عرض للطباعة
العزيزة فاتنة،
أهلا ومرحب بيك والمنتدى نور بيك..
وبقول ليك إنت أسعد إنسانه لأنو الترحيب
الذي وجدتيه مافيش أي عضو آخر وجدوا
الناس ديل عملوا ليك مهرجان بحالو ما حصل..
ويا ناس المنتدى بالله تعملوا الحفلة وما تعزمونا..
طيييييب.. أنا غايتو دا دربي ماشي أجيب ودأبوشوارب وخالد هاشم يفرتقوا ليكم الحفلة..
لكن ما تقولوا لي.. حفلة قاجة شديد.. شديدة وشرط للأرض..
أبشروا بالخير..
الفنان دا الجابو منو عليكم الله؟
مهيرة أديني شبال..
ها ناس ...الكترابه...البوش هول منو أأناس...أنا غايتو جاني شافع جاري قال لي قالولك تعال أنفخ لينا فشفاش المراره....عليّ الطلاق دا الشغل ولاّ بلاش...أبشراَ أأبنات...ها ولد أختاني خليني الناخد لي عرضه فوق العديله دي الفشفاش ملحوق أأجني...أها..فوق..فوق...الله يقطع الرطويه بالله الركب
حالجات عديل....وأنا من ما أعرض وجع المفاصل بتاورني....كدي أأجني خليني النبزق سفتي دي وأنفخ ليكم فشفاشكم ...بالله العرضه قوّمت لي نفسي...قال كايسين لي عروس قال...يعرّس ركبينا...
ود الماحي
الأخت مهيرة ........... سلاماً وتحيةاقتباس:
المشاركة الأصلية كتبت بواسطة مهيرة
هاجت بى لواعج الأشواق لذكرى أصدقاء بالسودان ، كان الواحد منا إذا شهق أتاه الزفير من الآخر ، أفتقدهم وأحتاجهم وأجد فى مقطع صلاح عبد الصبور أجمل توصيف لهذا الرباط الأخوى ، ووجدت فى هذا المنتدى بعض السلوى ، هى دعوة للتوحد وتوحيد الأهداف ، وهى دعوة لكبح جماح الأنا واستبدالها بعمومية " نحن " .
تحياتي و شوقي الشديد ليكم اهل مدني السمحين
معليش يا ناس الصالون و الله ما زايقة من الشغل لكن اختكم ممتحنة و عايزة منكم دعوة كبيرة في اللمة دي و طبعاً دعواتكم دي بعد الفاصل الاول تمام؟ ادعوا لي يا اخواني انتوا ما عايزين ليكم دكتورة تعالج الناس البيضبحوا الخرفان ديل لو واحد اتجرج اثناء الضبح (برية) .دايرة ارحب بعزيز عيسى و بابكر و كل اهل مدني السمحين الذاروا الصالون و انا مافي و يا مهيرة براحة شوية على 114 دة نحن ما صدقنا انو جبناه من البحر يقوم يغرق لينا و ما نلقى زول يونس بنات الشاي و اخواني كلكم معليش انا ممتحنة بيجكم كل شوية و لكن بعد الامتاحانات مافي نوم ونسة الين الصباح مفهوم ؟ مع السلامة حبيبتي مهيرة العسل و باقي الاخوان و الفي بالي
اهل الصالون سلام
العزيزة فاتنة
الظاهر انا اول واحد دخل ووجدت الجميع هنا في غفوه خفيفة بعد الغداء الدسم
نسأل الله سبحانه و تعالى ان يكلل جهدك بالنجاح الباهر و تصبحي لينا اكبر
طبيبة ، و انا عندي زكام خفيف سانتظرك به حتى التخرج ، و بلمناسبة اهل
الصالون متبرعين بحفلة كبيرة بعد النجاح الذي سيكون حليفك ان شاء الله
شنو يا جماعة الحاصل ؟؟
ووووووووين الناس ؟؟
ما نكون دخلنا غلط .. لكن والله ياتوا بيتنا زاتو .. لكن هدوء مبالغة
يا سااااامبا .....
يا بت يا فاتنة ... انتي وين ؟؟
الناس نايمة بعد الهجيج بتاع الحفة
جهز نفسك يا سواح عشان الصبحية ..
تعالو هنا عمكم ماجايب خبر في شنو يا اولاد الهيلمانة واقفة في السما ؟
انا جاهز يا عريس ...اقتباس:
المشاركة الأصلية كتبت بواسطة sambaaa
لكن البصحي ليك الناس النايمة دي شنو ؟؟
اول حاجة مرحب و مليون اهلاً بعمك تنقو في الصالون و منورنا يا غالي
سواح و سامبا
انتوا عارفين عزتكم و و كل الاحباب بالمنتدى ليه ما تدعوا لي بالنجاح وللا عايزيني اسقط على العموم مقبولة و مشكووووووور الغالي ناصر الظاهر انت الوحيد البتتمنى لي النجاح و يا مهيرة انتي وين ؟؟؟؟؟؟؟؟؟؟؟؟؟
ما فقدتي خيتك حبيبتك و لا شنو و برضو بحبك يا ميمي لكن مستنياك هنا لحدي ما تصحي
يارب العالمين تكتب النجاح لأختنا الغالية فاتنة ... والف الف مبرووووووووك مقدما كمااااااان .. وطبعا انتي خلتينا في الحفلة ومشيتي عشان كده انشغلنا نحن بالمعازيم وكده
ربنا اوفقك اختنا فاتنة وانشاء الله النجاح حليفك ، وباين ناس مدنى السمحين موعودين بى عزومة كاربة وحفلة بى ثنائى النغم " عمك تنقو - عمر غلام الله " .
اختي فاتنة .. والله عارف انك ممتحنة ودعواتي ليك ليل ونهار
اعذريني ان نسيت فذلك حدث سهوا .. فلك العتبي حتي ترضين ..
يا ناس المنتدي عايزين دعوات تقيلة عشان اختنا فاتنة تنجح لينا بامتياز ....
يا جماعة بس الواحد ياخد ليه مشوار صغير كده ويجيئ يلقى الدنيا كلها مافي .. بعدين أنا عندي مشكلة ذاكرة
كبيرة خلاص .. يعني أولا بالتبادي أنا دخلت صالون مهيرة ده قلت أرحب بأختنا الفاتنة ولقيت المسألة قلبت
لضبيحة .. وقلت أنادي أخونا عمر بابكر وعندي شوية مشاوير كدا أخلصها وأجي راجع .. بالله الذي قدر ما فتشت
في المنتدى أنو صالون مهيرة ده كان وين وفي ياتو قسم ما لميت فيهو وبعدين والله يا شباب شابك لي أسم صالون
مهيرة في راسي .. وقدر ما فتشت ما عرفتلوا جيهة .. إلا لما فاتنة الله يديها العافية لحقتني بتلغراف على بريدي
الخاص . .وبا لله يا ود المأذون تاني لما تجو ترحلوا تدونا خبر عشان ما ندقش أبواب البوستات اليوم كلوا ..
أها كدي خلونا في اللمة السمحة دي وبغادي في ونسة طاعمة داقنيها ود الباشا وسامبا .. وبعدين يا مهيرة
ما تعايني لي كدي أن قتلك رايح اليوم كلوا من بكان اللمة دي وقولي لفاتنة السكر وصل .. أفو .. أنا بذوق كمان
بالله العظيم أنا خرمان لي لطقة ونسة مع ود المأذون جنس اللمة دي ما بتتلقي بأخوي وأخوك تاني أها بالأذن
خلوني النمشي عليه بهناك وألوك معاهو عنكوليبة الحديث .. وببقى أجيك راجع يا فوزية أشوف مسألة الحنكشة
دي شنو كمان ...
الأنا قاطع شكو يا فاتنة أنك ناجحة .. ناجحة بإذن الله .. لأنو ناس صافين زي الأنا شايفهم ديل بيدعو لكي
أكيد ربنا ما راح يجيب دعواتهم واطة ..
وهنا الآن يحضرني الشاعر محمد الحسن سالم حميد حينما يختصر كل هذه الدنيا في مفرداته البسيطة العميقة ..
"وأيه الدنيا غير لمة ناس في خير .. أو ساعة حزن" أمنيتي أن نتلم في خير على الدوام ...
هكذا الآن نخرج إلى ذواتنا إو تخرج إلينا صادحة بالنشيد .. هنا الآن صبحاً يتنفسه الجميع .. "قدري إلتقيتكم
ثم عاودني النزيف ..هزت عناصركم الوضيئة دوزنات الصمت في وتري وأيقظت الملاحم في عروق النبض
وابتدأ الوجيف ..عندي نهاية قافلات العطر تستبق الخطى .. قد كنت غادرتُ المدائن كي أؤكد نشوتي
ربطت خيول الشوق – راضيةً – أعنتها على باب المصلى ثم جاءتني ….. تفتش عن رصيف ..
لا تفتحوا في العشب نافذةً تدل الشمس نحو مواطنٍ للعشق ندخرها لفجر قادمٍ وضعوا جدار الشوق بيني
واحتراق الزهر والظل الوريف"
تحياتي كونوا بخير جميعاً بخير ما أمكن ...
ناس الصالون سلام
مهيرة و فاتنة يا بنات ما تخلوا النوم الكتير و تغدوا ضيوفكم
اه يا ناس الصالون جيتكم بكل شوق
شوية كنت ملخومة مع الامتحانات و مشكورين اخواني و احبابي
سامبا
ابو بكر حامد
سواح
سوباوي
على على الدعوات التي نورت طريقي و على مروركم الدائم على الصالونو انا شايفه مهيرة طولت الغيبة شوية ان شاء الله المانع خير و ان شاء الله من الاسبوع القادم حاكون معاكم باستمرار .
آهلا بالعايديــن 000 مع امنياتي بالتوفيق في الامتحانات
نيابة عن الاخوان المذكورين 00 إن سمحوا لي ارحب بعودتك
لانو باين اليوم (جمعه) وما فيش حد من الجماعة دخل النت
عموماً كلنا ناس بيت واحــد 000 ومرحبا والعود أحمـد
مشكور الاخ العزيز الفاتح 61 على الزيارة الجميلة للصالون و نتمنى طلتك دائماً
اختك فاتنة
وينكم اسبوع كامل امشي و اجي و القاكم برضو نايمين ؟
هلا فاتنة ، باين الامتحانات خلصت ربنا اوفقك وتكونى من الناجحين ، كدى شوفى مهيرة طولت ماظهرت اوعى تكون الحصاحيصا فيها مطرة :) :dاقتباس:
المشاركة الأصلية كتبت بواسطة فاتنة
فاتنة ..اقتباس:
المشاركة الأصلية كتبت بواسطة فاتنة
الامتحانات وخلصت ..
ما عايزين تاني اي اعذار .. عندي مذاكرة وباقي الكلام الزمان ..
يلا شوفوا شغلكم ..
اخي العزيز لبو بكر حامد
اخوي سواح
شكراً ليكم كتير و انتوا دايماً بتسالوا عني و ان شاء الله ربنا ما يحرمنا منكم و بالنسبة لي انا خلاص جهزت مقعدي في المطبخ و جبت معاي باقي حاجات الشطة الدكوة و الليمون بس باقي تصحوا الجماعة النايمين ديل و بعدين استاذنا سوباوي جانا رغم مشغولياتو دي مناسبة لحالها و يا سواح يا اخوي وين اصحابك الوعدتني انك تعزمهم
اختي فاااااااتنة ..اقتباس:
المشاركة الأصلية كتبت بواسطة فاتنة
اول شغله مسكتيها الشطة ، ده برضو كلام ؟؟
معانا ناس ما بتتحمل ;)
الناس النايمة بمشي ليك عليهم الآن وبصحيهم ..
سوباوي جيت في مواعيدك رغم المطرة الرهيبة دي :rolleyes:
وما تخافي يا فاتنة الجماعة ح يجوا في المواعيد .. :mad:
اخوي سواح
اول حاجة بخصوص الجماعة الما بقدروا على الشطة ديل انا حاعالجهم انت عارف اختك احتمال تكون دكتورة و لكن لو دخلت كلية الطب الحيحصل شنو ؟؟؟ المهم الله يبشرك بالخير و بالله ما تخلي الناس العزمتهم يتاخروا
اختي الدكتورة فاتنة ..اقتباس:
المشاركة الأصلية كتبت بواسطة فاتنة
يعني نقفل العيادة مش كده ;)