***عنقريب هباب فى ضُل نيمة مرشوشة ***

اقتباس:

---

المشاركة الأصلية كتبت بواسطة agibmisbah

يا هيثم اخوى يا ود قلوب طيبانة

حبيناك و خد لك فى قلوبنا مكانة

ودعنا الهموم مافيش قلوب حزنانة

ناسا طيبة ناسا راسية بنقول الكلام بأمانة

---

عقبة الحبيب أدروب الولوف بنحبو
والنيمة بتنوم وتصحي بس بي حبو
كل الولاد لوصالو بجرو ويحبو
واليوم السعيد فنجان قهوة بس بي جنبو

العاقب 000
عليك الله خليني امسي ياخ

اقتباس:

---

المشاركة الأصلية كتبت بواسطة خالد 000 ابقرجة

ناس النيمة اللذاذ كضاب بكوس المرقة
في درب المعايش الاكل الشراب والخرقة
علا ضلكم الأليف قاطع السبيل والطرقة
والعطشان بصوم شن بتكتلو غير الشرقة

---

خالد ابقرجة حبيناك وزدنا زيادة
فى نيمتنا نشرب شاى ومرات قهوة سكر وسادة
ود مدثر التنين وهيثم ومايسة بت ادر كمان ميادة
وكل الناس هنا احباب اهل كالعادة

اقتباس:

---

المشاركة الأصلية كتبت بواسطة خالد 000 ابقرجة

عقبة الحبيب أدروب الولوف بنحبو
والنيمة بتنوم وتصحي بس بي حبو
كل الولاد لوصالو بجرو ويحبو
واليوم السعيد فنجان قهوة بس بي جنبو

العاقب 000
عليك الله خليني امسي ياخ

---

عش للمساء وللنسائم والسحر
عش للعشيات المبللة الثياب من المطر
عش للقصيد يزور بيتك رائعاً
مثل القمر

وانا جاييك قريب ..
ونتونس في رحاب اطهر المداين
ياخ انا بحبكم شديد

اقتباس:

---

المشاركة الأصلية كتبت بواسطة agibmisbah

خالد ابقرجة حبيناك وزدنا زيادة
فى نيمتنا نشرب شاى ومرات قهوة سكر وسادة
ود مدثر التنين وهيثم ومايسة بت ادر كمان ميادة
وكل الناس هنا احباب اهل كالعادة

---

العاقب ...
انا اهواك حد الموت
صادق
وواثق
وما فى جبتى
الا الهوى
والصدق
والايمان ..

اقتباس:

---

المشاركة الأصلية كتبت بواسطة عبدالرحمن مدثر

انداحوا ساااااااااااى

---

الاندياح يا ابو مزن مرات بجيب عجاجة:rolleyes:

جيت داخلة طوالي

نسيت اقول ليكم
نااااس النيمة سلااااااااااام
النبي ادوني من ازياركم الصااااااااقطة دي (مهية) ابل بيها ريقي
ياااخي الليلة السخانة دي الله يستر منها سااااااااي

اقتباس:

---

المشاركة الأصلية كتبت بواسطة ملكة القلوب

جيت داخلة طوالي

نسيت اقول ليكم
نااااس النيمة سلااااااااااام
النبي ادوني من ازياركم الصااااااااقطة دي (مهية) ابل بيها ريقي
ياااخي الليلة السخانة دي الله يستر منها سااااااااي

---

ياخى انتى تستاهلى مويه طاعمة

كدى النخلى ابقرجة يجيب لينا من موية زمزم عديل

عشان هو جنبها

خشى واخدى راحتك

والنيمة نيمتك

ومنتظرين اندياحك

هوووووووووووووي قيلتوا كيف

اقتباس:

---

المشاركة الأصلية كتبت بواسطة خالد 000 ابقرجة

عقبة الحبيب أدروب الولوف بنحبو
والنيمة بتنوم وتصحي بس بي حبو
كل الولاد لوصالو بجرو ويحبو
واليوم السعيد فنجان قهوة بس بي جنبو

العاقب 000
عليك الله خليني امسي ياخ

---

ادروب زولنا تب يا ابقرجة ما بنفكو
كان ادونا مليارات عديل كان يبكوا
زى العملة فى النفاج كمان بنصكو
نادر وزول اصيل راجى الله الكريم للسمحة دهبو يشبكو

اقتباس:

---

المشاركة الأصلية كتبت بواسطة تغريد

هوووووووووووووي قيلتوا كيف

---

بركة الجيت بركة الجيت ..
سمح انت وبسكويت ..

اقتباس:

---

المشاركة الأصلية كتبت بواسطة تغريد

هوووووووووووووي قيلتوا كيف

---

وينك يا بتاعة الاوبئة

شوفى الاسئلة الفاتت عليك دى

ومن الصباح راجينك

اقتباس:

---

المشاركة الأصلية كتبت بواسطة agibmisbah

ادروب زولنا تب يا ابقرجة ما بنفكو
كان ادونا مليارات عديل كان يبكوا
زى العملة فى النفاج كمان بنصكو
نادر وزول اصيل راجى الله الكريم للسمحة دهبو يشبكو

---

بريد ريدكم كِفاح أهلي بريد ريدكم سماح أهلي

وأريد العاقب وابواية وابومزن والتنين والناعمات

أريد إنسانّكم الجُواكم وأريدكم تاني

اقتباس:

---

المشاركة الأصلية كتبت بواسطة agibmisbah

وين يا بتاعة الاوبئة

طلعتى بتاعة اوبئة

وانا اقول البلد دى مالها انفلونزا الخنازير ما وصلت

اتاريها محروسة بى تغريد


شكرا يا معجب :p;)
كدى فى الاول داير لى كباية شاى لبن وزلابية بين قوسين لقيمات

عشان نصلح راسنا دا من صباح الرحمن

وبما انك شغالة فى ام القرى دى بتعتبر بداية البطانة صح

كدى انجرى لينا دوبيت عشان نشوفك استفدتى ولا لا


هووي يا عاقب ما تكمل لي ملكتي الشعرية كلها هنا خلي باقي

لي غيرك ياخ:mad:
محاولات تغريد الشعرية :- شايفة نفسك شاعرة ولا بتشعرى بى تحسن ثاى

والله مرة مرة كدا بالف ابيات شعر بس ما لي درجة اقول علي

نفسي شاعرة بين قوسين تواضع العلماء وكدا

كدى ورينا اكتر شعر الفتيهو عجبك

الشعر الالفتو في النيمة يا صديقي

---

صباح الخير ياخ

اقتباس:

---

المشاركة الأصلية كتبت بواسطة عبدالرحمن مدثر

تغريد والوردة البنفسجية

والاعتراف بانها ماحصل خشت فى جوطة الحب

اعجاب وكدا :p:p

نحن بنقدر نعيش من غير حب ؟؟

تغريد لمن تكتب احاسيسها الجميلة (ضمير الغائب ) ؟؟

يعنى اتوهطى كدا

وبتكتبى لخيال جميل

ام واااقع معاش

ام هى بين الاثنين

---

دا منسى يادكتورة

اقتباس:

---

المشاركة الأصلية كتبت بواسطة خالد 000 ابقرجة

أدروب صباحك قهوة تعدل المزاج 000

وصباحك فل 000 يا راجل يا فل 000

نغيب يوم واحد بس ونلقا النيمة اتملت بالناس الحلوة 000

مراحب
ود مرزوق 000
مدنية 000
الملكة 000

نورتونا 000
وما تفوتونا 000

أدروب 000 متابعك ام بارح 000
عفيت منك 000 بردتا بطني 000

أنا ما قلتا ليهم 000 أدروب بجي السبت بالديكشيناري بتاع أسئلة النيمة 000

ست النفر 000 قصدي تغريد:mad::mad:
000 حظك أنو أدروب موجود والعاقب رجع عصر النيمة وود مدثر جاي بي ريحة الجزيرة 0000 حظك كدة يا بتي 000 وأمرك لله

حظي حلو عارفاهو الله يستر

جاييكي الليلة ان شاء الله 000

مرحب بيك يا خالد والله

أسئلة سريعة علي الماشي 000

لو مطلوب منك تحصين تلاتة عنابر كتاكيت ضد ( القنبورو ) 000

حا تنجزيها بي نفسك 000
ولا حا تستعيني بعمال المزرعة 000
بعملها براااااااااااااااااااااااااااااااااااي والعمال بس مساعدين


لو جاك قطر فيهو عريس مغترب 000
وزواج بحتم عليك السفر 000
والسفر يعني وقوف عن العمل 000
ويعني غربة شفتيها في أخوانك في المنتدي 000

حا تركبي 000

مالي ما بركب يا خالد بس اكون بحبوا وطالما الحب بيناتنا كل حاجة بتهون
و لا تستني البص أحسن 000 ؟؟؟؟؟ :)

---

بص ما فيهو الحب عطلانيا ابو قرجة وفي حتة مقطوعة كمان

اقتباس:

---

المشاركة الأصلية كتبت بواسطة tininana

صباح الخير

اصبحتوا ان شاء الله طيبين

ادروب مامطنش النيمة لكن ظروف العمل واخر الشهر والجرد النصف سنوي و ... الشوق 1000

ابو قدلة والله الشوق الف كيف انت واخبارك شنو

اوووووووووو عقبه يا يا بالحضن الناري (كناية عن الاشواق الملتهبه)

مش ممكن ... مش ممكن .. مش ممكن الملكة و ودمدثر لالالالالالا اعجز عن التعبير

:eek::eek::eek::eek:انا كده ياميدو :(:(وانا كنت قايل لالاالالا

وانت ياتغريد حالتي....... وداير ابدء معاك قصة ..... جديده ونعيش ....... في الدنيا :(:(

تاني مع البنات قطع بس

---

ايوي يوييييييييييييييييييييييييييييييي



افرحن يا بنات التنين شالنا من قايمتو الحمد لله كدا يا داب ارتحت

اقتباس:

---

المشاركة الأصلية كتبت بواسطة عبدالرحمن مدثر

التنين ان وقع ..............

تنين اركز يابا هيييييييييييييييييييييييع

هسه عليك الله ضحكك دا ضحك نصاااااااااااح

دى الضحكة الشاكوشية ذاااااااااااتة

---

صااااااااااااااااااااااااااااااااااااااااااااااااا اح :p:p

جلالة الهمبااااااتى

حبابك

وسط الحباااااان

فى ضل النيمة

البوست دا طويل بقطع نفسك:p:p:p

بعد ماتروق تب يابا

ويلاقيك ادروب الحبوب هااااش وبااااااش

وفنجااان قهوة كااااااااارب






دايرين جلالة يندااااااح سااااااااااااى

احلى حاجة انا متكيف انو بقيت مامشرف عااام

عشان نشوف حاجاتك الحلوة بدل ننقل البوست دا

اها حتة الناطق الرسمى كان بتعبنا شديد

نشوف ليها مباااااااصرة

اقتباس:

---

المشاركة الأصلية كتبت بواسطة تغريد

صااااااااااااااااااااااااااااااااااااااااااااااااا اح :p:p

---

صاااااااااح يا تغريد :D وبالمناسبة دي أهديكم جميعا هذه الأغنية والتي تتناسب والقافية :p

بتفانا عليك والدليل حبي ... تسمح تنظر... شوف دموع عيني...
سايله فوق خدي ... من لهيب الشوق ...

يعني ما في خلاص هكذا يا ظالمني جزاء الاخلاص ....
دوبتا في حبك والفؤاد مجروح... ما فضل مني شي خلاف الروح....

هكذا الاشواق ....تسمو بالعشاق..... منثر الاشباح...
ليس ما الارواح... حيث تروي هناك ....
لا النجوم والارض ساميا في علياك طاهره كالاملاك...

انت ابهج نور من بدور الكمال.... تجعل الفنان عبقري الخيال...
لو نظم اشعار... او عزف اوتار... تندهش افكار...
والعقل تحتار يا جميل.. يا ما في الجمال اسحار...

انا في شخصك بحترم اشخاص وطبعا عندي احترامك خاص

طبعاً يا ود المدثر .. الأغنية أعلاه .. سمعتها ليك في مشيتي السودان من "شكر الله" يااااااااخي مبالغة عديل .. برضو تقول لي العاقب فنان :d:d

اقتباس:

---

المشاركة الأصلية كتبت بواسطة عثمان جلالة

طبعاً يا ود المدثر .. الأغنية أعلاه .. سمعتها ليك في مشيتي السودان من "شكر الله" يااااااااخي مبالغة عديل .. برضو تقول لي العاقب فنان :d:d

---

العاقب دا ينفع يكون مراسل فى باكستاااااااان :p:p

اها داير تنداااح وين

وتكلمنا عن الاجازة الصغنبوتية دى

غايتو نحن فى نيمة الحبان ديل

مشتاقين نسمعك وانت بتحكى وتجر النم

وتدوبى

اقتباس:

---

المشاركة الأصلية كتبت بواسطة خالد 000 ابقرجة

ود مدثر 000
أدروب 000

ألحقو العاقب والتنين ديل 000
بطريقتم دي حا يودرو لينا النيمة 000
و تجيها لجنة تجميل المدينة 000

بس بيني وبينكم 000

في مكان أجمل النيمة 000
وأجمل من لمة وغنا وترنيمة 000
و رفقة صحاب 000
جامعاهم محبة حميمة 000
شن الدنيا غير 000
كلمات فرح 000 تمسح مآسي أليمة 000


والمخرج ده منو سؤال للبت تغريد 000

كلمة فرح 000 مسحت أدمع تغريد 000
وجعلتها تقبل علي الحياة 000 بعد تجربة ملأتها بالتشاؤم 000

اجابة أقل من عشرة أسطر ( متوسط السعة ) 000 مرفوضة شنو ليكم في متوسط السعة دي 000




مسعولين من الخير 000

الأحد بتاع مريومة ما بدا ولا شنو ؟؟؟

---

طبعا يا خالد الدنيا مليانة بالاحداث منها البفرح ومنها البحزن بس اكتر موقف مرة علي ومن اصعب المواقف كان وفاة الوالد وكنت في الصف التامن اساس وحقيقة ارتباطي بي الوالد كان شديدوبرغم صغر سني الا انو عقلي كان رافض فكرة انو تاني ما اشوفوا المهم طبعا نحنا زي ما قلت ليكم تلاتة بنات والزمن داك كانت اكبر اخواتي في المتوسط والحاجة طبعا شغالة باشمرض في مستشفي مدني وانت عارف كيف حالة بيت فيهو اب وام من متوسطي الدخل وعندهم تلاتة بنات في مراحل تعليمية مختلفة وبيكابدوا عشان يعيشوا عيشة كريمة وفجاة يتفقد احد الوالدين وخصوصا دعامة المنزل الاب وجد يا خالد انا في اللحظة ديك حسيت انو الدنيا مضلمة شديد وانو نحنا حنعمل شنو بعد وفاة الوالد رحمة الله عليه بس امي قالت كلمة ما بنساها عمري وهي كلمة الانت قاصدها

-يا بناتي انا من الليلة امكم وابوكم وما بديكم عوجة وابقوا قدر المسئولية -

في اللحظة ديك حسيت انو الوالد بيعاين لينا و بيبتسم جد دا هو الاتخيلتو في اللحظة ديك وطبعا انا ما كنت بفكر بس في النواحي المادية بس بس احساس الامان اللي كان الوالد رحمه الله معيشنا فيهو بس الحمد لله الوالدة كانت قدر الكلمة واتخرجنا كلنا من الجامعة عدا اختي المتوسطة دي برااااااااااها ابت القراية وعرست


اها العشرة سطور تمن ولا لسة

الدلوعة تغريد ..
كدي النسخن بيك من الصباح ..
عرفت انك الاخت الصغري لمايسة ..

هل تمثل مايسة لك شي خلاف علاقة الاخوة المعروفة بدون مجاملة ..؟

تغريد بتغير من اخواتها في البيت او العكس ..؟

زكرتي في احد الاسئلة انو مافي علاقة جادة ...

هل دا معناه انو العلاقة الجادة لازم تنتهي بالزواج ..؟

لو كان عندك قروش كتييييييييييييييييييييرة .. هل بتساعد خطيبك في العرس ..؟

هل تغريد تقبل الانتقاد من اخواتها او من اي حد تاني ..؟

تغريد هل تؤمن بالحب من اول نظرة ..؟

لو كنت الادمن بتاع المنتدي .. ماهي اول ثلاث قرارات تتخزيها ..؟

دكتورة تغريد ماهو رايك في الحجاب ..؟

هل انتي محجبة ..؟

تغريد مواظبة في الصلاة ولا بين بين ..؟

بتحبي الحيوانات ولا عشان مجال شغلك وكدا ..؟

بتحبي ياتو حيوان ..؟

البخوف تغريد شنو ..؟

تغريد بتخاف من بكرة ..؟

دكتورة تغريد ممكن تتزوج انسان بحبها بس تعليمو بسيط ..؟

لو عند اخت اصغر منك واتزوجت قبلك هل حتزعلي ..؟

رايك شنو في بنات اليومين ديل ..؟

وهل الدش والانترنت خربو البنات .. ولا فتحو عيونم علي الدنيا..؟

بتابعي التلفزيون ..؟

اي البرامج بتحبي تباعي ..؟

رايك في تلفزيون السودان ..؟

بتسمعي الرادي ..؟

بعجبك في الرادي شنو ..؟

رسالة شوق لمن غير امك واخواتك..؟

رسالة عتاب ..؟

موقف محرج مر بيك ..؟

موقف مضحك ..؟

هل مرة اعجبتي برجل واتمنيتي يكون شريك حياتك ..؟

حصل ادوك شاكوش بصراحة ..؟

اديتي كم زول شاكوش ..؟

معليش تقلت عليك :d
دقيقة النشرب وبجيك ..;)

اقتباس:

---

المشاركة الأصلية كتبت بواسطة خالد 000 ابقرجة

عارف با التنين كلامك ده ذكرني حبوبتي حاجة بت المنة 000 الله ارحما 000

زمان 000 لمن الأزمة كانت تساهر معاي طول الليل 000
وحبوبتي بت المني تستنفذ كل أدويتها (البيطرية) قصدي البدية 000
وآخرها لبخة القرض التي تشد صدري ككما هموم هذه الأيام 0000

في الآخر ترمي السلاح 000

وتقول لي يا ولدي 000 النهار فكي 00000

تغريد 000

النهار يمسح هموم الليل 000 أم يشغلنا بهموم جديدة تنسينا مرارة الأمس 000
الإجابة معاها أقل حاجة تلاتة تجارب كأمثلة توضيحية

يا اخوانا الدكتورة دي عاوز ألحق باقي الـ 48 ساعة بتاعتا

---

كل هم بيجي يا خالد بيهون القبالو وما بفرق صباح من ليل ساعة الهموم بس عموما

الليل سكن وترتيب افكار ومحاسبة نفس وكمان نووووووووووووووووووووووووم بعد

تعب وارهاق طويل بس مشكلة الليل بيواجهك براك وبينفرد بيك وما بيديك فرصة للاستعانة بصديق

لانو الصديق بيكون في سابع نومة :p:p

جلالة بتاع الكيتة ..
حمد الله علي السلامة
وانشاء الاجازة كانت سعيدة ..
بقدر الواحد ماكان زعلان انو افتقدك ..
إلا الفرحة كاتلانة وانت سعيد وتتقدل في ام تريبات ..
اها ماتحكي لينا الاجازة كانت كيف واستقبال الاخوان في المطار ..
وبعدين تعال للنيمة عشان تشوف قهوتنا كيف ..
ونسمع نمك علي قول الخرباش ..

اقتباس:

---

المشاركة الأصلية كتبت بواسطة agibmisbah

وينك يا بتاعة الاوبئة

شوفى الاسئلة الفاتت عليك دى

ومن الصباح راجينك

---

معليش يا عقبة ولي كل المشرورين بس زي ما عارفين الاحد دا يوم صعب في المكاتب

الحكومية عشان كدا اتاخرا عليكم امسحوها لي في وشي بس ما تتعودوا :rolleyes::rolleyes: