كفارة ياود المتامير لعمااار والله يعوضك في موبايلك وتبعا رسلت ليك كيس برتقال لعمااار مع المسافر ماينكره عليك ويقوليك يعميني فيه ;)
عرض للطباعة
كفارة ياود المتامير لعمااار والله يعوضك في موبايلك وتبعا رسلت ليك كيس برتقال لعمااار مع المسافر ماينكره عليك ويقوليك يعميني فيه ;)
والله يا تومتي تب ما خزلتيني ويها المحرية فيك ، علا بس انشاء الله جنا الخلا دا يتذكر الكلام دا.اقتباس:
المشاركة الأصلية كتبت بواسطة مدنيّة
عثمان عروة ود المطامير :d
اسم حلو زي صينية الغدا الفيها 3 ملحات
قرع وبامبي واسود :d
المطامير زمان بندفن فيها شنو ياعثمان ؟
أوعة تقول لي أنا من كتائب مايو :d
ملاح البقبق بتكون من شنو ؟ ههههههههههههههههه
ود القبايل الاصلي بالسديري والطاقية والعراقي البلدي مع ريحة الشرفة النيلية والجوير والزلاق
تمثل لنا اضافة جديدة في المنتدي ونكهة خاصة اسمها ود المطامير
وانا من المعجبين بلكنة طين الجروف والحواشات ولمبة الجاز :d
طبت مقاما في الكرسي ايها العزيز ( عروة )
أهلاً بيك يا الحبيب الغالى والله فرحان بجيتك دى شديداقتباس:
المشاركة الأصلية كتبت بواسطة المكاشفى
والجماعه حبايبى ديل ختيت ليهم نفسى كتاب مفتوح لأنى بريدهم شديد وبريدونى مووووت .
والشرفه وناسها الحمد لله عال العال وفى إجازتى الأخيره دى ( قبل تسعه سنوات ) خليتهم فى أحسن حال .. لكن تعال وقول لى إنت ولدنا تب وحافظها تمام يا ريت تعرفنى عليك أكثر وأكثر
وأرجع لى سريع .
الله يسلمك ويسلم ليك كل غالى وعزيز يا أخوى ( مدناوى )اقتباس:
المشاركة الأصلية كتبت بواسطة Madanawi
والحمد لله على إبتلاءات ربنا لنا وعليها صابرون
وعزائى فيها هى مشاعركم الطيبه التى غمرتونى بها
لك كل المحبه والشكر ومن أعماق القلب .
لك حبى وربنا يجعلك ضاحك وباسم دائماً وأبداًاقتباس:
المشاركة الأصلية كتبت بواسطة حسن السيد
ويا عزيزى ح أنقذ الشاب والطفل ح يدخل الجنّه من غير حساب إنشاء الله والجنّه أفضل له من الدنيا أم قدود دى , ونحن فى السودان بنقول على الأطفال شُّفّع يعنى بشفعوا لينا يوم القيامه بإذن الله تعالى وكلما يموت طفل من بين جنبات الوجع بموته بشعر بالراحه لكونه ح يدخل الجنه من غير حساب بإذن الله والله أعلم .
أختى الغاليه .. مرام ..اقتباس:
المشاركة الأصلية كتبت بواسطة moram
وربنا يعينا كلنا على الدنيا ومشاغلها
وتسلمى على السؤال عن حال إبن أخيك , الحمد لله رجع من المستشفى وهو فى أتم الصحه والعافيه
1 .. التدخين .. من وأنا فى سادسه إبتدائى ولحد قبل 12 سنه كنت أدخن بشراهه وهنى كنت أدخن علبتين فى اليوم 40 سجاره وكان يوم وأنا داخل بقاله فى الصباح فى أبوظبى وكانت البقاله مليانه ببنات المدارس وأخوك دخل البقاله ولا داير حاجه بس الزلمات ديل عندهم سماحة بنات .. أها والسجاره بتاعتى ومن غير ما أنتبه تشّت بنت فى يدها لما صرخت صرخة الجن اللحمر وبكت لما أنا قلت لنفسى .. أها بارى البنات سمح .. وغايتو طلعت البنايه ونادت أبوها والناس إتلموا والهيصه قامت وناس المديده حرقتنى يعجبوك وغايتو حلاها ربك وتلك كانت آخر سجاره أدخنها ولسه محتفظ بباقيها لحد اليوم .
2 .. الصفه العاجبانى فى نفسى .. هى حبى الشديد لمساعدة الآخرين ولما أساعد حد ولو ما بعرفو بشعر بشعور رائع جداً جداً وفى نفس الوقت ما من الساهل أطلب المساعده من حد ولو فى حد تبرع لى بالمساعده من تلقاء نفسه مش عارف ليه بشعر بتوتر كبير !! وكمثال ناس التاكسى فى منطقتنا إشتكونى لشرطة المرور قالوا أنا شغال تاكسى بسيارتى الخاصه من كثرة وقوفى للناس وتوصيلهم لوجهتهم فى طريقى بالمجان لأنى بحب مساعدة الآخرين وبشغف شديد .
وحكاية لو عاجبانى روحى ولأ أنا عادى .. ؟ الله يجازى محنك ..
أها .. لما أشوف روحى فى المرايه وأتذكر ود الشليقان العجب بكتلنى .
والله يا مرام .. أنا وأقسم بالله الحق .. متمنى يجى يوم أقيف قدام أى حد وأشوف نفسى أكبر منو !! دائماً بشوف نفسى أقل قيمه من اللى واقف قدامى حتى ولو كنت أنا متأكد إنى أحسن منو فى كل شئ وأى شئ وهذا الشعور لا أخجل من ذكره لأن الحقيقه يجب أن تقال .
أختى الغاليه مدنيه .. تسلمى وربنا إنشاء الله يحفظ لك كل غالى وعزيزاقتباس:
المشاركة الأصلية كتبت بواسطة مدنيّة
والكيس حق البرتقال ماوصلنى لأ نو المسافر الظاهر عليهو هو زاتو عندو نزله وقال محتاج
فايتمين س ويشيل ويقشّر ويبلع .
والله يا .. مدناوينا .. تومتك .. تب ما بتقصراقتباس:
المشاركة الأصلية كتبت بواسطة Madanawi
وبعدين نحنا نسايب ولأ شنو ؟
وحلوه جنا الخلا لكن منو فينا ؟ أنا ولأ عمار ؟
وينك يا عمى تنقو والله مشتاقين عديل كدااقتباس:
المشاركة الأصلية كتبت بواسطة عمك تنقو
ويا زول مالك مجوعنى بالصنيه والملحات اللى بموت فيها دى
المطامير كنا بندفن فيها المعارضين لحكم أبوى العمده .
ملاح شنو قلت لى ؟ يا حلاتو بالعصيده والشطه الخدرا والليمون
ومره أم الوليدات ماعندها ( كُنش ) وقالت تفرك الباميه بالخلاطه
والله لما جابت الملاح بس شافع بطنو خربانه وقعد فى الصحن
وسعدت جداً وأنت تتحفنى بالورود الجميله والحمد لله الذى قدّرنى
على أن أنال رضاك وهذا من فضل ربى علىّ .
عمّى العزيز الغالى .. لك منى كل الحب .
يا عروة عمار دا ما ولدي انا برضو ، جنا أخوي ما جناي ولا رايك شنو يا حبة؟؟؟؟؟؟؟؟؟؟؟؟
بالحيل تب , ودى ما دايره ليها كلام وجنا أخوك يربى فى عزك قبل عز أبوهواقتباس:
المشاركة الأصلية كتبت بواسطة Madanawi
وكلامك دا شرف وفخر لى أنا قبال يكون ليهو ولمّا تصل الأمارات بالسلامه
إنشاء الله أدينا خبر من بدرى يا الحبيب أصلو شوفتك هى منا الروح
ودمت لنا يا غالى
هــــــــــــــــــوووووى ياود المطامير ..غلبتنا فى النسوىمعاك .. دا اسمه الكرسى الساخن ..لكن الشايفه.. عينى بقى عنقريب هبابى..عديل كدى صنقر واستعدل واسمع كلامى دا كويس..
اكيد فى جلسة العصريه زمان لقت مجموعه من الشباب بشربوا العرقوب والدخانه ..احكى بكل صراحه
تجاربك وماتخجل ..الفات مات ..
قبل ما المغترب يقطف حبيبت القلب ...كيف كان شعورك يوم تحدد مواعيد ..زفافه.
قالوا فى كشه قادمه على الوافدين وتحديدا ناس البلديه ...هل انت مستعد للعوده ولا برجاك برجاك
ياجنى برجاك فى محل يوم داك ياابوظبى... بمشى وبجيك راجع
سلام عليكم
والله لكن المولد فاتني ياودالمطاميـــر
اخوك اليومين دي في اجازه مع البنوته وامها
اخدوني عديــــــــــــــــــــــل منكم
غايتو ياخوي ماشايف الجماعه خلو لينا شي غير السلام
وبعدين اختي مدنيــّه واخوي ونزار وكلللل الشباتب بكونو فرموك فرم وما ماقصرو
والزيت زاتو بكون كمل
غايتــو اظن ما فضــل لينــا غير الســـلام
أهــا ســلام عليك اخوي
حبابك وكيفنك
امشي واجيك تاااااااااااااااني
*-*-*-*-*-*-*-*-*-*-*-*-*
مرحبتين وأهلاً مليون حباب عمى العزيز ( نزار )اقتباس:
المشاركة الأصلية كتبت بواسطة نزار حسن محمد
ويا عمى أنا ( أمّى ) الله يحفظها لى دايماً كانت تقول لى
_ ها جنا , اللسان المسلّط دا لا عند أعمامك ولا عند خيلانك جبتو من وين ؟ الجنا دا التقول يوم وزعوا الخجل أكان مافى .. أها
مره بالليل صلّحنا القعده بالطريقه الصاح والحلّه فى النار تجقجق ووالغرفه من السجاير بقت تُكل وبعدما إنتهت القعده والعيون بقت صغار وكل واحد بقى يتكلم براهو طلعنا وأنا معاى إتنين بوصلهم بيوتهم ولما وصلت الراكب قدام نزل ومشيت لحد بيت التانى وهو راكب فى المقعد الخلفى وكان نائم وصحيتو وقلت ليهو يلا وصلنا البيت أنزل وفتح الباب وقفلوا ومشيت ووصلت البيت ونمت وفى الصباح صحونى وقالوا لى فى زول نايم فى عربيتك ولقيتو دا صاحبى زاتو .
مره .. واحد صاحبنا جا من فرنسا للزواج وجاب لينا شئ كدا بس قطرة عيون , ونقطتين فى الكبايه تخلى التور يشخر ويوم عرسو جبنا جق ومليناهو مويه وكسرناهو وقعدنا نهجج والحفله كاربه وموية فرنسا دى خلت كل عين بتشوف براها وإنتهت الحفله وكل واحد شتت أهلو أها جارتنا شالت الجق وقامت بيهو والله بس وصلت بيتهم وفتحت زغاريد للعصر والفريق كلو إتلمى فى بيتها ..
ناس شلتنا ... وبعد القعده تخلص كلهم بتسابقوا على عربيتى عشان أوصلهم وباقى العربات ولا بمشوا عليها ويوم كان معانا ضيف ولكن قاعد معنا ساى وبعد القعده الجماعه ركبوه فى عربيتى قدام ولما شافنى طالع من الغرفه والجماعه متكلنى تِكيل خاف وطلع من العربيه وقالوا ليهو مالك أركب ,, قال ليهم أركب وين ؟ مع البتّكلوا فيهو دا ؟ قالوا ليهو ,, لو عاوز تصل بيتكم أركب معاهو ولو عاوز تتلحس أختار أى عربيه فى ديل .. وركب معاى وفى الشارع وهو خايف شبكنى ليك يا زول حاسب ويازول الهناى ويازول ويازول وزهجنى وقلت ليهو
_ شايف الحيطه ديك ؟
قال لى آى شايفها ,, قلت ليهو معناتها أنا شايف تمام صح ؟
قال لى آى شايف تمام
ودخلت فى الحيطه وقلت ليهو
_ طيب بتتفاصح مالك معاى ... وتضررت العربيه ضرر كبير .
***********************************************
يوم تحديد زفاف الحبيبه .. كان شعور لو طه حسين شرب ليهو دلة شاى كامله ما بقدر يوصفو , جاتنى والدموع حفرت أبوعشرين على الخدود الرويانه وناديه ومفرهده وقالت لى نهرب ولأ ننتحر ولأ شوف لينا أى حل وبكت لما قالت بس وقبل العرس قالت للعريس على كل شئ بيننا وقال ليها
_ ها دا لسه شافع ساى ..
أها لما قالت لى يا نبقى ذى ناس سلمان خان نهرب ولأ ننتحر إتخيلت نفسى ونحن نشاقق بالجناين وناكل فى البصل والجرجير والعجور ونلعب ونضحك لحدما نصل بلداً طيرو عجمى ,, أها تانى قلت كدى النتخيل الإنتحاروالبير قريب من بيتنا وإتخيلت نفسى جايى من فوق وأدق هنى وهنى وأكان وقعت على راسى البحصل شنو وأكان وأكان وصحتنى من خيالاتى وسألتنى ... أها قلت شنو ..؟
وقلت ليها لا الإنتحار بنفع ولا الهروب بفيد واللى يريده الله إبقى مافى مفر منو و ( إتزوجت ) ومن يوميها أنا بقيت بتاع بتاع إلى أن هدانى الله .
الكشه يا عمى مش قادمه دى الكشه جات من زمان وهسى هم بلقطوا فى الوقع بهنى وهنى ولكن نحن لسه شويه علينا ورغم كدا لو جا زلزال بشتغل عتالى أرفع الأنقاض .
وتعال لى سريع ولو داير تانى من حكايات العرقوب قول واللى قلتهم ديل من طرف المخلايه بس
سلام يا عم .
أهلاً بحبيبنا المميز والله فرحان بجيتك لينا ونجيك فى الأفراح يا غالىاقتباس:
المشاركة الأصلية كتبت بواسطة المميز
عِلا كيفن الجماعه ما خلّوا ليك شئ حرّم يا دوبك فضّيت مخلايه واحده بس والمخازن مليانه للعرش تعال ساااى وأكسر شمال لو داير .
أهلاً بيك أخ عزيز وصديق غالى .
يا ودالمطامير والله نزار دا هبش بيت القصيد وعزف على الوتر الحساس ، اها يا اخوي كنت بتدفع الشير ولا مؤهلاتك في شلاليفك شايلن وحايم ولا بتصلح الحلة وبس؟
ود المتامير
ما عندي ليك اي سؤال
لاكن بس جاية اقول ليك الكرسي ده فكو شوية لغيرك
تقول لصقوك بصباع امير فيه
ما معقولة ياخي
قربتى تتم شهر وانت محكر في الكرسي
يا سوار ديل لو مشو لي عرس العريس بمشي شهر العسل وبجي راجع وهم لسه بكونو في بيت العرس اساليني منهماقتباس:
المشاركة الأصلية كتبت بواسطة سوار الياسمين
ود المطامير ما عندي ليك سؤال لكن داير اقول يا اخونا ود المطامير دا شكي وبكي وكفايه عليهو لانو الحكومة حقتو بقت ما لاقيهو
سوار الياسمين مالك يابتنا على ودالمطامير ده اليقعد زي ماعايز عاجبنا قعاده ده .
وانتي وأبوالنور ده شوفوا ليكم شغلة تانية.:mad: :mad:
حمدالله على سلامة عمار.
بالله احكي لينا عن مواقف طريفة حصلت ليك غير الحكيته قبل كدة.
يشغلك بى كبده ونيه قولي اميناقتباس:
المشاركة الأصلية كتبت بواسطة moram
الاحباب ...هذا الاسبوع الاخير لى ود المطامير .. لاتفوته الفرصه ..خليكم قراب ..عشان بداء التجهيز لزعيم التمرد الاكبر اخوانا شبارقه ..خليكم قراب..وفى رعاية الله..
والله يا نزار ود المطامير دا بيستحق جائزة لانو كان الكرسي معاهو ليهو نكهته وانا بقترح انو نعمل ليهو حفلة وداع على نظام دبي بتاع الكريك كروز ولا الديزرت سفاري . وبعدين ما يعمل لينا فيها صامد والله سخن معاهو الكرسي لمن قزاز عربيتو ضرب واتكسر و موبايلو اتسرق وكمان ولدو وداهو المستشفي وغسل عدة الضيوف الفي المنتدى كلهم واواواواواواوا.