اللهم صلي وسلم على سيدنا وحبيبنا محمد وعلى آله وصحبه اجمعين...
شكرا ود المأذن علي هذه الباغات الجميله والتي ترجعنا الي عهد مدني الجميل
ربنا هب لنا من أزواجنا وذريتنا غرة عين واجعلنا للمتقين
أماما
عرض للطباعة
اللهم صلي وسلم على سيدنا وحبيبنا محمد وعلى آله وصحبه اجمعين...
شكرا ود المأذن علي هذه الباغات الجميله والتي ترجعنا الي عهد مدني الجميل
ربنا هب لنا من أزواجنا وذريتنا غرة عين واجعلنا للمتقين
أماما
من طرائف شقيقى كوارة جاءه ذات مرة أحد الأشخاص ليأخذه لعمل عقد لزواج أحد أقاربه ، وقد جرى العرف على أن يحضر أهل العرس عربة لتقل المأذون لبيت العرس ، وحين خرج كوارة مع ذلك الشخص تلفت فلم يرى عربة فسأل ذلك الشخص أين العربة ، فأشار إليه ذلك الشخص على موتر فيسبا أمام منزلنا فما كان من كوارة إلا أن رفض ركوب الموتر قائلاً " ياخى أنا ماذون ولاحكم ؟"
بابكر سانتو
من روائع هذا اللاعب التي حكيت لي في اجازتي السنوية بأنه في إحدي المرات وفي مباراة كبيرة حضرتها جماهير فاضت بها المدرجات في ود مدني لعب كورة هوائيه وجري محييا جماهير الكورة
والكورة لم تصل الشباك بعد ..
أقسم لي البعض بأنهم لم يروا في حياتهم مثل هذا الهدف حتي الآن برغم وجود البرازيل والارجنتين وأندية برشلونة وريال مدريد وغيرها ..
هدف أذهل الجميع !!!
ولنا عودة عن هذا اللاعب الفذ وغيره من المبدعين في ودمدني
سلامي لجميع الاخوان في المنتدي ولاهل مدني الغاليه جميعا والله رجعتونا لزكريات جميله كانت في فتره السبعينيات وقبلها
انا مابعرف احكي التكات لكن بحاول واحده عن زراع في السبعينيات طبعا كان هو وموسي الثعلب متلحين انديه الاتحاد والنيل
بالتمارين كل يوم زراع لابس وجاي الميدان قبل الاعبين ومره اشتري ليه كداره جديده لانج وقال الكداره دي مابتلعب في التراب نجيله وبس وميدان النيل كان في حي الزمالك جنب الترعه وكله تراب ويوم الاعب الاسيد قال لزراع بكره تجي تتمرن معانا قام زراع عاين للاسيد وقال ليه ليه لاعبنكم ديل كل واحد بشيل ليه كليقه قش اوديها الميدان
هاهاهاهاهاهااقتباس:
المشاركة الأصلية كتبت بواسطة سحابة صيف
ما اتخيلت يوم اني اكون بفتش في موضوع او كلام عن مدني يجيني عمو مانو ولا الباش ولا عثمانكو
احيى انسان :)
طبعا هو عمي اخو ابوي طوالي .. وزول بركة .. وتحكي يب نوادرو من هنا لي بكرا ما تكمل
حبابك وحبابو وحبابي
وانت بخيرررررررررررررررررررررررررررررررر
أحبتي ابناء ودمدني
أكيد الكل قال ليكم كل عام وانتم بخير
وانا بقول ليكم انتو الخير لكل عام
اليكم طرفه صديقي الذي التقي بزميل الدراسة الابتدائية في المواصلات العامة
فسأله صديقي ومن ضمن الاسئلة الي وصل في الدراسة فرد الزميل بأنه تخرج من كلية الهندسة جامعة الخرطوم .
فصمت صديقي . فسأله الزميل وانت ؟ فخجل صديقي واراد ان يخرج من المأزق فقال له ( والله اهو اتخرجنا من الفرع ) .
ولسوء حظ صديقي هناك شابة من الجيران تجلس في المقعد الخلفي وسمعت الحوار , وعند نزولها التفتت لصديقي وقالت له
هاك الفرع ده
واحد رباطابي بصلي في الحرم
بعد ما انتهي من الصلاة الجنبو قال ليهو حرما
الرباطابي اتلفت وقال ليهو ومال ده بيت الخليفة عبد الله :D
(( استغفر الله العظيم ))
والله انا من مواليد ود مدنى العظيمة لكن خسارة والف خسارة انو انا ما عشت فيها انا عايش فى الخرطوم وبجى مدني اجازات بس لكن حاتتعوض انشاء الله انا برجوا منكم انكم تتقبلونى عضو فى المنتدى الجميل دة
بخصوص الموضوع دة انا من حبي لى مدنى اول ما الاقى واحد من هناك اقعد اتونس بى مدنى معاه وعدى صديقى من مدنى اسمه حاج على عارفنى بريد الضحك واللمات فحكى لى كمية من النكات و الطرائف حاديكم ليها واحدة واحدة وهاكم دى الاولى
قال لى حاج على كنا قاعدين قدام مجمع المحاكم نشرب فى شاى و جاهم واحد قال ليهم انا عندى حفلة الليلة وداير لى عازف ايقاع شاطر فرد عليه واحد من القاعدين واظنه زراع قال ليه (امشى بيت عمك مليجى دق الباب كان فتح ليك كديستم سوقا معاك)
شكراً مكتول مدنى , وفعلاً منزل أستاذ مليجى منزل مبدعين حتى يخيل لى أن خارطة بناء منزلهم رسمت على نوتة موسيقية فلهم منا التحية والتقدير .
حكى لى أحد الأصدقاء أنه كان برفقة والدته فى العمرة ، وأثناء الطواف على الكعبة وبمحاذاة مقام سيدنا إبراهيم عليه السلام أخذت الحاجة تدعو " ياسيدى الحسن " وهنا التفت صديقى لوالدته قائلاً :
ياحاجة البث من هنا مباشر
التحية للحاجة ولسادتنا المراغنة ولكل الخلفاء نفعنا الله بهم.
والله حلوة وطولنا من قفشاتك يا ود الماذون 00 لكن الحاجة دي قايلا الحج ده في كسلا ولا شنو ،،، والله شاذة وولدها أشذ منها 00
انا عضو جديد لكن اسمحو لي ان اشترك معاكم في طرايف مدني الجميله يا عمك تنقو وابوبكر حامد اخوكم من ابنا مدني كبك
طبعا جابو في مدني الجمره الخبيثه دي الي الكهربه قامو ناس مدني بقو ارشدو الصرف يوم جيت داخل البيت متاخر بليل عندي خالي راقد في البرندا قدام الصالون ومولع اللمبه وانا كل يوم بجي خاشي بقعد في الكمبيوتر ساعات طويله قمت قلت ليهو يا خال المبه دي بتاكل كهرباء اقفلها قام عاين لي كده قال والجوه ده بتاكلو سندوتشات قاصد الكمبيوتر
انشاء الله تعجبكم
حلوة وملعوبة ياكبك ، وأهلاً ومرحباً بك والدار دارك ، وفى انتظار المزيد.
جيناكم بعد غربة وشوقاقتباس:
المشاركة الأصلية كتبت بواسطة أبوبكرحامد
وتسلم يا ابوبكر ولك كل الأشواق
الريد الريد
وأنا سعيد بلقاء هذا السرب الذهبي
وأكرر كم اشتقت لكم
وها نحن معا مرة أخري
والله ياعمك تنقو لمن تكون معانا المنتدى بيكون شكلو مختلف ، ياسلام عليك ياسلام
ود المأذون أحي فيك هذه الروح المثابرة أنتم وأساطين المنتدي
من الاخ admin ومرورا بالإخوة المشرفين والمراقبين والأعضاء
الذين لم يبخلوا يوما علي المنتدي
مسئول من الخير :
أبوعشرين بتاع الحواشات أخوي أبو المهتدي
دحين شفتو قريب
:) :D
بسم الله الرحمن الرحيم
:)
:)
والله لكن ...................................
:)
ياخوى عمك أبو المهتدى شكلو كده عندو مشروع للإستقرار بالسودان بيلقط قريشاتو عشان كده لابد لينا بى شيتن كتر.
اديك العافيه عمك تنقو ناس مدني اصلا مشهورين بالفكاه والضحك وسريع البديه ودي مدني تبقا دوما ضاحكه وجميله
ما تنقطع عننا
سلام . اخونا الطيب الجزار الله يطراه بالخير سمع عن زراع كتير واصر على الخبير ابو السيد يجيبه ليهو فى مكتبه يفطر معاه وحصل ذلك والجماعه وصلوا المكتب وفطروا وكل ما يلى الفطور وصاحبنا زراع ساكت وعندما طالت المسأله قام الطيب سال سيد صاحبك ده مالو ساكت رد عليه زراع بسرعه بقرأ فى الملعب.
1 - ابو بكر العزيز مشغل الدنيا تبعدني عنك يا مبدع واخونا ابو المهتدي فقد كبير للمنتدي ونسمع عنه كل الخير ونتمني رجوعه سريعا
2- كبك كتر خيرك كتير وعايزين نشوفك
3 - بــشار هههههههههههههههههه حلوة منك ومن زراع مع طول العمر انشاء الله
عمكم
هوى ياعمك تنقو بطِّل المتاوقة والزوغان البتسوى فيهو ده ، غايتو ان غبت تانى يانى المبلغ عنك لى " شرطة عمان السلطانية " .اقتباس:
المشاركة الأصلية كتبت بواسطة عمك تنقو
ههههههههههههههههههههههههه
يعني يا ابوبكر انا بقيت زي ضب الشق ولا شنو ؟
ههههههههههههههههههههههههه
الله يطول عمرك ضحكتني والله
شكرا لتواصل الجميع في الكشكول ونحبذ النكات تكون دائما من مدني وماحولها زي ديل مثلا :
قالوا واحد مسطول مشي الخرطوم ضهروا بيوجعوا وصفوا ليهو حبوب ويتمشي - قام سأل الدكتور اتمشي مسافة قدر شنو يعني ؟
الدكتور قال ليهو كل يوم تمشي مشوار ويكون المسافة المشيتها كلها مسافة زي مدني ..
المسطول بعد اربعة يوم ضرب للدكتور :
اسمع يا دكتور انا وصلت مدني اواصل !
واحد بسطل في قيفة حلة كوكو ( الشاطي يعني ) بعد شويه قام شاف موية النيل ماشي عكس قام جري لي نقطة بوليس حلة كوكو وميت من الضحك
قاليهم : اسمعوا والله كان اتكلمت تقولو مسطول وكان سكت مدني بتغرق !
والله ياعمك تنقو ضحكتك عندنا بالدنيا ، وزى ماقال ابوعركى :اقتباس:
المشاركة الأصلية كتبت بواسطة عمك تنقو
ضحكك شرح قلب السما .
ضحتنى جدا عبارة " ضب الشق " ، والله ياجنا لقيتك وصَّاف وصف الأتقول رباطابى .
شايفك دخلتا يوم أمس الجمعة ، ذكرتنى حكاية اتنين متخلفين قالوا اشتركوا ليهم عربية وكل واحد اسوقا يوم ، الأول قال لى التانى أها الإسبوع فيهو سبعة يوم يعنى يوم الجمعة منو اشيل العربية ؟ رد عليهو التانى قال ليهو يوم الجمعة نوديها البحر نغسلا ....... :)
" النص معدّل لدواعى أمنية " :p
أها أظنك انتا بودوك البحر يوم الجمعة .
الرشيد ركس يا دفعه
تحياتى واشواقى لك ولكل الاخوه فى المنتدى ووالله حلوووووين وربنا يحفظكم جميعا .
ود الماذون صديقي العزيز والله الواحد اشتاق ليكم كتير ومرات كتيرة بسرق لي وقت اقرا بس
شكرا ليك الاخ بشارة علي الاعجاب وماعدمناك
وبصراحة الكشكول كان الواحد بتمني المشاركات تكون كتيرة ولا تقتصر علي عمك تنقو وود الماذون وبعض الاعضاء
ده كشكول عام لكل طرائف البلد
ارجو التنشيط وعدم الكسل ولا يعني غياب تنقو او غيره هو الاستمرارية
الكشكول حقكم ومسؤوليتكم ونرجو التفعيل
مجرد رجاء واشارة للركود
عمكم
مرّة ود ابروجه صاحب زراع معزومين عرس في قري شرق النيل وبعد العرس ابروجة قال لي زراع عليك الله ارح نتفرج في القرية دي
زراع قال ليهو يا ابروجة خليني عليك الله من تفريجة القري دي ؟
فاصر عليه ابروجه ومشوا يتفرجوا في النهاية لقوا ليهم بس جزارة فيها شنكل واحد معلق
زراع اتلفت لب ابروجة وقال ليهوا اسمع يا ابروجة ده شنكل واحد في قرية كاملة نحن في دار الرياضة بس عندنا تلاتة شناكل !
الزميل والصديق مولانا خالد الناجى متخصص فى القضايا الشرعية من دعاوى طلاق ونفقة وتركة ، ولذلك تجد معظم الموكلين من النساء ، ومكتبه قصاد حديقة وقيع الله ، فى احدى المرات مر زراع بجوار المكتب وشاهد مجموعة من النساء ينزلن من مكتب خالد الناجى ، فصاح زراع فى خالد الناجى مداعباً :
" إنتوا يامولانا الليلة عندكم قرِّيح ولاشنو؟ " -
انت يا تمساح مدني يخليك الله
وانا عارفك بتسد الناقصة
ابوبكر لك تحياتي
ابراهيم احد اقربائي شاب وسيم يسكن معي مدينة حنتوب الجميلة لديه حافلة سايقها ليهو واحد وصادف ان كان راكبا يومها وقال كدي النخلص من الركاب وكانت في واحدة مرة عرب معاها ( بخسة روب ) ومعاها بت صغيرة ومد ابراهيم يده مطقطقا اصابعه عشان فلوس مشوار حنتوب مدني ومدت له مرة العرب ورقة من الفئة الكبيرة قائلة له عليك الله يا الكمساري نفرين واديني الباقي .
ابراهيم زعل من كلمة كمساري خاصة بعض الحسان في الحافة فهمس لها انه صاحب الحافلة وليس كمساريا
ولما عدت كبري حنتوب من الناحية الغربية نزلت المرة وبنتها ومد ابراهيم لها الباقي وهي في الارض
فنظرت له مستغربة :
يعني عليك الله انت ماك كمساري !!!
عمنا تنقو بركه الجيتنا طيب ,,,
الف حمد لله علي السلامه ..
والله يا عمنا تنقو حكاية الكمساري دي ذكرتني حكاية واحد زميلنا اتخرج معانا من كلية الهندسة الكهربائية جامعة ام درمان الاسلامية ...
ابوه مغترب كان في السعودية ولما رجع نهائي جاب حافلة واشتغل عليها هو بنفسه سائقها وزميلنا ده لسه ما لاقي شغل من ما اتخرج ابوه قال ليهو تشتغل معاي .. وفعلا اشتغل معاهو كمساري .. وابوه من النوع الوناس داك وطوالي يونس الركاب بولده خريج الهندسة الما لاقي شغل ... وزميلنا ده طوالي بقول ليهو يا ابوي عليك الله حكاية اني مهندس دي خليها لكن الوالد مصر يحكيها ... والطريف في الموضوع الركاب بقولوا ليهو المحطة الجايه يا باشمهندس بدلا من كمساري او بلف ...
يديك العافية يا عم تنقو إلا لكن والله احترنا
ناس يقولوا ليها كمساري تزعل
وناس يقولوا ليها باشمهندس تزعل
حكم
وهيب وحمدتو وزول فردة
يديكم العافيه وشكرا للتواصل