فقط للنسوان.. ..يوجد كاشف دخول للذكور

اسفه جدا لا استطيع التقدم خطوة
جدوا لي العذر
ولو مؤقتا
قد نلتقي بعد ان يفارقني هذا الجاسم علي صدري وبوقه في اذني
قد لاتكوني انسان
وكله بسبب بوست لعبدالرحمن مدثر
مع السلامه وقد يكون الي اللقاء

دا شنو

ما فاهمين حااااااااااااااااااااااااااااجة

عايزة تخلينا جوة المركب وهي في نص البحر يعني ولا شنو

ما بنغرق :mad:

اني اغرررق اغررق اغرررق

:mad::mad::mad::mad::mad:

بعدالشر عليك ياميسو من الغرق
وان شاء الله يغرقوا محمد النور والعاقب في بحر الزواج قولي اامين
بس والله بوست عبدالرحمن مدثر بتاع الاطفال دا خلاني اشوف نفسي صغيرة شديد
وقلت لي روحي الناس في شنو وام قبس في شنو
قايتوا خليني اتفق مع نفسي حاعمل شنو بي هناك
عشان اكبر في نظر نفسي تاني
وبجيكم اتم ليكم النمر

الراقية .. أم قبس ..

يا سيدتي .. لك أنضر ما في الكون من معزات .. ولك الضفاف بتمام نداوتها ..

أتابع هذا الخيط بمتعة فائقة .. وبعمق لا بعده .. بعد .. ويا .. لحظ .. حواء

بيديها مفاتيح الرجال وتحت قدميها مفاتيح الجنان.

ما كتب أعلاه يا أم قبس ديباجة وضعتها من تحت باب هذا البوست فاستلميها ..

ولك النهارات بتمام فضتها

ولقبس وابوها مليون بنفسجة على أنفاس فجر أنيق،،،

وحياك الخالق وأبقاك ..

ملحوظة : (أتحدث من داخل أجمل الأقفاص)

اقتباس:

---

المشاركة الأصلية كتبت بواسطة ام قبس

بعدالشر عليك ياميسو من الغرق
وان شاء الله يغرقوا محمد النور والعاقب في بحر الزواج قولي اامين
بس والله بوست عبدالرحمن مدثر بتاع الاطفال دا خلاني اشوف نفسي صغيرة شديد
وقلت لي روحي الناس في شنو وام قبس في شنو
قايتوا خليني اتفق مع نفسي حاعمل شنو بي هناك
عشان اكبر في نظر نفسي تاني
وبجيكم اتم ليكم النمر

---

أم قبس

اعتزر منك فانا لا اتفق معك في هذه الجزئية

فهذه هي الحياة

هنا ضحك - وهناك بكاء -

هنا حزن وهنالك فرح

- حتي القلب نفسه - في واحدة من غرفة تجدينها مليئة بالحزن - والاخري بالفرح
- اذا فقدنا عزيز بالموت او باي شكل من الاشكال - اتعزفين عن حياتك وعن ما تقومين به كل يوم - الا تأكلين - الا تشربين - الا تصلين - ...................

حياتنا تقريبا مليئة بالاحزان - قلما نفرح - ولكن يجب ان نباشر حياتنا وتسير المركب

ولكن انسيتي ان هذه مشيئة الخالق عز وجل - ويجب علينا ان نرضي بها - ونحاول جهدنا ونساعد بقدر ما نستطيع - والدال على الخير كفاعله
مرة اخري فهكذا هي الحياة

جزاء الله الاخ عبد الرحمن كل خير -

دمت يا ام قبس - ويديك العافية

الغالية ام قبس تحياتي واحترامي وكل عام وانتي بخير وعافية
وربنا متعك بالصحة والعافية
واسفة علي الجية المتاخرة والف شكر علي البوست الرائع
وجيت عشان استفيد من الحكم المواعظ القيمة الحانستفيدمنها في حياتنا لي قدام ان شاء الله
تقبلي مني كل الود

ام قبس تحياتى

انا مع مايسة فى الفكرة

وبالجد بوست تحفة

حتى انا فكرت اشوف فرقة لام مزن

تجى تشوف الحاجات الحلوة دى

عشان نفتش نحن درب الابداع بوين

ام قبس لك التحية وأنت تروين ظماء الموعظة وأسس التربية السليمة لجيل اليوم وجيل الغد وقد تابعت هذا البوست الجميل الرائع بكل ما فيه من جرعات تربوية تعتبر مخزون لكل ربة بيت وزاد لكل رجل وإمرأة مقبلين على الزواج أو متزوجين أن يتزودوا به قبل الدخول في القفص البمبي
أنا طبعاً ظليت أتردد عن كثب بالقرب من هذا البوست علي أجد نفاج يدخلني إلى هذا العش وراجعت نفسي كثيراً قبل الدخول ولكن أكتشفت أن هنالك باب خلفي للرجال فقلت طيب كويس
قد أكون قد أقتحمت عليك البوست من الباب الخلفي ولكن صدقيني مثل هذا العمل كان لا بد لي من أن أشارك به وإلا حااموت بالحسرة المهم أنا دخلت بعد كده أعملوا الدايرنو

ارجو أن تتقبلي مرروي والشكر لجميع من شارك في هذا البوست الرائع لهم مني خالص التحيات

اقتباس:

---

المشاركة الأصلية كتبت بواسطة سوباوي

الراقية .. أم قبس ..

يا سيدتي .. لك أنضر ما في الكون من معزات .. ولك الضفاف بتمام نداوتها ..

أتابع هذا الخيط بمتعة فائقة .. وبعمق لا بعده .. بعد .. ويا .. لحظ .. حواء

بيديها مفاتيح الرجال وتحت قدميها مفاتيح الجنان.

ما كتب أعلاه يا أم قبس ديباجة وضعتها من تحت باب هذا البوست فاستلميها ..

ولك النهارات بتمام فضتها

ولقبس وابوها مليون بنفسجة على أنفاس فجر أنيق،،،

وحياك الخالق وأبقاك ..

ملحوظة : (أتحدث من داخل أجمل الأقفاص)

---

ازيك ياسباوي صحتك حالك ومحتالك
ان شاء الله شديد ود امي
ان جنس الكلام السمح دا مااااابقدر اقول زيه
وعلي الفهم البسيط يعني انت متزوج وكدا
ومبسووط شيدييد بي جوه
الله يديم عليك البسطة
وفي مقوله اخري الباسطه عارف والله انا بحب الباسطه دي بي شكل خرافي
بس ما اي باسطه باسطتنا بتاعه السودان الملانه زوبار ديك شفتها
ونفسي هسع بس في مشيه لي السودان اكل لي باسطه مزوبره
رغم ناس البيت قالوا لي في بقت حاجات اسمها الاحسان وشنو وشنو
وزوبار مافي
اتمني من كل قلبي يكون في مدني في احسان
ذي مابتمني ليك ربنا يديك ويرضيك ويطرح البركه فيك
وطالما بي جوة وعايش مبسوط معناها لقيت مفاتيحها ولقت مفاتيحك
مااطول عليك وبريدك وصل اتخارج:eek::eek:

اقتباس:

---

المشاركة الأصلية كتبت بواسطة مايسة

أم قبس

اعتزر منك فانا لا اتفق معك في هذه الجزئية

فهذه هي الحياة

هنا ضحك - وهناك بكاء -

هنا حزن وهنالك فرح

- حتي القلب نفسه - في واحدة من غرفة تجدينها مليئة بالحزن - والاخري بالفرح
- اذا فقدنا عزيز بالموت او باي شكل من الاشكال - اتعزفين عن حياتك وعن ما تقومين به كل يوم - الا تأكلين - الا تشربين - الا تصلين - ...................

حياتنا تقريبا مليئة بالاحزان - قلما نفرح - ولكن يجب ان نباشر حياتنا وتسير المركب

ولكن انسيتي ان هذه مشيئة الخالق عز وجل - ويجب علينا ان نرضي بها - ونحاول جهدنا ونساعد بقدر ما نستطيع - والدال على الخير كفاعله
مرة اخري فهكذا هي الحياة

جزاء الله الاخ عبد الرحمن كل خير -

دمت يا ام قبس - ويديك العافية

---

ميسو العسل عديل من غير العثل بتاعه مياده
وانا اتفق معك في ما لم تتفقي فيه معي
فهمتي شي
انا ذاتي
اوكي حبيبه
هي وقفه لليله واحدة فالخير فينا باقي لم احتاج لطول زمان لاجده واهتدي به ويتير بصيرتي
عدت
كما قلت لكي احتجت التصالح مع نفسي
وقد كان
مالك يابتي
والله عاوزاك تغني لي عشان خاطرنا ترجع عشان خاطرنا ترجع
اها جيت ننفض الغبار ونجلي سوي العاوز يتجلي
ونتمرة ونخلي يبرق
يخطف نور العين
وننمرة برضه:d
يلا نواصل من غير فاصل
وبناسبه يديك العافيه دي
هاك الدعوة دي في شكل نمرة
يديك العافيه ويسكنك الصافيه ويخليك مرة دافيه
اعتمد

اقتباس:

---

المشاركة الأصلية كتبت بواسطة ام قبس

ميسو العسل عديل من غير العثل بتاعه مياده
وانا اتفق معك في ما لم تتفقي فيه معي
فهمتي شي
انا ذاتي
اوكي حبيبه
هي وقفه لليله واحدة فالخير فينا باقي لم احتاج لطول زمان لاجده واهتدي به ويتير بصيرتي
عدت
كما قلت لكي احتجت التصالح مع نفسي
وقد كان
مالك يابتي
والله عاوزاك تغني لي عشان خاطرنا ترجع عشان خاطرنا ترجع
اها جيت ننفض الغبار ونجلي سوي العاوز يتجلي
ونتمرة ونخلي يبرق
يخطف نور العين
وننمرة برضه:d
يلا نواصل من غير فاصل
وبناسبه يديك العافيه دي
هاك الدعوة دي في شكل نمرة
يديك العافيه ويسكنك الصافيه ويخليك مرة دافيه
اعتمد

---

تصدقي يا ام قبس بساطتك دي هي الجاذباني للموضوع كلو

ياخي ما ندر تلقي ليك زول بسيط كدا - ويقول الفي قلبو من غير حساب

يديك العافية انتي ويسكنك الصافية ويديك بيت ناصية

ويخليك مرة مسخنه وملهلبة عديل كدا ;):p
واصلي وبقيف معاك في نمرك اها ابدي يلا

يمكن الجماعة الدخلو شمال ديل يستفيدو تنفعهم في حياتهم الهسة والمستقبلية ;):rolleyes:

والدال على الخير كفاعلة زي ما قلته ليك

اقتباس:

---

المشاركة الأصلية كتبت بواسطة سروية

الغالية ام قبس تحياتي واحترامي وكل عام وانتي بخير وعافية
وربنا متعك بالصحة والعافية
واسفة علي الجية المتاخرة والف شكر علي البوست الرائع
وجيت عشان استفيد من الحكم المواعظ القيمة الحانستفيدمنها في حياتنا لي قدام ان شاء الله
تقبلي مني كل الود

---

يااااه ياسرويه عيب السواد والرماد
ياداب جايه تقولي لي خالتك كل عام وانت بخير
وانت بي خير ياستنا ويا بتنا
معليش الا مكانك في
اتفضلي
ومافي داعي للشكر انتوا ورونا حركات البنات الصغار البتهوش الرجال ونحنا نباصي ليكم الكلام المقعد والرعايه الصحيه:eek:
ان شاء تستفيدي
مشكورة علي مرورك ولا مرور شنو مشكورة علي دخولك وقعادك

اقتباس:

---

المشاركة الأصلية كتبت بواسطة عبدالرحمن مدثر

ام قبس تحياتى

انا مع مايسة فى الفكرة

وبالجد بوست تحفة

حتى انا فكرت اشوف فرقة لام مزن

تجى تشوف الحاجات الحلوة دى

عشان نفتش نحن درب الابداع بوين

---

عبد الرحمن انا مع الفكرة انا برة الفكرة
اها انت شفت اسمك هنا قلت الباب فتحوة مش كدا
عاوزين تخربوا لي الرصه البنات ياداب بقن يجوا مارقات
هسع يشوفن العمم والجلاليب (( وفي مقوله اخري التشنيطاط )) يبقي الموضوع فيه خجل وتلوين وشوش
وتختفي الحقيقة في ظروف غامضه
خليك بي الشباك وامشي جيب ام مزن تحكي ليك الشمارات من جوة:cool:

اقتباس:

---

المشاركة الأصلية كتبت بواسطة النويري

ام قبس لك التحية وأنت تروين ظماء الموعظة وأسس التربية السليمة لجيل اليوم وجيل الغد وقد تابعت هذا البوست الجميل الرائع بكل ما فيه من جرعات تربوية تعتبر مخزون لكل ربة بيت وزاد لكل رجل وإمرأة مقبلين على الزواج أو متزوجين أن يتزودوا به قبل الدخول في القفص البمبي
أنا طبعاً ظليت أتردد عن كثب بالقرب من هذا البوست علي أجد نفاج يدخلني إلى هذا العش وراجعت نفسي كثيراً قبل الدخول ولكن أكتشفت أن هنالك باب خلفي للرجال :confused:فقلت طيب كويس
قد أكون قد أقتحمت عليك البوست من الباب الخلفي ولكن صدقيني مثل هذا العمل كان لا بد لي من أن أشارك به :eek:المهم أنا دخلت بعد كده أعملوا الدايرنو

ارجو أن تتقبلي مرروي والشكر لجميع من شارك في هذا البوست الرائع لهم مني خالص التحيات

---

النويري عاد ياودامي مالقيت الاقولوا ليك
ومشيت راجعت باب الخلف
لقيت معاك حق تاري مسكاه وحدة كايسه عريس اها اعمل شنو معاها حقها تدخلكم وتقفلكم بي جوة
علي العموم انت دخلت خلاص الوم مامنوا فايده
وصدقني بعد اكمل النمر بافتح الباب الكبير

اقتباس:

---

المشاركة الأصلية كتبت بواسطة مايسة

تصدقي يا ام قبس بساطتك دي هي الجاذباني للموضوع كلو

ياخي ما ندر تلقي ليك زول بسيط كدا - ويقول الفي قلبو من غير حساب

يديك العافية انتي ويسكنك الصافية ويديك بيت ناصية

ويخليك مرة مسخنه وملهلبة عديل كدا ;):p
واصلي وبقيف معاك في نمرك اها ابدي يلا

يمكن الجماعة الدخلو شمال ديل يستفيدو تنفعهم في حياتهم الهسة والمستقبلية ;):rolleyes:

والدال على الخير كفاعلة زي ما قلته ليك

---

ميسو انت قريبه شديد;)
والله بعد اتبلبلنا بنعوم ياخيه والدال ولا الجيم خلاص حنواصل في النمر
ذكريني وقفنا في ياتو نمرة

اقتباس:

---

المشاركة الأصلية كتبت بواسطة moram

تصدق اليوم أول مرة أعمل رجوع وألقى اللي كتبتو موجود ، كل ما أعمل رجوع بتجيني الصفحة فاضية ، أمشي قدام برضو فاضية ، بمعنى الكلام كلو بيطير!

شكرا لك أخوي على الرد ، ونجاملك في الأفراح:)

---

منتهي الرقه

اقتباس:

---

المشاركة الأصلية كتبت بواسطة فراس

اختي مرام
دي بتحصل معاي كتير جدا اول ماتحصل معاك
اعملي رجوع للخلف بتظهر ليك قومي اعملي ليها
كوبي وسجلي من جديد .....
اها ام قبس ودعناك الله جاي نظام هندسة وكدا :eek::d

---

قمه الرقي;)

اقتباس:

---

المشاركة الأصلية كتبت بواسطة فراس

يعني ماممكن تطردونا وتجو تسعلونا

ارد كيف انا وانتي كاشاني كدا

كان سمحتي لينا وانا واخوي

العاقب نقعد معاكم بوريك ;):confused:

---

خلاص عرفت
:cool::p

اقتباس:

---

المشاركة الأصلية كتبت بواسطة مايسة

هووووووووووووووي يا ود النور اقيف بعيد واعمل شخيت (ان صحت)
:mad::mad::eek:
لو باب النجار مخلع زاتو - مالو

خلينا ننجر لباقي الناس شوية - وانت اولهم ;):p


بس بعدين ما تجي وتقول Help Me :p;)

---

صح لسانك:o

اقتباس:

---

المشاركة الأصلية كتبت بواسطة مايسة

اها يا ام قبس - عارفاك في سابع نومة هسه - احلام سعيدة - ونأسف للتأخير بس ظروف وجوابات وكدا :rolleyes:;):p;)

اها قلتي لي يا مرام المكياج قصتو شنو -
لست من انصار المكياج ابدا - بالزات قبل الزواج - بتخيل والله اعلم انو الواحدة ابدا ما في داعي للمكياج - الشايفاهو الزمن دا - بالعكس - وحياتك رجعته السودان الشفتو والبنات العاملنو في وشوشهم

الوش تحلف تقول كراس رسم
مليان رموش مليان رتوش

احفر شفايف احمر خدود

حاجة كدا - غريبة بالجد (انا زاتي استحيت صراحة )



ام قبس يختي

العجوز دي بالغت لكن :eek:

هههههههههههه- ورجلها ابدع عديل كدا - يعني حتي لو كان دلع في زول بدلعو بقولو ليهو عجوزة - :cool::rolleyes:

بجيك - لكن صراحة النوم كبس -

---

ميسو رد متأخر
صدقي هي لمان جاتني زيارة زمااان ماكانت عجوز كانت ياداب اربعه سنه وحبتين متزوجه وعندها طفل واحد ولدته توشك بعد العرس
يعني الفصيح دا عمرة اربعة سنه الا شويه
يعني في سنه اولا عذاب سنه اولي دمار سنه اولي خلاااااااااص

اقتباس:

---

المشاركة الأصلية كتبت بواسطة moh_alnour

أنت ِ لسه ما قفلتي الباب :eek:
كدي ارجع لي وره جرب تمرق من البوست دا شوف الباب معاك اتقفل ولا فاتح
بالمناسبة و لا أقول ليك بدون مناسبة مُرام دي ( نصف مدام ) يعني ما داخلة مع الآنسات عقد ولا خطوبه سعال بري عشان كله نوع عنده نمرة ومفاتيحةلكن أختها ريانية أنسة فلو جات داخلة البوست دا أقفلي الباب على طول و على بركة الله ;) دي نظام شنو افهم بس:oو لا خطبوها الشافعة المفعوصة دي يا مُرام و نحن ما عارفين ;) ان شاله مايكونوا خطبوها بي قلب محمد النور :pعاملاها لينا قراية و أمتحانات من يوم سجلت في المنتدى :eek:
أما نسمة صباح دي فما عارف موقعا شنو من الأعراب :cool:
نسمه سريع اظهري عاوزة تقرير ان شاء الله في الخاس:rolleyes:


طبعا ً يا أم قبس الكاشف أخوي بين قوسين العاقب لسان حالو بقول يا رب يقفلوا الباب و ينسوا المفتاح برا :eek:



جواب داخل المقرر : غايتو نحن مقتنعين أنو الجمال ملامح و تقاطيع لكن البقنع أم قبس و مايسة ديل شنو ؟ :eek:

ام قبس ومايسه هم البخلوا البنات يسون جنس عمايلن دي ولا لفيتكم انتوا للزاهي لونه وحلاوة المولد

لو بتدخلي من كمبيوتر شخصي نشطي عبارة ( تذكر بياناتي ) عند دخولك للمنتدى أول مرة دا علي اساس العريس عنده لاب توب وكدا;)
و شكرا ً للأخ فراس على ما تفضل به من رأي


ما تتحسس يا ريس :eek:
شحدة : لا بعدين ولا قبلين من حسي ( هيلب مي ) و رسلي لي الشبكة و الشيلة ;) و المفتاح هين أم قبس ما بتقصر ;)

---

يقصر الملح من هسع برسل ليك عقشه مفاتيح

جيييييييييييييتكم لي نمرة اربعه
اها مستعدات
الحبيب صحي من النوم
ولا جاء من الدوام التاني
التعب اخذ ما اخذ منه
طبطبي
وصلي احساسك بي تعبه
فهميه تقديرك للبعمل فيه
كلمتين حنينات تخليه كانوا ماشتغل ولا ساعه
جهزي الحمام؟
كيف طبعا لو في السودان
حاولي تسخني مويه لو الواطه بارده ((وبرديها لو ساخنه)):p التانيه دي هذل ساي
اصولوا في واحدات متلقيات حجج بكرة يمشوا يختوها ليه في الفريزر ويفاجوة بيها ويقولوا ام قبس قالت لينا:mad:
انتظروني قريب ماشه وجايه

اقتباس:

---

المشاركة الأصلية كتبت بواسطة ام قبس

جيييييييييييييتكم لي نمرة اربعه
اها مستعدات
انتظروني قريب ماشه وجايه

---

مستعدات تب :d

من تحت النضارة السودا : ماشة تسخني المويه شكلك كدا - على اساس عندكم جليد وكدا;)

اقتباس:

---

المشاركة الأصلية كتبت بواسطة مايسة

مستعدات تب :d

من تحت النضارة السودا : ماشة تسخني المويه شكلك كدا - على اساس عندكم جليد وكدا;)

---

ياحليلك يالطيبه
السويديين مامخلينا حاجه نعمل لي ابوالعيال لو جبناها سخنه ماسخنوها السويديين
ولو بارده مابردوها السويديين
السويديين يبردهم الخلقهم في الساقوطة دي قولي امين
بس بردوه يادي بنعمل شويه رتوش
يعني في المويه تعملي ريح ورد + شموع في الحمام
افتر شيف تشتريه انتي براك
والذي منه
خليك كدا;)

اقتباس:

---

المشاركة الأصلية كتبت بواسطة ام قبس

ميسو صباح الخير
انحكي ليك الفلم دا حصل لي شخشيا
بي ولادتي هنا في السويد في المستشفي قبل الولادة سالوني الخواجيات عاوزة راجلك يحضر ولا لا
هو ماكان عندة مانع
بس انا قلت ليه لا خليك كل الوقت معاي بس وقت الولادة اطلع بره وفعلا دا الحصل طبعا عارفه ليهبعد الولادة عندهم عادة انه الاب هو اليقص الحبل السري من الطفل
اها جابوا المقص وقالوا لي صاحبتي نادي الاب
طوالي ثبتهم قلت للدكتورة انا ماعاوزة قصيه انتي براك (( وطبعا هم عندهم اهم شيء رضاك وراحتك النفسيه في حدود الصاح طبعا)) فعلا مشوها لي
نظفه الطفله وانتهينا شالوها ودوها لي ابوها بعد خلاص ابوها جاني داخل حمد لله علي السلامه والذي منه
جابوا لينا عصير وشموع في صينيه فيها علم السويد نخب الطفله الجديدة طبعا عارفننا مسلمين مافي طريقة غير العصير
المهم
الاخت فرحانه قلت كدي يابت امي ارقد في المستشفي الهامل دا يخدموني انا ماعندي لا اخت لا ام في البلد دي براااااااي
جوني اها عاوزة تمرقي طوالي اليوم ولا بعد تطعمي الطفل
اليوم شنو انتوا مانصحيين
قلت ليهم لا بعد اطعمها
الولادة كانت الساعة تسعة مساء اها قعدنا نتونس لي الساعة 12 بعد داك زوجي مشي البيت فضلت انا وصاحبتي
الصباح صاحبتي مشت طبعا شغاله مافي طريقة (( عندي صديقتي راقدة مستشفي وانا معاها ومابقدر اجي الشغل الليله والمكنات بتاعتنا في السودان )) ماعاوزة تجي حق اليوم دا ناقص من المرتب علي طول
المهم الحته الدايرة اجيك ليها بالظبط
اختك راقدة متكيه ولا الاميرة ديانا الفطور وقته فاات وقرب وقت الغداء ولا حياه لمن تنادي
اجي ياخواني الناس ديل اكلهم قصر ولا شنو
المهم جاء وقت الغداء طوالي ضربت الجرس للممرضه
هي ياهنايه انتي مافي اكل ولاشنو
قالت لي كيف مافي اكل البوفيه بره مفتوح كل الاوقات بس بتغير الاكل
طيب ليه ماجبتوا لي الفطور
عاينت لي بي بلهه شديد
وقربت تقول لي نعم ياختي
قالت لي مافي زول بيجيب ليك حاجه هنا قومي براك
فتحته خشمي شبرين
قلت يمكن دي ماعارفاني انا ولدت امبارح
قلت ليها انا وضعت طفل امبارح فالت لي يعني شنو
قومي تعالي اوريك البوفيه
وقمت ومشيت واتغديت ولقيت حركات اهلنا البيعملوها لينا في السودان دي اششششششششششششششششششاعه سااااااااااااااااااااااااكت
وقلت مادام في المستشفي خدمة وفي البيت خدمة افضل لي في بيتي
مرقت البيت
جاني تالت يوم تاكسي المستشفي عشان المراجعه مرقت مشيت المستشفي عاااااادي وجيت بيتي
وبعد داك الله لا وراك المشاوير والمواعيد جوة وبرة البيت

تقولي لي مديدة حلبه وشوربه:rolleyes::rolleyes::rolleyes:
الساعة عندنا وحدة الا عشرة
قطعتي نفسي

---

الاخت العزيزه ام قبس
تحيه من القلب
اولا اشكرك علي هذا البوست الرائع بروعة كاتبته
وانا اسفه للتاخير في الدخول والموضوع مهم جدا وما ساهل بس البركه فيكي انتي قدها وقدود في التوضيح
اوافقك في انه حركات اهلنا البيعملوها كلها اشاعات
انا برضه حصل لي نفس الحصل ليك في ولاتي الاولي بي ريان
واتمني الما عنها خبره تستفيد
واصلي يا مبدعه