عاوزة مشكلة مع المغتربين

اقتباس:

---

المشاركة الأصلية كتبت بواسطة ابوخالد

ام قبس .. تحية عطرة
والله دخلتيهم فى حرج شديد ... وإعتزارات ... وحروف ملخبطة ..

لكن النسألك

المشاهدات 235
والمشاركات 50
انا 25 منها
دا معانه شنو
ماعوزين متاوقه

إنتى مديرك جا والا شنو الحاصل .....

---

تحيات معطارت
هلا بي ابو خالد

المصريين بيقولوا مثل حلو خلاص
(( العلي راسه بطحة بيحسس عليها))
اه انوريك قصه المشاهدات
مشيت ليك ياسيدي للمتواجدون الان لقيت ليك ((نفرا ليس بقليل)) اتقطعت فيها دي
جيت راجعة البوست لقيت ليك الناس المسجلين مشاهدة 235 والناس الداخلين مشاركين 50
ال50 زاتها انا رادة فيها علي النص حتين بقت 50
اها دي مايها المتاوقة المن بره البوست
انا مديري ناااايم ولو قام من نومه بفرتق طوالي
لانه ممنوع علينا المداخلة من نت البيت:eek::cool::rolleyes:

اقتباس:

---

المشاركة الأصلية كتبت بواسطة مايسة

ام قبس ازيك وسلامات

ما عندي حاجة - اقولها - لانو الجماعة ديل كلهم ناس كبار وواعيين -

واذا اخذ احدكم الاجر حاسبه الله بالعمل

- شفتي انا دائما بخش نهاية الدوام ومرات الصبحية كدي - ومرات بنسي المنتدي فاتح وبكون شغااااااااااااااااله

- لكن في النهاية ضمير الشخص هو الذي ينبهه اذا كان فات الحد

دمت

همسة: مالك ياخي انتي ومال النت - ما يفتحوهو ولا يقفولو ولا يخلوهو - :p;):)

---

اهلا بي ميسو
انا عندي حاجات اقولها
اولها مش كل كبير عارف مصلحته دي ماقانون ثابت
وممكن يكونوا عارفين مصلحتهم كويس بي وذكر دي قالوها لي منو
وصدقيني الموضوع اصله مابصل لي حته الضمير دي
بس بعض واركز علي بعض دي شديد بعض الناس بتستسهل امور كبيرة وتتشاف صغيرة فلزم التذكرة
صدقتي انا ذاتي مالي ومال النت انا ياداب افتحة والباقي بيتمه راجلي
وعاد لمان يكون مافي الجهجة بتحصل والله يخلي ناس عثمان جلاله بيمدوني بالاغاثة سريع
مشكككككككككككككككككورة:p

اقتباس:

---

المشاركة الأصلية كتبت بواسطة esmat

نعمل شنو لكن مع ناس (النار ديل ) قمنا نشرح
تاني تزعل بنوضح بس شرح مافي على وزن عرس مافي
شوف اسي الوش دا بعد الشرح زااتو فقد معناه
لكن انت البشرح كلامك منو




ياخ ناس السعودية ديل صدقيني مافي مدير بقبضهم
وحتى لو قبضهم ما بعمل حاجة عارفة لي عشان بكون
انسان مسئول في شغلو وقايم بي عملوا على اكمل وجه

ومتابع معاك بس البنبهك دا قولي ليه انسخ ليك مفاتح
وتعال لينا بالدرب عديل -

---

انت احسن ليك تختاني الساعة دي
والله العظيم بوست الرحط جاب لي لوز
وكان شفتني هسع بكتب بالرمق الاخير
(( طبعا في ناس يقولوا بركة))
بعدين حته مضايقاني انرد عليه هنا
يعني شنو شخص الموضوع
ماصلوا الموضوع لازم اتشخص مدام طرح للنقاش
اها انت اظنك قاصد تقول بالعربي الفصحه الدارجي شخصن
كفاك كدا

:)شوفي يا أم قبس

مافي زول بيشتري زمن !! حصل شوفتي زول اشتري ليه زمن؟

الناس بيشتروا كفاءات -خبرات وقدرات لأنجاز مهام معينة متفق عليها ويحدد زمن قياسي لأنجازها بمعني انك يجب ان تنجز هذه المهام في خلال ثمانية ساعات واذا انجزنها في اقل فلا أحد لديه عندك شئ و كما يجب انجاز المهام علي الوجه الأمثل والأكمل دون اي تقصير وعندها لن تكون هناك مشكلة.

اما بخصوص استخدام الوسائل الخاصة بالعمل في اغراض شخصية فهذه نتفق معك فيها والحمدلله اللاب توب بتاعي شخصي مع العلم ان الشركة موفره لابتوب وكمبيوتر مكتبي لأغراض العمل.

وبأختصار كدا

ما تقنصي لي في الموضوع دا ..:):confused:

اقتباس:

---

المشاركة الأصلية كتبت بواسطة حاتم مرزوق

:)شوفي يا أم قبس

مافي زول بيشتري زمن !! حصل شوفتي زول اشتري ليه زمن؟

الناس بيشتروا كفاءات -خبرات وقدرات لأنجاز مهام معينة متفق عليها ويحدد زمن قياسي لأنجازها بمعني انك يجب ان تنجز هذه المهام في خلال ثمانية ساعات واذا انجزنها في اقل فلا أحد لديه عندك شئ و كما يجب انجاز المهام علي الوجه الأمثل والأكمل دون اي تقصير وعندها لن تكون هناك مشكلة.

اما بخصوص استخدام الوسائل الخاصة بالعمل في اغراض شخصية فهذه نتفق معك فيها والحمدلله اللاب توب بتاعي شخصي مع العلم ان الشركة موفره لابتوب وكمبيوتر مكتبي لأغراض العمل.

وبأختصار كدا

ما تقنصي لي في الموضوع دا ..:):confused:

---

اها فطيت الفوق ديل كلهم وجيتك عديل
يا استاذ حاتم متي يكون الانسان كفاءاة
ومتي يمكن ان نطلق علي شخص كفاءات وخبرات وهلم جر
اكيد الناس مابتشتري زمن لكن بتشتري الشخص البقيم الزمن وبالتالي بيبقي كفاءة
سوعال براني كل المغتربين الانا عملت معاهم الشكله بينجزوا اعمالهم في الوقت المحدد او دوام العمل
ام ان الاغلبيه البتحود علي المنتدي من جماعة اجل عمل اليوم لي بكرة والعارفك منو
خارج النص : الليله دخلت قلت اشوف البوست جاب دخل والناس استفادت ولا بقي الحال كما هو
لقيت ليك الداخلين 4 اتبسطة جنس بسطة البت عملت شيء
الناس كل زول اتلفت لي شغله واكل عيشة
وفجاء اسمع ليك زوجي يقول لي انا ماشي صلاة الجمعه وجايي::D:o:(:):confused::eek::mad::rolleyes::cool: :p;)
وجنبهم وش محبط شديد

اقتباس:

---

المشاركة الأصلية كتبت بواسطة ام قبس

اها فطيت الفوق ديل كلهم وجيتك عديل

انا من الفطيتيهم بس ما اشكال ;)

ومتي يمكن ان نطلق علي شخص كفاءات وخبرات وهلم جر
اكيد الناس مابتشتري زمن لكن بتشتري الشخص البقيم الزمن وبالتالي بيبقي كفاءة

عارفة يا ام قبس البلد النحن فيها دي مافي زول بجامل زول خاصة ارباب العمل اقل خطأ و أقل استخفاف بالعمل بكون محسوب علي الزول
ما في اجل عمل اليوم للغد دا بالنسبة لي وللشايفاهو والناس البعرفهم لان الموظف والموظفة مسؤلين نهاية الدوام لازم يكونو مسلمين شغلهم بتاع اليوم كامل وعلى اخره

سوعال براني كل المغتربين الانا عملت معاهم الشكله بينجزوا اعمالهم في الوقت المحدد او دوام العمل
ام ان الاغلبيه البتحود علي المنتدي من جماعة اجل عمل اليوم لي بكرة والعارفك منو

الجزئية دي بالذات محتاجة كل واحد شارك في الموضوع دا لازم يجي يشرحها بنفسه

عارفة نحن ملزمين كل يون نهاية الدوام لازم نكون مرسلين ايملاتنا للادارة فيها كل الشغل المفروض علينا اليوم داك

يعني اجل عمل اليوم للغد دي ما شايفاها صعبة شوية ومجعفة في حق ناس متغربين وطالعين من بلدهم عشان افتشو على لقمة عيشهم وتاسيس حياتهم وتربية ابناء و ناس مسؤلين من بيوت ؟؟؟؟؟
في الحالة دي اي زول باجل عمله وخلاه يتراكم حا يكون متعاقب لان نهاية الشهر حا يلقى نفسه مضغوط وبالتالي الشغل ما يخلص وبكدا دخل في مشاكل هو في غنا عنها


خارج النص : الليله دخلت قلت اشوف البوست جاب دخل والناس استفادت ولا بقي الحال كما هو
لقيت ليك الداخلين 4 اتبسطة جنس بسطة البت عملت شيء
الناس كل زول اتلفت لي شغله واكل عيشة
وفجاء اسمع ليك زوجي يقول لي انا ماشي صلاة الجمعه وجايي::d:o:(:):confused::eek::mad::rolleyes::cool: :p;)
وجنبهم وش محبط شديد

---

يا رب دايما مبسوطة يا ام قبس

واكيد اي موضوع بنزل وبكون هادف الناس حا تستفيد منه
امبارح قلتي المشاهدات كم والمشاركات كم استغربتي ان المشاهدات اكتر من المشاركات
دا شي طبيعي جدا
في ناس بتحب تقرأ اكتر من تشارك
وناس تحب تدخل للموضوع وتشوف الناس شاركو قالو شنو
ومن ناحية الاستفادة اكيد بتكون متوفرة
تحياتي ومشكورة على الشكلة ;)

اقتباس:

---

المشاركة الأصلية كتبت بواسطة ام قبس

وشيلتني بوستي بدري بدري و الله اتغظت منك جنس غيظان

---

جمعة مباركة عليك و على الجميع
قصدك ياتو بوست الشيلتك ليهو و لا شيلتو ليك ؟ لو بوست تحفيز دعوة الرقراق فأنا شلتو بطلب منك ؟
و لو بوست تاني فأنا ما بتذكر شلتا ليك بوست تاني ، كدي ذكريني :confused:
أحتراماتي أم قبس

يا ناس المنتدي هوووووي سلام عليكم
والله انا مشتاق ليك كتير بالحيل
دحين يا ام قبس كلام سمح
لكن انتي عارفة انو ما كل اليوم شغل وال8 ساعات لازم يكون فيها برك
وبعد مرات بتشتغل اكتر من ال8 ساعات
والزبط والربط في الشغل موجود
ولك الف تحية مني

أم قبس

يختلف الأمر من شخص لآخر .. وماتظلمى المغتربين .. يعنى فى ناس مدعوكين ومالاقين وقت .. أنا شخصيا النت فى العمل ومسموح لى وأنا رقيب نفسى وفى البيت وأحيانا يمريوم ولم أجد وقت لفتح النت ومعظم الأيام بصعوبة تصفح الجرايد اليومية ..

اقتباس:

---

المشاركة الأصلية كتبت بواسطة بدر الدين احمد الطائف

ام قبس لك التحيه
الله مايجيب المشاكل
وطبعا مما ذكر نفهم انه الاخوة كانوا بيستخدموا اجهزة الكمبويتر الخاصة بالعمل والتى لا تتوفر الا وقت العمل طبعا (محمد النور) عنده لاب توب ما معانا.
وبرضه مما ذكر انه اغلب الناس القاعدة تشارك فى المنتدى شقلهم مرتبط بالكمبيوتر .
يعنى مع الشقل الناس ممكن تعمل تخريمات ومداخلات على المنتدى والصحف وغيرة.
المهم
انا عوزاقول انه الكلام ده بيدل على اهتمام الناس بالمشاركة والاطلاع رقم الانشقال بالعمل وكده.
وده برضه بينفى الصفة بتاعت الكسل لانه الناس شقالة وبتشارك مع العلم بانه اصحاب العمل بياخدو حقهم من الناس وبزيادة.

---

مراحب يابدر الدين الطائف
اولا ااااامين ربنا لاجاب مشاكل
واسفة بس انت كدا بتفسر الماء بالماء
استخدام اجهزة الكمبيوتر الخاص بالعمل
وتخريمات ومداخلات اثناء ساعات العمل
واهتمام بالمشاركة والاطلاع اثناء ساعات العمل
دا كله بينفي صفه الكسل
طيب البأكدة شنو
وش مستغرب شديييييييييييييييييييييد

اقتباس:

---

المشاركة الأصلية كتبت بواسطة المسافر

يا زولة إنتي مالك جنك ( زرزرة ) كده

وبعدين إنت قاعدة هسه مالك :
ما عندك حلة ؟
هدوم عايزة غسيل مافي ؟
مسح ومضايرة ما في ؟
قبس دي ما عندها حق ؟

كلكم راعي ومسئول عن رعيته

:mad::mad::mad::mad:

---

الاستاذ المسافر
اولا بعتذر ليك في بيتي
وقدام ناسي
وماتزعل ياخي
لانو الجاني في بيتي دا احرجني
اها انرد ليك
الزرزرة دي مالو مابقت في العام احسن نمشي النفاج
وانا ياود امي البتشد الحله مع كفتيرة شاي الصباح
وهدومي الشطفة بالشطفة
والمسح والمضايرة مافي الا ايام الاجازة مامنوع نستعمل الهوفر قانون وكدا
اوعا تكون صدقت
وقبوسة الله يديها العافيه
اريتها بتك يالمسافر
ماخدة حقها واخوها ماخد حقة واكتر

وانا ادعو ليك مع الملكة
الله يعرس ليك قول اامين

اقتباس:

---

المشاركة الأصلية كتبت بواسطة أبوعمرو

سلام أم كبس
دي أول مشاركه ... عشان كده أحسن نروق المنقه
الواحد أقوم أسافر كم يوم كده القاكم أحتليتو المنتدي:rolleyes:
آها واقفين وين؟
الموضوع
آيوه .. النت بتاع المغتربين والحاجات الملح وكده!!
أنا ما مغترب ممكن أشارك
معاي ودخالتي برضو ممكن إشارك

---

سلام يابو عمرو
انا ماحاضرة نجم العام دي
اها الف مبروك
انت شكلك كدا مرقت خليت العجاجة فوق
ايوة احسن روقها
بوستي دا عجاجته جابت باقي البوستات

انديك شكلتك انت اول شي
تعال هنا ياخوي انا بتاع امن تقول لي ام كبس
ولا حلم مزعج عشان تقول لي ام كباس
ياكافي البلا لا قريت الاسم كويس ولا قريت المداخلات كويس
سلامة النظر ود امي
جيتني بالتايهة
الملح الملح وما ادراكم الملح
اها منتظرة ود خالتك
وانت مشكور علي مداخلتك:cool:
مالك استغربت دا وشك ذاتو بس لبسته ليك نظارة

:d

اقتباس:

---

المشاركة الأصلية كتبت بواسطة ام قبس

مراحب يابدر الدين الطائف
اولا ااااامين ربنا لاجاب مشاكل
واسفة بس انت كدا بتفسر الماء بالماء
استخدام اجهزة الكمبيوتر الخاص بالعمل
وتخريمات ومداخلات اثناء ساعات العمل
واهتمام بالمشاركة والاطلاع اثناء ساعات العمل
دا كله بينفي صفه الكسل
طيب البأكدة شنو
وش مستغرب شديييييييييييييييييييييد

---

الاخت الكريمة ام قبس لك التحية
طبعا لو عرفتى انه فى ناس ساعات العمل عندها ممكن توصل الى 16ساعة اكيد اكيد ماحاتكونى مستغربة.
واكيد الوش حايبقى :D للمجهود البيبذلوه عشان يواكبوا المنتدى.

أنا يا أم قبس أختي حاليا في إجازة مجهولة الأمد ;)
وعلشان كدة بدخل في أي وقت لكن بمشي النادي ومرات بدخل منو ومابقيت أدخل منو إلا لأنو الأيام دي شبكتنا و شبكة فريقنا كلو منتهية جار واحد عندو شبكة مافي!!! لكن حنتصبر كم يوم كدة لحد ماتتصلح لأنو في النادي مع إني بدخل بمزاج لكن برضو بتكون في أمور تانية.


خارج عن الموضوع :
بريدك لسة مافضيتيهو؟

أختي : أم قبس.. طابت أوقاتك..سعيد بالتواصل معك والدخول بعد الإذن..
طبعاً الدخول على منتدى ود مدني له جماله..وبصراحة في الغربة نبحث عن قلوب صافية ..
وناس يرفعوا المعنويات..
لذا نشتاق ونحن لأخواننا وأخواتنا..من أبناء المدينة الوطن..
بالله عليك لا تلومينا..

أسسسع نبكي ليكي..!!

والله جنس حاله صعبه خلاس
اريت السنه كلها لو بقت رمضان
الناس دي كان مشت علي عجين ماتلخبطوش
صنه شديدة خلاس
بالليل والنهار الحوش خلاء
هيا المغتربين
معناه الموضوع فيه غلط
يا اما ماتجوا راجعين بعد رمضان ودا يبقي ديدنكم
اما تجوا راجعين ويكون فيكم راي

اقتباس:

---

المشاركة الأصلية كتبت بواسطة أبو حمزة

أختي : أم قبس.. طابت أوقاتك..سعيد بالتواصل معك والدخول بعد الإذن..
طبعاً الدخول على منتدى ود مدني له جماله..وبصراحة في الغربة نبحث عن قلوب صافية ..
وناس يرفعوا المعنويات..
لذا نشتاق ونحن لأخواننا وأخواتنا..من أبناء المدينة الوطن..
بالله عليك لا تلومينا..

أسسسع نبكي ليكي..!!

---

ابو حمزة اسفة علي الرد المتاخر
لكن مديري كان قاعد
وش مكاواه
وخلاص سماح كلوا ولا البكي

اقتباس:

---

المشاركة الأصلية كتبت بواسطة moram

أنا يا أم قبس أختي حاليا في إجازة مجهولة الأمد ;)
وعلشان كدة بدخل في أي وقت لكن بمشي النادي ومرات بدخل منو ومابقيت أدخل منو إلا لأنو الأيام دي شبكتنا و شبكة فريقنا كلو منتهية جار واحد عندو شبكة مافي!!! لكن حنتصبر كم يوم كدة لحد ماتتصلح لأنو في النادي مع إني بدخل بمزاج لكن برضو بتكون في أمور تانية.


خارج عن الموضوع :
بريدك لسة مافضيتيهو؟

---

مرام بالانجليزي ازيك ياختي
اجازة مجهوله الامد ولا ................................... من التسيب
بس اوعاء يقوموا ,,,,,,,,,,,,,,,,,,,,,,,,,,,,,,,,,,,,, من النادي زاتوا
كان كدا احسن المنتدي دا اختيه
داااااااااخل النص
انا يختي بخيت اشك في الادارة دي يمكن قاعدة تملي بريدي
صدقي خلعتيني في الاول قلت البت دي بتريدني بتعرفني من ويين:d:d:d

اقتباس:

---

المشاركة الأصلية كتبت بواسطة بدر الدين احمد الطائف

:d

الاخت الكريمة ام قبس لك التحية
طبعا لو عرفتى انه فى ناس ساعات العمل عندها ممكن توصل الى 16ساعة اكيد اكيد ماحاتكونى مستغربة.
واكيد الوش حايبقى :d للمجهود البيبذلوه عشان يواكبوا المنتدى.

---

بدر الدين اخوي
الناس مالها دوامها في رمضان بقي ساعة واحدة وش غياظ شديد

اقتباس:

---

المشاركة الأصلية كتبت بواسطة ودأبوالعول

أم قبس

يختلف الأمر من شخص لآخر .. وماتظلمى المغتربين .. يعنى فى ناس مدعوكين ومالاقين وقت .. أنا شخصيا النت فى العمل ومسموح لى وأنا رقيب نفسى وفى البيت وأحيانا يمريوم ولم أجد وقت لفتح النت ومعظم الأيام بصعوبة تصفح الجرايد اليومية ..

---

ود ابو العول سلام
مالشيء الطبيعي يكونوا مدعوكين ومايلقوا وقت
والغير طبيعي يلقوا كل الوقت
بالنسبه لي موضوع البيت دا عندي ليه كلام تاني
بالذات بعد جاني شمار انوا الناس من البيت مهنضبه ومابتقدر قدام المرة يخشوا في المنتدي

اقتباس:

---

المشاركة الأصلية كتبت بواسطة محمد السر احمد

يا ناس المنتدي هوووووي سلام عليكم
والله انا مشتاق ليك كتير بالحيل
دحين يا ام قبس كلام سمح
لكن انتي عارفة انو ما كل اليوم شغل وال8 ساعات لازم يكون فيها برك
وبعد مرات بتشتغل اكتر من ال8 ساعات
والزبط والربط في الشغل موجود
ولك الف تحية مني

---

محمد السر تحايانا متأخرة معليش واسفة
بس الكنت شايفاه زمان
لاحط معاي لي زمان دي الكنت شايفاه البرك 8 ساعات والشغل في اوقات الفراق
بس الحال بقي صعب في رمضان
ربنا يتقبل منا ومنكم صالح الاعمال

تحياتي ام قبس
موضوع مهم وجميل تابعت من الاول وكل الردود
الجميلة من الاخوة الاعضاءوبجيك علي مهل باذن الله
سلمتي

[i]أختي : أم قبس: أنتِ معنا .. أم معهم.. لا تقولي لي من هم..!!

المغترب بيبحث عن أي شيء يربطه بأهله أو على الأقل بأصدقائه..

وتصدقيني أختي.. لو قلت ليك ما عرفت الإدمان ( نت طبعاً) ..

إلا حينما وجدت في المنتدى أُناس فيهم الرقة الحقيقية .. وحقيقة الإحساس..

وكثيراً ما كنت اقرأ.. واستمتع .. ولكنني نادراً ما أكتب..

أحسُّ بالراحة والتداخل الراقي .. في البدء ظننت بأن الكل بيعرف الكل من قبل المنتدى..

وأنكم أسرة واحدة.. وأنا الغريب.. ولكن سرعان ما أخذني معكم التيار.. فالهم كان واحد..

في الغربة.. عذاب .. وألم ... وضياع.. وسجم .. وسراب .. وندم ... استغفر الله العظيم.. [/i]

يا ريحُ هبْ جنَّة الخُلدِ السَّـ *** كّنْ لا شَيء يعدِل الوَطَن

طبعا ام قبس الواحد اول مايحضر بيحب يعرف اخبار البلد دي السبب البيخلينا نداخل النت قبل الدوام لك شكري ملاحظه طيبة

اقتباس:

---

المشاركة الأصلية كتبت بواسطة فراس

تحياتي ام قبس
موضوع مهم وجميل تابعت من الاول وكل الردود
الجميلة من الاخوة الاعضاءوبجيك علي مهل باذن الله
سلمتي

---

وتحياتي كمان
انا راجياك يافراس
ماتتأخر

اقتباس:

---

المشاركة الأصلية كتبت بواسطة أبو حمزة

[i]أختي : أم قبس: أنتِ معنا .. أم معهم.. لا تقولي لي من هم..!!

المغترب بيبحث عن أي شيء يربطه بأهله أو على الأقل بأصدقائه..

وتصدقيني أختي.. لو قلت ليك ما عرفت الإدمان ( نت طبعاً) ..

إلا حينما وجدت في المنتدى أُناس فيهم الرقة الحقيقية .. وحقيقة الإحساس..

وكثيراً ما كنت اقرأ.. واستمتع .. ولكنني نادراً ما أكتب..

أحسُّ بالراحة والتداخل الراقي .. في البدء ظننت بأن الكل بيعرف الكل من قبل المنتدى..

وأنكم أسرة واحدة.. وأنا الغريب.. ولكن سرعان ما أخذني معكم التيار.. فالهم كان واحد..

في الغربة.. عذاب .. وألم ... وضياع.. وسجم .. وسراب .. وندم ... استغفر الله العظيم.. [/i]

يا ريحُ هبْ جنَّة الخُلدِ السَّـ *** كّنْ لا شَيء يعدِل الوَطَن

---

عاد ياحمزة حننتني عدييييييييييل خلاص مسموح ليك انت بالذات
بس في اوقات الفراق :(

اقتباس:

---

المشاركة الأصلية كتبت بواسطة عبدالرحيم سعيد

طبعا ام قبس الواحد اول مايحضر بيحب يعرف اخبار البلد دي السبب البيخلينا نداخل النت قبل الدوام لك شكري ملاحظه طيبة

---

عبد الرحيم ازيك
قبل الدوام مافي اييييييي مشكله
:eek::eek::eek::eek:
مشكور علي المرور

(المشاركة الأصلية كتبت بواسطة السيدة أم قبس)عاد ياحمزة حننتني عدييييييييييل خلاص مسموح ليك انت بالذات
بس في اوقات الفراق

بس يا قبس: مسموح لي في أوقات الفراق.. يعني كل الأوقات .. حتى الأحلام.. ولا شنو؟؟
( ما تشوفها الزونية..!!).

بالله عليك مرة أخرى لا تذكرينا الفراق يا أختاه..!!

أنا والله لو انفتحت .. الله يوقفني ساااي..!!

حاسس بنفسي مكتوم.. ومقيَّد..

الله يلزمنا الصبر.. قال السعودية قال ( بصراحة دي كاميرا خفية) ( كبسة وحبسة) ..!!

المنتدى يفرِّج هموم ويزيل آلام وفيه الرائعين بالكوم.. بعيدين عن الفهم الخطأ أو الدناءة وسب القوم....!!

تخريمة: ( أنتِ قاصدة الفراق.. ولا الفراغ) ؟؟!!

اقتباس:

---

المشاركة الأصلية كتبت بواسطة أبو حمزة

(المشاركة الأصلية كتبت بواسطة السيدة أم قبس)عاد ياحمزة حننتني عدييييييييييل خلاص مسموح ليك انت بالذات
بس في اوقات الفراق

بس يا قبس: مسموح لي في أوقات الفراق.. يعني كل الأوقات .. حتى الأحلام.. ولا شنو؟؟
( ما تشوفها الزونية..!!).

بالله عليك مرة أخرى لا تذكرينا الفراق يا أختاه..!!

أنا والله لو انفتحت .. الله يوقفني ساااي..!!

حاسس بنفسي مكتوم.. ومقيَّد..

الله يلزمنا الصبر.. قال السعودية قال ( بصراحة دي كاميرا خفية) ( كبسة وحبسة) ..!!

المنتدى يفرِّج هموم ويزيل آلام وفيه الرائعين بالكوم.. بعيدين عن الفهم الخطأ أو الدناءة وسب القوم....!!

تخريمة: ( أنتِ قاصدة الفراق.. ولا الفراغ) ؟؟!!

---

والله جرس ذي بتاعتي دي
قاصدة الفراغ

بصراحة: أقول ليك سر : يوم أمس أفطرنا وقعدنا قعدة غزلية..

وحكوا لي عن المنتدى وأشياء حلوة ومواضيع أنيقة وناس كتَّابة وحاجات لم أكن أتنبَّه لها ..

لذا اليوم قلت أتأكد.. فلقيتك مشرورة في مواضيع.. يااااه تبارك الله.. وتردي هنا .. وتكتبي هنا..

( أنا أمي رباطابية.. لكن عيني باردة) وعشان ما تقولي سحرتك: ما شاء الله..

بس أنا ساعات بندهش.. وين العقد.. والكلام الجارح ..!! ما ممكن ناس بكل هذا الجمال وكل هذه الأريحية..!! مجتمع مثالي.. ولا أنا ما بشوف..

ولي عودة.. معاي تلفون مهم وضروري..

اقتباس:

---

المشاركة الأصلية كتبت بواسطة أبو حمزة

بصراحة: أقول ليك سر : يوم أمس أفطرنا وقعدنا قعدة غزلية..

وحكوا لي عن المنتدى وأشياء حلوة ومواضيع أنيقة وناس كتَّابة وحاجات لم أكن أتنبَّه لها ..

لذا اليوم قلت أتأكد.. فلقيتك مشرورة في مواضيع.. يااااه تبارك الله.. وتردي هنا .. وتكتبي هنا..

( أنا أمي رباطابية.. لكن عيني باردة) وعشان ما تقولي سحرتك: ما شاء الله..

بس أنا ساعات بندهش.. وين العقد.. والكلام الجارح ..!! ما ممكن ناس بكل هذا الجمال وكل هذه الأريحية..!! مجتمع مثالي.. ولا أنا ما بشوف..

ولي عودة.. معاي تلفون مهم وضروري..

---

انت معاك تلفون وانا معاي حله شكلها لحقت امات طه
بجيك بعد الفطور

تسلمي أنت والحلة.. وبعد الإفطار.. إفطاركم شنو؟؟

[/color][color="darkred

"]تخريمة: بدل فطور خليها ( إفطار ).. راجعي أخطاء شائعة (4)

اقتباس:

---

المشاركة الأصلية كتبت بواسطة أبو حمزة

(المشاركة الأصلية كتبت بواسطة السيدة أم قبس)عاد ياحمزة حننتني عدييييييييييل خلاص مسموح ليك انت بالذات
بس في اوقات الفراق

بس يا قبس: مسموح لي في أوقات الفراق.. يعني كل الأوقات .. حتى الأحلام.. ولا شنو؟؟
( ما تشوفها الزونية..!!).

بالله عليك مرة أخرى لا تذكرينا الفراق يا أختاه..!!

أنا والله لو انفتحت .. الله يوقفني ساااي..!!

حاسس بنفسي مكتوم.. ومقيَّد..

الله يلزمنا الصبر.. قال السعودية قال ( بصراحة دي كاميرا خفية) ( كبسة وحبسة) ..!!

المنتدى يفرِّج هموم ويزيل آلام وفيه الرائعين بالكوم.. بعيدين عن الفهم الخطأ أو الدناءة وسب القوم....!!

تخريمة: ( أنتِ قاصدة الفراق.. ولا الفراغ) ؟؟!!

---

:d:d:d:d:d

أبوحمزة ياأخوى ..... ربنا ينفس كتمتك .....
كدى تعال على الراكوبة ... وإنبطح على العنقريب ده ....
وجر نفسك .....
الأخت من السويد ... وعندهم التلج أكوام أكوام ... كان دخلت
تحت الدوكة تلقا تلج .....


خليك معاى انا ...
طبعآ نسيت موضوعى ....

اقتباس:

---

المشاركة الأصلية كتبت بواسطة ابوخالد

:d:d:d:d:d

أبوحمزة ياأخوى ..... ربنا ينفس كتمتك .....
كدى تعال على الراكوبة ... وإنبطح على العنقريب ده ....
وجر نفسك .....
الأخت من السويد ... وعندهم التلج أكوام أكوام ... كان دخلت
تحت الدوكة تلقا تلج .....


خليك معاى انا ...
طبعآ نسيت موضوعى ....

---

اليوم كلُّه كنت براجع في مواضيع أم قبس.. حاولت أغطي كل مواضيعها وأمر عليها..
تخيل هذه الإنسانة.. مدوِّرة في كلِّ الاتجاهات.. وفجأة الزمن انتهى وسرعة سرعة عملت البصمة وجريت البيت لأنو اليوم علي.. الشغل في البيت..طبعاً الجماعة هارشني.. بيني وبينك..

لكن وعد يوم بكرة أول حاجة موضوعك يا حبة .. ولا تزعل.. وأنا عارف قلبك حنين.. عشان كدة بكرة ممكن أسرح.. لكنني لست استغلالي وبكرة يعني بكرة كلام جادين ..

( خايف أقول كلام رجال.. ) تقوم أم قبس تمسكها لي وتقول أنا ضد المرأة..!!

سلام ام قبس ورمضان كريم..
والله طرحك خطير وجميل..
انا عن نفسى بدخل وقت الدوام لانو عندى ساعة راحة باكل فى ربع ساعة والباقى بقضيو نتنتنة"فى النت"..
بس كمان الشغل بيكون فيو اوقات فراغ كتيرة والشركات عادة بتفتح شبكة النت فى اوقات معينة"يعنى سامحة بكدا" وعلى فكرة الموظف لما يعمل رفرش نص ساعة او ساعة فى شى بيحبو بينعكس دا ايجابا على اداؤ ..بس كمان فى ناس بيعملوها شغلا وعلى حساب الشغل ودى العوجة..
الله يرزقنا حلال ويكفينا شر الحرام اينما كان..
ولك التحية..