مساء الجمااااااال
عرض للطباعة
مساء الجمااااااال
مساء الجمال مخلوط بالورد الندي
على كل الناس الحلوة (بدون فرز)
صباح .. مساء .. الجمال ..
الليله هفت لي قلت تسمعوها معاي ..
خليني اقراك مرة صاح ..
http://www.youtube.com/watch?v=DmUQlHlkD9M
ودي الكلمات يا مدون عشان ما نتعبك ..
خليني أقراك مرّة صاح
عكس إحتشادك فى الحضور
هل غاب معاك وعى الطريق
أم بيكى زكـّانى الزمن
ماشيك وعارفك يا حريق
فى يوم غماماتك بجن
فرهد غيابك أغنيات
ظلت أراضى اللقيا بور
بلقاكى يا كل الطيور
مسجونة والحرية سور
وبلقاكى بيناتنا الثبات
وبيناتنا شمس البكرة فى لحظة مخاض
*******
طول الوجع رشـّح مواطن العافية فيك
خلانى أرجع وأبتديك
وأقراكى من كل الجهات
ومابين أقابلك ومشتهيك كان حلمك الأول
ترفْ
وكنتى الصبية الغايبة
فى زحمة حجا وكلمة شرف
كنتى الزوايا الميتة فى متحف خزف
كنتى الوصايا العشرة واللون الشحيح
*********
سميت مساحاتتك حكر
كل البيحلمو ا بى الشمس
هجـّرت من واقعك عبث
سكـّنت فيك ضد السكون
كل اللى كان ممكن يكون
وطارت ضفيرتك ليل غنا
جدلة صبُر وطولة نفس
*******
ومابين أقابلك وجيت عليك
كان عندى ليك بس نحنّ والجرح الثرى
وخيبة أمل أم الشهيد
فى الكلمة والوجه الجديد
وكان إحتقان نبض الزمن
نومة طفل فوق الدّمن
يا صاحية بى الحاصل علىْ
يا نايمة عن فقرى البليد
سميت منافيك الوطن
صبحت مناحاتك نشيد
يسعد مساءك يا الجندياقتباس:
المشاركة الأصلية كتبت بواسطة الجندي المجهول
--------
سعيدين بطلتك والله
اقتباس:
المشاركة الأصلية كتبت بواسطة ريمون
جد مبالغة ياريمون
بتتعلم من الأيام مصيرك بكره تتعلم
وتعرف كيف يكون الريد وليه الناس بتتألم
متين عرف الهوى قلبك متين صابك بآهاته
متين سهر عيونك ليل طويله طويله ساعاته
وحاتك لسه ما بتقدر تقاسم قلبي دقاته
ومصيرك بكره تتعلم
وتعرف كيف يكون الريد وليه الناس بتتألم
وتتعلم
أقابلك وكلي حنيه وأخاف من نظرتك ليا
وأخاف شوق العمر كله يفاجأك يوم في عينيا
ورا البسمات كتمته دموع بكيت من غير تحس بيا
ومصيرك بكره تتعلم
وتعرف كيف يكون الريد وليه الناس بتتألم
وتتعلم
بكره الريد بدون مواعيد يزورك يا حياة عمري
تقول يا ريتني لو حبيت زمان من بدري
تعال فرح ليالينا تعاااااال قبل السنين تجري
ومصيرك بكره تتعلم
وتعرف كيف يكون الريد وكيف الناس بتتألم
وتتعلم
و شوفي لينا الأغنية يا مدنية
صباح الجمال لكل الحضور الجميل
ويا مدون سلامات ومشتاقون
---------------------
أغنية الماضي والحاضر لصلاح مصطفى
ما لقيته بصوت صلاح مصطفى
إنت لو فكرت تتزكر غرامك في ماضيك البعيد
برضي زيك كنت عاشق و كانت أيام عمري عيد
*
كنت عايش في سعاده و قلبي فرحان بي حبيبو
ياما شمتو الناس عليهو لما حاول يوم يسيبو
الفراق قسموهو ليهو قلبي رضيان بي نصيبو
تمضي ايامو في عذاب و في ربيعو يكون وحيد
*
لما شفتك رحت ناسي كل الكانو قربي
بعت غيرك و إحتضنتك يا حبيبي جوا قلبي
إفتكرتك تبقى أملي و تبقى زادي و باقي دربي
لو نسيتو ... أو جفيتو
في العذاب كم من متيم
و في الغرام كم من شهيد
يا حبيبي إيدي و إيدك نبني جنتنا الصغيره
تحكي ليا و أحكي ليكا عن أمانيا الكبيره
الحنان نتغنى بيهو
و الحنين يبقى المسيره
يا حبيبي قلبي عندك و إنت فيهو
و تحيى بيهو و تبقى ليهو
وطوق نجاتو و نور حياتو
صباح الجمااااااااااااااال
اقتباس:
المشاركة الأصلية كتبت بواسطة Amin Idries
وتعرف كيف يكون الريد وليه الناس بتتألم
ياسلااااااااااااااااام ياود جيرانا
ابداع عددددددددديل والله
------
وجودك اسعدني جدا أمين
http://www.youtube.com/watch?v=d4jsudDLMbg
اقتباس:
المشاركة الأصلية كتبت بواسطة مايسة
صباح الجمال ياميسو
وشوقنا ليك اكتر
ونورتي والله من جديد
http://www.youtube.com/watch?v=4ekGP6UxB3k
اغنية جميلة جدا
--------
قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر
* * * * * *
الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقها
دنيا بقربك يفرهد كل طائر يحيا فوقها
وجنة من بعدك بيذبل كل مخضر فيها ناضر
* * * * * *
لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر
* * * * * *
لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر
http://www.youtube.com/watch?v=cL0BiJ2XV4k
مساءآآآآآآآآآآآآآتكم نديه ياحلوين
http://www.youtube.com/watch?v=xb8cW_lKJkM&NR=1&feature=endscreen
جيناكم ياحبايبنا بعد غربه وشوق
نغالب فيهو ويغالبنا
ونكتم اه تظهر اه تتعبنا
حنين لشوفة الغالين مدوبنا
بعد غربه وشوق
هناك غربتنا ما هنتنا ياحلوين
هناك الهم بدل واحد يبين همين
ومهما قلوبنا تتاوه سنين وسنين
مصيرو الحى يلاقى احبة لو صادقين
سماع اهلا من الاحباب شروق امال
ووصف البهجة بالكلمات محال يتقال
حلاوة العوده غنيناها فى موال
تحكى عن الولف واصلو الولف كتال
و عليك بالأغنية يا بت جيرانا
مشرع الحلم الفسيح
ازهرى محمد على
***********
يا مشرع الحلم الفسيح
أنا بينى مابينك جزر
تترامى .. والموج اللّديح
القدرة والزاد الشحيح
كملتو .. ما كِمل الصبر
نتلاقى فى الزمن المريح
ميعادنا فى وش الفجر
يا مشرع الحلم الفسيح
***************
يا مشرع الحلم الفسيح
يا بعض منى .. وفينى ساكن
أنا أصلى منك ومشتهيك
و بيناتنا ليل الغربة ... داكِنْ
هبّة هبوبك..
أفتح شبابيك المساكن
وسـِّع دروبك ..
ولـِّع مصابيح الأماكن
يا مشرع الحلم الفسيح
*************
يا مشرع الحلم الفسيح
يومنا النـّهِـبْ .. أسلِبنا خوفنا
كبـِّرنا قدرك .. مرتين
وطـِّول قدر كتفك .. كتوفنا
يا رغبة الرعد البيسكن ..
بين غناوينا وحروفنا
ضوِّى الدساكر والضفاف
عبِّى الحناجر بالهتاف
سدِّد مسامات الرِّعاف
نوِّر مغاراتنا وكهوفنا
*******************
يا مشرع الحلم الفسيح
أنا وإنت .. والمطر الفصيح
حانطوِّع الزمن القبيح
نأخد بعض .. شكل السما
حدِّثنى دايماً .. كلما
تنشف على البر الضفادع
يهجر الضو المواضع
وتسقط من الكف الأصابع
حدثني دايماً كلما
تحرد مراسيك السفن
تسكن مرافيك الزعامات .. الدُمى
حدثنى لو تاهت خطانا ..
على الدروب المبهمة
أو ربما..
تهدم آلات الشوارع ..
وترجمْ العُزّى الصواقِع
حدثنى لو مطرك همى ..
حدثنى لو صادف الكى المواجع
وضلك على الساحل رمى
حدثنى لو مطرك همى
علمنا دايماً كلما
نبذر على أرضك شهيد
يطلع شمس ..
يبهر بأنوارو السما
يا مشرع الحلم الفسيح
صباح الخير يا بت جيرانا
بأي طريقة تشوفي لينا الأغنية دي و تنزليها
و لك ودي
امين ياخ مشتاقين ..
انت تأمر وبنات جيرانك ينفذوا ..
http://www.youtube.com/watch?v=CEjUrPCs73E
http://www.youtube.com/watch?v=LGW_9iO8IwUاقتباس:
المشاركة الأصلية كتبت بواسطة Amin Idries
قصرنا معاك يا مدون ..
امين ده طلباته اوامر ..
ياريمووووون هوين مدوووون دا تووووولنا منه:rolleyes::)اقتباس:
المشاركة الأصلية كتبت بواسطة ريمون
ريمون يا انسان هذه الأرض و الله مشتاقين ليك شوق فيه نوع من المبالغة و عزاؤنا انك بخيراقتباس:
المشاركة الأصلية كتبت بواسطة ريمون
مدنية صباح الخيرات
لعل غيابك عن صباح الجمال خير وأتمنى أن تكوني و الأسرة الكريمة بخير
ادفقى
ماتكونى رقراق
ابقى ياضل ياشموس
غطى المساحات بالوضوح
استنهضى الشوق الجلوس
وهجك شوارع ذاتى فى ليل اليباب
ماتخافى من دم الغروب
لو رتش اللوحة الضباب
مادام ضميرنا الفينا حى
مادام عريق العشق حى
ملحوقة يامدن السراب
ماتشفقى
العطش الرحيل
النيل ركيزة
ودمعة الأحباب سحاب
ادفقى
فيضان عمار
اتربعى وفجى الوجع
دمع الالام.....مايدفقك
ماخاب غناك
فارسك رجع
اتوهجى وانتى الشمس
اتلهجى ونورك سطع
نور بوادينا الكساح
لاقصت مزامير الصباح
مبكية قرية وقنبلة
متكية دمعة وسنبلة
الليلة فى ايدنا السلاح
ريشة وكدنكة ومطرقة
نبنيكى احسن ياظروف
مخضرة دانية القطوف
نطوى المسافات نسبقا
ادفقى
بلدك فداك
اتوهطى
ورى البنيات العديل
محمية بى عرق الترابلة
ونغمتك مسقية بالريد العتيق
انغام ربابتك تشيل
معزوفة الريد والرفيق
ماتصغرى
تكبر امانى السنبلة
هى اكبرى
تصغر معانى القنبلة
ماتصغرى
ماترجعى الصد للمداين والفرى
شيلى الشحوب والاصفرار
ادى البويتات منظرا
ادفقى
فى كل شارع وكل بيت
فى روابينا المحنة
وفى ضمايرنا السهول
ادفقى
فى كل حتة وكل زول
ابقى شان تبقى الفصول
ريمون ياخ تمي جميلك و شوفي لينا الأغنية دي لو ممكن تنزليها و انتي مسئولة من الخير وين بت جيرانا وديتوها ان شاء الله تكون بخير
صباح الجمال ،،،
من الاخر كدا .. ممكن طلب
اغنية .... (سكر سكر ) وحياة عيني سكر واحلى ..
اول مرة يظهر في اعماقنا فجر
سكر سكر
تخريمة : السكر الايام دي غاااااااااااالي (نار) بس ،،
واعرشو على كدا ،،،
العمة ان شاء الله المانع خير
اقتقدناك يامدنية