عرض للطباعة
اقتباس:
المشاركة الأصلية كتبت بواسطة حنونة.
والله العظيم إنت الفيهم الوحيدة الهنتني وجابت لي ( عصير ) مهما كان نوع العصير المهم النية . . . وطبعا أنا أكتر شخص عني ألقاب وربما بكترة المواقف وخصوصا الظريفة البتمر علي وبدخل نفسي فيها ، ولقب المسافر تحديداً كان في قبل تخرجي بفترة حيث كنت بستعد للسفر ولقبني ليهو أحد الاصدقاء.
اقتباس:
المشاركة الأصلية كتبت بواسطة آلاء عبد الرحمن
وعليكم السلام الأخت آلاء
وقصتي من المنتدى كدا كانت صدفة جدا وأنا بفتش في النت عن موقع لجامعة الجزيرة ومن ديك وعيك ومريت بجميع الأوضاع المسموح بها وغير المسموح في المنتدى . .
وبخصوص اللقب ، فكان في أيام ( التخرج ) في جامعة الجزيرة ، حيث تكون بستعد للسفر أثناء إعداد بحث التخرج ، والإسم من الوقت وهو معي ( خالد المسافر ) .
اقتباس:
المشاركة الأصلية كتبت بواسطة مايسة
ليك يوم يا ظالم
ليه بس كدا بس كدا بس
اقتباس:
المشاركة الأصلية كتبت بواسطة أحمد عمر ( MOODY )
هههههههههههههههههههه
شاكوش شنو بسوي صلعة ده ياخ
إنت قاعد وين ، هسه الشاكوش ممكن
يكون في كل يوم ياخ ، الصلعة دي نتيجة
العلم والعبقرية ، لكن بيني وبينك كده دي
نتيجة للصبر بس .
اقتباس:
المشاركة الأصلية كتبت بواسطة ود المطامير
والله أيام غوانتنامو طمرت فيك والله
وأنا حأقيف معاك وقفة رجل واحد
بس ما تتفاجأة بعدين .
ناس تخاف ماتختشيش ;)اقتباس:
المشاركة الأصلية كتبت بواسطة المسافر
اها ان شاء الله في حافز مادي وماتقول لي اهم الادبي
لاني حقول ليك لملم عفشك وارجع ساااااااااااااااااي :mad::rolleyes:
اقتباس:
المشاركة الأصلية كتبت بواسطة همسات
مع خالص الشكر والتقدير
اقتباس:
المشاركة الأصلية كتبت بواسطة سودانية وافتخر
الفتاة السودانية أصبحت أكثر واقعية وهي بكل تأكيد عكس طبيعتها التي خلقها عليها الله سبحانه وتعالى ، واقعيتها أفقدتها الرقة والعطف والحنان أما الواقعية التي هي مندفعة إليها أصبحت ( مادية ) .
اقتباس:
المشاركة الأصلية كتبت بواسطة ام رغد
أرجع وين يا أم رغد
أنا جيت الإمارات نهائي
اقتباس:
المشاركة الأصلية كتبت بواسطة بت مارنجان
ما هرشوني يا بت عمي لكن كتلو لي قلبي ياخ
الجائزة لسه ما عرفتها يوم 15 إبريل إن شاء الله
بس يدوني ليها بوريك طوالي .
خالد ...
منتصف ليل سعيد ان شاء الله
الساعة عندي هسي وحدة وربع
جاء على بالي سؤال وانا باخد في جولتي الخفافيشية المعتادة
رغم المرح والتفائل بين حروفك الحمراء دائما تشوب الصورة لدي نبرة حزن
السبب شنو؟؟
سؤال تاني :
المراءة ... شريكة العمر الجميل ماهو موقعها في حياتك ؟
دا موقف حزين بيني وبينكاقتباس:
المشاركة الأصلية كتبت بواسطة المسافر
تخريمة: بخصوص الاخت الماحافظة رقم تلفون راجلها دي ... شغال طيار مثلا؟
ليه يعني خامينا كدا -
اها شوف دي - وختامه مسك - قصة طويلة جدا
احكي لينا مما ولدوك لحد ما بتكتب في اجابة السؤال دا
مرورا بأي شئ - :o:cool::p
والله يامايسة اوجزتي واوفيتي ^_^
اقتباس:
المشاركة الأصلية كتبت بواسطة مايسة
مايسة
بي طريقتك دي بقول رجعوني غوانتاموا تاني
براها اليومين دي الأسباب راااااااااااااااااااااااااااااااااااااااقدة
باكر بقيف مع فردتوا ود المطامير وزي ما قال مودي
بتلم التعيس (ود المطامير) علي خايب الرجا (المسافر)
هوي أنا ما قلت الكلام دا
قالوا مودي
وهو ما فسر وأنا ما قصرت تميت الباقي
إنت ابو الدقيق دي حكايتا شنو؟
سؤال واحد بس بمااني جيت متاخره ماهي الاحلام التي تود ان تحققها؟
اقتباس:
المشاركة الأصلية كتبت بواسطة المسافر
هههههههههههههههههههههههههههههه
ما هو الشاكوش في حد ذاتو ما بعمل صلعة
لكن لمّان تجي تداوي مكان الفلقة لازم تزيل الشعر
اقتباس:
المشاركة الأصلية كتبت بواسطة خالد علونى
يا جنا إنت هسه سألوك من الكاشف أخوك
تقتبس كلام مايسة .. وتهبش أحمد عمر
علوني .. جمعة مباركة
:p:p:p:p:p
علوني يا اخوي مالك قلبته على الجماعة
لكن كلامك مظبوط :cool:
اقتباس:
المشاركة الأصلية كتبت بواسطة أحمد عمر ( MOODY )
معليش هو قاصد العكس بس :p:D
غدا السبت - بإذن الله
أم رغـــــــــــد
وما تخافي خليك مرتاحة بس والناس براها هى البتجيك -
واي دعم كووول أم رقبة :cool:
تخريمة : ككرك أسبوع - اوكي ;)
اقتباس:
المشاركة الأصلية كتبت بواسطة الملكة أسماء (ام محمد)
أهلين يا أم محمد
ومساء الفل عليك
وبدون ما تحس تجد من منحك سعادة هو من تسبب ليك بتعاسة
فأحترت ( هل احفظ له تلك السعادة ، أم ألومه على ما سببه لي من تعاسة )
و( أفكاري) بين هذا وذلك ، إتلهى ( قلبي ) في وحدته وماتت كل احاسيس
جميلة كانت تملأ كل أجزائه وإنتقلت العدوى إلى افكاري وخلّفت حزن عميق
لا أعرف كيف أميته في دواخلي .
والمرأة بالنسبة لي شيء جميل بس غير مفهوم .
اقتباس:
المشاركة الأصلية كتبت بواسطة الملكة أسماء (ام محمد)
هههههههههههه حزين بالنسبة لغيري أو غريب ربما . .
وزوجتها حرف أسمه الاول زي حرفي عشان كده أمكن
في لحظة سرعة حصل الحصل . .
اقتباس:
المشاركة الأصلية كتبت بواسطة مايسة
زي الساعة 3 بالليل مشوا للداية ( عشة ) عشان تجي تطلعني للدينا والداية زهجت قالت هسه ده مواعيد ولادة ، وجاتي وخرجت للدينا أمكن الساعة 4 وأمكن 9 ما عرفي بس في الرنج ده ، وطلعت وكوركت ( هاو هاو هاهو ) وقطعوا الحبل السري وغسلوني بموية ومسحوني بزيت سمسم ولبسوني المرية ، وبعدها ودوني لأمي عشان ارضع وختو تحت مشمع أحمر، ونمت زي الساعة 12:25 ضهر وصحيت تاني من زحمة الناس البتجي تبارك أها بالطريقة دي أنوم وأصحى وأرضع و أسوي . . . . . في المشمع الأحمر لمدة أسبوع وجابو الخروف في اليوم السابع وضبحوه وجوا سموني ( خالد ) وأستمريت بين ( الرضاعة والنوم والبكاء وال . . . . في المشمع الأحمر ) ده كان كلو موضوعي لمدة 5 شهور ، وبعدها أدوني ( شوية موية ) وبديت أتكلم بكلمات أنا زاتي ما كنت فاهمها وبديت أصنقر بعدما ما ختوني في كرتونة والحاجة الحلوة أني كنت قاعد أضحك بس في شنو ما عارف برضو ولما وصل عمري 7 شهور بديت أحبي شوية شوية ولما وصلت 11 شهر بديت أمشي ، لكن كنت طوالي بقع ياخ ما عارف المشكلة كانت وين بالضبط كده ، ولما كملت السنة عملوا لي عيد ميلاد وأستمريت في عدم الموضوع ده لغاية 4 سنة وبعدها ودوني ( الكمبوني ) كنت بمشي الكمبوني مع ست حكمت وكانت بديني سندوتش بتاع فول وكانت الحصصة كلها عبارة عن رسم وبس وشوية إنجليزي درست (kg1) و(kg2) ولما كملت 6 سنوات ودني المدرسة بعدما اشتريو لي الرداء الازرق والقميص اللبني ، وكنت بشمي وبجي يومياً ولمدة 6 سنوات ، وبعدها مشيت المتوسط وبقيت ألبس الرداء البني والقميص البيجي ( بنج ) ، وبقيت أمشي وأجي لمدة (3) سنوات ، وبعدها ودني ( مدرسة مدني العربية ) وبقينا نلبس على مزاجنا وبرضو نمشي ونجي على مزاجنا وفي آخر السنة حصلت مشكلة بين مصر والسودان وأمتحنت للثانوي أمتحان نصو ( سوداني ) والنص التاني ( مصري) إمتحان غريب وعجيب ( اللهم يأخذ الإنقاذ دنيا وآخر ) ، وبعدها دخلت جامعة الجزيرة وكنت طالب مجتهد ومؤدب جدا وأتخرجت يوم يوم الخميس ويوم الاحد طوالي جيت الإمارات ، وإشتغلت في الوزارة وبقيت امشي الشغل وأجي في حالة مملة جداً وانتظر الاجازة بفارق الصبر الاجازة السنوية عشان أمشي أو أنتظر إجازة أهلي عشان يجوني ، وأستمر هذه الحالة المحزنة والكيئبة جداً . . . وفي يوم الجمعة الموافق 1/4/2011 أتصل بي الاخ ( مودي ) وقال لي الشباب جايني عندنا ( ود المطامير ، نزار أحمد ) ويا ريت لو تجي وفعلا ركبت العربية ومشيت ليهو وهناك ألتمينا لمة حلوة واتونسنا ونسات كتيرة وإتذكرنا أيام ( غواتنامو ) وعند الساعة 11 ونصف ودعت الجماعة وجيت راجع البيت ، وفتح اللاب توب وشغلنت النت وفتحت منتديات ودمدني ، وإنتقلت إلى قسم النفاج وفتحت بوست كركر النفاج يستضيف المسافر ورديت عليكم . .
هئ هئ هئ هئ هئ هئ هئ هئ هئ هئ هئ هئ هئ تاني ما عايز معاك
اقتباس:
المشاركة الأصلية كتبت بواسطة خالد علونى
ولا بقول رجعوني أنا برااااااااااي بمشي ياخ
وما كان ده ككر ، متعب شديد والله هههههه
أبو الدقيق دي سماني ليها شباب المنتدى (بورتبيل ، ود المطامير )
وكانت نتيجة إصراري على المشاكل زي ما قالو لي طبعاً