***عنقريب هباب فى ضُل نيمة مرشوشة ***

السلام عليكـــــــــــــــــــــــم
كيفكم اخباركم احوالكم؟؟؟ غايتو انا جيت لكن جيت متاااخرة شدييييييد وما عارفة الحكاية بالضبط شنو علشان كدا فكرة مبسطة عن الموضوع واكون شاكرة

اقتباس:

---

المشاركة الأصلية كتبت بواسطة سودانية وافتخر

السلام عليكـــــــــــــــــــــــم
كيفكم اخباركم احوالكم؟؟؟ غايتو انا جيت لكن جيت متاااخرة شدييييييد وما عارفة الحكاية بالضبط شنو علشان كدا فكرة مبسطة عن الموضوع واكون شاكرة

---

هلا بيك يالغلا

نورتي النيمة

الحكاية يا ستي انو دي نيمة هباااااااااااااااااااااااااابية ومرشوشة وجمبها ازيار

وفيها عنقريب اها العنقريب ده زي الكرسي الساخن بتاع ابو نضارات :D:p;)

وبنسعل فيهو

اها دي الفكره المبسطة فخمتي يا منقة :D:D:D

النيامة 000
الشوق بحر000
دافق مطر 000
وعن المكة 000
أخرني القطر 000

ودائما قطاري محمل بأشواق 000
تئن تحتها عجلاته 000
فيأتي محطات ألق 000
بعد أن ينفض سامرها 000


ياربي دي الطيارة السودانية ؟؟؟ :p:D

الملكة 000 تابعت عنقريبك قارئا 000
وما منعني الا قلة حيلتي 000
وعجزي عن التواري بعيدا عن طلاب عمل قد تكدست أوراقه حولي 000

الملكة 000 أسئلة في الزمن الضائع 000

بجيك احساس أنك بتجي متأخرة في أماكن كان يجب أن تبكري بالحضور اليها 000 ؟؟؟

لمن تحسي أنو تأخيرك ضيع عليك فرصة التعرف بشخص تمنيت الإقتراب منه 000
احساسك بكون شنو ؟؟؟

ما تقولي لي الزمن انتهي 000

أنا حاسب الـ 48 ساعة باقي منها 8 ساعات 000

فلاش باك 000

في عيد ميلادك 000 عندما أتيناك مهنئين 000
أذكر مداخلتي في ذلك البوست 000
فقد كان أول حديث لي معك مباشرة 000 وانا الذي كنت عائدا يومها بعد غياب 000
طلبت منك أن تتقبلي نصيحتي 000
بأن تجلسي الي نفسك ساعة 000 تجمعي فيها محصلة عامك الذي مضي 000

الملكة 000

محصلة عامك الماضي 000
نجاحات تحققت لك 000
أشياء فقدتها 000
صفات شخصية أحست الملكة أنها أضافتها للرصيد الشخصي 000
أشخاص جدد أقتربت منهم الملكة 000 وأصبحوا مقربين من بلاطك السامي 000

أشخاص أعزاء 000 أتسعت الهوة بينهم 000

أناس تعرفت عليهم الملكة 000 فأصبحوا عبئا عليها 000

مكان جديد زارته الملكة 000 وترك في نفسها شئ من حتي 000 أو عسي 000

وأشياء كثيرة يمكن أن تدخل في موازين تقيم الملكة لنفسها 0000

الإتكسر 000 ما بتصلح ؟؟؟
بوست للأخت مايسة 000
والتي كان لها مداخلات في أحد بوستاتك 000 وكان لها آراء واضحة 000

الاتكسر 000 بتصلح ولا لا ؟؟؟ 000
والاجابة بلا أو نعم تعتبر زوغة من السؤال 0000
والسؤال بعيد كل البعد عن الزجاج وما شابهه 000

لو الول اتكسرت جواهو حاجة بفعل فاعل 000

هل تصليحها يتوقف علي مجهود من الفاعل ؟؟؟

أم أن للشخص قدرة علي التصليح بنفسه 000 دون حوجة لمبادرة 000


الشخص الذي يكون وضحا معي ويختلف معي حين يكون رأيه مهما 000
ويوضح لي أخطائي دون خوف من غضبي 000
هذا الشخص حين يمدحني أو يذكر محاسني أصدقه 000
ولا أشك في أنها علي سبيل المجاملة 000
وأسعي أن يكون صديقا لي 000 لأنه تيرمومتر حقيقي أستطيع به قياس حرارة حضوري 000

تعليق 000 ورأي علي هذا الحديث

اقتباس:

---

المشاركة الأصلية كتبت بواسطة خالد 000 ابقرجة

النيامة 000

واللسة صاحين


الشوق بحر000
دافق مطر 000
وعن الملكة 000
أخرني القطر 000
والملكة متوقعة حضورك المتاخر اخر الليل
وجهزت لك عنقريب قريب ترتاح فيه
واخر الليل نتحكر في نص الفجة نتونس
قصرت معاك ؟:)

ياربي دي الطيارة السودانية ؟؟؟ :p:d
ماتجيب سيرتها يااااااااخ ..
انيسنا الليل وانت سامره
والنجم في الافق الشوق ضامره
لقمر توارى ..خلف سحب بحنان تغمره

الملكة 000 تابعت عنقريبك قارئا 000
وما منعني الا قلة حيلتي 000
وعجزي عن التواري بعيدا عن طلاب عمل قد تكدست أوراقه حولي 000
ماتاخرت ابدا يا سيدي العزيز .. فما دام في اليوم باقي
انا هنا .. لاعرف ماذا يريد ان يعرف الراقي ابقرجة

بجيك احساس أنك بتجي متأخرة في أماكن كان يجب أن تبكري بالحضور اليها 000 ؟؟؟
كتير جدا .. وبزعل لما اعرف ان في حدث مهم فاتني
وبزعل اكتر لما اكتشف ان حضوري كان ممكن يشكل فرق ايجابي اكبر

لمن تحسي أنو تأخيرك ضيع عليك فرصة التعرف بشخص تمنيت الإقتراب منه 000
احساسك بكون شنو ؟؟؟

---

ياااااااااااااه دا احساس مؤلم بشكل
جد حارة لما تجي داخل ويقولوا ليك : فلان هسسسسسسسي مرق من هنا وتكون جد كنت متمني تلاقيه وتتقرب منه
ويبخل الزمن بفرصة تقارب او تعارف في وقت تاني

غالبا بحس اني بديت افكر باسلوبي متخلف واقعد اقول : ااااااخ بس لو كنت جيت قبل شوية :(:(

قالوا الحبيب الفي الفؤاد ساكن .. كان هنا
وانا الجواي اشواق السنين بتمنى بس القاه
واتوسل للزمن يرجع بس دقايق .. واقعد استناه

كتير في الدنيا فتناهم
وفاتونا
واتمنينا نلقاهم
ويلقونا
بس خسارة
الدنيا ما عطفت
لا عليهم
ولا علينا

اقتباس:

---

المشاركة الأصلية كتبت بواسطة agibmisbah

احاسيس قاسية

ومخيفة

ومؤلمة

ومرهقة

اخترتى من عبارات اللغة ما هو اكثر دموية

وكأن التتار يكتبون بسيوفهم

وكأن هولاكو اصبح شاعرا فى اخر ايامه

بعد ان اعتزل الحرب فى حفل موسيقى احياه بعض الجند

ولكن لماذا تحتفظين بشئ مؤلم وقاس ومرهق وخيف...

دائما ما نحتفظ بالاشياء الجميلة فقط

ولكن اراك تريدين تعليمنا فنا آخر فى فن الاحتفاظ بالاشياء

الاحتفاظ بسيوف وقنابل ناسفة للكلام.....

كلمات انتحارية

تشبه الارهاب

والاعدام

والمقصلة.....

اعذرينى ان كنت قاسيا معك

ليس جميلا ان ترى بهكذا عيون

او بعدسات للغة مثل هذه.....

وبنصف فارغ من كوبك

افى هذه الدنيا حزن مثل هذا

تلتقى عنده القسوة والارهاق والألم والحزن....

ماذا يكون نقيضها اذا....

وماذا يكون دواءها

هل تنفيسنا عنها

كتابتها عن الحزن ... والالم والقسوة والارهاق...

يزيلها عنا ؟؟؟

استغرب لكتابتك بصورة سوداء اختى ازاهير

لستى وحدك بل اغلب النساء يحببن ان يكتبن بسوان

وكأن الفارس لم يمض على موته اربعون يوما.....

نسوة فى ثوب حدادهن

نشعر بهن ونراهن

ولكن يكتمن الفرح

وفى يوم الزفاف نرى دموعهن.....

ازاهير

القادم اجمل حتما ...ولكن بدون الاحتفاظ بأشياء مثل هذه فى دفاترنا الخاصة

عندما نحتفظ بوردة....ربما تأتى نحلة....فتصنع منه شهدا......

ادعوك للإحتفاظ بوردة.....لأن رائحتها جميلة..... تُشعرنا بما نوده من احساس.....

حينها يمكن لكى ان تكتبى احاسيس .... ولكن بلون مختلف.....

احساس بالحب......

بى يوم باكر

بى فرحة

بكل شئ نهواه .....

مع احتراماتى لكى

---

الملكة 000 هذه المشاركة لعقبة 000
في بوست للأخت العزيزة أزاهير 000
عندما مررت عليها منذ أيام 000 شئ بداخلي حدثني بأنها موجهة لك 000
ومنذ أن علمت بداية عنقريبك 000 اضمرت في نفسي أن آتيك بها 000

الملكة 000 هذا الخطاب موجه لك أيضا 000 مني 000 وقد يشاركني ود مصباح 000

تعليق 000
وهل كل النساء كذلك كما قال سيد النيمة 000
وهل يمكن أن تكتب الملكة بأحساس مختلف للحب والفرح ويوم باك الجميل 000
كما قال عقبة 000 وكما طلبت منك في كرسي ود النور ؟؟؟

طالما اني آخر الحاضرين 000
قبال ما اقفل الموية من الزير 000
وارش الرشة الليلية 000

سؤال أخير 000

سؤال كنت تخافين منه 000 ولم يسأله أحد 000
سؤال تمنيتيه 0000 ولم يسأل 000

وسؤال في نفسك عاوزة تسأليه لناس النيمة كلهم 000


وقبال ما أمشي 000


رسالة لهشام سلس 000
ضيف العنقريب الذي يتوقعه المتابعون لمجريات النيمة 000

في ناس كدة بتشوفم من بعيد 000
وبتشوف حب الناس ليهم 000
وتتمني تجمعك بيهم صدفة عشان تتعرف عليهم 000
هشام 000 واحد منهم بالنسبة لأبقرجة 000
وحا تكون فرصة سعيدة 000 لو لقيت ود مصباح أعلنك ضيف العنقريب القادم 000

وأرجا الراجيك 000

وأبدا بسؤال الملكة العاوزة تسألو لناس النيمة كلهم ;)

اقتباس:

---

المشاركة الأصلية كتبت بواسطة خالد 000 ابقرجة

ما تقولي لي الزمن انتهي 000

أنا حاسب الـ 48 ساعة باقي منها 8 ساعات 000

تصدق لو كنت ماشفت اسئلتك هسي بكرة بعد اذن القاعد بقعد اجاوبها ليك ( مع العلم ان الحايقعد سلس:cool:)


الملكة 000

محصلة عامك الماضي 000

والله انت في زول رسلك لي:( ( العاقب..بيناتنا الزمن :()
نجاحات تحققت لك 000
الحمد لله كان النجاح الاول : مجموعة من اروع الاصدقاء الذين افتخر بهم حقا
والنجاحات الاخرى كثيرة واذكر منها : خروجي من قوقعة صمتي المعهودة , والسبب ثقة اكتسبتها من تشجيع الاخرين لي ووقوفهم وقفة المرشد الذي لا يقبل باقل من كلمة (ابداااااع)

أشياء فقدتها 000

لا اعتبر نفسي فقدت الكثير , ولو اعتبرنا التردد شي جيد فهو فقد لا احزن عليه ابدا

صفات شخصية أحست الملكة أنها أضافتها للرصيد الشخصي 000

الثقة بالنفس

أشخاص جدد أقتربت منهم الملكة 000 وأصبحوا مقربين من بلاطك السامي 000

بصراحة تقدر تقول ان تلات ارباع المنتدى مقربين جدا من بلاط الملكة , وللجميع حق الاقتراب مادام السائد بيننا الاحترام المتبادل


أشخاص أعزاء 000 أتسعت الهوة بينهم 000

في المنتدى بحاول دائما ان اجعل المسافات مناسبة لتقبل الاخر , فبطبعي لا احب اجواء المشاحنات , احب ان اكتب وانا اشعر بان الجميع سعداء بما اكتب , ولو شعرت بان هناك شخص لا يحب وجودي اسعى لمعرفة الاسباب وازالتها باسرع وقت


أناس تعرفت عليهم الملكة 000 فأصبحوا عبئا عليها
00
بصراحة ان كنت انا من بداء المعرفة فيفترض اتحمل عواقب تعاملي العشوائي , اما اذا كان الطرف الاخر هو من سعى لهذا التعارف فدائما اسعى لوضع نقاط الحروف بوضوح ليفهم الاسلوب الذي يجب ان نتبعه لو اراد استمرارنا اما اذا رغب في الثبات على اسلوب وكان الاسلوب يضايقني ( فيفتح الله ...بدون اي مجاملات)0

مكان جديد زارته الملكة 000 وترك في نفسها شئ من حتي 000 أو عسي 000

منطقة مطلة على النيل في الخرطوم , لا اذكر اسمها بالضبط لكن اذكر اني وقفت على ضفة النيل لساعات اتامل منظر غروب الشمس , وكان فعلا منظر نادر(وباذن الله بمشي تاني مستعينة بالزول الوداني ليها زمااااااان):p


وأشياء كثيرة يمكن أن تدخل في موازين تقيم الملكة لنفسها 0000

---

الملكة كملكة القلوب في المنتدى
الحمد لله سعيدة جدا بوجودي بين شخوص يطيب لهم بقائي

اما الملكة :اسماء
ففي تقيمي لنفسي
اني ... لسه في اول طريق طووووووووووويل
محتاجة كتير جدا عشان اواصل فيه
ومقتنعة تماما باني لا اساوي شي بدون الناس الحوليني

اقتباس:

---

المشاركة الأصلية كتبت بواسطة ملكة القلوب

قالوا الحبيب الفي الفؤاد ساكن .. كان هنا
وانا الجواي اشواق السنين بتمنى بس القاه
واتوسل للزمن يرجع بس دقايق .. واقعد استناه

كتير في الدنيا فتناهم
وفاتونا
واتمنينا نلقاهم
ويلقونا
بس خسارة
الدنيا ما عطفت
لا عليهم
ولا علينا

---

ملكة كل القلوب 000
ما أجمل اليل 000 ما أحلي أوتارو 000
لما الشمس ترحل 000 واسدل استارو
اتدلي القمر جنبك 000 وتتغني بي جوارو 000
تملا الدواخل ضوء 000 وتردد اشعارو 000
زيد في العوازل كي 000 والأفرع الغارو 000
لمن ملكة تتنازل 000 بعد فاتو سمارو 000

الملكة 000 حبابك ألف 000
و نورك غطا القمر 000
واشع النشاط في حارس النيمة الليلي 000 ( أخوك تبع الهدف و كدة ) :p

اقتباس:

---

المشاركة الأصلية كتبت بواسطة ملكة القلوب

الملكة كملكة القلوب في المنتدى
الحمد لله سعيدة جدا بوجودي بين شخوص يطيب لهم بقائي

اما الملكة :اسماء
ففي تقيمي لنفسي
اني ... لسه في اول طريق طووووووووووويل
محتاجة كتير جدا عشان اواصل فيه
ومقتنعة تماما باني لا اساوي شي بدون الناس الحوليني

---

أسماء 000
ذات النطاقين 000

لو طلب من شقك نطاقك 000

النطاق الذي لا تختمرين به 000

ماذا ستخبئن فيه 000 ولمن سيصل 000
ومن أو ما الذي سيتربص بما تخبئين 000


الخمار 000 أو الحجاب 000
هل فعلا هناك ظاهرة لباسه للموضة فقط ؟؟؟

هل تابعت الملكة نماذج لمحجبات يتخذنه وسيلة لمآرب اخري ؟؟؟ سؤال اختياري

اقتباس:

---

المشاركة الأصلية كتبت بواسطة خالد 000 ابقرجة

الإتكسر 000 ما بتصلح ؟؟؟

بوست للأخت مايسة 000
والتي كان لها مداخلات في أحد بوستاتك 000 وكان لها آراء واضحة 000

ياااااااخ انت لو تعرف انا ضحكت كيف لما قريت كلامك دا :p
تعرف ليه : لاني الليلة كنت ناوية اخلص من هنا وارجع ليها عشان اكتب رائي في الموضوع ( توارد خواطر غريب)

الاتكسر 000 بتصلح ولا لا ؟؟؟ 000

لو الزول اتكسرت جواهو حاجة بفعل فاعل 000

هل تصليحها يتوقف علي مجهود من الفاعل ؟؟؟
أم أن للشخص قدرة علي التصليح بنفسه 000 دون حوجة لمبادرة 000

ونفس الكلام حا اقوله لمايسة
تعرف اصعب حاجة في الدنيا كسر الخواطر
والكلمة بترقد .. بس المابغلط فينا كذاب ومافينا زول كامل

تجي الحاجة المهمة جدا وهي انك بعد تكسر خاطر زول هل انت قادر تجبر الكسر والا انت زول فنان تكسير خواطر واول المتوارين عن ساحة الواقع بعد كسر خاطر شخص ؟!!
انا عن نفسي عندي طبع غريب جدا وماعارفة هل هو صح والا غلط , ومابقدر اغيره ..دائما لو تسببت في كسر لشخص بكون مصابة بحالة حزن غريبة جدا لاني غالبا لما اتسبب في الكسر الحصل بكون ماواعية لخطورة الموضوع الا بعد ما يحصل الكسر
وبسعى لعمل كل الاسعافات الاولية الممكنة لعل وعسى اخفف شي من النزف الممكن يحصل
ورغم اني اكيدة ان الفي الخاطر من القصة ممكن يعلق في الذاكرة سنوات بسعى بكل السبل لازالة الصورة والمشهد المؤسف من ذاكرة الشخص المكسور( كاني بقيت دكتورة عظام:p)

اما ان الشخص يجبر كسر نفسه فدي نادرة الا في حالات منها ان يكون شخص واعي جدا ومتفهم للظروف النفسية الدعت الشخص الاخر لكسر خاطره (يعني تلتمس العذر لزولك لانك عارف انه مجبور على الحصل)

الشخص الذي يكون وضحا معي ويختلف معي حين يكون رأيه مهما 000
ويوضح لي أخطائي دون خوف من غضبي 000
هذا الشخص حين يمدحني أو يذكر محاسني أصدقه 000
ولا أشك في أنها علي سبيل المجاملة 000
وأسعي أن يكون صديقا لي 000 لأنه تيرمومتر حقيقي أستطيع به قياس حرارة حضوري 000

تعليق 000 ورأي علي هذا الحديث

---

كلام سليم وحقيقي جدا
والحمد لله معظم اصدقائي يعرفون عني اني والحمد لله احترم رائي من لا يجاملني واسعى دائما لترسيخ مفهوم : اسمع كلام مبكيك

ويعجبني جدا الشخص الذي يهديني عيوبي لاراها

اقتباس:

---

المشاركة الأصلية كتبت بواسطة خالد 000 ابقرجة

الملكة 000 هذا الخطاب موجه لك أيضا 000 مني 000 وقد يشاركني ود مصباح 000

تعليق 000
وهل كل النساء كذلك كما قال سيد النيمة 000

ابدا .. لكن المراءة بطبعها العاطفي تتقمص ادوار الحزن اكثر من ارتداء ثوب السعادة

وهل يمكن أن تكتب الملكة بأحساس مختلف للحب والفرح ويوم باك الجميل 000

كما قال عقبة 000 وكما طلبت منك في كرسي ود النور ؟؟؟

---

اكيد استطيع ان اكتب بلون الفرح والسعادة
لكن تعرف المدهش في الموضوع شنو يا خالد
اني لحد الان ما كتبت بلون السعادة ويمكن لان الانسان لما يكون سعيد بكون عايز يبتسم ويطلع ويقابل الناس وبكدة تلاقي احساسه كان عملي اكتر من لما نحس بالحزن ويطوينا احساس الوحدة ورغبة الاعتزال والانعزال بعيدا في زاوية غالبا بكون رفيقنا فيها (قلم وورقة)

واعتقد ان في مقولة ان الماساءة تولد الابداع

انا عن نفسي كانت اجمل كتاباتي وانا في قمم الحزن اعتكف

وحقيقة لما اكون سعيدة بكون عايزة اسمع .. ما اتكلم , وبحب اعمل اي شي ساعتها غير اني اقعد في مكان واحد , والمضحك ان الحوليني كلهم بعرفوني مبسوطة لما يكونوا بتكلموا معاي واكون سرحانة وبتبسم (منظر جيعان بشكل)

وازيدك من الشعر بيت : كل الروايات والقصص الكتبتها انتهت نهايات محزنة :(:(:(

نسوان ماساويات بشكل

ملوكة وابو اية سلام عليكم

ومساء الور والله دي بقت صباح الخير لانو الساعة اتنين صباحا :eek:


اها قلتو لي احنا بث القاعدين

اها بلاي يا جماعة ما تمشو تخلو لي المكان ملخبط نظمي المكان ده قبل ما تتخارجو :

D

اقتباس:

---

المشاركة الأصلية كتبت بواسطة خالد 000 ابقرجة

طالما اني آخر الحاضرين 000

قبال ما اقفل الموية من الزير 000
وارش الرشة الليلية 000

احلى مافيك انك مصور للخيال بطريقة مدهشة
(هسي تشوفني بلملم في البنابر من الحوش:p)

سؤال أخير 000

سؤال كنت تخافين منه 000 ولم يسأله أحد 000

بصراحة بصراحة كدا ... اين الرجل في حياة الملكة ؟

سؤال تمنيتيه 0000 ولم يسأل 000

ماذا تقول الملكة لمن خيب ظنها ؟

وسؤال في نفسك عاوزة تسأليه لناس النيمة كلهم 000

بصراحة وبدون مجاملة وبدون تردد : تقيم صريح للملكة واسماء
علما باني كنت في هذا المقام ... اسماء
وبصراحة من تختارون من بين الاثنتين للتواجد بينكم ؟

وقبال ما أمشي 000

رسالة لهشام سلس 000
ضيف العنقريب الذي يتوقعه المتابعون لمجريات النيمة

مع اني ماعارفة الجزئية دي لي والا لهشام
عندي ليه رسالة برضو : ادي هيثم منوم وقول لناس الشغل عنده مرض(سمير) عشان ما يفنشوه;):D:cool:
000

في ناس كدة بتشوفم من بعيد 000
وبتشوف حب الناس ليهم 000
وتتمني تجمعك بيهم صدفة عشان تتعرف عليهم 000
هشام 000 واحد منهم بالنسبة لأبقرجة 000
وحا تكون فرصة سعيدة 000 لو لقيت ود مصباح أعلنك ضيف العنقريب القادم 000

وأرجا الراجيك 000

وأبدا بسؤال الملكة العاوزة تسألو لناس النيمة كلهم ;)

---

ابقرجة زاته ادوه منوم يا شباب;):p

اقتباس:

---

المشاركة الأصلية كتبت بواسطة ميادة

ملوكة وابو اية سلام عليكم

ومساء الور والله دي بقت صباح الخير لانو الساعة اتنين صباحا :eek:

اها قلتو لي احنا بث القاعدين

اها بلاي يا جماعة ما تمشو تخلو لي المكان ملخبط نظمي المكان ده قبل ما تتخارجو :

D

---

ميادة ياخي بقي عليك المثل البقول 000

لا تسألي 000 لا تخلي أسئلة عمنا تنزل 000 :p:p
الترتيب ده ملحوق 000 خليني نرتب دواخلنا أول بكلام المكة المدوزن ده 000

عارفة يا ميادة 0000
الواحد بقي كل ما يعطش 000
يذكر جك لعصير بتاعك أبو نص برتكانة معلقة فوقو داكا 000

مسعولة من الخير 000
الحرس معاك النيمة اليومين الفاتو منو 000
ياخ عقبة ده بقي ما بدينا الأوفر تايم بتاع السهرة

الملكة 000 والله صحي زي ما بقول المثل 000
من يسأل أخيرا 000
يسأل كثيرا 000

واصلي 000 بدون ما تفاصلي 000

اقتباس:

---

المشاركة الأصلية كتبت بواسطة خالد 000 ابقرجة

الملكة 000 حبابك ألف 000
و نورك غطا القمر 000

واشع النشاط في حارس النيمة الليلي 000 ( أخوك تبع الهدف و كدة ) :p

---

هههههههه
وانا اقول الزول دا الجابو الساعة دي شنو
ومن جهرتني بنور (بطاريتك) وانا شاكة انك ياحرامي يا زول راجي فيني يوم :p:p

الملكة دقيقة عندي سؤالين كنتا ناسيهم ياخي 000





*******












*******************





























******************

أين الرجل من حياة الملكة 000 ؟؟؟

ماذا تقول الملكة لمن خيب ظنها ؟؟؟

:p:p:p:D:D:D:D:D:p:p:p:p:p

الملكة 000 مستني الإجابة 000 وميادة زاتا مستنية 000

اقتباس:

---

المشاركة الأصلية كتبت بواسطة خالد 000 ابقرجة

ميادة ياخي بقي عليك المثل البقول 000

لا تسألي 000 لا تخلي أسئلة عمنا تنزل 000 :p:p

اول مره اسمع بيهو :eek::eek::eek:

الترتيب ده ملحوق 000 خليني نرتب دواخلنا أول بكلام المكة المدوزن ده 000

والله انا زاااااااااااااتي قاعدة ارتب دواخلي معاكم :D

عارفة يا ميادة 0000
الواحد بقي كل ما يعطش 000
يذكر جك لعصير بتاعك أبو نص برتكانة معلقة فوقو داكا 000

ياخ بث قول عايز جك بليل ده ;)

مسعولة من الخير 000
الحرس معاك النيمة اليومين الفاتو منو 000
ياخ عقبة ده بقي ما بدينا الأوفر تايم بتاع السهرة

والله من بعدك اتشردت واتجهجهتا :eek::eek:

الملكة 000 والله صحي زي ما بقول المثل 000
من يسأل أخيرا 000
يسأل كثيرا 000

واصلي 000 بدون ما تفاصلي 000

---

واصلي يا عثل واحنا متابعين


بث رايك شنو لو كتر الاسئله نديهو منوم :eek: زي ما قلتي :D

اقتباس:

---

المشاركة الأصلية كتبت بواسطة خالد 000 ابقرجة

النطاق الذي لا تختمرين به 00

ماذا ستخبئن فيه 000 ولمن سيصل 000
خلاصة تجاربي مكتوبة ... وموثقة ....تصل لبناتي مستقبلا ...

ومن أو ما الذي سيتربص بما تخبئين 000

غدر الزمان يتربص بكل ما اخبئ للاسف .. واخشى عادة تذكر فكرة اني اخذ على غفلة

الخمار 000 أو الحجاب 000
هل فعلا هناك ظاهرة لباسه للموضة فقط ؟؟؟

كثيرة جدا , وغالبا مش موضة ... اسكات للداعين للتحجب

هل تابعت الملكة نماذج لمحجبات يتخذنه وسيلة لمآرب اخري ؟؟؟ سؤال اختياري

---

كثيرة جدا جدا

مر علي موقف اكد لي ان هناك من يلبسن الحجاب بالذات النقاب لاغراض غير شريفة
وهي التحايل على واقع مؤسف غالبا ( الكبت يولد الانفجار)

ركبت ركشة ولان الشمس كانت حارة جدا غطيت وجهي بطرف الخمار
صاحب الركشة رجل تجاوز عمره الاربعين كما كان ظاهر على ملامح وجهه

تحرك بنا وفي الطريق ركز مرآة الركشة علي
لم اعره اهتمام

الا ان سئلني
الاخت من السعودية ؟

جاوبته : ابدا

تااني سئل : طيب من وين في الخليج جاية ؟

سكت مسافة بعدين حسيت ان سؤاله سببه تغطيتي لوجهي

ازلت الخمار من على وجهي

ابتسم
وقال لي : كنت حاسي ان نقابك غريب !!!!!
سئلته: طيب ليه يعني ؟

فقال لي : انا بعرف ان ناس السعودية نقابهم مختلف ( وقعد يتكلم عن انواع النقابات )

لاني مافهمت قصده بالضبط سكت

فقام قال لي : تعرفي يا اخت انا اشتغلت استخبارات فترة طويلة جدا
وكنت دائما بشك في المنقبات وفعلا معظم المشاكل في الفترة الاخيرة بكون وراها مراءة او ( رجل ) يدعي انه مراءة منقبة !!!!!!!!


لحد الان انا مندهشة غايتو

اقتباس:

---

المشاركة الأصلية كتبت بواسطة خالد 000 ابقرجة

الملكة دقيقة عندي سؤالين كنتا ناسيهم ياخي 000

******************

أين الرجل من حياة الملكة 000 ؟؟؟

ماذا تقول الملكة لمن خيب ظنها ؟؟؟

:p:p:p:D:D:D:D:D:p:p:p:p:p

الملكة 000 مستني الإجابة 000 وميادة زاتا مستنية 000

---

مستنيه لي بكره ياخ انا كمان ;):p


سعالك عجيب يا ابوها لكن :D:D:D:D:D

اقتباس:

---

المشاركة الأصلية كتبت بواسطة خالد 000 ابقرجة

رسالة لهشام سلس 000
ضيف العنقريب الذي يتوقعه المتابعون لمجريات النيمة 000

أرجا الراجيك 000

وأبدا بسؤال الملكة العاوزة تسألو لناس النيمة كلهم ;)

---

اقتباس:

---

المشاركة الأصلية كتبت بواسطة ملكة القلوب

بصراحة وبدون مجاملة وبدون تردد : تقييم صريح للملكة وأسماء
وبصراحة من تختارون بين الآتنين للتواجد بينكم

---

هشام 000 الأولو شرط آخرو نور 000
جاوب قبل السيرة الذاتية 000 سؤال الملكة الاتفقنا عليهو وطلع من شقين :p;)

اقتباس:

---

المشاركة الأصلية كتبت بواسطة خالد 000 ابقرجة

ا

اعترض اعترض بشدة كمان
دا اليوم التالت
والله هسي الواحد يحلف يقعد لحد بكرة زي الساعت دي (يحددها معاكم زاتو):mad::mad::mad:

أين الرجل من حياة الملكة 000 ؟؟؟

موجود والحمد لله
اب
واخ
وصديق
وحبيب
بصراحة لا احب ان تكون حياتي ... بلا قيد ذكوري وراجل يآمر وينهي ( شنو المرة غير راجل يقيم امرها .. تحترمه وتشاوره في سنين عمرها)..
ماذا تقول الملكة لمن خيب ظنها ؟؟؟

خسارة كل كلمة وكل ابتسامات السنين
خسارة الشوق لقصر المسافات والحنين

مسكينة انا ..فتشتت في قلبك المغرور محل
مسكينة انا ...وارتحت ليك وبنيت عليك مليون امل
مسكينة انا ..ماعرفت انك ضل ضحى قبل المقيل فرتق رحل
مسكينة انا .. وعشمي الكبير ..بلون سواد فجاءة اكتحل
مسكينة انا .. لكن ..وحاتك ..لكل كتاب عند الله اجل
مصيرك بكرة تتعلم ..وتعرف قدري لو تجهل
انا الزيي ..بتعرف قيمته لما يفوت ..ومن طيبته ..عليك يسئل

:p:p:p:D:D:D:D:D:p:p:p:p:p

تصدق اني اتوقعتك تعمل كدا:rolleyes::rolleyes: ;);)

الملكة 000 مستني الإجابة 000 وميادة زاتا مستنية 000

---

انتو الاتنين المفروض املى لي كوز موية سااااااااقطة وارشكم بيه واطير النوم من عيونك سمح :p:p

اقتباس:

---

المشاركة الأصلية كتبت بواسطة ملكة القلوب

انتو الاتنين المفروض املى لي كوز موية سااااااااقطة وارشكم بيه واطير النوم من عيونك سمح :p:p

---

هههههههههههههههههههههههههههههه

ياخ الا الموية الباردة مع البرد ده

خلاث انا ماشة انكشح

لانو الساعة 3 جات

يلا يا ابوها بلاي ما اوصيك انت وملكة فرشو العنقريب ده واقفلو موية الخرطوش

انا مليت الزيرين ديل املو التالت ده ولمو عدت القهوة دي وغسليها يا سومة بلاي



اها معاكم سلامة :d

اقتباس:

---

المشاركة الأصلية كتبت بواسطة ميادة

واصلي يا عثل واحنا متابعين
لا لا لا انا اطالب بتعويض
(اوفر تايم ) ياخي دي قصة عجيبة يااااخ الساعة 2 ص :mad:

بث رايك شنو لو كتر الاسئله نديهو منوم :eek: زي ما قلتي :d

---

اديه بعد كده

وياريت تديه من الزير دااااااااك
اااااي الملاه هو زاااتو هسي
لان مويته حاارة لسه
خليه يحس بالحرارة الجواي حاليا
ياااااااااخ بركة البقى تنينكم مشغول حاليا يااااااااخ :(:(:(

اقتباس:

---

المشاركة الأصلية كتبت بواسطة ملكة القلوب

هههههههه
وانا اقول الزول دا الجابو الساعة دي شنو
ومن جهرتني بنور (بطاريتك) وانا شاكة انك ياحرامي يا زول راجي فيني يوم :p:p

---

أول بالتبادي 000 القال ليك منو انا شايل بطارية 000
أنا شايل مراية 000 قولي ماشاء الله 000 ما تسحري لينا

ملكتنا الجهرك نورا
الفايتا القلعة الكترو بدورا
الحزنها هدهد وغطي سطورا
مليانا محبة وخصال بندورا
ورغم السطوة الرامية جذورا
دي ست الزهد ماها المغرورة

الملكة واسما وجهين لي عملة صعب تقديرا
تتعالا وتسما بي كلمات صحانا هديرا
نفسا طيبة حديقة ملانا وصافي غديرا
عاوزين الملكة تنهي وتأمر ترفع تقريرا
واسما معانا ادب واخلاق ومحاسن شايلاها السيرة

الملكة اعتبريني الاتنين 000
حرامي 000 وداير يوم 000
حرامي بسرق أي درة 000 من درر كلامك
وداير يوم ليكي 000 ما فيكي ابدد احزانك 000

ودمتي فينا ملكة القلوب التي عرفناها 000
وأسماء التي تسلت الينا كظل لم نحس بدوخوله 000
ولكن غمرنا الضوء الذي أتي به 000
وللنيمة شرف السبق بالتعريف بأسماء

اقتباس:

---

المشاركة الأصلية كتبت بواسطة ميادة

ولمو عدت القهوة دي وغسليها يا سومة بلاي
والله كان تبقى اخر شغلة لي في الدنيا ما اعملها
يابت انتي قايمة من النوم قبل شوية
وانا قاعدة هنا من الساعة 1 ظهر
في داعي تشربي قهوة انتي زاتو الساعة دي ؟
يلا بلا عدة بلا بتاع
وتاني ماجاية زاتو :mad:

اها معاكم سلامة :d

---

الله يسلم روحك يا ستي

واحلام بلون خط عقبة :p

ناس النيمة 000
حرمتني ظروفي من تجليد عنقريب الملكة معاكم 000
عقلة عقلة 000 وحبلة حبلة 000
لكن كان لي الشرف بمهمة شد الكراب 000
وهي دايما آخر مرحلة في العنقريب 000
بي كدة خلوني افتح ارشيف النيمة 000
واخت عنقريب جديد مع اخواانو 000 في مخزن 000
كلما جاهو عنقريب جديد بزيد ترتيب 000
وما بعرف اي شكل للكراكيب 000

وزي ما وصت ميادة 000
لمينا العدة 000
وغتينا الأزيار 000
وجهزنا الحبال 000
لي العنقريب الجديد 000

والقاعد فيهو
ارجا الراجيهو 000

وبركاتك يا عقبة راجل النيمة 000
وبخراتك يا أدروب ماسك ديكشناري الاسئلة 000

الملكة
فتك بي عافية
وما تشوفي شر

وشكلو منوم ميادة اشتغل

اقتباس:

---

المشاركة الأصلية كتبت بواسطة خالد 000 ابقرجة

أول بالتبادي 000 القال ليك منو انا شايل بطارية 000

أنا شايل مراية 000 قولي ماشاء الله 000 ما تسحري لينا

:p:p:p
ياااااااااااااخ معقولة بث

ودمتي فينا ملكة القلوب التي عرفناها 000

وأسماء التي تسلت الينا كظل لم نحس بدخوله 000
ولكن غمرنا الضوء الذي أتي به 000

وللنيمة شرف السبق بالتعريف بأسماء

---

لكم الشكر
ولي عظيم الشرف والامتنان لهذه النيمة التي بدد نسيم اوراقها اليانعة شي من تردد في داخلي.

وللغالي جدا رفيق الغربة (عقبة) الذي زادني تشريف دعوته الخاصة لي بالمثول بين ايديكم التي غمرتني باحساس اللمة الحقيقية
وللعزيز جدا : ابو مزن ... الراجل دا بقى ينوم بدري جد ( اثار الكبر ظهرت):o

والشكر لك خالد .. لانك (بحت) الباقي من شجن
والشكر لميادة وتغريد ..
الشكر للغالي هيثم ولصديقة الرائع سلس والعزيز حسام
اشكر في هذه الزواية صديقي الغالي جدا : ود البلال .. الزول الرايق (والعكس صحيح;)) :p
شكرا للجميع
حضورا وسؤال
شكرا لمن زارنا
ولمن اخرته الحال

والصدفة جد يوم جيتي كانت الذكرى بتصحصح
وغلطة العمر القبيل ..قررت ياغالي اصحح
بالكان زمان ما بحت ليك ..بعد السفرجاياك اصرح
يمكن الحق الباقي لي جواك من مشاعر قبل تغيب شمسي وتصبح

في حفظ الرحمن يا كل الحضور
واعذرونا لو شلتو شي جوا الصدور
ما بنرضى نمشي وورانا خاطرا مكسور
ونحن من ناحيتكم تب مافي شيل والخاطر مجبور
نلقاكم في سعادة ونعيم وسرور

مع فائق الاحترام
اختكم
وصديقتكم
واي شي تاني
soma

اقتباس:

---

المشاركة الأصلية كتبت بواسطة خالد 000 ابقرجة

الملكة
فتك بي عافية
وما تشوفي شر

وشكلو منوم ميادة اشتغل

---

الله يعافيك
وخير الدنيا يديك
وشر العالم يكفيك

وبركة القررت تنوم يااااااااخ ;)

الله معاك
واحلام بنقاء قلب آية

لم ادرى ماذا اقول
منبهرا وفاغرا فاهى وأنا اقرأ تراجكوميدى الملكة
احسست بقصر الحروف وتلعثمها وعدم قدرتها على الخروج
عندما ارى شئ يفوق حد اعجابى به اقف صامتا لأنه ابلغ من مقال
غير انى اعرف كذلك ان لابد من كتابة شئ فوق التوقيع
عله يوصل بعض الرسائل لمن يعجبنى قلمهم حد الذوبان
صاحبة القلم المتمرد على كل شئ
الملكة اسماء
ماذا اقول فى وجه كل هذا الجمال
قديما وكما كنا نقرأ
فى اوروبا
عندما تمر الملكة كانت الحاشية والنبلاء ايضا يخلعون قبعاتهم إحتراما لها وتوقيرا
وها نحن نخلع قبعات حروفنا .... او هى من نفسها خلعتها .....دهشة .....
تمنياتى لك بالتوفيق اختى الغالية
وربنا يديك الفى مرادك
ويحقق ليك كل احلامك
ويزيد من نورك

ملكة تحتاج لتقييم ؟؟؟؟ من يُقيم من ؟؟؟؟ يكفى انك الملكة ....بشهادة الجميع.... شهادتى فيك مجروحة يا الملكة اسماء.....

بخصوص ايهما افضل لنا...الملكة ام اسماء.....

الافضل لنا ان يجتمعا سويا.... اسماء الملكة.... او .... الملكة اسماء .....

مع احتراماتى لك يا مدهشة.......

ابو آية ...عافى منك انا ... وبس...

صباح الخير اخوتى واحبابى ....

وعساكم كل الخير والروقة.... وربنا يجعل يومكم اجمل الايام .....

نرحب بى هشام سلس

ويلا يا هشام

ورينا بطاقة الاقامة بتاعتك

مع توقيع الكفيل....

ويلا بسم الله الرحمن الرحمن

اولا :
سلام أن تبدي كان دراً وياقوتاً أن تقلب في اليدين

هشام قرشي ضو البيت
بكلاريوس اداب لغة انجليزية جامعة امدرمان الاهلية ( ما حنكوش) في حنكوش اسمو سلس
مواليد برج الجدي حى الهوارة
كل المراحل الاولية بمدني
العمل حاليا بالمملكة العربية السعودية منذ سبع سنوات
الحالة الاجتماعية قارين فاتحتي


ونحن دوما نبحث في الكلمات عن الملامح الحقيقية للحياة عن اصدق ما استودعناه النفس من احساس عزيز وغال فاصبح سر وضمير الخفقة وحياتها انه ومن المحزن ان تموت الكلمات في لحظة البحث عن فرص العمر فالخيار انت نتوسط الاشياء ونحافظ على قديم من هوي وطموح. لكن القلب يتحد مع القلب في الاحتفاظ باجمل عبارة اتية من الصدق وباحلي التفاته تستقر في رؤانا..

سلس و7 سنوات (حاضر)

سلس و7 بنات (مستقبل )

سلس احساس الغربة .. وحضن المدينة .. الام.. الحبية .. والاخ .. والصديق

سلس وبدايات تكملة نصف القمر الاخر

هشام قبل الخطوبة الاحساس

هشام بعد الخطوبة الملامح

اقعد احكى بدون اطار يحدد شكل الاندياحات

لحدى ماتوصلنا يوم العقد

صباح الخير
لناس النيمة

اولاً نشكر مشرفنا وحبيبنا
ود الطاهر علي التثبيت ..
تعجز الكلمات عن وصف سعادتي بذلك
دمت لنا .. طالما الود بيننا لن ينقطع
تحياتي و احتراماتي ..

اخوي العريس هشام قرشي
والله القعدة حتحلو ..
كدي النشرب لينا قهوة ونجيك بي مزاااااج

ياشباب

دايرين لينا فتة فول كاربة بزيت سمسم


بمناسبة انو نيمتنا بقت حديث المدينة


وبقت واااارفة الظلال

تزين مدخل النفااااااااااااااج


ياسلاااااام على النيمة

وعلى لمتكم


ادروب الحبوب القهوة الحلوة الطااااااااااعمة

عشاان نتكيف معاااااك

ومع صاحبك سلس

يابنات البتجى بدرى تقطع بصل الفتة

وتقعد تبكى:p:p:p

اقتباس:

---

المشاركة الأصلية كتبت بواسطة عبدالرحمن مدثر

ياشباب

ادروب الحبوب القهوة الحلوة الطااااااااااعمة

عشاان نتكيف معاااااك

ومع صاحبك سلس


:p:p:p

---

ابو مزن القهوة جاهزة
بس كدي تعال اتكي في العنقريب
خُت الفأس علي كتفّك
وبوّح غادي بوّح غادي
نْم فوق البعجبك زين

اقتباس:

---

المشاركة الأصلية كتبت بواسطة عبدالرحمن مدثر

سلس و7 سنوات (حاضر)
اشتاق منها امتدادا للحضور حضورها فقط لي لوحدتي لي انا المسمي باسمي حتى جدي السابع على الاقل حيث لا تشابه في الاسماء او توارد في الخواطر..سلس و7 بنات (مستقبل )



سلس احساس الغربة .. وحضن المدينة .. الام.. الحبية .. والاخ .. والصديق

طريق شائك.. صعب..طويل.. تهدده الاخطار من كل جانب وانا أقف حائر لعلي اجد المرفأ في عيون الناس... اجوب الطرقات ابحث وانقب...

حضن المدينة:

اقصوصة تحكي أسال عنها كل المسافرين والمحطات البعيدة.. محطتي اين لا أدري ضاع عنواني وتذكرتي والفجر يشرق كل يوم جديد وأنا أقف حائرا لعلى أجد نفسي في أحضانها. مرة اخرى..
الأم:

أن كان الدمع عند ميلاده ولحظة تكوينه مداد لكلمات حبي لها لجف الدمع وماتت الكلمات ظمأ على الشفاه...
ولو تعرفي كيف أدمنتك يا هذه التي تعيش ها هنا بأعماقي... وكلما حاولت أن أخرجها من قلبي أجدها قد توغلت أكثر وأكثر في أعماقي... يكفي انها أمي
الحبيبة:

الكتابة عن قامة مثلها تتطلب مني جهداً ولكنني أجهد نفسي في أن أجد ما يليق بها كإنسانة رقم في حياتي...
وستبقي في أعماقي مليكتي المصونة بالروعة كلما ازدادت مساحات الحياة التي تملي جوانحي بالألم الم فراقها وأنت الكائنة في أعماقي لا تزدادي مع ذلك إلا خلوداً وحضوراً في دواخلي...

الخ..

صدقيني ...حزين انا جد لفقدك.. ومدين لك بالكثير...ان لحظاتي معك كانت ثمينة وفريدة فعفواً قد تقترب المسافات أو تبتعد ولكن في كلتا الحالتين ستظلي خالدة في أعماقي وسيبقي حبك في داخلي فيض من عبير وزادي في الهجير
الصديق:

بنده ليك
وكت أسمع صوتك في الخيال رنان
بنتظرك في بحور دنياك
أخاف أمواج العشم ترحل..... وأخاف شوق الإنتظار يرتاح ...

سلس وبدايات تكملة نصف القمر الاخر

‘ندهاش أمل اللقاء بها عبر أروقة الكتابة أكبر من أن تفك طلاسمه تعابير الزمن الخرافي

هشام قبل الخطوبة الاحساس

تتعثر خطواتي كلما حاولت الولوج إليها فلا أصل إلى بساط محرابها... أدمتني أشواكها في كل عام تدميني أزهارها وانا أحملها فرحا بها.... فيمتد المدي... وتبقي لتؤم الروح... روح حتى ولو كانت ذكراها...
هشام بعد الخطوبة الملامح
سأكتب كل نصوص الشوق العاطر فوق الأرض رسائل ود ثم أطوع قلبي ظرفا يحوي سفر العشق إليها لأنها ملء دمائي حباً منذ ان كانت بياض العين كانت بنفس العين سوادا
اقعد احكى بدون اطار يحدد شكل الاندياحات

لحدى ماتوصلنا يوم العقد

لم اعد ادري أي الاتجاهات اسلك فلقد تشابكت الرؤى عندي ..وكل إطرافي بدأت تقود إليها..فقط إليها هذا جميل...
واعلمي أنني بحاجة دوما إلي مساحة الم أتنفس بها حبك وودك ولكن أليس من حقي ان يأتيني السلام .
اعلم وتعلمين ان الفراق.. والموت درجتان من نوع واحد من العلاقة... والعلاقة مع ذلك قائمة في كلتا الحالتين بقوة. ولأنك تكونين دائمة الحضور حتى في لحظات وحدتي...احبك...
وحدك عندما تغيبي تتركي كل الأشياء خلفك في حالة غياب... إذا امنحيني السلام وابسطي يديك طوق نجاة فلقد أغرقني شوقك....

---

جسدي الواقف ما بيني وبينـي
كيف لي أن أعبرَهْ