***عنقريب هباب فى ضُل نيمة مرشوشة ***

اقتباس:

---

المشاركة الأصلية كتبت بواسطة tininana

السلام عليكم ورحمة الله

كيفكم ليكم وحشة

ودمدثر اخبار الرموش شنو

ولا انزل يدي

---

يا هلا بي ناس هندسة

ياخ انا من قبيل رافعة يدي زول جاب لينا رموش مافي :mad:

اقتباس:

---

المشاركة الأصلية كتبت بواسطة هيثم ادروب

يعرفوك جديدة كيييييييف
اسمو الفحص الآلي ..
ولو عاوزة واسطة كلميني
وحاتك يسوقوها ويجيبوها ليك لحدي عندك مرخصة

---

ههههههههه



كشف فحص كلو مستشفي وانا بخاااااااااااااااااااااااااف من المستشفيات :(:(:(

اقتباس:

---

المشاركة الأصلية كتبت بواسطة تغريد

ههههههههه



كشف فحص كلو مستشفي وانا بخاااااااااااااااااااااااااف من المستشفيات :(:(:(

---

نعم نعم نعم .... معقولا ولا اه العربات و الجداد كلو واحد

اقتباس:

---

المشاركة الأصلية كتبت بواسطة ميادة

يا هلا بي ناس هندسة

ياخ انا من قبيل رافعة يدي زول جاب لينا رموش مافي :mad:

---

ياهلا بيك انت ياعيون

اها الاخبار شنو

ود مدثر وين الرموش ميدو دي انا مابرضي فيها:mad::mad:

اقتباس:

---

المشاركة الأصلية كتبت بواسطة tininana

انا حقيقة معجب بالصورة الرمزية دي شديد
ياسلاااااام من ذوقك ياراقي والله

دليل عل الطفولة البريئة مخبئ بداخلها كمية من الاحاسيس المختلطة بس في حزن
اول مرة الاقي زول بقراء الصور صح
حقيقة دا سبب تمسكي بالصورة رغم رائي بعض اصدقائي فيها

وفي كبرياء واحساس بالقوة والعظمة والشموخ
يااااااااخ بتبالغ والله ... دي صورة جد ادتني الاحساس دا لما اخترتها

طريقة النظر تدل ع النظره البعيده والمشتاقة لغد اجمل ممزوجة مع احساس
والله العظيم فنان جد ... تذوق فني عجيب ياحسام(تبارك الله)

ورغبة في البكاء و ...

اااااااااااااخ بس ....خليها في القلب تجرح ولاتطلع برة وتفضح

ومن الاخر كده بلقي نفسي فيها .... جد برتاح لمن اعاين ليها ماعارف لي ..

...

---

انت بتلقى نفسك فيها وان لقيت روحي في عيون طفلة بتشبه في الملامح حزن جواي
كتيرة اسبابي لو تعرف .. لكني بفضل احتفظ بالجزء الداكن جدا لنفسي براي


عزيزي: قراءة تفوق حدود لغتي الهمجية

اشكرك

اقتباس:

---

المشاركة الأصلية كتبت بواسطة tininana

نعم نعم نعم .... معقولا ولا اه العربات و الجداد كلو واحد

---

أمة حاقدة :mad::mad:

اقتباس:

---

المشاركة الأصلية كتبت بواسطة wad alballal

انا الاسعد والله ..ولنا عود ..

---

ياخ عود كان عايد وكان خشبة زاتو
انا عارفة اني جنيت على نفسي :(

من دون وريقات بيضاء لمن تبث الملكة اشواقها .. همومها .. شكواها ...

اقتباس:

---

المشاركة الأصلية كتبت بواسطة agibmisbah

ويا ناس نمتوا بدرى ولا شنو
انا غايتو نمت الساعة 2 وكم دقيقات كدا:cool:

صباحكم خير ومشتاقين
مساء الورد بعد كدا
وبالاكتر والله ياعقبة

وورينا تفاصيل الامل جواك

ونظرة باكر

من نافذة مشرعة الاحلام

---

يااااااه
الامل
باكر
الاحلام

تلات رغم ارتباطهم الوثيق ببعض
مرات بنتخلى عن اتنين لو في المقابل ممكن تتحصل على واحد ولو كان اقلها قيمة

في احلامي ساعات في بساطة غريبة جدا
وصراحة ما بتمسك شديد برغباتي
يعني ممكن جدا تقول اني انهزامية وبستسلم بسهولة
لكن دا حصل لاني اكتشفت انه كل شي قسمة ونصيب في الدنيا
وغير الربنا كاتبه لينا ما بنلقى


يادنيا بقسوة حجر

ساعات بجيك فاردة شراع الامنية

وحلمي القبيل سطرته كلمة في اغنية

والله مافي مستحيل
والله كلها ممكنة

وجواي شك
زمني بخيل

تتردد الخطوة العنيدة
واتمنى لو اقدر اعيدة

مترددة
وجواي خوف
ومتمنية .. اعيش سعيدة


معادلة صعبة جد
واحلامي كان ماليها حد

فجاءة اكتفيت بضحكة ولو كانت خجولة
بذكرى حلوة .. في خاطري كم مرت عجولة


بس عمري ما قلت اكتفيت
رغم اني في لحظة انكفيت
ومن دنيا تشتاق لي ...انطويت


بس اكيد .... بكرة احلى

ملكه بت ملوك فراقك قاسي علينا
يرعاك الكريم من الحسدوالبينا
نحييك ونهنيك ياالزينا
حبيناك جميع نهديك حباب عينينا

وين النــــــــــــــــــاس ..
مافي اي واحد ..
النيمة زعلانة ..

اقتباس:

---

المشاركة الأصلية كتبت بواسطة هيثم ادروب

ماذا يعني لك نكران الذات ..؟
بفترض انه هو نوع من الايثار
والتجرد لدرجة ينسى الانسان نفسه
عن نفسي انكر نفسي في احيان فعلا احتاج فيها التجرد نكران الذات

أثر الاسرة الممتده عليك شنو خصوصا وانو مداركك اكبر بكتير من عمرك ..؟

والله وبما انه عائلتي ممتدة والحمد لله فكان فعلا ليها اثر في تكوين شخصيتي
لان تعدد الاجيال بخبراتهم المختلفة حولك بديك فرصة تاخد من كل جيل شي ممكن يفيدك مواكبة مع جيلك طبعا

سمسم في الجامعة والاختلاط المباشر وتبادل الافكار والاراء .. ماذا اضافة لك الجامعة ..؟
بصراحة : مجتمع الجامعة المختلط اضاف لي الكثير جدا ويكفي انه صقل عندي جانب مهم وهو اتقان فن التعامل مع الجنسين بنات واولاد
بالنسبة لمجتمع دولة قطر زي ماذكرت ليك احنا مجتمع مفتوح ويكاد يكون قريب في الاسلوب والشكل لمجتمعنا السوداني
لكن مجتمع الجامعة يختلف حتى عن المجتمع العادي في البلد , لان التعامل بكون مباشر ومشروع في حدود المعقول والمقبول , يااااااخ انت بتذكرني ايام كدا ..يا الله ( في زول هنا متذكرة كويس):o:p


العمل في التدريس يحتاج للباقه وطولت البال والكياسه تعطي نفسك كم في المئة من توفر هذه الاشياء .. ؟
بصراحة في البداية كنت ( ميح ) لا اجيد ولا شي مما ذكرت انت بس مع الممارسة المباشرة والاحتكاك اكتر بواقع العمل اقدر ادي نفسي نسبة تحسن بمعل 75%

ملكة يظهر في النت انها انسانه جرئية طيبة نوعا ما .. هل هي في الواقع ايضا بمثل مافي المنتدي ام غير ... ؟
الجراءة قاسم مشترك بين الواقع والصورة الاسفيرية التي تظهر امامك الان ..
اما الطيبة فاتمنى تكون حقيقية , لكن صدقني ( دائما الواقع شي اخر)

ملكة في المناسبات الاجتماعية لها حضور فعال ام انها انطوائية .. ؟
الحمد لله ( بسرق الاضواء) :D:cool:
لاجد بقصد ليك اني لما اقرر اكون في دائرة ضوئية بحب فعلا اظهر بصورة تعكس شخصية تستحق الاهتمام

وهل تجيدين الرقص.. ؟
:p:p:p بصراحة (نعم) ... اها عرسك قرب والا شنو ؟:d

وبتعرفي ترقصي عشرة بلدي ..؟
ياااااخ انت .. انت .. الله يديك الفي مرادك

وبتعرفي ترقصي رقصة القرد .. ؟
انت بتعرف تعزف المقطوعة دي عشان يكون البيان بالعمل والا لا ؟:d

والنبق النبق .. ؟
جهز الساوند ياعقبة



احكي لينا بدون لف ولا دوران .. بماذا تحلم ان يكون فارس احلام الملكة ..؟

بكل صراحة : بطلت احلم لحد ماجاء هو برااااااااااااااه وقال لي: يلا افتحي الكتلوجات وقول لي وين الغلط ونصححه

تعرف ياهيثم : فاتك اني جد بسيطة في احلامي .... ويكفيني من زمن تمرد مرتين وخان قلبي (باختصار... احلم برجل بمعنى كلمة رجل)


الملكة تحب شخص من طرف واحد ولا تدري كيف تصارحة ..؟
الغريبة ان الحاجة دي حصلت معاي , لكني امتلك جراءة الصراحة المؤلمة التي تلاقى بالصدود احيانا , لذلك لا اخاطر بنفسي ولم يسبق ان احببت دون ان اصارح( بعدين العمر ايام , يعني اقعد اعاين ليه وهو بتمنى اتكلم لحد ما الزمن يفوت وبعدها اقعد اتالم )

الملكة بكت بحرقة السبب والمسببات ..؟
بكيت لما اكتشفت ان طيبتي بتدي الناس فرصة ( يدوسوا على احلامي البسيطة)

متى هى اخر مرة زارت فيها الملكة السودان ..؟
جيت من هناك 17 ابريل 2008

ماهو احب مكان للملكة ترتاح اليه كلما حطت الرحال بالسودان ..؟
مدني .....بلا ادنى شك

شخصيات من الوطن فى الذاكرة دوما ..؟
اصدقائي ...من جميع الطبقات

برايك من هو الشخص الاصيل .. ؟
شخص ... يعرف معنى الانتماء لمكان احتواه

من هو الشخص الذي لديه مكانه خاصه عندك ولماذ ..؟
كتار جدا العندهم مكانة خاصة عندي
ووجودهم في تلك المكانة هو فعلا استحقاقهم لها

ماذا يعني لك الحب وقصدي هنا الحب العاطفي وأكيييد لك تجربة فهلا وصفت تلك التجربة إذا وجدت بدون لف ودوران ..؟
انت بتلف وتدور على محور انا بعتبره شخصي مرات :rolleyes:;), لكن الحب بعني لي ( موطن من نوع اخر).. والله تجربتي في الحب غريبة جدا والسبب اني انا زاتي ماقدرت افك رموزها .. لكن اقدر اقول ليك ان عقدة الخوف عندي خلتني افقد الحب اكتر من خمسة مرات :eek::p

ماذا يعني لك الماضي .. ؟
شبح ... هربت منه طيلة هذه الاعوام

ماذا يعني لك الإنتماء .. ؟
احساس انك جزء من كل , لا يكتمل الا بوجودك احيانا

واحد في الكف واحد للف واحد للسف .. ماذا تعني لك تلك المقولة ..؟
ياااااخ دي , قيل فيما قيل انها لعبة خطرة جدا, وانا بقول انها( لعبة حقيرة جدا)

بماذا تنصحي الشابات مثلك لأنو الأيام دي كلمة بحبك بقت من أسهل ما يقال .. ؟
نصيحة وااحدة : امشي ورا البحبك وماتمشي للبتحبيه ( اطلاقا)

حسب مصادرنا بيقولوا أنك حلوة;) شديد ماذا تقولي وماذ يعني الجمال للجميلة ..؟
مصادركم ختيرة لكن (شكلك اجرت ناس فالحين في تزوير الحقائق):rolleyes::cool: لكن:

ليس الجمال بمئزر = فاعلم وإن ردّيت بردا
إنّ الجمال معادن = ومناقب أورثن مجدا

إذا تقدم إليك راجل متزوج هل تقبلينه مع ملاحظة ( إنو راجل المرة حلو حلا ) هههه ..؟
لا ..... رغم انه يقال فيما يقال انه يقدر المراءة اكثر ( وهو بقدرها ..العرس فوقها ديك كانت راجل )

هل أضاف لك المنتدي... ؟
الكثير جدا ..... ويكفي انه مصدر الهام وسعادة لقلبي ( وماتقول لي مين الهام وسعادة ديل ):p

أم غير أو أثر في حياتك بشكل جديد .. ؟
التغير حاصل فعلا .. واهم شي اني اسمعت صوتي بعد ان كنت اكتفي بارائي لنفسي

هل تعتقدين بأنه سيأتي يوم و يحدث ملل مثلا" ... ؟
الملل جائز جدا في حالة : انك تتسبب في ملل غيرك وبالتالي تتملل انت قبليهم ( لكن لما تحس انك بتضيف وتلاقي تشجيع من الحولينك بتحاول تتجدد عشان تكون قدر المكانة الادوك ليها )

هل أنت من الشخاص الذين يخططون لمستقبلهم ... ؟
احيانا .... رغم علمي انه شي مهم جدا

وليس اخيرا اسف ان لامست خصوصياتك
يااااااااخ بالله ... احلف .... قول والله
انت عارف اني ممكن فعلا اكون محتاجة انك (تنكت) من جواي حاجات
وعلي الإطالة
لا لا لا اعترض .. شوف لو ما جبت لي اسئلة قصيرة ما حا اعترف بانك (مذيع) ممتاز لحد الان كنت فنان جدا وذكي , جاء وقت الاختبار الفني: اسئلة قصيرة واسئلة تحتاج مساعدة من الجمهور :cool: واسئلة تخليني استعين بصديق( فرصة زاتو نتصل ليهم طولنا ما سمعنا اصواتهم يااااخ)
وتمنياتي لك بدوام الصحة والعافية

---

وانا بتمنى ليك كل السمح
لاتشوف دموع لا تنجرح


رائع كنت ولازلت


همسة : العاقب دافع ليك كم ؟:cool::p:p

اقتباس:

---

المشاركة الأصلية كتبت بواسطة هيثم ادروب

وين النــــــــــــــــــاس ..
مافي اي واحد ..
النيمة زعلانة ..

---

انا قاااااااااااااااااااااااااااااااااااعدة

اقتباس:

---

المشاركة الأصلية كتبت بواسطة هشام سلس

لا تعليق



من الاخر كدا
(أحي انا)

---

لا بالله
كان تعلق :d:d:d

اقتباس:

---

المشاركة الأصلية كتبت بواسطة ملكة القلوب

وانا بتمنى ليك كل السمح
لاتشوف دموع لا تنجرح


رائع كنت ولازلت


همسة : العاقب دافع ليك كم ؟:cool::p:p

---

والله جد الواحد استفاد منك ..
مع انك كنت حريصة ومختصرة للردود ..
وبالجد الواحد اسف انو اتعمق في خصوصياتك
سعدنا بك ..
وسعدنا بأطلالتك علينا
ياخ عليك الله خليك معانا وماتفارقينا ..
نيمة العاقب زيها ماف ..
لانو الخوة هي الموجودة ..
بلا مقابل .. فقط صداقة بلا حدود ..

اقتباس:

---

المشاركة الأصلية كتبت بواسطة هشام سلس

لما السحاب اتلملم
والمطرة وكتين تنقط
تطلع طفلة وتنطط
ألخ
........

---

المطرة
احساس ..ملون
اجمل مافيه احساس انك ممكن ترجع طفل
وتنطط في الطين

يااااااااااه
دي حكاية
حب عذري تحت المطرة
وشهقت روح
ياخي استنى خلي المطرة تهدي شوية
لا لا ... ابيت ..تعالي حلاة الحب في جو غيم
رذاذ مفتون
بلون الجو
بستناك جمب النيمة ...
عتقريب هباب
تراب مروية
لمة جميلة
عقبة
وعبدو
ابقرجة
وميدو
غردة
وهيثم
سلس
وجديدنا
البلبل
وكم من رائع
بيهم احلوت جلستنا

يامطرتنا
دقي طبول الرعدة وقولي
ياااااما احلاها لمتنا
ياخي الدنيا نستنا

جيبو القهوة
عشان بس تحلى قعدتنا
بخور تيمان
شباب وبنات قاعدين كيمان

سبحااااان الجمع ارواح في الغربة

وانت هناك مستني
ومتردد
ابداه كلامنا
اااديني بديت
شوقنا بحور
لا لا سحاب
لا لا الدنيا ما بتشيله
والا خلاص ..خلي الباقي مستور

لا لا قول
ياااااخي قول
ما معقول
من بيتنا جايبني
وتحت المطرة موقفني
عشان تتامل
انثى جموحة
عاجباها روحها
بل المطر شعر مسدول
رسم ملامح .. وغلبك القول
ما مشتاق لي

طيب نمشي
نرجع بيتنا
ولما يكون جواك احساسي تعال قول لي
ولما تكون مشتاق .. لو تسمح ما تنده لي

والا اقول ليك
خليك يا ابكم
ويلا معاي
كلام الروح تعال اتعلم
ناس النيمة
مسااااااااكم خير


ياخي والله العظيم دي لمة ولا في الاحلام
ربنا يديم المودة ويحفظكم ياراقين
ويلا خلاص ما اقوم ارفع راسي للسماء واتخيل انه في كم نقطة موية جاين نازلين
وبعد ثواني ارقص حفيانة في الطين

ياااااااااااه ..... وووووب علينا على قولة رضا حسن:)

اقتباس:

---

المشاركة الأصلية كتبت بواسطة هشام سلس

شنو اديها فرصة شوية التشيل نفس
انت قالوا ليك بكرة مافي اسئلة

---

في اسئلة بالشوالات

للزول الحايقعد هنا بكرة


وحسب مصادرنا البوليسية

انت هو الضيف :cool:


ياااااااااحليلك ياسلس كنت طيب يااااااااخ:o:o

اقتباس:

---

المشاركة الأصلية كتبت بواسطة سيد البلد

يا زول انت متنكر ولا ياهو ده صوتك ؟

متكيف منك انا والله ...

---

سيـــــــــــــــــدا يا حبيب قلبى

آخيرا شفناك يعنى

والله فرحتنى للطيش

بى صوتك

وصورتك

وتوقيعك

وحضورك الراقى

انت راقى من يومك يا باير

كدى اقعد هنا وما تمشى ياخ

شايف الجماعة ناويين على هشام سلس

اقعد معانا طلع زيته

اقتباس:

---

المشاركة الأصلية كتبت بواسطة صاحبة السمو

http://www.majalisna.com/gallery/41/...1199952925.jpg
صباح الورد والفل والياسمين ..
شاي الصبااااااااااااااااااااح سريع ..

---

صاحبة السمو الملكى

وينك ياخ

ليك مدة مافى

كدى اتحكرى مع اخواتك ديل

واخدى حقك منهم مقدما

عشان هم حيسألوك برضو

اقتباس:

---

المشاركة الأصلية كتبت بواسطة صلاح ودالطاهر

تلميذي سيد البلد عاد ده كلام انت عارف وانا عارف ده شنو وانا منتظرك غايتو بس اصبر

---

يا جماعة امسكوا لينا عمنا العمدة دا

وشوفوا لينا مسمارين تلاتة

عمنا صلاح منور والله

وبركة فى سيد البلد الجابك لينا

اقتباس:

---

المشاركة الأصلية كتبت بواسطة هيثم ادروب

الليلة ياعريسنا آخر يوم للملكة ..
بكرة دورك .. بمناسبة الخطوبة
هل من مؤيد ..
الود دا عايزين نفتو ..

---

نؤيد تأييد شديد


يلا يا حبيبنا

والله انا بتكيف لى ردودك كيف شديد

اقتباس:

---

المشاركة الأصلية كتبت بواسطة تغريد

صباح الخير يا حلوووين وللغالية ملوكة سلام خصوصي

---

وتحية مسائية خاصة جدا لاحلى غردة في العالم

عذرا لتاخري عن ظلالكم الوارفة

اقتباس:

---

المشاركة الأصلية كتبت بواسطة عبدالرحمن مدثر

من دون وريقات بيضاء لمن تبث الملكة اشواقها .. همومها .. شكواها ...

---

حتى امام الاوراق احيانا ينعقد لساني ويلجمني الصمت حيرة وحزن امام همومي وشكواي و يبدو ذلك جليا في عيناي
وسرعان ما اهرب روحا وجسد لرب العالمين وكلي ثقة بان بابه يسع كل مافي قلبي الصغير

اما اشواقي فابثها لرجل تعلمت على يديه فن الصمت في لحظات البوح المباح
فانا احتاج احيانا كثيرة للصمت كي يمثلني في المقام الاول

وهنا اليوم ابعث رسالة خاصة لرجل يعربد بداخلي له الشوق كفرس جامح
واقول له

اشتقت ليك
واشتقت للحظة البتسرق عمري ليك


اشتقت امثل بين ايديك
اشتقت للشوق البغني فرحة لقاي لما احتويك

اشتقت اطبع من معالم فرحتي قبلة بين عينيك
اشتقت اتونس معاك ... واحكي ليك واشكي ليك ومن شوقي المجنون ابكي ليك

اشتقت ليك
اشتقت للسفر والمحطات لو ممكن تجمعني بيك
اشتقت ليك

ويكفي اني عارفة انك جد مشتاق لي

ملكة حضورك انيق

وإختيار عباراتك يتم برواقة

بفتكر انو بتختى اصابعيك فى الكيبورد وبتنبهل الحروف فى المنتدى

تبارك الله عينى باردة

دموع الملكة..... فرحا كان ام حزنا..... هى هى سريعة الجريان ....ام ان إشتراك الانثى مع التمساح شئ لابد منه.... هل تجامل ملكة بدموعها عند الحزن...

اقتباس:

---

المشاركة الأصلية كتبت بواسطة يوسف كيكل

ملكه بت ملوك فراقك قاسي علينا
يرعاك الكريم من الحسد والبينا
نحييك ونهنيك ياالزينا
حبيناك جميع نهديك حباب عينينا

---

مشكور يا اصيل الكلمة والمعدن
مابتحتاج وصف وليك الكلام اوزن
ماتطول غياب ولطلتك ديمة بنحن
الزيك قليل يدخل القلب يستوطن

سعيدة بوجودك واسعد بعودتك

اقتباس:

---

المشاركة الأصلية كتبت بواسطة هيثم ادروب

وين النــــــــــــــــــاس ..
مافي اي واحد ..
النيمة زعلانة ..

---

انا جيت
والناس مشت

ياناااااااااس ولعوا الرتينة ونادوا الشباب ديل

اقتباس:

---

المشاركة الأصلية كتبت بواسطة هيثم ادروب

صلاح ود الطاهر ..
مشرفنا الهمام ..
طلب بسيط ..
عندنا المسامير وعندك الشاكوش ..
عايزين نسبت البوست الجميل دا ..
ودا طبعاً بعد موافقتك ..
تقبل خالص ودي واحتراماتي

---

انت قلت كده ليك علي البي طلبك لكن لو ثبتنا حا يجب قون تاني انت تامر امر علي هذا الخشم وسم طال عمرك

اقتباس:

---

المشاركة الأصلية كتبت بواسطة هيثم ادروب

والله جد الواحد استفاد منك ..
تسلم ياذوق
مع انك كنت حريصة ومختصرة للردود ..
الحمد لله .....
وبالجد الواحد اسف انو اتعمق في خصوصياتك

انت لو كنت بس استفدت من خطوط الهجوم المعانا ديل كنت قدرت تخليني (اتبهل وابهدل الدنيا بس الله ستر:rolleyes:)
سعدنا بك ..
وسعدنا بأطلالتك علينا
وسعيدة انا جدا بوجودي معكم
ياخ عليك الله خليك معانا وماتفارقينا ..
ياود قعدنا .. في داعي للاندفاعات العاطفية دي يااااخ ( وش خجلان):o
نيمة العاقب زيها ماف ..
بشهادة الجميع والله
لانو الخوة هي الموجودة ..
بلا مقابل .. فقط صداقة بلا حدود ..

---

كلام مابعده كلام
واللمة الحلوة تشهد على الخوة الانيقة والصداقة الراقية
سعيدة جدا بك اخي الغالي هيثم

اقتباس:

---

المشاركة الأصلية كتبت بواسطة صلاح ودالطاهر

انت قلت كده ليك علي البي طلبك لكن لو ثبتنا حا يجب قون تاني انت تامر امر علي هذا الخشم وسم طال عمرك

---

http://img257.imageshack.us/img257/4057/200007ue.jpg

اقتباس:

---

المشاركة الأصلية كتبت بواسطة هيثم ادروب

وين النــــــــــــــــــاس ..
مافي اي واحد ..
النيمة زعلانة ..

---

ما زعلانة...والناس قاعدين ... لكن يا هيثم السويتا رقدت البت نفسها قايم من اسئلتك لي هسي ...

اقتباس:

---

المشاركة الأصلية كتبت بواسطة ملكة القلوب

كلام مابعده كلام
واللمة الحلوة تشهد على الخوة الانيقة والصداقة الراقية
سعيدة جدا بك اخي الغالي هيثم

---

كشكرة عشان تاني ما يديك كم وتلتين سؤال صااااااااااح

ملكة ... اتأثرتي بي منو من الدكاترة في كلية المختبرات ؟؟...وليه ؟؟......

ياتو مادة كانت هاجس بالنسبة ليك ؟؟........

سؤال كنت بتتمني يسألوك ليهو ؟؟؟


وبس...

http://wadmadani.com/vb/showthread.php?t=25708

اقتباس:

---

المشاركة الأصلية كتبت بواسطة agibmisbah

ملكة حضورك انيق
يزيد هذا البوست الرائع تالق الجميع يارائع

وإختيار عباراتك يتم برواقة
الحمد لله (بركة الماجطناها جد):p

بفتكر انو بتختى اصابعيك فى الكيبورد وبتنبهل الحروف فى المنتدى
تصدق اني مرات بقراء المكتوب وتحته توقيعي بقول دا متين دا ؟
من ناحية نعمة لكن مرات بنخط بايدينا نهايات حاسمة ومؤلمة لقصص رائعة

تبارك الله عينى باردة
عينك بااااردة( هسي المفروض اليسحر التاني فينا منو)فانت تخجل التواضع تواضعا

دموع الملكة..... فرحا كان ام حزنا..... هى هى سريعة الجريان ....ام ان إشتراك الانثى مع التمساح شئ لابد منه.... هل تجامل ملكة بدموعها عند الحزن...

---

الدموع .... ياللدهشة
تسئل من دموعي وقد رائيتها تنهمل بين احرفي احيانا


اسماء
انسانة
تبكي بين يدي الله
تبكي بحرقة حين تحزن
وتبكي بصمت حين تعلم انها تعيش واقع مؤلم
تبكي خلف الباب وهي تودع مسافر
وتتكى على مقعد الجالس امامها في الطائرة .... تبكي حتى تبلل ملابسها

الحزن
السعادة

كلها لحظات تبكيني
اكره الذهاب لبيوت العزاء لاني ارى دموع تجامل
واصوات تتعالى لفقد يستحق الترحم بدل الصراخ

تخنقني العبرة وانا اقول وداعا او ارى يد تفارق يد

ابكي حين ارى شخص حزين بحق
تجري دموعي ولا استطيع ايقافها وانا اشاهد مريض يعاني

ابتعد عن كل شخص تخرج ( الاااااااااااه) من صدره بآسى, لاني اشعر بها تلفح وجهي حرارة

ابكي وحيدة حين اشتاق
ابكي حتى ابلل وسادتي وانا اتذكر ذاك الوجه الذي ارتسمت في معالمه رغبة بقائي بقربه وحالت الدنيا وابت الغربة الا ان تجعل للدموع طعم مر سقيم

ابكي سعادة حين تصافح عيناي طيف غاب عني كثيرا حتى ظننت ان روحي خاصمت الرحلات سرا للقاء صاحبه

اكره ادعاء البكاء جدا

واعرف المدعي من نظراته

لا ابكي بسهولة ابدا
ولكن ان بكيت فاني ابكي حتى اشعر بان صخرة قد ازيلت من على صدري



همسة : انت التماسيح عندها دموع بالجد ؟:confused:

اقتباس:

---

المشاركة الأصلية كتبت بواسطة wad alballal

لكن يا هيثم السويتا رقدت البت نفسها قايم من اسئلتك لي هسي ...

---

اااااي بالله
مش احنن ؟:o:o:o

( بس مازي حنة هناية الحنانة ديك):p:p

اقتباس:

---

المشاركة الأصلية كتبت بواسطة wad alballal

كشكرة عشان تاني ما يديك كم وتلتين سؤال صااااااااااح

---

انت اصبر لي انت :mad::mad:

اشوف فيك ( عشرة صفحات من هيثم يالفي بالي):cool::rolleyes::p

اقتباس:

---

المشاركة الأصلية كتبت بواسطة wad alballal

ملكة ... اتأثرتي بي منو من الدكاترة في كلية المختبرات ؟؟... وليه ؟؟

انا لو عارفاك ح تسئل السؤال دا كان وصيت شرطي المرور يحرر ليك مخالفة وغرامة قدرها( فصل النت لمدة يومين):d:d
نبدا بالدور
جامعة الجزيرة ككل اثرت في كثير
في الادارة كنت معجبة جدا بعمو الاستاذ الحاج مكي مدني- مدير الخدمات (عنده ابتسامة تخليك تنسى تنشنت الادارة كلها)

والرائعة جدا : الاستاذة نور عبد الرحيم ( نموذج للثقة الغير محدودة في المراءة )

الادارة عموما : نموذج مشرف جدا لابناء مدني

كلية المختبرات الطبية: كلية صغيرونة حجما كبيرة جدا بما تحتوية من فكر وعقول مبدعة
وتشبه في ترابط الناس فيها منتدى ود مدني

الرائع جدا: د . محمداني .. اعجز عن وصفه .. يكفي جدا انه كان يمثل والد الجميع في المقام الاول ..اهداني لقب سار معاي لمدة طويلة جدا ( جنيشن ).. واطلق اللقب لما كنت بنسق لمحاضرات الكورس وكان دايما بلزمنا بالحضور المبكر ويقفل الباب وراه , فيوم جاء متاخر لقاني انا بس
سالني : وين الطلاب يا منسقة ؟ قلت ليه : فاتو بيوتهم , مش انت متاخر .. يستنوك ليه ؟ قعد يضحك واطلق علي اللقب

الرجل الذي تاثرت به كثيرا واحببت فيه سرعة البديهة والعفوية والطابع الاصيل وحب الطبيعة والتفاني في العمل : الوالد . دكتور عبد الرحيم البلال :eek::eek: ايون المذكور سابقا ( قالوا الشكروه في وجهه نبزوه ) فحاليا كدا اسمح لي انبز رجل من حلتكم شوية:p
كان يمثل والدي في الجامعة لا احتار في من قد يحل لي مشكلة طالما اعلم انه موجود
رجل صبور جدا ... يعرف انه يستطيع تحقيق كل شي بقليل من الصبر
تعلمت مته التفاني في العمل
حب مساعدة الاخرين
تعلمت منه خطة احراز اهداف كثيرة في مدة قصيرة
لا يؤجل عمل اليوم للغد
رائيت الدمع يتوارى من عيناه وهو يكتب تقرير عن عينة تاكد تماما من اصابتها بنوع من انواع الاورام الخبيثة

يبتسم دائما (ماشاء الله عليه ودائمة ان شاء الله)
يسعى دائما لتحقيق اكبر قدر من احلام الطلبة في سبيل توفير جو نفسي في المقام الاول

تعلمت منه .. ان البدي الناس الله بديه

وياااااااخ بالله ماتخليني ( اتغزل ) في الراجل تجينا حكومة ود البلال كلها هنا :p

ياتو مادة كانت هاجس بالنسبة ليك ؟؟........
امراض الدم ... تصدق ؟؟؟ لقيتني تلميذة نجيبة صح :p:p

سؤال كنت بتتمني يسألوك ليهو ؟؟؟

كنت بتمنى جد يسئلوني منك انت :rolleyes::cool::d


وبس...

---

بس ؟
بعد شنو بس ؟

يلا نلملم اطراف القصة
صدفة عرفت اني .. ولا شي
دون اصحابي
دون احبابي
دونك انت .. ياقلمي


ياحبر لونه بلون دمي
ياصفحة بترسم ..احلامي

يا عطر الذكرى
يا سيد الفكرة
يا الصحيتني من اوهامي


دقيقة استنى
تعرف ان الفكرة جميلة
زول متمرد في اجمل ليلة

يطوي السجادة تحت قدمي
ومن ايدي يمسكني
يلا يا ملكة
نام الحراس
يلا نطير
زي فراشات انيقة
يلا ان شاء الله .. تقوم حريقة

عمرك كم ؟
وضاع فوق كم ؟
كفاية ندم
ننسى الفات
نحقن دم .. قلب مجروح
نلم جسد تاه عن روح

ونبداء تاني
من الالف حرف حرف
الحزن .. كلمة .. ممنوعة من الصرف
نتعلم نعوم ... وما بنتجرف
ولو حبينا ياقلبي ... نعترف
خلاص عدى زمن الخوف خلاااااااااص
خلاااص غير البسمة ما بعرف

وباذن الله ..... تاني ما حا اعيدها ;);)

يا مياده القصه ما محتاجه خلاف الكمونيه ممكن يربطو بيها صندوق البيترا
ههههههههههههههههههههههه
ومشتاقيييين
بس ظريف القرد دي قصتا شنو

اقتباس:

---

المشاركة الأصلية كتبت بواسطة هشام سلس

http://wadmadani.com/vb/showthread.php?t=25708

---

والله واشتهرنا يا سلـــــــــــــــــــــس

يااخ دا بوست ....قنبلة

اقتباس:

---

المشاركة الأصلية كتبت بواسطة بنت النيل

يا مياده القصه ما محتاجه خلاف الكمونيه ممكن يربطو بيها صندوق البيترا
ههههههههههههههههههههههه
ومشتاقيييين
بس ظريف القرد دي قصتا شنو

---

هههههههههههه

ياخ ضحكتيني يا بت النيل

حلوة شديد يربطو بيها صندوق البيتزا دي

لكن لو الحكاية قلبت جد تصدقي هبطل اكلا :D


قصة القرد دي انا زاااااااتي ما عارفاها :rolleyes: