مساء ، صباح الجمال

مساء الجماااااااااااااااااال

كان نفسى أقولك من زمان
بى الكاتمو فى سرى .. ومكتـّم فى حشاى
مدسوس سنين
بى الشايلو فى عيني معزّة
وفى القلب
ريداً يخاف الغربة والشوق .. والحنين
زاملنى زى خاطر الفرح
وكتين يقاسم الهم .. عزا
وكتين مدامعى تكون جِـزا
وتفتح مباهج الليل .. ظنون
كان نفسى أقولِّـك من زمان
سطوة محاسنك عندى ما كسرة ..جفون
وكت العيون تعبرنى زى خاطر المسا
سطوة محاسنك ما الرخام .. الفى الحرير
وكت الثغير يفجعنى
بى حرفاً .. قِـسـا
سطوة محاسنك عندى وكتين كبريائك ينهزم ..
لى طيبتى .. بى لفظة حنان
وكتين مشاعرك .. تنسجم فى عمرى
تنفح قلبى بى رعشة أمان
سطوة محاسنك عندى
وكتين شوقى يصبح فى هواك
ليل عزّة
ما بتعرف هوان
كان نفسى أقولك من زمان
عينيك وحاتك غربتى .. وأهلى
وبلادى الفيها ضايع لى زمن
عينيك وحاتك شوقى لى زولاً ولوف
من بعدو ساب عينى .. سهن
وانا كنت داير من زمان
اشرح حكايتى معاك ألف
أحكيك .. وأزيد القول .. إلِفْ
وأتمنى لو قلبك عرف
كان من زمان
من قبل ما فى قلبى يتحكـّر
زمان الغربة فى جرح الأسى
من قبل ما حرف الحقيقة الحلوة
.. يتبدل عسى
ويصبح أمانى كسيرة
.. فى خاطر الحنان

بالله شوفوا الجمال دا كيف!

عينيك وحاتك غربتى .. وأهلى
وبلادى الفيها ضايع لى زمن
عينيك وحاتك شوقى لى زولاً ولوف
من بعدو ساب عينى .. سهن
وانا كنت داير من زمان
اشرح حكايتى معاك ألف
أحكيك .. وأزيد القول .. إلِفْ
وأتمنى لو قلبك عرف
كان من زمان


http://www.youtube.com/watch?v=J0csAmDC7Oc

مساء الجماااااااااااااااااااال

الشال منام عيني
الشال منام عيني
وفؤادي جارحه
إنشاء الله يلاقيني
وبهواي اصارحه
نتقابل الاثنين
واشكي ليه مر البين
لعل قلبه يلين
يعطف علي المجروح
والروح تناجي الروح
والعين تشوف العين
والايد تصافحه
اقول يا حبيبي
متين يبقي تقريبي
متي تبقي حاسيبي
ليك بالمودة ابوح
بين الرياض والدوح
جالسين ومتآنسين
وانا وأب عيون ناعسين
في الحب افاتحه
نقيف في شاطئ النيل
يعطف علي ويميل
واقول له انت جميل
يا بدر نور ولوح
يا زهر عطر فوح
ولا انت اسمك مين
قال في ابتسام ياسمين
عبقت روايحه

http://www.youtube.com/watch?v=VCnRIhsA6lU

صباح الجماااااااااااااااااااااال

صباح الجمال ياملك
وانجوي بالاغنية

http://www.youtube.com/watch?v=WkHsAwStbGc

فاض بي لهيب الشوق وما عارف احوالها
السمحة ست الناس يا ريتني في بالها
مزروعة في جواي وانا لسة في شوقها
محروسة بي يس وقلبي معشوقها
زي نفحة الياسمين سمحة وسمح ذوقها
**********
نار الغرام في الجوف زادن لهيب الشوق
السمحة ست الناس صاحبة معالي وذوق
زي قمرا في دورين ** زي قمرا في دورين
اصلو الجميل معشوق

منو القال ليك بنتحمل فراق عينيك
وحات الريدة يا أسمر
فراقك ثانية ما بنقدر
ولكن غايتو نتصبر
وكل ما نحن نذكر
وكل ما ليك نذكر
تنزل دمعة تتحدر
نرجع تاني نغفر ليك
فراقك يوم بعذبنا
بعادك اه بيتعبنا
وكيفن مدة ما نشوفك
كيفن مدة ما نشوفك
كيفن يعني ما نلاقيك
وعاد يا غالي لما تروح
أنت وراك تروح الروح
بنمشي معاك ونبقى وراك
وبمشي معاك وابقى وراك
ابقى وراك عشان أحميك

http://www.youtube.com/watch?v=SNKB3MdGXJc

مساء الجماااااااااااااااااااااااااال

صباح الجماااااااااااااااااااااااااال

لو خلاص انكرت حبي..
في النهاية .. لا وحبك
لا وحبك لن تكون ابدا نهاية ..
انت عارف نظرتك كانت بداية
و ما اتغيرت..
ما بتغير حبنا.. ناس قالو وشاية

انت وحدك يا حبيبي اخترت قلبي
و كنت حابك..
كنت تتمنى اطيب حسنك
و ازدهي شبابك..
رحت تغريني ..
تغريني بحنانك ومرة تغمرني بعتابك..
كل يوم تزرع حياتي بالامل و يهون عذابي..

كنت في قمة شعوري ..
قلت فيك اجمل غنايا ..
فجأة يتبدل مصيري ..
القا احلامي وسمايا..
لا لا لاوحبك يا وحيدي ..
مستحيل نرضى النهاية..

حبنا اكبر من الدنيا و اطول من سنينا..
فيه من وطني المسالم كلو طيبة و اغلى زينة..
فيه من عاطفتي معنى الكلمة و العشرة الامينة..
نبني للعشاق منارة وتفرح الحزينة...

و برضو يحصل..
تنسى عشك ..
في النهاية ..
لا وحبك لن تكون ابداً نهاية..

[U]لا وحبك[/U]
كلمات حسين بازرعه
الحان وغناء عثمان حسين

http://www.youtube.com/watch?v=DmNrKSeXpUo

شكرا مدنية علي لهيب الشوق يديك العافية ومدني مزروعة في جواي وانا ذدت في شوقها

صباح الجمااااااااااااااااااااااااااال

أنا المظلوم..جافانى حبيب

فراقو حار و هجرو لى لهيب

أنا الحبيت و ما خنت

و لى عهد الوداد صنت

قضيت العمر فى هواهم

نسيت الدنيا الا هم

و لما نالوا مرماهم

جفونى و قالوا حبى جنون

و قالوا كتير العجيب و غريب

أنا الاغرونى بالجنة..و جعلت غرامهم سنة

وهبت الدم للقياهم.. سكبت الروح لنجواهم

اتارى الحب فى دنياهم

خداع و نفاق و ملعب زور

خلاااااص يا قلبى جافوك

نسوا الاخلاص و نسيوك

فحاول انت انساهم

و لا تحفل بذكراهم

و قول للماشى يغشاهم امانة تقول لمن هجروا

فراقكم لينا امر مريب..

صباح الشووووووووووووووق يا اللي من العسل أصفى

ولو بي يدي علاج الناس ( يعني كنت دكتور مثلا )
.
.
.
.
.
.
.
.
.
.
.
.
.
.
.
.
.
.
أخلي في شوووووووووووووفتك وصفة :)

مساء الجمااااااااااااااااااااااال

قلبك ليه تبدل صدا وليه تحول
انا طول عمري مخلص يا اخر حب واول
***
إيه الشفتو مني من حبي وحنيني
ايامي القضيتا من عمري وسنيني
اعبد في جمالك ياملهم فنوني
إنتا خلاص نسيت البينك وبيني
مابنساك وحاتك يا اخر حب واول
***
يابهجت شباب واملي العشت بيهو
سقيتو الطيف حناني وانت حياتي فيهو
روحي حولو حايمة حولو والروح تسال عليهو
قلبي الحب سامي مشغول
ديمه بيهو طول
وحيات شبابك قلبك ليه تبدل
***
قول وحيات عيونك حبك في دمايا
هل انا جوة قلبك وعايش في خيالك
وهل انا لسه عندك حبيبك وكل امالك
ولئ خلاص نسيتني وشاغل غيري بالك
مابنساك وحاتك يااخر حب واول

بعتذر لعشاق الجمال عن عدم تلوين المشاركات
وعدم مقدرتي اضافة الاغاني
لانه الايقونات ماشغالة عندي
فلكم العتبي

بالله لو ممكن

بطلب من راعي /ة البوست
بقيت ما زي زمان

وبهديها لي نفسي

صباح الجماااااااااااااااااااااااال
بعد رجوع الاكواد للعمل :)

اقتباس:

---

المشاركة الأصلية كتبت بواسطة هيثم عبدالعال

بالله لو ممكن

بطلب من راعي /ة البوست
بقيت ما زي زمان

وبهديها لي نفسي

---

اب احمد صباح الجمال

وانجوي مع محمود


http://www.youtube.com/watch?v=khKwbGfc54o