حبيبنا سوااح تحياتى
وين ذكرياتك ادينا شويه
عرض للطباعة
حبيبنا سوااح تحياتى
وين ذكرياتك ادينا شويه
مظاهرة
فى عام 1971 حصل انقلاب 19 يوليو بقيادة هاشم العطاء والانقلاب ده مقلب كل الناس وعمل بهدله
المهم الانقلاب استمر ثلاثه ايام وفى اليوم الثالث هاشم العطاء اذاع بيان وقال فى تدخل اجنبى وطلب من الناس يطلعوا الشارع وطلعت مظاهره كبيره فى مدنى ,كان فى مظاهرات مويده فى اليومين الاوائل لكن اغلبهم من اليساريين فقط اما مظاهرت اليوم الثالث فكانت كبيره ومشينا فيها رغم انى كنت صغير السن والمظاهره وصلت السوق الجديد وبعضهم كان يهتف الى الخرطوم ياثوار وفجاءه طلعت مظاهره ثانيه كبيره مرحبه بعودة النميرى فعرفنا ان النميرى رجع ولما التقن المظاهرتين كل الجماعه قلبوا ودخلوا مظاهرت المايويين وبقوا يهتفوا معهم ؟
طبعا تانى يوم بدات الاعتقالات واى واحد عنده مشكله مع احد بلغ عنه انه شيوعى والناس اتبهدلوا وظلوا سنين فى المعتقل من غير محاكمات وطبعا فقدوا وطايفهم .
الاخ معتصم ... دائما الذكريات صادقه وجميله ؟؟؟ ارجعتنا الى الزمن الجميل ... ونحن فى انتظار المزيد والمزيد وكتر الله خيرك ..
الاخ العزيز رامى نحياتى ليك غيبهاقتباس:
المشاركة الأصلية كتبت بواسطة رامى طلبه
اولا انا اسف لانى تاخرت فى الرد والسبب اليومين ديل مزنوقين شويه مع الايام الصحيه العالميه
الزكريات جميله ومدنى ملايانه زكريات ومواقف جميله حصلت فيها بس شاركونا الذكريات
مشكورعلي هذا الموضوع الجميل والذكري العطرة و نرجو أن كلمنا عن الفطاحلة والشخصيات البارزة في شتي المجالاة وخصوصاً في الفكاه
المعتصم الرائع
شكرا للذكريات الجميلة دي في مدني الجميلة
أول مرة اعرف انو الفنان احمد فرح مات.. اسأل الله له الرحمة هو والفنان سيد خليفه
قرأت بعض الذكريات الحلوه، ومدني ذكرياتها دائما حلوه خاصة للمخضرمين امثالك وامثالي..
اعتبر ده مرور بس، وسأشارك بذكريات لاحقاً بمشيئة الله
الاخ هيثم تحياتى
مشكور وانشاءالله نواصل ونرجو ان تشاركنا بذكرياتك
الاخ عمر 114 تحياتى لك
مشكور على المرور بس لازم تشارك ذكرياتك الرائعه , الفنان احمد فرح توفى قل اكثر من عشرين سنه رحمة الله عليه , انا عندى شوية ذكريات عن المدرسة وبص المدرسه انشاءالله انزلها قريب تحياتى
اخى الكريم معتصم
قصة الذكريات فى مدنى يمكن عمل مجلدات ومؤلفات عنها
عن كل شارع وكل حارة وكل بيت بل كل فرد فى مدنى
لك التحية وأنت تنبش فينا هذه الأحاسيس المعتقة ...
معالم يذكرها الناس :- جنينة كعكاتى ( مسك الختام الآن )
ومكتبة البلدية والهيلاهوب وباصات المؤسسة والصاروخ والسريع
بين مدنى والخرطوم ، ولى ذكريات كثيرة فى نادى الخريجين
حيث كنا نمارس لعبة الشطرنج ومعى الاصدقاء حسن وداعة
ومحمد احمد سلمان والمرحوم آدم النور .. وبين الفينة والأخرى
نفاجأ بخبطة جامدة على طاولة ( الضمنة ) المجاورة وصياح
المرحوم السر كلودة ( ميطى بلاطة اسفلتاتة ) ...
وذكريات العمل فى مؤسسة أعمال الرى حيث فوجئ الموظفين
مرة بوجود أصلة فى حديقة المؤسسة ، وساعة الافطار حيث
نشرب الشاى ومعى الزين نورالدايم ومصطفى حسين الزبير
فى محطة البحوث الهيدروليكية ونحن نستمع للنجم أحمد حامد
وذكريات الملاعب مع الأهلى والاتحاد وأيام النيل فى مجدهـ .
وأذكر من الفنانين عبدالرحمن خواجة الذى يقلد عثمان حسين
لدرجة الاتقان ومصطفى أبو الجيش وغيرهم ...
وحتى عربة الجيش الانجليزى القديمة التى كان يوزع بها
الاغريقى (نسيت اسمه) عصير الليمونادة على الدكاكين ..
أخى معتصم .. تحياتى واحتراماتى
الاخ ود العمده تحياتى
اولا انت الظاهر عليك من دورنا او اكبر البتزكر عربية الاغريقى انا مابتزكرها
الذكريات كثيرة كما ذكرت وكل واحد ليه ذكريات معينه عالفه فى ذاكرته والذكريات جميله واصل معانا
وما كنت عارف ان السر كلوده رحل عن دنيانا رحمة الله عليه
واصلة الرى البلعت الكلب سمعنا بيها
تحياتى لك
ود العمدة جيتني في مقتل
نادي الخريجين آه لهذا الزمن الجميل
بداية تعلمي للشطرنج كانت في جانب حديقة وقيع الله مع فرانكو وفايز جوار محمد عز الدين الذي كان يكتفي بالفرجة فقط برعت في لعب الشطرنج مما دعا ادارة نادي الاسماعيلي لتقديمي مرتين قبل الهجرة الى تمثيل النادي في عدة بطولات كانت الاولى في نادي الزهرة في رمضان عام 1996 عندما لعبت ثالث اشواطي مع البطل السابق للدورة واستطعت ان اخرجه من الدور الاول .. لكن اتنحست وخرجت من الدور البعدو طوالي حتى هو قال لي طلعتني ساي وكان ممكن اواصل احسن منك .. الغريبة الطلعني كان احوص .. وبقت نادرة لي هسة ... بقولو لي ياخي انت غلبك احوص
الاخ ياسر الشايقى نقل فكرة البوست لموقع جزيرة الفيل وذكر انها فكرة منقوله من موقع ودمدنى كماذكر اسمى ورديت عليهم بانى سوف اشارك معهم فى ذكريات جزيرة الفيل مع مواصلتنا فى موقع مدنينا
السلام ناس مدنى
حبينا نعود للذكريات المره دى مع الفتوة عوض بصبيص
فى اواخر الستينات كانت فى مبارة بين الاتحاد والمريخ وناس الاتحاد كانوا معسكرين فى النادى ولما ناس المريخ وصلوا مدنى وكانوا بجو ببصات الجريف لان لونها احمر وقاموا لفوا شوارع مدنى ويهتفوا ومشوا نادى الاتحاد وشغالين تهديد والمريخ كان فى القمه المهم عملوا حرب اعصاب .
وكان فى لاعب جديد فى صفوف الاتحاد وهو بابونى وبلعب فى النص واخد خانة خالد ابو لبده وخالد مش عاجبه الكلام ده ولما بدات المبارة اصيب بابونى اصابه بسيطه وطلع للعلاج قام خالد ابو لبده جرى دخل الميدان لما نادوه قال ليهم ده مات مابقدر العب المهم خالد دخل الملعب ومن اول كره من وسط الملعب احرز هدف واتبعه بالثانى المهم المبارة انتهت 3/5 لصالح الاتحاد وناس مدنى فاروا فوره شديده وقطعوا علم المريخ ومشوا مكان الاعبين فى لاعب المريخ الكبتن عبدالله عباس (العمده) ركب فى البص بقدام ووضع يده على الباب وجاء عوص بصبيص ونطه بكل قوته ومسك يد عبدالله عباس واتعلق فيها عايز يكسرها وعبدالله عباس يكورك وناس المريخ كلهم ماسكين يد عبدالله عباس وبصبيص ميت فيها قدر ماضربوه برضه متعلق فيها فى الاخر فكوه ناس مدنى ,, طبعا شباب الزمن ده مابعرفوا عبدالله عباس كان لاعب كبير وكابتن فريق المريخ , وطبعا ناس الاتحاد كانوا متخصصين فى المريخ .
تحياتى
وين يا كوبروس يا فردة يا حليل زمان وأيام مدنى الجميلة بكل ذكرياتها وشخصياتها ولياليها الشجية ، ليتها تعود بكل ذلك الحنين يا معتصم ، مركز شباب مدنى ، مسرح الجزيرة ، السينما الوطنية ، سينما خواجه ، حلويات سنترال ، فول أبو ظريفة ، فول كشك ، فول آدم بنادى الخريجين ، سمك عمك حسن جاد الله ، أما عن ذكريات ود عمنا ود الصول والسينما المتجولة فلها ذكرياتها بكل أحياء مدنى ، وعمك موسى - الله يرحمه - مشهور جدا وهو أحد أعمدة وزارة الاعلام الذين رحلوا - رغم أنه السائق - إلا أن شهرته بكل الولاية فاقت الآفاق وعرفه كل الناس صغيرهم وكبيرهم فى ذلك الوقت ، أعدتنا لماضى تليد عريق وشفيف أيضا ، لك التحية والتجلة وكل الود.
تحياتى اخ محمود مشكور على التعليق نحن ياخى ذكرياتنا مع بعض ماكثيره فى مركز الشباب ايام مجده انشاء الله نكتب عنها ...اقتباس:
المشاركة الأصلية كتبت بواسطة محمود (أبو وضاح)
يا ريت عشان نوثق لتلك الأيام ، وخاصة عطاء ووفاء وجهد ومجهود أستاذ الأجيال (المرحوم/محجوب عبدالمجيد) ، والذين عملوا بصمت من اداريين ولاعبين وفنانين وأهل الحى كذلك ، ثم انتقالنا بعد تأسيس إتحاد فنانى الجزيرة للغناء والموسيقى ، وذكريات المرحوم/حسن الباشا ، والمرحوم/ فابيرا ، وعمك فرح ، وكل الأخوة العازفين ، الرشيد ، يوسف وعزالدين فضل الله ، عبدالعزيز بيز ، عبدالعزيز كيرتس ، محمد نور الهادى ، عبدالله فرج ، المرضى ، عبدالعظيم (أكورديون) ، مليجى وأبنائه فايز وعصام وجمال ،
صوره حديثه للسينما الوطنية من الداخل
الاخ فنجاط تحياتى
والله صورة جميلة وتثير الشجون ذكريات ياخى
:( :( :(
:(:(
:(
يا حليل زمان وأيام زماناقتباس:
المشاركة الأصلية كتبت بواسطة محمود (أبو وضاح)
حفلات أبو الكيلك وتحيز ناس دردق له وأغنية التحسر
ورحم الله فابيرا فقد كانت له أنامل متفردة فى الايقاع وصوت عجيب
السلاماقتباس:
المشاركة الأصلية كتبت بواسطة أم سماح
ام سماح اظنك من جيلنا اللى متذكره الزمن الجميل واغنية التحسر تحياتى لك وللاخ ابو الكيلك
تُشكر أخ معتصم علي هذا الكلام الطيب وأصالة الناس في ذلك الزمن الجميل ،، والله وبالجد تمنينا ذلك يعود،، ربنا يهدى المسلميــــن
يا شيخ حرام عليك .. القال ليك منو من جيلكماقتباس:
المشاركة الأصلية كتبت بواسطة mutasim
نحن شن جابنا لجيلكم وعليك الله تانى ظن ليك ظنا عديل
مشكورة الأخت أم سماح والأخوة الأفاضل أهل المنتدى ، لازلنا نحلم أن تكون مدينتنا أجمل المدن وأفضلها ثقافة وفنا وهل يسعفنا الزمن أن نكون حضورا لنشهد عودتها الى تلك الأيام ، حلمنا مشروعا لنعيد لها ألقها وبريقها ورونقها بفضل أهلها الأماجد ولكم خالص ودى وتحياتى.
محمود ابوالكيلك
ذكرياتى فى اكتوبر1964
كنت فى سنة ثالثة ابتدائى بمدرسة جزيرة الفيل (مدنى) عندما اندلعت الثورة والمظاهرات كانت بوسط البلد شاركت بها كل المدارس ونقابات العمال واخيرا كل الشعب ماعدا مدرستنا الناظر رفض اقفال المدرسة رغم امتعاض بعض المعلمين ,
وفى يوم دعينا لطابور طابور طابور كل المدرسة وقفت طابور ووقف الناظر والمعلمين فى البرنده وجاء استاذ وسالنا ليه الطابور قلنا ليه عايزين نمشى المظاهرة وكنا مصرين رغم صغر سننا فرفض وقال انتو صغار لكن مادخلنا الفصول والساعه 12 ظهر طلعنا نجوب شوارع الجزيرة مظاهرة ونهتف بعد ماتعلمنا بعض الهتافات وهى
لن تحكمنا حكومة سكينة العملته فينا.
فشرة فول ولا المقبول.
طلعت طلعت تطلع روحه
وبعدها اهتم بينا استاذ ثائر معروف وهو السر محمد فضل :ان شخص مثقف جدا وهو استاذ الفنان محمد الامين بمدرسة البندر ومن علمه العزف على العود واستاذ الفنان راشد دياب وكان مسمى راشد راشد الفنان كان متوقع ان يصبح فنان وفعلا ,
وبدا يعلمنا الاناشيد بواسطة العود اناشيد الاستقلال وبعدها اصبح الصبح يومى .
واثناء المظاهرات اصيب مواطن بطلقة واستشهد وحمل المتظاهرون قميصة فى المظاهرة ممازاد قوتها اعتقد ان اسمه ابوعبيده رحمة الله عليهم جميعا شهداء اكتوبر ..