عرض للطباعة
الاعزاء الاعزاء
هذه لفته بارعه منكم لتفقد أخوانكم
ابوبكر ود المازون: حضر للسودان للزواج و قضي فترة حلوه بين الاهل و الاخوان و رجع الي الخليج قبل 3 أشهر.
ابو المهتدي: يتبختر في مدينة ودمدني حيث أن فتح الورشة بتاعتو
عماد الصادق: حسب معلوماتي الي الان في جدة مع أنو في إخبار كتيرة عاوز أوريها ليهو
ماتقول لى دا اللى عامل فيها لعربنا مفتش الحيكومةاقتباس:
المشاركة الأصلية كتبت بواسطة عزيز عيسى
الاخ العزيز عزيز
وينالجندى المجهول
لك الود
شكرا عزيز اللذيذ وانت تتفقد اخوانك واصحابك .. انت لازلت بطيبتك واخلاق ناس زمان .. بخصوص بابكر ودالصول . طبعا بعدما سافرت الحاجة للسودان والحمدلله الولد الكبير اتخرج دكتور واتزوج وجاب ليهو بت خلى اخونا بابكر جد .. ولكن اخونا بابكر القعده في البيت براهو ما بقت ليهو . لذلك فكر يزوج تاني . طبعا صحبانو رشحوليهو واحده سستر بايره اسمها علوية في المستشفي .. طبعا عارف بابكر تفتيحة . قال قبل ما يتورط يقوم يشوف موية البايره دى . مايكون البايره دى طمعانه في العمارة . قال اقوم اعمل ليها امتحان .. صاحبك سأل علوية البايره ( انت ياعلوية امنيتك في الدنيا دى شنو ) طبعا منتظر علوية تقول ليهو عايزه عريس عنده عمارة .... لكن علوية خذلتو وقامت قالت ليهو ( يابابكر امنيتى في الدنيا دى اذا مت يشيلونى للمقابر في سرير دبل ) ومن يوم داك بابكر مختفي من البيت !!!!
ابوالله جابو
اقتباس:
المشاركة الأصلية كتبت بواسطة صالح ابوشوارب
الاعمام .. صالح .. وبابكر ..
لكم التحية والتقدير
وصراحة بوست الخواجة
كان له دور كبير في تغيير
الجوء العام للمنتدي مع انه له يومين
فقد ابعدنا عن الجوء الممل الذي كنا
قد اختنقنا منه .....
*عم صالح لكن ما تشرح لينا قصة
سرير الدبل البمشو بيهو للمقابر ده
لانو الشمار ساخن شديد
والمنتدي بقي كلو شمارات
دمــــــــــــــــــــتم ،،
تحياتي للجميع والشاءاللة المانع خير يا التيمان ودمـــــــــــــــــــــــــــــدني الساحر بازى
الاخ العزيز / الشريف الهندي
سمعتو ولا جابوهو ليك ؟؟
انا محرك 10 عربات شرطه لى البحث عنهم
والخبر بجيبو قريب
قولو
انشاء الله
الاخ الوفى الرائع ابو الله جابو
لك الود والحب وتجدنى فى منتهى السعاده لاتصالك بى .وسؤالك عنى ( ياها المحريه فيك ) يا ابو منار. والود موصول الى الفرده الحبيب الخواجه ود عيسى الذى لم تنسيه بلاد العجم( والهمله والانطلاقه )اخوته فى المنتدى
والتحيه الى كل الرائعون فى المنتدى ازفها لهم مفعمة بالحب والوفاء
وعذرا للانقطاع . والله وحده يعلم ما بعدنا منكم (( الا الشديد القوى ))واقول لابو شوارب العجوز انت من زمن علويه والله لو شفت الفلبينيات العندى تحصل ليك دوخه عديل كده !! بس اخوك بينى وبينك كده يا بطل خايف من الوليه!! كمان خايفين نقنب نلولى فى الشفح تانى زيك يا ابوشوارب !!رأيك شنو يا عزيز الفرده وانت ياود الماحى امرق النصيحه !! كلامى ده صاح ولااقلبا !!!!
عمرة وزوقة
إنت عارف يا ود الماحي كبيرنا دا غشانا دخلنا الغابة وراح زاغ مننا. يعني تمرض علينا..اقتباس:
المشاركة الأصلية كتبت بواسطة Jamal Elmahi
أيه رأيك نعمل عليه أمر قبض هو وخالد هاشم وودالصادق نجيبهم نحاكمهم.
قرار الحكم بتركه ليك وباقي الحضور.
لو عندك أوصافهم نزلها لينا هنا عشان نجيبهم من تقاطيع الأرض.
ود المطامير بعد ما كلمتك عنه ركب حماره وجرى يفنجط في المفازة..اقتباس:
المشاركة الأصلية كتبت بواسطة Jamal Elmahi
تصدق غش الناس بهناك وقال ليهم أبوه العمدة مات ونصب نفسه عمده بدلا عنه..
شفت الزريعة عملت في الزول دا كيف؟
حتى صورته قلعها قلع بالمنجل وشالها دخلها في جرابه المقدود داك ومشى..
أها إن شاء الله تقطع منه ويجي راجع يفتش ليها وما يلقاها إلا عندنا..
الزول دا تاني ما تخلوه يدخل الكمبو
والزريعة دي الله بينه وبينا.
إيه رأيك نعزمو على عسكريم..
اقتباس:
المشاركة الأصلية كتبت بواسطة صول سودان
الأخ العزيز خالد،
شكرا على إطمئنانك لنا على أخبار الفرسان الثلاثة.. والله وحشونا كثير..
ومشتاقين لشوفتهم.
ودالمأذون بنقول ليه هنيئا لك بالزواج وبنعذره لغاية ما يرجع لينا.
أبو المهتدي.. مبارك المحل الجديد.. بس بنقول ليك أوع تستلم بالدينار وتتمقلب..
قالوا الدينار غيروا بالجنية.. عايزك تعمل لي ترتار وعربية سلوك وسورو.
ودالصادق.. أفتكرتو نزل على سنار ومشى على كساب علشان يلحق
موسم البطيخ في الجروف.. طيب وقت إنت يا جنا في جده مالك ما بتدينا طلة.
أخوي رضا،اقتباس:
المشاركة الأصلية كتبت بواسطة رضا حسن محمد
يسعل منك الخير.. أخونا الجندي المجهول أكيد تائه في الربع الخالي
ويبيحث عن الطريق المؤدي الى ودمدني.. الزمزمية بتاعته قالوا ضاعت
منه وموية القربة قربت تخلص.. عايزين نرسل ليهو قوة كبيرة علشان
تبحث عنه وتنقذه..
الله يعيده لينا سالم غانم.
الحبيب ود الصول..ليك وحشه وفرقتك مابتنسد...اقتباس:
المشاركة الأصلية كتبت بواسطة بابكر
ود الصول أحسن تقلّبا وتحلب اللبا...أبوالله جابو ماشاء الله وياواحد الله شباب وفي عمر الزهور(بعد مارفعوا عمر الزهور لخمسين) واليومين ديل مفكرين نعمل زواج جماعي للشباب شلة الانس ...أبو الله جابو ..الخواجه..ود الصادق..عمك تنقو..ود صقير...الفاتح..صول سودان..ود حسن..الرشيد..والعبدلله وطبعاَ خاتنك في اللسته جهّز شارلستونك التريفيرا وتحرمني منك...وعلي بركة الله والرهيفه التنقد...
ود الماحي
لاني منك وفيك وبحلم بي بكرة معاك
دي ما مدني الحنينة انشودة الزمن العتيقة
دي ما البيت الكبير
احيك علي اللفتة البارعة في لم الشمل
العزيز عزيز عيسى
لك أمتناني الكبير وشكري على سؤالك الذي بث في نفسي سكينتها ومنحنى الدافع على التواجد المستمر بينكم .
عبركم نشتم عبق مدني ومنكم نستمد قدرتنا على مواجهة صعاب الحياة فلك تحاياي ودمت بخير .
أنا متواجد وبصورة يومية بالمنتديات ورغم قلة المشاركة إلا أن تواجدي لم ينقطع أبداً وربما يلحظ الكثيرون ذلك ..
وجد أفتقدنا كل من ذكرت من الأخوة الذين كانوا مستقبلينا منذ أن طرقنا هذا الباب ومنهم الأستاذ أبوبكر حامد الذي أتمنى أن يكون بخير والصديق خالد هاشم الذي تقنا كثيراً لحديثه المتأنق وأسلوبه العذب وكذلك المتفرد لواء ..
أتمنى عودة كل الغائبين حتى لاتضيع ملامح هذا المنتدى بكثرة التجديد وينمحي غرسه القديم .
الغالي ود عم عيسى
ربنا يرجع الغايبين كلهم بالسلامة ....
ودوما في رعاية الله وحفظه...
مع كل الود باقة ورد..
يا أبو الله جابو.. صحي أنتو حكاية علوية دي شنو الحايمة في المنتدى اليومين ديل..اقتباس:
المشاركة الأصلية كتبت بواسطة صالح ابوشوارب
عرفنا علوية بتاعة شبارقة عقد عليها.. وعلوية بتاعتي ماتت وشبعت موت..
بس نفسي أعرف علوية بتاعة ودالصول دي من وين..
اللهم أجعله علوية.. أقصد خير.. :D
وفي رواية أخرى قالت علوية:اقتباس:
المشاركة الأصلية كتبت بواسطة صالح ابوشوارب
يشيلوني للمقابر في سرير دبل.. ويدفنوني تحت عمارة
أهم حاجة يا راسكال ما تنسى تشيل معاك كلبشاتاقتباس:
المشاركة الأصلية كتبت بواسطة راسكال
وسلاسل علشان تقيدهم تمام وما يهربوا منك.
ولو إحتجت لوقود وقوات زيادة أخبرنا
بس أهم حاجة تجيبهم لينا وهم معترفين بذنبهم.
وبنقول آمين
هههههه... والله يا بابكر خليتني أضحك من جوه قلبي..اقتباس:
المشاركة الأصلية كتبت بواسطة بابكر[SIZE="5"
بيني وبينك الهملة والانطلاقة والصياعة بنفتش ليها من زمان ما لاقينها..
الجكس زي ناس علوية والفلبينيات بتاعنك تجدهم هنا في بلاد العجم ديل في كل مكان..
وما يدوك الدرب.. بس الله قادر وزارة الداخلية معانا الحجل بالرجل..
كدى أسأل الصائع الثاني خبير الجكس ودالماحي بيديك معلومات أوفى.
غايتو أنا رأيي الزول العجوز دا تقوم توصف ليهو في الفلبينيات تجي بكرهاقتباس:
المشاركة الأصلية كتبت بواسطة بابكر
المستشفى تلقاهو قدامك مصاقر ليهن من الدغش.. بس أعمل حسابك
ما تديهو العنوان.
هو بيني وبينك كدا الزول دا خايف من أم الله جابو.. وكمان مهدداه عديل..
وقالوا الله جابو عامل فيهو جنس عمله..
حالف ما ينوم بالليل وأبوه مجبور يلولي فيه الليل كله..
وبمجرد ظهور الشمس الله جابو يقوم يغمض عويناته..
عارف مواعيد الشغل قربت وعايز أبوه يدقس في المكتب اليوم كله.
غايتو لو كنت في محل أبو الله جابو كنت أرسلته على الألزامية. :D
اقتباس:
المشاركة الأصلية كتبت بواسطة صلاح الدين محمد
والله جيتك ولمتنا كلنا دي بالدنيا..
بالله في أحسن من إننا نحكي مع بعض ونضحك
ونتذكر الماضي علشان ننسى هموم الدنيا..
يا سلام لو تعرف مدى سعادتي بوجودكم معنا..
ويا ريت أخوانا اللي بيجوا يتاوقوا ويروحوا
يسلموا علينا فقط ونطمئن على أخبارهم.
مشكور أخوي صلاح على الإستجابة.
بالمناسبة أخوي الأصغر إسمه صلاح أيضا وموجود الآن في مدني.
وربنا ما يحرمنا منكم
طيب ما تمها حجة.. علشان نقول حج مبرور وسعيا مشكور.اقتباس:
المشاركة الأصلية كتبت بواسطة ابوشوتال
بس أعمل حساب الكشة.. :D
السلام عليكم
كيف ياجماعه كيف الصحه والاحوال والدنيا وكلامها
طبعا انتو ماتشرفتوا بي لسه :cool: لكن انا جيييييييييييييييييييييييييييييييييييييييييييييييت وبسلم عليكم كلكم
كيف ياعزيز كيف اخبارك
زي البعرفك مش :D :D :D
يلا يازول انا طبعا جيت قلت الزول محتاج مساعده وكده النبحث معاهوا
وطبعا يلا جيت ليك وفتحت ليك عيوني قدر كده:eek: وبديت اقراء في الاسامي واذا بي:( :( :(
اتزكرت اني جديده ومابعرفهم كلهم
كدي النسالك الاسامي دي كلها لميتها كيف:confused: والله غايتوا لو نسيت ليك زول دقسسسسسسسسسسسست :D
يلا ياود كل البقدر اعملوا ليك اني اقول ليك الله يقبضك فيهم
أنا غايتو ما معاكم لأنو قالوا عرسكم بالكورة.. ممكن أبقى ليكم مأذون.اقتباس:
المشاركة الأصلية كتبت بواسطة Jamal Elmahi
ودالماحي أضف للقائمة أعلاه أبوالمهتدي.. خالد هاشم.. ودالمأذون.. الأدمن (كبيركم الذي علمكم الملوص).. أمير عبدالباقي.. غابة الأبنوس.. ناصر الباشا.. أبومرام.. الشايقي.. وضياء الدين أحمد..
وكل من يجد في نفسه الكفاءة أن يتقدم.
يا سواح عمك مشغول بيلولي في الله جابو..اقتباس:
المشاركة الأصلية كتبت بواسطة سواااح
كدي إنتظر لغاية ما ينومه.
ولو مستعجل أسأل عمك ودالصول
قول ليهو الزول دا متين يخلص من حكاية اللولاي
ويجي يشرح ليك قصة السرير الدبل.
غايتو جنس بشتنة :D