عرض للطباعة
أبوعلا الارباب
المريسه أأألخزين بيها بنعدل الكيف
ترياق للغلابه عزّ الهجير والصيف
مرواد للعمايه وبيها بنكرم الضيف
وليهو الحاشي بنعقروا بأم جفيروالسيف
****
المريسه أأأبوي بيها بنفك الريق
والشينه تب ما عرفنا ليها طريق
والكوفي كان ما جاب أم غباشه وزيق
هادا طرفنا منو والعبّار مابنقلب أبريق
****
جمال الماحي
[SIZE=5]اه يالخزين ..حرام من غير مريستك تب ما بندورك ...ولو عايز عرقى حرام نجيبوا ليك ها يازول هو اليومين دى من غير المريسه والعرقى فى واحد بقدر اعيش مع البحر الهائج ده ,,,
شايف ابراهيم رسلوه للقضارف قالوا ماشى اجيب ((انى شاء.. )) بتاعت الحبشه وكان على الشربوت ذايدنه هينكين وده سر بينى وبينك عشان ناس النضباط مايقولو كدى الندوقه.... ودالماحى اشرب شرابك ساكت أأأبوى بس أأأأابوى كثر من البان ساكت عشان ريحتك بترمى الصقرأأأأبوى وماطفش لنا الجكسى../SIZE] .
الكوفي ده يابراهيم سمعت تحت تحت كده كانت ستو يهودية :D
وجزء من الدخل بمشي ليهم
انا ما داير اخرب عليكم
لكن كان عندكم سجك الكلام يطلع صاح
غايتو ياعمك تنقو بري منك ياود امي تبقي علي العدو غايتو لو في زول محتاج لشايعات يجي لعمك تنقول وهو مابقصر
انا طبعا كنت جاية اصبح لكن بعد السمتعه دا ياخواني اعذروني
تسلم يافردة علي الاغنية
[QUOTE=abu_ola]***
نور العيون نسمة دعاش جايانا
كملتي الفهم و في العلوم فايتانا
كل ما امشي بوست بلقاها ديما معانا
أبشر يا أبراهيم ما دام البنية ورانا
***
و الله ياابو علا تسلم يا غالي على الكلام الرائع د و ما قصرت .....
طيب يا جرسون دايره لي كبايه كركدي بارده ...... و الحساب على ابو علا...
هاهاهاهاهاهاهاه
هوووي يا عم تنقو أنت لسه ما دخلت كراعك التانية في الكوفي قلت حق يهودية .. أنت لو شربت من مريسة ود الماحي دي تحلف تقول المنتدي دا حقك برااااااااااكاقتباس:
المشاركة الأصلية كتبت بواسطة عمك تنقو
أناود السوق و الحركات دي بعرفه كوييييييس و لو داير تشاركنا تعال يا أخوي من غير شائعات بس من أسه الأول شرط أخرو نور كل شئ بينا يكون مكتوب و تبصم عليه بأصابع يديك و كرعيك
دا العندي و كان ما عجبك الكلام ارجي ابراهيم و أتفاهم معاه
خلاص انا علندي قلتو
مدنية انتي براك قلتيها الداير شائعات يجي لعمك تنقو ..... أنتي أي كلمة تسمعيها تصدقيها دا كلام شنو دا يا اختي ؟؟؟ ثقة مافي تب و لا شنو الحكاية يا بت أمي ؟؟؟اقتباس:
المشاركة الأصلية كتبت بواسطة مدنيّة
مدنية كان بعتينا نحن ما بنبيعك
ماشين بوراك آمرينا نحن نطيعك
ملهوفين عليك من البدور تضييعك
معقول كلمة واحدة تشتريك و تبيعك
قالت أنا ماشة قالت تمشي وين ؟؟؟ حلاة لقلق نحن بنفكك
اقتباس:
المشاركة الأصلية كتبت بواسطة نور العيون[color=blue
جرسون شنو !!! نخدمك حافين يا نور العيون
كركدي... نسكافيه .... كبتشينو .... عصاير .. سندوتشات ... معسل تفاحتين
حنة ... منكير ... عطور .... كريمات ... إكسسوارات .... أي حاجة كان قلتي لبن الطير في
بس انتي أدخلي الركن الهادي أب لمبةً بمبية داك خليني أشوف أعمامك ود الماحي و نزار حسن ديل و أجيك
عمك ود الماحي دا زولاً مزاجو عالى و الليلة ما تقولي اليوم خميس طلباتو ما بتخلص ،، غايتو كان أتاخرت عليك ما تفوتي .. أنا برأي في الكوفي و إبراهيم غائب ما عارف قصتو شنو
اقتباس:
المشاركة الأصلية كتبت بواسطة نزار حسن محمد
ود حسن يا اخوي شيل شيلتك عمك ود الماحي شايل باقتو و بطاريتو و مستنيك وراء الكوفي شوب الراجل أنت وعدتو ابقي قدر كلامك ما تبقي هراط سااااكت
اقتباس:
المشاركة الأصلية كتبت بواسطة abu_ola
سلامات يا زول يا رايع الله ما جاب الروب ممكن تقول قهوة شاي اي حاجة ههههههههه وبعدين في ناس هنا ممكن يقول للمدام جبنة جدييل في حالات متأخرة شديد ومافي داعي لذكر الاسامي:D قالو السترة والفضيحة متباريات ...
غربة وشجن دي قوية:D
الجكس النضيف خليهو ما تتباكي
لاحسن ام علا تغشانا بالمفراكة
من بين الالوف تلقى المدام ساكاكا
والكوفي شوب يجوط تقع الكبابي هناك
يا الارباب اخوي جاييك اصبر لي
ما دنيا السجم ماسكاني من ايدي
ناس رمسيس وخفرع ما عندهم حنية
صبرك يا جميل خليها بس بالنية
اقتباس:
المشاركة الأصلية كتبت بواسطة عمك تنقو
عمك تنقو مرحب بيك في الكوفي شوب ..
كدى اول حاجة هاك بل ريقك بى عصير تبلدي
وبعدين نتفاهم ..
شكلك عايز تجيب لينا الهبوب المرطبة
وانت عارف ناس حزب الله ما عندهم هظار
افو .. ياأأأأبوه علاء.. ((حرام انا الصعب المتكل بالشعب)) ودالماحى ياأأأبوى نصه طابقه فى جيبه ماتشيل همه .. هو بجى جاهز مويه ونور ونص العرقى ده للقزقزه ساكت. عشان الجكس.... يازول ديل ناس سكرالجنيده الحله وامرك على الله
اقتباس:
المشاركة الأصلية كتبت بواسطة Jamal Elmahi
الرأس أعدلو بالسجار و سعوط
مسموح بيها تب نحن ما بنجوط
الشاي أب لبن و الجبنة أم ساموط
الشيشة المعسل و الجراك مظبوط
***
مريسة السجم تب ما بتفك الريق
شربوت الرماد زيو زي أم زيق
عقلك خلي صاحي ما تسوي فيه حريق
باكر بشكروك ساعة الرجال بتضيف
***
العرقي البخلي الزوق يفقد عقلوا
ينبح زي كلب منو الخلوق يتبروا
زي قرد الطلح دايماً وجيهو يصرو
تب ما فيه خير أنا راي احسن خلو
*****
يسلم يا الخزين راسك نضيف و صافي
الغني بالقناعة ما تبقي طالب المافي
قلل من المنبهات و أرقد دوام متعافي
تصبح شيخ قبيلة كل الخلوق بتوافي
*****
الأبريق آعشاي ورثة من خالاتك
والعبّار دخيل بحميك من مصلاتك
في يوم الخلوق تشهد على زلاتك
بتندم يا الخزين و بتاكلن نعلاتك
*****
ود الماحي آآ أخوي سمحنا ليك كتير
جبنة و سعوط و شيشة ليها خرير
شاهي و سجار و سندوتش و عصير
اخير من المرسية الـبترملي البير
همسة :
ود الماحي الحكاية شنو شاهي و سعوط و سجار و جبنة و شيشة و جراك و عصير و معسل و كمان داير ليها مريسة ... و ود حسن الله يهدي سوي ليها عرقي و شربوت يا اخوي راسك دا رأس و لا قفة حلبـــيٌة ؟؟؟؟؟
آآآآآآي عشان كدة أنا شايفو مركب الدرب في خشمو و يفشط ساااكت زي حافلات دردق زقلونة الحلة الجديدة و ما في زول جايب ليه خبر و جنوي الزمن دا كان شافو الدرب جاي بجنب الإضان بفتكروه سماعة الموبايلاقتباس:
المشاركة الأصلية كتبت بواسطة نزار حسن محمد
أيامك يا ودالماحي لقيت هبوبك و تضري عيشك
سلام ياحبايبنا.....طبعا الليله خميس حفله ورقيص جيناكم والليله الكوفي شوب حيكون عمران بالجكس وحبايبنا واعمامنا الكبار كدي لحظه بس النمشي اتاوق على اعمامنا ود الماحي وود حسن ادق معاهم الحنك واجيكم خاشي لي جوه
شنو ياجماعه مافي حس ولا حركه شكلي الليله قاعد براي في الكوفي شوب...سيد المحل زاتو الليله مافي ...يالله الحاصل شنو الليله؟ اعمامي ناس ود الماحي وود حسن ماقاعدين ...ياجماعه شيلتونا هم زاتو!!!!!!
دا حالتو قلنا الليله خميس حفله ورقيص وتكون مدوره لين مالشمس تجهرنا
المهم ياابوعلا يوم تجي جهز لينا تورته كبيره كدا علشان عيد ميلاد اختنا سلوى دايرين نعملا ليها هيلامانه كدا ...بشرط التورته تكون تلاته طوابق...
أبو علا الحبيب
السعوط كيسو في البحر فنيناهو
والمريسه عبّارا بالبرابندي قديناهو
والجكسي في الكوفي أتوهطنا ورجيناهو
لا لمينا في الجكسي لامريسه لا سعوط شميناهو
****
المافيهو شق ما بقول طق
عمنا تنقو بالاكيده نطق
ستها يهوديه تشيل وتتمطق
حريقه في اليهود واسرائيل تتفرطق
****
الاندايه ستها من الجنان حوريه
متحزمه ومتلزمه في الحوبات محريه
كان ضربك فلس تقول ليكا ما هميه
تشبع مرايس وتدوبي لي العصريه
****
الكوفي أنا عودي فيهو عود مرا
لا جكسي لا سفه ماكنه نقنطرا
لا مريسه لا أم فتفت نفرفرا
القاعدنلها شنو نضمي ومكاجرا
****
جمال الماحي
هوووووووووي ياجماعه
انا جاي ومعاي مــــزّه
وعاوز اتونس معاها في الركن الهادي
دااااااااك>>>>>>>
عندي معاها موضوع قديم كده
بس أمانه ياخوانا زول يجيب سيرة للمره مافي
خايف من الشمارااااااات
بعدين يطلقونا
يابوعلا جهــّـــز الشيشه معسل نعناع بالله
***************
اقتباس:
المشاركة الأصلية كتبت بواسطة ابراهيم
عند رمسيس و خفرع حنية تب مافشية
دوماً يزنقوك من راسك يطلعوها كديسة
خليك في الشغل و لا القراية ... العيشة
و ارتاح في الكوفي بي جبنة و لا الشيشة
ماسكين في الصبر راجين دوام طلاتك
مشتاقين خلاص يا فردة لي ونساتك
حسون و المميز و الكبار أبواتك
راجين يوت تجي و تنعشنا بي ضحكاتك
اقتباس:
المشاركة الأصلية كتبت بواسطة HaSsOoN
معليش يا حسون و الله آسف جداً جداً من يوم الخميس مافي زول رد عليك ( يا جماعة هووووي دا حسون ماهو زولاً هين ) غايتو أنا الخميس و الجمعة ديل بايعن للولية الفنجرية حلاوة نبق من يوم الله ما جمعني بيها .. ما لك عليا حليفة صلاة الجمعة دي ما بتخليني أمشي ليها إلا بالإذن و بعدين زي ما انت عارف الغربة و ظروفها بنفرحها شوي في اليومين ديل و نتمشي في الكورنيش و بنشتري حاجات البيت و غايتو ربك يعين يعني ما في طريقة أسهر معاكم يوم الخميس إلا أجيب معاي المدام و أجي و ما بخفيك سر أبراهيم دا أنا يوم شاركتو في الكوفي قلت الراجل عزابي و ما عندو محل بمشي ليه يوم الخميس و بجي أسهر معاكم و أسد مكانتي بس شكلو كده و الله أعلم المصريين ديل عادوه ومتزوج عرفي.... كدي أنت شمشم الموضوع بجاي و جاي و كان ليقت أي طرف خيط كلمني
التورتة خليها على بنجيبها 5 طوابق و نفق و نعمل ليك فيها حديقة و مسبح بس جيب لينا سلوى دي في الكوفي النشوفها فيس تو فيس و أعمامك ود الماحي و نزار حسن و باقي الجماعة ما بقصروا تب انت عارفهم براك
ود الماحي طالما أنك بطلت الحركات النص كم دي خد مني التمرات ديل لحدي ما أجيل راجع ( يا جماعة أشهدوا عليه تمر نااااااشف ما يمشي بهناك يبلوا و يقول أبو علا جاب لي كريستال البلح !!! شاهدين و لا لا ؟؟؟ )
حلو النضمي من خشماً بقول الخير
و حلوة الونسة معاك من الصباح لعصير
حلاة السهرة يالدخري المعاك بالليل
حلاة بنوتنا يشابن يحاكو الخيل
المميز عمك ود الماحي شايل عكازو و و خاتي كرسيه قدام الركن الهادي من يوم الخميس العصير راجي و د حسن باقي بيناتون وعداً قديم و الراجل مفتح و ناقششش كل حاجة و نظام دي بت خالتي أصبحت موضة قديمة و ما بتمشي عليه... غايتو إلا تخليها تدخل و بعدين أنت تلبس ملابس العمال و تدخل عليها شايل الطلبات ( نظام أنك عامل جديد و كدا ) بس نسيت أقول ليك ود الماحي العمال ديل بعرفهم نفر .. نفر لانه برسلهم للصعوطاقتباس:
المشاركة الأصلية كتبت بواسطة المميز
أنت يا المميز أقيف النسألك (( وكت عندك بقرة تحمد سيدك الجابرك على اللبن أب رطل من البقالة شنو ؟؟؟ )
اخوى ابوعلاء ..انت ماعارف عمك ود الماحى ده ..يازول الزول دا كان.. حيرد.ذى ابو الدقيق بقوم اتمرد وادخل الغابه غابة ام بارونه والله تانى نكوس ليه كواسه ..خلى ساكت اى هو من الجنيد لكن عينه مفتحه قدر الريال ابوعشره .. بعدين شايف ولدنا المتميز بقى الخبط الظاهر دايره له عكاز ولا سوط بطانه حار فى نص راسه.. راسه بجى بره بعدين خليه كدى تانى ايفرر امانه مايشوف نجوم الضهر عز النهار .. ابو علاء ابقى عشره على الكوفى شايف ابراهيم ماموريتة للقضارف طولت .. اه فوتكم بعافيه