عندي نزلة راقد لي يومين في البيت
الناس الزاروني :
الأدمن - بشوربة لحمة بالقرفة
خالد هاشم - علبة شوكلاتة
والأخ - صالح أبو شوارب جا ني بعصاتو لكن لقاني راقد
والحمد لله جات سليمة
أقصد دي رسائل خاصة تحمل كل الود
عرض للطباعة
عندي نزلة راقد لي يومين في البيت
الناس الزاروني :
الأدمن - بشوربة لحمة بالقرفة
خالد هاشم - علبة شوكلاتة
والأخ - صالح أبو شوارب جا ني بعصاتو لكن لقاني راقد
والحمد لله جات سليمة
أقصد دي رسائل خاصة تحمل كل الود
طبعا الزول لما يكون راقد عيان بهبش في الحاجة البتشغلو
ومن ضمن هذه الأشياء النكات الطايرة بالتلفون
جاتني واحدة حارة من مدني :
قالوا في واحد بمشي للحلاق كل يوم وبسألوا فاضي ؟
الحلاق بقول ليهو لسه في عشرة قدامك !
ويرد عليهو ما مشكلة لسه الوقت بدري !
وكل يوم بجي وبسأل نفس السؤال ويلقي نفس الإجابة من الحلاق
ويرد للحلاق ما مشكلة لسه في وقت !
الحلاق اتحير في الزول البجي كل يوم يسأل ويمشي قام يوم قال للصبي بتاعو
كدي تابع لي الزول ده شوف حكايتو شنو ؟
الولد تابع الراجل ورجع سريع للحلاق اسمع يا أسطي الزول ده لقيتو متحكر مع
مرتك وبسو ليهو في جبنة
ههههههههههههههههههههههه
والله ضحكت لما النزلة زادت علي !!
هههههههههههه
والله رهيبة
يا عم التنقو كتر من زي ده
هههههههههه كويس انها بقت جبنة .... كان جاك طاير مقص الرقيب ومقص الحلاق ومقص الشجر .... الله استرنا من الشجر وعربية الكجر .
سلامتك عمنا تنقو
قالو متألم شوية ياخ بعد الشر عليك
النضارة الفي شبابك والقلوب الحايمة حولك
يا حلو بتتمني ليك بكرة تشفي ووووووو
الف سلامة عمك تنقو يا رائع واجر وعافية وبالسلامة ان شاء الله
وسلامي بلا حدود
هههههههههههههههههههههه
والله كلام ..حلوه منك يا عم تنقو
وألف حمد لله علي سلامتك.. وبركه البقيت طيب،،
تجار مدني في عهد حكومة الانقاذ اصاب تجارتهم الكساد بكثرة الضرائب والقوانين والمحاربة الخفية ومع ذلك كان في فترة الفقر يزداد عكس الوقت الحالي وكثرت حينها ايادي الشحدة من جميع فئات الناس تلقي يخش عليك واحد افندي بي روشته او امراة بطفل وهكذا .
عمنا خلف الله قاعد في سوق الصاغة قدام البترينة مافيها غير خاتمين فضة و من كثرة الديون والهموم والمشاكل قاعد من صباح الله جاهو شحاد يتكركر
* كرامة يامحسنين
*عمنا خلف الله مسكوا من ايدوا وقعدوا في الكرسي وركب عربيتو ومشي دردق
نكتة مدني الحايمة اليومين ديل !!
قالوا في تاجر مواشي معرس ليهو تلاتة نسوان _ واحدة جعلية والتانية حلفاوية والتالتة شايقية الراجل قام مرض مرضة محتاحة لي
عملية مستعجلة كلفتها 15 مليون جنيه وقرروا انه أي واحدة في النسوان ديل تبيع دهبها وأي حاجة عندها لاكمال المبلغ ده للعملية
الحلفاوية قالت ما ببيع دهبي والشايقية قالت الحاجات دي لأولادي عشان يعيشوا بيها قامت الجعلية دقت صدرها وقالت أمك ياعلي
انا بدفع القروش دي لكن ( مضاينها الله بعد مايقوم ابو علي من مرضو ويبقي شديد .. الا أشفروا :o )
يعنى الراجل لحق كاس العالم ، بس شكلها ح تعمل زى ناس راديو وتلفزيون العرب نقلوا النهائى مجاناً على قناة عين ، بس لو الولية دى نقلت ليهن النهائى تبقى عين والله عين هههههههه.
العزيز ود حامد شوقي ليك كتير وكاس العالم مدني جابتو بالقمر الاوربي والنيجري والكنغولي وبالانجليزي كمان وخلي عمك الشيخ
السعودي ده تشفيره يوديهو دار فور ولبنان والصومال وكشمير وافغانستان لزبادة معاناة الناس وهذا هو مرتعه الاصلي !!!
ايام السكة حديد في مدني ليها شنة ورنة والناس بتجي تتفرج في الجمال والحضارة في طريقة السفر وكل مايسر العين وصل قطر المحلي المتجه صوب الخرطوم وجات فوجة من المسافرين والمودعين تتوسطهم امرأة ماشاء الله عليها بسطة في الجسم وسمينة لدرجة مجرد ماتشوفها تقرا ليها وتقول تبارك الله ،،،
المهم المرأة لم يستطيع باب القطر ادخالها نسبة لضخامة الجسم وحاول الجميع ادخالها بشتي الطرق بالجنب وبالراس وبالرجلين ففشلت جميع المحاولات ،،،
واحد مسطول قاعد تحت ضل النيمة قام علي حيلو وجا دقها المره كده في كتفها وقال ليها :
تآكلو ساااااكت وناسين السفر !
ود الماحي استوقفتني طرف عن زراع
في مرة جلس زراع في دكان الوالد في سوق الصاغة مقابل محلات اولاد النقيب وكان الوالد يشكي من حمُ النيل وبمعيتهم اخي الاصغر السعودي فقام الوالد احك في الحمُ واخي اقول ليه ياابوي كده بعمل ليك جروح وابوي مصري علي الحك فزراع جالس فقام قال لاخوي المابجيب لابوك حمُ النيل شنو كان لابس جلابيه وفنيله وبنطلون تحت الجلبية ده كان دخل الحمام الدش اغير راىُ .
عم تنقو
اجازي محنك ياعمُ ما مخلي حاجة ما قابضة !
وبالله تحياتي للحنينة السكره حنتوب الطروب عند زيارتك في شهر اغسطس .
عم التنقو
قالوا واحد طول من السودان جدا ولما رجع السودان رجع سكران ففي المطار بسأل في واحد عن الهيلتون باوين فوصف ليه
شمالك المحكمة يمينك الأمن تمشي بشارع الجامعه يمينك الداخليه تصل المقرن شمالك النظام العام وبعد طوالي الفندق
السكران قال ليه :-
وصفك ده لو شارب لبن ما أمشي بيهو .
بمناسبة اقتراب عودتك للسودان .
عمنا وينك .... ليك زمن ما ظاهر
اظن حنتوب الجميلة غطستك لاضنينك .
اجازه سعيد والناس حلوه مع الخريف ...
الاخ عم تنقو
يجازي محنك قطعت مصاريني
والله حقيقى حاجة جميلة بس واصلو لانه دى سيره لذيذه وقفشات تخلى الواحد رغم همومو يضحك طبعاً زراع دوماً متصدر القفشات والنكات يعنى زمان كان ناس حمورى واسى زراع ماسك الجو براهو
معتز - حمدتو وابننا - أمير عبد الباقي والتومي لكم تحية خاصة من عمك تنقو للمشاركة ووجودكم داخل حوش ( مدني ))
اكرر التحية لكم
تخلى الواحد رغم هموموا يضحك
لك الشكر والتقدير ابننا حمد مرفوع القوة 2
اولاد عمي كلهم كاتبين حمدتو ما خلو لينا حاجة
عشان كده انا قالبا من زمان hamad2
قالوا في واحد مشبه ليهو واحد اسمو ( حمد ) قابلوا في حلواني في مدني ايام الحلونيات طبعا اسه بقت اكشاك وحلل وكبابي وبخور لطرد الضبان - المهم طلع الزول ما حمد لكن بشبه حمد صاحب الزول داك شديد واصر علي انه حمد ولازم يشرب حاجة مخلوطه ومعاها شاي اللبن ابو كبايتن كبيرة داك باللقيمات او الباسطة المهم صاحبنا رضخ لاسم حمد وضرب ليك الحاجات وانبسط تب وقعد اتونس مع الراجل المشبهو لي حمد وفي اثناء الونسة اكتشف الراجل انه فعلا غير حمد المقصود وانسحب من الحلواني بدون ات بشعر به المشبه بحمد وجاء الجرسون طالبا الحساب فقال له الحساب عند صاحبي العازمني ده فالتفت ولم يجده وبحث عنه فتأكد انه شرب المقلب !!
وقعد يحل في الصرة الواضع فيها الفلوس تحت السروال عادة العرب في المدن ويصيح مهتاجا محدثا نفسه :
وهو يمد للجرسون القروش
قلت ليك انا ما حمد !
تقول لي حمد !
هديه لابني Hamad2
اديك الف عافيةاقتباس:
المشاركة الأصلية كتبت بواسطة عمك تنقو
عمي التنقو رمضان كريم
بعد دخولنا لمدرسة مدني الثانوية وفي اول يوم دراسة جاء المسئول عن الفصل وكان استاذ عنتر استاذ مداة الاحياء وبدا ينده على الطلاب وكان معانا الاخ والصديق جعفر النميري الطيب وعندما وصل الى اسمه طلب منه ان يقف وكنا في آخر الفصل وقال ليهو باستخفاف ( بالله انت جعفر النميري!!) فما كان من اخونا جعفر وهو شخصية ظريفه وسريع البديهة رد عليه قائلاً ( وبالله انت عنتر!!!) فما كان من استاذ عنتر الاوطرد جعفر من اول لحظة وكان اول من يطرد من هذه الدفعه
في الصف الثاني بمدني الثانوية كان يجلس الى جانبي اخي العزيز محمد سعيد محمد فرح وكان ممثل الفصل داخل اتحاد المدرسة وتم توزيع اعلان لممثلي الاتحاد داخل الفصول لحضور اجتماع هام ( كما قيل في الاعلان) وكان الحصة حصة انجليزي مع الاستاذ الشبلي، فما كان من محمد سعيد الا وان قام واخذ كرسية وهم بالخروج من دون استئذان الاستاذ الذي اوقفه وسالة عن اسمة بالانجليزي What's your name فاجاب بسرعه ( موهمد ساييد) فضج الفصل بالضحك وغادر محمد الى الاجتماع
ذكريات جميلة جدا يا محمد ومن المؤكد ان هذه الفترة من اجمل ايام الصداقات والقفشات وبتاعت النميري رهييييييييييييييبة
استاذ كمال عباس واحد من الناس الساخرين جدا وهو جار ناس المرحوم عمنا صالح عيدابى فى المزاد.
قالوا فى واحد ضرب فى موبايل استاذ كمال الساعه خمسه صباحا الو منو معاى داك قال ليهو دا
تلفون اسماعيل ؟
استاذ كمال اتضايق من الزول الضارب ليهو خمسه صباحا وبعد دا كلو ضارب غلط قام قال ليهو ياخينا انا كمال لكن الله يسالك سيدنا اسماعيل ساعة جو يضبحوه توروه خمسه صباحا؟
هههههههههههههه
استاذ كمال لو قالو ليهو في الوقت ده في ( دافنة) موقفو شنو
شكرا استاذ ياسر .
لا فض فوهكم أيها الاحباب و أنتم تدردشون بماضي هذه المدينة الحالمة توثقونه و تحفظونه هاديا للاجيال القادمة و هذا ديدن المحبين و المغرمين بمدينتهم و ناسها و رائحتها و عطرها و عرقها ... في مجانين المدينة أروع الحكايات و العبر و التي لا تتأتي إلا عند العباقرة!!!! فمن كان عنده دلوا في هذا المجال أحبتي أتمني أن يدلوه
كل يوم الصباح لازم ادخل على الكشكول واضحك من قلبي مشكورين جدا كل الاخوان المشاركين في هذا البوست وخاصة عمنا تنقو وودالمأذون وامير عبدالباقي وحقيقة يا أمير كل يوم الجماعة ديل بقطعو مصاريني بالضحك
مع أمنياتي بدوام التواصل
وأدعو معي للمرحوم الاخ زراع بالرحمة والمغفرة
بكري كسلا
صباحاتك دايما بالخير ياابن كسلا الوريفة
اقتباس:
المشاركة الأصلية كتبت بواسطة عمك تنقو
تصدق يا عم تنقو إني من ابناء ودمدني ( دردق) - كما كان يشرفني ان أكون من أبناء كسلا الوريفة - و ربنا يسلمك لينا ( ودحنتوب ) لان هذا الكشكول حقيقة جميل
الاخوه الحبه
لكم كل الود والتقدير وانتم تورخون لنا قفشات ووجوه مدني العظام بس العاوزه منكم ماتنقطعو ياشباب وتذكرو لينا كل يوم قفشه ووجه من مدني لانه سوف تتحفظ للاجيال القادمه ويعتبر ليهم مرجع لتاريخ مدني
عم التنقو بكري كسلا محمد عبدالله حمتو 2 شكرا كثيرا لكم وانتم تبحرون في عالم مدني
الاخ ياسر لا تنقطع
قمة في الامتاع والظرافة وسرعه البديه لك الشكر عم تنقو علة هذه اللفته الحلوة منك
نكتة عجبتني أيام العيد :
ود العرب ( هدندوة ) سألوا أستاذ العربي في الحصة عن معني ( الدهشة )
فرد عليه : ولد الحمار يا أستاذ !!!
جلس صديقي ومحدثي امامي وكان قد غادر الي السودان نهائي بعد خدمة 30 سنة غربة انجز فيها وبحمد الله تعليم اولاده وزواج بعضهم والمنزل الوحيد الذي بناهو للاستقرار في السودان ..
كانت زيارته لنا مفاجأة وفي عيد الأضحي المبارك وحكي لي بانه طلع عنده ( رّيالة ) والريالة للذين لا يعرفونها هي اللعاب السائل تقال للرجل العوير ، يعني صاحبنا طلع راجل عوير ...
في عزومة غداء بالسودان عرض عليهو بيع سيارته بمبلغ مضاعف بعد معرفة سعرها الاصلي فسال لعاب صاحبنا وبعد الغدا مباشرة اتجهو نحو احد التجار الكبار المعروفين في امدرمان وطلع معرفة وهاك ياسلام وياراجل انت تجي البلد نهائي وماتكلمنا وسمعنا بيك والكلام ده عيب منك !
الراجل ختها في بطنوا بطيخة بااااااااااااردة - قام التاجر قال ليهو بعد ماشاف العربية الشيك بي اسمك ولا اسم واحد من الجماعة ديل وصاحبنا ما اخده شك وقاليهو باسم الجماعة ديل وركبوا( بو بو) مشوا لي بحري وهناك دخلوا بيت من ثلاثة طوابق وبعد السلام قالو ليهو نحن جاينك في خدمة - تفك لينا الشيك ده - ودي كمان معلومة جديده انا ذاتي عمكم تنقو ده اول مرة اسمعها وفك الشيك يدوك كاش باقل من سعر الشيك وذلك لضمان السيولة وحقك وبالفعل الراجل مسك الشيك وصاح قائلا - اللـــــه -
والله لو جيتوني قبلي ساعة كان لقيتو المبلغ فكيت بيهو شيك تاني !!
المهم رجعوا لتاجر امدرمان وناولوه الشيك وهنا صاحبنا خطف الشيك وقال للتاجر اكتب الشيك ده بي اسمي ! وفعلا كتب الشيك بي اسمهو بتاريخ مقدم بعد شهر واحد بس ؟
الشهر جا والتاني والتالت والادعاء العام والشرطة وفي النهاية اداهو لي واحد لمتابعة القضية وركب الطيارة وجا السلطنة وطول هذه المدة انا مقهي في صاحبي ..
قلت ليهو وبعدين ؟
قال لي بعدين المشكلة يوم استلمت الشيك ده كنت راكب عربية آخر موديل ورجعت البيت بي كرعي والشيك في جيبي ..
قلت ليهو وبعدين ؟
قال لي كنت دارع العمة في ظهري ودخلت البيت ما بشوف قامت أم العيال سألتني :
سجمي العربية وينها ؟
قلت ليها هس ! ولا كلمة قبلي ما اخنقك بالعمة دي !ّ!!
كان ذلك في الصيف قبل الماضي عندما استوقفني شيخ عجوز وانا في طريقي لحنتوب عند شارع النيل في مدني وركب بجانبي وكانت صحبته جميلة بالنسبة لي في صباح ذلك اليوم والغيوم ورزاز المطر وريحة المدينة تختلط بزيت السمسم والفول وزهر واشجار شارع النيل - وحدثني حديث ماضي حلو بكل مافيه من روائع ومواقف في التاريخ العملي والمهني والسياسي وقال لي ياولدي اسه انا لي 3 سنين مابركب بوكس ولا رقشة ولا حتي كارو الاّ الباص !
قلت ليهو طيب انت عشت العمر ده كلوا وشوف شباب الزمن ده بجري كيف بالرقشة والصالونات والعجلات ماخايفين انت خايف وحريص علي الدنيا عشان شنو ؟
ياولدي ديل ما ضاقو من طعم الدنيا حاجة لكن انا ضقتها !!
أثناء إجازتى بمدنى وداخل مكتب المرور دار جدل بين شرطى المرور وشاب فى مقتبل العمر ضبط يقود الركشة بدون رخصة ، فتم حجز الرقشة ، وبعد دفع الغرامة استلم الشاب أوراق ومفتاح الركشة ، عسكرى المرور سأله " أها كان سقتها تانى بقبضوك ، ماعندك زول اسوقا ليك " ، فرد عليه الشاب وهو يستشيط غضباً " ياخى ح ألزها ".
انا من ابناء مدني بحب مدني وناس مدني