السلام عليكم يا نيامه
صباح رضاالوالدين ودعوة الامات عليكم
وتحيه خاصه ملئها الشوق لأبوايه ومبرووووك
عرض للطباعة
السلام عليكم يا نيامه
صباح رضاالوالدين ودعوة الامات عليكم
وتحيه خاصه ملئها الشوق لأبوايه ومبرووووك
صباح الخير يا راقين
سلاماتنا يا ناس
صباحاتكم كلها خير ان شاء الله
وسلامات خااااااااااااااااااااصه لأبو الاصفار
وسلامات مخصوصة لي آية
وكل الخصوصية والإختصاصات لي دعاء بت خالتها
وبركة الشفناها ياخي
وحمد الله بي سلامة خالتا آية
يسعد صباحكم
يوسف ......... محمد .... سيد البلد...
عساكم طيبين ...
قالت تماضر :
أنا البدعوك..تقيِّل في الدواخل يوت..
أنا البصبِح ..بعد أمسيت ..معاك نشوان
وأنا السمُّوني بي ريدتك..
وكان في السِّكة شافوني..
إنادوا عليَّ بي إسمك..
عشان ..ياروحي ..بيك مليان!
معاك..إتململت أحزان..
من طول الرُّقاد في الجوف..
صِبِح حتّى الغمام ..حفيان..
ومن جوّايَّ ..هاجر..خوف
سمّيت مسافاتك غُناي..
ورسمتا في سكة هواك
الشوق ..
مدوزّن بي خُطاي..
وخطاي تسافر ..تشتهيك..
وإنتا لو تعرف معاي..
قلتا ليك سرَّك عيونك
وبفضح الأسرار هواي
وقلتا ليك ..
تشواقي زايد..
وغريبة لو قاعد حِداي.
حِس الريد الفيكا بيسأل
وحِسَّك عارفو..وأدرى بحالي..
عارف الظن الفيني بيرحل..
لامن تشغل إنتا مساحة بالي..
وعارف الريد جوَّاي بشتاقك
حلوة رويحتك ..وطبعك حالي.
خنساء ،،
طِرْبَنْ حكاوي الليل
وأمبارح
صبح سهيان
بعاين جوة عينين بكرة
ما خجلان
ولا كسرن عويناتو
عورات النهار هسة ..
دهشة الغيم من رزاز شوفتك
على فلوات براح الروح
مدوزن ..
مستف خاطر (الـوَ اطَـة) بمشيك
مطرَّزة ضحكة المغرب
بقهقهة القلم منك
في أول سطر ..
هاشن رويحات الصبر
وكتين مليتيهن بحنِّك
ساسقن مني بيجنِّك
مسَّكن فرحك
لظنِّك
وما أظنِّك
لي الوريقات ح تجافي
ولا بتخافي
فرط جنِّك
ياما وشحتك حروفي
وياما دندنتك في خوفي
فاضن
ودفرن بيك جروفي
لامسنك في الحكاوي
وفي الخطاوي
وحت حواف كل الغناوي
وأطربنِّك
ولسة ما فترن بجنك
يشدهنك
في زقاقات الليالي
برتبنِّك
مالك إنتا عليّ..
جاي بتتوسّد حنيني
ومرّة ماقادر تجيني
ترمي أسباب الغياب
علي الكلمة سمُّوها ( الظروف )
إنتا ياسر الحروف
وسر تكاوين الكلام
لما أقول أكتب ..إليك..
وإجيني ردّك في ثواني
قبلما مكتوبي حتّى أتمو ليك..
بعرف أنا ..
إنتا يامالك حناني..
بعرف مواعيدك حقيقة..
بعرف أكيد ريدك ملكني
وعارفو ريدك فيك أناني.
غنيت
وما فترت كريعات الغنى
ساساقا ليك
ضل الحرف
ممدود عليك
مشروق صباح الكلمة
من سبْكة رحيق الدندنة
وممحنة
أشواقي
لا شادا حيلا عشان تجيك
ولا دار تريح قلبي من وجعك
صباح
يا زولة هوي
مالك إذن ..
اقتباس:
المشاركة الأصلية كتبت بواسطة سيد البلد
والله ياسيد البلد دا ما كلام تماضر؟؟؟؟؟
دا كلام ذول مشتاق للمة والبلد...
عليكم الله اقعدو سااااااااااااااي ياخي
انعل ابو الكلام السمح وكتين يكون ناكت من جوه الزول
اقتباس:
المشاركة الأصلية كتبت بواسطة عمر المامون
حبابك اخونا " عمر "
تقعد عافية ان شا الله
تبراك العافيه محل ما تقبل
وتملاك تب
جنس الكلام دا ياود البلد بخلي الزول يحس بالإلفة وطع الدنيا والصحبة والجيرة .......
ومرارة الغربة وطول ليالية ........
لكن بنتمني ليك أقامة طيبة ..
وكل السح لا تزوق عزاب لاتجرح ........
سلام قولا من رب كريم .......
[quote=سيد البلد;353458]عليكم الله اقعدو سااااااااااااااي ياخي[/
انعل ابو الكلام السمح وكتين يكون ناكت من جوه الزول
حباب سيد البلد وصباحك زين
انت الكلام القتو دا اياها الاندياحه البنسمعه في النيمهquote
:p:D:D:D:D:pاقتباس:
المشاركة الأصلية كتبت بواسطة ابوالشباب شوشه
يا زول انكت انكت من جواك جد جد ... مش تعمل لينا كوبي بيستاقتباس:
المشاركة الأصلية كتبت بواسطة سيد البلد
اقتباس:
المشاركة الأصلية كتبت بواسطة عمر المامون
والله يا عمر اخوي الشوق مالينا وفايت حدو
ماسك فينا وكنكش جد
الا لازمين الصبر ساكت
أو كما قال :
خرجت وشوقي لها , لهم , لكليهم يملئني
حتى غازله الناس في الشوارع ...
وتسلم يا راقي جدا جدا ...
السلام على اهل النيمة
اهل الجود والكرم
صباحاتكم قشطة
اين اب لهب:D:):p
وماذا حدث فى امر ملك الملكة
افتونا يااهل قريش:D:D:D
السلام عليكم
ويسعد الله صباحاتكم جميعا
المتواجدين
والجايين
والماجيين زاتو
ياجماعة فاقدة
بت مارنجان و تنين انا
بلغوهم مني عاطر التحايا والسلام
شوشة .......تصدق انا شخشيا كدا بطلت الجري :o
صبا حات شوقنا بى خيرن ... صباحكم خير
تحياتي لكم جميعاً ... طبعن النيمه وزحمة النيمة علمتنا المثل الصيني الـ بقول الـ فاتك أسرع فوتو ... خلونا من الإقتباسات .. لانو مهما كان مافي بوست بيقدر يسع الحكي والحنين ليكم للإشراق الـ في عينيكم.
بقت النيمه .. ملامح أصليه في منامنا .. وأحلامنا .. وتتذكر فجعتن كدا وعلى حين غره .. إنك فلان ما طايبته وفلانه ما باركت ليها .. يعني لمًه النيمه مدخلانا في أضافرينا وملوماااانا مع الناس ... لكن تأكدو شوقنا ليكم "غره لبن" بس :p
النيمة الرامية ضليلا جمال إحساس
الحاتة صفيقا جمايل فوق الراس
المالية قلوبنا محبة بريق الماس
يا زوق شان تلقي مقيلك بين الناس
انسج من نيمتنا تملي قميص ولباس
النيامة
بدون فرز
صباحكم باسطة أدروب
ومقيلكم جدعات الخرباش وسيد ( النيمة + البلد )
وقعدتكم حلاوة البنوت الما بفوتن ضل الضحي ولا ضوء القمر ليلاتي
ونماتكم رميات كيكل وشوتات شوشة الضفارية
وتغريدكم ست الاسم وغناوي بلبل وصاحبو الغايب
تهانيكم دخلت جوووووة القلب
ما عارف اتذكرتا القهوة الصباحية
الواحد بكون عندو فنجان لو ماشرب فيهو قهوتو ما بتصل راسو
وكباية شاي بدون شلوخ طويلة زي نخلة هي براها البتعدل المزاج مهما كان لون الشاي
ياخي عصير الفرحة لمن يكون في كباية النيمة
طعمو 000 يا اللـــــــــــــــــــــــــــــــــــــه
في قرايتي الصامتة لقيت فرحتي تننطط بينكم 000
سيدا
الليلة أمانة ما 0000
ولا أقول ليك خليها بالنية
عليك الله ما ترد علي زول
اتدفق ساااااااااااااااااكت
لمن جواكا افضا
ولغاية ما أزيار النيمة تتدفق سيل في النقاع
وانعل أبو أهل الكلام زاتو لمن يكون من جوات جبل غلبو الصمودبجيكم بعدين
اقتباس:
المشاركة الأصلية كتبت بواسطة خالد 000 ابقرجة
معليش ياخالد دايرين نقرا رسالتك بس ماشايفين
يادووب الواح كدة يقدر يقراها:D:D:D:p:p:D
اقتباس:
المشاركة الأصلية كتبت بواسطة amino
فتة فول والا غيرها
اقتباس:
حباب سيد البلد وصباحك زين
انت الكلام القتو دا اياها الاندياحه البنسمعه في النيمه
حبابك شديد اخوي والله
وصباحك شهد ان شاء الله
وما تجي تقول لي شهد دي منو
وكان عارف تعبت كيف في الاقتباس ده ما حتسالني ولا نص سؤال تاني
بعد السلام والاحترام جواب خصوصي كدا ليكم جميعا معنون لـ العاقب، مدثر، سيد البلد، الملكة،أدروب، أب قرجه، بت أم در وبقية النيامه
هاااااااااااااااكم دي:
ناس قدّر الله بـي الحلة مكبريــن عمامـن
عدمــو الصيبة والزول ابعـوارض لامن
اندرجو الصناديد والضـرير قدامـــن
نوو العـودة لي المسكيـن عواد ايامــن