واللـــــه بكره نقــول بــــــــــــــــاع ..

اقتباس:

---

المشاركة الأصلية كتبت بواسطة محمد حسين (المميز)

اخر الأخبـار

انه الخرفـان متـوفره بالاقسـاط

قسـط شهـري 75 ج لمـدة عشـرة شهـور

---

يعني مسافة تخلص اقساط خروف العيد الفات
يدخل عليك العيد دا وتكون في نفس الحلقة طول عمرك
برضو كويس اخير من العدم

محمد حسين ماتشوف لينا

الخروف الصيني البدون نغمات ده

وقالوا كمان في واحد بالاقساط المريحة

أخى محمد حسين والله الناس بقت محتاره بين أمور دينا وامور دنياها .. فبواقع الحال الراهن الضحيه غير واجبه على 99% من اهلنا الكادحين ( بالاخص مواطن الجزيره المغلوب على أمره ) فالكل أصبح تحت مظلة مستحقى الزكاة ما بين فقير ومسكين ... ولكن كما تعلم الشعب السودانى عندهم مقوله ( الله كريم ) وفعلا لولا رحمة الله علينا ما كان أكلنا ناهيك عن الضحيه

ورغم ما نمر به من ظروف سياسيه حرجه نتمنى أن يسعد كل واحد مننا بهذا العيد ويعود علينا باليمن والبركات

ياجماعة الخير مافى داعى ليها الحج بالاستطاعة ونحن ضحى عننا البشير النذير وبينى وبينكم اليومين ديل فى همس انه فى المستشفى فى حالات نزفية بالكوم نسأل الله السلامة للجميع

للاسف خروف الضحيه لمن استطتعه عليه سبيله

اقتباس:

---

المشاركة الأصلية كتبت بواسطة الجابرابى

للاسف خروف الضحيه لمن استطتعه عليه سبيله

---

فى الخرطوم واقع فى الواطه
وفى مدنى طاير للسما
امشوا ضحوا هناك

ذكري لي أمس صديق العزيز محمد عبد الله بشير ( بيلية )
أن الأسعار متفاوتة فهناك خراف بسعر 400 و 450 و 500 و هي ذات أحجام صغيرة

اقتباس:

---

المشاركة الأصلية كتبت بواسطة mahagoub

فى الخرطوم واقع فى الواطه
وفى مدنى طاير للسما
امشوا ضحوا هناك

---

منو القال ليك
برضو ب700

بعد الطواف الميداني الذي قام به سمو السطان والحاكم بأمر أمير المؤمنين حفظه الله ... وجد أن أسعار الخراف لهذا العام بمدينة ود مدني وضواحيها تتراوح ما بين 500 إلى 750 جنيه بالسوق المركزي ... 450 إلى 750 بالزريبة المركزية حسب مقياس ريختر ، أما وقاية النباتات فتوجد بها بهائم خفيفة ... جعلها الله أسعار خير وبركة ...

وطمأن سيادته محدودي الدخل ومعدومي الدخل ومهدودي الحيل إلى أن موضوع الأضحية أساساً هو موضوع سنة وليس فرض والبالونات الملونة ومسدسات الماء والألعاب النارية قد تم استيرادها خصيصاً لإعادة زرع البسمة في أوجه الأطفال ...

أما من استطاع إليه سبيلاً ... فأهم حاجة الجلد يجب إعطاءه إما للجنة المسجد أو للجنة الشعبية ...

كل عام والجميع بألف خير ... ربنا يحقق الأمنيات ما ظهر منها وما بطن ...
لكم ودي ...

ما قلت لى يا المميز
باع بناعة الخروف
ولا باع بتاعة الشبع

اقتباس:

---

المشاركة الأصلية كتبت بواسطة محمد حسين (المميز)

http://up.arab-x.com/Sep10/TZb98138.jpg





واللـــــــه يا جمـــــــــاعه احترنا زاتــــــه


ما القصــــد النقـد فقــط لكن في حاجات بتطير العقــل

حقيقـه الموضوع ده عجيب

بلد المليون ميـــل

الفيها نيل يقول يا ليل

وزراعه تمـــلا العيـــــن

ومراعي ماليهـا حد

وثروه حيوانيه تكفي قاره

سعر الخروف وصل الـ600 جنيـــه:mad:

ليه وكيف ما معروف:confused:

لمن كنت في الاجازه

بصراحه مشيت عشان اشتري خروف

وكان في جيبي زي 400 جنيـه

واتفاجأت لما سمعت ولما رايت

للاسف اشتريت لي حمــل زي الكلب بـ330 جنيـه

وقال ايه الخروف بـ600 جنيـه

ليــه؟؟:confused::confused:

وتاني ليـه؟؟:confused::confused:

السبب شنو يا حكـــومه

غياب الرقابه ولا القش كمل ولا البهايم عدمت

عشان الخروف يوصل للسعر ده


الغريب انه الخروف حقنا بيشتروهو مننا السعوديين

ويدفع ويدفع ويدفع لغاية ما يرحله

ويموت من يموت ويـصل من يـصل

ويوصله الميناء ويدفع ويدفع ويدفع

ويشحن في الباخره ويموت من يموت ويـصل من يـصل

وينزله في ميناء جده ويدفع ويدفع ويدفع

ويشحن للزرايب ويموت من يموت ويـصل من يـصل

وينزل في الزرايب وياكل ويشرب

وبعــد ده تجي تشتري منه الخروف اللي يهز ويلز

بـ700 ريـال

يعني تقريبـا

500 جنيــه:eek:

ارخص من عنــــدنا

يعني نصيحـــــــه لكل مغترب نازل من السعـوديه ماينسى يشيل معاهو خروفــه;)


طيب ده اذا كان في الايام العـاديه

يبقى في الضحيه كيـــــــــــــــــف:confused:

الضحيـه حيكون الشعـب

اذا اليومين ديل بـ600 يبقى الضحيه كيف



لك اللـــــــــــــــــه يا وطـــــــــــــــــن

على جنب :- الخروف الفي الصوره ده بـ 700 جنيـه ما اظن بيدوك ليهو:(

---

ده كان زمااااااااان .. وحليل ايام زمااااان😢

وقول للزمااان .. ارجع يا زماااان😕

بالله الخروف الفي الصوره زااااتو.. اظن صادروه

اقتباس:

---

المشاركة الأصلية كتبت بواسطة محمد حسين (المميز)

بالله الخروف الفي الصوره زااااتو.. اظن صادروه

---

كل سنة وإنت طيب (ياالمميز)

أها هسة الأسعار كيف ولا نجيب معانا واحد من جدة ؟؟؟

مساءاتك فرح أخي الكريم ..

اقتباس:

---

المشاركة الأصلية كتبت بواسطة محمد حسين (المميز)

بالله الخروف الفي الصوره زااااتو.. اظن صادروه

---

الصوت زاااتو قالو بقى ناااااو نااااااو...:cool: