http://www.arab-x.com/get-1157817844.jpg
عرض للطباعة
حبيبنا ابوعلا والله الطلبيه دي ابراهيم لوقام وقعد ما اقدر
اختار واحده.... والاختصاص ما بتلخبط لانو ما بقدر اعزل
تحياتي احمدحمدتو
كدي ياخوانا شوفو لي وحده من البنات ديل
بس تكون بتعرف تزغرت
جيبوها لي جاي
يابت اديني زغروووته كبيــــــــــــــره
ابــوعـــــــلا
ادّوهو ترقيــــــــــــه
بقى مراااااااااقب
خــــــلاص كلّ المشاريب علي الليلـــه
************
في يوم من الأيام كان محاضر يلقي محاضرة عن التحكم بضغوط وأعباء الحياة لطلابه فرفع كأسا من الماء
وسأل المستمعين ما هو في اعتقادكم وزن هذا الكأس من الماء؟
الإجابات كانت تتراوح بين 50 جم إلى 500 جم.
فأجاب المحاضر: لا يهم الوزن المطلق لهذا الكأس!!!
فالوزن هنا يعتمد على المدة التي أظل ممسكا فيها هذا الكأس فلو رفعته لمدة دقيقة لن يحدث شيء ولو حملته لمدة ساعة فسأشعر بألم في يدي ولكن لو حملته لمدة يوم فستستدعون سيارة إسعاف
الكأس له نفس الوزن تماما، ولكن كلما طالت مدة حملي له كلما زاد وزنه.
فلو حملنا مشاكلنا وأعباء حياتنا في جميع الأوقات فسيأتي الوقت الذي لن نستطيع فيه المواصلة، فالأعباء سيتزايد ثقلها. فما يجب علينا فعله هو أن نضع الكأس ونرتاح قليلا قبل أن نرفعه مرة أخرى.
فيجب علينا أن نضع أعبائنا بين الحين والأخر لنتمكن من إعادة النشاط ومواصلة حملها مرة أخرى.
فعندما تعود من العمل يجب أن تضع أعباء ومشاكل العمل ولا تأخذها معك إلى البيت.
لأنها ستكون بانتظارك غدا وتستطيع حملها
كدي كلنا مع بعض نضع متاعبنا قليلاً و نرتاح في الكوفي و ندردش شوي و اشربوا الكأس التحت دا
http://www.arab-x.com/get-1157876125.jpg
حبيب المميز يا هلا وسهلا فيكاقتباس:
المشاركة الأصلية كتبت بواسطة المميز
يا اخوي نحن قبيييل ما تنفقنا انو عندك بقرة تحمد سيدك و قلنا ما في داعي لي لبن البقالة أب رطل ، تاني جبت سيرة البحر مالك
البنات ديل جابن أخونا حمد هدية للكوفي و إبراهيم لسه ما جاء يستلم الطلبية لو داير ليك واحدة أستني إبراهيم لحدي ما يجي و لا أقول ليك شيل واحدة بس قفل الكرتونة كويس عشان إبراهيم ما يشك في الموضوع بس حكاية الزغاريد دي احسن ـاجلها شوي و لا تشغلها صااااامت عشان ما تعمل لينا ضجة ويجي عمك ود الماحي يحلف يشيل باقي الطلبية .
المميز عقبال ما نشوفك شيخ عرب و مشـــــرف كبير ذي ود حسن ( قول آمين )
ابوعلاء والله العموديه تطير وتقع فى البئر... عمت لى عيونى وعوجة لى ضهرى ...اه انا متنازل منها تب ...وبدور اقديل مع الجنيات لا حسيب ولا رقيب...بعدين انا داير الحق باقى شبابى.. قبل مايلاقنى هازم الذات فيس تو فيس...
شفتك وين...
شفتك وين...
شفتك وين...
بس...
عليك الله يا أبو علا كبايتك دي ما عامله زي شعار الفضائية السودانية !!!
هاههاهاهاهاههاههاهاهاهاهاهاههااقتباس:
المشاركة الأصلية كتبت بواسطة zoolfrda
ابوعلاء ...بسرعه جيب بخور التيمان .. واتصل بالتيمان ..كمان وقول معاى ..ياعين ياعنيه ..ياكافره ..يانصرانيه ..عين الفتاه..تقد الواطه .. وعين الحسود ..فيها عود .. من عين.. زول فرده ومن عين السلامى ...ابوعلاء كدى اتاكد من الحجاب معلق فى مكانه
هوى ياناس ..الكوفى دا ..عدمنا التعريفه الحمراء كدى صلوا على النبى...
مبروك الترقية ابو علا
وتستاهل الاشراف كلو والله
على قفا الترقية ده مافي كدة كباية كبتشينو متوصية
اقتباس:
المشاركة الأصلية كتبت بواسطة نزار حسن محمد
العمودية يا ود حسن أخوي براها بتعرف ناسه زي السخلان وكت يفكوهم المغرب لي أماتم و بتختارهم من وسط الخلوق كما تختار النحلة الزهور المدرة للعسل ... على الحليفة كان كتبت على جلابيتك من ورا ( أنا ما نزار ود الحسن ) تختمك من قدام تشوف وشك الصبوح دا و تتعنكلك ....
براك يا ود الحسن الحلة ما بتبقي و الدار بعدك حيطــــان سااااكت ،،،، و كان أنت تركت العمودية أنا بشيل الكوفي دا و أرحل أوشف لي ديرة تانية ..
بعدين العرس دا يا ود حسن زي شرك الكديس يومو اللي يندرع في رقبتك بتعرف الله حق .... و بصورة واضحة كدي الزواج دا عبارة عن برميل مليان بنزين و من فوق فيه طبقة عسل شووووووية على قدر حظك و يوم ما يكمل العسل البي فوق دا ببق فيك البرميل و بتفتش لي ناس المطافي ما بتلقاهم .... و بيني و بينك العرس دا زاتو واحد من الأسباب الغير مباشرة البتخلي هادم اللذات يلاقيك الصب .....
اقتباس:
المشاركة الأصلية كتبت بواسطة zoolfrda
زول فردة شعار الفضائية السودانية دا مقابلك في العرب سات و النايل سات و الأوربي و في المنتدي كمان و بعد شوية الله يكضب الشينة بلاقيك في القنوات الإخبارية كلها اها يا اخوي بتطير و لا بتقع البير ....
فردة يا أخوي الإمارات دي كان ما فيها بعر حمير تتبخر بيه اشرب ليك جغمة من موية الطملة بتغير معلومات الجواز و بتخلي عيونك زقاء بدل عسلية و تاني كان شفت أي حاجة بتقول بسم الله ما شاء الله براااك .... على العموم لي دور الليلة كان وقعت كباية ساكت انت المسعول ،،،، و أي واحد كان جاتو قبــضة ساااكت البوليس بجي ييدق بابك عموماَ ابقي جاهز يا اخوي سجن الألعاب في أنتظارك
سوار الياسمين الليلة يوم طلتنااقتباس:
المشاركة الأصلية كتبت بواسطة سوار الياسمين
ولع الكوفي شوب و اتجهجهت عدتنا
نططت الكبابي و جاتنا في محلتنا
تتسابق عليك بشوقها جد فضحتنا
كل كباية عايزة تمس حرير يديك
و الفنجان هناك برقة عاين ليك
حتي جك العصير بكل شوق راجيك
من دم قلبو حالف يا سوار يسقيك
الله يبارك فيك يا سوار الياسمين عطرتي الكوفي بطلتك البهية و عقبال ما نشوفك كبيرة مستشاري المشرف العام ..... ولا رايكم شنو يا حضرة المشرف !!!
كان الأماني بإيدي ...
أسقيك من وريدي ....
بس للأسف ما مسجلة في قائمة الطلبات عندي عشان كده شيل الكباية التحت دي كان تبرد عليك حر الكرسي الساخن بس اشربيها سريع قبل ما يجي الفرد و يحيرنا
http://www.arab-x.com/get-1157903365.jpg
يعني يا ابو علا بعد الرد الجميل ده لازم صباحنا يكون جميل زيك يا راقي
صباحك هنا وسعادة وجمال يا ابو علا وبالجد انت تعد اضافة جميلة جدا لمنتدانا
دمتى لينا
اقتباس:
المشاركة الأصلية كتبت بواسطة سوار الياسمين
قالت لي انت إضافة جميلة لمنتدانا الرائع
قلت ليها المنتدي يا سوارنا كل روائع
كان شفتي الشباب كل يوم بجيبو بدائع
و أخواتنا البنات نجمات بيهدو الضائع
اقعدي في الواطة و بكل احترام عديهم
خيراتم كتار ما بحصي فضلاً ليهم
في بأدي الأمر شالونا بي يديهم
زي طفلاً رضيع ختونا في عينيهم
من بعد البشاشة و السلام بي محنة
ورونا الأصول كيف نحترم لأهنا
كان خالفنا زول في رأيوو لا جهلنا
توجيـــــه بي أدب لا أذي لا منــة
كل عضو في المنتدي نجماً تقيل ميزانو
الرأي والفهم و الدين أساس بنيانو
الذوق و الأدب و الشعر بي أوزانو
أصبح لينا والد و بقينا زي أخوانو
الشعر أنقطع وكايو و اصبح سايل
النثر الجميل زي الغصين المايل
الرأي و الفكر لي مدني أحلي جدايل
الدين زي نجم في الليل بيهدي الحاير
كل أقسامنا صافي زلاله حلو خريره
كل مشرف عريس في يمينو حريرة
ابشرن يا البنات ليلة فرحنا الليلة
زي اروع عريس قاد منتدانا السيرة
مراقــب يوصف في مــراقب
اتنيناتهـــم زي الكواكــــــب
نـورتـو منتـدانـا بكميـه مـن المواهــب
زي العسل كلامهم حتى لو كان معاتب
ابوعـلا عقبال مانشوفك باش مراقـب
نزّل الطلبات يلاّ وآخر الشهر نحاسب
:rolleyes:
اها رأيك شنو؟؟
مش بقيت زيّك شــاعر:p
*********
رائع
مبدع
لبق
مشكلتي يا ابوعلا ما بعرف اصوغ الكلمات الممكن تكفيك وتكفي مقامك الرفيع وانا بشكرك لوجودك الجميل معانا في المنتدى
اسمك مميز في الخلوق بنيانواقتباس:
المشاركة الأصلية كتبت بواسطة المميز
قلمك ما بخيب دايماً اصيد نيشانو
يا أب راياً سديد ذي الدهب ميزانو
ايه يعني الشعر لو ما ضبطت أوزانو
***
بينا مودة بينا محبة بي ذكراك يوت بنلاهي
بينا العشرة بيناتنا الصلات حبلاً متين ما واهي
بيني و بينك الحب المفرهد زي خداراً باهي
بيناتنا مافي حساب و انت أطلب سااااهي
اقتباس:
المشاركة الأصلية كتبت بواسطة سوار الياسمين
سوار الياسمين
قديماً قيل كل إنسان يحمل بعضأً من ملامح اسمه
فحسب علمي المتواضع السوار نوع من الزينة و الياسمين أفخر أنواع العبير
فيا عجبي عندما تصنع الزينة من العطور !!!!
فحقاً أنتي سوار يزين معصم المنتدي و عبيراً يضمخ كل بوستاته
عومي و أقدلي زي صيدة الخلا الجفالة
ضمخي بالعبير كل مدنية و حارة
زغردي بالفرح يوم الرجال تتجارا
أركزوا يا شباب الليلة يوم الحارة
عملائنا الكرام
نسبة لقرب حلول شهر رمضان المبارك أعاده الله علينا و على الأمة الإسلامية بالخير و اليمن و البركات
نزف لكم التهنـــئة بمناسبة إفتتاح قسم الحلويات و الوجبات الخفيفة
http://www.up07.com/upload-12/wh_307985224.JPG
كما يسرنا ان ننتهز هذه الفرصة لنزف لعملائنا البشرى بأنه سيتم قريباً إفتتاح قسم خاص بإفطارات رمضان إذ
يحتوى القسم على وجبات إفطار ... عشاء ... سحور
بالإضافة الى برامج دينية و ترفيهية مصاحبة
توجد جلسات عائلية خاصة و أماكن خاصة بكبار الزوار و العزاب
للحجز و الإستفسار يرجي الإتصال بقسم الحفلات الخارجية
ملحوظة
سوف تقام صلاة التراويح أما مدخل الكوفي شوب الشمالي
و كل عام و أنتم بخير
يعني شنو يا ابو علا قاعد تجوع فينا وانا في الشغل عيني طالعة
الله يسامحك بس
دا يا سوار عشان تتخيلي بس أنو رمضان معانا بكون ليه طعم تاااااااني
بس شايف ماحجزتي و لا شيئ يعني ما بتجينا في رمضان و لا شنو ؟؟
احجز شنو ولا شنو يا ابوعلا
انا عايزة من كلو
واكيد رمضان معاكم انتو غير
ينعاد علينا وعليكم
حباب أبوعلا...حباب أخوي
عوارض الدنيا أأألخزين وقفوا بيني وبين الكوفي شوب...القعده معاكم ساي ترد الروح وتشيل الهم والغم..
وماشاء الله اليومين ديل شايف بت أخوي سوار الياسمين مشرّفه الكوفي وتوزع في البسمات شمال ويمين ...أها بعد دا زول داير ليهو شاي وقهوه مافي أبتسامه بس من سوار تظبط الراس وتخلي الواحد يدوبي للصباح...والعجب كان شغلتها معاك الشباب يجوك الاعمي شايل المكسّر ألاّ تقج ليك صيوانات قدام الكوفي عشان تشيل الخلوق وبرضو تكون ريحته أبوها عامله ليهو وجع وش كل يوم وباقيه ليهو حقنه وشوكة حوت لابتنبلع ولا بتفوت....
مشاققه...
أتكل علي ألله وشغّل البنيه معاك وأنا ببقي ليكم سيد اللبن أهل العوض كل يوم بجيب ليكم تمنتين لبن واربعه قزازات سمن بلدي ....
ضفّاري...
أبو علا دحين أأألعشاي الزول كان ماوصلو الابري والحلو مر برضو لازم يصوم رمضان؟؟ ولاّ يرجانهن لامن يصلن وبعد داك يصوم مع الناس ...بس قلتا النسعل أخوي أبوي علا النعمنو بيتكم جمب الجامع...
جمال الماحي
الحمد لله
يادااااااااااااااااااب الواحد شم الهوا
أهلي الزينين
اول حاجة رمضان كريم ..
والله انا مقصر وثم مقصر
وازازي ساااااااااي على الكوفي شوب
خايفكم تودوني الصالح العام او الخاص
المعذرة يا سمحين والله اخوكم ممكون شغل وقراية وحاجات تانية حامياني
وفوق ليهم غربة وشجن
وفوق ليهم كمان وجع ضرس ولي هسع الجضم وارم والشوف خمسطاشر خمسطاشر
والمغالطني يسأل دكتور طلعت
اها كدة بتعفوني من الصالح العام ولا ناكل باستة
مشتاقين كتير والله كدى النشوف جيرنا في الكرسي الساخن
وبجيكم تاني