مساء النور والسروراقتباس:
المشاركة الأصلية كتبت بواسطة agibmisbah
عرض للطباعة
مساء النور والسروراقتباس:
المشاركة الأصلية كتبت بواسطة agibmisbah
اقتباس:
المشاركة الأصلية كتبت بواسطة ملكة القلوب
مساء الخير يا راقيه
http://www3.0zz0.com/2009/08/09/17/591206169.jpg
بمناسبة الكابلى الحنين
ولى محبين الكابلى
ليكم سعاد
دقّتْ الدَلّوُكَهْ
قُلنا الدنيا ما زالت بخير
أهو ناس تعرِّس وتنْبَسِط
تكْكَّتَ سروالي الطويل
سويتْلُو رقعات فى الوسط
فى خشْمِ عضّيت القميص
أجرى وازيّد شوق وانُط
لا مَن وصلتَ الحفلَهْ زاحمتَ الخلق
وركزْتَ
شان البِتْ سُعاد
أصلى عارف جِنَّها فى زول بيرْكِز وينْسَتِر
لكنِّى عارِف إنَّها
لو كلو زول فى الحلة بالسُتْرَهْ إنجَلَد
يانى الآزاها وجِنَّها
برْضِى عارِف أظنَّهَا
دِيمهْ فى صَرَّ ة وشيهَا
يلفحْنى شوق نافِر لَبَد
وركزْتَ للحُرقَهْ المَشَت فوق الضلوع
تِحت الجِلد
ضمّيت قزازتى مرقتَ عِن طَرَف البلد
وسِكرْت جَدْ
وأنا جايىّ راجعِ مُنْتَهى لاقتْنى هِى
قالت "تعال"
كِبْرَتْ كُراعى من الفرح
نُص فى الأرِض نُص فى النِّعال
اتْلخْبَط الشوق بالزَّعل
اتْحَاوروا الخوف والكلام
"ه-يْى يا سُعاد
على ودْ سكينَهْ وكِلْتِي في خشمو الرماد
علي ود سكينَه ومَات أسى
وأنا بِت بلاك ملْعُون أبوى لو كنتَ أرْضَى أعرِّسهْا
وأنا يا سُعاد
وكتين تصُبى سحابَهْ تَنْزِلي زي دُعاش
بفْرِش على روحى واجيكْ
زولاً هِلِك تعبان وطاش
وأنا يا سعاد وكتين أشوفِك ببقى زول
فَرَشولوا فَرْش الموت وعاش)
قالت سُعاد
(بطِّل كلام الجِرْسَهْ انجض يا ولد)
مزّقْت روحى نِتَف
مرّقْتَ من جيب القميص
عرقى وأسق
طبّيت قزازتى وصلتَ لى طَرَف البلد
وسكْرتَ جَد
اذّنت فى الشوك والسَلَم
وسرحْتَ بالناس والغَنَم
وركعتَ للعرقى البِكِر
وقدتَ فى الألم الحِكِر
وحلمتَ زى شالنى ومشَى
فوف زحمة نْبيْ الله الخِضِر
صحَّانى صوت العُمدهْ قال
(مسئول كبير زاير البلد)
قال لينا
(وكَتْ الزول يجِى ، لازِم تقيفوا صفوف صفوف
وتهيّجُوا الخَلا بالكفوف
وتقولوا عاش.. يحيا البطل)
صلّحْتَ طاقيتي الحرير
واتنَحْنَح الحشا بالكلام
ورميتُو من حلقى الوصَل
قُتْ ليهو يا عُمدهْ اختشى
مسئول كبير في الدنيا غير الله اِنْعَدَم
ما شُفْنا زول رضّع صغار
ما شفنا زول نجّح بَهَم
ما شفنا زول لمْلَم رِمَم
لا صِحِينَا عاجِبنا الصباح
لا نُمْنَا غطّانا العَشَم
والحِلَهْ من كلَّ الجِهات محروسَهْ
بالخوف والوهم
ومضينا من زمناً قديم-يا عُمدهْ-مرْسوم انتحار
الموت مُباح
والحب نِطاح
والصِدقِ من جِنس الزِّنا
العافيهْ مولودَة سِفاح
والرغبَهْ مكسورةَ جناح
الحلم والوعد النبيل
الطِفلهْ والأم ، النخيل
الرّنَهْ فى الوتر الاصيل
تلقاهَا فى قاموس نكاح
يا يُمَّه واح..يا حِلَّهْ واح
***
يا سعاد تعالى ولمِّى من كل البيوت
عِدَّة السَفَر الطويل
زَخْرِفى الفجر النهار
شخْبِطى الضُحى والأًيل
المَغْرِب
الفجر
النجوم.
فى صُرَّهْ وارمِيها البحر
خلِّينَا فوق الشك نَعُوم
والعُمدَهْ فاض
العُمدَهْ صار مليون عُمَد
العُمده فيل
جبلاً تقيل
لبْوَهْ وأسد
حَسَنَهْ وغَصِب
جُمْعَهْ وأحَد
بقّيتْ قزازتى
مرقْتَ عِن طرف البلد
وسكْرتَ جَد
وأنا جايى راجِع أجهجهو
لاقانى هو
سايق العساكر والكلاب
رامى بين عيني وعينو
كلب وتَكْشيرهْ وحُراب
ضاقت نِعالى من الزّعل
من تحتهَا اتْمَلمل تُراب
الغيم سكب ضُلو ومشَى
والدنيا غيما سراب سراب
والحِلهْ زى بلداً بعيد
زوَّد بُعاد وقُرُب سُعاد
اتجمَعَت كلَّ البيوت فى راحتَا
زى بِت لِعاب
مجنونَهْ تصرخ فى الزوال
ممزوجَهْ فى الدم واللُعاب
عينيَّ ضاقت نظْرَتهْا
والجوف يطقْطِق بالكلام
قُبَّال يقولوا لي سلام
اتلمُوا حولى بلا نِظام
شال وعِمَّهْ
توب وغُمَّهْ
فاس وطوريَّه وحزام
شالونى بى كُل إحترام
ورمونى فى قَعَر السجن
حصلّنى قبل اليوم يِتم
جارنا المدرِّس ودْ خدوم
قال ليَّ
لا زول قام هتَف
لا كف مشَت بتلاقِى كَف
والعُمدَهْ زى هَمْبول وقف
يا صمت أُف
يا دنيا تُف
وأنا يا سُعاد للشوق نغَم
للهَم عَلَف
سة منتظرين فتة تنيناقتباس:
المشاركة الأصلية كتبت بواسطة ميادة
وناخد تعريجة كدا مع الدوش
طالما اخدنا منه سعاد نقيف نرتع فى واطاته
ويلا نواصل
وأنا يا تلاميذى العُزاز
مخلوق بسيط من شوق وغَم
وأنا يا سُعاد مخلوق بسيط من شوق وغم
قامت سُعاد من رقدتهْا
الكون جميع كان انحصر مابين
قيامَهْا ووقفتَهْا
النخلَهْ والهجليجَه والسيّالَهْ
والشوق والمطر
الغابَهْ والهم القديم
الفرحَهْ والذُّل والخطر
كلُّو انْجَمَع فى كفّتهْا
قامت سُعاد من رقدتهْا
قامت قيامة العُمْدهْ مليون اتجاه
اشتَّتتْ كل الجموع
من كلِّ أنَّهْ وكلِّ آه
ومشيتْ عليكْ أنا يا سُعاد
حتَّة مُعلَّم مُبتدىء
غاوِى وبسيط
ولو ما خَدوم
كان من زمان محْسوب لقيط
ما آصلى مولود لللَقِيط
أو مُغفّل
أو مبهدَل
أو عبيط
يا زعيطاً يا معيط
ومشيت عليك أنا يا سُعاد
شُبّاك على النار انفتَح
درويش نحيل
فى صُرَّهْ شال حزنو وسَرَح
سيلاً تقيل
وسَّع خطاويهو وكَسَخ
ومشيت عليك أنا يا سُعاد
مربوطهْ عينى على خُطاك
فى عيونك اتجمّع كلام
فى صوِتك اتجمّع ظلام
حسيتو فى الحَشَا والعِظام
وقريتو فى سعف النخيل
ولمحتو فى طوق الحمام
فى العفهْ والخُصْلهْ الحنِينَهْ
اللفْتهْ والتوب والحِزام
بارَت مواعيد الغرام
ونزرْتُو حُبِّك للزنازين
والمساجين والهوام
والعُمدهْ فوق راس الفرح
جمّع جريوْاتو ونبح
(مسئول كبير زاير البلد)
قُتْ ليهو يا عمدهْ اختشى
مسئولك الزاير الكبير
يا ريتو بس لو شاف سُعاد
كان رسم للعفَّهْ
أوصافا وتقاطيعا ومقاسا
كان دخل للحِلَهْ من بابا وشبابيكا وأساسا
كان اتْوَلد برَّهْ المُتاجرهْ
والمحاورَهْ والمصاهرَهْ والخساسَهْ
كان تاب
وباع للصدقِ مجدو وذمّتو
يمرُق جديد
من حَر دهاليز النِخاسَهْ
من هدومِك يا مرازِل
يا مزابِل
يا مباخر للتعاسَهْ
يا مناكر
يا عساكر
يا ، سُعـــــاد
......
فِك علَى كلب الحراسَهْ
.....
يا تلاميذى العُزاز
فى يوم طويل مبطوح على صدر الزمن
اتلمّت الحِلَهْ
الحنينْه عشان وداعَك يا غروب
حُزن فارس
وكيف يصير فى لحظَهْ مولَى
كيف يجوز
يا عمدَهْ كيف؟
الذُّل مُصان
والحّثب مُهان
والسجن أولى؟
كيف لقيت يا عُمدهْ كيف
للمجازر
والخنازير
والخناجر
فى رموش الغيم مَحَلَّهْ؟
كيف بنيت يا عُمدهْ كيف
من رماد حزن المآتم
من تُراب غضب المآتم
ليكْ ولى ضيفَك مَظلَّهْ
حِلَّهّ حادَّه
وإنتَ تزْرع فوق ضُوع الوادي حفْلَهْ؟
كيف يجوز؟
قد يجوز وقد يجوز
يا تلاميذى العُزاز
ضَلّض مَن قَد لا يحوز
من تبتّلْ أو تيَمَمْ
أو تيتَم أو ترمّل
يا تلاميذى العُزاز
اكتبوا التاريخ
خمِستاشر سُعاد أوّل
بلبل يسعد مساك
محمد السر مرحب بيك
عندما يصفق الرئيس جمال عبد الناصرله
و تصفق سيدة الغناء العربي بعده بسبع سنين لعبد الكريم الكابلي
وقد وقف في نفس المكان في المرتين على خشبة المسرح القومي بإم درمان
فهذان حدثان لا بد من الوقوف عندهما.
صبحى منورنا يااخ
ودعك من دلوكة الدوش
امازلت تجرى وتزبد شوق وتنط
بقية المجموعة الطيبة القااعدة فى النيمة
سلام يهد حدود اللغااااات
ملكة كابلى ظاهرة تستحق الدراسة
بس اطلعى شوية من عباءة (ش.ع ) وتعالى لينا
ودكيكل مااحلاك وانت تفرش لنا بساط المحبة
بنمة جميلة
سلام ياناس سلام عوافى
سلام عليكم
الليلة الخميس للمعلومية
السوق المركزى بتاع اللحمة
البطاطس
والكمونية
بنجيكم بعدين
كان الحكومة انقلبت
عشان نزيع
بيان السيطرة على الاذاااعة
والمنااااااطق المجاورة
ضل الضحى
( ضُل الضحى مشوار
تَزِح وتزِح
زحيح الشمْسِ من وكَن الشروق
زحيحهْا لىْ نُص النهار
الوَنسَه بالسفَّه الكبيرَه
وبالكتاتيح والغُبار
الفاقَه
والعُمْر الهِظار
والزمن البروِّح
سمْبهار)
........
!!!!!!
واحِد شردَ
قال المدينَه
قروشهْا تَبْ ماليها حَد
واحِد سرَق
كُل الهُدوم الفي البيوت
راح باعا في سوق الأحد
رسّل جواب
قال أصلو مابِنْسَى البلد
وكتين هدومو يَمَلِّصاَ
جَرّبت عصايتي
مشيت أَنَقِّر في الحَصى
آه يا ولد
ضاقت عليك كُل البلد
والدنيا ليل
سمعتَ زي نقْر الكمان
حِس زول بِمش
تاوقتَ من تحت الكِتيف
عاينْتَلا
والحقِّ لله العظيم شاغلْتَها
أيوه عارِف إنِّو عيب
لكن شنوالفى الدنيا
!!أصبح ماهو عيب
المَطْوحَه من كلَّ زول
مطلوب قروش
وللأّض القُعاد تحت الأسى
!وضُل الضحى
جرّيت عصايتي
مشيت أنقِّر في الحَصى
الحِلَّه ما بين يوم
وليلَه
إتْشلَّعَت
أتانى صوتها هذا الصباح
كانت اول الاصوات التى سمعتها فى يومى
مما جعلنى امتلئ سعادة بها
سألتنى فى لهفة :- أتدرى كيف اتصلت عليك الساعة الرابعة صباحاً
لا لا ادرى
كان حلماً .. وانا استمع إلى الدعاء الذى تضعه على تلفونك ...
حينها أفقت
لماذا تدعونى لأفعل حقائق وأنا فى حلم ...
لأننا نحلم دائما بالحقيقة مجردة
فى الحلم عزاء جميل
لى ولها
حين ننطق بأسماء بعضنا
أخشى عليك سيدتى
وانت تعرفين لماذا
لأن الأرض أصغر من العيش على صهوة حلم كحلمنا
نقطة
ويوم جديد
ود مدثر
ما عايز اقتبس ولا شئ
عايز اندمج
وانت لسه بتقابض
على جمر الخميس
ومشغولياتك
وحيلك المهدود سفر
وما تنسى مع انتهاء السمايات
ترمينا بى جلد إضافى
عايزين نعمل بيهو تبروقة للصلاة
مشتاقين لمن بعدين تجى
ومعاك حنية
وكابو
دائما ما تُشاركنى تلك الرائعة أجمل لحظات حياتى
وأسوأ لحظات حياتى
هكذا هى الحياة
وعظمتها
أن تجد فى شخص كل شئ
ما تبحث عنه
وما لم تبحث
سأشكرك يوما ما
ولكن بطريقتى الخاصة
مسائكم سعاده
مسائكم تفائل
مسائكم موشح بعبرات الحب والعرفان
مسائكم ورود انجمعت في باقة من كل ارجاء العالم لتعبر لمسائتكم احبائي
في بعض الاحيان يجول في خاطر ان اكتب او اعبر
او ابحر في سماء الشعر
وهاهنا لمسائكم احببت ان اكتب قصيدة
ولن اقول انه قصيدة فمعنا كلمة قصيدة بنسبة لهوي لشعر اكبر من ما تحمله ابياتي
فاحببت ان اكتب عن المساء
مساء الخير
جيت ع النيامه ألاقيهم نيامه
لقيت ود المصباح فى دوامه
وود مدثر مع الكابلى ما بطل حوامه
أها قلنا نجى نقول سلاماً سلاما
وحاتكم أنتو يا أهلي
ما في أحن من أهلي
منو الغيركم بـيـعرف البي
ويقاسمني الزمن لو جاني تـاري على
لكني خلاص
أتيمنت ... و أتيقنت
ما دام الغربة صبحت نغمه
بسمع صوتا فوق أضنى
وطعم الغربة في لساني
وأصابعو تدور تأشر لي
بسلم أمري للأيام
وأجيكم تانى
شان بى شوفتكم أتعطر
وأكحل بيها ضيء عيني
ياعمو لا
البت بكت البت شكت قالت ابيت
الأم حلفت تحججه وغشيت ابوها اديتو بيت
بيتك انيق عربية بيجو ومرسديس
قايل العرس حزمة قروش
قايل الفساتين والتياب
قايل الزخارف والنقوش
كل السعادة في الزواج الريدة بس
والباقي في حكم الرتوش
ياعمو لا .. ياعمو لا .. ياعمو لا
ياعمو بتك قدره وامكن تكون اصغر من عمره
ياعمو بعد الشيب تعب ناس الرطوبة في العضام والسكري العشرين صليب
ياعمو كملت السمك داير كمان تشرب حليب
ياعمو لا..
اقتباس:
المشاركة الأصلية كتبت بواسطة agibmisbah
تهت بين أحلامكما والحقيقه
وما بين رواحى وغداتى
أستجمع أطراف الحقيقة
وأتقصع من أطراف المدينة خيالات الأوهام
فى خدن الأحلام
وعدت من متاهتى
لا ألوى على شى
سوى إنقطاع رنين الهاتف
همسة:
ما عارفه لكن حسيت بحلمها حقيقة بتتجسد أمامى
ف بلغ الحبيبة عنى سلامى
اقتباس:
المشاركة الأصلية كتبت بواسطة عمر المامون
مساك الورد يا رائع
مساك الامنيات الخضر
ورحيقاً من فُل
ومودتى على الدوام محتفلة بقدومك
هلا ومساك الخير
بحس بالخطوة تـبـقى تـقـيـلـة
أريت التانية تـرجـع بـي
وأقــول لـرويـحتي ويــن ماشـه
وتـسـيـبـي الـديـره بـالـفـيـهـا
من الجد العجوز واقف
و لي عـنـد البيحبي حبي
تقولي خلاص ده ياهــو قـدر
ومــيـن بـقدر بحـبـس الـسـيـــل
وكــت يـهــدر يــدوس الـشـتـلـة
ويـســرح تي
وسقت خطاي
وشلت حنانكم الغالي
وحفظتو معاي بـيـن أيدي
اقتباس:
المشاركة الأصلية كتبت بواسطة littlestar
النجمة الصغيرة الجوانا
وبتضوى لينا سمانا
طلتك بالدنيا بأمانة
ويا رب تكونى دايما فرحانه
عشان فرحك فيهو هنانا
اقعدى عليك الله معانا
عشان مشتاقين ليك يا انسانة
رايك شنو عليك الله مش شاعر :p:p
مساك ساحر وجميل
اهداء دا خااااااااااااااص
(عقبـــــــــــة)(سيد البـــــــــــــــلد)(هيثـــــــــــم)(ابو قرجـــــــــــــة) (ملكـــــــة)(ميــــادة)
وكل من بالمنتدي وهو في بلاد الغربة............................................ ....
بـــدور أرجـــع أجـيـكي هـنـاك
ضــاقـت بــيـا يــا يـمـه هـنـا
بــــدور أتــمـسـى بـعـيـونـك
وأصـابـحـك يـــا حـبـيـبتي أنــا
صــبـاح الـخـير عـلـي عـيـونك.
اتـــاري الـدنـيـا مــن دونــك...
شـيـنـة ومـــرة مـــا بـتـنـدار
ومــــرة مـــرارة يـــا يــمـه
دي مـــرة وحـــارة زي الــنـار..
ولو بتدوري احكيلك كيف أحوالي في البندر ،
مـــن ويـــن عـايـزة ابـدالـك ؟؟
مساء النور يا سيدياقتباس:
المشاركة الأصلية كتبت بواسطة محمد السر
حياك الله
اقتباس:
المشاركة الأصلية كتبت بواسطة littlestar
حينما يصبح الحلم حقيقة
حينما تتحور الجينات المكونة للحلم كزهرة
ويبدأ تفتحها فإنها تُصيبنا برائحة نشتهيها
رائحة تنبع من خصلات الحبيبة
بعطرها الخاص
بدهشتى عند رؤيتها
وبتمسكها بتلك اللهفة
وهى تحمل فى يدها بُشرى
بُشرى بموعد
ولقاء على حافتها
وما أحلى الجلوس على حافة أنثى
نجد عندها كل شئ
قلباً صافياً
وسعادة إضافية
حينها سأصبح درويش فى حضرتها
وأنسى تعقُلى
وأتوه فى جنونها المُذهل
أنسى أننى رجل
وأصبح عاطفة
أغرقها
وأنا معها
فى شوق لُجى
لصوتها والنسيم
ولكبرياءها
وبعض عناد الأنثى فيها
ليتل استار
جميلة أنتى فى إحساسك
هكذا عهدتك فى كل حين
ورائعة
ليت كل الناس ليتل استار
وعلى قسم أوصل سلامك ليها
احلى ناااس
مساء النور يا رايقين
مســـ(الخير)ـــــاء
معليش يا أخوانا .. بس دي كانت تجربة للخط..
وآصلو .. حديثكم الجميل ..
اقتباس:
المشاركة الأصلية كتبت بواسطة عمر المامون
مشكور يا سيدي على الاهداء الرائع