عرض للطباعة
ونعم بالله
يامايسة انا مابتكلم عن العفو دا موضوع ممكن الناس تتخطاهو
لكن طبيعة التعامل مع الشخص دا بينك وبين نفس كدا بكون فيها
نوع من عدم الراحة النفسية وبالعكس تتمنى ليهو الخير وكل الاشياء
الجميلة لكن التعامل بكون ليهو اثر كبير في النفس دا لاانا قاصدو
يااااااااااااااه والله موضوعك يامايسة روعة
والاروع انو في وقت عجيب جدا
وقت فيه نقف جميعا موقف المتسائل
هل ممكن فهلا الاتكسر يتصلح مع العلم انو الكسور انواع ؟
تعرفي جاياك بمزااج قريبا
وجد موضوعك مميز
تقبلي مروري واسمحي لي بعودة قريبة
فاهمة قصدك يا عصمت واللهاقتباس:
المشاركة الأصلية كتبت بواسطة esmat
بس انا بقول ليك انو الواحد يسمو بروحو شوية لعالم الروحانية -
- اكيد طبعا انت حاتتأثر بالمواقف وراح يحز في نفسك الموقف - واحتمال ما تقدر تتعامل مع الشخص بنفس التعامل القديم - ولكن عايزاك تتذكر فقط بأن هذه الدنيا فانية - واللحظة التي تمر لا تعود ثانية - فلماذا لا نكسب ثقة من حولنا - بالتعامل الحسن والتعامل بالظاهر فقط -
- ابعد من ذلك الشخص لفترة ولكن اثناء بعدك هذا فكر في حياتك - وفكر في مكانة هذا الشخص بالنسبة لك ومدي فقدك له - وهل الموضوع بيستاهل ده كلو واحكم بعد ذلك .
دمت
اقتباس:
المشاركة الأصلية كتبت بواسطة ملكة القلوب
تسلمي ويديك العافية يا رب
وحمد لله على السلامة
منتظراك
اقتباس:
المشاركة الأصلية كتبت بواسطة مايسة
طبعا اصعب حاجة في الدنيا كسر الخواطر
والكلمة بترقد .. بس المابغلط فينا كذاب ومافينا زول كامل
تجي الحاجة المهمة جدا وهي انك بعد تكسر خاطر زول هل انت قادر تجبر الكسر والا انت زول فنان تكسير خواطر واول المتوارين عن ساحة الواقع بعد كسر خاطر شخص ما ؟!!
انا عن نفسي عندي طبع غريب جدا وماعارفة هل هو صح والا غلط , ومابقدر اغيره ..دائما لو تسببت في كسر لشخص بكون مصابة بحالة حزن غريبة جدا لاني غالبا لما اتسبب في الكسر الحصل بكون ماواعية لخطورة الموضوع الا بعد ما يحصل الكسر
وبسعى لعمل كل الاسعافات الاولية الممكنة لعل وعسى اخفف شي من النزف الممكن يحصل
ورغم اني اكيدة ان الفي الخاطر من القصة ممكن يعلق في الذاكرة سنوات ,وبسعى بكل السبل لازالة الصورة والمشهد المؤسف من ذاكرة الشخص المكسور والشايل في قلبه الم بسببي
وساعات بكون الشخص عايزيجبر كسر نفسه براه و دي نادرة الا في حالات منها ان يكون شخص واعي جدا ومتفهم للظروف النفسية الدعت الشخص الاخر لكسر خاطره (يعني تلتمس العذر لزولك لانك عارف انه مجبور على الحصل)
لكن عموما ياغالية مافي شي مستحيل , والاهم من الكلام النظري المحاولات العملية
على الاقل الشخص الحاسي انك كسرت خاطره لو انت حاولت تصحح غلطك حتى لو هو ما استوعب الفكرة في البداية وما اتقبل محاولاتك بعد فترة وبزوال الاشياء والشوائب النفسية ببتدي يقيم محاولاتك على انها ( نبل اخلاق) لان ما كل الناس بتعمل كدا وغالبا المختص في كسر الخواطر بكون شخص مجرد من الاحساس وما بهمه الاثر النفسي لانك في الاخر (غير مهم) بدليل كسره لخاطرك وعدم محاولته لمداوة جرحك منه .
ونقول في الاخر انها دنيا فاااااانية
وكله اخره كوم تراب
يعني نحسن النية ونعمل العلينا والباقي على الله وهو الكامل وكلنا بشر وما معصومين من غلط
أي شيء ينكسر ممكن يتصلح بس كيف يكون في صدق وعزيمة ورغبة في التصليح
يقوم غيرو ياميوسة ,, لكن القديم صعب يقوم تاني هو نفسو بكل تفاصيلو وعدد اوراقواقتباس:
المشاركة الأصلية كتبت بواسطة مايسة
وشكل زهرو ....
ممكن يجي فرع جديد انضر واخضر ومليان زهور ورود اكتر من القديم .. لكن عمرو ماحيكون زي القديم حتي الارتباط النفسي ماحيكون زيو ...
ياميوسة ماقصة عفو .. انت ممكن تعفو عن شخص اساء ليك ,, حتي تعفو وتسامح انسان جرحك وحتي غشاك او خدعك ,,اقتباس:
المشاركة الأصلية كتبت بواسطة مايسة
بس عمرك مابتنسي الشئ الحصل دة وبتكون متزكرو بكل تفاصيلو .. عشان كدة الشرخ
او الجرح او خاطرك البنكسر جواك عمرو مابيتصلح ,, وحتي مشاعرك الحلوة البتكون
حافظها للشخص دة بتكون اتجرحت ومابتتقدر تصلحها علي مر السنين ,,,
وكل جرح علي حسب مقدار وعمق العلاقة بين الشخصين ,,,,
مهما عفيت وسامحت بتفضل " الغصة " والانكسارة جواك من الشخص دة ,,,
صدقتي - كل هذه امثلة معنوية - ولكن اذا نظرنا اليها وجربناها كشئ حسي وامثلة حية - نجد ان الانكسر يمكن ان يتصلح - خاصة اذا اذا كان الشخص المتسبب في الكسر معترف بخطأه ونادم اشد الندم - ومقر بأنه لن يكرر ما فعله مره ثانية - فلماذا لا نصلح ما انكسر وننساه ونواصل حياتنا الفانية هذه . - دمتاقتباس:
المشاركة الأصلية كتبت بواسطة ملكة القلوب
وآسفة على التاخير في الرد والتعقيب
معاكي انا - بس احنا ليه حاصرين نفسنا في دائرة انو ما بتصلح ما بتصلح - ليه ما نقول انو بتصلح ونحاول ونحاول - واكيد مجري الماء راح يجف لكن سرعان ما يمتلئ مرة ثانية بمشاعرنا وحبنا لهذا الشخص - وهذا في حد ذاته كفيل بأن يصلح كل ما انكسر -اقتباس:
المشاركة الأصلية كتبت بواسطة بت مارنجان
المشكلة بث انو احنا نقتنع انو راح يتصلح وتكون عزيمتنا اقوي - دمت - واسفة على تاخير الرد
اقتباس:
المشاركة الأصلية كتبت بواسطة نبض السكون
ده الكلام الصاح - تسلمي يا رب
الانكسر ما بتصلح
خصوصا لو جا الانكسار من زول بتعزو شديد
وما كنت تتوقع منو الحاجة دي
فجاة يجي هو ويفاجئك بكلمة تجرحك وتكسر كل اللي كان جواك
ولا ريكم شنو يا جماعة
اقتباس:
المشاركة الأصلية كتبت بواسطة نبض المشاعر رووونة
كدي فكري فيها برااااااحة
بتخيل بالعكس اذا الزول بيمثل ليك حاجة بتحاولي تصلحي الانكسر ده - لانو نادر ما تجدي الشخص ده تاني بسهولة
ميسووو
انا رفعت ليك الموضوع دا تااني
مع ان ما رديتي لي زمان
بس جيت اقول ليك
ان الانكسر عمره ما بتصلح
ابدا
ابدا
ابدا
مهما الزول حاول يلتق
ويلصق
ويرمم
ما بتصلح
ياخ ما بتصلح
بالرغم من كل القلتيهو
وكل الادلة والشواهد
وانا كنت معاك في كل القلتيهو
بس جيت اغيررأي
و بقول ليك لا ما بتصلح
رمضان كريم
وتصومي وتفطري على خير
اقتباس:
المشاركة الأصلية كتبت بواسطة بت أم درمان
اقتباس:
المشاركة الأصلية كتبت بواسطة بت أم درمان
برة النص :يا أخوانا البنية دى الزعلا منو ... :mad::mad:اقتباس:
المشاركة الأصلية كتبت بواسطة بت أم درمان
وخلاها تغير رأيها ...
شوفو هنا ... :cool::cool:
أنا لو عرفتو ما بخليهو ... :mad:
وسوطى جاااااااهز ( سبجك ... سبجك ) والسفروق بشيلو من صاحبنا داااااك بتاع الانقلاب ... :cool::cool:
جوة النص :-يا بت أمدر ...
مافى شئ ما بتصلح ...
بس أي كسر داير ليهو زمن كافى عشان يتجبر ...
وما تتعاملى بى ردود الفعل ...
ولحظة الغضب الدنيا بتبقى سوداء ... لكن حبة حبة الغضب يتفشى والواطة تفتح لامن تشرق وتبقى الدنيا زهور وورود ...
أنا غايتو مع رأيك الأول .
وآخر جملة فى الاقتباس جميلة وفيها الدواء الشافى بأذن الله .
سبحان الله
آراء تخليك تشيل صنحك وتصلحه وتخت كسرتك (( من الكسرة الرهيفة))... وتملحها بى مزاااااااج
وآراء تانية تقول ليك ارمى الصحن
وما بينهما تتضح إختلافات الناس ونظرتها للحياة...
ربما نرى المتفائلون هم من يصنعون لنا يوم باكر جميل
ونرى من إكتووا بنار الإنكسار هم من يُحذروننا من القادم المجهول..
((الايده فى الموية ما زى الايده فى النار ))....
اشياء كثيرة جدا يمكن أن نصلحها عن الانكسار ..لأننا نحتاجها ... وتصعب الحياة بدونها لذلك نقوم بعملية لصق وترميم علها تُفيدنا ...
ولكن توجد أشياء أخرى إصلاحها يؤدى إلى إفساد جوهرها وتشويه المنظر العام لها ...
عموماً فى رأيى الشخصى أن مدى قدرتنا على العيش بدون من كسر شيئاً فينا هى ما تُحدد طريقة وخط سير حياتنا ...
ولكن إن كانت لنا القدرة على الإستغناء عن ذلك الشئ حينها تُصبح عملية الترميم عملية مُرهقة نُفضل الإتيان بشئ يُعوض ذلك الفقد ....
بشرط أن لا يظل الكسر داخلنا .... وإلا فما الفائدة من ذلك ....
مع احتراماتى لكى مايسة ....
همسه :- بت امدر رمضان كريم وبمناسبة رمضان دى خليك متفائلة شويه وخليها على الله
اقتباس:
المشاركة الأصلية كتبت بواسطة مايسة
فلماذا لا نكسب ثقة من حولنا - بالتعامل الحسن والتعامل بالظاهر فقط -
معقولة لكن يامايسة الواحد اكون بي وجهين
يعني الواحد يا اما اسامح تسامح كامل واصلح الانكسر من قلبوا جووووا او ابعد
زي ما قلتي لكن اتعامل معاه بدون نفس ياخ دي صعبة شوية
طيب ردود الفعل دي مش على اساسها بتم التعامل مهما كانت ؟اقتباس:
المشاركة الأصلية كتبت بواسطة عوض الكريم الخواض
ولحظة الغضب هي البتخلي الزول يقول ويعمل زي كأنه مافي وعيه ؟
وبعد كده نجي نفتش في اللتيق والتصليح
بس الجووووووه النية دي مش الاعمال بالنيات ؟
وزي ما قلت لحظة الغضب بتسود الواطة
ولمن الزول يصحى ويحاول يصلح
بتكون البلد خرباااانة
الله اكرم يا العاقباقتباس:
المشاركة الأصلية كتبت بواسطة agibmisbah
ومخلياها على الله
اقتباس:
المشاركة الأصلية كتبت بواسطة esmat
ودي اصعب جزئية لان صاحبها غالبا بكون بيدعي ( القوة والتسامح )
ولان جواه في انسان غير متسامح وصعب يغفر فبتلاقيه رغم محاولاته ( مفضوح )
والله ياشبابنا اى شى بتصلح
طول ما الواحد قلبى طيب
اقدر اصلح اى شى واتقبل الاعزار
الدنيا ما بتقيف فى نطقه واحده مدوره
ولو ماقدرنا نصلح حنقيف
لايوجد شئ مابتصلح لو الإنسان تفكر فى:
ويسألونك ماذا ينفقون قل العفو..
والكاظمين الغيظ والعافين عن الناس وبشر الصابرين..
ليست مثاليات ولا حاجة وربنا ماممكن يدعونا لشى اصلا مابنقدر عليو..
البعض حيقول لى العفو مغنمة ولكن لا يصلح البتكسر..
حأقول ليهو أساسا مافى شى مادى اتكسر وانما احساس او شعور انجرح..والعفو بنية خالصة بيبرئ الجروح ولو بعد زمن..
وممكن برضو يبقى شئ من اثار الجرح مدة طويلة وان خلصت النيةفحينها تكون المسألة خارجة عما نملك (اللهم لاتؤاخذنى فيما تملك ولا املك)..
بس الخلاصة التسامح اكبر من كل الجرائم الانسانية..اذا كان هناك شخص يستطيع ان يعفو عن الدم فمؤكد يمكننا تجاوز مادون ذلك..ولاشنو الراى؟
اقتباس:
المشاركة الأصلية كتبت بواسطة بت أم درمان
يااااااااااااااااه
بت امدرمان - وينك يا بت امي - والله مشتاقة ليك
اها بعد شهر رمضان والعيد التعيس اقصد السعيد فات
جيت وعايزة ارد عليك -
واقول ليك
ليه كدا :confused::(
- اتمني تكوني بخير
اقتباس:
المشاركة الأصلية كتبت بواسطة عوض الكريم الخواض
الاخ المتميز جدا الخواض
سلمت - من كل شر - ودا الكلام الصح
كل شئ قابل للتصليح -
ان الله رؤوف رحيم
اتفق معك - نوعا مااقتباس:
المشاركة الأصلية كتبت بواسطة العاقب مصباح
من البداية - اصلا كيف تتم عملية الترميم اذا اطلقنا عليها هذا المصطلح
تبدأ بقياس اهمية المتسبب في الانكسار - بالنسبة لنا -
اذا كان لدينا القدرة على العيش بدونه اذا تم فقده فهذا بدون اي جدل لا يهم ان نقوم بالتصليح ولا الترميم ايضا
ولكن تاتي الاهمية بضرورة تصليح الانكسر عندما يكون هذا الشخص يمثل بالنسبة لنا مكانة داخلنا ويتربع في هذه المكانة - ويحتل حيزا كبيرا - وبفقده تختل الاوزان -
في هذه الحالة بتخيل - يجب مراعاة الانكسر ومحاولة مداواته بالرغم من كل شئ .
ميسو يابت امي
ازيك
موضوعك طول طول لكن يااااااااااااااااااااااااااااداااااااااااااااااااا اااااااااب شفته والله
ومريت علي كل المتداخلين
ولقيت روحي مع راي اسمت بالانجليزي العريس النفض الكيس الله يطراه بالخير
ومع راي ملكتنا العزيزة شويه كمان
عندي بيت شعر بحبه جدا رغم اني ماحفظاه كويس
لكن اعتقد هو كدا
حافظوا علي صون القلوب من الاذاء فرجوعها بعد التنافر يعسر
ان القلوب اذا تنافر ودها مثل الزجاجه كسرها لا يجبر
اما راي الشخصي فالمتداخلين في خلط بين السماح وتصليح الانكسر
ورجوعها ذي ما كان
ممكن اسامح ممكن اغفر ممكن امشي الحال
بس الجرح يبقي في القلب اكيد
ومستحيل ارجع ذي الاول (( طبعا دا بالنسبه للجرح الغائر))
وماممكن انافق
اضرب مثل ووووووووووووواضح في بعض الاخوان مثلا في المنتدي هنا اختلف معاهم في وجهات النظر في الردود ازعل من كلامهم
بس برجع ليهم سريع اول لقاء بيهم
في نوعيه من خلال اشياء معينه مست جوايه شيء لاينفع فيه جبر ولا جبيره ولا جبص
ديل لا استطيع مع قلبي شيء تجاههم
وقال الرسول ( صلى الله عليه و سلم ) الهم لا تلمني في ماتملك ولا املك
فالبكسر وبصر علي الرضرضه ماعندوة عندي مكان ولامحاوله للتصليح والترميم
وراجعة ليك تتتتتتتتتتتتتتتتتتتتتاني