انا عاوز اصدقاء من مدني موجودين في الخرطوم
عرض للطباعة
انا عاوز اصدقاء من مدني موجودين في الخرطوم
اخي وابني / علي حسن أرجو أن تكتب هذا البوست في المنتدي العام وتلقي اولاد مدني في الخرطوم المشتركين في المنتدي ده بالكوم .
بس اديهم رقم تلفونك .
طبعا نحن بره البلد مافي السودان .
يديك العافية
اخوي وصديقي ود الماذون ، اشكر لك هذا الحضور المتميز والطلعة بعد الغيبة الطويلة ولي شرف كبير بأن تكون مشارك في هذا البوست ، لك ايها الغالي اشتقنا لخمة النفس مع الدم الخفيف والقلم الرشيق
ياسيد البلد !
الطلبة الكانوا بدرسوا في جامعة امدرمان الاسلامية زمان مصنفين ( كيزان ) وصدف ان كان البعض منهم يسكن في حي امدرماني شهير بالقرب من الجامعة في بيت عزابة ! وكانت نظرت الحي لهم بانهم كيزان وبدت الكراهية لهم من الكثيرين ! ولكي يثبتوا عكس ذلك قاموا الطلبة بممارسة حياتهم العادية في ذلك الزمان ( قزازة العرقي من المغرب ) والحلة والغنا والنكات والضحك وكان المقصود اولا ان يوصلوا المعلومة للجيران هم ما كيزان ، وفي يوم حضروا لهم ضيوف من زملائهم الطلبة واتسعت القعدة بشربتها وحلتها وغناها العالي !
نط عليهم واحد من الجيران بالحيطة : قاليهم اسمعوا ياعواليك والله لو اتمشطوا عديل .. كيزان كيزان !!
عكاشة نصر الدين
************
جامعة الخرطوم
**********
ت0922659182
عمك تنقو وابوبكر حامد عاملين زي حمد والديبة شغالين فينا ون تو
الله يديكم الف عافية اتحفتونا والله بقفشاتكم الرائعة ودمتم لنا
والتحية المرة دي ليكم الاتنين
هههههههههههههههههههههههههههههههههههههههههههههههههه ههههاقتباس:
المشاركة الأصلية كتبت بواسطة عمك تنقو
اديك الف عافية عم التنقو
الأخ okasha
شكيتك علي الله كان داير تعمل لي مشكلة :D
يا أخي أقوليك :
أنا ذاتي كوز !! :D
بعدين هي ما نكتة .. الرووووب يا عمك تنقو من ناس الأمن ديل :D
الأخ mohmad elamin
القومة ليك ياوطني واصلوا انا وود الماذون شايلين بعض :D
شكرا ياحبيب
hamad2
وينك يا ابني انت ومشتاقين كتير وضحكتك ولعت فينا - وانا ذاتي ضحكت معاك وقريتها تاني !
يا عم تنقو التلفون لعلي حسن عاوز اصدقاء من مدني موجودين في الخرطوم
من ناس الأمن ديل منو دا !!!!!!!!!!!!!!!!!!!!!!!!!!!!!!!!!!!
################################################## ########
أنت داير تعمل لي مشكلة
************************************************** ************************************
اديك الف الف الف الف عافية عم التنقو
&& عكاشة&&
انا من ناس المنتدى -ناس مدني - الموجودين في الخرطوم تجد التفاصيل في (الملف الشخصى ) اتشرف بصداقتك وجميع ابناء مدنياقتباس:
المشاركة الأصلية كتبت بواسطة على حسن
عكاشة نصر الدين
************
جامعة الخرطوم
**********
كلبة العلوم الرياضية
****************
ت0922659182
@@@@@@@@@@@@@@@@
دى لعمنا بدرالدين ياعم تنقو !!!!!!!!!!!
مرحب عكاشة
عمك ان صح التعبير
بدر الدين محمد النور
كلية الفنون الجميلة والتطبيقية - قسم التلوين
هاتفي 0122390018 وسوف اسبقك بالاتصال واكيد حنطلع اهل والتحية لتنقو
وصية في الذمة يا بدر الدين
لمو لينا اولاد مدني في المنتدي الموجودين في الخرطوم للتلاقي في الاجازات في الحدائق العامة لزوم التعارف والتفاكر .
اوصيك بعمل هذه الشلة
مع تحبات - اخوك تنقو
وصية في الذمة يا بدر الدين
لمو لينا اولاد مدني في المنتدي الموجودين في الخرطوم للتلاقي في الاجازات في الحدائق العامة لزوم التعارف والتفاكر .
اوصيك بعمل هذه الشلة
مع تحبات - اخوك تنقو
يا سلام يا تنقو
فتحت طاقة من خفة الظل والابداع تستحق ان تدون فى كتاب لانها مع مرور الايام ستتلاشى وتنسى فبين طياتها تاريخ مدنى وتاريخ السودان كله بكل ما فيه من روائع وابداعات ....
الله يديك العافية والشكر لكل من سطر كلمة فى حق قفشات ابناء مدنى الجميلة ...
لكم جميعا تحياتى ...
وياسلام عليك انت ياود حنتوب ( حتتي وبلدي )
حنتوب هذا الاسم الخالد اشتم من خلالك اريج تاريخ وعظمة هذه البقعة
حياك من اخوك ( تنقو )
منتخب الهند ( شفع حواري عندنا هنا في السلطنة وهي أكبر بلد خليجي فيهو هنود ) لعبوا مع أولادنا السودانيين مباراة كرة قدم - أولادنا أدوهم 9 قينان كان حكمها اخونا ود العمدة من اولاد مدني وفي آخر الدقائق قام أدّها الهنود كورنر .
اولاد الهنود شي بالرطانة وشي بالانجليزي قالوا للعمدة أسمع الكورنر ده نعمل بيهو شنو ؟
قاليهم اعملوا فيهو محل ( سمبوسة ) :D
عمي التنقو لي الغلط دا لاكن بيني وبينك استاهلو الهنود
واديك الف عافية
hamad2
ليك مدة من بيت عمك تنقو ؟
يابني رحت وين ؟
:D الهنود عملو ليك شنو :D
اول امس اشتهيت ودمدني واشتهيت الضحكة قمت ضربت لي حريقة في مدني ( حي مايو ) وعارفو مجنون كورة بكون متابع السودان وموريشوص بعد انتصارنا الباهر وشكرا لقناة النيل الازرق التي اعادت بثها نقلا عن ال: ART وادتني الفرصة اتكلم مع حريقة لانه من المغرب بتكرفس وينوم .
بعد السلام قلت ليهو ياحريقة عامل شنو قال لي والله اليومين ديل باير :D يعني الشغل بتاع السمسرة واقف لانو المغتربين ما وصلو لسه وهو طبعا صياد المغتربين المعروف ! قلت ليهو باير كيف ، قام قال لي يعني مابتعرف البورة ولا ماسمعت بالبت البايرة ، وعشان يضحكني قلت ليهو ابدا ماسمعت بيها :
قال لي ياخي البت البايرة لقت ليها واحد مسطول قالت ليهو تعال نلعب غميضة !
اذا لقيتني عرسني
واذا مالقيتني
انا ورا التلاجة :D
وودعته وانا ميت من الضحك والفرفشة مع احلي ناس في مدني !
أخي عمك تنقو
هذه أول مرة أتتطاول علي قامة مثل قامتك و أرمي بحبلي بين حبالك و لكن عزائي أنك أحلي و أبهي في هذا البوست الخالد و في الصورة التي تجمعك مع الحبيب جمال الماحي .. فهي قد حلت لي جزء من الشفرة و التي كنت أستغرب دائما من هذا الاسم (كما كان يفل سيفين فرح .. فقد كان يوميا عند دخوله لنادي الخريجين يقضي دقائق طويله متمعنا في الافته المعلقة علي باب النادي و التي كتبت بخط النسخ ((للاعضاء فقط)) فكان المار به يندهش يوميا لتلك الدقائق وهذه الوقفه الصارمه) فكنت أنا أقف في عمك تنقوا و أتعجب فياخذني الاسم لمجلة الصبيان و ذلك الولد المدلع و الذي يوفر له أهله ثمن المجلة أسبوعيا فكنا نقتات من فتاته و نحندك له حتي يحن علينا فنرجعها له فتات كالفتة التي نقتات بها كل يوم .. فتظرت إذ نظرت لتلك الصلعات - كان إبني في الروضة يحفظ نشيدا عشوائيا يقول فيه ون تو ثري فور .. الصلعة تولع نور .. فكانت أشني ما شفت من صلعات هي صلعت عمك تنقوا برغم أن الاستاذ شرحبيل لايملكها و لكنه يملكها في خياله ... لم يؤخرني من أخي جمال الماحي الي القدر فإن الله لم يشاء أن أقابله رغم وعودي الكثيرة له ... فكتبت عند جمال كذابا ... ولم أكن أعرف أن الحبيب نزار في مدني إلا عندما برحها ... شوف جنس الحظ ده!!!!
اقتباس:
المشاركة الأصلية كتبت بواسطة صول سودان
العزيز صول سودان
والله العظيم انا مسرور جدا بوجودك في هذا البوست وزعلان جدا لانه الاخ ود الماحي ذكر لي بالاسم
صول سودان وكان متظرك في عرس اخوهو في الجنيد وحقيقة انا لخبطت في الاسماء المدعوة وكتبت
( لواء) والصحيح صول سودان :D
وربما قدمت اللواء علي الصول :D ولي الحق طبعا
ارجو المعذرة في ذلك ولك ودي واحترامي وحتما وباذن المولي عز وجل :
بنتقابل بنتاقبل
اكيد اكيد
انشاء الله
أخي تنقو:
يقولون أن القلوب شواهد فقد شاهدكم قلبي قبل عيني و أنا مسرور لذلك فإن المرغوب ممنوع و عدم لقيام ماهو إلا إكثارا في التشويق لكم و هي الظروف و حقيقة أن القدم ليها رافع ... كانت إبنتي هبه حاجزا بين رؤياكم حيث أن كليتها في طب الدويم قد إجزت و التلفونات منها تتخابت إنتو ما عايزين تجو تجيبوني الداخلية فضلت فيها بت واحدة و أسع مسافرة و أنا أعمل شنو فتغلبت علي و حرمتي من شوفتكم و لكن الجايات أكثر من الرايحات لو فضل لينا عمر
أحبكم أخي كثيرا و أشم عبيركم في بوستاتكم و رغم أن هذا لايكفيني
لكم الود
كان الله مدّ في العمر بنتقابل قريب انشاء الله في خريف او ( درت 2007م ) ده عشان البهائم بتكون شبعانة وسمينة واردبين الدخن قبال ما يسوسو احسن نمرق بيهم رحلة مع خرفان الدرت في جناين ابزيد جنبنا في حنتزب الجميلة
والله بنحلم بلقياكم ياصول وربنا يدي العافية .
الشوق و اللهفه للقياكم أحبها لدرجة الوله... و طول الغياب و أم العيال ... اخشاهم لدرجة الرجفة ... أتمني أن أري من رأكم
دائما مدني وحكاياتها التي لاتنتهي والتي تجعل الواحد يعيش في زمن وردي حيث الناس الطيبة والالفة والمودة التي لاتنتهي وعليكم الله كترو من حكايات مدني
بمناسبة جمعة الفار كان قاعد مع اصحابو في المزاد جمب بيت صحبو المقدم امير بمناسبة ترقيتو وكانو قاعدين في مصطبة جمب بيت امير وامير بحكي ليهم انو اشتري عربية وقال اشتريت لي عربية نضيفة بس دايرة مكنة ولساتك قام نطة جمعة الفار قال والله يامير مكنة ولساتك كان ربطهم في المسطبة دي كان مشت.
سلامات .....
أول حاجة...... أمير وصل رتبة مقدم ؟؟؟؟ لا حولااااااااا ... ماعارف أقول شنو ؟
الزمن مشى ونحنا كبرنا ؟ ولا الأمور في السودان بقت غريبة ؟؟؟
عن جمعه الفار ... من ألطف الناس ... وأشهد إني لم أسمعه ولا حتي سمعت عنه رواية فيها كلام سئ .... إنسان رائع تماماً .... ونقي وابيض (بالرغم من سواد لونه ) ...
صداقته مع أمير من بدري جداً .... ودائماً أتذكره في الشارع في عجلة أمير وجمعة مردوف قدامه وخالف رجله في ميزان العجلة .... والشارع كله ينادي فيهم أو يتكلم معاهم ... وهم أصحاب تعليقات ساخرة جداً. وبرضه دائماً في حفلات الديم باليل موجودين بكثرة ... جمعه أصبح جواز سفر لأمير في دخوله لمجتمع الديم ( وقتها صعب جداً تدخل بينهم وتصاحبهم ) .. وأمير جواز سفر ل جمعه لأولاد المزاد ..... والله أيام
اقتباس:
المشاركة الأصلية كتبت بواسطة صول سودان
الاخ صول سودان حبيبنا الغالي وينك ياراجل
لو عايز تظهر
البس لينا اصفر أو اخضر .. عايزيين كتاباتك
يعني لازم عمك تنقو يكتب ...
سامي نورت الكشكول وعايزين مشاركاتك عديل كده وشكرا للتواصل .اقتباس:
المشاركة الأصلية كتبت بواسطة سامي ود العود
كتب معذة احمد علي
بمناسبة جمعة الفار كان قاعد مع اصحابو في المزاد جمب بيت صحبو المقدم امير بمناسبة ترقيتو وكانو قاعدين في مصطبة جمب بيت امير وامير بحكي ليهم انو اشتري عربية وقال اشتريت لي عربية نضيفة بس دايرة مكنة ولساتك قام نطة جمعة الفار قال والله يامير مكنة ولساتك كان ربطهم في المسطبة دي كان مشت.
وكتب سحابة صيف
سلامات .....
أول حاجة...... أمير وصل رتبة مقدم ؟؟؟؟ لا حولااااااااا ... ماعارف أقول شنو ؟
الزمن مشى ونحنا كبرنا ؟ ولا الأمور في السودان بقت غريبة ؟؟؟
عن جمعه الفار ... من ألطف الناس ... وأشهد إني لم أسمعه ولا حتي سمعت عنه رواية فيها كلام سئ .... إنسان رائع تماماً .... ونقي وابيض (بالرغم من سواد لونه ) ...
صداقته مع أمير من بدري جداً .... ودائماً أتذكره في الشارع في عجلة أمير وجمعة مردوف قدامه وخالف رجله في ميزان العجلة .... والشارع كله ينادي فيهم أو يتكلم معاهم ... وهم أصحاب تعليقات ساخرة جداً. وبرضه دائماً في حفلات الديم باليل موجودين بكثرة ... جمعه أصبح جواز سفر لأمير في دخوله لمجتمع الديم ( وقتها صعب جداً تدخل بينهم وتصاحبهم ) .. وأمير جواز سفر ل جمعه لأولاد المزاد ..... والله أيام
الاخوان والابناء /
معذة احمد علي وسحابة صيف :
هذا هو الزمن الجميل يتمثل في أمير وجمعة أولاد المزاد والديم المعروفين ولقد وقفت كثيرا
عند ركوبهم العجلة مردوفين ويشاغل فيهم الناس علي جانبي الطريق مع قفشات وطرائف
لا تنتهي الا بوصولهم المنازل .. حقا ايام جميلة واشكركم بشدة لهذا التواصل الرائع في الكشكول .
في كلية المختبرات الطبية التابعة لجامعة الجزيرة و التي تقع في خاصرة ترب النصاري كانت تقبع شجرة زونيا عملاقة تحمل من الثمار أضعاف ما تحمله أشجار الحي السوداني و ثمارها كبيرة تتدلي من فروعها سهلة الطلوع و تتساقط الثمار الناضجة في دوائر حول الشجرة .. مما يجعل الريق يسيل إشتهاءا لتلك الثمار الحلوه النادرة إلا أن هناك مجنون يسكن تحت هذه الشجرة يدي (قرشو) و هو من المجانين الخطريين و الويل لك إذا قربت من مملكته فإنه قوي مفتول العضلات سريع الجري لا يقدر عليه إلا أسرع و أقوي أولاد جيلنا ... يكفي أن تقول له (قرشو ... قرش الضب) لتجد نفسك تجري أكثر من 5 كيلو في ماريثون جبار لاتقاء شره ... أما إذا أوقعك القدر في يده فعلي الدنيا السلام .. و أضافة الي الضرب المبرح فهناك سلاح مشهور به و هو العض ... سمعنا و نحن أطفال أنه قد عض عسكري في معصم اليد مكان الساعة فأخذ معه الجلد فصار العسكري من يومها يلبس الساعة ليضاري مكان العضه ... نواصل
طبعا مدني تحمل في داخلها الكثير والكثير والكثير من الناس الحلوين وكلامهم حلو ويضحك
ويشرح القلب ويفرح النفس
خاصه المنطقه الصناعيه صينية الصياغ برندات السوق الكبير بجانب محلات ابراهيم
رمضان السوق الجديد دكاكين أستاد مدني شاره اتجاه واحد عند شجرة السماسره للبيوت
والاراضي وهذه الامكان توجد فيها الضحكات والترويح عن النفس
واحنا صغار مع انى شاكى فى دى كنا فى خلوة شيخ الريح لحى السناهير وكان عندنا تسميع اخوكم كان صغير الحجم دخلت فى البرش وهو ملفوف الشيخ قال جيبوا سوسيو ده ومن ديك وعيك ولصق الاسم
سنطه في كبير وفي صغير
انت قاصد ياتوواحد فيهم
وزراع الله يرحمه كان نكته
وعندي مواقف ليه في السعوديه مع عثمان شقي من دردق
في موقف
حصل هنا في قطر مع ابو جقادو
في مطعم بتاع واحد اسمه ابوالخير
المطعم اسمه الفتامينات
ابو الخير ده بحب النقه
جاء ابو جقادو عاوز يشتري عشاء
معاه ضيوف
ابوالخير شبكوا ليك ونسه ساعه
كلها انا لما كنت في باريس ولما كنت في لندن
ولما مشيت استراليا
ابوجقادو زهج قالي اسمع انته ابو الخير والا ابوزنان
زراع في جده كان الله يرحمه
وفي فخري شوقي الصيني قاعدين مع عثمان شقي
طبعا جده الشغل فيها صعب خاصه لو ما مقيم
الناس ديل اتازمت الظروف معاهم
وماعاوزين زراع يمشي منهم
قال ليهم اقعد شنو هنا الواحد لو فطر غداهو في خطر
لأعزاء :
خالد الصول لك التحية ولنا لقاء قريب انشاء الله
هيلمانتو أكبر من ضجة أخوي عزيز عيسي ده
وزير الدولة الزبير محمد عبد الفضيل :
لك التحية يارجل ياغالي وفعلا المحلات التي ذكرتها تطلع منها الطرفة والنكتة والناس الظراف دايما هناك
mahgoub طبعا مشتاق ليك كتير وطولت من الكشكول ياخوي منتظرني ولا شنو .. يعني نقدر نقول في الزمن داك فزيت من خلوة السناهير .
الرجل القيافة أبو عاذر كيفك .. بقصد سنطة بتاع الأهلي في زول غيروا كان بركب موتر من اللعيبة بس هو والاسيد تاني منو الا سمسر وده اكبر منهم ..
لكن أبو الزنان ما خطيرة