اقتباس:
المشاركة الأصلية كتبت بواسطة ايمن عبد الله
والله صحي المابعرف يقول عدس ..
انا هنا بكتب بلسان ايمن عبد الله / العضو .. بعيداً عن صفة الاشراف وماشابه ذلك
عشان يتفسر حديثي انه دفاع مستميت ..
اول شي يا عاطف ده كله على شنو ؟
عشان الادارة قبلت طلبات الاعضاء واعادت الاخ ود المطامير
نحن نفرح ولا نقعد نفتش في الاخطاء التي تكاد معدومة تماماً في هذا الامر
وزي ما وضح نزار انه الاخ ود المطامير ماكان موقوف نهائي
وحتى لو موقوف نهائي ياخي والاعضاء طالبوا الادارة بعودته .. والادارة استجابت اكون ده جزاها انها خضعت لارادة
جماهير المنتدى ؟
الادارة هي وجدت لتنظيم وتفعيل المنتدى واي شي تراه في صالح المنتدى بتعملوا نقعد نتلكك ليها في الرايحة
وفي الجاية ولا شنو ؟
وانت بالذات يا اخ عاطف ما مفروض اطلع منك كلام زي ده لانك جربت الاشراف وعارفه حار كيف وعارف انه الواحد
مرات ما بقدر انوم حتى بدون ما اراجع المنتدى ويشوف الحاصل كله ويطئن ان الامن مستتب حتى يقدر يطلع
وعارف الشي بكلف الواحد من وقته وجهده وراحته وبياخد منه الكثير الغالي ..
بعد ده كله ما تلقا مننا كاعضاء غير التلكك والاصطياد في الماء العكر .. وقنص الفرص لاي خطأ او نسيان او هفوة
نعمل لينا بوست طويل عريض ونقعد نهاتر ونجتهد في قراءة اللوائح والقوانين عشان نلطلع لينا بأي شي يدين
الادارة ... ؟
ليه ؟ وعشان شنو ؟
في النهاية ده منتدى بنجي نلقا فيهو راحتنا وناسنا وحبايبنا ونقعد نتسلى ونتفاكر ونسلم على بعض ونطلع
مبسوطين .. بعديداً عن اي اشياء عالقة في النفوس ..
وبعدين انت اصلاً عارف قصة المنتدى ده بدأ كيف واتعمل كيف والحصل فيهو شنو طيلة السبع سنوات بتاعتو دي
ولا الواحد بجي يتكلم ساي ..
ومهما يحصل من الادارة فهم ناس مكلفين وتعبانين روحهم طالعة احسن نشكرهم ونشجعهم عشان يستمروا
مش كل يوم عضو محرقاو نفسه فاتح بوست طويل عريض يفور بيهو دم الناس ساي ..
كنت داير اكتب اكثر من كده لكن والله وانا بكتب حسيت اني ح اغلط عشان كده احسن اوقف لغاية هنا
وده ايمن العضو بعيدا عن اي ايمن المشرف
لكن دي الحقيقة كما اراها
والله من وراء القصد
واستغفر الله العظيم
أخوي أيمن أتمني أن تكون قد أرضيت ضميرك.
نغير القوانيين والنظام الأساسي نرجع الناس اللائحة مصانه
لاخوف علي الحقوق والواجبات
لكن تخرق عشان ترضي فلا!!!!!!!!
