سلاماااات يا ناس الدكان رمضان كريم ..
برضو على حضرنا ولم نجدكم
الدكان آخر مرة كان شغال كويس أيام زيت السمسم ... من ديك وعيك
وين الحلوين وين راحو
لي ليلنا يضو صباحو
ببسمة يزيدو عمرنا
كان العزال ارتاحو
عرض للطباعة
سلاماااات يا ناس الدكان رمضان كريم ..
برضو على حضرنا ولم نجدكم
الدكان آخر مرة كان شغال كويس أيام زيت السمسم ... من ديك وعيك
وين الحلوين وين راحو
لي ليلنا يضو صباحو
ببسمة يزيدو عمرنا
كان العزال ارتاحو
ود المأذون جاء وفتح الدكان..
كدي أمشي وأجيكم راجع..
من شدة الفرحة عدم المؤاخذة
نسيت مركوبي وجيت جاري حفيان..
دا كله منك يا ودالماحي..
خليت ناس الدكان يضحكوا علي.
الدكان لمّا الحبّان ......... الكنديين والأمريكان
الفى كندا قال بردان
والفى هيوستن بيهو فرحان
ياناس جيبوا الجبنة وبخورا لبان
ويانزار ود حسن جيب الخرفان
حليلو ود عيسى عمانول جابلنا نعاجاً سمان
حليلو الخواجة أفندى ساكت ماهو لفيف ولاهو دريان
دحين آفدوى بت الحسن مسعولة من الخير ؟ خالك الرشيد رجع السودان؟
ويانس جده هوووى خباروا العمدة ود الصادق حارب الدكان ؟؟؟
هاناس حرَّم منتداكم انملا دفسيبة ... وناس كبسيبة ... وملاقطا وبهتان
ماليكم ملاذاً آمن غير الصحبة ولمة الدكان
ويابكرى خوى مانى داير غير قعدة الدكان
دحين أرفدونى من مجلسكم انا حرم بقيت فتران
كان المعاش طلع داير لى بيت ناصية فى حى البان
اهلين بود المأذوووووووووون والله ليكم وحشششششششششششة شديدة يا ناس الدكان ...
وخالو الرشيد مشى السودان اجازة وجاء راجع ... مزحوم مع الشغل... بس بجي اعيد معانا في المدينة ... وسلامك وصل للرسول صلى الله عليه وسلم...
.................................................. .................................................. ...........اقتباس:
المشاركة الأصلية كتبت بواسطة فدوى الحسن
كتر خيرك يابت الحسن ، بس طالبك بى النبى تدعوا لينا وتبلغوا سلامنا لى أبو ابراهيم طوال الأيام المتبقية من شهر رمضان ، وبعد داك الله اسهل وارفع رجلنا ونجى نحج ولانعمر .
هلا ..والله ..وهلا..
ود الماذون ..انا جبته مراح خرفان
عشان لمت الحبان ..وكان ما رمضان
كنت عملت لكم شربوت... بالهباهان
ود الماذون ..اجدع لى الحقه انعدل
راسى ..شوفى بقى رهاب رهاب
ومامصدق ..تانى الدكان انفتح وتلموا
الاحباب كتر الف خير الخواجه عزيز
كدى بمشى افتش معه على نعلاته..
وبجيكم
يا برهوته أهو أنحنا جينا متمسحين بزيت السمسم بنرقشاقتباس:
المشاركة الأصلية كتبت بواسطة ابراهيم
وعايزين نسخن الدكان شوية ونخليه يحيا من جديد..
بس كلم لينا ودالماحي وأبو سفروق يكثروا من الزيت
شوية.. ولو جابوا معاهم شوية حاجات ثانية لعل وعسى
ترفع من المعنويات يكون أحسن.
إبراهيم هوي تعال النسعلك..
إنت يا جنا عايزنك تدينا إنطباعاتك عن كندا
والرحلة إبتدت كيف حتى وصولك الى بلاد الجليد.
واللغاويس اللي كنت شايلها معاك لي هناك.
أنا غايتو ماشي أجيب لي بمبر وأجي أقعد
لأنه ما أظن أجد لي كنبة فاضية في الدكان
أجلس عليها.
ودالمأذون..اقتباس:
المشاركة الأصلية كتبت بواسطة أبوبكرحامد
النعاج الصوماليات ولدن خرفان تني كنت عايز أفاجئكم
وأجيبها ليكم تضبحوها.. لكن وكت عملتني لفيف ولا دريان
أهو المرة دي شايل دربي علي الدباغة أجيب ليكم لحمة جاهزة..
غايتو ما تسألوني أبدا.. لو بقت كيري الله معاكم..
جيبوا نبيل حمدتو إن شاء الله يعملها ليكم أقشي.
هوي يا أبو سفروق.. إنت فاكرني غبيان..اقتباس:
المشاركة الأصلية كتبت بواسطة نزار حسن محمد
أنا نعليني الراحن مني كانن جداد..
والنعلين الجبتهن لي ديل قدااااام ما حقاتي..
إحتمال كبير يكونن حقات ودأبوشوارب أو ودالماحي..
والدليل إنهن ما هن مقاسي.. ومقدودات من تحت
من كثرة المشي.
If it doesn't fit.. you have to quit
غايتو واحد في الإثنين: يا علا تجيب لي نعلات جداد
أو نمشي المحكمة وتغرمن لي هناك قدام القاضي.
وإن شاء الله لو جبت ودالمأذون أو فاروق أبوعيسى
ذاتو أنا غايتو ما بتنازل عن نعليني.
عماد الصادق شاهد ملك تبعي.
بالله الدكان فتح .. النمشي البيت واجيب لي قروش واجي
ودأبوشوارب،اقتباس:
المشاركة الأصلية كتبت بواسطة صالح ابوشوارب
الدكان فتح لكن مع التخطيط الجديد ودوهو مكان بره البلد..
أهو دي (زقلونا) ذاتها البقصدها ليك..
وبعدين ماشي تجيب ليك قروش؟
شوف يا ودأبوشوارب أنا عارفك بتخطط في العيد لي شنو..
إنت ما شايف ودالصول معلق يافطة مكتوب عليها:
ممنوع لعب القمار..
البريمو.. والكرتلة.. وملوص.؟
اقتباس:
المشاركة الأصلية كتبت بواسطة عزيز عيسى
عزيز سلامات يا زول يا رائع
النصيحة زيت السمسم دة اختو دربو لأنو الدكان دة سبب نكبتو كانت فوق زيت السمسم دة
غايتو ممكن الناس العندهم سقط شديد يتمسحو ويجو لكن ان قلتو تبيعوه في الدكان تاني بقع.
بالنسبة للرحلة يا عزيز امانة ما فيها كترت بلاوي وفضايح وجكس وعولمة انت بس لوك الصبر وانا بجيك بالمفيد كلو.
سلامااااااااااااااااااات يا ناس الدكان وجمعة مباركة عليكم وصيام مقبول يارب....
ونحن في انتظارك يا تلش...
والله ليكم وحشششششششششششة شديدة بالحيل
ما إنتوا ناس زايد آل نهياناقتباس:
المشاركة الأصلية كتبت بواسطة نزار حسن محمد
تسووا الشربوت بالهبهان
والكسبرة تسموها جلجلان
وتقليتكم بى كريم شانتى وزعفران
الله بيدى الجنة ... وبيداوى وجع المصران
لينا الله وشلة الكونكان
ياخواجة كدى أشرح كلمة " لفيف " معناها شنو ، اللفيفين يمتنعون .اقتباس:
المشاركة الأصلية كتبت بواسطة عزيز عيسى
أبو الله جابو .... قروش شنو الماش تجيبن ؟؟اقتباس:
المشاركة الأصلية كتبت بواسطة صالح ابوشوارب
ياخوى دفتر جرورتك فاتح ليهو حول ، وبشوفك وكت نطالبك بالقروش تركب لينا صورة الزول المعضل داك وتقول ده " الله جابو " ، أمانة فى ذمتك ده الله جابو ولاجبتوا براك بى إيدك وشديدك " يا الممسوخ " هههههههههه
وكلنا فى انتظار تلش الكندى ، بس يابت الحسن ماخليتنى شين حايمة فى الكيبورد ، الشى دى وحشة ولا عطسة " فكرت اكتبا عطشة لقيت الكيبورد عدمان الشين " هههههههاقتباس:
المشاركة الأصلية كتبت بواسطة فدوى الحسن
نسلف شين من عندنا يا ود المأذون
مششششششششششتاقين
أها يابت الحسن هاك صيغة سلام البحرينيات " إشلونش ... شاخباريش " .اقتباس:
المشاركة الأصلية كتبت بواسطة فدوى الحسن
..................
ده سلام بس شال ليهو اربعة شينات " جمع شين وليس جمع شينة ، لأن شينة تجمع وتضرب بلا مغسة ، والعهدة على الراوى .
برهوته.. اكان كدي أنا تاني زيت السمسم دا ما بجيب سيرتو خالص..اقتباس:
المشاركة الأصلية كتبت بواسطة ابراهيم
والله يكفينا شرو..
وحتى في الفول ما عايزو بشوف لي زيت من نوع تاني..
لكن ود الماحي دا سقطان طول السنة
إلا تشوفوا ليهو سمنه يتمسح بيها.
بالنسبة للرحلة عايز ناس الدكان يتونسوا معاك
ولا نفتح ليك بوست جديد في العام
والجاي والرايح كلو يتفرج..
أنا غايتو الصبر بلوكو زي لبانة
الراجل في نكتة ودالصول ديك.
يازول أنحنا في إنتظارك نسمع الفضائح..
بس عليك الله ما تتأخر علينا.
يا ود المأذون إنت قايلني خواجة غبيان..اقتباس:
المشاركة الأصلية كتبت بواسطة أبوبكرحامد
يازول دا أنا من زمان قلت ليك تفتيحة
وشايل مفاتيحها.. لكن البقنع الديك شنو؟
اللفيف هو الزول الشليقان أو المتشولق
زي منو ما عارف كدا.
أها بالله طلعت ليك كيف؟
يلا تعالوا يا متشولقين قولوا
لي شرحك دا ما صاح.
غايتو الزول الوحيد اللي ممكن أثق
في تأكيده أو نفيه للمعني هو خبيرة الراندوق
أختنا عشوشة..
لكن يا فدوي الشششششششين ما ما ما عندك..اقتباس:
المشاركة الأصلية كتبت بواسطة فدوى الحسن
يا ود المأذون طالما الدكان فتح تاني من جديد
ياخي ما ترجعوه لمحله السابق
في منتدى ودمدنيات؟
اقتباس:
برهوته.. اكان كدي أنا تاني زيت السمسم دا ما بجيب سيرتو خالص..
والله يكفينا شرو..
وحتى في الفول ما عايزو بشوف لي زيت من نوع تاني..
لكن ود الماحي دا سقطان طول السنة
إلا تشوفوا ليهو سمنه يتمسح بيها.
بالنسبة للرحلة عايز ناس الدكان يتونسوا معاك
ولا نفتح ليك بوست جديد في العام
والجاي والرايح كلو يتفرج..
أنا غايتو الصبر بلوكو زي لبانة
الراجل في نكتة ودالصول ديك.
يازول أنحنا في إنتظارك نسمع الفضائح..
بس عليك الله ما تتأخر علينا.
آي احسن شوف زيت فول زيت فهد زيت عباد الشمش كلو عند العرب زيوت
أما ود الماحي بنرسل يجيبو ليهو ودك من السودان ولا زيت حار من مصر
بالنسبة للرحلة خلينا قبلنا هنا وزي ما قالوا السترة والفضيحة متباريات
اول التبادي في بداية ومن قولة تيت في الطيارة ركبت لقيت قاعدة جنبي واحدة امريكية ماسكة ليها رواية قدر الليلة وبكرة وبتقرا فيها .. احترمت نفسي وقعدت ساكت ساااااااااااااي اصلو ما فرطت بي كلمة عشان ما تقوم ترطن لي وتدخلني محل الطيب خش ... المهم الله سترني لغاية ما الطيارة اتحركت .. وبعد شوية جو المضيفات وطبعاً انا جني مقارنات بقيت اقارن بين مضيفات سودانير ومضيفات الليفتهانزا .. او حاجة المضيفة في سودانير بكون عندها شنب وجلحات وكان ما دققت كويس ما تفرزها دي مضيفة ولا مضيف تجي شايلة ليك الدمعة الله عالم انت تاكلها خوف بس من المضيفة .. اما المضيفة بتاعة رحلتنا دي انت تعاين ليها ساااي تشبع .. والابتسامة تشرح القلب والشعر في الركبة .. لغاية هنا الرحلة تمام التمام ومافي اي مشاكل لكن الجهجهة بدت لمن المضيفات بعد الفطور جابو الموية .. الخواجية شربت وبقت ترطن وانا طبعاً مستمع لغاية آخر لحظة لكن وقت شفت الخواجية كلامها كتر وسكرت لمبة بقيت اتكلم معاها ولقيتها ملاااااااانة ثقافة بتعرف السودان وبتعرف الطيب صالح وعرس الزين وموسم الهجرة وسألتني سؤال نكير وطبعاً بجاوب ليها بالانجليزي وبالعربي والباقى بتمو ليها اشارات لغاية ما وصلنا المانيا .. لحدي هنا كويسين من المانيا هي ماشة امريكا وانا ماشي كندا اها الخواجية بقت تتغزل فيني عديييييل you have a nice look ويو هاف شنو ما بعرفو وانا شغال ليها thank you لمن كلمة سانكيو اتسحكت وبعدين حدث حدث غريب شوية بجي بحكي ليكم بعد الفطور.
ابراهيم الله يجازي محنك كتلتني من الضحك..
كدي أمشي حلل صيامك أخذ ليك تمرتين وشربة موية
وبعد ما تأخذ ليك طرقتين أقصد ركعتين ثلاثة تعال
صادي علشان نشوف أخرتها مع الخواجية الطشمانة
دي.
طلبت منك تحكي لينا عن سفرك لأني عارف كويس
السفر دائما بتحصل فيهو طرائف ومفارقات ذي دي
وبتصادف الواحد مواقف عجيبة منها
المضحك ومنها المبكي.
يا زول واصل مستمعين.