي علي ود النور 00

أما عقبة 000
فيا ستي متكلم في 000
:eek::eek::eek::eek::eek:
ماقال لي الجبان :o

آية 000 و أسيل 000 وجودي 000 وروان 000 ومزن 000 ومنة ( الترتيب أبجدي بدون مآرب ) 000

وبعد ده كلو شابكنا بي هناك 000 قال شنو 000 قال أزمة نسوان 000
ياخي بس عندو أزمة شينات (شيلة 000 شنطة 000 شبكة 000 ) زي ما قال 000
ودعواتي ربنا ابدلهم ليه عينات ( عقد 000 عرس 000 عربية 000 عمارة 000000000 وعلقة حاااااااااااااااااااااااااااااااااااااااارة 0000 بالكعبالعالي )

---

عقبة ازمتو بسيطة بس هو مكبر الامور شوية ;)

[QUOTE=عوض الكريم الخواض;313694][COLOR="Purple"][SIZE="6"]هاهاهاهاهاهاهاااااااااااااااااااااااااي بت مارنجان
(براحة ) على الشاب عقبة ... :p:D

QUOTE]

عقبة دي أخ غالي وصديق عزيز وزميل دراسة ;)
اطلع منها ياعوض الكريم واهم شي " سوق البنية عشان عقبة :p:p

ابو الصفر الدولى

جيت خاشى ومدنكل سؤالى حول (الزيرو ) العامل لى انبعاج .. فوجدت ودالنور

وبت مارنجان فرشوا صالون المستقبل من خيالك الواسع ..

ولانك رجعتنا للزمن الجميل

اتذكر ان اول مواضيعك داخل المنتدى (قبل السيل) كانت تتحدث عن الطفولة .. والزمن الجميل

والعيد


(1) العيد ... كيف العيد ... انتى بعيدة ... وانا برغم البعد ابدو ابعدا ...؟؟

ولانك تاخرت كثيرا فى الاجابة الشافية عن الاصفار .. بينى وبين نفسى (نجرت ) لى سبب

للاصفار له علاقة بالباراسايكولجى وعلم مابعد الخيال

هل الاصفار دليل نبوءة على اننا سنبدا تانى من الصفر ...!!!

مع وضعك لوصفة هندسية احساسية ... بان الريدة لازم تستمر


- حال المنتدى لايعجبنى ... احساس احسه .. هل تشاركنى هذا الاحساس

بعيدا عن الاسباب الواهية من عطلات وسفر مغتربين ... وقريبا من الحالة نون

لصبحى حبيبنا الذى تعداها الى منطقة اخطر ...........!!









ادينى زيرو واحد

اخد بيهو نفس واجيك راجع

سلام ابوقرجه
تقديرى واحترامى لك
وان اتيت اليك متأخير تقبل عزرى
وتعليقى على توقيعك
كل ما اشوفه ادور ادخل دجوه من المطره
تسلم يارائع

اقتباس:

---

المشاركة الأصلية كتبت بواسطة عوض الكريم الخواض

هاهاهاهاهاهاهاااااااااااااااااااااااااي بت مارنجان
(براحة ) على الشاب عقبة ... :p:d

أها بالمناسبة دي يا خالد ... أبقرجة .
وجامعة الجزيرة
...( وكلية الزراعة ) ...يبدو أن هنالك تشابه فى الذوق التخصصى ... ;);)

متابعين معاك ...
وأي ( أنكبة ) عليك الأتصال بصديق .:d:d

بمشى وأجيك .

---

ود الخواض 000

تسلم يا فردة 000
وخليك قريب 000
لأنو الحكاية مشنكبة شوية 000
وبمناسبة الذوق التخصصي ده
الأيام دي في تجربة فطام 000
ومافي نوم للصباح 000 مع احتجاجات آية الثورية 000
ماتشوف لبنا بوست زي بتاع الخبرة داك 000
ولم لينا الفطاحل 000 خلينا نستفيد 000

اقتباس:

---

المشاركة الأصلية كتبت بواسطة عاطف عولي

لكن تعال يا اللخو 000
انتا من الدفعة القلبت علينا مدني فوق تحت دييييييك ولخبتت الجامعة 0000 ؟؟؟؟
وأنا أقووول شمار قهوتك ده جاي من وين

مرات اخوك بطلع برة الشبكة أفصح أبن

---

صديقي عاطف 000
الدفعة 14 علي ما أذكر كانت أول دفعة بعد خرمجة التعليم العالي 000
قصدي ثورة التعليم العالي 000
ولا تنسي مدني جميعها تلك الدفعة التي لم تجد داخلياتها بعد الخصخصة 000
وافترشت النجيل لأيام 000
عارف الأيام ديك كنت في زيارة لصديق مساعد تدريس في اقتصاد 000
فتليقا علي الكلام ده ذكر لي العدد الذي تم قبوله (رقم كدة ما متذكرو ) 000
المهم تعليق صاحبي علي الموضوع ده 000قال لي
نحن زمان الجامعة كلها 000
طلبتا 000 قراشينها 000 مدرسينا 000 وبيوت الدكاترة 000 واولادم 000 وكلابم 000

ما بجو قدر العدد القبلوهو السنة دي 000

الاخ خالد ابو قرجة
تحياتي واشواقي
ليس غريباً ان اشاهدك ضيفاً علي الكرسي الساخن
فأنت طبعاً نداً لا يستهان به
وكاتباً لا يشق له غبار
ربنا يديك الصحة والعافية
وحقيقي الواحد استمتع وهو يتقلب في حنايا ردودك التي
امتعتنا واظهرت لنا خبايا مخفية لشخصية خالد ابوقرجة
دمت لنا اخاً عزيزاً

اقتباس:

---

المشاركة الأصلية كتبت بواسطة محمد حسين (المميز)

اخونا خالـــد

معليش إتأخرنا عليك في الرجعه
الطريق كان زحمه :p

باين أنه أم آيـه لعبت دور كبيـر في تغييــر حياة

خــالد الشــاب قبل الزواج ;) الى شخصية

أخرى بعد الزواج

---

ولا يهمك يا مميز 000 بس شكلو الزحمة خلتك لخبتا الورق 000
المفروض أنك جايب لي بخرات 000 كنتا خاتي قلمي ومتمحن مسنيها 000
طلعت مسألة الكبري بتاعة امتحان الفيزياء 000

أما تغيير الشخصية فبالتأكيد لا بد من تغييرات تتناسب مع المعطيات الجديدة 000
وبالتأكيد للأحسن 000 ليس كحالة متفردة 000
ولكنها سنة الحياة 000 والفطرة التي فطرنا الله عليها 000
عارف أول ما تزوجت 000 كنت أرد علي بعض الذين يسألون بتخابث 000
والله المدام غيرتك 000
كنت بقول ليهم لو ما غيرتني طيب فايدتا شنو 000
ما كان رجعناها أهلا طوالي 000

اقتباس:

---

المشاركة الأصلية كتبت بواسطة محمد حسين (المميز)

عاوزين نعرف كيف كان التقـاء خالد بأم آيـه أول مره

وكيف دق قلبك تجاههـا ;)

ومتى وكيف كان إتخـاذ قرار الزواج

---

هذه الناحية 000 صدقني ليس لدي الكثير المثير الذي يمكن أن أسرده 000 فينبئ بالخطر 000
ولكن دعني أؤكد لك أن أول لقاء 000 وكل التي تلتها في بيتها ووسط أهلها 000

أما القرار 000 فقد كان من اللحظة الأولي ولكنه ظل قرارا داخليا 000
فرض عليه الحبس قناعات شخصية 000 وعهد قطعته علي نفسي 000 بعد نقاش مع صديقي وابن خالتي الأكبر الأستاذ عصام يوسف 000 ذلك المربي الذي علمني منذ سنين الصبا الأولي 000 بأنه قبل أن ترتبط ببنت ناس يجب أن تتأكد بأن أي شوشرة زائدة قبل الزواج 000 قد تسئ للبيت الذي تريد أن تجعله بيتا ثانيا لك 000
صدقني 000 احتفظت بقراري لنفسي حتي أصبحت قادرا علي اعلان خطوبة وزواج 000
ولكنني استعنت بالإستخارة 000
والتي أتمني أن تكون حاضرة معنا في كل خطوات حياتنا 000
فدعاء الإستخارة فيه تفويض كامل لعالم الغيب والشهادة لأن يختار لنا الأحسن 000
ويصرف عنا السؤ 000
ويجعل لنا الخير 000 وهذه أنعم الله علينا نحن المسلمون 000

اقتباس:

---

المشاركة الأصلية كتبت بواسطة محمد حسين (المميز)

[color="royalblue"][size="5"][center]

ماشاءالله ربنـا يحفظها

بس أعمل حسابك البنات بيخلوك حبـوبه بدري بدري :p


شعورك شنـو في أول يوم سمعت كلمة بابا من آيـه

ولايهمـــك أم جمــال ما بتقصــر ;)

---

و الله يا المميز 000
احساس لا يوصف 000
لكن بس أقول ليك منذ ولادة ابنتي 000
كل يوم ازداد حبا لوالدي 000
وازداد معرفة بقدرهما 000
وازداد دافعا اضافيا بأن أكون بارا بهما كما يجب 000

شكرا علي مرورك المميز دوما 000
وبخراتك طلعت بخور شطة 000

اقتباس:

---

المشاركة الأصلية كتبت بواسطة faqatar007

بسم الله والصلاة والسلام علي رسول الله
---
لا اله الا الله منهج وعقيدة ورسالة
لا اله إلا الله من اجلها قامت السماوات والأرض
لا اله إلا الله من اجلها خلق الله الخلق
لا اله إلا الله الصراع الأبدي بين الحق والباطل بين الخير والشر
لا اله إلا الله من اجلها خلقنا ومن اجلها نحيا وفي سبيلها نموت
لا اله إلا الله وحده لأشريك له ولا معبود بحق إلا هو

اسأل الله أن نحيا عليها ونموت عليها ونحشر مع كل من يقول لا اله إلا الله
وأشهد أن محمد رسول الله صلي الله عليه وسلم ..

http://up.dwltna.com/images/s0ttdkaf3sroj6hf1uck.gif

أخي الحبيب في الله / خالد 000 ابقرجة

تبدع كلما لامس القلم اوراقك .. فلا تبعديه عنها حتى لا يمل الانتظار

فالقلم يشتاق للاوراق ..

و عيني دوما مشتاقة للقراءة....

اذا سكن البحر

وهدات الرياح

وانطفأت النجوم.

دام الحب وكلماته تسكن في أروحنـــا

نحن نعيش حياتنا ونحن فيها نتعلم أمور كثيرة
فيما يسمي بمدرسة الحياة والحياة مدرســة
يكفي أن يكون لك أخوة يحبوك في الله ليــس
لشئ ولكن رغبــــة في أن نصـــل سـويا إلي
رضا الله في النهاية وغداً يفرح الأخوة المؤمنون بنصر الله...

يقف المُبدع إزاء فكرة كلمات الحب و الحياة والعيش واقفال
رحلة العمر بالموت، والذهاب إلى القبر بنوع من النديّة التي
تختلف في حيثيات تخيلقاتها، عن وقفة الإنسان العادي إزاء
فكرة الموت تحيدا. ذلك ان المُبدع الذي يُنتج الحياة المُتخيلة
في الكتابة والحبــر.

http://up.dwltna.com/images/agkb4zv8wgykx0b234e.gif

تقديري على مارسمته اناملك

وتحياتي لحرفك الشفاف اخي الحبيب في الله ...

دمت بود,,,


.[/color][/size][/center]

---

صديقي العميل (007) 000
أتيت بك اقتباسا 000 كاملاً 000
عسي ألا ننسي بين ساعات هزلنا 000
الرسالة التي خلقنا من أجلها 000
وليتنا دوما نستشعر التوحيد 000 وعبادة خلقنا في جدنا وهزلنا 000

دمتم دوما بيننا 000 دعاة خير 000
ووصال يزيدنا خيرا 000 وتقاة 000
مع محبتي لك

اقتباس:

---

المشاركة الأصلية كتبت بواسطة بت مارنجان

ربنا يديك الصحة والعافية وانت ممن يقولو عليهم :
عن ابي هريرة-رضي الله عنه-عن النبي-صلى الله عليه وسلم-:"أن رجلا زار أخا له في قرية أخرى فأرصد لله تعالى على مدرجته*ملكا فلما أتى عليه قال:أين تريد؟قال:أريد أخا في هذه القريه .قال:هل لك من نعمة تربها عليه؟ قال:لا غير اني احببته في الله تعالى.قال:فاني رسول الله اليك بأن الله قد أحبك كما أحببته فيه"
(رواه مسلم)

قيل:خير الاخوان من أقبل عليك اذا ادبر الزمان عنك.

يديك الصحة والعافية ياود ابقرجة ...




يعني اقول لي " ابو الشباب " اتقدم والصالون علي ود اب قرجة :d
تسلم كتير ياخالد والف صلاة وسلام علي الحبيب ومن يسكن جواره صلي الله عليه
وسلم .. وبصراحة عديل حاسداك علي المجاورة


عقبة ازمتو بسيطة بس هو مكبر الامور شوية ;)

---

بت مارنجان 000
أشكرك علي معاودة الزيارة 000
والصالون علي ود ابقرجة بس خليهو ود الناس يجي 000
و يخلي رجل ورا ورجل قدام دي ويتقدم سااااي 000

أما عقبة 000 فصدقيني لا أخاله متأزما 000
ولكن المبدعون دوما 000 لهم لازمة تحرك الإبداع داخلهم 000
وتجعلهم خفافا علي محبيهم 000

وأشكرك مرة أخري 000 وأتمني أن تدوم أخوة الجميع هنا 000
محبة في الله 000
وتناصحا علي الخير 000

اقتباس:

---

المشاركة الأصلية كتبت بواسطة عبدالرحمن مدثر

ابو الصفر الدولى

جيت خاشى ومدنكل سؤالى حول (الزيرو ) العامل لى انبعاج .. فوجدت ودالنور

وبت مارنجان فرشوا صالون المستقبل من خيالك الواسع ..

ولانك رجعتنا للزمن الجميل

اتذكر ان اول مواضيعك داخل المنتدى (قبل السيل) كانت تتحدث عن الطفولة .. والزمن الجميل

والعيد


(1) العيد ... كيف العيد ... انتى بعيدة ... وانا برغم البعد ابدو ابعدا ...؟؟

ولانك تاخرت كثيرا فى الاجابة الشافية عن الاصفار .. بينى وبين نفسى (نجرت ) لى سبب

للاصفار له علاقة بالباراسايكولجى وعلم مابعد الخيال

هل الاصفار دليل نبوءة على اننا سنبدا تانى من الصفر ...!!!

مع وضعك لوصفة هندسية احساسية ... بان الريدة لازم تستمر


- حال المنتدى لايعجبنى ... احساس احسه .. هل تشاركنى هذا الاحساس

بعيدا عن الاسباب الواهية من عطلات وسفر مغتربين ... وقريبا من الحالة نون

لصبحى حبيبنا الذى تعداها الى منطقة اخطر ...........!!









ادينى زيرو واحد

اخد بيهو نفس واجيك راجع

---

الخرباش 000
الأصفار 000 رديف ( الأسفار ) 000
وقد أدمنتها منذ نعومة أظافري 000
ولم أحط رحالي منها 000
وليتني كما قالت مريم الأخري في الثقافي 000
ليتني أرمي عصاي 000

أما المنتدي 000 لا أريد أن أكون مثل قيادات رياضتنا الفاشلة 000
مبررات هزائمنا لا تخرج عن الأرض والجمهور والتحكيم 000
لكنني دعني أنظر لمنتدانا نظرة متفائلة 000
فهو جزيرة مصغرة 000
بقلب أسمه ودمدني 000
ولا أظن أن حالة القلب تكون دوما كما يجب 000
وعدد دقاته يختلف 000
بين لحظة نكون فيها في ميدان التضامن آخر الدافوري 000
وفي لحظة نجلس فيها برفقة أحبة علي نجيل حدائق النيل 000
أو ساعة ظهيرة قائلة 000 ونحن ندك الأرض بمعاولنا في حواشات لا ندري 000
أهي لم تعد لنا 000 أم نحن ملاكها 000

ولكن صديقي 000
الشئ الذي نتفق عليه 000
أن قلبنا لا بد أن ينبض بالحياة 000
حتي تجري الدماء في عروقنا 000

ود مدثر 000
أتفق معك بأن هناك أعضاء وجدناهم قبلنا هنا 000
قد أحجموا عن المشاركة 000
أو قل انتاجهم 000
وطاشت مشاركاتنا نحن جدد السيل نبحث عن محاور 000
لكن بارقة الأمل بأن منتدانا لا زال جاذباً لدماء جديدة قادرة علي العطاء 000
وأنا أقرأ كل يوم للدسيس 000 درديري 000 معتصم 000 أرجوان وود النمير 000
أقرأ لهم جديد 000 يقول أنهم قادرون علي ضخ الدماء فينا مرة أخري 000



صفر 000 كبيييييييييييييييييييييير 000

حين تجلس أمام الشاشة الكبيرة 000
وتشغلك ما بين المشاهد 000 عن مشاهدة شخوص يثيرون الضجيج أينما حلوا 000
وتستطيع أن تخرج برسالة حقيقية من بين إسفاف 000 أو رزانة 000

تأكد بأن ذلك صفر كبير 000
يمثل هندسياً 000 أساسا متيناً 000
لشواهق فكر جديد 000
دون أن تجرفه سيول الإبتذال 000
أو محاولة الحفر من حوله 000

ود مدثر 000
قلت لييييييييييييييك 000 مزاجك ما عاجبني اليومين دي 000
من البوست التعبك 000 وتلتلني 000
لكنه أتي بخالد 000 عادل 000 وسلمي الي هنا مساحة ضوء بين العتمة 000

اقتباس:

---

المشاركة الأصلية كتبت بواسطة حافظ شعبان

سلام ابوقرجه
تقديرى واحترامى لك
وان اتيت اليك متأخير تقبل عزرى
وتعليقى على توقيعك
كل ما اشوفه ادور ادخل دجوه من المطره
تسلم يارائع

---

حافظ شعبان 000
الشخص الذي أحترم 000
والصديق الذي أتابع عن بعد 000
أشكرك علي هذه الدفقة 000
ولكن لك في ذمتي رسالة تقدير علي الخاص 000
كنت قد قطعتها علي نفسي قبل السيل 000
حين كنت أتحدث لصديق عزيز علينا جميعا 000
كان قد لمح بتوقف لتسجيل موقف ما 000
علمت منه أنه لم يستطع أن يصد مكالمة رهيفة 00
رقيقة 000 ومقنعة من صديق اسمه حافظ شعبان 000
وعاد بعد ساعة واحدة فقط الي العطاء 000

تقديري لك 000
واحتراماتي لكل الذين يمشون بيننا بالخير 000
دون إعلام 000 أو إعلان 000
كل همهم 000 أن تدوم هذه المساحات 000
محطات تواصل بين أخوة تحابوا في الله 000

مع محبتي

اقتباس:

---

المشاركة الأصلية كتبت بواسطة خالد 000 ابقرجة

الأيام دي في تجربة فطام 000
ومافي نوم للصباح 000 مع احتجاجات آية الثورية 000
ماتشوف لبنا بوست زي بتاع الخبرة داك 000
ولم لينا الفطاحل 000 خلينا نستفيد 000

---

أبقرجة اللذيذ
رغماً عن عهد قطعته مع نفسي تجدني
منجذب للتداخل هنا ، للتحية ومن المتابعين من الشولة وثلاثة أصفار .



أما وحيدتي 000 آية خالد الطيب 000
فتنتظر الرابع والعشرين من أغسطس القادم 000
للإحتفال بعيدها الثاني



سهر الجداد ولا نومووووو
يعني يا أبقرجه نقول نيفتكم طااااااازه ، ربنا يحفظ ليكم آية والقادم .
ما ناس خبرة بس عشان ود الخواض يندااااح ليك .