عرض للطباعة
حباب ود الطاهر ... الريدنا ليهو ظاهراقتباس:
المشاركة الأصلية كتبت بواسطة صلاح ودالطاهر
ياخوى السكين دى أكان لى الشية ، أرقد قفا شية الزمن ده بقت صغار الأتقول مقطعنها بى ضفَّارة :)
أها السكين دى إن بتدور نصيحتى أبعج بيها كرش الزول الخاتى صورتو ده ، بسم الله ماشاء الله لو بزق سفتو ماظنيتا تقطع الواطة ، ياخوى ده كان استحما بدورو " سبلوقة " لى تصريف الموية :)
بجيك صادى عندى نضم مع ود حسن شايفو بقا كلو يوم إفتح دكان ، وفى ناس ماقادرة تفتح فى الكنكان " حكمتو بالغة ":)
أها كمان ياود حسن أخوى عشان أتم ليك الناقصة قول ليها تمطيرك خليهو ، أنا برسل ليك بى الدى اتش ال ربع رطل كلو يومين تلاتة ، ممطر وجاهز ، قوليها بس جهزى علبة فورموست فاضية وامليها تراب لزوم " التفاف " يا البيتك نضيف شفاف.اقتباس:
المشاركة الأصلية كتبت بواسطة نزار حسن محمد
حرام عفيت منك ..قلت لى كيف علبة فورموست للتراب ..يازول التراب كان قامت الكتاحه النسائيه علينا دحين مابجى فى عيونا ..ما اخير لينا سجايرنا ساكت داك هبوب بس ..وهبوبك يالله ...اتا تعال نسعلك ياود الماذون ..الزول ود الماحى ده خباره شنواا متكون وزارة الدخليه عملت ليه حبس انفرادى..يازول كدى نشوف زولنا ..الله اجيرنا من قوم تاتشر واخواتا،،،اقتباس:
المشاركة الأصلية كتبت بواسطة أبوبكرحامد
ود الماحى بتكون عندو فروقات فى ساعات النوم أظنو لسة ماقلب الجزرة ، ياخى ود الماحى ده على اليمين سمح سماحةً تخلى الحرف متبلم ، أسعدنى بى زيارتو للبحرين وياريتو لو انمهل شوية ، وياريت لو اكررا ومعاهو سكر الجنيد وامها واخوانها وحبانا و ......
كان معانا الما منظور انسانا .......
باقى الغنية مامناسب لموضوعنا ، بس حبينا نربها .
ودالماذون حلوه ..ماقلب الجذره ..ليلم صباح وصباحم لليل...ذكرتنى اغنية شل شل كوب لى جالون قبل يومين كده الغالى ابوشوارب اتصل على وهو سائق الفارهه ويغنى باعلاء صوت شل شل كوب لى جالون اظنه كان لحق الطرمبهاقتباس:
المشاركة الأصلية كتبت بواسطة أبوبكرحامد
تعرف ياودالماذون اكتر اتنين استمتعوا بود الماحى انا ونبيل حمدتو عندما ذهبنا عرس اخوه بكرى فى الجنيد واهل الجنيد ماشاءالله عليهم كلهم نسخه من ود الماحى اهل كرم وضيافه ونكته ..وكلهم كوم وخالته بتول براها كوم ذكرتنى بى بتول الغبشه من اليعقوباب والدة الشيخ هجو ابو البتول وقد كانت شهرتها النسخ لما تتميز به من فصاحه وكانت نخط المصاحف وتنشيد المدائح..وخالة ود الماحى لاتقل عن تلك البتول ..يازول اهل الجنيد ديل حلوين حلا لاتوصف والكلام كتير داير ليه عشرة وستى كاربه مع كباية شاى مدنكله ..بس الله اجيب لينا ابو الاميره والله اشتقنا لى ونسته ....
هووووى ابوى ابوقنايا ندهتك فى طولك وعرضك تبين لينا فى دكان ود الصول وتجيب لينا الحبيب ودالماحى بطوله ..
ود حسن أخوى ناس كونكان ستة خبارم مندسين لاحس لاخبر ، خلونا نتجادع انا وانتا فى الدكان زى مجادعة اولاد حاجى الماحى فى المديح ، ياناس والله متقريف لى لى حولية وذكر ، أكان طقشت أضانكم حولية انشاء الله فى الشارقة قولوا لى ، انشاء الله انشرق .
هووووى ابوى ابوقنايا ندهتك فى طولك وعرضك تبين لينا فى دكان ود الصول وتجيب لينا الحبيب ودالماحى بطوله ..
والحوليه ...بكوارع وام فتفت ..فى الشارقه
الايام دى ناس كنكان سته قالو يخلوا الكبار يفتوا فى الشمارات ساكت يمكن نطلع لينا بشمار حصري .. واقيفوا النسالكم انتو ودهاشم دى اديتو الاذن بصرف مرتباتنا ولا جانا ساكتاقتباس:
المشاركة الأصلية كتبت بواسطة أبوبكرحامد
هووووي أأأبو قنايه دافرني موديني وين !!!؟ ياربي أنا شايلني حمار النوم ولاّ أبو قنايه ولاّ ياربي دا البراق...حكمتو بالغه ياجماعة الخير ...إمبارح يجيني أبوقنايه في النوم يقول لي هوووي أأأود الماحي دكان ود الصول دا عيبو لي !!! قلته ليهو حاشاهو العيب ..قال خبارك قاطع منو مويه ونور ...قلته ليهو أنا من فاتو ود المأذون عودي فيهو بقي عود مرا ...قال لي أها ود المأذون رجع ومعاهو ود حسن وود الطاهر سكينو في ضراعو والصعوت نديان زي البركاوي والكمبو فركة كعب ...بالله صحيت مخلوع درعته عراقي وجيتكم حفيان قلته النحدد كلام أبقنايه دي ....اقتباس:
المشاركة الأصلية كتبت بواسطة نزار حسن محمد
مشاققه...
ود المأذون ..ودحسن ..ود الطاهر ..السلامي ...والغائبين الحاضرين ...أبو الله جابو ...الخواجه ..ود الصادق...ودهاشم ..أمير الامراء..ود المبارك وباقي عقد اللولي ليكم وحشه ودايماَ في البال ...ليكم كل حبي
ود الماحي
مرحبا بالنضارة تهل علي الدكان و مرحب بالغائبين و الذين آمنوا .. دائما أكون صامتا خلف باب الدكان جاهزا للمراسيل و إحضار الاباريق و العشاء ... لا نأكل حتي يشبع الضيوف و لا نبرح مكاننا حتي يغسل أخر وآحد ... نصبر لسؤاله دائما .. إنت ود منوا ... بتقرا في سنه كم ... و دائما كنت أقول لهم جيت الاول ... وكنت أقصد الاول بالقلبه ....
أسمع كلامهم و أتكيف ... أحفظ مفرداتهم و أجربها في أصحابي ... فتلفق حينا ... و نعجز أخري ...
و منها كلمة ... مشاققة ..
فقد زرنا أنا و أسرتي و كديستي العزيز خالد هاشم ... إلا أن الكهرباء حرمتني من التدقيق في ملامحه ... فرجعت بنصف فرحة .... و زرته أول أمس مع أخي السلامي فوجده في الخرطوم فحرمت مرة اخري ...
شوقي لنزار و أبوبكر و ود الطاهر و جمال الماحي لا تحده حدود
ود الماحى .... حرَّم بلاك خربانةاقتباس:
المشاركة الأصلية كتبت بواسطة Jamal Elmahi
ما انتوا ياناس تكساس أسياد السينما وياكم لاعبين دور البطل والخيانة ، استيفن سيغال ينتج الفيلم وهو البطل واقع لبيع فى الخلق لمن تخاف على رقبتك ما إجيك مارق بره والبعك ، بجيك صادى ياجيمى ، ونرجوك عدم الإنقطاع.
أعجبتنى عبارة " نصف فرحة " ، وحزنت لحالى لأننى لم ألتقى الرائع خالد هاشم ، يعنى ياود الصول ماتقسم لينا من نصك ده ، ولا ح تبقى زى الكوكب البيملح على الجماعة فى العرقى ، يوم واحد زهج منو ورفض إديهو كاس ، لأنو القزازة شراكة بينه وبين آخر ، الكوكب لايوق قال ليهو ياخى مافى مشكلة أدينى من نصك ، الراجل اتثاقل عليهو وقال ليهو ، سورى ياخى مابقدر أديك لأنو نصى التحت :) :) :)اقتباس:
المشاركة الأصلية كتبت بواسطة صول سودان
أنا زاتي عجبتني حتة نص فرحه ..علاّ أنا بشيل من نص الفرحه حقت قطعت الكهرباء..شفته الحرفنه دي ...يعني الوجيه صول سودان ممكن يتغاتت عليك علاّ كهربة الحيكومه حنينه وخجوله لامن دايماَ قاطعه ...هاك الحرّايه دي...اقتباس:
المشاركة الأصلية كتبت بواسطة أبوبكرحامد
مشاققه ...
أها أأأبوي مسعول من الخير كيف أخبار عمنا الكان عيّان أبو بكري وسهير ست الملوخيّه ..طمني عليهو بالله وتحياتي ليهم لو لسه معاكم وتحيات خاصه لشلة الويست والقانون...
العم حسين عوض الله عاد للسودان بعد أن منَّ عليه المولى عز وجل بالصحة والعافية وسأرسل لك رقم هاتفه بالسودان ، بكرى وسهير مندهشين للعلاقة التى ربطتنا عبر المنتدى والتى توجتها بطلتك البهية وزيارتك للبحرين ، غايتو ياجيمى طالبنكم زيارة بى مهلة ومعاك العيال وامهم و .... بيتنا نوَّر وكلو زينةاقتباس:
المشاركة الأصلية كتبت بواسطة Jamal Elmahi
الوجيه عريس الموسم لغاية 2010اقتباس:
المشاركة الأصلية كتبت بواسطة أبوبكرحامد
المنتدي وأصحاب المنتدي يوم شكرهم إن شاء الله ما يجي...المنتدي أضاف لي إخوه قلّ أن يوجد أمثالهم ومعرفة الرجال كنز أأأبوي ...رجال يسدوها ويقدوها ..وبرضو أخوات أفخر بمعرفتهن وربنا يدوّم الود والاخاء...
مشاققه...
الصيف الجاي كان الله هوّن أنا وجماعتي عمره وجوله في السعوديه ثم السودان وإحتمال الهبره للبحرين وارد ..وربنا يجمعك مع المدام ووليداتك قول آآآآآآمين...
أدينا الأكيدة ياجيمى بلاش شغل الإحتمالات ده ، منتظرين سكر الجنيد وسنبشر المسئولين بإمكانية الإستغناء عن منصرفات تحلية المياه ، لأن سكر الجنيد ستزيد مياهنا حلاة ، وهذا بمثابة تحذير لمرضى السكرى بعدم تناول المياه الصيف القادم لإحتواءها على سعرات حرارية و..... سكر سكر سكر ، كل الشافو انكر ..... غيرو إكون فى سكراقتباس:
المشاركة الأصلية كتبت بواسطة Jamal Elmahi
قابلت خلال إجازتى الأخيرة بالسودان الزول الجميل أبو المهتدى ، وقد إصطحبنا أنا ونبيل حمدتو بسيارته لزيارة الورشة التى أنشأها بالمنطقة الصناعية ، نرجو له التوفيق والسداد .
من الملاحظات المهمة أننى خلال إجازتى إلتقيت بالسلامى وحسن أبو على والتيمان وابوهم ونبيل حمدتو وعوض أبو المهتدى ونهلة حيدر ونزار وخالد صول السودان ومعتصم عايدروس، وهؤلاء جميعهم إلتقيتهم للمرة الأولى ، والغريب فى الأمر هو إحساس الإلفة بين الناس وكأنك تعرفهم لعشرات السنين.
هوووووى يابــــــــــــوى ابوقنايا ..فى طولك وعرضك ..دكان ود الصول ما تنقطع فيه الونسه من حبايبى الغالين ..الليله اقف طولك وسوى الهولك..تجمع لى الحبان ود الماحى ود الماذون ودالطاهر ود الصول وناس الشرق وناس الغرب وناس الشمال وناس الجنوب وناس دارفور
قووولو اميـــــــــــــــــــــــن ،،،، كع
ود المأذون
ابو شوارب
عزيز عيسى
وبقيه العجائز
وود الماحى شيخ العجائز
مطلوبين لاجتماع عاجل
كل واحد يسجل حضوره قبل الاجتماع !!!
[COLOR="DarkGreen"]ود المأذون
ابو شوارب
عزيز عيسى
وبقيه العجائز
وود الماحى شيخ العجائز
مطلوبين لاجتماع عاجل
كل واحد يسجل حضوره قبل الاجتماع !!![/COLOR]
ما دام جاء ذكر الجماعة ما ننسى قفة فى السوق الصغير جنب العياشه والشباب ما بعرفو العياشة نرجع لقفة لو الشباب عايزين يمقلبو واحد جديد نجى جنبه ونكورك قفة يروح ساكينا ولو ما حصلنا بالعكاز يشترنا وما ننسى خوجى وودالفتلى وشم البنزين
مادام جات سيرة السوق " السغيِّر " ارح نمشى على سوق الأنبياء ومكتبة ابشر وصعوط الحبشى وحلوانى الحرمين ومطعم ابوظريفة ووووووو ياسلام على مدنى يامحجوب.اقتباس:
المشاركة الأصلية كتبت بواسطة mahagoub
......................اقتباس:
المشاركة الأصلية كتبت بواسطة بابكر
حضرنا حسب المطلوب ، وحين طال الإنتظار وجدنا قطعة فحم فكتبنا بها على الباب:
حضرنا ولم نجدكم
بقيت بالقلب محبتكم
سلامات يا ناس الدكان
حضرنا ولم نجدكم
كوكوكوكوكوكوكوكوكو
حباب بت الحسن ، رمضان كريم وتصوموا وتفطروا على خير ، ولاتنسونا من صالح الدعاء يا أهل مدينة الحبيب المصطفى عليه افضل الصلوات واتم التسليم .اقتباس:
المشاركة الأصلية كتبت بواسطة فدوى الحسن