عرض للطباعة
اقتباس:
المشاركة الأصلية كتبت بواسطة عبدالرحمن مدثر
عارف طلب مزن الأول ممكن يكون وراثي
لكن التاني من بنات أفكارك وامنياتك
خاصة بعد ظهورها الجميل بالطرحة الحمراء
عارف عوامل تعرية دي شديدة
مالك دسيتا في نص الكلام كدة
ياخي دي الجوطة زاااااتة
كدي قولا تاني
عوامل تعرية شفتا كيف ؟؟؟
وخلخلة زاتا ما ساهلة
شكلها بقايا وصف تفصيلي لمباراة اليوم
وخلخلة امبيلي لدفاعات
وبرضو ضاربة في عراضة تانية
طرزان
وشيتا
وبرضو داير ترمس
اقتباس:
المشاركة الأصلية كتبت بواسطة littlestar
لالالالا ديل جو اسي ياخ قبيلل كنت حارسا براي
يا سلام ياخ ديل الجوطة حقتم بالدنيا تصدقي
يا بت تعالي جوطي معانا شوية
واكلي ترمس ومحدقات
اقتباس:
المشاركة الأصلية كتبت بواسطة خالد 000 ابقرجة
وانا طالع على الكورة
شاهدت فى شكل جوطة كدا بدون تركيز
فى النيل الازرق اغنية بتغنيها اسرار ومعاها واحد تانى
نظرة
بسمة
حبيتك ياحبيى
عشان انت حبيبى
حبيتك من نظرة
.............
وهسه جيت لحتة المحدقاااات
سؤال عفوى
هل الدكوة من المحدقاات ؟
لاننى اعشقها لدرجة بعيدة:p:p
اقتباس:
المشاركة الأصلية كتبت بواسطة عبدالرحمن مدثر
يا سلاااااااااااااااااااام يعني انت كنت زاااااااااااااااااااااااااتك متابع الجوطة دي قبيل
ياخ دي غنية عجيبة
حبيتك من نظرةنظرة ثم بسمة ثم موعد ثم لقاء
ابدا الدكوه ما من المحدقات لكن تشارك في حلاوة المحدقات
يعني لما تجيب ليك ليمون وشطة في صحن وتكب عليهم ملح وتلخبط فيهم الدكوة
يا سلاااااااااااااااااااااااااااااااام
شفت دي علاقة الدكوة مع المحقات ...
وبعدين ما براها بيكون معاها صحن كبده بالبصل
تصدق اني ما بحب البصل
اقتباس:
المشاركة الأصلية كتبت بواسطة littlestar
نجمتنا الصغيرة
الله يجبر خاطرك
بس قاف العاقب روح النيمة
وطلتك جمال الروح
السهرة بتبقي حلوة
لمن اللمة تبقي غنوة
ما تجوطيها معانا
ونحنا برانا رنهزم غانا
اتعشيتي ولا نجيب ليك محدقات
كان اتعشيتي شيلي كيس الترمس داك
وقزقزي
لغاية ما نجيب لك كباية العاقب حقة الشب
مليانة حليب زي قلبك
بتحبي الجمادة ولا نجازفا
بلى مشتاق وبى لوعةاقتباس:
المشاركة الأصلية كتبت بواسطة ميادة
لكن مثلى لايذاع له سر
حتة الشوق لما تغلبنا وتفوت حدود السيطرة
يبقى فاض بينا الحنين
لزول محكر بالسنين
مابتذكر اخر مرة قابلت فيها اشواق محتاارة:p:p
لكن مفروض الواحد لمن يصل الحتة الذكرتيها دى
يغمل ليهو وهمة فى شكل قلبة:p
يعمل ليهو حاجة كا مابتتعمل
ومابتتحس
ومابتتمسك
عشان اوصفها ليك الحين
اقتباس:
المشاركة الأصلية كتبت بواسطة عبدالرحمن مدثر
معقوله بث
أنا أبخل وعلى منو؟؟؟ :eek::eek::eek:
لا دا كلام كبييييييييييير بتحاسب عليه
كان ثبتت صحتو :o:o:o
ربنا
إبعد عنا شر الفتور والفتر
وكل بلاوى الحاجات الفاتره والبارده كمان
إلآ الأيسكريم :p:p:p
والله بالأكتر ياخ
لكن كدى إتضارى من المطر الكاسح ده ماشايفو
بكره تطقك نزله
وتقول ما داير أفتر الصباح :p:p
اقتباس:
المشاركة الأصلية كتبت بواسطة عبدالرحمن مدثر
وحياتك شوقي ده موش احتاااااااار
ده اتغابى في الحيرة زاتو
اها يا سيدي اسي قابلك شوق محتااااااار وشديد كمان
ياخ عملنا وهمات وقلبات وما نفع
وكبينا فيهو محدقات الليله كمان :pلسه محير الاشواق نسوي شنو
اقتباس:
المشاركة الأصلية كتبت بواسطة عبدالرحمن مدثر
عارف الدكوة دي احسن تصنيف ليها
كلمتك العجيبة ديكي
خاتف لونين
الدكوة لمن تكون مع ام فتفت ولا صحن الشطة
بتكون محدقات
ولمن تكون في حلاوة فول المقرمشة ديكي
بتكون من المسكرات
ودي مصدرا السكر وما ليها أي علاقة بمصادرتانية توجه أي اتهام لي جوطتنا دي
برئ يا بيييييه
بتحب حلاوة فول
طيب حلاوة شعيرية
عليك الله ادي ميادة والنجمة ديل حبة حلاوة
ياخي خلي المشاغلة بتاعتك دي
وما تقول لي في حلاوة بتاكل حلاوة
ويا سلااااااااااااااااااااااااااام علي الحلاوة
وأمووووووووووووووووووت في الترمس
بس ما ترمس الشاي
الشاي بحبو في البراد
لأنو ليهو علاقة بالريدة
تصبحو على خير يا جماعة
الشوق النوم غلب الشوق ... والمحدقات غلبتم كوووووولهم
بث نسووووووي شنو
اقتباس:
المشاركة الأصلية كتبت بواسطة ميادة
ياسلاااااااااااام ع المحدقات
كمان لو فيها مكسرات تكونو ما قصرتو
ياخى شوفى الناس ديل ملو الحته قشر ترمس كيف :mad::mad::mad:
أنا بضاير المكان
وإنتى جيبى شوالات الشمارات
وتعالى نفتحها واحده واحده ونقزقز
اقتباس:
المشاركة الأصلية كتبت بواسطة littlestar
يااااااااااااااااااااااااااخ
بي سبب المكسرات دي النوم جا
ياخ انا ما بحب الترمس بحب الفستق
وبعدين ده اب نقط ده جنو ترمس ما بعرف العاجبو شنو فيهو
والشمار يا بتي قالو بقتل ما سمعتي :eek:
اقتباس:
المشاركة الأصلية كتبت بواسطة littlestar
لا ياخ
أوعي تجيبي ليهو سيرة المطر
بتذكريهو السبلوقة
وانا بررررررررررررة
وسبلوقتو كان كبت
نحنا زاتنا بنكب
ونكبكب
ونكبكب
شاي بي لبن
صااااااح
اقتباس:
المشاركة الأصلية كتبت بواسطة خالد 000 ابقرجة
الحنين لحنان النيل
ونحن نغنى لها ايام الجامعة
بين الليلة وبين يوم بااكر
شتلة الفة ومضة خاااطر
شوق النااس البذروا بذورهم
مستنين المطر الهاااااطل
شوق لابس كرافتة
زى شوق ميادة المحتار من حدود الشوق ذاتو
وزى انتظارك انت للترمس
وانا بحب حنينى يكون فاتر فتة
عشان يكون نص كم
لاينعس
ولايخلى الحديقة تقوم
ولسه نحن فى انتظار المطرة
اقتباس:
المشاركة الأصلية كتبت بواسطة خالد 000 ابقرجة
جطوا لي احساسي
وغلبني انوم مع جوطتكم
الجواط والخرباش
الله يديم انتصارات الوانكم عشان تحلى سهراتكم
وتكتر جوطاتكم
وحياتكم النوم كبس وبقيت بشوف محدقات ومكسرات
ونستكم حلوة وجوطتكم احلى بث ما تكوركو جوطو براحة عشان ما اصحى
يلا تصبحو على خير ... ويا اب نقط بطل اكل ترمس بليل بتجيك حوامض
ويا ابو مزن خلاص كفاك امشي نوم واتغطى كويس عشان البرد
ويا نجمتنا ما تتابعي الناس دي وياكلوك محدقات بليل
اقتباس:
المشاركة الأصلية كتبت بواسطة ميادة
شوق محتار ده
طوالي تعملي مجنونة
وتختي للحاء نقطة
يبقي شوق ما حقك
وخليهو يفتش علي مختار
ماعندك لينا أي حاجة اشربوها الليلة
ان شاء الله كان عصير شوق (محدق )
لتل وميدو
صباح جايط سعيد
ينفع اسم مسلسل :p
شباب الونسه معاكم طااااااااااااعمه
وما بتنتهى
لكن نقول شنو ف الحُكم :(:(
بكره ورانا أشغال شاقه
نقول سلامو عليكو
اقتباس:
المشاركة الأصلية كتبت بواسطة ملكة القلوب
عارفة
أحلي حاجة جوطة الاحساس دي
بتحسي أنك خاتة ليك احساس في حلة
وبي كمشة كبيييييييييييييرة
جوطك
جوطك
جوطك
بس لو لقت ليها تحديقة
ما تدي الجنبك
وتقدميهو للأسرة مع شرائح اللارنج
والبقدونس المبشور
وبالهناء
خخخخخخخخخخخخخخخخخخخخخخخخ
اقتباس:
المشاركة الأصلية كتبت بواسطة ملكة القلوب
عارفة يا ملكة عنوان مسلسلك ده فيهو خطأ املائي
لأنو سعيد جايطاهو البت صباح
ويا سلام علي صباح
لمن يطلع صوتا من جوة الجوة
وصباحك سعيد
والليلة عوضنا صفحة الارشيف بالتغطية
وحا اجيب معاي بكرة الميديكال بتاع اليومين الفاتو
اقتباس:
المشاركة الأصلية كتبت بواسطة عبدالرحمن مدثر
أصحا دقيقة يا جواط
الليلة مذكرة غتا الزير عليك
الفحمة هناك جنب الملكة
سلم علي النيمة كوووووووووووووووووووولها
وبت مارنجان الليلة الفرحة نومتا بدري
كابو سلم لى على مختار
وقول ليهو تعال بشوقك فى حلة كنتوش براهو
زى بليلى كنيش بتاعت المطرة
ميادة بكرة لو جيتى مع شوقى مختااااار بقطع ليك رقبتك
نجمتنا لاننا نسعد بحضورك لذلك نطالب بالفتور المدنكل
طرزان ياصديق الامسياات الخضر مع كابو شكلوا ثنائية تسحرنا باقى يوم بااكر
انا من الساعة خمسة واقف على رجل واحدة (ديك انا )
تصبحون على الف خير
اقتباس:
المشاركة الأصلية كتبت بواسطة خالد 000 ابقرجة
تعرف ياخالد
لما احساسي يجوط
ويكون مائل لحالة عشق اكبر من غيره من احاسيس
افضل اسكت
لاني بكون عاجزة عن التعبير عن احساسي الجايط
في نقاش مع صديق قلم تطرقنا لفكرة الكتابات الانثوية الحزينة
فقلت ليه هي الغالب ويمكن السبب ان المراءة لما يكون احساسها مايل لحالات العشق بتتصف كتاباتها بالصراحة الغير مقبولة اصلا
والجراءة ,عشان كدا بنفضل مانعبر عنها
اما الحزن فهو صانع الابداع من باب اولى
همسة : عبدو القصة ذكرتني حاكية مرادفات التجرد _ بالله الزولة دي حاربتنا رسمي ؟