***عنقريب هباب فى ضُل نيمة مرشوشة ***

اقتباس:

---

المشاركة الأصلية كتبت بواسطة خالد 000 ابقرجة

النيمة الفرح الشمر اديهو وجاكي
كسلا المدير البتعرفيهو براكي
والخواض وراهو الليلة يا بشراكي
قعد الخير ف ضلك والضحكة من جواكي

هاهاهاهاهاهاااااااااااااااااااااااااي

دي ضحكة النيمة
سبحان الله
الخالق الناطق ابو كريم

النيامة الجيتو هسع
كووووووولكم كيف امسيتو
بت مارنجان والواثق بقو اتأخرو
دي آخرة الفوضي وعد المحاسبة

ومن وشوش عصمت واحد بتاع زول جادي جداد شديد

---

اب نقط سلام
ومساء الورد و

وليك وحشة

رسلنا ليك سلامنا في الصفحة البهناك ما رديت


وليك وحشة

اقتباس:

---

المشاركة الأصلية كتبت بواسطة عوض الكريم الخواض

:p:p:p:p:p:p:p:p





جابت ليها مسادير كمان ...
أها هاك دى ...
آي أيهىىىىىىىىىىى ...واااااااا شرتى الجابتنى للنيامة .
أنا لو باريتكم بتصبح علي قِيامة ...

بافى المسدار تمو انت يا صاحبى أنا نعستاااااااااااااااااااااااااااااااااااا . ;);)

---

الخواض بقيت واحد من النيامة
بمسكوك بالكلام مابي عذر وملامة
لو النعاس غطاك ما بتفوتو كلاما
ابو كريم حليلك وقعتا في الدوامة

ياعين ياعنيه ياكافره ونصرانيه عين الحسود فيها عود

http://www.almedan.net/Uploaded/1110097385_2.jpg



ماشاء الله عليكم و متلمين كده في الحرم ان شاء الله

اقتباس:

---

المشاركة الأصلية كتبت بواسطة نسمة صباح

ياعين ياعنيه ياكافره ونصرانيه عين الحسود فيها عود

http://www.almedan.net/uploaded/1110097385_2.jpg



ماشاء الله عليكم و متلمين كده في الحرم ان شاء الله

---

يا هلا فيك

ويا سلام عليك

وتسلمي يا ستي

واتفضلي

اقتباس:

---

المشاركة الأصلية كتبت بواسطة ميادة

اب نقط سلام

ومساء الورد و

وليك وحشة

رسلنا ليك سلامنا في الصفحة البهناك ما رديت

وليك وحشة

---

ميدو فردة الليل
كيفك
سلامك وصل من القلب للقلب طوالي
السلام الهنا
وبرضو الهناك ( بتاع ميدو )

هي هي
لا بس تنبيه من نبلة الملكة :p:p:p

قررررررررربت تفلقك

[quote=ميادة;360825]

يا هلا فيك

ويا سلام عليك

وتسلمي يا ستي

واتفضلي

[/quote]

يااهلا بيك ياميدو وسلمتي من كل شر ان شاء الله

وربنا يحفظك

يزيد فضلك ان شاء الله

اقتباس:

---

المشاركة الأصلية كتبت بواسطة خالد 000 ابقرجة

ميدو فردة الليل
كيفك
سلامك وصل من القلب للقلب طوالي
السلام الهنا
وبرضو الهناك ( بتاع ميدو )

هي هي
لا بس تنبيه من نبلة الملكة :p:p:p

قررررررررربت تفلقك

---

يا سلام عليك يا راقي

كويسين وبخير وماشي الحال نحمدو

احسن ليك اصلو البت دي شكلها رجعت تاني تفلق الله يستر بث :d

اقتباس:

---

المشاركة الأصلية كتبت بواسطة نسمة صباح

ياعين ياعنيه ياكافره ونصرانيه عين الحسود فيها عود

http://www.almedan.net/uploaded/1110097385_2.jpg



ماشاء الله عليكم و متلمين كده في الحرم ان شاء الله

---

ياخي والله بت حلال
صحي نسمة
وصباحية كمان
من العصرية بفتش في أسواق همك قوقل كووولها مالقيت لي بخور
باقي قبيل كنتا شايف لي عين في ساق النيمة
بس الحمد لله قديناها

ابقي لا جوة
سيد النيمة بزعل لو زول جا وما رحبنا بيهو
ميادة
عصيرك
الملكة
قهوتك

لا القهوة بالفنجان
كباية الشب ديك للبن ياخ

النيامة

عن اذنكم

عندي شغل اخلصو واجيكم
باقي الحكاية بقت فيها خصميات

تعسف شديد خلاس
وعلي الغلابة بس

تعسف دي رهيبة صاااح

اتفضل يا ستي .... والبت سومة كشحت القهوة كلها في البوتجاز :eek::D

http://up4.m5zn.com/9bjndthcm6y53q1w.../9lihl5xog.jpg

اقتباس:

---

المشاركة الأصلية كتبت بواسطة خالد 000 ابقرجة

النيامة

عن اذنكم

عندي شغل اخلصو واجيكم
باقي الحكاية بقت فيها خصميات

تعسف شديد خلاس
وعلي الغلابة بس

تعسف دي رهيبة صاااح

---

التعسف حاصل يا سيدي


خد راحتك وانا ماشة انوم اصلو النوم كبس خلاص

وابقى عشرة على النيمة واملى الازيار واقفل الباب كويس


اها فتكم بي عافية

اقتباس:

---

المشاركة الأصلية كتبت بواسطة خالد 000 ابقرجة

ياخي والله بت حلال
صحي نسمة



ووصباحية كمان
من العصرية بفتش في أسواق همك قوقل كووولها مالقيت لي بخور
باقي قبيل كنتا شايف لي عين في ساق النيمة
بس الحمد لله قديناها



ابقي لا جوة
سيد النيمة بزعل لو زول جا وما رحبنا بيهو
ميادة
عصيرك
الملكة
قهوتك

لا القهوة بالفنجان
كباية الشب ديك للبن ياخ

---

والله انت صورتك الرمزيه الفي الحرم النبوي هي النسمه و بتدي احساس بالطمأنينه والانشراح

انا من قبيل متابعه وقلت والله الناس ديل طقتهم عين

عين الحسود معميه عديل ان شاء الله وربنا يبعد عنكم ان شاء الله كل الشرورويبارك في لمة الناس الحلوه دي ان شاء وتامين زايدين ماناقصين

وسيد العنقريب يسلم ان شاء الله من كل شر

والله القهوه مابندوره بالليل دا بعد دا كفايه سهر

لكن بشرب كبايه اللبن


مشكور اخي الكريم ايقرجه على الترحيب

وسلمت ان شاء الله

صحيت من النوم عشان ارحم بى النسيمه


مع انى عارف ابقرجة والبنات ما بقصروا تب

الا برضو نقوم ياخ

حبابك الف يا نسمة

ومنوره شديييييييييييد

اقتباس:

---

المشاركة الأصلية كتبت بواسطة agibmisbah

صحيت من النوم عشان ارحم بى النسيمه


مع انى عارف ابقرجة والبنات ما بقصروا تب

الا برضو نقوم ياخ

حبابك الف يا نسمة

ومنوره شديييييييييييد

---

ياسلام صحيت من نومك عشان ترحبي انا شخسيا:) والله دا شرف عظيم ياسيد اللمه الحلوه

والجماعه والله
ماقصروا معاي قدمو الواجب وزياده كيف وهم من بلد الضيافه

والمنتدى منور بيك وبأهله واصحابه




الا عندي استفسار ضغير وكدا انت الشب دا شنو :D

اوعا تكون حاجه كدا ولاكده:eek: ونحن المخ براهو مفوت مامحتاج:D

مشكور اخي على ترحيبك الراقي

اقتباس:

---

المشاركة الأصلية كتبت بواسطة نسمة صباح

ياسلام صحيت من نومك عشان ترحبي انا شخسيا:) والله دا شرف عظيم ياسيد اللمه الحلوه
والجماعه والله
ماقصروا معاي قدمو الواجب وزياده كيف وهم من بلد الضيافه
والمنتدى منور بيك وبأهله واصحابه
الا عندي استفسار ضغير وكدا انت الشب دا شنو :D
اوعا تكون حاجه كدا ولاكده:eek: ونحن المخ براهو مفوت مامحتاج:D
مشكور اخي على ترحيبك الراقي

---

كدى النخش بالجنبة كدا

انا متين قلت ليك منورة المنتدى

خلى المنتدى منور والحركات دى :p:p

كباية الشب يا النسيمه ياخ

مخمخى شويه

وقولى لى ناس بيتكم ما بشرب لبن الا فى كباية شب

وتعالى اقسمى لى :D:D

بمناسبة زيارته للنيمة اليوم
صفحة من الأرشيف في مجلة المنتدي ترصد
بكري كسلا حين تم استقباله كعضو جديد

http://www.wadmadani.com/vb/showpost...&postcount=140

يا Boss

عملنا صفحة تعويضية


مذكرة غتا الزير


سيد البلد 000 كتبتا ليك مذكرة قبل يومين في غتا الزير برضو وطنشتها 000 ما تطنشني الليلة وما تخليني أدفق ( فحمي علي الرهاب ) طبعا لو عملنا عكس حروف بتبقي ( فهمي علي الرحاب ) وفهمي علي الرحاب ده اسم ثلاثي طبعا ود ناس عمك علي الرحاب طوااالي 000


غتا الزير التاني

أبو مزن 000 مشتاقين ياخ 000 وبالله دايرك تنادي أبو النورة زي يوم داك ( أبو النورا تعال بي جاي ) 000 وناديني أنا زاتي ياخ 000 انتا ما بتناديني ليه ياخي 000 عشان لاقيني صغير صااااااح 000 كويس 000 حا أكلم ليك أبوي 000


ممكن أهدي في غتا الزير التالت ؟؟؟؟

أبوووووووووووووي يا فارس الحوبة
أبوووووووووووووي دخري السنين لينا


الاهداء ده مخسوس لي جلالة عشان تلاتة أسباب

1- لأنو بحب عقد الجلاد
2- عشان أذكروا أنو زماااااااااان في واحد من بوستات السيل عازمني حفلة عقد الجلاد
3- لأنو الليلة كان كبير كبير ( ما ليها علاقة بأي معتز )


بت مارنجان 000

ما يفوتكم بقينا نرفع دفتر الغياب لعقبة كل فجر

لعل المانع خير

صباح الخير يا نيامة

صباح الخير عليكم يا النيامة

صباحكم عسل يا ناس النيمة

سلامات وكدا

وصباحات خيركم

وكيف عاملين

عساكم طيبين وزينين

وتامين ولامين

ناس الصباح

مايسة

ود البلال

انونى

ولأبوقرجة

اللى قفل غتا الزير

وهو بيسال عن بت مارنجان

العندها فحم الشخت

وموقفة الناس بعيد

كيفنكم

صباح الخير يانيمنيمكس

وعساكم بخير من فتر أمس
وقالو أمس المواتر نج نج نج نج

وعربات النظام العام جوكم ......ال bossبكري كسلا
وقمتو بالازم من الإستقبال والضيافة....قالو اتعشو معاكم ....وملكة القلوب ماقصرت قالو ...مابتقصر والله بت الأصول...

ويابكري كسلا لك التحية وجيتك بالدنيا والله... بس والله أمس كان عندنا مشاوير ...ولو كنا عارفنكم كان إستنيناكم......

ويازول ملحوقة في أي وقت النيمة نيمتكم:):)

سلام

وتانى سلام

لناسنا وحبايبنا الحلوين الفى النيمة

حيث الموية عذبة والضل الوريف

كابتن كابو

بعودتك عادت اللعبة الحلوة للديار

عندها تيقنا باننا سنفوز

بكاس اللعب النظيف

صبحى صباحات البنفسج

الزونية عساك طيبة

جاتنا نسمة صبااح بنرحب بيها برضو

وباقى اللمة

وسلام خاص لابونا بكرى كسلا

وهو يدوزن احساس اللمة بنغم جميل

ونحن على وعد مع قعدة كاربة فى ضل النيمة

بصحبته

وتحية ندية للخواض بتاع الشمارااااات

ودايرنك ياابوكريم يوم كامل كدا تمارس فيه

اندياحاتك العجيبة بعيدا عن الحكومة المصغرة

والنظااام العام :p





وللجميع

اقعدوا عااااافية

وين الفنجرية

بدور لى فنجان قهوة يرد الروح

اقتباس:

---

المشاركة الأصلية كتبت بواسطة خالد 000 ابقرجة

[SIZE=3][COLOR=blue]الاهداء ده مخسوس لي جلالة عشان تلاتة أسباب

1- لأنو بحب عقد الجلاد
2- عشان أذكروا أنو زماااااااااان في واحد من بوستات السيل عازمني حفلة عقد الجلاد
3- لأنو الليلة كان كبير كبير ( ما ليها علاقة بأي معتز )


بت مارنجان 000

ما يفوتكم بقينا نرفع دفتر الغياب لعقبة كل فجر

لعل المانع خير[/RIGHT]

---

صحي لعل المانع خير يا عقبه ؟؟؟ .. ويا خالد والله دخلتك النيمة بتديها .. سحر خاااص وفريد .. دخلتك يا حبيب زي دخلتي أنا على حبوبتي بعد ما أشاكل ناس البيت
وأزعل منهم
وأجري على حبوبتي "الله يرحمها"

وأقول ليها ... دسيني منهم الناس ديل شاكلوني
تضحك حبوبتي بـ حنان .. وتفتح "السحاره" ... وتقفلها علي

وجوه السحاااره .. بلقى السمن والعسل .. والبلح وحتى "المريسه" ذااااتو :rolleyes:... بااااااااكل وبشرب .. وبنوم شعبان ومزاجي رايق.

وبعد أطلع يا سيد الناس .. بلقى نفسي نسيت أي حاجه ... وفي راسي حجا جميل عن فاطنه السمحه وأبوزيد الهلالي:)

يااااااااخي جيتك هنا .. زي أستمتاعي بهوبة مهند بعد يسجل قوون وزي مشاهدتي لـ مبارايات الهلال .. وزي سماعي لـ عقد الجلاد:rolleyes:

"نحن أهل الفرحة جينا .. لا المدامع وقفتنا ولا الحكايات الحزينة"

كتر من جياااااااااااااتك .. وصباحك خير

صباحكم خير أهلي الزينين في نيمتنا العامرة

نيامة الصباح

مايسة أم البنوت
بلبل

Anone

ثمرة النيمة ( الزونية ) والترجمة للحناكيش
وووو

جوز اللوز
كسارين القرمبوز
اللاقاكم صباحي مظوظ
بهدي ليكم وردة روز
وكباية ( شب ) سكر فركتوز

صبحي والخرباش

الفركتوز ده علي الريق رهيب

شفتا الرغوة الفوق الكباية دي ؟؟؟

أهم حاجة في الموضوع

دي ما البتخليك تقش شنبك زاااتة

بجيكم بعدين
كان الله مدا في العمر
وفي فروع النيمة

ان شاء الله

اقتباس:

---

المشاركة الأصلية كتبت بواسطة عبدالرحمن مدثر

سلام

وتانى سلام

لناسنا وحبايبنا الحلوين الفى النيمة

---

سلام يا أبوهاااا

عندي قصيدة جديدة .. حا أنزلها ليكم هنا قبل الثقافي ... عشان تدوني رايكم فيها ولو في أي تعديل قبل ما أمرقها للناس

لانو الزول قبل ما يمرق بشاور ناس البيت على اللابسو ولا شنو؟؟ :p