إخوتي الأعزاء....تعيش المدينة هذه الأيام أجمل الأجواء الخريفية...حيث رزقنا الله بأمطار تهطل علينا ليلا ونهارا مما أخجل الشمس من الظهور في كبد السماء....صراحة أروع الرمضانات بمدني هذا العام................
عرض للطباعة
إخوتي الأعزاء....تعيش المدينة هذه الأيام أجمل الأجواء الخريفية...حيث رزقنا الله بأمطار تهطل علينا ليلا ونهارا مما أخجل الشمس من الظهور في كبد السماء....صراحة أروع الرمضانات بمدني هذا العام................
بالأمس زرت بعض الاحياء العريقة بمدني .:....زيارات للأهل والأقارب....ولكن مياه الامطار متجمعة حول المنازل بصورة سيئة...الله يعين من انتشار الناموس بالمدينة...اهمال واضح لتصريف مياه الامطار...أين اللجان الشعبية....أين شباب الحي...أين المعتمد...
الله المستعان علي هذه الاحوال المفروض يكون الاستعداد للخريف من شهر خمسه يعني من بداية شهر مايو تبداء الحفريات وتنظيف جميع مصارف المياه في الولايه لالالالالالالالالالالالالالالاحياة لمن تنادي
أمطار متواصلة يوم الجمعة منذ الساعة الخامسة صباحا وحتى الساعة السادسة مساء...
مطرة ليلة على مدني الجملة منذ الساعة التاسعة مساء وحتى الساعة العاشرة ...ثم عاودت النزول مرة أخرى
اللهم لك الحمد والشكر علي هذه النعم التي لاتحصي ربي اني ما انزلت علي من خيرا فقير
صديقي العزيز الجنرال ود الصول
تحية خالصة ومفعمة بالحب والود والتواصل
لظروف مرض والدتي بمستشفي القلب لم اتمكن من مقابلتكم في اجازتي القصيرة التي بدأت منذ منتصف رمضان وحتي امس الثلاثاء 28-8-2012م
خدمتني الظروف بمقابلة أجمل شباب مدني خلقا وثقافة وشخصية وتعاون ود الدرجة ( المتميز ) محمد .
تعارفنا وسلم علي كثيرا عندما عرفته بشخصي وذكر لي ان الشلة المدناوية اقلام المنتدي كل يوم في تلاقي وسمر مستمر وشمعة المنتدي ( بتي مدنية من بينهم )
اتصل بي صديقي وابني الغالي ( حمدتو ) امس الاول معاتبا وشرحت له ظروف الوالدة
كما اسجل اعتذاري لغيابي عن الساحة مدة من الوقت من بيتنا الكبير منتديات ودمدني ..
ساكتب من يوم غدا يومياتي في صباحات ودمدني فترقبوها :
سواق الرقشة الذي اذهلني !!
سواق الاتوس لاعب دولي سابق حمل كاس افريقيا علي اعناقه
شارع عالمي في ودمدني مهمل !
العجور المهجن !
مستشفي القلب العالمي في مدني
اجمل منطقة في مدني
العيون التي قتلت ( عمكم تنقو ) جمال زي ده اصلو ما شفتو
عندما بكيت في حي من احياء مدني !
مدني مدينة سياحية من الدرجة الاولي عالميا ولكن !!
خريف مدني ورحمة ربنا في رمضان
ست الشاي في كبري حنتوب ومنشرحون وسلطة فواطه واجمل الاكلات ( وين ) !
بكرة نبدأ
وعودة !!
عمكم المشتاق ( تنقو ) !
اقتباس:
المشاركة الأصلية كتبت بواسطة عمك تنقو
اهلا عمنا عم تنقو
وحمد لله علي السلامة
منتظرين اليوميات
في صباحات ومدني كانت مشاويري تبدا صباحا من الدرجة الي البحوث الزراعية الي مستشفي القلب في مدخل كبري حنتوب الغربي >
تعمدت في اواخر رمضان وفي جو خريفي نموذجي ان لا استغل الا الرقشات لمتعة الجو وحلاوة الخريف
صادفت يوما احد سائقي الرقشة وكنت دائما استهل حديثي بالسلام والمداعبة لاجد منفذ استخرج منه معلومات لا تتوافر حتي عند حكومة الولاية صدقوني ..
كان يومها الجو خريفا ممتعا وتمكنت في الحديث مع الشاب غريب اللهجة والسنحة والشكل وقلت ليهو انت من اولاد مدني
قال لي لا
من وين
من شرق السودان
شرق السودان وكيف جيت هنا والمناسبة شنو ؟
قال لي تعرف يا اخوي الناس في بورتسودات بتمشي اوروبا واديس واسمرا هروبا من الحر لكن انا بجي هنا مدني كل سنة انا واولادي
ومؤجر في مايو اقضي فترة الخريف هنا ولما الشرق يبرد بنرجع !
طيب العاجبك شنو في مدني ؟
والله مدني دي لو لقت ا( ايلا ) والي البحر الاحمر يعمل منها جنة في الارض
كيف
ياخي مدني دي دايرها ليها 7 لمسات لتكون باريس
وانت شغال شنو
ياخي انت داير تضحك علي
عشان انا هدندوي ولا شنو !
ابدا والله
اقول ليك وانا سايق رقشة
ايوه
انا استاذ جامعي في جامعة البحر الاحمر وتأكدت من بطاقته
طيب لقيت مدني كيف
بلد اوروبي وجمالها في الاطراف والنيل
لكن دايرة ( ايلا ) !!!
ناولته الخمسة الاف اجرة الرقشة وشكرته متجها لمستشفي القلب..
وللحديث بقية في صباحات مدني .
كان هذا الصباح تقلني الاوتوس من السوق الكبير حيث اشتريت الجبنة البيضاء من دكان عوض المشهور والغرنجان والفاصوليا ( الما خمج ) وذلك لزوم السفر حسب توصية المدام
بعد التحية والسلام بدأ المشوار الي الدرجة ثم البحوث حيث منزل شقيقتي ثم حنتوب لمشاهدة منزلي المؤجر كسكن لشركة دواجن وكم وجدت المنزل محاط ببنيات فخمة من جميع النواحي
حيث علمت منهم اطباء من داخل المدينة ومهندسين معاشات وموظفي البورت القدامي ومغتربين خليج وامريكا
لماذا هذا العمران السريع .. السبب واضح الشارع الجديد حنتوب الخرطوم قيام مدينة مدني الجديدة والتي يمثلها مربع (8) الذي اسكنه ( شكارتها دلاكتها )
انشاءات جديدة من محطات بترول ومطاعم سياحية وخدمات علي طول طريق شرق النيل حنتوب الخرطوم وبالمناسبة الاراضي بي هناك طارت السما تقول لي الخرطوم !!!
دار الحديث مع الاخ محمد سائق الاوتوس علي طول الطريق وكان يتمتع معي بعبور كبري حنتوب والجو الخريفي البديع والنيل وتدفقه الفياض والخضرة والينعة واكد لي ان اهل مدني الاصليين جميعهم سكنوا مدني الجديدة شرق النيل
دار الحديث عن مناحي كثيرة وذكر لي بانه خريج لغة انجليزية ترجمة كتابة وحديثا وجاءت الكورة والفرق السودانية ونسبة لظرافته افتكرته هلالابي !
قام قال لي ضاحكا انا مريخابي والوحيد بالمنزل مريخابي
وبقية الاسرة هلالاب ووالدي كان قائد الفرق القومي الذي نال كاس افريقيا 1970م
انت ود منو ؟
انا ود سمير صالح اشهر هاف ماشي في الوطن العربي وافريقيا وقتها ..
والعربية دي حقت ابوي سمير !
وصلت المنزل وتملكني الدهشة وعندما ودعني قرأت بالخط العريض في زجاج العربة الخلفي جانبا :
سمارة ماشي !!
وهذه العبارة لا يفهمها الا اهل الزمن الجميل !!!
بكرة نواصل !
عمك تنقو ... مشكور على السرد الجميلاقتباس:
المشاركة الأصلية كتبت بواسطة عمك تنقو
شطبنا على رائعة سواق الرقشة
واصل تجدنا متابعين في صمت ......
وعودا حميدا
عمو الطيب كل سنة انت والاسرة كلها بالف خير يارب
وربنا يحقق كل الاماني الجميلة
ومااحلي مدني وناس مدني والله ياعمو الطيب
واصل في سرد رحلتك القصيرة في مدني
واحنا متابعين
------
تسلم كتير ياعمو الطيب
تسلم يا أستاذ يا رائع .. وياريت كان الواحد قابلك في فتره كافيه قبل السفراقتباس:
المشاركة الأصلية كتبت بواسطة عمك تنقو
بالجد دقائق قليله .. لكن مشبعه
سرد جميل وتمني المزيد والي الامام
شكرا للاعزاء :
Ahamad algam
ابوعلا
الرائعة مدنية
المتميز ( المميز ) ولدنا
الاخ / الزبير محمد عبد الفضيل
اشكركم بمروركم في صباحات ود مدني .
انسان ود مدني جميل الصفات بخلقه وصبره ويقينه التام برزقه في هذه الدنيا الفانية لذلك يتكلم عن الغلاء وزيادة الاسعار بخجل وحسرة داخلية كامنة , هناك لقمة العيش والعلاج والدواء والتعليم والمجاملات والمناسبات المتلاحقة وبمعني آخر مشغول بنفسه بعيدا عن الترفيه وجماليات الحياة والابداع وافق واسع في جميع مجالات الثقافة والفن والسياسة والرياضة في زمن ود مدني الجميل . هنا ينظر اهل مدني لهذا الزمن من خلال آثار قديمة في الواقع والخيال واصبح كل ما هو مهمل في ام المدائن الجميلة مجرد خاطرة او عادة خاصة الشوارع والحفر وتصريف المياه والانارة والانفلات في الاسعار وتنظيم الاسواق والدور الذي يخدم هذا الانسان الجميل معدوم تماما !!
لفت نظري وسبق ان كتبت عنه مدخل شارع مدني من الخرطوم او من الشرق عند مدخل كبري حنتوب ولفة دوار البحوث الزراعية المتجهة الي سنار وسنجة والدمازين وحدود اخطر المناطق جدلا مع الجنوب !
فالاول مدخل حنتوب طريق تمر به شركات عالمية سوي عن الطريق الشرقي حنتوب الخرطوم او عبر الكبري ولو نظرنا يمينا وشمالا لوجدنا روعة مشاهد خلابة في طبيعتها مجري النيل والخضرة ومنظر مدينة ود مدني ولكم ان تتخيلوا معي بان هذا الشارع لا توجد به لمبة انارة واحدة من الملكية مرورا بالكبري المظلم ليلا ومستشفي القلب الجميل وجامعة الجزيرة حتي لفة الخرطوم ( لا توجد انارة وهي من اولويات وعنوان المدينة والتمدن والتحضر ) ..
ولكن الطريق المهمل تماما لفة البحوث وقديما كانت به علامة اذا كنت تنوي السفر جنوبا الي سنار وسنجة عبارة عن ( مجسم طائرة ) ولكنها ازيلت واصبح الطريق بلا ملامح او اشارة تنبيه حتي توحي لك بان هذا الطريق هو لفة سنار واكرر هنا بعالمية دوار الشارع حنتوب الخرطوم سنار لوجود شركات استثمار وهيئات عالمية وسياسية داخل وخارج السودان تمر بهذا الطريق معدوم الملامح والشبه بصورة يومية ..
مشاققة :
سمعتوا بي حاجة اسمها عكاز في سوق خرفان ود مدني ..
بكرة نواصل .
سرد جميل ممتع .. نتابع المفارقات التي قل أن توجد في العالم وعنوانها السودان دائماً ..
(عكاز في سوق خرفان ود مدني)
دي انا غايتو ياعمو الطيب ما سمعت بيها
منتظرين كلامك عنها ):
-----
تسلم ياعمو الطيب والله
قد يكون لاحظ غيري أن معظم سائقي الاوتوس من ودمدني شرق واعني بذلك قري شرق النيل ابو حراز والرهد بقراه المتناثرة والشرفة والبشاقرة وتمتد القري حتي مشروع الرهد الزراعي وكان حظي هذه المرة مع ( اللخو محمد ) الشكري من قرية بوادي شرق النيل وهو يفتخر كثيرا بانتمائه لقبيلة الشكرية شاب وسيم صغير السن في عمر الصبا وكالعادة ( شلاقة عمك تنقو ) ساقتني للسؤال الروتيني خريج وين يا محمد ونظر لي باستغراب واستخفاف وبسمة وطيبة ومزيج من الاجابات احتفظت لحظتها حسب تعابير وجهه بالاجابة في دهاليز افكار عمك تنقو !!
كانت مشاويري تعتمد علي الاماكن التي اذهب اليها وكانت هذه المرة عديدة نسبة لخروج والدتي من مستشفي القلب وتبعيات عيد الفطر المبارك وكان لا بد ان تطول الرحلة ويطول الحديث مداعبا له بقولي داير لي مرة ( زوجة ) من الشكرية !
رد سريعا انت جنسك شنو من امك وابوك .. وكان ابي من اولاد العمومة لهم ووالدتي اصلها جعلية اصلها من السروراب الجموعية وكان رده من ناحية ابوك مافيك كلام تب !
لكن من ناحية امك بنفتشك (زييييييييين ) بعدين نشوف !
فضحكت ولم اعقب خوفا من اشارته لي بان الدينكا جعليين وحتما من ناحية امي ساكون جنوبي وكان قصدي بذلك المزاح معه برغم ان كلامي لا يستند الي قيمة علمية او شرعية سوي عادات وارث القبائل النيلية والبادية والبطانة وكلها تقع مباشرة شرق ود مدني !
يا اخوي داير لي كرامة لي امي طلعت من المستشفي الصباح ده قلت له ذلك وكان حدسي في محله ورد لي بقولة ( ابشر ) انا اولاد عمي الشكرية في سوق البهائم , اها داير الكريبة ولا السوق المركزي بركات تقاطع السكة حديد بالقرب من محلات آدم ( شية ) ! فاشرت له بالاخيرة وذهبنا هناك وتلقتنا مجموعات من البشر الرعاة اصحاب البهائم ومعهم ( الضباح ملوح بفراره وسكينه ) وكل يمسك بالعربة .. هازول يمين الا تقيف هازول ديل خرفان الخريف ده هازول ما بتلقي احسن من بهايمي ديل واصبحت الاوتوس في رحمة الشكرية وهم يتقاسمونها ونبهت محمد الي ذلك فقال لي اصبر انا ماشي لي الامين ود عمي لزم ووصلنا هناك .. الامين يلبس الصديري والعراقي والسروال المزركش من تحت عند القدمين وصوت العنج ( الما خمج ) والعمة الصغيرة عبارة عن رباط ( غبشة تب ) والشنب العاتي والسكين ( المحوكرة ) في الضراع .
وقلت ( ابلبص ) شوية للاميبن قبل واسطة محمد الشكري سواق الاوتوس فقلت اسمع يا الامين انا ود عمكم من قبيلة الرفاعيين جدي محمود ود زايد ضباح شحم البل سيد القدح الما بكمل وايقنت ان (بلبصتي ) ستنجح حتما ولكنه بادرني :
ات من البلد دي ولا شغال وين وحقيقة نسيت نفسي وقلت ليهو انا مغترب في سلطنة عمان وسكت برهة من الزمن وحينها كان يهمس له واسطتي محمد بان الخروف كرامة لامي خرجوها الليلة من المستشفي ولكن شدني سؤاله فقلت له عرفت سلطنة عمان ! فالتفت لي مستعملا كيس الصعود ليضع سفة ( مدنكلة ) ويرد لي في نفس اللحظة : والله يا ود عمي انا غير السلطنة الزرقاء ما سمعت لي بي سلطنة قبال كده !!
وجائني محمد قال لي اختار الخروف الدايرهو انا اتكلمت معاهو خلاص وكانت عيني اختارت من اول وهلة خروف يقوم بالغرض الوافي من كرامة وفطور رمضان وشية العيد وكمونية ندسها لي تالت يوم وامسكت بالخروف بكل ثقة وهبشت جيبي في هذه اللحظة للتاكد من وجود (المطبقة ) وقدت الخروف من ذنبه مناديا ( اياهو ده ) اها بي كم ؟
فرد الامين سريعا ده بي ( عكاز ) واحد بس !
فالتفت الي محمد واسطتي ورفيقي الي هذه ( المعمعة ) فهمس لي عكاز يعني ( مليون جنيه ) !!!
مشاققة :
العيون التي قتلت عم تنقو في مستشفي القلب !
بكرة نواصل .
اقتباس:
المشاركة الأصلية كتبت بواسطة عمك تنقو
متابعييين ....... بس كونه لاعب دولي سابق دي فطيتها يالخو ام خبائتها في دهاليز افكارك ولا دا اتوس تاني .....اقتباس:
المشاركة الأصلية كتبت بواسطة ابو علا
الصديق ابو علا
تابع الحلقة التانية من صباحات ود مدني
اوتوس سمارة ماشي
ما فطتيتها
بمناسبة فطيتها دي بتعرف لعبة تيحه تيحه
بالمناسبة اللعبة دي والبلّي انعدمت تماما في زقاقات وحارات ودمدني
لك شكري وودي وامتناني للمتابعة والاهتمام .
تسلم .
http://i45.tinypic.com/2ep7ehu.jpg
ايام في الذاكرة من صباحات مدني صاحبتني حتي في منامي واصول الحكايات الجميلة هي غنية عن التدوين لانها ستكون اكثر وضوحا ونضجا وتمكنا في الذاكرة والبوح بها ياتي في غمضة العين وفي السيارة في المكتب انها خاطرة التذوق الحلو تتناولها احيانا صورة وحلم وحقيقة وايقاعي الداخلي ينحاز الي الجمال كليا وفي اجازاتي تكون وظيفة عيوني هي ايقاع كل جميل ولا احب ( عكننة الصباح ) لذلك اربط مشاويري باطراف المدينة بعيدا عن ضوضاء ام المدائن وساقتني الظروف في ممارضة والدتي الحبيبة ( في مركز ودمدني لامراض وجراحة القلب *) ...
http://i47.tinypic.com/2iawv3d.jpg
قل للحبية ود مدني كل شعر الحب وقل للحبية مرحبا تفتح لك الابواب عندما تجد المحبة والجمال والرضا توزع ضوءها عندما تجد الاهتمام باقل المجهودات لانها جميلة واشواق عارية تريد من يلبسها قطعة جمال ولمسة حنان . صباح جديد وبعده صباحات كانت عند هذا المبني الجميل الذي ترونه ( مركز ودمدني لامراض وجراحة القلب ) قلب انسان مدني المرهف ترجمات في دروب الحياة وما اطول دروب انسان مدني من البورت لمشروع الجزيرة للسكة حديد وقطار الوحدة لنادي الخريجين والثقافات المتناثرة هنا وهناك ودمدني بيت الرياضة الكبير الذي خرج منه افذاذ الكرة السودانية ومنها كانت اجمل الفنون قاطبة من المساح وكرومة الي ود الامين وابو عركي البخيت . نمشي في هذه المدينة بمفردات مجدها وتاريخها العريق وفي قطار المجازات اعترف باني وجدت هذا المستشفي الصرح العظيم الانساني جميل جمال ودمدني وزالت عنها بعض من تجاعيد العبوس بموقع هذا المكان العالمي عند مدخل كبري حنتوب غربا وامامه النيل الجاري وخضرة حنتوب تلامسه جامعة الجزيرة الانيقة من الناحية الغربية وشارع عترة المتجه لحدائق مازالت متأنقة في شخصيتها وينعس قلبي داخل هذا المستشفي العاشق لفرح الآخرين ...
من المطار مباشرة كانت التلفونالت تلاحقني الي ان وصلت ام المدائن وكان الجو نموذجيا في هذا اليوم الجمعة العاشر من اغسطس في اواخر ايام شهر رمضان وتحت المطر ارتعشت اوصالي وانا ادلف الي هذا المستشفي الجميل بقيود محددة اعجبتني كثيرا للحفاظ علي كل جميل واطمأن قلبي علي الوالدة في غرفة العناية المركزة في الطابق الثاني برفقة الدكتور الجراح صلاح الدين مصطفي وطبيب عام وسسترات والاخ عبد الرازق الذي خدمني كثيرا وقتها وفيما بعد ...
توالت الزيارات للمستشفي الراقي المؤسس وعلمت ان دكتور محمد الفاتح الجراح المشهور عربيا وافريقيا هو من يقوم بعمليات القلب واندهشت عندما علمت ان المرضي الذين يذهبون الي الاردن والقاهرة ترسلهم الجهات الطبية هناك لهذا المستشفي كونه الكادر الثاني عربيا وافريقيا ايضا من الاجهزة والاطباء والنظام ولحداثته ووجود اشهر الاطباء عالميا في زيارات دورية والقيام ببعض العمليات مجانا لمن صادفه الحظ ...
فاقت امي تماما بعد العملية بتوفيق من الله سبحانه وتعالي واصبحت امي بريئة وضحكتها تجذبني كالطفل امامها وهذا مشهد تصويري لا يمكن وصفه وجائت طبيبة المختبر لتاخذ عينة دم للوالدة وكانت رؤي طبية تمازجت معها سر المهنة وشخصية ملائكية بدر في عمر الصبا وبذكاء فطري غرست الحقنة في يدها عندما نظرت لي الوالدة بكل براءة ( ما تاخدها لي ياولدي ) !!
مشاققة :
بكرة ليكن موعدنا مع هذه القصيدة !!
نسأل الله الشفاء العاجل للوالدة وربنا يديها الصحة والعافية يارباقتباس:
المشاركة الأصلية كتبت بواسطة عمك تنقو
بصراحة روعة الصورة شغلتني عن القراءةاقتباس:
المشاركة الأصلية كتبت بواسطة عمك تنقو
نسأل الله أن يشفي جميع المرضى
نداء لاخونا علقم الغايب عن الشاشة هذه الايام من عبركم عسى المانع خير :
ياريت لو فتحت بوست واتحفتنا بي بجماليات المدينة عبر الصور
متعكم الله بالصحة والعافية جميعا
نسأل الله العلي العظيم الشفاء لجميع مرضي المسلمين وهذا صرح جميل تفتخر به ست المدائن
اشكرك اخي الزبير وربنا يديك العافية
اقتباس:
المشاركة الأصلية كتبت بواسطة ابو علا
اشكرك اخي ابو علا بدعائك للوالدة بالشفاء وربنا يديكم العافية ...
مشاققة
طيب يا ابو علا في انتظار علقم عشان يتحفك بالصور بعدين نواصل !!!
شكرا ابوعلا علي السؤالاقتباس:
المشاركة الأصلية كتبت بواسطة ابو علا
وانا بخير الحمد لله
_____
وان شاء الله نلبي طلب في فتح بوست بجماليات المدينة عبر الصور
عمنا الرائع جدا تنقواقتباس:
المشاركة الأصلية كتبت بواسطة عمك تنقو
متابعين معاك اليوميات الرائعة جدا
بس واصل لينا وماتنقطع
الحبيب الغالي الطيب
اسماً على مسمي عمك تنقو
الف حمدالله على سلامة الوالده
وااااصل ياخى
ويا هلا باجمل الاصدقاء نزار
هلا باللورد ابسفروك
شيخ العرب ما مشتاقين كتير ياخي
وحات النبي صاحبك التلفون يرن ويرن وما برفع لي
عرّس تاني ولا شنو !!
ولا الجامعة حولوها ياربي !
حاضرين نواصل يا نزار وانا بقدر مع ناس الزمن الجميل !
ما بقدر .
ولدي الجميل حمدتو
شكرا للمحادثة والسؤال دائما علي الوالدة
راجعين للصباحات
ياصباح مدني ما تسرع تخفف لي !
مشتاقين ياحمدتو لعضة نادي القضاة
بتذكر !
اخوتي الاعزاء
انتهت الصباحات
والي صباحات جديدة
لكم تحياتي
وشكرا ...
ود الصول بيتك ما ببقى براك
تعال يابا نحن فى انتظارك
نزار عندي صاحبي بخوف ود الصول إسمه زكريا .. قال لي أديه يومين لو ما بان أرجع لي ..اقتباس:
المشاركة الأصلية كتبت بواسطة نزار حسن محمد
خالد بكلم ليك وفاتحة واحدة بتغطس حجرك .. أحسن تسمع كلام نزار ..
شرف عظيم لي أن أجد أخي الحبيب عمك تنقو يتكي علي حيطتي ... وينداح بعطر فواح فيغمر الجميل بشذاه و رائحته الذكية ... شرف كبير لي أن أجده يتحكر في منتصف ديواني ليكرم ضيوفي و يواددهم ويؤانسهم ... فنعم الاخ أنت و نعم الصديق ... ومامحظوظة الشافعة بتاعة المعمل لتنال دعوه الوالدة الحبيبة والتي أتمني أن تكون آخر الالام لها ... كل حزني أنني لم أقابلك فلو كنت أعلم لكنت إحدي البائتين علي جنبات هذا المستشفي الحدث أعصر البرش معك و أكابرك ... كل حبي لهذا الولد المتمرد الذي ما فتئ يحرضني دائما للعوده ... فهو عزيز من عزيز من عزيز خصوصا بعد أن ترك سفروفه وجدعه في قارعة الطريق ليحمل بدلا عنه الحنان و الحب ... فاكديسه قد كتلت له قلبه ... لك مني الانحناءه إحتراما و تقديرا ولك الحب و الود كله أخي عصام حسين و لا أستطيع إلا أن أقول حاااااضر فكلامكم أوامر ... وشيخ زكريا له كرامات وآضحه وبائنه ... إلا أنه لم يأتي لنا فنحن ننتظره كهلال رمضان .... يمكن أن أعود إذا تعافينا من الاكتئاب ... فآدعو معي الله أن يزيل عنا كل مكروه و مكروهه
جبيب الكل ابو الدكتوره انشاءالله يابا يوم شكرك مايجي يالحنين يالطيب يشهد الله بجيتك العيون سهراً هحد والبيت الكبير يادوب صالونه انفتح تعالوووو يابنوت شيلوا الغبار من الكنب وبخور الصالون وجيبوا ترامس المويه البارده والشاى والقهوه ود المطامير جاى كدارى من الشرفه الله يستر ما يخشى التكيلات مدنيه جيبى معاك الاستريو وشرايط النعام ادم والبونى ام... يازول والله النقوله من شدة الفرح ماعرفين اخر انزل دمعات الشوق ساى وياود حسين من زمان مالك ما وريتنا شيخ زكريا ده يلحقنا ويتجدنا ود علقم جيب الوح والدواي لابونا ود الصول واقعدوا بعيداقتباس:
المشاركة الأصلية كتبت بواسطة خالد أحمد الصول