كشكول ود مدني

ضحكتني يا myrelan ، قاعد براي اضحك زي المجنون
والسهور ينتهي الساءة كم يا مهيره؟ وكمان بالميكروفون، التاية دي لذيذة خلاص

سلام أولادنا وبناتنا حبايبنا ،،،
جاتني الرسالة دي من واحد مسطول والظاهر أنو طول ما لاقي ليه طريقة لأنو كان هنا (السعودية)
(عالم مركب بالغلط ،، طابونة بتبيع آيسكريم ،، راكوبة في نص الزلط ،، كديسة لابسة فنيلة كت ،، مستر عتود لابس شبط لحفلة رابة رب ،، وفنانا بط ،، التيس ببشر في الغنم ،، وخرفان مسننه واقفة لط ،، عالم غررررررررررررررررريب

واحد مسطول شديد وقع في حفرة ،، بعد مسافة كدة قام حاول إنو يطلع من الحفرة فما قدر ،، قام تاني مرة وما قدر ،، وأثناء ماهو قاعد في الحفرة كده قام وقف علي طولو وأتنفض وقال المرة دي كان ما قدرت أنا حا أمشي ،،،،

انجاز جديد لموقع ومنتديات ودمدني .... موضوعك يا عمك تنقو من روعته لفت انتباه الصحافه له .... وشدوا حيلكم يا شباب مع عمك تنقو ....... وإلى الامام دوما انشاء الله

http://www.wadmadani.com/up/pic/madaninews.jpg

فواصل ومعذرة لعزيزي العيدروس

طرائف نت

ظرفاء مدينة مدني
http://wadmadani.com/
موقع ودمدني علي الانترنت انشأه ابن مدني المغترب بمدينة جدة الاستاذ ابوبكر محمد المبارك وهو يديره بمعاونة العديد من ابناء مدني الذين يرفدون الموقع يومياً بموادهم المنشغلة بهموم مدينتهم..
وهو موقع يهتم بالكثير من الفعاليات بمدينة ودمدني ومن خلاله يمكن مطالعة الكثير من ابداع ابناء مدني بالداخل والخارج اضافة الي اهتمامه بالمنتديات الثقافية والاجتماعية والرياضية وزد علي ذلك تفرده في مجال التوثيق لمدينة ودمدني بالصور التي تبين معالم المدينة.
(ونسة) في تجربة جديدة نعد بان تتكرر .. اقتحمت علي ابناء مدني خلوتهم وخصوصيتهم وخرجت من الموقع ببعض الطرائف التي حكوها عن اطرف الشخصيات في مدني .. ومن هنا نوجه حكومة ولاية الجزيرة الي هذا النشاط الكبير الذي نتمني ان يتم اعتماده رسمياً نافذة تطل منها مدني علي العالم رسمياً وشعبياً والعمل علي تطويره ودعمه بكل ما يحتاج اليه.
هذه الطرائف تناوب ارسسالها كل من ود المأذون ، عمك تنقو، مهيرة ، ابوريان ،راشد وابوبكر حامد..مشرف الموقع


(( حريقة في مدني ))

حريقة أشهر سمسار في ود مدني بعد افطارنا في يوم جميل بالغيوم عند عمك الفوالي في فبراير الماضي
وجدنا اتنين من أبناء شرق النيل كان والدهم توفي عليه رحمة الله قبل مدة
يتغالطون في مكان قبر أبيهم الذي دفن في مقابر ود مدني 0
وكان خلافهم في أن القبر الذي ذهبوا اليه لم يكن هو بالتحديد فالتفت اليهم حريقه وكانوا من معارفه :
انتو أبوكم ده 00 دايرين تدوا الفاتحة ولامصاريف !

(( 8 بيض))

في حى الهوارة مطعم حاجة زهرا وتصادف وجود الصاروخ وبعضاً من رفاقه من حى المدنيين وكانوا بصدد دفع حسابهم بعد تناول العشاء ودار الحوار التالى بين صابر والصاروخ:
الصاروخ : أها حسابنا كم ياصابر.
صابر : طيب عندكم 4 فول - 3 طعمية - 2 سلطة - 8 بيض
الصاروخ : 8 بيض أصلو نحن اتعشينا ولاخبزنا
هنا انفجر الجميع بالضحك ومضوا فى سبيلهم حامدين للمولى أن أسكنهم مدنى الجميلة معنى ومبنى.

(( شيخ العرب ))

حدث ذات يوم بمقابر مدنى والظلام الدامس يلف المكان فأحضر أهل المتوفى مولد كهربائى " جنريتر " ولسبب ما تعطل الجنريتر فأقترح البعض عمل مجرى فى الأرض وسكب الوقود من الجنريتر وأشعلت النار للإستعانة بضوئها فى حفر القبر وبينما الجميع منهمك بالحفر إلتفت شيخ العرب لجثمان المتوفى وخاطبه بصوته الجهورى قائلاً :" الله إستر عليك شايف نارك ابتدت من هنا " .
وهنا انفجر الجميع بالضحك بما فيهم أهل المتوفى وتلك كانت إحدى وسائل التعزية التى يقدمها شيخ العرب عليه رحمة الله لأهل المتوفى إضافةً لحفر القبر دون أجر اللهم إلا أجر الآخرة والآخرة خير وأبقى.

(( بيت في مكة ))

حريقة السمسار عرض ليهو بيت يتكون من غرفتين وبرندتين لواحد من اخوانا مغترب في السعوديه
قال ليهو البيت ده بي كده ! وحدد ليهو السعر
أخونا قال ليهو السعر ده كتير والله وأنا مشيت الحج السنة واصحابي في مكه قالو لي الأوضتين والبرندتين بي كده في مدني 00 وأقل من سعرك ده بي كتير!
وبعد شد وجذب حريقه عرف الزول ده نط !
التفت قال ليهو :
أسمع يا اخي مكه دي فيها خلف خلاف !

(( خروف))

بمناسبه الصاروخ:::: في عيد الضحيه طبعا الناس بتشتري الخروف من القبه والزريبه عمك عشريه الله يرحمه كان لابس اسود في اسود واشتري خروف لونه اسود وفيه بقع بيضاء وجا ماشي لبيتهم وسايق الخروف قدامه بحي المدنيين وكان الصاروخ واقف وشاهد الموقف وقال لعشريه اها الكوره الليله وين الحاكمه دي؟
طبعا عمك عشريه رجع الخروف خاف من العين وبدله

((عينه حارة))

جا واحد عينو حارة شديد ومعروف لدي الجماعة
عاين للكديس كده وكان ما شايف ضنبو
قال ليهم :
يا اخوانا التلفون مبروك
أنقر تاني الكديسة قامت !!!

((واطة بالشرق))

قبل حوالى سبع سنوات إشترينا خروف الضحية وزارنا أحد أصدقاء شقيقى عثمان وسالنا إشتريتو الخروف بى كم فأخبره عثمان بالسعر وكان 165 ألف وهنا انفجر الرجل ضاحكاَ وهمس لعثمان " كان تكملوا عليها وتشترو أرض بالشرق" .

((حيدرة قطامة))

خاشين فيلم جانوار طبعا هو اشتغل في سينما الخواجة سنة كاملة في يوم خاشين الدور الاول من الساعة ستة مساء
الصف قطر بس
في حلبي جايب ليهو عسل انجليزي في علب مرسوم عليها الاسد والله نسيت اسمه وكان مشهور في السودان 00 والعسل ده علبه ( طاقة ) يعني Expiry date مدته منتهيه وشايلو في قفة وقاعد جنب ست التسالي مع مدخل باب السينما وبكورك 00 العلبه بي قرش ونص بس !
طبعا ده زمن خرافي بالنسبة للجيل الحالي حيدر قطامه كان في الصف في واحد من العرب ديل 00 شلقان قام قال للحلبي 00 اسمع الواحده بي قرش ونص 00 أديني عشرة قام حيدر قطامه قال ليهو 00 عشرة !علي الطلاق واحده تجيب أجلك !

(( شلاقة ادريس))

القفشة الآتية فيها بعض الغرابة إذ حدثت داخل المحكمة الشرعية بمدنى وذلك أمام مولانا عركى وكان النزاع بين رجل وطليقته حول تكلفة إنشاء مبنى فى بيت الزوجة ، ويتواجد داخل قاعة المحكمة أطراف النزاع والمحامين إضافةً لحاجب المحكمة ويدعى إدريس وهو من عيال شرقنا الحبيب وأهم مايميز إدريس هو الشلاقة بكل معانيها ، وعند استجواب أحد الشهود أفاد الشاهد أن المدعى عليه تكفل بمنصرفات البناء فهو على سبيل المثال أحضر أربعة أدوار رملة ، وهنا فاجأ إدريس الحضور موجهاً سؤاله للشاهد " الرملة باللورى ولا بالقليبة " وهنا صعق الجميع بإستثناء مولانا عركى " أدب متصوفة " وقد تواصلت الجلسة وعند الإنتهاء من استجواب الشاهد وجه مولانا عركى سؤاله للحاجب قائلاً : أستاذ إدريس عندك سؤال للشاهد " وهنا ضجت قاعة المحكمة بالضحك إذ السؤال يوجه عادةً لمحامى الأطراف غير أن مولانا عركى وجهه لحاجبه إدريس الذى نال من القاضى لقب أستاذ.

((كرت احمر))

شقيقى الأكبر محمد " كوارة " مشهور بعشقه للأهلى مدنى ويتعصب أحياناً ويشتم الحكام ، مما يعرضه للطرد من الإستاد بواسطة ضابط إسمه حسنين من شرطة أمن الملاعب ، وفى إحدى المرات ذهب كوارة للإستاد وأعطى موظف التذاكر مبلغ ألف جنيه ، وهنا احتج الرجل بإعتبار قيمة تذكرة المساطب الجانبية ألفين جنيه وهنا أصر كوارة على طلبه قائلاً :
" أقطع لى شوط واحد لأنو الثقيل ده ما ح إخلينى أكمل الكورة

((مجلس بلدي))

الخال يعقوب " الشيخ " مشهود له بسرعة البديهة .
يحكى أنه وإبان عمله بالرى وكان هنالك كشف ترقيات سنوى وتتوقف الترقية فى المقام الأول على تقرير مديرك المباشر ومدى تقييمه لمستوى أداءك
وعند مطالعة الخال يعقوب لكشوفات الترقية لم يجد اسمه بين المترقين ، فذهب يبحث عن تقييم الأداء من خلال تقرير مديره ، وهنا فوجىء الخال يعقوب بالتقرير الذى انحصر تقييمه فى عبارة " وسط " ، فما كان من الخال يعقوب سوى اقتحام مكتب المدير ، وهنا تفاجأ المدير بإنفعال يعقوب الذى لم يترك له
مجالاً للتوضيح إذ ابتدره قائلاً :
" ياخى كل مرة تقديرى وسط ، شنو الحكاية أنا موظف وللا مجلس بلدى "
.
((ايجار بحر))

قالوا سنطه الله يطرا بالخير مؤجر ليهو كشك لي واحد ببيع فيهو السمك !
كل يوم سنطه ناطي بموتره الفيسبا ويجي ليك للراجل في الكشك إيه يا معلم الراجل المسكين يومي يدي ليك سنطه 00 سمكتين قام الراجل زهج واشتكي سنطه لي زراع زراع جا ولبد ليك في المحل تاني يوم
جييييييت يا سنطه بالفيسبا
إيه يامعلم !
بس قام ليك عليهو زراع
أسمع يا سنطه الراجل ده إنت مؤجر ليهو الكشك ولا البحر !!

(( بتاع الشاي))

على سيرة زراع يحكى إنو زراع اختلف مع واحد من بياعين الشاى فى السوق الكبير وكان معروف عن بياعين الشاى التأشير فى جدران البرندات لزوم حساب مديونية كل دكان ، ويحكى أن زراع غضب من أحدهم وهدد بطلاء جدران السوق بالجير وكده يروح الحساب على أخونا بتاع الشاى.

(( بنزين قش))

النكتة التانية لزراع مع سواق كارو من النوع الذى تجره الحمير وقد صاح صاحب الكارو فى زراع مستنكراً عليه عدم إفساح الطريق للكارو وهنا رد زراع غاضباً:
إنت ياخوى قايل نفسك سايق عربية
إنت بنزينك قش ... وفراملك بس.

(( ضحك في بيت البكا))

أيام الثانوية في مدني بنات عندنا شلة جنها ضحك 00 غير الضحك ماعندنا حاجة
ويومنا الما نلقي ضحك نمشي نشتريهو ( في الداخلية ) من التايه الله يطراها بالخير وهي بت عرب اصيلة من ضهاري الجزيرة والنكته عندها معلقة في حبل بس تتناول !
زميلتنا في المزاد توفي والدها عليه رحمة الله ومشينا العزا والشلة كلها تضحك قبلي ما ندخل نعزي !
حبينا نخلق أي حزن ونطرد الضحك ما قدرنا 00 المهم دخلنا فاذا بها نفاجأ بالتايه وهي تسكلب ( الليلة ووب علي ) 00 واردفتها بكلمة ( الفاتحة يا شباب )
ومات الجميع من الضحك حتي اهل العزاء !

((جمعة الفار))

زراع قاول جمعة " جمعة الفار أسم الشهرة" عشان يعمل ليه ضفيرة بالطوب " ما بالسيراميك " في البيت وجمعة قام بالواجب وأكتر عشان خايف من لسان زراع " وطبعاً جمعة ده دفعتنا في مدني الثانوية" وبشتغل بناء في الحلة الجديدة وراجل فوراوي لطيف وياريت يكون واحد حضر العرس بتاعه في الحلة ،، المهم زراع غنج علي جمعة وما أداه حقو وجمعة قام زاع ليك الموضوع في الحلة بأنو زراع ما أداه حقو " ونيتو أسمع ليه قفشة من زراع بدل المقاولة بتاعتو ،، وجمعة الفار كل ما يشوف ليك زراع يزوغ عشان عارف لسانو ويوم زراع قبض ليك جمعة بتعشى في دكان في الحلة ومعاه الشلة بتاعتوا قام زراع عاين لجمعة " وطبعاً بتاع الدكان عارف الموضوع " عاين لجمعة وعاين لبتاع الدكان والجميع منتظر ردة فعل زراع فقال لبتاع الدكان بأدب شديد عليك الله يا مصطفى ما عندك سم فار بتاع الدكان أستغرب شديد قام زراع قال ليه والله عندي فار الأيام دي مجنني وعاوز ليه سم يسكتوا

((3 ورديات))

ناس النسيج طبعاً بشتغلوا ثلاثة ورديات ويوم في أيام البرد الشديد زراع جاي من حفله ونزلوه قريب للبيت الساعة كانت أربعة ونص صباحاً فهو داخل ليك على الزقاق بتاعم كده لقى ليك جماعة تحت الحيطة ومعاهم بنات واقفين في السقط الشديد داك هي بسم الله ما لكم ياجماعة إن شاء خير في زول مات في الفريق ولا في زول عيان مالكم واقفين في السقط ده قام واحد قال ليه منتظرين بص الشغل يازراع قاليهم شغالين وين أنتو وده شغل شنو ده البقومو ليه قبل حاج أبكر بتاع الجامع ده واحد قاليه شغالين في النسيج يازراع وده أكل عيش فقام زراع عاين ليه كده قال ليه كان دايرين تاكلوا باسطة كنت عملتو شنو يعني

((جيب طلب))

حموري الكبير فاكهة ود مدني
مشي الري عشان يتعين وكان اسمه ( يلالي ) وشهرته فاتت حدود الكرة الارضيه حسب تعصبنا له !
قام وكيل الري قال ليهو احنا لاقينك وين يا حموري !
بس أمشي جيب لي طلب
حموري ركب الموتر ومشي بركات وجاء راجع للوكيل ومعاهو زول تاني 0
الوكيل قال ليهو وينو الطلب ؟
قال ليهو ياهو ده طلب صاحبي شغال في بركات !

((بلاغ))

تفاجأ الشرطى النبطشى بالقسم الأوسط بمدنى ذات مساء بشاب فى مقتبل العمر وهو يطلب من الشرطى فتح بلاغ ، وعند سؤاله عن الجريمة محل البلاغ أفاد أن الجريمة هى تدفق المياه من إحدى المواسير ، وهنا انتهره الشرطى : " يامتخلف قالوا ليك أمشى سوى بلاغ لناس الموية مالى قسم الشرطة

((كرفتة صقط))

فى أولى سنوات عملنا كمحامين تحت التدريب كنا نذهب للمحكمة لقضاء بعض
المهام وبعد إنجازها نخلع الكرفتة للمزيد من التحرر ولأن الناس فى مدنى لديهم
حدة طبع تجاه من يعمد للتميز الزائف ، عموماً قلعت الكرفتة والتقانى أحد
الأصدقاء وهو سليط اللسان ودار بيننا الحوار التالى :
- شنو يا أستاذ وين الكرفتة ؟
* والله انت عارف مع الحر الواحد بكون مخنوق .
- والله أول مرة أعرف إنو الكرفتة عملوها للصقط " يعنى الشتاء "

((الحرامي دقس))

وإليكم نكتة إبن أختي الصغير أحمد ميرغني وهو الآن يدرس بجامعة الجزيرة ووقتها كان صغيراً عمر خمس سنوات وقال لي بمناسبة تخرجي من الكلية الحربية،،
تعرف يا خال قالوا واحد حرامي نط في بيت واحد عسكري ،، وهو في الحيطة العسكري صحي ،، وقال ليهو ثابت يا زول ثابت محلك ،، والله ترجع الشارع أديك طلقة ،، تقيف في الحيطة أديلك طلقة ،، تنط جوه بيتي أديلك طلقة ،،، فقام الحرامي وقف مسافة كده وذي الأجنحة كده فرد يديهو وقال ليه نتير ( نطير ) يعني ولا شنو ،،،

((استاذ بطه))

فى مدرسة الدباغة الإبتدائية - جوار مورده الحطب قرب شاطىء الأزرق الساحر وفى فترة جميلة من السنوات الحلوة التى سرقت عنوة ، كان ضمن أساتذة المدرسة الأستاذ/ وزه ربنا يطراه بالخير ويمد فى أيامه وكان يهابه الجميع من الطلبه ، وفى يوم من الأيام أحد الطلبه كان متخوف ويتحدث لأحد زملائه وفى أثناء خوفه داير يقول ليه أستاذ وزه طارت منه كلمة وزه وقال له أستاذ بطه فقام الطالب بإفادة أستاذ وزه وقال له فلان قال أنت أستاذ بطه وأحضر أستاذ وزه الطالب وسأله كيف تقول أستاذ بطه فقال له أنا ما قلت بطه يا أستاذ قال ليه قلت شنو طيب والطالب خائف قال ليه أنا قلت ليه أستاذ هناى بتير كدا ما بطه وبدأ يوصف بأيديه كأجنحه طايره هناى بتير كدا وطبعا بلغة أهلنا الفلاته وأستاذ وزه يضحك داير يموت من الضحك فى هناى بتير كدا ما بطه .

http://www.alsahafa.info/news/index....&id=2147495543

هههههههههههههههه

والله يا عمك تنقو بمناسبة "بتير" دي

ذكرتني نكتة ادروب

قال الصيني لم ليك في ادروب شلاليت وبنيات وينط ليه بي فوق لغاية بعد تعب ادورب قبض الصيني وهجرو في الواطة لغاية ما الناس اتلمو قدر ما حنسو ادورب عشان يفك ادروب ابى يفك الصيني قالو ليهو ليه ما عايز تفك ، قالو ليهم ... يتير ... يتير

أحمد عبد الكريم الشهير ب " شطة " حاضر البديهة ويتمتع بخفة الدم، انتقل مع

اسرته لحى بانت شرق مدرسة المؤتمر الثانوية فيما يعرف بتعويضات المدنيين.

البيوت المحيطة بهم أغلبها عمارات شاهقة وغاية فى الجمال ، هم شطة ذات

مساء بمغادرة البيت فجاءه صوت والده طالباً منه البقاء فى البيت ، فرد عليه

شطة ساخراً :

وينو البيت يابوى ، ده عامل زى الرِدا وسط العمارات دى.

** الردا هو زى طلاب الإبتدائية والمتوسطة على أيامنا .

صلاح الحارث أو " الحارس " من ظرفاء مارنجان ، وعلى أيام دورة الشهيد

أبوليلى بميدان بانت ، كانت له العديد من المناكفات مع بعض الأشخاص من

الأحياء الأخرى وكانوا يتهمون أهل مارنجان بأنهم عرب " روس " وكان صلاح

يدافع عن أهله ، وحدث ذات مرة أن ناكفه بعض شباب حى 114 فغضب صلاح

ورد عليهم ساخراً :


" إنتوا من شدة ماظروفكم صعبة لو عاوزين تلعبوا شليل تمشوا تفتشوا العضم

فى الدرجة " .

مبدع يا أبوبكر

هولي الأهلاوي المعروف لا قي زراع أطال الله عمره وأبقاه لود مدني وأهل مدني ويديهو العافية والصحة وذلك نسبة للاخبار المغلوطة بالخطأ والتي وصلت الينا وأنا شخصيا أبدي إعتذاري للاخ زراع والاخ 114 لوضع زراع بأنه غايب
عن الحياة واستغفر الله العظيم والحمدلله علي صحته وعافيته والراجل موجود بمدينة جدة بالسعودية 00

المهم هولي لاقي زراع وهولي ده عصاية بس 00 ضعييييييييف واهلاوي متعصب وزراع اتحادي موت 00 هولي قال لي زراع أسمع نادي الأهلي صبغوهو بملوينين جنيه سوداني 00 والزمن داك المليونين بساووا بي حساب الليلة مليارين
قام زراع قال ليهو :

أسع نادي الأهلي كان عندو 2 مليون ما كان يشتري ليك جلكوز إدخلك الفورمة !

والله يا بكري كتلتني من الضحك عديل كده

اقتباس:

---

وحدث ذات مرة أن ناكفه بعض شباب حى 114 فغضب صلاح ورد عليهم ساخراً : " إنتوا من شدة ماظروفكم صعبة لو عاوزين تلعبوا شليل تمشوا تفتشوا العضم فى الدرجة "

---

والله صلاح الحارث ده ما عارف بيجيب الكلام ده من وين، ده كلام مساطيل عدييييييييييل كده، ناس 114 زاتهم غلطانين يناكفو زول زي ده حاضر البديهة وما بيفتش للكلام..:p :p

شكراً عمر لحضورك الزاهى ، وليت شباب المنتدى بمثل نشاطك وهمتك.

مع خبى

ود الماذون

SYSTEM
هذا الإسم اللامع في عالم المكانيكا ( عبد الرافع ) تجده مقابل الزاوية الجنوبية الغربية لميدان نادي الأتحاد شمال السوق الكبير أمام احدي محلات الاسبيرات 00 يقصده ظرفاء ووجهاء المدينة 00 راقي التعامل أنيق المظهر سريع البديهة والنكتة وكلمة والتانية يقول ليك ال SYSTEM بتاع الحاجة دي مش مظبوط !

ذهب عبد الرافع في منتصف الثمانينات بعد نيله الشهادة السودانية لأمريكا بغرض الدراسة بمساعدة أحد أقربائه وأصدقائه هناك 00 ولزوم مصاريف الدراسة عمل في طلمبة بنزين يعبيء البترول للسيارات 00 وعند انتهاء الدوام وفي كل يوم إتلحو ليك واحد من الزنوج ديل بمسدسه give me your pocket or i shoot you واستمرت الحالة دي عدة شهور وعبد الرافع ساكت وراجي الفرج أنو الراجل ده ينقطع منو ؟
في النهاية لقي روحو لا بدأ دراسة ولا لمّ قروش المهم يوم لاقي ليك الزنجي وقبلي مايقول حاجةالزنجي 00 system قاليهو :
يا أخي أسمع هاك إنعل أبوك وأبو أمريكا معاك مش البلد دي خليناها ليك !!
فتبسم الزنجي وطبعا مافاهم حاجة من كلام عبد الرافع !
thank you , you are nice man

وعاد عبد الرافع لربوع ود مدني 00

طبعاً ياعمك تنقو ذي ما بنقول كل مرة ذكرتنا أيام جميلة
وللذين لا يعرفون عبد الرافع فهو حفيد عمنا الشيخ الورع بحر عبد الرحمن التاجر المعروف بسوق ودمدني بجانب محمد عواض (والذي هو خال البيعو System أيضاً ) وناس اب سته وخيال العيال والعقد الفريد من باقي السوق القديم وطبعاً كانت قبالتهم الملجة قبل الترحيل (ترحيل الجوازات هاهاهاهه) وعمك أبو ضراع بتاع الخضار وكانت في واحدة عجوز كده بتبيع الخضار برضو ما متذكر أسمها ، وهسع بقت بناية فصلت بين سينما الوطنية وبينهم بالإضافة إلى شارع إتجاه واحد الذي هو إتجاهين ،، ويطلق عليه البيعو لصغر حجمه وكان وما زال لطيفاً ودوداً منذ نعومة أظافره هميماً صاحب بديهة سريعة وأخو أخوان ،، تحياتنا توصله من على البعد عسى أن تجده بخير وصحة وعافية ،، وأيضاً عبد الرافع ما زول غربة ويعشق مدني للحد الذي لم يسعفه على الغربة وعلى فكرة رجع من أمريكا جرسة ساكت وحب لودمدني ،، وقد كان أن حضر إلى المملكة وعمل فيها لمدة بسيطة لم تتجاوز الأشهر ورجع وأيضا جرسة وحب وعشق لودمدني .. وسلام

ياسلام يارشيد على مرورك وذكرياتك عن سوق مدنى القديم وياريت لو تبطل

الكسل وتتحفنا بهذه الروائع .

مع مودتى

ود الماذون

على ذكر أخونا ( هولى ) النحيف جدا و الأهلاوى جدا جدا : فى إحدى مباريات الأهلى و الدنيا خريف نادى زراع هولى و كان قاعد وراهو : يا
هولى انشاالله ما تكون رميت نص التزكرة المعاك ، الناس اتلفتوا لى زرّاع مستغربين ، قام زرّاع قال ليهم : عشان يختها فوق راسو من المطره الشايله دى !!!

هههههههههههههههههههههههههههههههههههههههههههههههه


حلوه ياصدقى

ايام ازمة الخبز في السودان .. حيث كان الناس يتقاتلون امام الافران حتي يتمكنوا من الحصول على بعض الخبز (الرغيف) ان ساعدك الحظ والقوة .. وفي احدى الليالي والمعركة على اشدها اما مخبز برعي بجبرونا جاء احمد عبدالكريم (شطة) وحاول الدخول وبلوغ الشباك فلم يستطيع فصاح في الجمع : يا جماعة والله عايز عيشة واحدة بس اتعشي بيهم .. عليكم الله خلوني ادخل .. فانصاع له الجمع وجعلوه يدخل حتى بلغ الشباك فاذا به يشتري اثنتا عشر رغيفا (12 رغيفة) فساله الجمع : دا شنو ياشطة ما قلتا رغيفة واحدة تتعشي بيها .. فرد عليهم بسرعة : ما دا عشاء 12 يوم يا جماعة

هههههههههههههه

خطيرة يا أبوبكر (( ADMIN))


موسي الثعلب أكبر مشجعي نادي الإتحاد ود مدني 00 كان الإتحاد لاعب مع الشاطيء عطبرة في دوري السودان 00 موسي مشي لي ادارة الإتحاد وقال ليهم 00 ياجماعة الكورة دي دايره ليها تشجيع حار وأنا رايح أشتري لي نوبه
وشتمين لزوم الكيته والتشجيع دحين أدوني قروش 00 ناس الإدارة قالو ليهو : ياموسي أحسن تمشي لي ود بادي رئيس النادي وتتفاهم معاهو 00 مشي لي ود بادي 00 ود بادي حك راسو كده وقال ليهو خلاص يا موسي انت اشتريهم واحنا بنديك من دخل الكورة 00
موسي الثعلب قال ليهو 00 بالله 00 وكان اتغلبتو أفتح بيهم طريقة ولا شنو ‍‍‍0

بسم الله الرحمن الرحيم
في احدي الاجازات دخلت ملجة الخضار وقتها الطماطم شحيحة شوية
وفي ظل النيمة عند باب الملجة بائع طمام وانا خارج استوقفني وهو جالس علي عنقريب وامامة صفيحة من الطماطم 0 ياستاذ شوف الطماطم دي 0
فقلت له بكم فقال لي بسقة 0 انني سوف اشتري مائة جنيه ياستاذ بس
بدون شعور مني قلت له ولية جالس بيها هنا 0 فرد علي بسرعة وين امشي بيها 0 فردت علية بسرع صف الصياغ 0 فانقلب الجميع الي ضحك ملفت للنظر

شكرا لك اخي العزيز أبو المهتدي 00 وحكاياتاك ليها نكهة خاصة ‍

رجاء خاص منك تعطينا فكرة عن بنك باركليز سابقا 00 ومكانه الآن الأسواق الحرة الآن في صينية الصياغ في السوق الكبير 00

حكاية عباس الكسر بنك باركليز في أوائل ألستينات أو أواخر الخمسينات لا أدري 00 وبطريقة كاوبوي تكساس 00

عايزين نسمع القصة دي من أطراف كتيرة في المنتدي وكل ما لديه معلومة أن يمدنا بها في الكشكول

دمتم

بسم الله الرحمن الرحيم
الحبيب تنقو انت رجعت بي سنين عدده 0 ايام بنك بركليز كنا نتفرج فيه من الخارج بعد ما حولوه الجماعة لبنك الخرطوم عرفنا القروش وكنا نحول بية بداية الاغتراب 0واتغشين غشة شينة 00 بعدين ماتخاف سرك في بير نحن ندده رقم اننا كبار القوم هنا 0
0 ولا شنو 00 كويس انو صورتك ماظهرت مع دفعة عمر غلام سنة 70 ياخذني الظن بانك في الدفع السابقة اوع تقولي 0 زي كلام عشة الفلاتية كل ما يسالوها تدخل الكاشف 0 لك التحية اخي والتجلة
لقد وهن العظم واشتعل الراس شيبا ومازلنا نعيش الغربة واهو الواحد وجد اخوه مثلكم نقضي تلك اللحظات السامرة نتمني ان نجدها في الربوع
0000
بعدين الطماطم ام مية دي انت قايلها سنة خمسين 0
بعدين انا لمن كنت في المدسة الوسطي ابوي بديني قرشين للفطور
انت في ذمتك بدوك كم 0 كدي شيل الطاقية 0مع مودي للجميع

بعدين قصة عباس دي معلوماتي فيها ضعيفة من خلال حكاوي الناس
نتمني ان نجد تلك القصة بروية حقة لانها اصبحت في شكل الاسطورة مع مودتي لك

تحكي لنا أختنا التاية يديها العافية00 بأنه في الصيف قبل الماضي ذهبت الي دولة قطر مع الحاجة والدتها وذلك لدعوة كريمة من شقيقتها هناك وكانت المناسبة وضوع أول مولود لأصغر شقيقاتها في قطر 00
كانت الدنيا ملبدة بالسحب وعلي وشك أن تمطر فشاهدت أختنا التايه والدتها
تطلع وتمرق باستمرار وبصورة مزعجة وملفته للنظر حتي سألتها بنتها :

يمه إنتي مالك داخلة مارقة !

قامت قالت ليها 00 إمرق جلدك إنتي ماشايفة السحابة الشايلة دي ؟
أسع أخواتك في المناقل يكون لا لمّن الهدوم ولا دّخلن السراير والفرش وعندي ويكة قلت ليهم شروها الليلة سجمي كان خلوها برّه !!!!!!!!!!!!!

ههههههههههههههههههههههههههههههههههههههههههههه

والله يامهيرة التاية وامها مبالغة .

يحكى ان حواراً دار بين أحد أحفاد مدنى السنى وبين أحد أفراد عائلة المرحوم حسين عوض صاحب مصنع الثلج بمدنى وكان محور الحوار حول زيارة السيد محمد عثمان الميرغنى لقبة مدنى السنى وكان حفيد حسين عوض مبهوراً بالمياه التى نبعت داخل القبة ويعتبر الشيخ مدنى السنى من الصالحين ، حينها بادره حفيد مدنى السنى بالرد التالى :

ياخوى الصلاح والفلاح عند حسين عوض البسوى من الموية تلج ويبيعو

بزكري جدنا ودمدني والصلاح
قالو في حاجه كبيره ماشه جنب قبه ودمدني السني وعتر ليها حجر قالت ياابوشرا وكان جنبها عمنا النو وبسرعه البديهه قال ليها الجنبك ده محمد السلموني