خبر صباحي سيئ !!!!

اقتباس:

---

المشاركة الأصلية كتبت بواسطة غلباوى

المسافر يديك العافيه
ياخ خليتنا نقوم نأشر قبل المواعيد...... واليك وللاخوه الكرام الخبر اليقين
يظل الوضع علي ما هو عليه وعلي المتضرر اللجوء للقضاء....
انا اتخارجتا (تاشيره و بطاقة خدمه وطنيه)

يا مسافر الله يرجعك بالسلامه يااااخ جهجهت الخلق ...اليوم مشيت اشرت وسالت و ما في اي ضرائب( لكن الظاهر زولك عليه متاخرات)
تكله: الحكومه فيها شويه رشد لسع!!!!
ادوها صنه ...و البأشر بعد يومين علي مسؤليته ..انا كلامي حده باكر الصباح والله يحينا
سلام مريع

---

تحياتي أخي غلباوى
أنا أول واحد بتمنى بأن الكلام ده يكون
غير صحيح وإن ما رأيته من إيصالات
تكون غير ما هو عليه . . . لأني متضرر
زي أي زول . .
ويا يوم بكرة ما تسرع تخفف لي نار وجدي !!!!!

اقتباس:

---

المشاركة الأصلية كتبت بواسطة ضياء الدين محمد يوسف

اخونا المسافر

أنت القال ليك منو الضرائب اتلغت من أصلوا؟؟؟؟؟؟

---

على حد علمي إتلغت بعض المهن وفي حدود
الراتب ، ولكنها موجودة لباقي المهن . . . . .

تخريمة
والله بالغت عديل كده أول شيء غيرت إسمك
وعملت ( نيو لوك ) والله ما عرفتك عديل كده .
حمدلله على السلامة يا فارسنا والله ليك وحشة
كبيرة ووينك مختفي ؟

اقتباس:

---

المشاركة الأصلية كتبت بواسطة ضياء الدين محمد يوسف

كدى نرجع للقرار ونشوف الحاصل شنو

إعفاء 96% من المغتربين من المساهمة الوطنية
أعلن الاستاذ تاج الدين المهدي الأمين العام لجهاز السودانيين العاملين بالخارج عن إعفاء الموظفين والعمال في دول المهجر من ضريبة المساهمة الوطنية وتخفيض نسبة 25% للمهنيين إعتباراً من يناير الجاري وقال المهدي في مؤتمر صحفي عقده أمس بوكالة السودان للأنباء أن الإلتزامات المالية كانت عبئاً يؤرق المغتربين وأضاف الامين العام بأن الاعفاء جاء امتداداً طبيعياً لعطاء المغتربين تجاه وطنهم.
وكشف المهدي عن تكوين لجنة مشتركة من الجهاز وديوان الزكاة والضرائب والجمارك لوضع آلية تنفيذية للاعفاءات.
واوضح المهدي بأن شريحة المهنيين من المغتربين تمثل فقط 4% من جملة السودانيين العاملين في الخارج موضحاً أن العاملين والموظفين يمثلون (96%).
وشملت القرارات تخفيض المساهمة الوطنية من 220 دولاراً الى (150) دولاراً للمهنيين وهم الاطباء والقانونيون بكل تخصصاتهم والمهندسون حملة البكالريوس واساتذة الجامعات.
وكشف الجهاز عن قرار المجلس الاعلى للزكاة القاضي برفع حد التكليف لزكاة المغتربين الى (3683) ريالاً بدلاً من (2000) ريال سعودي اعتباراً من أول محرم 1427هـ. واكد الامين العام للجهاز الدكتور تاج الدين المهدي ان القرار سيعفي العمال والموظفين (ما يعادل 70% من جملة المغتربين) من الزكاة وقال ان المجلس ترك تقدير اخراج الزكاة للعام 1421هـ للمغترب نفسه ويخرجها بطريقته وفقاً لظروفه.
وأوضح الأمين العام في مؤتمر صحفي امس ان الجمارك اعفت الامتعة الشخصية للمغتربين العائدين عودة نهائية بجانب الإعفاء الكامل من الرسوم الجمركية على العفش بما فيه الأدوات الكهربائية والاثاثات الشخصية للمغتربين العائدين عودة نهائية بجانب الإعفاء الكامل من الرسوم الجمركية على العفش بما فيه الأدوات الكهربائية والاثاثات والادوات الموجودة بالمنزل.
وأكد الامين العام ان الجمارك عدلت الماده التى تحدد الموديل حيث اصبح بنظام دفتر المرور الجمركي (التربتيك) وهذا النظام يتيح دخول كل الموديلات عدا موديل 2006م الذي يشترط فيه ان تكون السيارة قد سارت 10.000 كيلومتر.
وكشف عن نظام تطبيق الإجراءات عبر النافذة الواحدة لتسهيل الإجراءات مؤكداً سعي الجهاز مواصلة لمساعيه من اجل تذليل كافة العقبات، وذكر الدكتور ان الإجراءات التى منحت في الفترة السابقة لم يستفد منها المغتربون بل استفاد منها السماسرة.

---

طبعاً القرار ده يا فارسنا كان سنة 2006
وهسه غيرو الأمين العام لجهاز شؤون
المغتربين والأهم ( البترول قيمتو نزلت )
يعني أي شيء حتغيير .

اقتباس:

---

المشاركة الأصلية كتبت بواسطة غلباوى

اخونا ضياء الدين سلامات
والله القرار المعاك ده ياهو الحاصل .. لكن انا فهمت من المسافر انه اتلغي والخلق كلها ترجع تدفع زي اول.. وانا مشيت المغتربين اليوم وعملت تاشيره عشان نقطع الشك باليقين ....وهم قاله ما عندهم خبر بالكلام ده يعني كلام المسافر !!( هو المسافر ده مسافر وين .. امكن ياخدو منه ضرائب عشان سفره المتواصل ده....)
وقمنا اتخارجنا لحد ما يظهر لينا صاحب...

---

حمدلله على السلامة ، لكن ما تضمن
إلا ما كراعك تطلع برة !!!!!!!!!!!!!!!

هنالك فئات معينة تم إلغاء المساهمة
إعتباراً من 2006 على ما أعتقد وهذه
الفئات تم إعادة تقييم لها مرة أخرى
وأصبح بدل الإعتماد على الوظيفة
في الإقامة الإعتماد على المؤهلات
العملية دون النظر للوظيفة .

اقتباس:

---

المشاركة الأصلية كتبت بواسطة المسافر

حمدلله على السلامة ، لكن ما تضمن
إلا ما كراعك تطلع برة !!!!!!!!!!!!!!!

هنالك فئات معينة تم إلغاء المساهمة
إعتباراً من 2006 على ما أعتقد وهذه
الفئات تم إعادة تقييم لها مرة أخرى
وأصبح بدل الإعتماد على الوظيفة
في الإقامة الإعتماد على المؤهلات
العملية دون النظر للوظيفة .

---

يا حبيبنا المسافر
عشان كدا نحنا طوااالي بنطالب بالوثائق وكدا
تم إلغاء المساهمة من 2005 والخبر دا طلع في
جريدة الخرطوم قبل شهر بالضبط وعشان انا حالياً
الجريدة ما عندي (يعني ما املك التوثيق) ما اقدر اتكلم
لكن راجع جريدة الخرطوم الدكتور كرار التهامي اعلن الحتة دي
وعلى ما اعتقد المساهمة 100 دولار بالنسبة لي فئة معينة
المهم انا بشوف التوثيق وبجيك - اوكي

اقتباس:

---

المشاركة الأصلية كتبت بواسطة محمد هاشم

الله يسألك في زكاة في الدنيا بزيدوها مش الزكاة دي مقدار محدد لا أنا لا انت لا غيرنا بيغيروا
يقول الله تعالى : ((وَالَّذِينَ فِي أَمْوَالِهِمْ حَقٌّ مَعْلُومٌ، لِلسَّائِلِ وَالْمَحْرُومِ))

فحقو ما نبالغ فيما ننقله من أخبار
واجو منك أنت نفسك التثبت فيما تنقله من أخبار
قال تعالى :{يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }

---

حياتي شيخنا محمد
عمر مباركة أو حج مبرور

يا أخوي كلامك ده موجه لمنو ؟
نحن عارفين شروط الزكاة ومنها ( النصاب )
و ( حولان الحول ) و ( وأن يكون فاضلا عن الحوائج )
والبحصل في المغتربين ده ما عندو أي علاقة بالحاجات
دي ( يعني إستغلال ركن أساسي في الإسلام
لكسب مادي رخيص ) وده تلاعب واضح بإسم
الدين .



وبعدين المبالغة بتجي وين ، فيكفي
أن أقول لك نحن الدولة الوحيدة
التي بتعامل مع المغتربين بهذه
الطريقة ( ضرائب ، زكاة وهمية ،
خدمات . . . ) ، ياللا شوف منو
البالغ !!!!!!!

رسل لي إيميلك وبرسل ليك
صورة الإيصالات السابقة والحالية
لشخص أتى من السودان قبل
5 أيام .
ودعنا من نسخ ولصق الآيات ووضعها
كهذا .

اقتباس:

---

المشاركة الأصلية كتبت بواسطة الجندي المجهول

اخي ابو زيد ابصم بالعشرة ( مع انني لا اعرفك لم اقابلك ولا حتى في الاحلام) ولكن كأنني اعرفك اجلس معاك كنا ساكنين في بيت العزابة سوا ( انت جيت من الاخر كدا وعرفت القصة وفصولها ياريت الناس الباقية تفهم ؟ والناس الباقية ( ما تكابر) ) . وشكرا


تخريمة :

في فيلم اسمه (دعوني اعيش ) شاهدته ام لا ؟

---

الاخ الغالي - محمد ( الجندي المجهول )

تحياتي وفائض اشواقي

والله اعتقد انو مافي حد بيكابر في الخطا
واذا كابر احد في خطا فذلك مغرور

وده حقنا ياحبيب
لازم الناس تطالب بحقوقها
وما ضاع حق وراءه مطالب


اسعد بوجودك بيننا

تخريمة ؟: :

كرهتي في الدنيا افلام الجماعة ديل

دعوني اعيش ده هو فيلم وللا قصة حلاق ؟ ؟ ؟! !

تخريمتين : _

ياغالي ارسلت ليك كمية من الرسائل قبل وبعد حضور الوالدة الغالية
بس كل مرة بريدك مليان
ياخي فضي بريدك ده

وجده غير
جده غيييييير

لك كل ودي

اقتباس:

---

المشاركة الأصلية كتبت بواسطة المسافر

حياتي شيخنا محمد
عمر مباركة أو حج مبرور

يا أخوي كلامك ده موجه لمنو ؟
نحن عارفين شروط الزكاة ومنها ( النصاب )
و ( حولان الحول ) و ( وأن يكون فاضلا عن الحوائج )
والبحصل في المغتربين ده ما عندو أي علاقة بالحاجات
دي ( يعني إستغلال ركن أساسي في الإسلام
لكسب مادي رخيص ) وده تلاعب واضح بإسم
الدين .



وبعدين المبالغة بتجي وين ، فيكفي
أن أقول لك نحن الدولة الوحيدة
التي بتعامل مع المغتربين بهذه
الطريقة ( ضرائب ، زكاة وهمية ،
خدمات . . . ) ، ياللا شوف منو
البالغ !!!!!!!

رسل لي إيميلك وبرسل ليك
صورة الإيصالات السابقة والحالية
لشخص أتى من السودان قبل
5 أيام .
ودعنا من نسخ ولصق الآيات ووضعها
كهذا .

---

أخوي المسافر أنا هنا في الدوحة من ما جيت والله العظيم والله العظيم ما في زول سـألني من ضرائب ولا بعرف درب السفارة دي بي وين ومشيت ليها مرة واحدة عشان اجدد جواز المدام كل الدفعته 50 ريال وشهر أربعة الماضي نزلت السودان لي ظرف طارئ 3 ايام الخميس والجمعة والسبت يعني جهاز المغتربين اجازة الجمعة والسبت في نفس يوم وصولي الخميس مشيت جهاز المغتربين كل الموجود كان رسوم خدمات 65 الف والموظف قال لي لو عايز تدفع ادفع ولو ما عايز عليك يسهل وعلينا يمهل للمرة الجاية وعملت التأشيرة والله في اقل من نص ساعة وبعدين مشيت لي أهلي
أخي كلامي دة والله غرضي منه اننا ننتقض نقض بناء يؤدي إلى تصحيح الاعوجاج وده كلام مطلوب وفي كل دول العالم حاليا حتى دكتور الجامعة بعد المحاضرة بيوزع feedback
على الطلاب علشان يعرف هو سوى شنو فخلينا ننتقض نقض بناء بدل الاخبار السيئة الصباحية الي ما معروف مصدرها أو صحتها